Sunday, November 15, 2015

" အဖုံးလှပ်မိတဲ့ည၊ နောက်တစ်သီးစိုက်မယ့်နေ့" ( သို့မဟုတ် ) " ကျွန်တော်နှင့်အင်တာနက်အလန်းများ " ( ၆ )



တကယ်တော့သာဂိဆိုသည့်လူငယ်လေးသည်ပြဿ     နာကောင် မဟုတ်မှန်းကျွန်တော်သိသည်။သို့သော်ယခုတော့သူ့ပြဿ     နာတွေကိုကြားလာရသည်။

" အစ်ကို့ကောင်သာဂိတော့ရွာနီးချုပ်စပ်မှာတောင်နာမည်ကြီးနေပြီ "

သာဂိတို့ရွာနားကအလုပ်သမားလေးတစ်ယောက်ခွင့်နှင့်အိမ်ပြန်ပြီးပြန်လာစဉ်ကျွန်တော့်ကိုပြောသည်။

" ဟေ-ဘာဖြစ်လို့တုန်း။ ဒီကောင်သီချင်းခွေလည်းထုတ်တယ်။ ဘလော့လည်းရေးမယ်ဆိုပြီးဟုတ်တိပတ်တိတော့မလုပ်ပါဘူး။ဟိုတလောကသူတို့ရွာကစင်တင်ပြဇာတ် က လို့ငါ့ကိုတောင်စီဒီပေးလိုက်သေးတယ်။ "

" အဲဒါတွေကြောင့်မဟုတ်ဘူးအစ်ကို။ အခုနာမည်ကြီးတာကထူးဆန်းတယ်။ နောက်တစ်မျိုး "

" တစ်မျိုးပါလားဟ။ ကဲ-လင်းစမ်းပါဦးကွာ။ ဒီကောင်နဲ့မတွေ့တာကြာတော့သူ့အကြောင်းစိတ်ဝင်စားတယ်။ "

ထိုသို့ပြောပြီးသကာလသာဂိအကြောင်းကိုဖောက်သည်ချသည့်အလုပ်သမားလေးကြောင့်သာဂိအကြောင်းကို ရုပ်ရှင်အလားပြန်ကြားရလေတော့ သည်။

x x x x x x x x x x x x x x x x x

" လိုက်ဟေ့.......လိုက်ဟ။ ကတုံး......ကတုံး "

ရွှေပန်းတောရွာ၏ညအမှောင်မိုက်မှာဆူညံပွက်လောရိုက်သံများထွက်ကျလာသည်။ရွာသူရွာသားများနိုး ကုန်၍တချို့ကလည်းတုတ်တွေ၊ဓားတွေ၊လှံတွေဆွဲကိုင်လာကြသည်။

ပြည်ဘက်မှာကြားဖူးသောကတုံးသည်ရွှေပန်းတောရွာကိုဝင်လေပြီဟု အထင်ရှိ၏။သိပ်တော့မလွယ်။ထိုကတုံးဆိုလည်းဖမ်းဖို့မလွယ်ချေ။ပြီးတော့ထိုကတုံးသည်အပျိုများအိမ်ကိုသာ လာတတ်သည်ဟုသတင်းတွေကဆိုထားသည်မဟုတ်လား။

" ဘယ်နားမှာတွေ့တာလဲ။ ဘယ်သူတွေ့တာလဲ။ "

 တချို့လည်းဗွီဒီယိုရုံအဖြုတ်မို့မအိပ်ကြသေး။ စိတ်ဝင်စားစွာမေးကြသည်။

" အရီးလေးအေးရီတို့အိမ်နားမှာ "

" ဟာ-ဒါဆိုဖြစ်နိုင်တယ်။ အရီးလေးမှာသမီးအပျိုတွေသုံးယောက်တောင် ရှိတာဆိုတော့ဒီကတုံး လာချောင်းတာဖြစ်မယ်။"

တစ်ယောက်တစ်ပေါက်သံများကြားရသည်။ရွာလူကြီးသည်လက်နှိပ်ဓာတ်မီးတ၀င်းဝင်းဖြင့်ရောက်လာ၏။

" အရီးလေးတို့အိမ်မှာခွေးရှိပါတယ်ကွာ။ မဖြစ်နိုင်ပါဘူး "

" ဘာလို့မဖြစ်နိုင်ရမှာလဲ။ ကျွန်တော့်မျက်စိနဲ့မြင်တာ။ စွပ်ကျယ်တောင်ဝတ်ထားသေးတယ်။ ကျွန်တော်ဗွီဒီယိုရုံက အပြန်လူရိပ်တွေ့လို့အရီးလေးတို့အိမ်ကလားလို့ထင်နေတာ။အရီးလေးသားမောင်လတ်ကကျွန်တော်နဲ့ ဗွီဒီယိုကြည့်ပြီးလမ်းမှာသူ့သူငယ်ချင်းတွေနဲ့ကျန်ခဲ့တာလေ။အိမ်မှာယောကျာ်းလေးမှမရှိတာကို။ "

" ဒါဆိုဘယ်ဘက်ကိုထွက်သွားလဲ "

" နောက်ဖေးနွားတင်းကုပ်နားမှာရိပ်ခနဲပျောက်သွားတာ။ ရိုးထဲဘက်ဆင်းပြေးတယ်ထင်တာပဲ။ "

" အားလုံးသတိရှိကြ။ ငါတို့ရိုးထဲဘက်နဲ့ခြံထဲကိုရှာမယ်။ မင်းတို့အိမ်ရှေ့နားကစောင့်ကြည့်နေ။ ခွေးကဘယ်ရောက်နေပါလိမ့် "

ပြောသူပြော၊ရှာသူရှာဖြင့်အားလုံးအလုပ်ရှုပ်သွားကြသည်။အရီးလေးလည်းသူ့သမီးများကိုနှိုးကာ စိုးရိမ်စိတ်ဖြင့်လိုက်ကြည့်နေ၏။အရီးလေး၏ယောကျာ်းကားဆုံးသွားသည်မှာတစ်နှစ်ခန့်ရှိပြီဖြစ်၍ သမီးလေးယောက်၊သား တစ်ယောက်နှင့်အရီးလေးမှာအားကိုးယောက်ျားလေးဆို၍ သူ့သားပင်ရှိ၏။သူ့သားကလည်းညဘက်ဗွီဒီယိုရုံဖြုတ်မှအိမ်ပြန်လာတတ်ရာအလွန်မှောင်မှ အိမ်ကိုရောက်၏။ဒါတောင်ရံဖန်ရံခါလမ်းမှာသူငယ်ချင်းများနှင့်လေကန်နေလျှင်တော်တော်နှင့်အိမ်မရောက်။

" ဟာ-ကြက်ခြံတံခါးပွင့်နေတယ်ဟေ့။ ဒီကောင်ကြက်လာခိုးတာဖြစ်မယ်။"

" ဒါဆို ကတုံးဘယ်ဟုတ်တော့မလဲ။ ကြက်သူခိုးပေါ့။ "

" အဲဒါဆိုရှာစမ်း။ ဒီကောင်ဝေးဝေးမပြေးနိုင်ပါဘူး။ ဒီနားတင်ဝပ်နေတာနေမှာ။ "

သည်သို့ဖြင့်တစ်ယောက်တစ်ပေါက်ပြောကြ၊ရှာကြဖြင့်ရှာလေရာနောက်ဆုံးကောက်ရိုးပုံထောင့်တွင်မှောင် ရိပ်ခိုနေသောစွပ်ကျယ်ချိုင်းပြတ်ဖြင့်ကတုံးပုံလူတစ်ယောက်ကိုဓာတ်မီးရောင်အောက်တွင်မြင်ရလေတော့ သည်။

" ဟာ-ဟိုမှာ။ ဟိုမှာ။ "

" ၀ိုင်းဟေ့။ ချဟ။ ဆော်ကွာ။ တော်တော်အလုပ်ရှုပ်အောင်လုပ်တဲ့ကောင် "

" အေးကွာ။ အိပ်ရေးပျက်အောင်လည်းလုပ်သေး "

" ဟ-နေကြပါဦး။ ဘယ်သူများလဲကြည့်ပါဦး "

ရွာလူကြီးကသတိပေးမှအားလုံးဓာတ်မီးနှင့်ဝိုင်းထိုးလေသောအခါရွာသူရွာသားများအံ့အားသင့် ရလေတော့သည်။မအံ့ဩလျှင်နေနိုင်ရိုးလား။သူတို့ မီးရောင်အောက်တွင်မိနေသူကား။တခြားသူမဟုတ်။

တစ်ရွာလုံး၏အသည်းကျော်၊ ပြဇာတ်အကောင်းဆုံးဆုရ၊ အဆိုတော်ဖန်ဂေါ်လီ၊ ဘလော့ဂါစာရေးဆရာကြယ်စင်သာဂိပင်တည်း။

x x x x x x x x x x x x x x x x x x

" ဟေ့ကောင်သာဂိ။ သေသေချာချာဖြေစမ်း။ ဒါနောက်စရာမဟုတ်ဘူးနော် "

ရွာဦးကျောင်းဆရာတော်သည်သဘောကောင်းသလိုစည်းစနစ်လည်းကြီး၏။လက်ထဲကကြိမ်လုံးသည်လည်း အစွမ်းထက်၏။ခေတ်စနစ် တို့ပြောင်းသော်ငြားဆရာတော်၏ကြိမ်လုံးသည်ခေတ် အဆက်ဆက်ကျောင်းထိုင်ဆရာတော်တို့၏လက်စွဲအဖြစ်ဤရွှေပန်းတောရွာကိုထိန်းကျောင်းလာခဲ့ရာ ဆရာတော်ကိုရိုသေလေးစားသည်ကတစ်ပိုင်း၊ကြိမ်လုံးကိုကြောက်သည်ကတစ်ပိုင်းဖြစ်၏။

သာဂိသည်မျက်နှာကိုမမော့ရဲ။လက်အုပ်ကလေးချီထား၏။ညကဖမ်းပြီးဆရာတော်ကျောင်းကိုပို့သည်။ ဆရာတော်ကမနက်မှရှင်းမည်ဆို၍ ဘုန်းကြီးကျောင်းမှာရွာသားများကသာဂိကိုအပ်ထားခဲ့သည်။တချို့သာ ဆရာတော်နှင့်သာဂိကိုစောင့်အိပ်ကြ၏။

" တပည့်တော်ညကဗွီဒီယိုသွားကြည့်ပါတယ်ဘုရား။ အဲဒါအပြန်မှာဗိုက်ဆာနေတုန်းအရီးလေးသားမောင်လတ် နဲ့တွေ့တော့မောင်လတ်ကသူတို့အိမ်အောက်ထပ်က၀င်ရလွယ်တယ်။ချက်ကိုလက်လျှိုပြီးနှိုက်လို့ရတယ်။ မီးဖိုချောင်ထဲမှာထမင်းနဲ့ဟင်းရှိတယ်။အိမ်ကခွေးကသူသွားလေရာလိုက်လို့သူ့နားမှာခေါ်ထားတယ်တဲ့။ သူ့အမေနဲ့ညီမတွေမနိုးအောင်ဝင်စားပါဆိုပြီးပြောလို့အိမ်ထဲဝင်၊မီးဖိုချောင်မှာဟိုရှာဒီရှာ နဲ့အိုးတွေ့လို့အဖုံးလှပ်နေတုန်းဗြုန်းဆိုကိုဝင်းမောင်ရယ်ထအော်တာနဲ့ လန့်ပြီးနောက်ဖေးကိုဝင်ပြေးတာပါဘုရား။ တပည့်တော်မညာပါဘူး။ "

" ဒါဆိုမောင်လတ်ကသက်သေပေါ့။ ခေါ်စမ်းမောင်လတ် "

" ညကတည်းကဗွီဒီယိုသွားကြည့်တာပေါ်မလာသေးပါဘူးဘုရား။ တခြားရွာကသူ့သူငယ်ချင်းအလှူရှိတာပါသွားလားမသိပါဘူး။ဒီနေ့ သွားမယ်ပြောထားတာ "

အရီးလေးက၀င်ဖြေတော့သာဂိမျက်နှာပျက်လေပြီ။

" အရီးရယ်။ အရီးလည်းကျွန်တော့်အကြောင်းသိသားနဲ့။ ခိုးဖို့မှမဟုတ်တာ။ ဗိုက်ဆာလို့ဝင်တာပါ။ မောင်လတ်သာရအောင်ခေါ်ပေးပါတော့ဗျာ။ "

ရွာသားမျာျးလည်းလှုပ်လှုပ်ရှားရှားဖြစ်နေလေပြီ။သာဂိအကြောင်းကိုသူတို့သိသည်။ပျော်တတ်၊နောက်တတ် တာကလွဲလျှင်ဘာမှမရိုးသားတာ မလုပ်။ပြီးတော့ပစ္စည်းခိုးရအောင်ကလည်း သူ့မိဘများကချမ်းသာလွန်း၍နိုင်ငံခြားတောင်ထွက်အလုပ် လုပ်ခိုင်းထားတာသာကြည့်။

သို့သော်မည်သို့ဖြစ်ဖြစ်သူများအိမ်ထဲညဘက်အချိန်မတော်ကြီးရောက်နေသည်။မိန်းမပျိုလေးများလည်းရှိ သည်။သင်္ဃန်းစီးထားသည်မှာ မကြာသေးသောသာဂိသည်ကတုံးနှင့်မို့ပြည်ကကတုံးနှင့်လည်း ပုံမှားခံထားရသေးသည်။ပြစ်မှုများကားမနည်း။မောင်လတ်မှမရောက်လျှင်သာဂိကိုမြို့မှရဲသို့အပ် ရတော့မည်။

" ဒီလိုလုပ်ကွာ။ သာဂိအကြောင်းလည်းမင်းတို့သိသားပဲ။ ငါလည်းဒီရွာမှာနေလာတာကြာပြီ။ ဘယ်သူဘာလုပ်လဲကအစငါသိနေတာပဲ။ ဒီတော့မင်းတို့လည်းကျေနပ်အောင်၊ ဒကာမကြီးဒေါ်အေးရီလည်းစိတ်ရှင်းအောင်ဘုန်းကြီးတစ်ခုဆုံးဖြတ်ပေးမယ်"

" ကောင်းပါတယ်ဘုရား "

အားလုံးကထောက်ခံသည်။သာဂိလည်းအားတက်လာ၏။

" မင်းတို့ကိုမဲပေးခိုင်းမယ် "

" ဟင်.....ဘယ်လိုကြီးလဲ။ ဒါကနိုင်ငံရေးမှမဟုတ်တာ "

" မင်းတို့ကသာဂိကိုယုံတယ်ဆိုရင်၊မြို့မပို့ရဘူးဆိုရင် အမှန်ခြစ်လေးတွေခြစ်ပြီးငါချထားတဲ့မှန်ပုံးထဲကိုထည့်ရမယ်။ သာဂိကိုမယုံဘူး။ ရဲလက်အပ်ဆိုရင်အမှားခြစ်ပြီး သစ်သားပုံးထဲကိုထည့်ရမယ် "

" အဲဒီမဲပေါ်မှာမူတည်ပြီးသာဂိကိုရဲလက်အပ်မအပ်ဆုံးဖြတ်မယ်။ ဘယ်လိုသဘောရလဲဒကာမကြီး "

" ကောင်းလှပါပြီဆရာတော်ဘုရား "

အရီးလေးကားဆရာတော်၏စကားကိုလိုက်နာလေပြီ။

x x x x x x x x x x x x x

သည်သို့ဖြင့်ရွှေပန်းတောရွာတွင်သာဂိနှင့်ပတ်သက်၍သူခိုးလား၊လူကောင်းလားဆိုသည့်ဝိ၀ါဒကွဲပြားစေရန် မဲပေးပွဲကိုရွာဦးဆရာတော်ကျောင်းမှာ စတင်လေတော့သည်။

ဆရာတော်ကမတူညီသောမဲပုံးနှစ်ပုံးကိုအခန်းလွတ်တစ်ခန်းထဲသို့ထည့်စေ၏။ပြီးမှတစ်ယောက်ချင်း ၀င်ကာမဲပေးရသည်။

ထိုသို့မဲပေးသောအခါတချို့ကလည်းအမနာပတုတ်၏။သူတို့မှမပေးလျှင်သာဂိအဖို့ခွေးလုံးလုံးဖြစ်ပြီ ဆိုသူကတစ်မျိုး၊သူတို့မဲသည်သူတို့အသည်းကြားမှလာသည်ဖြစ်၍သာဂိသာမကသူ့ဆွေမျိုးများပါမျက်နှာ ရစေနိုင်သည်ဟုဆိုသူကတစ်ဖုံ၊ပေးကြည့်လေ၊သာဂိသူခိုးကိုတမင်လွှတ်ပေးသလိုဖြစ်မှာပေါ့ဟုသာဂိမိဘများ စီးပွားရေးကောင်းနေသည်ကိုမနာလိုသူတို့ကတစ်မျိုး၊ထိုမဲကြောင့်သာဂိဘ၀တစ်ခုလုံးပြောင်းသွားနိုင်သည် ဟုအာပေါင်အာရင်း သန်သန်ဖြင့်ပြောဆိုနေကြသည်ကတချို့စသည်ဖြင့်စုံလင်လှတော့၏။

ရွာရှိလူကုန်မဲပေးပြီးပြီဆိုသောအခါဆရာတော်ကရွာလူကြီးကိုသက်သေထား၍မဲပုံးများကိုရေတွက်စေ၏။

သာဂိကားမျက်နှာငယ်လေးနှင့်မဲများကိုကြည့်နေလေသည်။ပြီးတော့ပါးစပ်မှလည်းတတ်သလောက်၊ မှတ်သလောက်ဆီမန်းမန်းကာဂါထာတွေရွတ်သေး ၏။

သည်သို့ဖြင့်မဲရေတွက်သည်ကိုစောင့်ကြ၏။ဆရာတော်ကားမောင်လတ် အပြန်ကိုစောင့်ချင်သေး၍ရှိထားသည့်မဲများကိုရွာလူကြီးအားဖြည်းဖြည်းရေတွက်ခိုင်း၏။

ထိုအခါရွာလူကြီးသည်မဲရေတွက်ပုံကိုစလိုးမိုးရှင်းပုံစံဖြင့်ရေတွက်တော့၏။ရွာလူကြီးအတွက်ထိုခွင်ကို မိသွားစေသောအချက်လည်းရှိ၏။တချို့မဲများသည်ကားမှန်သလိုလို၊မှားသလိုလိုခြစ်ထားသည်လည်းပါရာ မရှင်းဟုဆို၍ဘေး ဖယ်ထား၏။ပြီးမှပြန်ရေမည်ဟုပြော၏။

ထိုသို့မဲရေတွက်နေသည့်ကြားထဲဘုန်းကြီးကျောင်းလာလည်သောဧည့်သည်များရှိကဘုန်းဘုန်းကလက်ခံ စကားပြောနေ၍ရွာလူကြီးမှာစောင့်ရသေး၏။ ထို့အပြင်မြို့ရောက်နေကုန်သောရွာမှပြောင်းသွား သူများလာသောအခါမှာလည်းသူတို့ပါထည့်ချင်၍ဆိုသောအခါဘုန်းကြီးကချင့်ချိန်ပြီးမှခွင့်ပြုသင့်သူကို ခွင့်ပြုလေရာအချိန်ကပိုကြာလာ၏။

" လူကြီးရယ်။ ဆရာတော်ကဖြည်းဖြည်းရေဆိုလို့ရေတာ လည်းရေပေါ့။တို့လည်းအိမ်မှာအလုပ်တွေနဲ့ဟ။ တလင်းထဲမလည်းစပါးတွေနဲ့။ မိုးကောက်ရွာချရင်ဒုက္ခကရောက်ဦးမယ်။"

" ခင်ဗျားတို့ကလည်းဗျာ။ ဆရာတော်ကမှားမှာစိုးလို့ပါဗျာ။"

ရွာသားများလည်းဆရာတော်နှင့်လူကြီးမျက်နှာကြောင့်အောင့်ကာနေရလေ၏။သည်သို့ဖြင့်မဲရေတွက် သည်မှာနောက်ထပ်သီးထပ်သီးနှံများစိုက်ပျိုး၍ ရအောင်ကြာသည်ဟု ရွာသားများကရေရွတ်မြည်တမ်းတော့မှပင်အဆုံးသတ်ဖို့ကိုရောက်လေ၏။

" ကဲ-အားလုံးပဲခင်ဗျာ။ မဲရေပါတော့မယ် "

ရွာသားများကားအားလုံးငြိမ်သက်သွားတော့သည်။သာဂိကားဘုရားစာကို စိတ်ထဲကကျိတ်ရွတ်နေ၏။မှန်ပုံးထဲမှာကားအမှန်ခြစ်ပါသည့်မဲများကိုမြင်နေရသည်။ပုံးအပြည့်နီးပါး။

သစ်သားပုံးကားမမြင်ရ။ထို့ကြောင့်မှန်းရခက်လှသည်။

ရှိသမျှမဲအားလုံးကိုရေတွက်၍ပြီးသောအခါ.......

" ဟုတ်ကဲ့။ အမှန်ခြစ်ဘက်ကမဲအပြတ်အသတ်နဲ့နိုင်ပါတယ်ခင်ဗျာ "

" ဟေး "

သာဂိကိုရွာသူရွာသားများဝိုင်း၍ပြေးဖက်ကြ၏။ အရီးလေးတို့မိသားစုကလည်းပျော်ကြလေသည်။ရိုးသားသူများမို့အပြစ်မရှိသူကိုဒုက္ခမရောက်စေချင်ကြ။

ထိုစဉ်မှာပင်ကျောင်းအ၀ကိုလူတစ်ယောက်ရောက်လာလေသည်။

" မောင်လတ် "

ဆရာတော်၏အသံကိုကြားမှအားလုံးကလှည့်ကြည့်ကြ၏။

" ဟာ-ဟေ့ကောင်မောင်လတ်။ လုပ်ဦးဟ။ ဒီမှာငါဒုက္ခရောက်နေတာ။ တော်သေးတာပေါ့။ မဲကလည်းနိုင်၊ မင်းလည်းပြန်လာလို့ "

မောင်လတ်သည်မဲကိစ္စကိုနားမလည်။ဘာတွေဖြစ်နေမှန်းပင်မသိ။သည် သို့နှင့်ဆရာတော်နှင့်ရွာသားများကအကုန်ဝိုင်းရှင်းပြမှသူပါကူရတော့သည်။

" ဟာ-သာဂိကရွာကငယ်မွေးခြံပေါက်ဗျာ။ ကျွန်တော်တို့နဲ့ဆွေမျိုးလိုနေတာ။ကျွန်တော့်နှမတွေဆိုလည်းသူ့နှမတွေလိုမို့ဒီကောင်ဗိုက်ဆာတာကို သွားစားလို့လွှတ်လိုက်တာပါဗျာ။ကျွန်တော့်အမှားပါ။ကျွန်တော်ပါလိုက်သွားရမှာ။ပြီးတော့ဗွီဒီယိုကြည့်ပြီး အပြန်အရှေ့ပိုင်းကဖိုးချွန်တို့အိမ်ဘက်ပါသွားတာ။မနက်ကျတော့နိုးတော့ဟိုဘက်ရွာအလှူရှိတာနဲ့ ထလိုက်သွားတာလေ။အမေတို့ကိုပြောပြီးသားဆိုတော့ညနေပြန်လာမှ  ပဲပြောတော့မယ်ဆိုပြီးပါသွားတာ။ထင်တော့ထင်သား။ရွာမှာညကသူခိုးဖမ်းတယ်လို့ဟိုဘက်ရွာက လူတွေပြောတော့ငါတောင်ညကဗွီဒီယိုကြည့်ခဲ့ပါသေးတယ်လို့ပြောခဲ့တာ "

မောင်လတ်စကားအဆုံးမှာအားလုံးနားလည်လာတော့သည်။

" အေးလေကွာ။မင်းတို့လူငယ်ချင်းကယုံပေမယ့်အခြေအနေကရှိသေးတာကိုးကွ။ငါလည်းသာဂိကို ယုံပေမယ့်အများယုံအောင်တော့ပြရသေးတာ။ဒါနဲ့သာဂိ။ မင်းညကဘာစားလိုက်ရသေးလဲ "

" ဘုန်းဘုန်းရယ်။ ဟင်းအိုးကလေးကိုအဖုံးကလေးလှပ်ကြည့်ရုံလေးပါ။ စားတောင်မစားရသေးပါဘူး။ လက်နဲ့လည်းနှိုက်တာမဟုတ်ပါဘူး။ခိုးလည်းမခိုးပါဘူး။ တကယ့်ကိုလှပ်ကြည့်ရုံကလေးပဲလှပ်ကြည့်တာပါ။ နောက်ကအော်သံကြားလို့ပြေးရတာပါပဲ "

သာဂိစကားအဆုံးဆရာတော်နှင့်ရွာသားများရယ်ကြ၏။

" ကဲ...ကဲ။ မောင်သာဂိသည်ဟင်းအိုးကိုအဖုံးလှပ်ရုံ လှပ်၍နှိုက်လည်းမစားခဲ့ရပေ။ ထို့ပြင်အများ၏ယုံကြည်မှုမှာလည်းမောင်သာဂိသည်သူများပစ္စည်းကို အချောင်ခိုးယူလိုသောသဘောမပါဘဲဗိုက်ဆာသောကြောင့်သာပိုင်ရှင်၏သားဖြစ်သူမောင်လတ်ကို ခွင့်တောင်း၍သွားရောက် စားသောက်ခြင်းကြောင့်.."

