Thursday, December 29, 2016

" Check Point "


စင်ကာပူက Jurong Island မှာလုပ်ဖူးတဲ့သူတွေ၊ လက်ရှိလုပ်နေသူတွေသိကြပါလိမ့်မယ်။ကျွန်တော်တို့အားလုံးမနက်အလုပ်သွားရင် Check point ကိုဖြတ်ရပါတယ်။ အားလုံးကားပေါ်ကဆင်း၊ပြီးရင်ကိုယ့်မှာပါတဲ့ကျွန်းကတ်နဲ့ Scan ဖတ်ပြီးလက်ဗွေဖတ်၊အားလုံးအိုကေပြီဆိုကျွန်းထဲဝင်လို့ရပါပြီ။ဒါဟာနေ့စဉ်လုပ်ရတာပါ။
အပြန်တော့မလိုပါဘူး။

ကားနဲ့တိုက်ရိုက်သွားလို့ရတဲ့ခရီးမို့ကားပေါ်ကဆင်းပြီးလုံခြုံရေး စက်တွေရှိတဲ့ Check point မှာအစစ်ခံရတဲ့အခါအရင်တုန်းကဆို စက်ပျက်တာကတစ်မျိုး၊Scan မဖတ်တာကတစ်မျိုး၊ လာတဲ့လူနဲ့ အပေါက်ကမလောက်လို့တစ်နေတာကတစ်မျိုး။စတဲ့ဒုက္ခတွေရှိခဲ့ဖူးပါတယ်။

အဲဒီတုန်းကစက်တွေကလမ်းရဲ့ဘယ်ဘက်နဲ့ညာဘက်ကအမိုးပါ အဆောက်အအုံတွေအောက်မှာတစ်ဖက်တစ်ချက်စီသာရှိပြီး ကျွန်းပေါ်ကိုနေ့စဉ်လာတဲ့လူအရေအတွက်နဲ့ယှဉ်ရင်နည်းတယ်လို့ယူဆလို့ရပါတယ်။ဒီကြားထဲ
ကားတွေကပါတစ်ပြိုင်တည်းဘေးကဖြတ်လေတော့ကားသမားသာ Scan ဖတ်လို့မရဘူးဆိုရင် လမ်းတစ်ခုလုံးပိတ်တော့တာပါပဲ။များသောအားဖြင့်မနက်ဘက်ဆိုလူကျပ်၊ကားကျပ်အနေအထားကိုအဲဒီ Check Point မှာအမြဲကြုံရစမြဲပါ။

အဲဒီအခြေအနေကိုကျော်ဖို့သူတို့ကြိုးစားခဲ့ကြတယ်။ပင်မ လမ်းရဲ့ဘေးမှာနောက်ထပ်နေရာချဲ့ပြီးမှ
လမ်းသွယ်များစွာနဲ့ကားတွေကိုခွဲထုတ်ပြီးဝင်လို့ရအောင်ရယ်၊Scan ဖတ်တဲ့စက်တွေ ထပ်တိုးတာရယ်လုပ်လိုက်တယ်။အားလုံးအဆင်သင့်ဖြစ်ပြီဆိုတော့အရင်အပေါက်ဟောင်းတွေကို ပိတ်ပြီးအပေါက်သစ်ဘက်ကသွားစေတယ်။

ပထမတော့ကျွန်တော်တို့စိတ်ထဲအရင်ထက်ပိုဇာတ်ရှုပ်၊ပိုကြာတယ်ထင်တယ်။ဒါပေမဲ့အဲဒီဘက်ကသွားပြီး
သုံးလေးပတ်လောက်နေတော့ဒီစနစ်ကအရင်အပေါက်ဟောင်းတုန်းကလုပ်ထားတာထက်ပိုမြန် တယ်ဆိုတာသိလာတယ်။အရင်ကကားတွေပိတ်နေရင်ကိုယ့်ကားကိုမနည်းရှာရတယ်။အခုကိုယ်က
လက်ဗွေနှိပ်ပြီးထွက်လာရင်ကိုယ့်ကားကနောက်ကကပ်ပါလာပြီ။ဒီတော့စစချင်းတုန်းကထင်ထားခဲ့တဲ့
စနစ်သစ်ဟာမကောင်းဘူးလို့ထင်ထားတဲ့စိတ်ကပျောက်သွားတယ်။အချိန်ကာလတစ်ခုမှာစနစ်သစ်
တစ်ခုကကောင်းလာတယ်ဆိုတာကိုမြင်လာရတယ်။