" အဖုံးလှပ်ရုံကလေးပါဗျာ။ ခိုးမစားရသေးပါဘူး "

သာဂိဖြတ်ပြော၍ရွာလူကြီးကမျက်စောင်းလှမ်းထိုး၏။

" သွားရာက်မစားသောက်မီအဖုံးကိုလှပ်မိသောကြောင့် ယခုကဲ့သို့ဖြစ်ရခြင်းဖြစ်ရာမောင်သာဂိတွင်အပြစ်မရှိဟု ယုံကြည်သောကြောင့်ဤကိစ္စကိုဤနေရာတွင်ပင်အပြီးသတ်လိုက်ပါသည်။ အားလုံးကိုကျေးဇူးတင်ရှိပါကြောင်းခင်ဗျား။"

ရွှေပန်းတောရွာဘုန်းကြီးကျောင်းတွင်ထိုနေ့ကလက်ခုပ်သံများစည်ကားနေ၏။

အမှားကိုအမှန်ကနိုင်သောနေ့ဟုလည်းဆိုကြ၏။

အဖုံးကိုလှပ်သောညဟုလည်းယခင်ညကအဖြစ်အပျက်ကိုဆိုကြ၏။

နှစ်သီးစားစပါးစိုက်၍ရသောမဲရေတွက်သည့်နေ့ဟုလည်းဆိုကြ၏။

မည်သို့ဆိုစေထိုအဖြစ်အပျက်၏နောက်မှာတော့ကျွန်တော့်အချစ်တော်သာဂိကားရွှေပန်းတောရွာတင် သာမကရွာနီးချုပ်စပ်အထိနာမည်တော်တော်ပေါက်၍နာမည်ကြီးလေတော့သတည်း။              ။

 သားလတ်
 ၂၂း၄၀ နာရီ( စင်ကာပူစံတော်ချိန် )
 ၁၃.၁၁.၂၀၁၅

Monday, October 19, 2015

" စိန့်မာတင်ဒရိုက်ဗ်ပေါ်ကအိပ်မက်များ "



တကယ်တော့ရွေးကောက်ပွဲမှာမဲပေးခွင့်ဆိုတာလူတိုင်းရနိုင်တဲ့အခွင့် အရေးတော့မဟုတ်ပါဘူး။အသက်ရယ်၊အချိန်ရယ်၊နေရာရယ်၊ဆန္ဒရယ်အားလုံးပေါင်းစုံမှရတတ်တာမျိုးပါ။
ဒါပေမဲ့ကျွန်တော်တို့နိုင်ငံအတွက်ကျတော့ရွေးကောက်ပွဲကော်မရှင်ရဲ့ မျက်လှည့်ပြမှုကိုပါထည့်ပြောရမယ့်သဘောဖြစ်နေပါတယ်။မဲစာရင်းထဲပါသူပါ၊မပါသူ မပါကိုး။

ကျွန်တော်တို့လိုမြန်မာပြည်ရဲ့အဝေးကလူတွေအတွက်လွန်ခဲ့တဲ့လတွေ ကတည်းကမဲစာရင်းကိုမြန်မာပြည်ကိုလှမ်းစစ်၊ပထမတစ်ခါမှား၊ဒုတိယ တစ်ခါပြန်စောင့်၊ဒီဘက်မှာလည်းပုံစံ(၁၅)ကိုစင်ကာပူနိုင်ငံဆိုင်ရာမြန်မာသံရုံးကိုပို့ဖို့လုပ်နဲ့
စအားထုတ်ခဲ့ရပါတယ်။

နောက်တော့နာမည်မဲစာရင်းမှာမှန်မှန်ကန်ကန်ပါလာပြီဆိုတော့မှဒီဘက်ကပုံစံ(၁၅)အတွက်
သံရုံးရဲ့တုန့်ပြန်မှုကိုပြန်စောင့်ရပါတယ်။သံရုံးကဘာမေးလ်မှပြန်မလာတော့မှသူငယ်ချင်းအကူအညီနဲ့
ပင်နင်ဆူလာပလာဇာကနေတစ်ဆင့်စာရွက်ကိုပို့ရပါတယ်။

နောက်ဆုံးတော့မဲပို့နိုင်တဲ့လူစာရင်းမှာပါလာပြီဆိုမှသက်ပြင်းချရတာပါ။
ဒီလိုနဲ့စင်ကာပူကမဲပေးရက်ကအောက်တိုဘာ (၁၅)ကနေ(၁၈)ရက်နေ့ အထိဆိုတော့ပိတ်ရက်ဖြစ်တဲ့တနင်္ဂနွေမှသွားပေးမလို့စီစဉ်ထားပါတယ်။ ကျွန်တော်ကဒီတစ်ပတ်ပရောဂျက်အသစ်ကိုရောက်ပြီးစနေပါစဆင်းရမှာမို့တနင်္ဂနွေကိုခက်မယ်မှန်း
သိပေမယ့်ရွေးခဲ့တာပါ။

ထင်တဲ့အတိုင်းပါပဲ။မဲပေးဖို့အခွင့်ရှိတဲ့လူ၂၀၀၀၀ကျော်မှာကြာသပတေး ၊သောကြာကလူနည်းပြီးစနေမှာလူများတော့သောကြာညမှာကတည်းသံရုံးရှိရာ Saint Martin's Drive လမ်းနဲ့အဲဒီလမ်းကအထွက် Tanglin လမ်းမပေါ်မှာပါညအိပ်စောင့်တဲ့မဲပေးချင်သူတွေနဲ့ပြည့်နှက်လို့သွားပါတော့တယ်။

ဒီလိုနဲ့စနေမနက်နဲ့စနေတစ်နေကုန်မှာညဘက်တန်းစီးထားသူတွေမဲပေးတာမကုန်တော့သံရုံးဟာ
တိုကင်စနစ်နဲ့တစ်ရက်ကိုသုံးထောင်ဆိုပြီးစဖြတ်ရပါတော့တယ်။အဲဒီအတွက်စနေမှာလူသုံးထောင်ကို
မဲပေးခွင့်ပေးခဲ့ပြီး တနင်္ဂနွေလူသုံးထောင်စာကို တိုကင်ဝေလိုက်ပါတယ်။ပြီးတော့တနင်္လာလူသုံးထောင်စာကိုစနေည၈နာရီခွဲမှာထပ်ဝေမယ်လို့
ကျွန်တော့်သူငယ်ချင်းဆီကသိရပြီးအလုပ်ကပြန်ရောက်ရောက်ချင်းကားငှားလို့ပြေးရပါတော့တယ်။
တကယ်လည်းလူကများနေပြီးသံရုံးနားကTanglin Road ကိုရောက်တဲ့အခါ စနေမဲပေးရမယ့်လူစာရင်းမကုန်သေးဘဲတနင်္လာအတွက်တိုကင်လာစောင့်သူတွေကပါနောက်တစ်တန်း
အဖြစ်ရှိနေပါပြီ။

ကျွန်တော်တို့စောင့်နေတဲ့ကာလမှာကိုပဲVolunteersတွေကစားစရာ ၊သောက်ရေ၊ဆေးဝါးတွေအခမဲ့လိုက်ဝေ၊မဲပေးပုံကိုရှင်းပြနဲ့ကျွန်တော်တို့မြန်မာတွေကိုယ့်ဘာသာ
ကိုယ်ထူကိုယ်ထလုပ်ကိုင်နေကြတာအားရစရာပါပဲ။
ဒီလိုနဲ့ည၈နာရီခွဲမှာတိုကင်စာရွက်ရပါတယ်။

တကယ်တော့စနေ၊တနင်္ဂနွေမှာအချိန်ရရင်ပေးချင်တာကိုလူများတာရယ်၊ မဲပေးဖို့စနစ်ကအဆင်မပြေတာရယ်ကြောင့်ဒီနှစ်အတွက်ခွင့်ကုန်နေပေမယ့်တနင်္လာကိုခွင့်ထပ်ယူပြီး
ပိုက်ဆံအဖြတ်ခံကာမဲပေးဖို့စီစဉ်ခဲ့ပါတယ်။

တနင်္လာမနက်လေးနာရီမှာအိမ်ကထ၊ကားငှားပြီးသံရုံးနားရောက်တော့ လူတန်းကအရင်စနေနေ့ကတိုကင်ယူဖို့စောင့်နေတာထက်တောင်ဝေး တဲ့နေရာကိုရောက်နေခဲ့ပါပြီ။ဘယ်အချိန်ကတည်းကလာစောင့်နေလဲကိုမသိတာပါ။

ဒါနဲ့ကိုးနာရီခွဲမှာစပြီးသံရုံးထဲဝင်ခွင့်ရတော့ကျွန်တော်နဲ့ကျွန်တော့်ဇနီးက ၁၀နာရီကျော်မှာမဲပေးခွင့်ရပြီး၁၀နာရီမခွဲခင်မှာအားလုံးပြီးစီးခဲ့ပါတယ်။
သံရုံးထဲရောက်တဲ့အချိန်သက်ဆိုင်ရာမြို့နယ်အလိုက်နံပါတ်တွေနဲ့စီထားတဲ့တန်းတွေထဲဝင်ရပါတယ်။
အဲဒီတန်းတွေကနေမဲစာရင်းစိစစ်ဖို့နဲ့မဲဝေတဲ့စားပွဲတွေဆီကိုလွှတ်ပါတယ်။အဲဒီမှာမြို့နယ်နာမည်နဲ့
ရပ်ကွက်နာမည်ကိုပြောပြီးကိုယ့်နာမည်ဘေးမှာလက်မှတ်ထိုး၊ပြီးရင်မဲစာရွက်၃ရွက်နဲ့စာအိတ်တွေပါ ယူရပါတယ်။

မဲကအမျိုးသားလွှတ်တော်၊ပြည်သူ့လွှတ်တော်နဲ့တိုင်းဒေသကြီးဆိုပြီးတိုင်း ရင်းသားမဟုတ်သူတွေအတွက်၃မဲဖြစ်ပြီးတိုင်းရင်းသားတွေကသူတို့ကိုယ်စားလှယ်တွေအတွက်နောက် တစ်မဲထပ်ရပါမယ်။တစ်ခုသတိထားရမှာက တိုင်းဒေသကြီးပါ။ဘာဖြစ်လို့လဲဆိုတော့တိုင်းဒေသကြီးမှာမဲဆန္ဒနယ်ခွဲထားတာရှိလေတော့မိမိရွေးချယ်တဲ့ ပါတီဖြစ်စေဦး၊လူမှန်မှရမှာပါ။
အဲဒီအတွက်အခုနောက်ဆုံးလူငယ်တွေထွင်လိုက်တဲ့mVoter 2015 Application ကိုဒေါင်းလုပ်ရယူပြီးကိုယ့်မြို့နဲ့ရပ်ကွက်နာမည်နဲ့ရှာပြီး အလွတ်မှတ်ထားရင်ရပါပြီ။

မဲစာရွက်မှာရှေ့မျက်နှာစာမှာမဲရုံမှူးလို့သတ်မှတ်သူ(မဲလက်မှတ်ထုတ်ပေးသူ)ရဲ့လက်မှတ်ပါရမှာဖြစ်ပြီးနောက်ကျောမှာတော့ရွေးကော်ကတံဆိပ်တုံးနဲ့ လက်မှတ်ပါရပါမယ်။

အဲဒါတွေစုံရင်အမှန်ခြစ်ခြစ်ဖို့နဲ့စာအိတ်ကော်ကပ်ဖို့အခန်းငယ်တွေထဲဝင်ရပါတယ်။ပြီးတော့သေသေချာချာ အမှန်ခြစ်ပြီးစာအိတ်ထဲကို သုံးခေါက်လောက်ခေါက်ထည့်၊ပြီးရင်စာအိတ်အောက်နှုတ်ခမ်းသားကိုကော် နဲ့သေသေချာချာပိတ်၊ပြီးတော့မှသူတို့ချထားတဲ့မဲပုံးတွေထဲမဲထည့်ရပါတယ်။အဲဒီလိုထည့်တဲ့အခါနာမည်တွေ ကပ်ထားလို့သေသေချာချာကြည့်ပြီးမှအမျိုးသားလွှတ်တော်စာအိတ်ကိုအမျိုးသားလွှတ်တော်ပုံး၊ပြည်သူ့ လွှတ်တော် စာအိတ်ကိုပြည်သူ့လွှတ်တော်ပုံး၊တိုင်းဒေသကြီးစာအိတ်ကိုတိုင်းဒေသကြီးပုံးမှာထည့်ပြီးတာနဲ့ကျွန်တော် တို့ရဲ့တာဝန်ပြီးပါပြီ။

တစ်ခုပြောစရာရှိတာကအရင်ရက်တွေကမဲကိစ္စအဆင်မပြေတာ ဟာရွေးကော်ရဲ့ညံ့ဖျင်းမှုလို့ပြောရမယ်ထင်ပါတယ်။သံရုံးဘက်ကတော့ သူတို့ရဲ့မဲပေးသူတွေကိုဘယ်နှစ်ရက်မှာဘယ်လောက်ပေးနိုင်သလဲဆိုတဲ့ရေတွက်ချထားမှုမှာ အားနည်းခဲ့တယ်လို့သုံးသပ်ရပါတယ်။
တစ်ခုရှိတာကမဲပေးမယ့်လူအဲဒီလောက်မလာနိုင်ပါဘူးလို့လည်းထင်ခဲ့ပုံရပါတယ်။

ဒါပေမဲ့အမှန်အတိုင်းဝန်ခံရရင်အဲဒီအချက်ကလွဲလို့သံရုံးဝန်ထမ်းတွေစိတ် ရှည်လွန်းခဲ့ပါတယ်။ဒါကျွန်တော်ကိုယ်တိုင်မြင်ခဲ့၊ကြုံခဲ့တာပါ။လူပေါင်းစုံရဲ့မေးခွန်းတွေကိုစိတ်ရှည်ရှည်နဲ့ တုန့်ပြန်ခဲ့တာကိုအသိအမှတ်ပြုပါတယ်။
မဲစာရင်းမပါတာကတော့သူတို့ဘာမျှလုပ်လို့မရတဲ့အပိုင်းပါ။မဲစာရွက်ပါမလာတာ၊စာရင်းမပါတာ၊မဲပေးခွင့် မရှိတာဒါတွေဟာသံရုံးအပိုင်းမဟုတ်ဘူးလို့နားလည်ပါတယ်။မဲပေးတဲ့သူတွေအဆင်ပြေပြေနဲ့မဲပေးဖို့ စီစဉ်တာကသာသံရုံးအပိုင်းပါ။

ဘာပဲဖြစ်ဖြစ်ကျွန်တော်တို့အတွက်အတွေ့အကြုံကောင်းတစ်ခုရခဲ့ပြီဖြစ် လို့မြန်မာပြည်ကပြည်လုံးကျွတ်ဆန္ဒမဲပေးပွဲကြီးမှာအမှားအယွင်းမရှိ၊ပယ်မဲမရှိဖြစ်အောင်လုပ်ဆောင်နိုင်မယ် လို့မျှော်လင့်လို့ဒီအတွေ့အကြုံတွေကိုပြန်မျှတာပါ။

ကျွန်တော်တို့ဒီမဲတွေပေးဖို့လူတွေပင်ပန်းခဲ့ပါတယ်။ငွေလည်းကုန်ခဲ့ပါတယ်။အလုပ်လည်းပိုက်ဆံအဖြတ်ခံပြီး မသွားခဲ့ပါဘူး။ဒီမဲတစ်မဲဟာကျွန်တော်တို့အနာဂတ်၊နောက်ထပ်ဖြစ်လာမယ့်တိုင်းပြည်နဲ့လူငယ်တွေရဲ့ အနာဂတ်ဖြစ်လို့ယုံကြည်စွာပေးခဲ့တာပါ။
လိမ်တဲ့မဲ၊ကောက်ကျစ်တဲ့မဲတွေအဖြစ်ပြောင်းမသွားဖို့တော့ဆုတောင်းရမှာပါပဲ။

ဟုတ်ကဲ့ပါ။ကျွန်တော်တို့အဝေးရောက်မြန်မာတွေအတွက်မြန်မာသံရုံးရှိရာ Saint Martin's Drive လမ်းပေါ်မှာအိပ်လို့၊နားလို့တိုင်းပြည်ရဲ့ အနာဂတ်အတွက်မဲပေးခဲ့၊ပေးနေကြဆဲပါ။

တစ်ခါတစ်ခါမြန်မာပြည်ကလူတွေထဲမှာဘယ်သူတက်တက်ဘာအရေးလဲ၊မဲမပေးပါဘူးတို့ပြောနေတာကြား ရပါတယ်။စင်ကာပူမှာတောင်မဲပေးရတာအာရုံမလာပါဘူးဆိုတဲ့သူတွေလည်းရှိနေပါတယ်။

ကျွန်တော်တို့ပေးနေတဲ့မဲဟာနိုင်ငံရဲ့အနာဂတ်အတွက်ပါ။ကိုယ်နဲ့မဆိုင်ဘူးထင်ရင်တစ်ချိန်မှာကိုယ်နဲ့ပဲ လာဆိုင်ပါလိမ့်မယ်။
ဘာပဲဖြစ်ဖြစ်။ကျွန်တော်ကတော့မြန်မာနိုင်ငံသားပီပီကိုယ့်တာဝန်ကိုယ်ကျေတယ်လို့ခံယူပါတယ်။

Saint Martin's Drive ပေါ်ကအိပ်မက်တွေအမြန်အကောင်အထည်ပေါ်လာ မယ်လို့ယုံကြည်နေလျက်ပါ။           ။



သားလတ်
၁၉း ၄၇ နာရီ ( စင်ကာပူစံတော်ချိန် )
၁၉.၁၀.၂၀၁၅


Sunday, October 18, 2015

" မနက်ဖြန်နိုင်ငံသစ် "


 +   ကောင်းကင်ကြယ်တွေ လင်းလက်တဲ့အချိန်
      ကြယ်တစ်ပွင့်ကိုမြင်တယ်။

+    တခြားငှက်တွေ အိပ်တန်းတက်ချင်တက်မယ်
      ဒါပေမဲ့.....
      ဒေါင်းတွေမအိပ်ခဲ့ကြဘူး။

+    အနာဂတ်အတွက်
      တိုင်းပြည်အတွက်
     ကိုယ်မရှိတော့မယ့်အချိန် မမြင်ရတော့မယ့်မျိုးဆက်အတွက်
     မှောင်မဲနေတဲ့ကောင်းကင်ကို ရဲရဲတောက်စေဖို့လေ။

+   ပလက်ဖောင်း ခဏလျောင်းမယ်
     ခြံစည်းရိုးတိုင် ထိုင်မှီမယ်
     မြေကြီးပေါ်နား အားစုမယ်
     ပြီးမှ.......
     နိုင်ငံသစ်မှာ တစ်ရေးအိပ်ကြမယ်။ ။

သားလတ်
၁၀း၂၇ နာရီ ( စင်ကာပူစံတော်ချိန် )
၁၇.၁၀.၂၀၁၅
( စင်ကာပူသံရုံးရှေ့ညအိပ်ပြီးမဲပေးရန်ကြိုးစားသူများသို့ )
Photo Credit to weknowyourdreams.com

Sunday, August 16, 2015

" ငြိမ်းချမ်းသောငှက် "



+ စကားလုံးတွေမလိုဘူး
စကားလုံးမှမရှိတာ
သူက စကားလုံးမရှိတဲ့ကောင်းကင်ထဲမှာ။

+ အခါလွန်တဲ့မိုး ဖြစ်လေမလား
ကြေကွဲခဲ့ရတာ နှစ်တွေကြာလည်း
မင်းမရှိတဲ့နောက် သီချင်းလို
အမေ့ရဲ့ဒုက္ခအိုးလေးကိုဆွေးတယ်။

+ ဂျပ်ဆင်ထိပ်ကလရိပ်ပြာကို ငေးနေတုန်း
ကြယ်တွေစုံတဲ့ညကို ပုန်းရှောင်သွားသူတစ်ယောက်
ရာဇ၀င်များရဲ့သတို့သမီးကိုဖျက်နေသူတွေကြား
ပြန်လာမလား၊ မေ့လိုက်တော့လို့ ပြောလေမလား။

+ မျက်ရည်ဝဲရုံလေး
မေ့ထားတယ်ဆိုတာ အမေ့အိမ် သီချင်းကိုဆိုမိမှာစိုးလို့
သက်ငြိမ် ပန်းချီကားလို နေမိတဲ့အခါ
ဗင်းဆင့်ဗန်ဂိုးတမ်းချင်းလိုပါပဲ
ဘယ်သူတွေ ဘာတွေဆိုဆို
သီချင်းများနဲ့လူကို မမီနိုင်ခဲ့တာလေ။

+ ခေါင်းလောင်းလေးတွေမြည်နေပြီ
အရင်အတိုင်းပဲ
နာရီပေါ်ကမျက်ရည်စက်များကိုစားသုံးလို့
သင်းကွဲငှက်က အစိမ်းရောင်တံခါးများအပြင်မှာ
မြို့ပြညလရောင်တမ်းချင်းကိုဆိုနေမလား
တုနှိုင်းမဲ့ရတနာတစ်ပါးဟာ အရိပ်မဲ့
အထီးကျန်အဖြစ် ဂီတချစ်သူတွေကို ချန်ထားခဲ့
စိမ်းရက်လေအားလို့ ပြောချင်ပေမယ့်
ငြိမ်းချမ်းပါစေလေ။            ။

သားလတ်
၁၂း၁၀ နာရီ ( စင်ကာပူစံတော်ချိန် )
၁၆.၈.၂၀၁၅
[ ၁၄.၈.၂၀၁၅ နေ့ကအဆိုတော်ထူးအိမ်သင် ကွယ်လွန်သွားတာ ( ၁၁ ) ပြည့်သွားတဲ့အတွက် အမှတ်တရ ခံစားရေးထားတာပါ။ ဒီနေ့မှအဆုံးသတ်နိုင်လို့။ ]

Monday, June 1, 2015

" ကျောင်းဖွင့်ချိန် "




ကျွန်တော်တို့မြန်မာပြည်မှာသည်လိုအချိန်မျိုးဆိုကလေးများ စာသင်ကျောင်းပြန်ဖွင့်တော့မည်။ဇွန်မိုးစက် တို့ကြားမှာအားလုံးသည် သစ်လွင်သောသဘောကိုဆောင်တော့မည်။ကျွန်တော်တို့ငယ်ငယ်ကတော့အင်္ကျီအသစ်၊ဘောင်းဘီအသစ်၊လွယ်အိတ်အသစ်၊စာအုပ်ခဲတံအသစ် စသည်ဖြင့်အသစ်အသစ်တို့ဖြင့်ကျောင်းတက်ရမည်ကိုတက်ကြွနေတတ် သည်။ကလေးဘ၀ပေကိုး။

နည်းနည်းအရွယ်ရောက်တော့သစ်ခြင်း၊ဟောင်းခြင်းကကျောင်းတက်ချိန်မှာသိပ်မရိုက်ခတ်။ သူငယ်ချင်းများနှင့်တစ်တန်းတည်းပြန်ကျခြင်း၊ပြန်တွေ့ခြင်းကပျော်စရာဖြစ်လာသည်။

တက္ကသိုလ်တက်တော့ကျောင်းဖွင့်ချိန်ဆိုတော်တော်ပျော်သည်။စာသင်လိုက်၊လက်ဖက်ရည်ဆိုင် မှာလေကန်လိုက်လုပ်ရတော့မှာကိုး။တက္ကသိုလ်ကျောင်းသားဘ၀ကကျောင်းဖွင့်ချိန်ကို ကဗျာတစ်ပုဒ်စပ်ခဲ့သည်။

နှလုံးသားတွေက နိုးထလာခဲ့ပြီ

ပျော်စရာတွေက တံခါးရွက်ကြားထဲအတင်းတိုးလို့

ရှင်းသန့်တဲ့ခင်မင်မှုတွေကိုရူရှိုက်ခဲ့ရ

(အဲဒီအချိန်) ဘ၀ကတစ်ခါ ပြန်နုပျိုသွားတယ် ။ ။

ကျောင်းဖွင့်ချိန်ဟုသိရရုံဖြင့်ပင်သူငယ်ချင်းများမျက်နှာကိုပြေးမြင်မိသည်။
ကလေးများအတွက်တော့ဆုတောင်းပေးချင်သည်။

ကလေးတို့ရေ-
သည်ကျောင်းဖွင့်ချိန်မှာအစစအရာရာပြည့်ပြည့်စုံစုံနဲ့ကျောင်းတက်နိုင်ပါစေကွာ။
သည်ကျောင်းဖွင့်ချိန်မှာမိုးလေလုံတဲ့စာသင်ကျောင်းလေးမှာရာသီဥတုဒဏ်ကင်းကင်းနဲ့စာသင်နိုင်ပါစေကွာ။
သည်ကျောင်းဖွင့်ချိန်မှာစစ်ဘေးစစ်ဒဏ် ကင်းဝေးလို့အေးအေးချမ်းချမ်းကျောင်းတက်နိုင်ပါစေကွာ။
သည်ကျောင်းဖွင့်ချိန်မှာစာတွေအေးအေးဆေးဆေးသင်လို့စာဝတ်နေရေးမပူမပင်ရတဲ့ကျောင်းသူကျောင်းသားတွေအဖြစ်စာအံနိုင်ပါစေကွာ။
သည်ကျောင်းဖွင့်ချိန်မှာစေတနာ၊မေတ္တာအပြည့်နဲ့သင်ပေးနိုင်မယ့်ဆရာ၊ဆရာမတွေရဲ့သင်ယူမှုကိုရရှိလို့နောင်တစ်ချိန်မှာနိုင်ငံ့တာဝန်ထမ်းနိုင်မယ့်သားကောင်း၊သမီးကောင်းတွေဖြစ်ပါစေကွာ။        ။



သားလတ်
၂၁း၁၈ နာရီ
၂.၆.၂၀၁၃
( ကျွန်တော့်Facebook Page ကနေပြန်ကူးယူဖော်ပြတာပါ။ ပုံကကျွန်တော်ကိုယ်တိုင်ရန်ကုန်စက်မှုတက္ကသိုလ်ထဲမှာရိုက်ထားတဲ့ပုံပါ။ )

Tuesday, May 19, 2015

" Facebook ပေါ်က ကျွန်တော့် Status များ " ( ၂၀ )



+ သည်နေ့ညအိမ်ပြန်ရောက်ချိန်မှာကျွန်တော်ကြိုက်သော တရုတ်ကားဖြစ်သည့်" Crouching Tiger, Hidden Dragon " ကိုယခင်ကြည့်လက်စဖြစ်နေ၍ဆက်ကြည့်မိသည်။ထိုသို့ကြည့်နေရင်းမှာ ခဏရပ်၍ဇနီးသည်နှင့်ဖုန်းပြောပြီးFacebookကြည့်မိသောအခါသူငယ်ချင်းတစ်ယောက်ပြန်ရှယ်ထားသော
"မေသက်ထားဆွေ"ဆိုသည့်ကလေးမလေးသီချင်းဆိုပြိုင်ပွဲဝင်စဉ်ကသီချင်းတစ်ပုဒ်ကိုကြည့်ရ၍YouTubeမှာ ဖွင့်နားထောင်မိသည်။တော်လိုက်သည့်ကလေး။ဒါနှင့်ပင်သူနှင့်ပြိုင်သည်ဆိုသောကလေးများ၏ သီချင်းအချို့ကိုဆက်ဖွင့်မိသည်။ဝိုင်းလမင်းအောင်ဆိုသည့်ကောင်ကလေးဆိုထားသည်မှာလည်း ချီးကျူးစရာ။ဂျင်မလေးဂျမ်းလိုခက်သည့်သီချင်းကိုသူဆိုပြထားသည်ကလေးစားစရာ။ ဘယ်သံကိုခိုင်ခိုင်မာမာဆိုနိုင်လှသည်။မေသက်ထားဆွေကတော့စန္ဒကိန္နရီမှာအငို၊အရှိုက်တို့နှင့် ပညာတွေပြသွားသည်။သူကပထမရပြီးဝိုင်းလမင်းအောင်ကဒုတိယ။ ကြယ်ပွင့်လေးတို့ရဲ့ဂီတမိုးကောင်ကင်ဟုအမည်ပေးထားသောထိုပြိုင်ပွဲကို ကျွန်တော်ယခင်ကမကြည့်ဖူးခဲ့။ယခုတော့သူတို့လေးတွေ အဆိုကောင်းတာကြည့်ပြီးသဘောကျနေမိသည်။မေသက်ထားဆွေကလေးကိုတော့တစ်ခါလားမသိ။ Facebookမှာကြည့်ဖူးသည်။တော်သည်။ကလေးဖြစ်၍ရံဖန်ရံခါအသံကိုလူကြီးသံတုချင်သည်ကလွဲလျှင် သူကလေးကနောင်တစ်ချိန်မှာအဆိုတော်ကောင်းဖြစ်နိုင်သည်ဟုသုံးသပ်မိသည်။ကျွန်တော့် အလုပ်ကကောင်လေးတချို့ကမေသက်ထားဆွေ၏ပရိသတ်ဖြစ်သည်။ထမင်းစားချိန်မှာအမြဲလိုနားထောင်
တတ်ကြသည်။သူတို့သည်လိုကလေးများဆိုသောသီချင်းများကိုနားထောင်နေသည့်အခါဟိုစဉ်က ဆို၊က၊ရေး၊တီးမှာကလေးများမြန်မာသံသီချင်းများဖြင့်ပြိုင်ပွဲဝင်ခဲ့သည်ကိုသွားသတိရသည်။ အဖွဲ့အစည်းတစ်ခုကဦးဆောင်သည်ဆိုသောအမြင်ကို ဖယ်ချပြီးကြည့်လျှင်ဆို၊က၊ရေး၊တီးလိုပြိုင်ပွဲမျိုးက ကျွန်တော်တို့နိုင်ငံမှာရှိသင့်သည်ဟုကျွန်တော်ထင်သည်။မြန်မာသံ၊မြန်မာသီချင်းများကိုမျိုးဆက်သစ်များ ဆက်လက်သီဆိုတီးမှုတ်ထိန်းသိမ်းသွားနိုင်မည်မဟုတ်လား။
သူတို့ကလေးတွေနှစ်ခြိုက်စွဲလမ်းသွားလျှင်ကျွန်တော်တို့မြန်မာသံစဉ်များ မတိမ်ကော၊မပျောက်ပျက်နိုင်တော့။တခြားမကြည့်နှင့်။သူတို့ကလေးတွေဆိုသည်ကိုကြည့်ပြီး ကျွန်တော်လိုလူကြီးရင့်မာကြီးတစ်ယောက်ပင်လျှင်ကြည့်လက်စတရုတ်သိုင်းကားကိုထား၍သူတို့ ကလေးတွေ၏မြန်မာသံစဉ်တွေကြားမှာစီးမျောသွားခဲ့ရသေးသည်ပဲ။ကျွန်တော်တို့မြန်မာသံစဉ်ကိုမြန်မာ လူမျိုးဖြစ်သောကျွန်တော်တို့ခံစား၍ကြိုက်ရုံသာမကဆက်လက်ထိန်းသိမ်းသွားသင့်သည်မဟုတ်လား။ သူတို့ကလေးတွေကိုကျေးဇူးတောင် တင်မိပါသေးသည်။ ( ဇွန်လ ၂၇ ရက်၊ ၂၀၁၃ ခုနှစ် )

+စင်ကာပူမှာအာမခံလုပ်ငန်းများတော်တော်များသည်ဟုကျွန်တော်ထင်သည်။ကျန်းမာရေးနှင့်ပတ်သက်၍ အိမ်တိုင်ရာရောက်လာရောက်စည်းရုံးဆွေးနွေးပြီးလစဉ်အာမခံကြေးပေးသွင်းခြင်းဖြင့်နှစ်ဦးနှစ်ဖက်အကျိုး ရှိမည်ဟုထင်သောကိစ္စများကိုလုပ်ကြသည်ဟုကျွန်တော်နားလည်ပါသည်။
ယခုတလောမှာပင်ကျွန်တော့်သူငယ်ချင်းအိမ်သို့စလုံးမလေးများထိုအာမခံကိစ္စကို လာရောက်ဆွေးနွေးသွားသေးသည်။
ကျွန်တော်နှင့်မြန်မာအမျိုးသမီးကလေးများ၏အာမခံလုပ်ငန်းကျတော့တစ်မျိုး။ကျွန်တော်အိမ်အပြန်လမ်းမှာ သူတို့နှင့်တွေ့၍ဖုန်းနံပါတ်တောင်းသောအခါကိုယ့်လူမျိုးချင်းမို့ဖုန်းနံပါတ်ပေးခဲ့သည်။ကျွန်တော် မအားသည်ကိုအားနာ၍လားမပြောတတ်။သောကြာညနေမှာဖုန်းဆက်သည်။စနေ၊တနင်္ဂနွေမှာ အားမအားမေးသည်။ကျွန်တော်ကပရောဂျက်အရမ်းကျပ်သည့်ကာလဖြစ်နေခြင်း၊ကျွန်တော့်လုပ်ဖော် ကိုင်ဖက်ကသူ့မိသားစုစင်ကာပူလာလည်၍ပိတ်ရက်မှလိုက်ပို့နေခြင်းကြောင့် ကျွန်တော့်နားရက်မှာပင်သူ့အတွက်ဆင်းပေးနေရသည်မို့ကျွန်တော့်မှာနားရက်ရဖို့သိပ်မလွယ်။ ထို့ကြောင့်သူတို့ကို အချိန်မပေးနိုင်။
သို့သော်တစ်ခါတော့ဖုန်းထဲကပင်အာမခံလုပ်ငန်းကအမျိုးသမီးတစ်ဦးက ကျွန်တော့်ကိုမေးပါသည်။ကျွန်တော့်နေအိမ်တည်နေရာပါ။နေရာကိုပြောပြတော့သူကကျွန်တော့်ကို တစ်ခွန်းထပ်မေးပါသည်။ကျွန်တော့်အိမ်နှင့်အနီးဆုံးဘူတာ(MRT)ကိုလာ၍ရမရ။
စဉ်းစားသာကြည့်စေချင်ပါသည်။ကျွန်တော်က၀န်ဆောင်မှုလိုချင်၍လား။သူကအာမခံထားမည့်သူရှာနေတာ လားဆိုသည်ကို။သူက၀န်ဆောင်မှုပေးမည့်သူ။ယခုသူကကျွန်တော့်ကိုမရှာဘဲကျွန်တော်ကသူ့ပြန်ရှာရမည့် သဘော။သူ့ကိုကျွန်တော့်အားလပ်ချိန်များဖဲ့ပေးရုံမကကျွန်တော်ကပင်သူ့ကိုအချိန်ကုန်သက်သာစေရန် သွားတွေ့ရဦးမည်လား။
ကျွန်တော်တွေးပါသည်။စင်ကာပူမလေးများလုပ်သည့်အာမခံလုပ်ငန်းကသူတို့ကိုယ်တိုင်အိမ်တိုင်ရာရောက် လာဆွေးနွေးသည်။လူအများနှင့်ပါ။သူတို့လည်းအဖော်ပါပါသည်။
ကျွန်တော်တို့မြန်မာမလေးများလုပ်သည့်အာမခံလုပ်ငန်းကတော့အာမခံထားစေချင်သည့်သူကို သူတို့တွေ့ချင်သည့်နေရာကိုခေါ်၍တွေ့ချင်သည်။
ရှေ့မှာဆိုခဲ့သလိုစင်ကာပူမှာကျွန်တော်တို့အတွက်အချိန်ကရှားပါသည်။ ကျွန်တော်တစ်ယောက်တည်းမဟုတ်ပါ။အားလုံးလိုလိုပါ။ကိုယ့်မြန်မာချင်းမို့အလုပ်သဘောကူချင်သော် လည်းမြန်မာကားစင်ကာပူရောက်သည့်တိုင်မြန်မာကျင့်မဖျောက်ချင်လျှင်ဖြင့်အလုပ်ဖြစ်မှာမဟုတ်ဟု ကျွန်တော်ထင်ပါသည်။
ထိုနောက်ပိုင်းမှာကျွန်တော့်ဆီကိုသူတို့ဖုန်းဟုထင်သောဖုန်းနံပါတ်များဝင်လာလျှင်ကျွန်တော်ဖုန်း မကိုင်တော့ပါ။ကြာတော့သူတို့လည်းမဆက်တော့ပါ။မှား၍ကိုင်မိလျှင်ပင်ကျွန်တော်အာမခံမထားချင်ပါ ဟုဖြေမိမည်ဖြစ်ပါသည်။ ( ဇွန်လ ၂၉ ရက်၊ ၂၀၁၃ ခုနှစ် )

ဆူးသစ်
၂၁း၂၉ နာရီ ( စင်ကာပူစံတော်ချိန် )
၁၉.၅.၂၀၁၅

Friday, May 15, 2015

"မကျရှုံးတဲ့ငါ"

 သူများနိုင်ငံမှာ ငါဟာ
ဘယ်တော့မျှ မကျရှုံးစေရဘူး။

ငါဆိုနေမယ်
မြန်မာနိုင်ငံတော်သီချင်းကို။

ငါတမ်းတနေမယ်
ငါချစ်တဲ့အမိမြေကို။

ငါမှန်းဆနေမယ်
ငါ့မိဘ၊ငါ့ဇနီး၊ငါ့ညီအစ်ကို၊ငါ့ဆွေမျိုး၊ငါ့သူငယ်ချင်း
ငါနဲ့ပတ်သက်တဲ့အရာအားလုံးကို။

ငါတိုင်တည်နေမယ်
ငါလေးစားတဲ့ဗိုလ်ချုပ်ကို။

ငါစီးမျောပစ်မယ်
ငါ့သွေးချင်းတွေရဲ့ဧရာဝတီထဲကို။

ငါဦးခိုက်နေမယ်
ငါတို့ယဉ်ကျေးမှုနယ်မြေပုဂံကို။

မှတ်ထား......
မင်းတို့တိုင်းပြည် မင်းတို့နိုင်ငံသား
မင်းတို့နှလုံးသားကသိပ်ချစ်သလို
ငါတို့တိုင်းပြည် ငါတို့နိုင်ငံသား
ငါတို့နှလုံးသားကလည်းသိပ်ချစ်ပါတယ်။
ငါတို့တိုင်းပြည် ငါတို့နိုင်ငံသား
ငါတို့နှလုံးသားကိုလည်း သူတို့ချစ်ပါတယ်။

စိတ်ချ.......
သူများနိုင်ငံမှာ ငါဟာ
ဘယ်တော့မျှ မကျရှုံးစေရဘူး။ ။
သားလတ်
၁၆း၄၈ နာရီ
၂၀.၆.၂၀၁၃

Sunday, April 19, 2015

" Facebook ပေါ်က ကျွန်တော့် Status များ " ( ၁၉ )


+ကျွန်တော်ယခုလုပ်နေသည့်ပရောဂျက်မှာနေ့လယ်ထမင်းကိုဒရိုင်ဘာလေးတစ်ယောက်က သွားဝယ်ပေးသည်။သူကစောလျှင်ထမင်းဘူးများကိုရုံးထဲမှာထားခဲ့သည်။အချိန်ကျလျှင်ကျွန်တော်တို့က တရုတ်စာ၊အိန္ဒိယစာ စသည်ဖြင့်ကိုယ်မှာသည်ကိုရွေးယူရုံသာ။
ပြီးခဲ့သည့်အပတ်ထဲကတစ်ရက်မှာကျွန်တော့်ထမင်းဘူးကိုလှမ်းယူစဉ်ဘူးကကွဲနေသည်ကိုမသိ၍ပက်လက် လန်ကာအောက်ပြုတ်ကျသွားသည်။ဘူးထဲမှာတစ်ဝက်သာကျန်ခဲ့သည်။ ကျသွားသောထမင်းဟင်းများကိုရှင်းထုတ်ပြီးကျွန်တော်စားမည့်ထမင်းကိုကြည့်မှ တရုတ်ထမင်းဖြစ်နေသည်။ကျွန်တော်ကအိန္ဒိယစာမှာထားသော်ငြားဘူးကမှောက်သွားပြီဖြစ်၍ ထိုဘူးကိုသာယူလိုက်ပြီးတရုတ်စာစားမည့်မြန်မာများကိုကျွန်တော့်အိန္ဒိယစာ ဘူးကိုစားခိုင်းလိုက်သည်။
ထမင်းစားသည့်နားနေဆောင်ရောက်တော့မြန်မာလေးများကိုထိုအကြောင်းပြောပြစဉ် တချို့ကကျွန်တော့်ကို သူတို့အထဲကထမင်း ထပ်ထည့်ပေးသည်။တချို့ကသူတို့ချက်လာသော ဟင်းကိုလာပေးသည်။
ထိုနေ့ကကျွန်တော်ထမင်းဘူးပြုတ်ကျခဲ့သော်ငြားယခင်နေ့များထက်ထမင်းရော၊ဟင်းပါပိုများခဲ့သလို စား၍၀ခဲ့သည်။မြန်မာဖြစ်ရခြင်းအတွက်ကျွန်တော်တို့မှာမြန်မာပြည်အဝေးရောက်နေသည့်တိုင် ထမင်းတစ်လုပ်ကတော့မရှားသည်ကိုကျွန်တော်ဝမ်းမြောက်စွာသတိထားမိခဲ့ပါသည်။ကျွန်တော့် လုပ်ဖော်ကိုင်ဖက်ညီငယ်များကိုထိုနေ့က အတွက်ကျေးဇူးတင်မိသည်ကတော့အမှန်ပင်။ ( ဇွန်လ ၃ ရက်၊ ၂၀၁၃ ခုနှစ် )

+လေပြည်ကဖြည်းဖြည်းညင်ညင်တိုက်လိုက်တာပါ
နှလုံးသားနုတဲ့ငါကသာ
အဲဒီလေပြည်ကိုမုန်တိုင်းလို့ထင်ခဲ့မိတာ။ ။ ( ဇွန်လ ၁၆ ရက်၊ ၂၀၁၃ ခုနှစ် ) 

+အဲဒီလိုမီးခိုးတွေဝေနေကျမြို့ကလေးထဲမှာ
အလွမ်းတွေဝေနေတဲ့ကိုယ်က
မျက်ရည်တွေလည်းဝေလို့..............။ ။ ( ဇွန်လ ၁၇ ရက်၊ ၂၀၁၃ ခုနှစ် ) 

+တကယ်တော့သူဋ္ဌေးဆိုတဲ့လူတန်းစားဟာသူတို့ကိုလိမ်တဲ့လူတွေကို အထင်ကြီးပြီး သူတို့အကျိုး၊ကုမ္ပဏီ အကျိုးကိုတကယ်လိုလိုလားလား လုပ်ပေးတတ်သူတွေအပေါ်မှာတော့ တလွဲထင်တတ်ကြတဲ့ လူတန်းစားတစ်မျိုးလို့ထင်မိတယ်။
သူတို့ကိုနောက်ကွယ်မှာပါးပါးလှီး၊ကုမ္ပဏီပိုင်ငွေကိုနည်းမျိုးစုံနဲ့လိမ်ယူနေသူတွေကိုအကောင်းမြင်ပြီး တကယ်အလုပ်လုပ်ပေးနေသူတွေကျတော့တခြားလူတွေစကားတစ်ခွန်းဂုံးတိုက်တာနဲ့သူ့ကုမ္ပဏီ ပျက်မတတ်ယုံတတ်တာ ဒီဘက်ခေတ်သူဋ္ဌေးတွေလို့ကောက်ချက်ချရမလိုပါပဲ။
ကျွန်တော်လက်ရှိကြုံနေရတဲ့အပေါ်သုံးသပ်မိတာပါ။လွတ်လပ်စွာသဘောထားကွဲလွဲနိုင်ပါတယ်။( ဇွန်လ ၁၈ ရက်၊ ၂၀၁၃ ခုနှစ် )

+"ရတာမလို.."
ငါဆေးလိပ်မသောက်ဘူး
ဒါပေမဲ့....အငွေ့တွေရှူနေရတယ်။
ငါဆေးဝါးမသုံးဘူး
ဒါပေမဲ့.....ဓာတုပစ္စည်းတွေနဲ့ထိတွေ့နေရတယ်။
ငါမေတ္တာလိုချင်တယ်
ဒါပေမဲ့....ငါ့ရဲ့အဝေးမှာမေတ္တာတွေရှိနေတယ်။ ။
( ဇွန်လ ၁၉ ရက်၊ ၂၀၁၃ ခုနှစ် )

+စင်ကာပူရောက်နေတုန်းဘယ်ဟာမှအလကားမရသမျှ
သည်တစ်ခါတော့မီးခိုးတွေတစ်ပြုံတစ်ခေါင်းတစ်နင့်တစ်ပိုးအလကားကိုရနေတော့သည်။ ( ဇွန်လ ၂၀ ရက်၊ ၂၀၁၃ ခုနှစ် )

ဆူးသစ်
၂၃း၃၇ နာရီ ( စင်ကာပူစံတော်ချိန်)
၁၉.၄.၂၀၁၅
( ဓာတ်ပုံမူရင်း-ကျွန်တော်ကိုယ်တိုင်ရိုက်ကူးထားသောဓာတ်ပုံဖြစ်ပါသည်။ )

Sunday, April 12, 2015

" ရင်ထဲက မိုး "


၁၉၅၇/ မန္တလေးသင်္ကြန်
အောင်ကျော်ချမ်းအေး မန္တလေးတဲ့
အလွမ်းတေးတွေ ဆိုဖို့အစလား
ကိုငြိမ်းမောင်နဲ့ထားက တူးပို့.......တူးပို့ သီချင်းသံတွေကြားမှာ စတွေ့တယ်။

အလွှာမတူပေမယ့် မေတ္တာတူတဲ့အခါ
ချစ်လာခဲ့သူတွေဖြစ်
အလိုမယူဘဲ အပြစ်မချသူတွေရဲ့သတင်း
' နှစ်ကိုယ်တူ ချစ်သမျှ ' သီချင်းက သက်သေ
ဒါပေမဲ့...
မျက်ရည်နဲ့ခွဲခဲ့ရဖူးတယ်။

အင်တာနက်နဲ့မိုဘိုင်းမရှိတဲ့ခေတ်မှာ
ရင်နာလျက်ပဲ အငိုမဆိုင်းခဲ့ရတာက
ထာဝရခရီးအတွက် ခိုးပြေးဖို့အပျက်
ကိုငြိမ်းမောင် လူရိုးကြီးသစ္စာဖျက်လေသလား
ထား........ထား...........ထား.......လေ
' အတုမရှိကျောင်း ' မှာ အတုမရှိမေတ္တာထားလို့စောင့်ပေမယ့်
လူရိုးကြီးစန္ဒယားဆရာ ခမျာလည်း
မြခက်အမေ အသက်ကိုတစ်ခါလုဖို့
' အတုမရှိကျောင်း ' ကိုလည်း မလာနိုင်
ရောက်ပြန်တော့ ထား ထိုင်ခဲ့တဲ့ နေရာကိုငေး
' နှစ်ကိုယ်တူ ချစ်သမျှ ' တေး အပိုင်းအစ  စာရွက်တွေနဲ့
ကံကြမ္မာရက်စက်ချက်ကို ခါးစည်းခံခဲ့ရတယ်။

' ဖိတ်တဲ့သူက ဖိတ်မှတော့ 
တီးတဲ့သူက တီးရတော့မှာပေါ့ကွာ ' တဲ့
စန္ဒယားဆရာ ကိုငြိမ်းမောင်ရဲ့ အနုပညာမာနစကား
ထားရဲ့မင်္ဂလာမှာ ထားရဲ့အကြင်နာ၊ ထားရဲ့စေတနာတွေ တုန့်ပြန်ဖို့
ရင်မှာမချိပေမယ့် အနုပညာသမား ဂုဏ်ပုဒ်ကိုဆင်
ထား နားထောင်ချင်တဲ့ ' နှစ်ကိုယ်တူ ချစ်သမျှ ' သီချင်း
မေတ္တာရင်းလို့ ဆိုပြရတဲ့အခါ
( ထားရယ်......)
ကိုငြိမ်းမောင် ရင်မှာ ဘယ်လိုရှိလေမလဲ
အနုပညာသမားမှာ မာနရှိပေမယ့်
အနုပညာသမားမှာ မျက်ရည်လည်း ရှိတာပေါ့ကွယ်။

ထား က ထားသွားတဲ့အခါ
ဘ၀က ဘာမျှမကျန်တော့
ဒါပေမဲ့.....သနားစရာ မြခက် ဘ၀
ကိုငြိမ်းမောင် ကရုဏာသက်တဲ့အခါ
' အနုပညာ ပန်းတိုင် ' ကို ချီတက်မှာပေါ့ အတွေး
စန္ဒယားခလုတ်လေးတွေမှာ ပြေးဆော့လို့ ရေးတဲ့အခါ
မေတ္တာ ကမ္ဘာက တစ်ခါ သစ်ပါလေရော။

ဘ၀က တစ်ဆစ်တင် မဟုတ်ဘူး
နှစ်ဆစ် သုံးဆစ်ချိုးတဲ့အခါ
ကိုငြိမ်းမောင်အတွက် သားတစ်ယောက်ကိုချန်ပြီး လက်ပြထွက်
မြခက်တစ်ယောက် လူ့လောကကြီးကို နှုတ်ဆက်တဲ့အခါ
' သူ့အမေက အသက်ပေးပြီး မွေးသွားတဲ့ ကလေးကို
ကျွန်တော့်ရင်မှာပဲ တစ်သက်လုံး ထွေးထားပါရစေ ' လို့ပြောပြီး
သက်ထွေး လို့နာမည်ပေးခဲ့တဲ့ ကလေးရဲ့ဘ၀
စန္ဒယားဆရာ တစ်ဖြစ်လဲ အရက်သမားကြီးရဲ့ လက်ထဲမှာ
ခက်ခဲစွာ ရှင်သန်ခဲ့ရပြန်ပါရော။

စန္ဒယားဆရာရဲ့သား စန္ဒယားတီးတတ်တဲ့အခါ
သံယောဇဉ်နွယ်တစ်စကလည်း ရင်မှာရောက်
( ဒါပေမဲ့......)
ကိုငြိမ်းမောင်ရဲ့ မေတ္တာဇာတ်လမ်းအောက်မှာ ဓားစာခံဖြစ်
နွယ့်ကိုချစ်တဲ့ သက်ထွေးရဲ့အချစ်
လှစ်ခနဲတောင် မပြဖြစ်ခဲ့
သင်္ကြန်ရဲ့အဝေး နွယ်ရဲ့အဝေးမှာ
သက်ထွေးခမျာ တိတ်တိတ်လေး ကြေကွဲရတာပေါ့။

သမီး စိတ်မကောင်းဖြစ်တဲ့အခါ
မနေသာတဲ့ ဒေါ်ခင်ခင်ထား
သွားမတွေ့သင့်ပေမယ့် ကိုငြိမ်းမောင်ဆီအလာ
' ဒီနေရာက စိန်ကောင်းကျောက်ကောင်း ရောင်းဝယ်တဲ့ နေရာ
မဟုတ်ဘူး ဆိုတာတော့ သိပါတယ်နော် ' ဆိုတဲ့
ရောက်ရောက်ချင်း ဆောက်နဲ့ထွင်းတဲ့ စကား
အသည်းကြား စူးနစ်ပေမယ့်
မိဘမေတ္တာအစစ်နဲ့ ကလေးတွေပျော်ဖို့ တွေးရင်း
' ကလေးတွေကို ပျော်ခွင့်ပေးလိုက်ပါ ' လို့ မချိဘဲ သုံးခဲ့ရ
ကိုငြိမ်းမောင် ဟီလာတိုက်တာ ခံရတာထက်
' အသုံးချဖို့ တစ်ခုခုတော့ လိုပြန်ပြီနဲ့တူတယ် '
' ခင်ဗျားအားမနာတတ်တာ ကျွန်တော်သိပါတယ် ' ဆိုတဲ့စကားတွေသာ ရင်နာလို့
မျက်ရည်ကို အပြုံးနဲ့ဖုံးရင်း
နှလုံးသားတွင်းကိစ္စတွေကို သိုဝှက်
အတိတ်တွေ ရောယှက်နေတဲ့ အိမ်ဘက်က ပြန်ခဲ့တယ်။

ရိုးသားတဲ့ ဖခင်ရဲ့သား
ဖခင်စကားကို တစ်သဝေမတိမ်း နားထောင်တဲ့လူ
ဖခင်သဘောမတူရင် ခြေဦးမလှည့်
နွယ်တို့ သင်္ကြန်ပွဲဘက်ကို မျက်နှာချင်းမဆိုင်
ငိုင်လိုငိုင် ဆွေးလိုဆွေး
သင်္ကြန်တေးတွေကြားက အလွမ်းသမားဘ၀
နွမ်းလျလို့ အိမ်ပြန်တဲ့အခါ
ဖခင်ရဲ့အရက်ပုလင်းက ရင်နာပြေလောက်မလား
တစ်ခွက်လောက်တော့ သောက်မော့ကြည့်မိတယ်။

ဖခင်ရဲ့ အကြင်နာ စေတနာ
အရက်သမား သား၊ အရက်သမား မဖြစ်ရဘူး ဆိုတဲ့ အကြည့်မျိုး
ကိုငြိမ်းမောင် ဒေါနဲ့ပျိုးလေတော့
မျက်ရည်မိုးတွေကြားက အနုပညာသည်ပေါက်စ သက်ထွေးရဲ့စကား
' အရက်သမားရဲ့သား အရက်သောက်တာ မဆန်းပါဘူး အဖေ 
အနုပညာသမားရဲ့ သား အနုပညာ ပြခွင့်မရတာသာ ဆန်းတာပါ 'ဆိုတဲ့ အပြော
ကြည့်ပါဦး.........ကိုငြိမ်းမောင် အူလှိုက်သည်းလှိုက် မောရပြီပေါ့။

နောက်ဆုံးတော့.........
မိဘမေတ္တာလေ
ချစ်ခြင်းရဲ့ ပြယုဂ်လေ
အတိတ်တွေကို ချေဖျက်
သက်ထွေးရေ-မင်းဘ၀ အပျော်နဲ့ဆက်ဖို့
ကိုငြိမ်းမောင် အမှန်တရားတွေမြင်
အနုပညာသမားရဲ့ အနုပညာဂုဏ်ကို ပြချင်ပြ
သင်္ကြန်ရဲ့ ညကို လှပပါစေ
သွားလေတော့ ခွင့်ပြု
' နွေဦးကဗျာ ' မဏ္ဍာပ်နားမှာ မေတ္တာတွေ စုထားတဲ့ အကြည့်
ထားကတော့ မြင်မိအောင် မြင်တယ် ကိုငြိမ်းမောင်။

ဟိုမှာ နွယ်က ပိတောက်ဖူးလေးနဲ့ ကတယ်
ဒီမှာ သက်ထွေးက ကြည်နူးပြုံးနဲ့ တီးတယ်
' တန်ခူးမည်မွတ် ဖက်ဆွတ်ရေတိုး သင်္ကြန်မိုး ' ဆိုတဲ့ အလှပြကားပေါ်ကနေ
' သင်္ကြန်မိုး ' သီချင်းကို ကိုလတ်က ဆိုတယ်
ထားက ၀မ်းသာတဲ့ အပြုံးနဲ့ ခံစားတယ်
ကိုငြိမ်းမောင်က ပီတိနဲ့ ငေးတယ်
အဲဒီလိုနဲ့.........
အနုပညာ၊ ချစ်ခြင်း၊ မိဘမေတ္တာတွေ အမှန်တိုးတော့
' သင်္ကြန်မိုး ' တဲ့လေ
သင်္ကြန်ကျတိုင်း ကျွန်တော့်ရင်မှာ အငြိုးနဲ့ ခဏခဏ ရွာနေတော့တယ်။           ။

သားလတ်
၁၉း၄၃ နာရီ
၁၄.၀၄.၂၀၁၃
သင်္ကြန်အကျနေ့

[ မည်သည့်အချိန်၊ မည်သည့်နေရာ ရောက်ရောက် သင်္ကြန်ကျတိုင်း ပြန်ခံစားမိသည့် ' သင်္ကြန်မိုး ' ရုပ်ရှင်ဇာတ်ကားကြီးကို ခံစားပြီး ရေးပါသည်။ " ပရိသတ် အပေါ် အနုပညာတာဝန် ကျေပွန်ခဲ့ကြသော ဂီတ သုခုမ ပညာသည်များအား လေးစား ဂုဏ်ပြုလျက် " ဟု ဆရာမောင်တင်ဦး ဆိုခဲ့သည့် အတိုင်း ကျွန်တော်ကြိုက်သည့် ' သင်္ကြန်မိုး ' ရုပ်ရှင် ဇာတ်ကားအတွက် ပါဝင်ခဲ့ကြသော ဂီတသုခုမ ပညာသည်များ၊ အနုပညာရှင်များ အားလုံးအတွက် မြန်မာတစ်ယောက် အနေနှင့် ခံစားမိသော သင်္ကြန်ပွဲတော်နှင့် ပတ်သက်သည့် အနုပညာ အားထုတ်မှုများအတွက် ကျေးဇူးတင်သည့်အနေဖြင့် ကျွန်တော်တတ်ကျွမ်းသော စာပေအနုပညာဖြင့် ဂုဏ်ပြုပါသည်။ ]

Thursday, April 9, 2015

" နှလုံးသားထဲက စင်ဒရဲလား "


အမှန်တရားတွေက
ခါးသက်တတ်သလား စင်ဒရဲလား။

ပြည့်စုံတဲ့ဘ၀ကလာသူကိုမှ
ကံကြမ္မာက ရွေးချယ်သတ်မှတ်ခဲ့တာထင်ပါရဲ့
အဖေ၊ အမေနဲ့အတူ
အပူအပင်မရှိကြီးပြင်းခဲ့တဲ့ အယ်လာ Ellaဆိုတဲ့ကလေးငယ်တစ်ယောက်ဟာ
မှော်ဆန်တဲ့အစွမ်းတွေနဲ့ လှပပျိုမြစ်
ပြီးမှ...
မိဘတွေရဲ့အချစ်ကိုသိမ်းပိုက်တယ်။

နာမကျန်းခြင်းဟာ
ဧည့်သည်တစ်ယောက်အဖြစ် သူ့မိခင်ဆီအရောက်
မျက်ရည်ပေါက်တွေကြီးငယ်ကျခဲ့ရ
တားမရသူတို့ရဲ့ခရီး
အပြီးထွက်ခွာသွားတဲ့အခါ
အယ်လာအတွက်မှာခဲ့တဲ့စကား
' ရဲရင့်ပါ။ ပြီးတော့  ကြင်နာပါ ' တဲ့လေ။

အမေမရှိပေမယ့် အဖေရှိသေးရဲ့
ဒီလိုနဲ့ ကလေးဘ၀လွန်မြောက်
အဲဒီအချိန် ....
မထင်မှတ်ဘဲနဲ့ မိန်းမတစ်ယောက် အိမ်ပေါ်ရောက်လာတယ်။

တကယ်တော့ မိထွေး
သမီးကလေးနှစ်ယောက်ပါ အဆစ်ပါသေး
ဒါပေမဲ့....
အယ်လာရဲ့အတွေးတွေထဲမှာ ညီမလေးတွေလိုဖြစ်
အမေအသစ်လိုတော့  မိထွေးကိုစိတ်မနှစ်နိုင်
အဲဒီမှာ အားတွေပြိုင်ပါရော။

ရှေ့တစ်မျိုး၊ ကွယ်ရာတစ်မျိုးမိထွေးနဲ့
အဲဒီမှာပဲ အဖြစ်ကဆိုးလေသလား
ခရီးသွားအဖေဟာ အပြင်းဖျားပြီးအမေ့ဆီလိုက်သွားတဲ့အခါ
ကမ္ဘာဟာ အထီးကျန်တယ်
ပြီးတော့ .....
လူတွေဟာ ယုတ်မာတတ်ကြတယ်လို့
အယ်လာကလေး မသိမသာနဲ့သိလာတယ်။

မိထွေးတို့ရဲ့မကောင်းတဲ့ အကျင့်ရာဇ၀င်
အဲဒီကတည်းကစာတင်ထားရမှာပေါ့
အိမ်စေတွေကိုအကုန်နှင်
အိမ်အလုပ်တွေကိုအယ်လာ့ ကိုခိုင်း
သူ့သမီးနှစ်ယောက်နဲ့တော့ လာမနှိုင်းလေနဲ့
ထမင်းဝိုင်းတောင်အတူမထိုင်ရ
ငယ်ငယ်ကတည်းကကြွယ်ဝခဲ့တဲ့ကလေး
တွေးကြည့်ရင် အသည်းနာစရာ
အဲဒါ......
အယ်လာဆိုတဲ့ သူမလေ။

အေးမြတဲ့ညနေခင်းတစ်ခုမှာ
မီးဖိုဘေးမှာ အိပ်ပျော်သွားတဲ့သူမ
မီးသွေးပြာ ( Cinder )စတွေမျက်နှာမှာပေ ကျံလို့
အိမ်ဖော်တစ်ယောက်လိုအလုပ်စလုပ်တဲ့အခါ
မိထွေးရဲ့သမီးနှစ်ပါးကပေးတဲ့အမည်
Cinder နဲ့ Ella ပေါင်း
Cinderella ဆိုတဲ့အမည်အကြောင်းသစ်
အမှန်က....
မီးသွေးပြာစတွေနဲ့အယ်လာလို့ ရာဇ၀င်ဖြစ်စေဖို့
မကောင်းသူတွေကမကောင်းတဲ့နာမည်ရေးတို့တာတောင်
စင်ဒရဲလားဆိုတာ ချွေးစို့နေတာတောင် လှနေဆဲပါပဲလေ။
စိတ်ထဲကနာကျင်တဲ့တစ်ရက်

စင်ဒရဲလားဟာ တောထဲကိုခဏအထွက်မှာ
ဘုရင့်သားမှန်းမသိတဲ့ အမဲလိုက်သူတစ်ပါး
မထင်မှတ်ဘဲဆုံစည်းသွားချိန်
အလို....
နှလုံးအိမ်အချင်းချင်းလည်း တွယ်လိမ်ယှက်ခဲ့သလိုပေါ့။

တောထဲကအလှမဖုရားကိုတွယ်ငြိ
ကြေညာသတင်းနဲ့ ပြည်သူကိုသိစေ
မင်းသမီးရှာပုံတော်ဖွင့်လေတဲ့အခါ
မိထွေးနဲ့သမီးနှစ်ပါးက ငါးရံ့ပြာလူး
စင်ဒရဲလားလေးလည်း မချင့်မရဲဖြစ်ခဲ့ဖူးတယ်။

မင်းသားလေးရဲ့ ကြင်ယာရှာပွဲ
မိထွေးမရဲ့ မကြင်နာ တမင်တကာ အသာအခွဲမှာ
စင်ဒရဲလားဟာ မျှော်လင့်ချက်မဲ့
ဒါပေမဲ့.....
စိတ်နှလုံးဖြူ သူတို့အတွက် မခက်ခဲပုံများ
မှော်ဆန်ဆန်နတ်သမီးတစ်ပါးကကူတဲ့အခါ
ရွှေဖရုံသီးဟာ ရထားလုံးဖြစ်
ကြွက်လေးကောင်ကတော့  ကမြင်းအသွင်
ပုတ်သင်ညို နှစ်ကောင်က ရထားစောင့်
ဘဲငန်းကြီးက ရထားလုံးမောင်း
ညဥ့်လယ်ယံ ဆယ့်နှစ်ထိုးရင် အကုန်ပြန်ပြောင်းမယ်ဆိုပြီး
စင်ဒရဲလားကို နတ်သမီးတစ်ပါးလို အလှတွေတင်
ဖန်နဲ့ဆင်တဲ့ ဖိနပ်အလှကိုပေး
အလိုလေး........
မင်းသားလေးဆီသွားတဲ့မင်းသမီးတစ်ပါးဟာ
စင်ဒရဲလားပါဆိုရင် ငြင်းစရာတောင်ရှိမှာမဟုတ်ပါဘူး။

တောထဲက သူငယ်ချင်းနှစ်ဦး
ကြည်နူးစွာဆုံတွေ့
အဲဒီနောက်.....အကုန်မေ့တဲ့အခါ
နာရီသံ ဆယ့်နှစ်ကိုကြားခါနီး
ကသုတ်ကရက်ခရီးကိုအမြန်ခွာ
ဟော....ဟိုမှာ
ဖန်ဖိနပ်လှလှလေးတစ်ဖက်တော့  အဝေးမှာ ကျန်ခဲ့ပြီ။

ဖိနပ်တစ်ဖက်ကြောင့် မင်းသားခမျာရူးမတတ်ခံစားရတဲ့အခါ
တိုင်းပြည်မှာကြေညာ
ဖိနပ်တော်သူသာ မင်းသမီး
ဒီလိုနဲ့......
ရှိသမျှ အပျိုအအိုတွေ ကြိုးစားစီးကြ
မိထွေးမ သမီးနှစ်ယောက်လည်းအပါ
အဲဒီမှာ.....
လှောင်ပိတ်ခံထားရတဲ့ အိမ်အပေါ်ထပ်ဆီက
လွမ်းတသသ တေးသံပိုင်ရှင်
အလို..
သူမမှာလည်း ပြိုင်ဆိုင်ခွင့်ရှိတာပေါ့
မင်းသားရဲ့ဖိတ်ခေါ်မှု
စင်ဒရဲလားရဲ့ ရဲရင့်မှုတွေနဲ့
ဖန်ဖိနပ်လှလှလေးထဲ ခြေအလျှို
အမှန်တရားတွေက ကြို ဆိုလိုက်တာလေ
မင်းသားလေးအတွက် မင်းသမီးလေးဟာ စင်ဒရဲလား
တိုင်းပြည်အတွက် ပေးဆပ်မယ့် စင်ဒရဲလား
ဖိနပ်တစ်ဖက်အတွက် အခန်းကျဉ်းလေးထဲ မိထွေးကတံခါးပိတ်ခံထားရတဲ့ စင်ဒရဲလား
သူမသာ ဖိနပ်ပိုင်ရှင်
သူမသာ မိဖုရား
သူမသာ အကြင်နာပိုင်ရှင် ဖြစ်ခဲ့တော့ တယ်။

စင်ဒရဲလားရေ....
အမှန်တရားတွေက
တစ်ခါတစ်ရံမှာ ခါးသက်တတ်ပါတယ်။
ဖိနှိပ်မှုတွေက
တစ်ခါတစ်ရံမှာ သည်းခံရတတ်ပါတယ်။
နာကျင်မှုတွေကျတော့
အောင်မြင်ဖို့အတွက် ခင်းပေးထားတဲ့လမ်းလိုပါပဲ။
ဘယ်လိုပဲဖြစ်ဖြစ်ပါ
ဖိနှိပ်မှုတွေကြားက အမှန်တရားဆိုတာ
သူတံခါးခေါက်ချိန်ကျလာတဲ့အခါ
ယုတ်မာသူတွေလက်ကတောင် လွတ်ထွက်ပြေးလာနိုင်ပါရဲ့။

စင်ဒရဲလားရေ.....
ရဲရင့်ပါ....ပြီးတော့  ကြင်နာပါ။
ကမ္ဘာမြေပေါ်က ကလေးတွေပါးစပ်ဖျားမှာမင်း
လူကြီးတွေရင်တွင်းအထိထိုးဖောက်
ခမ်းနားသောနေ့သစ်တို့ရောက်ပါစေ
ရာဇ၀င်အသစ်တစ်ခုနဲ့လှပခမ်းနားနိုင်ပါစေလေ။ ။

                                                                                                        သားလတ်
                                                                                    ၂၂း၅၆ နာရီ ( စင်ကာပူစံတော်ချိန် )
                                                                                                        ၈.၄.၂၀၁၅

                              [ Cinderella ရုပ်ရှင်ကိုကြည့်ပြီး ရင်နှင့်ခံစားရေးဖွဲ့ပါသည်။]

Saturday, February 28, 2015

" Facebook နှင့် စည်းကျော်လာသောအသုံးပြုမှုများ "

 
ကျွန်တော် Facebook ကိုအကန့်အသတ်မထား သုံးခဲ့ဖူးသည်။ ရုံးသွားရင်း ဖုန်းကနေကြည့်လိုက်၊ အိမ်ရောက်တော့ ကွန်ပျူ တာနှင့် Facebookဖွင့်ကာ သည်အတိုင်းထားရင်း ကိုယ်တင်စရာရှိလျှင်တင်၊ ကိုယ့်ကို တစ်ယောက်ယောက် ကTagပြီ ဆိုလျှင်၊ သို့မဟုတ် Notification တစ်ခုလောက် တက်လာလျှင် ဖွင့်ကြည့် လိုက်နှင့် တောက်လျှောက်ကို သုံးခဲ့တာဖြစ်သည်။

Facebook ၏သဘောတရားအရ Like လုပ်ကြသည်။ Comment ပေးကြသည်။ စကြ၊ နောက်ကြသည်။ သို့သော် အတိုင်းအတာရှိသင့်သည်။ အဘယ့်ကြောင့်ဆိုသော် Facebook မှာစခြင်း၊ နောက်ခြင်း၌ ထိုအထဲတွင်ဝင်ရေးသူ အားလုံး၏ Friend List ထဲတွင်ရှိသူများပါ မြင်နေရသည်။ ဆိုလိုသည်မှာ သူ့အသိုင်းအ၀ိုင်းပါလာသည်။

ရပ်ကွက်ထဲက လက်ဖက်ရည်ဆိုင်မှာ စခြင်း၊ နောက်ခြင်း၊ စာသင်ကျောင်းမှာစခြင်း၊ နောက်ခြင်းတို့အတွက် ထိုအနားဝန်းကျင်ကသူများသာ သိသည်။ တစ်စားပွဲတည်းကလူများသာ သိသည်ဟုဆိုနိုင်သည်။ သို့သော် Facebook မှာက ထိုသို့မဟုတ်။ ကိုယ်နှင့် အကျွမ်းတ၀င်မသိသူများပင် သူတို့မသိသေးသော အကြောင်းအရာအားလုံးကိုသော်လည်းကောင်း၊ တစ်ပိုင်းတစ်စကိုသော်လည်းကောင်း သိသွားနိုင်သည်။ သည်အတွက် အစစ၊ အရာရာ ဆင်ခြင်နိုင်မှ သင့်တော်မည်ဖြစ်သည်။

သို့သော် ကျွန်တော်လေ့လာမိသလောက် Facebook သုံးသူ တော်တော်များများက သိပ်စဉ်းစားလေ့ မရှိဘဲ ရေးချင်ရာရေးတာများသည်။ ထို့အပြင်တစ်ယောက်နှင့် တစ်ယောက် Tag ကြသည့်အခါ မှာလည်း ဖြစ်ပေါ်လာနိုင်သော အကျိုးဆက်ကို မကြည့်။

ကျွန်တော့်မှာဥပမာတွေရှိသည်။ အမျိုးသမီးနှစ်ဦးဓာတ်ပုံအတူ ရိုက်သည်။ တစ်ဦးကပိန်သည်။ တစ်ဦးက ပိန်သူထက် အနည်းငယ်ဝသည်။ ပိန်သူ၏သူငယ်ချင်းတစ်ယောက်က လာရေးသည်။ ထိုပိန်သူသည် သူဝသည်ကို ပေါ်မှာစိုး၍ သူ့ထက်ဝသူနှင့်တွဲ၍ ရိုက်ပါသည်တဲ့။ ထိုအခါ အနည်းငယ်ဝသူ အတွက် ဒေါသ ထွက်ချင်စရာ ဖြစ်ရသည်။ တကယ်တော့ သူမကလည်း ကိုယ်အလေးချိန်လျှော့ချနေသူ ဖြစ်သည်။ Comment ရေးသူနှင့် အနည်းငယ် ၀သူတို့သည် လုံးဝမသိ။ ပိန်သူကြောင့်သာ Facebook ပေါ်မှာ ထိုသို့ အရေးခံရတာဖြစ်လေသည်။ ဘယ်သူမျှ မကောင်းတော့။

နောက်ဥပမာတစ်ခုက ယောကျာ်းလေးတစ်ယောက်က အင်္ကျီမပါ၊ ဘောင်းဘီတိုဝတ်၍သူ့ကိုယ်လုံးကို ဓာတ်ပုံရိုက်ကာ Facebook မှာတင်သည်။ သူ့ဘာသာတင်သည်က ပြဿ   နာမရှိသော်လည်း သူက Tag လိုက်သေးသည်။ ထိုအထဲမှာ သူ့သူငယ်ချင်း မိန်းကလေးများပါ ပါသည်။ သူ မတွေးလိုက်သည်က သူ့သူငယ်ချင်းမိန်းကလေးများအတွက် ထိုပုံကိုတက်ဂ်ရန်လိုမလိုဖြစ်သည်။ ဘာအတွက်ပါနည်း။

နောက်ဆုံးအကျိုးဆက်ကတော့ သူငယ်ချင်းမိန်းကလေးက ဒေါကန်တော့သည်။ သူမမှာသူမ မိဘ၊ ဆွေမျိုး၊ အသိုင်းအ၀ိုင်းရှိသည်။ ယောကျာ်းလေးတစ်ယောက်က ဘောင်းဘီတိုဝတ်ကာ အင်္ကျီဗလာနှင့် ရိုက် ထားသောပုံကို မိန်းကလေးတစ်ယောက်ကို တက်ဂ်ခြင်းမှာ အဓိပ္ပါယ်အများကြီးရှိသည်။ သည်အတွက် လည်း ဘယ်သူ့ဘယ်သူမျှ မကောင်းတော့။

နောက်ထပ် ဥပမာတွေ အများကြီး ရှိသေးသည်။ ချရေးလျှင် ကုန်မှာမဟုတ်။ လူတိုင်းလူ့အသိုင်းအ၀ိုင်း ရှိကြသည်။ တချို့က သူတို့မှသာ အသိုင်းအ၀ိုင်းရှိသည်ဟုများ ထင်သလား မပြောတတ်။ တစ်ဖက်သား အတွက် ကိုယ်ရေးလိုက်သော စကားလုံး၊ ကိုယ်တင်လိုက်သောဓာတ်ပုံတို့သည် သူ့ဘ၀အတွက် များစွာထိခိုက်နိုင်သည်ကို မတွေး။ တည့်တည့်ပြောရလျှင် Facebook မှာ သူ့စည်းကိုယ့်စည်း ထားတတ်မှု အားနည်းကြခြင်းဖြစ်သည်။

ဆိုလိုသည်မှာ ကိုယ်ပိုင်ဆိုင်သော ကိုယ်ပိုင်အကောင့်မှာပင် ထိန်းထိန်းသိမ်းသိမ်း ရေးရ၊ ထိန်းထိန်း သိမ်းသိမ်း ဓာတ်ပုံတင်ရသေးလျှင် သူများအကောင့်ဆိုလျှင်တော့ ပြောဖွယ်ရာ မရှိတော့။ ထိုအချက်ကို Facebook သုံးသူများ နားလည်စေချင်သည်။ ထိုသို့ သူ့စည်း၊ ကိုယ့်စည်း နားမလည်လျှင်တော့ အပြင်မှာ ခင်သူချင်းပင် Facebook သုံးမှ အခင်အမင်ပျက်ရသေးသည်ဟု ကျွန်တော်ရေးခဲ့ဖူးသလို ဖြစ်လာနိုင်မည်မှာ မလွဲမုချပင်ဖြစ်ပါတော့သည်။           ။

ဆူးသစ်
၁၆း ၁၆ နာရီ ( စင်ကာပူစံတော်ချိန် )
၂၈.၂.၂၀၁၅

Thursday, February 19, 2015

" လွတ်မြောက်ခြင်း "


စိတ်က လွတ်လပ်သွားတယ်
ချုပ်ထိန်းမှုတွေက ပွင့်ထွက်တယ်
ပြူ တင်းပေါက်အပြင်တောင်လွင့်ထွက်လို့
လွတ်လပ်ရေးနဲ့ ဒီမိုကရေစီကိုတွဲရသလိုမျိုး။

အခန်းငယ်တွေကနေ ထွက်ထားတယ်
ဝင်ချင်တဲ့အချိန်မှဝင်တဲ့အခါ
မေ့ရမှာတွေကိုမေ့လို့ရသွားတယ်
ကိုယ်ရှာတဲ့ဒုက္ခဆိုတာ ကိုယ်သာသိခဲ့တာပေါ့
ကြီးကြီးမားမားတွေ ဆုံးရှုံးရတယ်ဆိုတာ
တစ်ခါတစ်ခါတော့ ငြိမ်းချမ်းခြင်းရဲ့အနှစ်သာရတွေကိုရဖို့များလား။

ခပ်တုံးတုံးတွေကိုပဲ ဖက်တွယ်ထားသလိုမျိုး
ကိုယ့်မြှုံးနဲ့ကိုယ် ပိတ်မိနေတာ
မာနတွေမျို ချတာများတော့ ကိုယ်ကပဲမျုိူးတုန်းတော့မယောင်
နဂါးတွေအမောက်ထောင်တတ်တယ်ဆိုတာ
ကျားတွေဟိန်းဟောက်နေတာနဲ့အတူတူပဲလေ။

ရွေးချယ်ခွင့်တွေကြားမှာ
ကိုယ့်ကိုယ်ကိုအသုံးချ ခံနေတာ ကြာသွားလားမသိ
စာမျက်နှာတွေလည်း ပြဲဆုတ်လို့
စကားလုံးတွေကလည်း မလှပလို့
လိုင်းတွေအတားခံရတာခဏခဏဆိုတော့လည်း
အမှောင်ထဲကနေပဲ ပြေးထွက်လိုက်တော့တယ်
သေချာတယ်...
ငါ့စိတ်တွေ လွတ်မြောက်ခြင်းနယ်မှာ နားတော့မယ်။          ။

သားလတ်
၂၃း၃၆ နာရီ ( စင်ကာပူစံတော်ချိန် )
၁၈.၂.၂၀၁၅
Photo Ref: http://www.pageresource.com

Sunday, February 15, 2015

" မေ့မရနိုင်ခဲ့သော မာလာဆောင်ညတစ်ည "


 ၁၉၉၅ ခုနှစ်၊ မေလ၊ ၂၇ ရက်နေ့။

လက်ရှိကာလက ပြန်ကြည့်လျှင်  နှစ် ၂၀ ခန့်ပင် ကြာခဲ့ပြီဖြစ်သည်။ သို့သော် ကျွန်တော့်အတွက် မမေ့နိုင်ခဲ့သော ညတစ်ည ရှိခဲ့သည်။ ယခင်က ရန်ကုန်စက်မှုတက္ကသိုလ်က သူငယ်ချင်းများနှင့် ညဘက်ကြီးလမ်းလျှောက်၍ လျှောက်သွားခဲ့သောညသည် မမေ့နိုင်ခဲ့သော ပထမည။ ကျွန်တော်တို့သည် (၂၀) မှာ ကျွန်တော် ထိုညအကြောင်း ရေးခဲ့ပါသည်။ ယခု ၁၉၉၅ ခုနှစ်၊ မေလ၊ ၂၇ ရက်နေ့သည်ကား ရန်ကုန်စက်မှုတက္ကသိုလ်မှာ ကြုံရသည့်ညမဟုတ်။ ရန်ကုန်တက္ကသိုလ်ရှိ မာလာဆောင်မှာ ကြုံခဲ့ရတာဖြစ်သည်။ ထိုညကလည်း မမေ့နိုင်ခဲ့သော ညတစ်ညပင်။

ထိုအချိန်က ကျွန်တော့်မှာ ဂစ်တာတီးဖော်သူငယ်ချင်းများ ရှိသည်။ သူတို့က ကျွန်တော်ယခင်နေခဲ့ရာ အရပ်မှ ဖြစ်သည်။ ကျွန်တော်သည် အိမ်ပြောင်းသွားခဲ့သည့်တိုင် သူတို့ရှိရာကို ရံဖန်ရံခါ သွားလည်တတ်ပြီး သူတို့အထဲမှာ ဂစ်တာအတီးကောင်းသူ တစ်ဦးရှိ၍ အခါအခွင့်သင့်လျှင် သင့်သလို သီချင်းစုဆိုတတ်သည်။

ထိုညက မထင်မှတ်ဘဲ ကျွန်တော်တို့အားလုံး ၁၀ ယောက်ခန့်စုမိသည်။ ညီအစ်ကိုလိုနေသော သူငယ်ချင်းတစ်ယောက် အိမ်မှာ လေးဘီးကားလေးရှိ၍ ထိုကားနှင့် အဆောင်မှာ သီချင်းသွားဆိုရန် ညှိသည်။ နှစ်ခါမညှိရ။ သည်လိုနှင့် လှည်းတန်းက မာလာဆောင်ကိုရောက်သည်။

အဆောင်မှာ သီချင်းဆိုလျှင် သီချင်းဆိုသူချင်းသာ သိသည့် စည်းကမ်းဟု ဆိုရမည့် အချက်တစ်ချက်ရှိသည်။ တစ်ဖွဲ့ဆိုနေချိန်မှာ နောက်တစ်ဖွဲ့က ပြိုင်မဆိုရ။ ဒါက နားလည်မှုဖြစ်သည်။ မည်သူမျှ စည်းကမ်း ထုတ်ထားတာ မဟုတ်။ ထိုအတွက် ဆိုရသူတွေလည်း ကောင်းသလို။ နားထောင်ရသူများလည်း အဆင်ပြေသည်။ ပြိုင်ဆိုနေလျှင် ဆူညံကာ ဆိုသူလည်း မကောင်း။ နားထောင်သူလည်း မကောင်း။

ကျွန်တော်တို့အဖွဲ့ ရောက်သွားချိန်မှာ မာလာဆောင်ရှေ့မှာ အဖွဲ့တစ်ဖွဲ့ တီးလက်စ။ သူတို့က သုံးလေးယောက်လောက်သာ ရှိသည်။ ကျွန်တော်တို့အဖွဲ့က သူတို့တီးလက်စ အပုဒ် ပြီးအောင်စောင့်သည်။ သူတို့ပြီးတော့ ကျွန်တော်တို့ ၀င်သည်။ သူတို့က ခဏရပ်သည်။ နောက်တစ်ကြိမ် သူတို့ပြန်ဆိုစဉ်မှာ မိုးကဖွဲဖွဲ စရွာသည်။ ကျွန်တော်တို့က ဂစ်တာမိုးစိုမှာ စိုး၍ ကားပေါ်ကို ခဏတင်ကာ မူလအဖွဲ့ အပြီးကို စောင့်သည်။

ထိုအချိန်မှာ မာလာဆောင်ပေါ်က လူရိပ်များကို မီးရောင်အောက်မှာ ကျွန်တော်တို့ မြင်ရသည်။ သူတို့သည် သူတို့ဝရန်တာမှ သီချင်းကို နားစွင့်နေပုံရသည်။ မူလဆိုနေသော အဖွဲ့ကား မိုးဆက်ရွာလာ၍ ရပ်ကာ ပြန်သွားလေသည်။ ကျွန်တော်တို့ အဖွဲ့က မိုးကိုခဏစောင့်ပြီး မိုးနည်းနည်းပါးချိန်မှာ အဆောင်တံခါးရှေ့ကို ပြန်ဝင်သည်။ သစ်ပင်ကြီးများကြောင့် မိုးသည် ကျွန်တော်တို့ကိုယ်ပေါ်ကို စိုရွှဲသည်အထိ မကျနိုင်တော့။

ထိုအတွက် ကျွန်တော်တို့အဖွဲ့က ကျွန်တော်တို့ ကြိုက်သော သီချင်းများကို စဆိုသည်။ ဖြစ်ချင်တော့ ကျွန်တော်တို့မှာပါလာသော သောက်ရေဘူးများ ကုန်သွားသည်။ ပါလာသော သူအချုိ့က အဆောင်ပေါ်ကို ကုန်းအော်သည်။ သောက်ရေကုန်သွားပြီဟု။ သီချင်းက ကုန်းအော်ဆိုရ၍ မောလာသည့်အခါ ရေက ဆာလာသည်။ ထိုအခါ သီချင်း ဆက်ဆိုဖို့ အားလျော့လာ၏။

ထိုအတောအတွင်းမှာ အဆောင်ထဲက ဦးလေးကြီးတစ်ဦးထွက်လာသည်။ သောက်ရေနှင့် စားစရာ မုန့်တချို့ပါလာ၏။ ပြီးတော့ စာတစ်စောင်ကို ဦးလေးကြီးက ပေးသည်။ ကျွန်တော်တို့ ဖတ်ကြည့်သည်။

" အဆောင်ရှေ့က သီချင်းလာဆိုကြသော အစ်ကိုကြီးများရှင့်.......
ကျေးဇူးပြု ပြီး အဆောင်ပေါ်ကို လှမ်းမအော်ပါနဲ့နော်။ အဆောင်မှူးဆူမှာစိုးလို့ပါ။ လိုတာရှိရင် အဲဒီဦးလေးကြီးကို လှမ်းမှာလိုက်ပါ။ အခု သောက်ရေနဲ့ မုန့်တွေထည့်ပေးလိုက်ပါတယ်။ ကျွန်မတို့ကို အောက်ကစာရင်းထဲက အဆိုတော်တွေရဲ့ သီချင်းတွေ ဆိုပေးဖို့ တောင်းဆိုပါရစေ။ " ဆိုပြီး အဆိုတော်နာမည်များကို ကြည့်သည့်အခါ ထူးအိမ်သင်၊ ဆောင်းဦးလှိုင်၊ လေးဖြူ ၊ စိုးလွင်လွင် စသဖြင့် ပါသည်။

ဘာပြောကောင်းမည်နည်း။ ထူးအိမ်သင်ကို ကျွန်တော်တို့ဆက်တိုက်ဆိုသည်။ ဂျပ်ဆင်ထိပ်က လရိပ်ပြာ၊ ဆွေးတယ်၊ အမေ့အိမ် စသဖြင့် စုံနေအောင်ဆိုသည်။ အံ့ဩဖို့ကောင်းသည်။ သူတို့သည် အဆောင်၏ ညဥ့်နက်လာမှုကို အံတုကာ အဆောင်မှူး၏ စည်းကမ်းကိုလည်း မလွန်ဆန်ကာ ၀ရန်တာမှာ နားထောင်နေရာမှ အခန်းထဲကို ၀င်သည်။ တံခါးကိုဖွင့်ထားသည်။ ပြီးတော့ အခန်းထဲမှာ ကျွန်တော်တို့ သီချင်းကို တေးသရုပ်ဖော် လိုက်လုပ်သည်။ ထိုသို့လုပ်သည်က အခန်းတစ်ခန်းတည်း မဟုတ်။ လေး၊ ငါး၊ခြောက်ခန်း။ သူတို့ အဆင်ပြေသလို လုပ်နေတာ ဖြစ်သည်။

ကျွန်တော်တို့ကား ရေနှင့်စားစရာ ရပြီဖြစ်၍ အားနည်းနည်းရှိလာသလို မာလာဆောင်သူတို့၏ တေး သရုပ်ဖော်တို့ကြောင့် သီချင်းဆိုရသည်ကို ပိုပြီး အရသာတွေ့လာ၏။ ဆောင်းဦးလှိုင်၏ မင်းရဲ့ ကို ဆိုသည်။ ဒါလည်း သူတို့က တေးသရုပ်ဖော်လို လိုက်လုပ်သည်။ လေးဖြူ ၏ မျှော်လင့်ခြင်းလေး မှာတော့ သူတို့ အားလုံးငြိမ်၍ နားစွင့်သည်။ ပြီးတော့ ကျွန်တော်တို့က ဆလိုင်းသွှအောင် ရေး၍ သူကိုယ်တိုင် ဆိုခဲ့ပြီး ဖိုးချို ပြန်ဆိုခဲ့သော အဆောင်သူရဲ သီချင်းကို ဆိုရန် မာလာဆောင်နဲ့ပတ်သက်လို့....ဟု အစချီ သည်။ ထပ်ပြီး အံ့ဩရပြန်သည်။ အခန်းတိုင်းလိုလို ထွက်၍ မဆိုရန် လက်ရိပ်ပြသည်။ ကျွန်တော်တို့ အားလုံး ဆိုရန်ပြင်ရင်း ရပ်တန့်ခဲ့ရသည်။ သူတို့ မာလာဆောင်၏ ရာဇ၀င်ထဲက အချစ်ကြီးသူ တစ်ယောက်၏ အကြောင်းရေးဖွဲ့ထားသော သီချင်းကို သူတို့ နားထောင်ရန် စိုးရွံ့နေပုံရသည်။

ပြီးတော့ သူတို့ထဲက လေးငါးယောက်သည် ရေချိုးသည့်ခွက်များ ကိုကိုင်ကာ တစ်ယောက်နှင့် တစ်ယောက် ရေလောင်း ဟန်ပြသည်။ ကျွန်တော်တို့ သိလိုက်သည်။ အတီးသမားက မြနန္ဒာကို စတီးသည်။ အားလုံးက သံပြိုင်လိုက်တော့သည်။ ပြောလျှင် ယုံမှာမဟုတ်။ သူတို့သည် သူတို့၏ ခုတင်ပေါ်ကို တက်ကာ ကကြတော့သည်။ တစ်ခန်းနှင့်တစ်ခန်း မမြင်ရ၍ အကများက မတူညီကြ။ သို့သော် သင်္ကြန်အကတို့၏ သဘောကို သူတို့သိသည်။ တချို့သည် ဆံပင်ရှည်များကို ဖြန့်ချပြီးကသည်။ ကိုယ်ကိုလှည့်စဉ်မှာပင် ဆံစတို့သည် လေမှာဝဲ၏။ တကယ်ကို သင်္ကြန်လို ကနေတာဖြစ်သည်။ ကျွန်တော်တို့အဖွဲ့မှာ ဆိုရင်းဆိုရင်း အားတက်လေပြီ။

မိုးသည် ကျွန်တော်တို့ကို မရပ်နိုင်တော့။ ဆက်မရွာတော့ဘဲ လုံးဝ ရပ်တန့်သွားတော့သည်။ မြနန္ဒာ ဆုံးသည့်အခါ သူတို့အထဲက တစ်ယောက်၊ နှစ်ယောက်က လက်ကိုင်ပုဝါကလေးများကို ဝှေ့ပြသည်။ ကျွန်တော်တို့ သိလိုက်ပြန်ပြီ။ ဂစ်တာအတီးသမားသည် ယခင်ကတည်းက လိဒ်ဂစ်တာသမားဖြစ်၏။ စိုးလွင်လွင်၏ ဒုံးယိမ်းညကို ကရင်ဒုံးယိမ်းတီးလုံးဖြင့် ဂစ်တာနှင့် စလိုက်သည်။ ထို့နောက် တစ်ဖွဲ့လုံးသံပြိုင် လိုက်တော့၏။

မာလာဆောင်သူတို့သည် လက်ကိုင်ပုဝါများထုတ်ကာ ဒုံးယိမ်းညကို ကကြပြန်တော့သည်။ နောက်တော့ သီချင်းတစ်ပုဒ်ပြီးတစ်ပုဒ် ဆုံးတိုင်း သူတို့သည် တဖြည်းဖြည်း ငြိမ်သက်လာတော့သည်။ ညသည် တရွေ့ရွေ့ ကုန်လွန်သွားတော့သည်။ ကျွန်တော်တို့ အဖွဲ့မှာ အရုဏ်ကျင်းလာသည်နှင့်အမျှ ပင်ပန်းမှုများက ၀င်ရောက်လာတော့သည်။ သူတို့အဆောင်မီးများ မပိတ်ခင် အားလုံးကို နှုတ်ဆက်၍ ပြန် ခဲ့တော့သည်။

ထို့နောက် လှည်းတန်းက မိုးအလင်းရောင်းသည့် လက်ဖက်ရည်ဆိုင်မှာ ဗိုက်ဝင်ဖြည့်ပြီးမှ အိမ်သို့ ပြန်ခဲ့ ကြတော့သည်။

တကယ်တော့ ကျောင်းသားဘ၀ ဖြတ်သန်းမှုဆိုသည်မှာ အင်မတန် ပျော်ရွှင်ကြည်နူးစရာ ကောင်းလှသည်။ ထိုအထဲကမှ အဆောင်ကျောင်းသားဘ၀ ဆိုတာကလည်း တကယ်ကို ပျော်ရွှင်စရာဖြစ်သည်ဟု အဆောင် မနေခဲ့ရသည့်တိုင် ကျွန်တော်ယုံကြည်သည်။ ထို့အပြင် မိန်းကလေး အဆောင်များရှေ့မှာ သီချင်းသွားဆို ရသည့်အခါလည်း တကယ်ကို ကြည်နူးရသည်။ ထိုခံစားမှုကို အဆောင်မှာ သီချင်းသွားဆိုဖူးသူများသာ သိသည်။

ရန်ကုန်စက်မှုတက္ကသိုလ်ကျောင်းသားစစ်စစ် ဖြစ်သော ကျွန်တော့်အဖို့ ရန်ကုန်စက်မှုတက္ကသိုလ်က သဇင်ဆောင်ရှေ့မှာလည်း သီချင်းဆိုဖူးသည်။ ပြီးတော့ ရန်ကုန်တက္ကသိုလ်က အင်းလျားဆောင်ရှေ့ မှာလည်း ဆိုဖူးသည်။ ရန်ကုန်ဆေးတက္ကသိုလ်၏ ယုဝတီဆောင်နားမှာလည်း ဆိုဖူးသည်။ သို့သော် ထိုမာလာဆောင်မှာ ဆိုခဲ့သည့် ညကိုဖြင့် မေ့မရနိုင်သည်မှာ အသေအချာ။

အကြောင်းကရှိသည်။ ကျွန်တော်တို့မှာ ထိုအချိန်က ဂီတဆိုသည့် အနုပညာအပေါ် စီးဆင်းနစ်ဝင်မှု တစ်ခုသာရှိသည်။ မာလာဆောင်သူများသည်လည်းကောင်း၊ ကျွန်တော်တို့ အတီးသမား၊ အဆိုသမားများ သည်လည်းကောင်း ကျောင်းသူ၊ ကျောင်းသားများဖြစ်၍ အရွယ်၏ တောင်းဆိုမှုနှင့် ခေတ်၏ ပေးလာသည့် အခွင့်အရေးပေါ်မှာ အပြည့်အ၀ အသုံးချခွင့်ရခဲ့ကြသည်။ ထိုအတွက် တကယ်ကို ကြည်နူး စရာကောင်းသည်။ ကျွန်တော်တို့မှာ ထိုအချိန်က ဘာစိတ်၊ ညာစိတ်များ မရှိကြ။ ကျွန်တော်တို့ ဆိုသော သီချင်းကို သူတို့က လိုက်က၊ တေးသရုပ်ဖော်လုပ်ပြကြမို့ မနက်လင်းလျှင် သူတို့ကို စောင့်ပြီး လိုက်ရော၊ အကျွမ်းတ၀င်ဖြစ်အောင်လုပ်၊ ဇာတ်လမ်းရှာ စသဖြင့် လုပ်ချင်သောစိတ်များ မရှိ။

မိန်းကလေး အဆောင်ရှေ့ သီချင်းဆိုစဉ်ရသည့် စိတ်ခံစားမှုမျိုးကို ရချင်၍၊ တစ်နည်းအားဖြင့် ကျောင်းသား ဘ၀ ပျော်ရ၍၊ မာလာဆောင်သူများကလည်း အဆောင်ရှေ့မှာ သီချင်းလာဆိုသော ကျောင်းသားဖြစ်ဖြစ်၊ အရပ်သားဖြစ်ဖြစ် အဆောင်သူတို့၏ သဘာဝအရ သီချင်းလာဆိုလျှင် နားထောင်ရင်း ကျောင်းသူဘ၀ အားလပ်ချိန် စိတ်အပန်းဖြေစရာ အဖြစ် ကြည်နူးရ၍ စသောခံစားမှုမျုိးဖြင့်သာ တစ်ချိန်က ကျောင်း သူ၊ ကျောင်းသားဘ၀ကို ဖြတ်သန်းခဲ့ကြတာဖြစ်သည်။

မည်သို့ဆိုစေ ကျွန်တော်ဖြတ်သန်းခဲ့ရသော တက္ကသိုလ်ကျောင်းသားဘ၀မှာ ယခုလို ညမျိုးကို ပိုင်ဆိုင်ခွင့်ရ ခဲ့သည့်အတွက်တော့ ကျွန်တော့်ဘာသာ ကျေနပ်မိပါသည်။ တချို့သောအတိတ်တို့သည် ပြန်မရနိုင်တော့။ တချို့သော ဘ၀တို့သည် ပြန်မရနိုင်တော့။ သို့သော် တချို့ အစိတ်အပိုင်းများကိုကား ဘ၀၏ အမှတ်တရများအဖြစ် ပြန်တွေးတိုင်း ကြည်နူးနေနိုင်သေးသည် ဆိုလျှင် ကျွန်တော်တို့ ခေတ် ၏ ကျောင်းသားဘ၀ အတွက် ကျွန်တော်ကျေနပ်နေပါသည်။

ကြာတော့ကြာခဲ့ပါပြီ။ ၁၉၉၅ ခုနှစ်ကပါ။ လွန်ခဲ့သော နှစ် ၂၀ ခန့်က ဖြစ်ပါသည်။          ။

သားလတ်
၁၂း၃၂ နာရီ ( စင်ကာပူစံတော်ချိန် )
၁၅.၂.၂၀၁၅
Photo Ref: freewallsource.com

Saturday, February 14, 2015

" ဟောင်းနွမ်းမသွားတဲ့ အရာ "



ချစ်ခြင်းကတော့ လတ်ဆတ်နေတုန်းပဲ
ခုနှစ်လေးတွေပဲ ပြောင်းသွားတာ။

အရုပ်ဆိုင်ကလေးတွေရောက်တယ်
ပန်းစည်းကလေးတွေကိုလည်းမြင်တယ်
ချစ်သူလက်ကိုဆွဲပြီး အနာဂတ်ကိုလည်းကြည့်တယ်
ချောကလက်ကျွေးခဲ့တဲ့ကာလတွေကနေ ဒီနေ့အထိ
အရုပ်တွေပြောင်းချင်ပြောင်းမယ်
ပန်းစည်းတွေဟောင်းချင်ဟောင်းမယ်
ချောကလက်လေးတွေ မေ့ချင်မေ့မယ်
သေချာတာက
ချစ်ခြင်းတွေကတော့ မနက်မိုးလင်းတိုင်း
အလင်းနဲ့ပွင့်နေတုန်းပဲ။   ။

သားလတ်
၁၆း ၂၀ နာရီ ( စင်ကာပူစံတော်ချိန် )
၁၄.၂.၂၀၁၅
Photo Ref: ewallpaperhub.com
 

" ချစ်သည်၊ မုန်းသည်၊ ကြိုက်သည်၊ မကြိုက်သည်၊ ကောင်းသည်၊ ဆိုးသည် အပထား "


 Facebook သုံးသည့်ကာလ နည်းနည်းကြာလာသည့်အခါ ကျွန်တော့်အတွက် သင်ယူစရာများ များစွာ ရလာခဲ့သည်။ တစ်ခါတစ်ရံ ကျွန်တော့်စိတ်နှင့် အခန့်မသင့်သည့်အခါ တော်တော်စိတ်ညစ်ရသည်။ မိမိဘာမျှ မလုပ်ဘဲကို စိတ်ညစ်ညူးစရာများက တစ်လှေကြီး ၀င်လာသည်။ ရံဖန်ရံခါ ကျွန်တော့်ဇနီးသည်ကိုပင် ထိခိုက်လာသည့် သဘောမျိုးတွေရှိလာသည်။ သည်အတွက် အချိန်ကာလ တစ်ခုမှာ Facebook ကို စွန့်ခွာရန် ကျွန်တော့်စိတ်ထဲ ပြင်းပြလာခဲ့တော့သည်။

သည်လိုနှင့် ပြီးခဲ့သည့် ရက်သတ္တပတ်အတွင်းမှာ ကျွန်တော့် Facebook Account ကို Deactivate လုပ်ခဲ့သည်။ ရက်ကိုမေးတော့ ၇ ရက်ဟု ယာယီပေးကြည့်သည်။ ထို ၇ ရက်အတွင်း ဘာတွေဖြစ်ပါသနည်း။

အရိုးသားဆုံး ၀န်ခံရလျှင် တော်တော်လေးစိတ်အေးချမ်းပါသည်။ ယခင်က မိမိဘာမျှ မလုပ်ဘဲ အလိုလိုဝင်လာသော စိတ်ရှုပ်ထွေးစရာများ အလိုလို ရပ်တန့်သွားပါသည်။ ထိုအတွက် တစ်ဖက်က ပြန်ကြည့်လျှင်တော့ မကောင်းတာတစ်ချက်ကိုလည်း သတိထားလိုက်မိပါသည်။ ကျွန်တော့် Friend List တွင် စိတ်ရှုပ်ထွေးစရာများကို တင်နေသူများ ရှိနေသည်ဆိုခြင်းပင်။ သို့သော် လူမှုလောက သဘာဝအရ သူတို့ကလည်း သူတို့အခွင့်အရေးအရ တင်ချင်တာတင်ပေလိမ့်မည်။ ကျွန်တော်မဖတ် ချင်လျှင် ကျွန်တော့်ဘာသာ ရှောင်ကွင်းသွားရပေလိမ့်မည်။ 

ကျွန်တော့် Page မှာ Status တစ်ခု တင်ခဲ့ဖူးပါသည်။ " Facebook ဆိုတာက အမြဲတမ်း တသမတ်တည်း စိတ်မျိုးနဲ့ စည်းကမ်းတကျနေထိုင်သူတွေ တက်တဲ့ကျောင်း မဟုတ်တာတော့သေချာတယ်။ " ဆိုသည့် သဘောတရားဖြစ်ပါသည်။ ကျွန်တော်ထိုသို့ လက်ခံပါသည်။ 

ထိုအတွက် ကျွန်တော့်ဘာသာ ဆင်ခြင်ရန် သတိပြု မိသည့်အခါ သေချာသည်က ကျွန်တော်ယခင်က သုံးနေကျ Facebook သုံးပုံမျိုး နောင်ကို သုံးစွဲမည် မဟုတ်တော့ပါ။ သို့သော် ကျွန်တော်ဖန်တီးထားသော Facebook Page များကို စွန့်ခွာရန် မဖြစ်နိုင်၍ ထို စာမျက်နှာများမှာတော့ ကျင်လည်ရပါလိမ့်မည်။ Sue Thit/ Thar Latt Page အပြင် ကျွန်တော့်မှာ နောက်ထပ် Page များရှိပါသေးသည်။ ထိုအထဲကမှာ Page တစ်မျက်နှာမှာ ကျွန်တော့်အလုပ်နှင့် ဆက်စပ်၍ လူထုကို တတ်နိုင်သလောက် အသိပညာပေးရန်ဖြစ်၍ ရပ်ထားရန် မဖြစ်နိုင်ပါ။

ယခု သည်တစ်ပတ်ထဲမှာပင် အလုပ်ထဲက မြန်မာအင်ဂျင်နီယာလေးနှစ်ယောက်က ဘေးအန္တရာယ် ကင်းရှင်းရေးပိုင်းများ ကျွန်တော့်ကို လာမေးပါသည်။ သူတို့ကို မြန်မာပြည်ကနေ စင်ကာပူ Training ပို့လိုက်တာဖြစ်သည်။ ယခုလကုန်မှာ မြန်မာပြည်ပြန်ပြီး Safety Engineer များအဖြစ် မြန်မာပြည်က ပရောဂျက်မှာ ပြန်လုပ်ရမှာ ဖြစ်သည်။ သည်တော့ သူတို့ကလည်း ကျွန်တော့်ကို မြန်မာပြည်ပြန်ရောက် ပြီးလျှင် မည်သို့ ဆက်သွယ်ရမလဲ မေးသည်။ သူတို့မှာ မေးစရာများ များစွာရှိနေတာ ကျွန်တော်သိသည်။ နောက်ဆုံး Facebook ကပင် ပြန်ဆက်သွယ်ဖို့နှင့် ကျွန်တော်ဖန်တီး ထားသော ဘေးအန္တရာယ်ကင်းရှင်းရေး Page ကိုဝင်ဖတ်ရန် အကြံပြု ရသည်။

ပြီးတော့ Account Deactivate မလုပ်ခင်က ကျွန်တော်နှင့် ရင်းနှီးသော မိတ်ဆွေတစ်ယောက်က သူသည် ကျွန်တော့်စာဖတ်ပရိသတ် ဖြစ်ကြောင်းနှင့် သူဖတ်ချင်သော မည်ကဲ့သို့သော စာမျိုးကိုလည်း ရေးစေချင် လိုကြောင်း Facebook ကပင်လှမ်းပြောသည်။ ထိုသို့စာမျိုး ရပါကလည်း သူ့ကို မျှစေလိုကြောင်း ဆိုလာသည်။ ထိုသူမျိုးအတွက်လည်း ကျွန်တော့် Page မှာ ကျွန်တော်ကျင်လည်ရပါဦးမည်။ 

သည်လိုပြောနေ၍ Facebook ဆက်သုံးချင်သောကြောင့်သာ အကြောင်းပြချက်များ ပေးနေခြင်းမဟုတ်ပါ။ ကျွန်တော့် စာမျက်နှာများကို ကျွန်တော်ပစ်ထား၍ မရနိုင်ကြောင်း ထင်ရှားစေချင်၍ပါ။ တစ်နည်းအားဖြင့် Facebook မှာ အဆိုးရှိသလို အကောင်း ရှိနေသည်ကို သိစေချင်၍ပါ။ အမှန်အတိုင်း ၀န်ခံရလျှင် ကျွန်တော်ယခု ရေးသားနေသော ဘလော့ကို ဆက်သုံးလည်း ရပါသည်။ သို့သော် Facebook မှ Facebook ဖြစ်နေသော ခေတ်မှာ ဘလော့တစ်ခုတည်းနှင့် ကျွန်တော့်စာများကို ချပြ၍ မရနိုင်ကြောင်း ကျွန်တော်သိခဲ့ပြီး ဖြစ်ပါသည်။ ထိုအတွက် ကျွန်တော့်Facebook စာမျက်နှာများသည်လည်း ကျွန်တော်နှင့် စာဖတ်သူများကြား ပေါင်းကူးတစ်ခုသဖွယ် လိုအပ်နေသည်မှာ ထင်ရှားပါသည်။

Facebook ကိုခဏ ရပ်ထားချိန်မှာ ကျွန်တော် အင်မတန်စိတ်ချမ်းသာကြောင်း အထက်မှာ ဆိုခဲ့ပါသည်။ တကယ်ကို စိတ်ချမ်းသာပါသည်။ နေရင်းထိုင်ရင်း ကြွားနေသူများ၊ သူများကို အပုပ်ချမှ နေနိုင်သူများ၊ ထေ့ စကား၊ ရိစကား ဆိုချင်သူများ၊ လူနှင့်လူ့အသိုင်းအ၀ိုင်းကို နားမလည်သူများ၊ ကိုယ်ပျော်ဖို့အတွက် ဘယ်သူဘာဖြစ်ဖြစ် ဂရုမစိုက်သူများ အစရှိသဖြင့် အားလုံးကို ဝေးဝေးမှာ ထားခဲ့နိုင်ပါသည်။ ထို့အပြင် ဒုတိယအကြိမ် ကျွန်တော် ဖတ်ဆဲဖြစ်သော ဆရာမကြီး ဒဂုန်ခင်ခင်လေး ၏ " စာဆိုတော် " ၀တ္ထု ကြီးကိုလည်း အလုပ်မအားသည့်ကြားမှ Facebook သုံးမည့်အစား စာမျက်နှာများစွာကို ဖြတ်သန်းနိုင် ခဲ့ပါသည်။ ဆိုလိုသည်မှာ စာဖတ်ချိန်ပိုရလာပါသည်။ ထို့အပြင် ဟိုတစ်စ၊ သည်တစ်စ လုပ်စရာရှိသည် များကိုလည်း လုပ်နိုင်လာခဲ့ပါသည်။

တစ်ဖက်မှာ ဆိုးကျိုးလည်း ရှိနေပါသည်။ အဓိကအချက်မှာ သတင်းများနှင့် ဝေးသွားပါသည်။ မှန်သည်၊ မမှန်သည် အပထား။ Facebook သုံးလျှင် သတင်းစာမျက်နှာများက ခေါင်းစဉ်လောက်တော့ မြင်နေ ရပါသည်။ ထိုအတွက် Facebook မသုံးသောအခါ မည်သည့်သတင်းမျှ တမင်လိုက်ဖတ် မနေဖြစ်တော့ပါ။ ကုန်ကုန်ပြောရလျှင် တိုက်ပွဲများဖြစ်နေသည်ကိုပင် မသိတော့ပါ။ ထို့ပြင် ကျွန်တော်အလွန်ကြိုက်နှစ် သက်သော ဘောလုံးပွဲများ၏ Highlight များကိုပင် မကြည့်ရတော့ပါ။

ချိန်ဆကြည့်လျှင်တော့ ကျွန်တော့်လို လူမျိုးအတွက် သတင်းမဖတ်၊ ဘောလုံးပွဲ မကြည့်ဘဲ နေနိုင်လျှင် Facebook မသုံးခြင်းက စိတ်တော်တော် ချမ်းသာမည့် သဘောရှိပါသည်။ သို့သော် ကျွန်တော့်လို စာဖတ်၊ စာရေး၍ မိမိစာ ဖတ်သူများရှိနေလျှင်တော့ သိပ်ပြီး အဆင်ပြေမည် မဟုတ်ပါ။ ပြီးတော့ ကျွန်တော့်မှာ လူအများကို စာထဲက ပေးချင်သော အရာများစွာ ကျန်နေပါသေးသည်။ ထိုအတွက် Facebook ကို စိတ်နာနာနှင့် ချစ်ရပေဦးတော့မည်။

ချစ်သည်၊ မုန်းသည်၊ ကြိုက်သည်၊ မကြိုက်သည်၊ ကောင်းသည်၊ ဆိုးသည် အပထား။ အကျိုးရှိနိုင်မည့် အရာများအတွက် Facebook ကိုသုံးရပေဦးတော့မည်မှာ အမှန်ပင်ဖြစ်ပါတော့သည်။          ။

ဆူးသစ်
၁၁း ၄၉ နာရီ ( စင်ကာပူစံတော်ချိန် )
၁၄.၂.၂၀၁၅

Thursday, February 12, 2015

" မသေလူ "



+ နှစ်တစ်ရာ ပြည့်ပေမယ့်
တစ်ခေတ်တစ်ခါမျှ မမေ့ပါလေ။

+ ပြည်သူဟာ သူ
သူဟာ ပြည်သူဆိုတဲ့
ကြည်ဖြူ ရာ ညီတူလမ်းတွေထဲ
ချွေးတွေနဲ့နေ။

+ တိုင်းပြည်အတွက်ဆိုတော့
နှိုင်းမမီတဲ့  စိတ်အဟုန်မြှင့်ကာ
အကုန်တင့်အောင် သူ့ခန္ဓာရင်းပါတော့
မှန်စွာသင်းပါတဲ့ ဂုဏ်သတင်းတွေ
စုန်ရင်းဝေတာ ယနေ့အထိ။

+ ဘယ်သူရှိလေမလဲ
တူရဲစရာ လူမရှိ
လွတ်လပ်ရေးအတွက် ပူဆဲမှာ သူမချိလေတော့
အင်္ဂလိပ်ကအစ ဂျပန်မကျန်
အတန်တန် သူတွန်းလှန်ပါလို့
မနက်ဖြန် မြန်မာပြည် အနာဂတ်လှစေဖို့အတွက်
သူ့ဘ၀ကို သူခြွေပေးလေသမျှ
နေမရပါ ပြည်သူအပေါင်းမှာဖြင့်
ကောင်းသတင်းတွေကို တသသဆို
ဆောင်းနှင်းတွေလို တစ်စတစ်စ ပြိုတဲ့အလွမ်းတွေနဲ့
အမှောင်ဆမ်းတဲ့ မြန်မာပြည်လမ်းပေါ်က
အရောင်ဖြန်းကာ အလင်းနဲ့ ထိစေတဲ့
အောင်ဆန်းလို့ သိ။      ။

သားလတ်
၂၁း၂၉  နာရီ ( စင်ကာပူစံတော်ချိန် )
၂.၂.၂၀၁၅
[ ဗိုလ်ချုပ်အောင်ဆန်း ရာပြည့်ပွဲအထိမ်းအမှတ်အဖြစ်ခံစားရေးဖွဲ့ပါသည်။]

Sunday, February 8, 2015

" ခွန်အားရှိသော ခြေလှမ်း ခွန်အားရှိသော မှတ်တိုင်"



တကယ်တော့ လူတစ်ယောက်ရဲ့ဘ၀မှာ ကိုယ်တိုင်ဖန်တီးထားတဲ့အနုပညာတစ်ခုကိုလူအများရှေ့ချပြရတာ မလွယ်ကူပါဘူး။ ပြီးတော့ အဲဒီအနုပညာ တစ်ခုဖြစ်လာအောင် ရင်းနှီးခဲ့ရတဲ့ အရင်းအနှီးတွေကလည်း အများကြီးပါပဲ။ အဲဒီအရင်းအနှီးတွေထဲမှာငွေကြေးဆိုတာထက် အဲဒီအနုပညာကို ဖန်တီးဖို့လေ့လာရတာက ပိုအရေးပါတယ်လို့ ထင်ပါတယ်။ အဲဒီလိုဖန်တီးဖို့အတွက်နှစ်ပေါင်းများစွာမှာ အချိန်ပေါင်းများစွာ ယူပြီးလေ့လာခဲ့ကြရပါတယ်။ ဒီနေ့လေ့လာပြီး မနက်ဖြန်မှာ အနုပညာဖန်တီးလို့ မဖြစ်နိုင်ပါဘူး။

ကျွန်တော့်ဘ၀မှာစာပေကိုတကယ်စိတ်ဝင်စားလာပြီလို့သိသိချင်းမှာပဲစာရေးနည်းတွေကိုလေ့လာခဲ့ပါတယ်။ ပြီးတော့အကြမ်းပေါင်းများစွာရေးခဲ့ပါတယ်။ ပြီးတော့သိမ်းရုံသိမ်းပြီး နောက်တော့အဖေ့ကိုချပြခဲ့ပါတယ်။ အဖေက ပြင်တယ်။ ဒါပေမဲ့ ကျွန်တော်ဘယ်မျှ မပို့ပါဘူး။ ကိုယ့်လက်ကိုယ် မယုံသေးတာလည်းပါပါတယ်။ ဒါပေမဲ့ နောက်ပိုင်းမှာ ကျွန်တော်တကယ်ဝါသနာပါခဲ့တဲ့ ကဗျာကစလို့ မဂ္ဂဇင်းတွေကို စပို့ပါတယ်။ အဲဒီနောက် ကဗျာလေးတွေ မဂ္ဂဇင်းထဲပါလာပြီး ၀တ္ထုတို စရေးပါတယ်။ နောက်တော့လုံးချင်းဝတ္ထုတွေ ရေးပြီး သိမ်းထားပါတယ်။ တစ်ပြိုင်တည်းမှာပဲ ၀တ္ထုတိုပြိုင်ပွဲတွေမှာ ပြိုင်တာ ဆုတွေရပါတယ်။ နောက်တော့ မှတ်မှတ်ရရ ဘောလုံးဆောင်းပါး ပြိုင်ပွဲကို ရတနာသစ်မဂ္ဂဇင်းက ဆရာဦးခင်မောင်နိုင်(ကွယ်လွန်)တို့ ဦးစီး ကျင်းပတာမှာ ၀င်ပြိုင်တာ ဆုရပါတယ်။ ဆရာကတော့ ဖုန်းဆက်တော့ ကျွန်တော့်ကို ပြောပါတယ်။ " ခင်ဗျား ကလောင်နာမည် ဆူးသစ် ဆိုတာကို စတွေ့ကတည်းက ခင်ဗျားကို ကျွန်တော်တွေ့ချင်တာ " တဲ့။ ဒါလေးက ဆူးသစ် ဖြစ်တည်မှုရဲ့ အမှတ်တရပါ။ တကယ်တော့ အဲဒီကလောင်နာမည်ရဲ့ မူရင်း ဖြစ်တည်မှုက သီးခြားရှိတာမို့ နောက်မှပဲ ပြောပြပါတော့မယ်။

၂၀၀၀ ခုနှစ်ရောက်တော့ အဖေက ကျွန်တော့်ကို ပြောပါတယ်။ အဲဒီအချိန်မှာ အဖေက မှုခင်းရှုထောင့် မဂ္ဂဇင်းရော၊ ဂျာနယ်ရော နှစ်ခုစလုံးမှာ တာဝန်ခံအယ်ဒီတာပါ။ အဖေက သူ့မဂ္ဂဇင်းက မှုခင်းတစ်ခုတည်း မဟုတ်တော့ဘဲ တခြားကဏ္ဍတွေပါ ထည့်မယ်။ ဒါပေမဲ့ လူငယ်ကဏ္ဍမှာ ဆောင်းပါးကို သူများတွေနဲ့ မထည့်တော့ဘူး။ မင်းရေး ဆိုပြီး ကျွန်တော့်ကို ပြောပါတယ်။ အမှန်အတိုင်းပြောရရင် နည်းနည်းတော့ တွေဝေပါတယ်။ အဲဒီအချိန်က ကျွန်တော့်အသက် ( ၃၀ ) တောင်မပြည့်သေးပါဘူး။ အဲဒီအတွက် လူငယ်မကျတကျ၊ လူလတ်မကျတကျပဲလို့ ကိုယ့်ကိုယ်ကို ခံယူထားတာပါ။ ဒါပေမဲ့ အဲဒီအချိန်မတိုင်ခင်ကတည်းက ကျွန်တော့်မှာ လူငယ်တွေကို ပြောစရာတွေ တော်တော်စုမိထားပါတယ်။ စာထဲကရယ်၊ အတွေ့အကြုံရယ်၊ နှစ်ခုစလုံးပေါင်းပြီးတော့ပါ။ တစ်ခါပြန်တွေးမိတာက ဆရာ လုပ်သလို ဖြစ်မလားဆိုတာပါ။ ဒါပေမဲ့ ကျွန်တော့်စိတ်က တချို့အချက်တွေ သူတို့မသိတာကို သူတို့ကိုထောက်ပြရင် သူတို့အတွက် အကျိုး ရှိမယ်။ ကိုယ့်ဘာသာသိမ်းထားလည်း ဘာမျှဖြစ်လာမှာ မဟုတ်ဘူးလို့တွေးမိတော့ စာထဲက ရေးပြချင်စိတ်ပေါ်မိတယ်။ ဒါနဲ့ လူငယ်တွေကို အကြံပြုချင်တဲ့ " ရေစီး " ဆိုတဲ့ ဆောင်းပါးကို စရေးဖြစ်သွားတယ်။ အဲဒီအချိန်က ခေတ်လူငယ်တွေရဲ့ ၀တ်စားဆင်ယင်မှုနဲ့ သူတို့ဘာသာသူတို့ မှန်တယ်လို့ထင်တဲ့အမြင်ကို နေရာ၊ အချိန်နဲ့ အ၀တ်အစားဆိုတာကို နှိုင်းယှဉ်ပြီး မီးမောင်းထိုးပြချင်လို့ပါ။

ဒါနဲ့ ဆောင်းပါးပြီးချိန်မှာ အဖေ့ကို ပြပါတယ်။ အဲဒီအချိန် ကျွန်တော်ရေးတာက စကားပြေ ရေးဟန်ပါ။ စကားပြော ( အခုဆောင်းပါးလို ) မဟုတ်ပါဘူး။ အမှန်အတိုင်းပြောရရင် ကျွန်တော်က စကားပြေ ရေးဟန်ကို ပိုကြိုက်ပါတယ်။ ပြီးတော့ အဲဒီဆောင်းပါးတွေစရေးကတည်းက ကျွန်တော့်ခေါင်းထဲမှာ ရှိတာက ကျွန်တော်ကိုယ်တိုင် တက္ကသိုလ်ကျောင်းသား ဘ၀ကိုဖြတ်ပြီးခါစမို့ လူငယ်တွေကို အတွေးအမြင်တွေ မျှတာပဲရှိမယ်၊ ဆရာလုပ်ဖို့မဟုတ်ဘူး၊ ပြီးတော့ကိုယ်တိုင် မချမ်းသာသေးတဲ့အတွက် ဟိုလိုလုပ်ရင် ချမ်းသာမယ်၊ ဒီလိုလုပ်ရင် ချမ်းသာမယ်လို့ ပါမှာမဟုတ်ဘူး ဆိုတာကို စိတ်ပိုင်းဖြတ်ထားပါတယ်။

ဆောင်းပါးကို အဖေက ဖတ်ပြီးတော့ ကျွန်တော့်ကို တစ်ခွန်းပြောပါတယ်။ ငါလိုချင်တာ အဲဒီလိုဆောင်းပါးမျိုးပဲကွ တဲ့။ ကျွန်တော်တော်တော်ပျော်သွားပါတယ်။ ရေးဖို့အားလည်းတက်သွားပါတယ်။ ဒီလိုနဲ့ စကားပြေဆောင်းပါးတွေကိုချည်း ဆက်တိုက်ရေးလိုက်တာ ၂၀၀၅ ခုနှစ်အထိပါပဲ။ အဲဒီဆောင်းပါးတွေ ရေးနေစဉ်မှာပဲ အဖေတို့မဂ္ဂဇင်းတိုက်ကို ဖုန်းတွေလာပါတယ်။ ကျွန်တော့်ဆောင်းပါးကို တစ်ခါတစ်ခါ Font Size သေးလိုက်တာကို လက်မခံနိုင်လို့ ပြန်ပြီးကြီးပေးဖို့၊ ကျွန်တော့်ကိုဘယ်လို ဆက်သွယ်လို့ရမလဲ ဆိုတာမျိုးတွေ ကြားလာရလို့ ရေးရတာအားတက်လာပါတယ်။ ဒီကြားထဲမှာ ကျွန်တော့်ဆီကို ဖုန်းနဲ့၊ စာနဲ့ဆက်သွယ်ပြီး သူတို့ရဲ့အခက်အခဲလေးတွေ မေးတဲ့သူတွေလည်း ရှိလာပါတယ်။ ကျွန်တော်တတ်နိုင်သလောက် ဖြေပေးပါတယ်။

ဒီလိုနဲ့ ၂၀၀၅ ခုနှစ်မှာတော့ ဆောင်းပါးတွေကို စကားပြောပုံစံ ပြောင်းရေးခဲ့ပါတယ်။ အကြောင်းက တချို့ အကြောင်းအရာတွေမှာ စကားပြေက ပြောရခက်နေတတ်ပြီး စကားပြောနဲ့ ရေးတာက ပိုသွက်လို့ လူငယ်တွေ နားထဲ အ၀င်မြန်တယ်လို့ ယူဆလို့ပါ။ ကျွန်တော့်မှာ ညီငယ်တစ်ယောက်ရှိလို့ သူ့ကိုရည်ရွယ်ပြီး " ညီလေး ဖတ်ဖို့ ရေးတဲ့စာ " ဆိုပြီး ရေးလိုက်တာ ၂၀၁၄ ခုနှစ်အထိ တစ်လ မပြတ်ခဲ့ပါဘူး။

နောက်ပိုင်းစင်ကာပူရောက်ခဲ့တော့ အဲဒီဆောင်းပါးတွေမှာ စင်ကာပူက ယူစရာတွေချပြခဲ့ပါတယ်။ ဒီလိုနဲ့ ၂၀၁၁ ခုနှစ်မှာ " အဝေးရောက်ထွန်းတောက် မြန်မာနှင့် ညီလေးဖတ်ဖို့ရေးတဲ့စာ " ဆိုတဲ့စာစုတွေကို လုံးချင်းအနေနဲ့ ပထမဆုံး ထုတ်နိုင်ခဲ့ပါတယ်။

၂၀၁၄မှာတော့ အဖေက ကျွန်တော့်ကိုလှမ်းပြောပါတယ်။ စကားပြောဆောင်းပါးတွေတော့ ထုတ်ပြီးပြီ။ မင်းမှာစကားပြေဆောင်းပါးတွေ ကျန်သေးတယ်။ ထုတ်မယ်တဲ့။ တကယ်တမ်းတော့ အဖေက ပထမစာအုပ်ထုတ်မယ် ဆိုကတည်းက ကျွန်တော်က အဲဒီစကားပြေဆောင်းပါးတွေကို အရင်ထုတ်ချင် ခဲ့တာပါ။ အဖေက စင်ကာပူအကြောင်းတွေက လောလောဆယ်မှာ ပိုစိတ်ဝင်စားနေကြတယ်။ အဲဒါ အရင်ထုတ် ဆိုတော့ အဲဒါကိုအရင်လုပ်လိုက်တာပါ။

ဒီလိုနဲ့ အရင်ကတည်းက စာအုပ်ထုတ်ဖို့ ဆိုပြီး မိတ္တူ ဆွဲထားတဲ့ ဆောင်းပါးတွေကို အဖေက ကျွန်တော့်ဆီ ပို့ပေးပါတယ်။ ကျွန်တော့်ဇနီးက သယ်လာပေးပါတယ်။ ကျွန်တော်ဖတ်ပြီး စာကျတွေပြင်ပါတယ်။ အရင်ရေးထားတာတွေကို လုံးဝမပြောင်းပါဘူး။ ဘာဖြစ်လို့လဲဆိုတော့ အဲဒီတုန်းက အတွေးတွေက တော်တော်လေးလတ်ဆတ်တယ်လို့ ထင်လို့ပါ။ ဖတ်ပြီးတော့ ရန်ကုန် ပြန်ပို့ပါတယ်။ အဖေက စာအုပ်ထုတ်ဖို့ စီစဉ်ပြီး စရိုက်ပါတယ်။

အရင်စာအုပ်တုန်းက ဆရာချစ်စံဝင်းနဲ့ ဆရာမောင်စိန်ဝင်း(ပုတီးကုန်း) တို့ရဲ့ အမှာစာပါပေမယ့် ဒီတစ်ခေါက်တော့ အမှာစာမပါတော့ပါဘူး။ ဆောင်းပါးက ၃၁ ပုဒ်ဖြစ်နေတော့ စာကတော်တော်များနေပါပြီ။ ဒီလိုနဲ့ စာအုပ်ဈေးကို ၂၅၀၀ ကျပ်သတ်မှတ်ပြီး မျိုးဆက်သစ် စာပေ၊ အမှတ် (၃၄ )၊ ၄ -လွှာ၊ ကျီတော်လမ်း၊ ကျီတော်ရပ်ကွက်၊ ပုဇွန်တောင်မြို့နယ်၊ ရန်ကုန်မြို့ ကနေဖြန့်ချိဖို့ စီစဉ်ပါတယ်။ ထုတ်ဝေသူကတော့ ကျွန်တော့် ပထမစာအုပ်ကို ထုတ်ခဲ့တဲ့ နိုင်ငံ့ဂုဏ်ရည် စာအုပ်တိုက်ကပါ။

အဲဒီစာအုပ်ထဲမှာ ပါခဲ့တဲ့ဆောင်းပါးတွေ အားလုံးဟာ တကယ်ကို ကျွန်တော့်ဘ၀ ဖြတ်သန်းမှုတွေထဲက ရခဲ့တဲ့ ကိုယ်တွေ့နဲ့စာတွေ့တွေချည်းပါပဲ။ ဘာသာပြန်တောင်တစ်ခုမျှ မပါပါဘူး။ ကျွန်တော်ကိုယ်တိုင်က ဘာသာပြန်ရေးရမှာကို စိတ်မ၀င်စားတာပါ။ လိုအပ်မယ်၊ အခွင့်သင့်မယ်ဆိုရင်တော့ လုပ်ပါမယ်။ ဒါပေမဲ့ ကိုယ်သိထားတာကိုပဲ ချပြချင်တဲ့စိတ်က ပိုထက်သန်လို့ပါ။ စာအုပ်ရဲ့ ခေါင်းစဉ်ကိုတော့ " ခွန်အား ရှိသောစာ၊ ခွန်အားရှိသော လူငယ် " လို့ ပေးထားပါတယ်။

အခုဒုတိယစာအုပ်အတွက် ကျွန်တော့်မှာ ကျေးဇူးတင်ရမယ့်သူတွေ ရှိပါတယ်။

ပထမဆုံးကတော့ အဖေနဲ့အမေပါပဲ။ အဖေက ကျွန်တော်စာရေးဖို့ ပျိုးထောင်သူဖြစ်သလို ကျွန်တော့် စာအုပ်တွေမှန်သမျှ အဖေနဲ့မကင်းပါဘူး။ အမေကတော့ အရင်ကတည်းက ကျွန်တော်ရေးခဲ့ဖူးပါတယ်။ အပြင်စာတွေ အဖတ်ကောင်းပြီး ကျောင်းစာမလုပ်ချင်လို့ ရန်ကုန်စက်မှုတက္ကသိုလ်မှာ Roll နောက်ရောက် လည်း ဘာမျှ မပြောပါဘူး။ ဂစ်တာလေးတီး၊ သီချင်းလေးဆိုလည်း ဘာမျှမပြောပါဘူး။ မဟုတ်တာမလုပ်လို့ ဆိုတာထက် ကျွန်တော်က အနုပညာကို ၀ါသနာပါမှန်းသိလို့ပါ။ အဖေနဲ့အမေသာ မပံ့ပိုးခဲ့ရင် ဒီနေ့ ဆူးသစ်ဆိုတာ ဖြစ်လာမှာ မဟုတ်ပါဘူး။

ပြီးတော့ ကျွန်တော့်ဇနီး။ သူနဲ့ချစ်သူ ဘ၀ရောက်တော့ သူကကျွန်တော့်ဝါသနာကိုသိပါတယ်။ ဒီတော့ ကျွန်တော်လိုအပ်တာကို သူကတတ်နိုင်သလောက် လိုက်ဖြည့်ဆည်းပေးပါတယ်။ ကျွန်တော် ဘလော့စလုပ်ဖို့ သူကပဲ စပြင်ဆင်ပေးတာပါ။ ပြီးတော့ ကျွန်တော့်စာအုပ်တွေ ထွက်ခဲ့ချိန်တိုင်း သူလည်း နောက်ကွယ်က တစ်စိတ်တစ်ပိုင်းပါပါတယ်။ ဒီနေ့အထိ ကျွန်တော့်အနုပညာအတွက် သူ့အချိန်တွေပါ ပေးထားခဲ့တာပါ။

နောက်ထပ် ကျေးဇူးတင်ရမှာက ကျွန်တော့်အစ်ကိုကြီးမိသားစုနဲ့ ညီလေးပါ။ သူတို့တစ်တွေက ကျွန်တော့်လို အနုပညာကို တအားကြီး ၀ါသနာ မပါပေမယ့် ကျွန်တော့် ဆောင်းပါးတွေ အပေါ်မှာတော့ သူတို့တော်တော်လေး တွန်းအားပေးခဲ့ပါတယ်။ ဘယ်ဟာက ကောင်းတယ်၊ ဘယ်ဟာကတော့ ဘာလိုတယ် ဆိုတာမျိုးလေးတွေကို ထောက်ပြတတ်ပါတယ်။

ပြီးတော့ အဖေ့ရဲ့စာပေမိတ်ဆွေ၊ သူငယ်ချင်းတွေပါ။ ဆရာ နန္ဒာမိုးကြယ်ဆို အဖေ့ဆီကနေ စာအုပ် နှစ်အုပ်ဝယ်သွားပြီး သူ့အိမ်က ကလေးကို ဖတ်ခိုင်းပြီး ဆောင်းပါးထဲက ပါတဲ့ တချို့ အချက်တွေကို ပြန်မေးပါတယ်တဲ့။

ပြီးတော့ ကျွန်တော့်ရဲ့ စာဖတ်ပရိသတ်တွေပါ။ မြန်မာပြည်ကရော၊ ဘလော့ပေါ်မှာရော၊ Facebook Page မှာပါ အမြဲလို ကျွန်တော့်စာတွေကို ဖတ်နေကျ သူတွေ ရှိနေတာ ကျွန်တော်သိပါတယ်။ သူတို့တစ်တွေရဲ့ အားပေးမှုကလည်း ကျွန်တော့်ကို တအားဖြစ်စေပါတယ်။

ဘာပဲဖြစ်ဖြစ် ဒီဒုတိယစာအုပ်ဟာ ကျွန်တော့်စာပေခရီးလမ်း အတွက် မှတ်တမ်းကောင်း အဖြစ် ရေးထိုးနိုင်တယ်လို့ ယုံကြည်ရင်း အားလုံးကို ကျေးဇူးတင်မိပါတယ်။            ။

ခင်မင်လေးစားစွာဖြင့် 
ဆူးသစ်
၁၂း ၁၃ နာရီ ( စင်ကာပူစံတော်ချိန် )
၈.၂.၂၀၁၅

Thursday, January 1, 2015

" ကျွန်တော်နှင့် အင်တာနက်အလန်းများ " ( ၅ )



" အစ်ကို စင်ကာပူကိုလူကြုံ ရှိတုန်း ကျွန်တော်တို့ရွာမှာ ဘုရားထီးတင်ပွဲရှိလို့ ပြဇာတ်ကတာ ဗွီဒီယိုရိုက်ထားတာထည့်ပေး လိုက်တယ်။ အစ်ကိုအလုပ်အားရင် အပျင်းပြေကြည့်ဖို့ပေါ့ "

ကျွန်တော့်အိမ်က လူကြုံလာ၍ ပစ္စည်းသွားယူပြီး အိမ်ရောက်မှဖောက်ကြည့်စဉ် ဗွီစီဒီတစ်ချပ်နှင့် စာတစ်စောင်ကိုတွေ့သည်။ ကျွန်တော့်ကိုခင်သော၊ ကျွန်တော်ကခင်သော သာဂိ။

သည်သို့နှင့် အချိန်အားရသည့်အချိန်မှာ သူပေးသော ဗွီစီဒီကို ကျွန်တော်ဖွင့်ကြည့်မိသည်။ ရွာပြဇာတ်ဆိုသည့်အတိုင်း ဇာတ်စင်ကတော့ ၀ါးတိုင်နှင့် ထရံကာကိုမြင်ရသည်။ လိုက်ကာစများကတော့ ဘယ်ကငှားထားသည်မသိ။ တော်တော်ပြောင်ပြောင်လက်လက်နှင့်။ နေ့ဘက်သာဆိုမျက်လုံးပါကျိန်းမည်။

သည်လိုနှင့် ပြဇာတ်ကသည်။ သာဂိကအဓိကဇာတ်လိုက် နေရာ။ ပြဇာတ်က အိမ်ထောင်ရေးဖောက်ပြန်၍ သာဂိကို နယ်ကနှင်ထုတ်ခန်း။ သာဂိက ရွာမှာငယ်ရည်းစားရှိသည်။ ငယ်ရည်းစားကိုထားခဲ့ပြီးမြို့မှာ သွားအလုပ်လုပ်သည်။ သာဂိကမြို့မှာရည်းစား အသစ်ရသည်။ ငယ်ရည်းစားကိုမေ့သည်။ သို့သော်ရွာကိုခဏ ပြန်စဉ်မှာ ငယ်ရည်းစားကိုပြန်မြင်ပြီး မြို့က ရည်းစားကိုမေ့ပြန်သည်။ ငယ်ရည်းစားနှင့် လက်ထပ်သည်။ သို့သော် မြို့ကိုအလုပ်ပြန်လုပ်တော့ မြို့က ရည်းစားကို အိမ်ထောင်ကျပြီးပြီဟု မပြောဘဲ တွဲသည်။ သာဂိသူငယ်ချင်းက ဆုံးမသည်။ သို့သော် သာဂိကို တားမရ။ သည်သို့နှင့် ရွာက အမျိုးတစ်ယောက်က ပြန်မြင်ပြီး သူ့မိန်းမကို ပြန်သတင်းပို့သည်။ သာဂိ ဟက်တက်ကွဲကာ နယ်ကိုပြန်လာ တောင်းပန်စဉ် ရွာကလက်မခံဘဲ နှင်ထုတ်ခံရသည်။ ပညာပေး ပါသည်။ ဇာတ်လမ်းက မဆိုး။ ရွာပြဇာတ်ကို ရွာသူရွာသားများနှင့် က၍ သူ့အရပ်နှင့် သူ့ဇာတ်ကတော့ အံကျနေသည်။

ကျွန်တော်က ပြဇာတ်ပြီးလျှင် သရုပ်ဆောင်သူများ နာမည်ကိုထိုးမှာ ဖြစ်၍ စီဒီဆုံးအောင် စောင့်ကြည့် စဉ်မှာ ပြဇာတ်ကသူများကို ဆုပေးပွဲပါ ပါလာသည်။ စိတ်ဝင်စားသွား၏။ သာဂိ ရထိုက်သည်ဟု ကျွန်တော်မြင်သည်။

သည်လိုနှင့် သူတို့ဆုပေးပွဲ ကြေညာသည်။ ဆုပေးပွဲမှာ ကြေညာသူက နှစ်ယောက်။ တစ်ယောက်က အမျိုးသား၊ နောက်တစ်ယောက်က အမျိုးသမီး။ ၀တ်ထားတာတော့ ကျကျနန။ မိတ်ကပ်များကိုလည်း အထင်းသား မြင်ရသည်။

" ဟုတ်ကဲ့ပါရှင်။ ကျွန်မတို့ နှစ်စဉ်ကျင်းပနေကျ ........"

" ဟဲ့ ခင်မှုန်။ ထီးတင်တာ နှစ်တိုင်းမတင်ဘူးဟ။ ဘာတွေပြောနေတာလဲ "

ဘုရားလူကြီးဖြစ်ဟန်တူသော အဘိုးကြီးတစ်ယောက်က စင်ရှေ့ကနေထပြောတော့ အားလုံးဝါးခနဲ ရယ်သည်။ အသံကြီးက ကင်မရာနားကပ်နေ၍ ဗွီစီဒီထဲပါလာသည်။ ကျွန်တော်လည်း ပြုံးမိ၏။

" ဪ-ဟုတ်ပါတယ်နော်။ ဒါပေမဲ့ ကျွန်မက နှစ်တိုင်းဒီလိုပွဲမျိုး ပုံမှန်လုပ်စေချင်တာရှင့် "

ခင်မှုန်သည် ပါးနပ်ပုံရသည်။ ချော်လဲရောထိုင် လုပ်လိုက်သည်။

" ဟုတ်ပါတယ် ခင်ဗျာ။ ကျွန်တော်တို့ ဒီနှစ် ဘုရားထီးတင်ပွဲမှာ......."

"ကွယ်-ကျော်သောင်း။ မင်းနှယ် ။ ခက်ပြန်ပြီ။ ဘုရားမှန်းမသိ။ စေတီမှန်းမသိ။ စေတီထီးတင်တာကွာ။ ဟုတ်ပြီလား "

" ဪ-ကိုကျော်သောင်းက အခုမှ စင်ပေါ်တက်တာဆိုတော့ အမှားမကင်းဘူးပေါ့ အဘရယ်။ အဲဒါ ဘုရားပဲဖြစ်ဖြစ်၊ စေတီပဲဖြစ်ဖြစ် ထီးတင်တာကိုပဲ သူကသိတာကိုး။ ဒါကခွင့်လွှတ်လို့ရတဲ့အမှားလေးပါ အဘရယ်။ တစ်နည်းအားဖြင့် ချစ်ဖို့ကောင်းပါတယ် "

လူပျို ကြီးကိုကျော်သောင်းကို အပျိုကလေး ခင်မှုန်က စောင်းပါးရိပ်ခြည် ပြောသောအခါ ကိုကျော်သောင်းက ပြုံး၏။ ခင်မှုန်ကလှသည်။ အစီအစဉ်တင်ဆက်သူနေရာ ရွေးထားကတည်းက ကျွန်တော့်အထင် ရွာမှာကွမ်းတောင်၊ ပန်းတောင်ကိုင်လောက်ဖြစ်မည်။ ပရိသတ်ကတော့ လက်ခုပ်တွေတီးနေ၏။ ရွာမှာက အသားကျနေသလား မဆိုနိုင်။ ဘာပြောပြော၊ ဘာလုပ်လုပ် လက်ခုပ်တီးကြ၏။ ကောင်းလေစွ။

" အခု ပထမဆုံး ဆုချမှာကတော့ တေးဂီတဆုပါ ခင်ဗျာ "

" ဟုတ်ပါတယ်ရှင်။ ဒီဆုဟာ ဒီပြဇာတ်ရဲ့ အဓိက ကျောရိုးမှာပါနေတဲ့ နောက်ခံတီးလုံးတွေကိုဖန်တီး ပေးသူ အတွက်ပါ။ "

တကယ်တော့ ကိုကျော်သောင်း ပြောရမှာကို ခင်မှုန်က လုပြောနေတာဖြစ်သည်။ ခင်မှုန်သည် သူအာသွက်လျှာသွက် ဖြစ်ကြောင်းကို ကိုကျော်သောင်းရှေ့မှာ ပြနေလေသည်။

" အဲဒီဆုအတွက် ကြေညာပါမယ်။ ဟုတ်ကဲ့။ 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ဆိုတဲ့ ပြဇာတ်ကြီးမှာ နောက်ခံတီးလုံးများကို အားတက်သရော တီးပေးသွားတဲ့ ရွှေပန်းတော အုန်းမောင် ကြွပါရှင် "

" ဖြောင်း.......ဖြောင်း.......ဖြောင်း.......ရွှီ......ရွှီ.......ရွှီ "

ပရိသတ်ကား သောသောညံလှသည်။ ကိုအုန်းမောင်သည် ချွေးများရွှဲကာ ဆိုင်းဝိုင်းထဲက ထလာသည်။ ပြီးတော့ ရွာလူကြီးပေးသော ဆုကိုယူသည်။ ပြန်ဆင်းမည်ကြံကာမှ ခင်မှုန်က တားသည်။

" ကိုအုန်းမောင်ကြီး။ ကျေးဇူးတင်စကားလေး ဘာလေးပြောဦးလေ "

" ငါမပြောတတ်ဘူးဟ "

" နည်းနည်းတော့ ပြောရှင် "

ကိုအုန်းမောင် တွေဝေသွားသည်။ ပြီးတော့ မိုက်ကိုလှမ်းယူသည်။

" ကျွန်တော် တိုတိုနဲ့ ထိအောင်ပြောပါမယ်။ ကျွန်တော် ဆိုင်းတီးလာတာ ကြာပါပြီ။ ဒီရွှေပန်းတောရွာမှာသာ ကျွန်တော့်ကို မသိတာ။ ဟိုဘက် အလယ်ကုန်း၊ လယ်ဦးစု၊ ကျောင်းကုန်း၊ ဗွက်ရိုး တစ်ကြောမှာတော့ အားလုံး အုန်းမောင် ဆိုရင် သိနေကြပါပြီ။ ရွာကလူတွေ မျက်စိလျှမ်းနေတာပေါ့ခင်ဗျာ "

ထိုသို့ပြောတော့ ရွာလူကြီးများက မျက်စောင်းထိုးသည်။ ကင်မရာမင်းကလည်း လျင်လှ၏။ လူကြီးများ၏ မျက်စောင်းကို မိအောင် ရိုက်ထားသေးသည်။

" အဲဒါ အခုကြုံတုန်း လက်စွမ်းပြတာပါ။ ဒါဘာမှမဟုတ်သေးပါဘူး။ ကျွန်တော် စင်ကာပူ ရောက်တုန်းကဆို..."

" အမယ်-ကိုအုန်းမောင်ကြီးက ဘယ်တုန်းက စင်ကာပူရောက်တာလဲ "

" ပြီးခဲ့တဲ့ နှစ်ကလေ။ ရန်ကုန်က ပုဇွန်တောင်မှာ စင်ကာပူ ဘုန်းကြီးကျောင်းရောက်တုန်းက..."

" အာ.........."

ပရိသတ်၏ အာ........ဆိုသည့် အသံကြီးက ထွက်လာသည်။ ကျွန်တော်ပြုံးမိ၏။

" အဲဒီမှာ ကျွန်တော်စာတွေဖတ်တာပေါ့။ အများကြီးပဲဗျာ။ ကျွန်တော်က ငွေလည်းသုံးနိုင်တော့ အိုင်စီ ကိုပါသွားတွေ့တာ "

" ဟင်-အိုင်စီဆိုတာ Iron Cross မဟုတ်လား။ ကိုအုန်းမောင်က ဆိုင်းတီးတာလေ။ ဘာဆိုင်လို့လဲ "

" သိပ်ဆိုင်တယ် ခင်မှုန်။ ချစ်စမ်းမောင်ဆိုတဲ့ကောင်လေးက ခြောက်ကြိုးကဝေဆိုလို့ ငါ့ခြောက်လုံးပတ်နဲ့ တီးလုံးချင်း၊ အသံချင်းကိုက်အောင် ဘယ်လိုလုပ်မလဲ သွားညှိတာ "

" ဪ-ဟုတ်လား။ အဲဒီတော့....."

" သူကပြောပါတယ်။ လောလောဆယ် မအားသေးလို့တဲ့။ ခြောက်ရက်နေ့ ညနေခြောက်နာရီ လာမယ် ပြောတာပဲ။ အစ်ကို့ခြောက်လုံးပတ်ကိုစမ်းနေပါတဲ့။ "

" အစ်ကို ကိုအုန်းမောင်။ ကျေးဇူးတင်စကားလေးပြန်ဆက်ဦးလေ "

ကိုကျော်သောင်းက စကားပြန်ထောက်ပေးသည်။ ထိုသို့မှမဟုတ်လျှင် ကိုအုန်းမောင်၏ ကျေးဇူးတင် စကားသည် စီဒီနောက်တစ်ချပ် ကူးတော့မည်။

" အဲဒါပဲ ပြောမလို့လေဗျာ။ ဟိုဘက်ရွာက သိန်းဦးတို့၊ လှငွေတို့ကို သူတို့ရွာကလူတွေက တီးခိုင်းတာ ကျွန်တော်သွားမတီးခင်က။ အခုကျွန်တော်သွားတီးပြီးနောက်ပိုင်း သူတို့လူတောင် သူတို့မသုံးတော့ဘူး။ ကျွန်တော့်ခေါ် တီးတာ။ အဲဒါ သုဝဏ္ဏသာမဇာတ်ကိုသိတယ်မဟုတ်လား "

ကိုကျော်သောင်းနှင့် ခင်မှုန်တစ်ယောက်မျက်နှာတစ်ယောက်ကြည့်သည်။ သူဆုရတာ ဘယ်က ဘုရားအလောင်း ဇာတ်ထုပ်က ပါလာသည်မသိ။ ပြဇာတ်ကတော့ သာဂိ၏ မိန်းမပွေဇာတ်ထုပ်။ 

" သားရွှေအိုးထမ်းလာတဲ့ကိန်းဗျာ။ ရွာတွေမှာတီးရသလို ကိုယ့်ရွာမှာတီးရရင်း အခုလိုဆုလည်းရ။ ဒါကိုပြောချင်တာပါ။ ကျွန်တော့်ကို မတတ်ဘူးမထင်နဲ့။ အားရင် တစ်ခုခုတီးနေရမှ ကျေနပ်တာ။ အဲဒီတော့..."

ကိုအုန်းမောင် ပြောနေတုန်း ဗြုန်းဆို လူတစ်ယောက်စင်ပေါ်တက်လာပြီး သောက်ရေထည့်ထားသည့် သဲအိုး၊ ရေအိုးတစ်အိုးထိုးပေးသည်။ ကိုအုန်းမောင် ပြူးကြောင်ကြောင်ကြည့်ကာ သောက်ရေတစ်ခွက် ခပ်သောက်၏။ အားလုံးက ရယ်သည်။ ကိုကျော်သောင်းနှင့် ခင်မှုန်ကား မျက်နှာပျက်နေလေ၏။

" အဲဒါ ရွာလူကြီး မကောင်းလို့ ကျွန်တော်ဆုမရတာ။ ကြာပြီ။ ဒီလိုဘုရားပွဲလုပ်ရင် နှစ်တိုင်းကျွန်တော်ချည်း ရမှာပေါ့။ တခြားရွာကကောင် ခေါ်တီးခိုင်းလေ။ လက်တောင် ယှဉ်လို့ရတယ် "

" ဟုတ်ကဲ့။ အခုလို ကျေးဇူးတင်စကား ပြောကြားပေးတဲ့ ဆိုင်းဆရာ ရွှေပန်းတော ကိုအုန်းမောင်ကို ကျေးဇူးအထူးတင်ရှိပါတယ် "

ကိုကျော်သောင်းသည် ကိုအုန်းမောင်လက်က မိုက်ကို ဆွဲလုပြီး ထိုစကားကိုပြောလိုက်ရာ ကိုအုန်းမောင်ခမျာ ဆန့် ငင်ဆန့်ငင်နှင့် စင်ပေါ်မှ ဆင်းသွားရလေသည်။

" အခုဆက်လက်ပြီး ပြဇာတ်အတွက် အရေးကြီး ဆုတစ်ဆုကို ကြေညာပါဦးမယ်။ 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်မှာ အမျိုးသမီးဇာတ်ပို့နေရာက တကယ်ကို အရေးပါပါတယ်။ ကျွန်တော်တို့ ပြဇာတ်တွေကြည့်လာတာ ကြာပါပြီ။ "

" ဟေ့ကောင် ကျော်သောင်း။ မရွှီးနဲ့။ ပြဇာတ်က ဒီနှစ်မှ စကတာ။ ခွီးတဲ့မှ။ မင်းကြည့်ဖူးတဲ့ ပြဇာတ်က အရင်ဘ၀က ပြဇာတ်လား "

လူကြီးတစ်ယောက်က ကိုကျော်သောင်းကို စင်ရှေ့ကနေ ထဟောက်ပြန်သည်။ အားလုံး ၀ါးခနဲရယ်၏။ ကိုကျော်သောင်း ခေါင်းကုတ်နေသည်။

" သူက အနုပညာဝါသနာ တအားပါသူပါ။ စိုးမိုးမေတ္တာတို့၊ ထွေးညို တို့ကိုသေသေချာချာ နားထောင်ခဲ့ဖူးသလို ဘီးအီးဒီအောင်သိုက်ရဲ့ ပြဇာတ်တွေကိုလည်း ကျေညက်နေပါပြီ။ စိတ်လှုပ်ရှားလွန်းလို့ စကားတွေ မှားရင်တောင်းပန်ပါတယ်။ ဒါမျိုးလေးတွေက ဖြစ်တတ်ပါတယ် "

ခင်မှုန်သည် ကိုကျော်သောင်းအစား ရှေ့နေလိုက်နေ၏။ ပရိသတ်ကားကြေညာပါ ဟု သာ အော်နေသည်။

" ဟုတ်ကဲ့ပါရှင်။ ဒီနှစ်အတွက် 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်မှာ အကောင်းဆုံးဇာတ်ပို့ ဆုကို ပြိုင်ဘက်မရှိတစ်ယောက်တည်း ယူသွားနိုင်သူကတော့...."

" ထွေးထွေးရီ.........ထွေးထွေးရီ....ထွေးထွေးရီ "

ပရိသတ်ကား အော်ဟစ်အားပေးနေလေသည်။

" ဟုတ်ပါတယ်ရှင်။ ထွေးထွေးရီပါ။ မထွေးထွေးရီ။ ဆုလက်ခံယူပေးဖို့ စင်ပေါ်ကို ကြွပါရှင် "

ခင်မှုန်၏စကားအဆုံး ထွေးထွေးရီသည် တက်ကြွသော ခြေလှမ်းများဖြင့် စင်ပေါ်ကိုရောက်လာလေသည်။ ရွာလူကြီးသည် ထွေးထွေးရီလက်ကိုကိုင်ကာ စကားအနည်းငယ်ပြောသည်။ ထို့နောက် ကိုကျော်သောင်းသည် မိုက်ကို ထွေးထွေးရီကို ထိုးပေးသည်။

" ကျွန်မ အခုလို ဆုရတာမှာ တကယ်ကျေးဇူးတင်ရမှာက ရွာထဲကလူတွေပါ "

" ဟေး "

ရွာသူ၊ ရွာသားများ ထအော်သည်။ ထွေးထွေးရီသည် ရည်းစားအပြိုင်အခန်းက ပါရသော်လည်း ရွာသူရွာသားတို့၏ မေတ္တာကို ရထားပုံရသည်။ သူကလည်း ပြောတတ်သည်။

" ကျွန်မတို့ ရွာသူရွာသားတွေက ကျွန်မကို လမ်းမှာတွေ့ရင်တစ်မျိုး၊ လယ်ထဲမှာတွေ့ရင်တစ်ဖုံ၊ အမျိုးမျိုး ကျွန်မကို မေးကြပါတယ်။ ဇာတ်ကရင် ပါဖို့။ ကျွန်မကလည်း ငယ်ငယ်ကတည်းက ပိုးထိုးနေတာ။ "

" ဟေး "

ရွာသူ၊ ရွာသားများ အော်ကြပြန်သည်။ အထူးသဖြင့် ကာလသားများ။ ဘာပိုးလဲဟု အော်ကြသေး၏။

" ဟုတ်ပါတယ်။ အနုပညာကိုဝါသနာပါလို့ အခွင့်အရေးကို စောင့်နေတာ။ ကိုယ့်ရွာသူ၊ ရွာသားများကလည်း အားပေးကြတာရှင်။ ကျွန်မ သူတို့ကြောင့် ကပြဖြစ်တာပါ။ နောက်မို့ဆို ကျွန်မဘာသာ ကျွန်မကောက်စိုက်၊ ပျိုးနုတ်ပဲနေမှာ။ အဲဒီအတွက် သူတို့ကို ကျေးဇူးတင်ပါတယ်။ သူတို့အတွက် နောက်နှစ်တွေ ထပ်ကပါမယ်။ အိုရှင်-အမြဲကပါမယ် "

" အေး.အေး။ နင်တို့ကလို့ရအောင် ရွာမှာ တစ်နှစ်တစ်ခါ ထီးတင်မယ်ဟေ့။ သိပြီလား "

ရွာလူကြီးကား ထွေးထွေးရီကို ရွဲ့လေပြီ။ ကျွန်တော်ပြုံးမိပြန်၏။ ထွေးထွေးရီက သူ့သဘောနှင့်မဟုတ်ဘဲ ပရိသတ်ကြောင့် ကရသည်ဟု အပြောက များနေလေသည်။ ဒါကြောင့်ပင်ဖြစ်မည်ဟု ကောက်ချက် ချ၏။ ထွေးထွေးရီကား ရှက်ရှက်နှင့် ဆင်းပြေးလေသည်။

" ဟုတ်ကဲ့ပါ ခင်ဗျာ။ 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်ကြီးရဲ့အဓိက ဇာတ်ပို့ အမျိုးသားဆုကို ကြေညာပါမယ်။ ဒီပြဇာတ်မှာ တကယ့် အရုပ်မှန်........အဲ......သရုပ်မှန်ပေါ်အောင် လုပ်ပြသွားနိုင်တဲ့ ဇာတ်လိုက်မင်းသားရဲ့ သူငယ်ချင်းအဖြစ် ကပြသွားတဲ့ ကိုအောင်ထွေး ကိုဖိတ်ခေါ်ပါတယ်ခင်ဗျား "

ကိုအောင်ထွေးကား ပြုံးပြုံး ပြုံးပြုံးနှင့်။ ဆုယူအပြီး ကျေးဇူးတင်စကား ပြောသည်။

" ကျွန်တော်..........ဒီဆုကိုရတာ............အားလုံးကို ကျေးဇူးတင်ပါတယ်.................ကျွန်တော့်ရဲ့ မိဘနှစ်ပါးလည်း ကြည့်ရင်း ကြည်နူးနေမှာပါ...............ကျွန်တော်ဆက်လက် ကြိုးစားပါမယ် "

ကိုအောင်ထွေးသည် စကားကို တိုတိုပဲ ပြောသည်။ ကိုအုန်းမောင်လို တိုတိုပဲ ပြောမည်ဆိုပြီး ရှည်မနေ။ သို့သော် ကိုအောင်ထွေးမှာပြောစရာ တစ်ခုပဲ ရှိသည်။ ဘာဖြစ်လို့မှန်းမသိ။ သူ့အသံက တော်တော်မောနေသည်။ စိတ်လှုပ်ရှားသည်ထင်၏။ ဒါကို ခင်မှုန်တို့ မရိပ်မိ။ ရိပ်မိလည်း ပြောမှာမဟုတ်။ သို့သော် ရွာလူကြီးတစ်ဦးက ရိပ်မိသည်။

" ဟေ့ကောင် ကျော်သောင်းနဲ့ အောင်ထွေး။ မင်းတို့ဒီပွဲပြီးရင် ငါ့ဆီလာခဲ့။ ထန်းရည်လက်ကျန်လေးဆွဲရအောင်။ ခွီးတဲ့မှ ကျားတွေဖြစ်ပြီး စင်ပေါ်ရောက်တော့ စကားထစ်တဲ့ကောင်နဲ့။ အမောဖောက်နေတဲ့ကောင်နဲ့ "

ထိုသို့ပြောလိုက်မှ ပရိသတ်ကား တ၀ါးဝါးနှင့် ရယ်တော့သည်။ ကိုအောင်ထွေးသည် စင်ပေါ်ကိုလှည့်မကြည့်ဘဲ လစ်လေတော့သည်။

" အခုဆက်လက်ပြီး 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်အတွက် အဓိကဇာတ်ဆောင် အမျိုးသမီးဆုကို ကြေညာပါမယ်။ "

ပရိသတ်ကား ဟေး ဟုအော်ကြလေသည်။ တကယ်တော့တစ်ဇာတ်တည်းသောပြဇာတ်မှာ ပါဝင်သရုပ်ဆောင်သူအားလုံး ရမှာကကျိန်းသေနေသည်မဟုတ်လား။

" ဟုတ်ကဲ့ပါရှင်။ 'ကိုယ့်မိန်းမကို သေအောင်မေ့၊ တစ်နေ့တွေ့မယ်'  ပြဇာတ်ရဲ့ အဓိက အမျိုးသမီးဇာတ်ဆောင်ဆုကို ခင်ခင်အေး ကရသွားပါတယ်ရှင် "

ဟေး ဟု ပရိသတ်ကြီးအော်လိုက်စဉ်မှာပင် ခင်ခင်အေးဆိုသောအမျိုးသမီးသရုပ်ဆောင်ကိုရှာသည်။ စင်ပေါ်တက်ရန် စောင့်နေကြ၏။ မတွေ့။

" ဪ-ဟိုမှာ ဟိုမှာ။ ဟဲ့-ခင်ခင်အေး။ ဘယ်သွားနေတာလဲ။ စင်ပေါ်လာလေ။ ဪ-ငါသိပြီ။ ချုံတိုးနေတာမဟုတ်လား "

ကိုကျော်သောင်းကား လူပါးမလည်။ စင်ပေါ်ကနေအော်ချင်တိုင်း အော်နေ၏။ သူ့မိုက်သံကား ကျယ်လောင်လှကာ တစ်ရွာလုံး ကြားရမည်ထင်သည်။ သည်မှာပဲ ကာလသားများ စချင်စိတ်ကပေါ်လာလေရာ ပြဇာတ်သရုပ်ဆောင် ခင်ခင်အေးမှာ ချက်ချင်း နာမည်သစ်ရလာလေသည်။

" ချုံတိုးခင်.....ချုံတိုးခင်.......ချုံတိုးခင် "

ကျွန်တော့်မှာ သူတို့ဆုပေးပွဲကို စိတ်ဝင်စားနေရင်းမှပင် ရယ်လည်းရယ်နေရ၏။ ခင်ခင်အေးသည် စင်ပေါ်ကိုရှက်ရှက်နှင့်တက်ပြီး ဆုတက်ယူသည်။ ပြီးတော့ ကျေးဇူးတင်စကားကို ပြော၏။

" သမီး အရမ်းဝမ်းသာပါတယ်။ အရမ်းဝမ်းသာလို့ ဘာပြောရမှန်းမသိတော့ပါဘူး။ အဟင့်.....အဟင့် "

ခင်ခင်အေးနှင့် ကိုအောင်ထွေး သည် အမျိုးတော်သည်ဟု ယူဆရမလားမသိ။ ယခုခင်ခင်အေးပြောစဉ်မှာ အမောဖောက်သံက ပါနေပြန်သည်။ ငိုလည်းငိုနေသေး၏။ ၀မ်းသာ၍ ငိုလေသလား၊ ချုံတိုးခင်ဟူသော နာမည်အသစ်ကြောင့် ငိုလေသလားတော့ မပြောတတ်။ ခင်ခင်အေးကား ချုံတိုးခင်ဟူသော ဘွဲ့ကို ကိုကျော်သောင်းကြောင့် ရပြီး သကာလ စင်ပေါ်မှာ သိပ်အကြာကြီးမနေတော့။ မြန်မြန်ပြန်ဆင်းလေသည်။

" ဟုတ်ကဲ့။ အခုတစ်ခါ ပြဇာတ်အတွက် အရေးကြီးဆုတစ်ဆုကို ဆက်ကြေညာပါမယ် "

ပရိသတ်ကား စိတ်ဝင်စားစွာ စောင့်နေ၏။ တစ်ခုတည်းသောပြဇာတ်မှ ဘာတွေများ ဆက်ပေးဦး မည်နည်းဟု သိချင်နေပုံပင်။ သူတို့မပြောနှင့်။ ကျွန်တော်ပင် သည်တစ်ခါကဘာဆုလဲဟု တွေးနေမိ၏။

" ပြဇာတ် ဒါရိုက်တာဆုပါခင်ဗျား။ 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်ကြီးရဲ့ ပြဇာတ် ဒါရိုက်တာ လူငယ်ဒါရိုက်တာ ကိုပြည့်ဝင်း .....................ဆုယူရန်ကြွပါခင်ဗျား "

ဟေး ဟုအသံကြီးကြားပြီး ကိုပြည့်ဝင်းသည် အားမာန်အပြည့်နှင့် စင်ပေါ်ကိုတက်လာလေသည်။ ဆုယူပြီး မိုက်ကို ကိုကျော်သောင်းဆီက လှမ်းယူသည်။

" ဟုတ်ကဲ့။ ကျွန်တော်အနှစ်နှစ်အလလက ကြိုးစားခဲ့သမျှ အခုလိုရတာ ၀မ်းသာပါတယ်။ ရွာဦးကျောင်းက ဆရာတော်ပြောသလို ပြောရရင် ကိုယ်ကောင်းရင် ခေါင်းဘယ်တော့မှ မရွေ့ပါဘူး။ 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်ဟာ အိမ်ထောင်ရေး ပညာပေးပါ။ ကျွန်တော့်ရဲ့ မူလတန်းပြ ဆရာပြောသလို ကကြီးကနေအအထိသေသေချာချာလေ့လာရပါမယ်။ အိမ်ထောင်ရေးဟာ အဲဒီလိုပါ။ ကျွန်တော့်ရဲ့ အထက်တန်းပြဆရာပြောသလိုပြောရရင် သက်ရောက်မှုတိုင်းမှာ တန်ပြန် သက်ရောက်မှုရှိပါတယ်။ အခုကျွန်တော့် ကြိုးစားမှု အရာထင်ပါပြီ။ အားလုံးကို ကျေးဇူးပါ "

ကိုပြည့်ဝင်းကား သူ့စကားဟုတ်တိပတ်တိမပါ။ ရှိသမျှဆရာအားလုံး၏ စကားများကိုပြောကာ ကျေးဇူးတင် သွားသည်။

" ဒီတစ်ခါ အလှည့်ကျသူကတော့ 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်တစ်ခုလုံးရဲ့ အဓိက အမျုိးသားဇာတ်ဆောင်ပါ။ အဲဒီဆုကိုတော့.........."

" သာဂိ.........သာဂိ........သာဂိ "

ပရိသတ်ကား ကြိုသိနှင့်နေ၍ သာဂိနာမည်ကို ကုန်းအော်နေလေပြီ။ သာဂိကား စင်ကာပူကပေးလိုက်သော နာမည်နှင့် အောင်မြင်နေလေရာ သူ့သူငယ်ချင်းများကလည်း သာဂိ၊ သူ့ရွာသားများကလည်း သာဂိနှင့်။ အောင်မြင်နေတော့၏။

" ဟုတ်ပါတယ်ခင်ဗျာ။ သာဂိပါ။ ကိုသာဂိ ဆုယူပေးပါခင်ဗျာ "

" ဟေ့ကောင် ကျော်သောင်း။ သာဂိက ဆုလက်ခံယူရမှာ။ ဆုက မင်းတို့ကယူပြီး လူကြီးလက်ထဲထည့် ပေးရမှာ။ ငတုံးရဲ့ "

လူကြီးတစ်ဦးကား ကိုကျော်သောင်းကို ဖုနေလေရာ ဘုသာတောနေတော့၏။ ကိုကျော်သောင်းမှာ မျက်နှာငယ်လေးနှင့် ပြန်ကြည့်၏။

သာဂိကား တိုက်ပုံကို သားသားနားနား ၀တ်ကာ စင်ပေါ်တက်လာ၏။ သူ့သီချင်းခွေတုန်းက ပြဿ      နာတက်ခဲ့ဖူးသော သာဂိသည် ယခုတော့ တော်တော်လေး ငြိမ်သားကျနေ၏။ ဆုယူပြီး သာဂိကျေးဇူးတင်စကား ပြောသည်။

" ကျွန်တော် အခုလို 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်မှာ အဓိကဇာတ်ဆောင်နေရာက ပါဝင်ခွင့် ရတဲ့အတွက် ပွင့်တော်မူပြီး ဖြစ်တဲ့ဘုရားအဆူဆူနဲ့တကွ ပစ္စေကဗုဒ္ဓါ၊ ရဟန္တာအပေါင်းနဲ့ သံဃာအပေါင်း၊ ကျွန်တော့်ကိုမွေးဖွားပေးတဲ့ မိဘနှစ်ပါး၊ ကျွန်တော့်အမေကို ကျွန်တော်ကိုယ်ဝန်ရှိစဉ်ကတည်းက စပြီး စမ်းပေးတဲ့ ကျွန်တော်တို့ ရွှေပန်းတောရွာက လက်သည် ဒေါ်စိန်ကြည် "

" ဟေ့ကောင် သာဂိ။ ငါ့အမေ ဒေါ်စိန်ကြည်ဆုံးတာကြာပဟ။ ငါပဲ ရှိတော့တယ် "

" ဪ-အေး........အေး။ ဒေါ်စိန်ကြည်ရဲ့ သား။ ငပွ။ ပြီးတော့ ကျွန်တော့်အနှီးကို ကူလျှော်ပေးခဲ့ကြတဲ့ ရွာက အမျိုးအားလုံး၊ ငယ်ငယ်ကတည်းက ထိန်းကျောင်းပေးလာတဲ့ အဒေါ်များ၊ ရွာဦးကျောင်းက ဆရာတော်ဘုရား၊ မူလတန်း၊ အလယ်တန်းနဲ့ အထက်တန်းကျောင်းက ဆရာများ "

" ဟေ့ကောင် သာဂိ။ အပိုတွေ မလုပ်နဲ့။ မင်းပြဇာတ်ကတာဆုရတာ မင်းကျောင်းက ဆရာတွေနဲ့ ဆိုင်လို့လား။ မင်းလည်း အပြန် ထန်းရည်လာသောက် "

" ဟား.......ဟား "

ကိုကျော်သောင်း နှင့် ကိုအောင်ထွေးကို ထန်းရည်ခေါ်တိုက်နေသော လူကြီးပင် ထအော်လေရာ ရွာကကာလသားတို့မှာ ပွဲကျလေ၏။ သာဂိကား အပြုံး မပျက်။ အရင်က အထိုးအကြိတ်ပင် ခံထားရလေရာ ထိုမျှကတော့ အပျော့ဟု ဆိုလေမည်လား မသိ။

" ကျွန်တော်ညှော်မိပြီး အနာရင်းတုန်းက အိမ်ကရှိသမျှဆေးနဲ့ ဆေးရွက်တွေရှာပြီး လာကုပေးတဲ့ အဘွားလေး ဒေါ်တင်ကြည်။ ကျွန်တော်ဖေ့စ်ဘွတ်မှာ ဓာတ်ပုံတင်ဖို့ အရိုက်ခံနေတုန်း ခွေးလိုက်ဆွဲတုန်းက ၀င်ကယ်ပေးတဲ့ ကျွန်တော့်ညီဝမ်းကွဲ ကောက်ရိုး၊ ကျွန်တော်နဲ့ ဆိုးဖော်ဆိုးဖက်၊ တေဖော်တေဖက် ရွာကကာလသားများ "

" ဟေး "

" ကျွန်တော့်ရဲ့ အနွံအတာကို ခံခဲ့တဲ့........."

သာဂိက စကားကို ခဏနားသည်။ ကျွန်တော်ပင် သာဂိတောင် ရည်းစားတွေ၊ ဘာတွေရပြီပဲဟု တွေးနေခိုက် သာဂိပြောတာ ကြည့်ပါဦး။

" ရွာက နွားနှစ်ရှဉ်း။ သူတို့က ကျွန်တော်ဆဲဆဲ၊ ရိုက်ရိုက်ခံတယ်ဗျ။ "

" ဟေး "

" ပြီးတော့ ရွာက လူကြီးမင်းများ "

" သာဂိ။ မင်းက နွားတွေကို ကျေးဇူးတင်ပြီး ငါတို့ကို ကျေးဇူးတင်တယ်။ မင်းကတော့လေ။
လုပ်ချ လိုက်ပြန်ပြီ "

အားလုံးရယ်ကြပြန်သည်။ သာဂိကား ပြုံးနေပြန်၏။

" ပြီးတော့ စင်ကာပူက ကျွန်တော့်သူငယ်ချင်းများနဲ့ ကျွန်တော့်ကိုညီအရင်းလို ဆုံးမတတ်တဲ့ အစ်ကိုတစ်ယောက်။ အားလုံးကို ကျေးဇူးတင်ပါတယ်။ ကျန်ခဲ့ရင် ခွင့်လွှတ်ပါ "

" ဟေး "

သာဂိကား အပေါင်းအသင်းများရကား သူ့ကျေးဇူးတင်စကားမှာ တဟေးဟေးနှင့် ပွဲကျနေတော့သည်။ သာဂိကား ပြောပြီး စင်ပေါ်မှ ဆင်းပြေးလေသည်။

" ဟုတ်ကဲ့။ အခု ဆုပေးပွဲ အပြီးမှာ ဖျော်ဖြေရေး ရှိပါသေးတယ်။ မပြန်ပါနဲ့ဦး ခင်ဗျာ "

" ဟေ့ကောင် ကျော်သောင်း။ တော်တော် ဟိုဟာရှည်တဲ့ကောင်။ ငါတို့က ပြဇာတ်ကြည့်ဖို့လာတာ။ မင်းတို့ ဆုပေးပြီး ပြီးပြီ။ ကျေးဇူးတင်စကားတောင် မလွှဲသာလို့ နားထောင်နေတာ။ ငါဟိုအမောဖောက်နေတဲ့ ကောင်တွေကို ထန်းရည်တိုက် ဂုဏ်ပြု လိုက်ဦးမယ်။ မကြည့်တော့ဘူး "

" ကျွန်တော်တို့ ကောက်စိုက်အက၊ ဒန့်သလွန်သီး အကတို့၊ ပန်းဦးဆွတ်ခြွေ လမိုက်ကြွေ အကတို့ ကမှာ အဘ။ အားပေးပါဦး "

" မင်းနဲ့ ခင်မှုန်ပဲ ကြည့်ကျန်ခဲ့တော့ဟေ့။ သွားပြီ "

အားလုံးကား ရုတ်ရုတ်၊ ရုတ်ရုတ်နှင့် ထပြန်လေသောအခါ ကိုကျော်သောင်းနှင့် ခင်မှုန်မှာ ဘာလုပ်ရမှန်းမသိဘဲ ပွဲကို သိမ်းရလေတော့၏။ ထိုအချိန်မှာပဲ အသံတစ်သံက ပေါ်လာပြန်လေသည်။

" ဟေ့ကောင် သာဂိ။ ယီးတဲ့မှပဲ။ မင်းရတဲ့ဆုက ငါရရမှာကွ။ ဟဲ......ဟဲ "

သာဂိ သူငယ်ချင်း ဖြစ်ဟန်တူသော လူတစ်ယောက်က သာဂိကို လှမ်းဆဲပြီး ပုခုံးလှမ်းဖက်နေသည်။ ဗွီဒီယို ရိုက်နေသည်ကို မသိဘူးထင်၏။

နောက်ဆုံးပွဲသိမ်းမှာ ရွှေမန်းတင်မောင်၏ အောင်ပါစေ ကို ဟွန်းကြီးနှင့်ဖွင့်ကာ သိမ်း၏။ ကောင်းလေစွ။

ကျွန်တော်ကား သာဂိတို့ရွှေပန်းတောရွာက ကပြသော 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်ကို ကြည့်ကာ ရယ်မောပြုံးရွှင်လျှက် စိတ်လက်ပေါ့ပါးသွားလေရာ ဗွီစီဒီကိုထုတ်ကာ တစိမ့်စိမ့်ပြန်တွေးနေမိသေးတော့သည်။              ။


သားလတ်
၂၁း၂၇ နာရီ ( စင်ကာပူစံတော်ချိန် )
၁.၁.၂၀၁၅
Photo Reference: art.phillipmartin.info

Related Posts Plugin for WordPress, Blogger...