ကျွန်တော်တို့တိုင်းပြည်ကလူတွေကလည်းကျွန်တော်တို့ Check Point ကိုဖြတ်သလိုဖြစ်နေတယ်။မြို့ထဲမှာ လမ်းတွေပိတ်နေလို့ဈေး သည်တွေကိုတစ်နေရာမှာတစ်စုတစ်စည်းတည်းရောင်းစေတယ်။ အရင်နေရာမှာပဲပြန်ရောင်းမယ်ဆိုတာချည်းပဲ။ကုန်ကားမောင်းသူတွေကလည်းဆန္ဒတွေပြကြတယ်။
လမ်းတွေပိုပိတ်ကုန်ရော။

ဘာပဲလုပ်လုပ်တစ်ခဏတော့မကြည့်စေချင်ဘူး။အချိန်ကာလတစ်ခုယူပြီးကြည့်စေချင်ပါတယ်။သေချာ
တာကကောင်းစေချင်လို့လုပ် တာဖြစ်တဲ့အတွက်ကောင်းတဲ့အကျိုးကိုပြည်သူတွေပါရရှိမှာပါ။
ဘာလုပ်လုပ်ဆန္ဒပြတဲ့ခေတ်ကကုန်သွားပါပြီ။မပြရဘူးမဟုတ်ပါဘူး။ ရည်ရွယ်ချက်ကိုကြည့်စေချင်ပါတယ်။အရင်ကဆန္ဒပြတယ်ဆိုတာ တကယ်ကိုမကောင်းကြလို့ပြရတာ။ခုဟာကကောင်းအောင်လုပ်ပေးနေတာကိုပြကြတာဆိုတော့
အဲဒီလိုသာလုပ်နေကြရင်ကျွန်တော်တို့ တိုင်းပြည်ဘယ်လိုထူထောင်ကြပါ့မလဲလို့သာမေးချင်တာပါပဲ။

ကျွန်တော်ပေးခဲ့တဲ့ဥပမာအရပြောရရင်ဒီအချိန်ဟာကျွန်တော်တို့ပြည်သူတွေ Check Point ကိုဖြတ်နေချိန်ပါ။ ကိုယ့်ဘာသာလေ့လာ ကြည့်ပေါ့ဗျာ။ချက်ချင်းတော့မဆုံးဖြတ်နဲ့ပေါ့။ကျွန်တော်တို့ Check Point ကိုဖြတ်နေတာပိုလွယ်လာသလား။ပိုခက်လာသလား ဆိုတာအချိန်ကာလတစ်ခုဖြတ်ပြီးရင်သိလာမှာပါ။ ။

ဆူးသစ်
၀၀း၂၁ နာရီ ( စင်ကာပူစံတော်ချိန် )
၁၇.၁၂.၂၀၁၆

Monday, December 26, 2016

" မသိခဲ့သော "


နှင်းမကျဘူး
ညနေမိုးတွေသည်းပြီးရွာနေတဲ့အခါ
ခရစ္စမတ်ဟာအရသာပျက်တယ်။

အားလပ်ရက်တွေလား
ငါမသိနိုင်တဲ့အနာဂတ်များမှာ
ငါ့အချိန်တွေဝါးစားခံခဲ့ရတော့
ဒီဇင်ဘာဟာရင်ခုန်ခြင်းတွေမှေးမှိန်
ငါ့အိမ်ထဲမှာပဲငါ့မိသားစုနဲ့ကျော်ဖြတ်တယ်။

ဒါဘ၀ပဲလေ
မရှိခြင်းတွေအတွက်ရှိခြင်းဖြစ်အောင်
ရှိခြင်းတွေကိုမရှိခြင်းလုပ်ရင်း
နှလုံးသားကိုခပ်ပြင်းပြင်းပုတ်လို့
အားလပ်ရက်နဲ့အလုပ်ဆိုတာကို
သမုဒယငုတ်နဲ့ချည်ပြီးဆွဲလှဲဖို့လုပ်ခဲ့တာကြာပြီ။

နိုင်သလား၊ရှုံးသလားတော့မသိပါဘူး
အားလပ်ရက်တွေလည်းပြီးသွားမှာပါပဲ
ငါ့အလုပ်တွေလည်းပြီးသွားမှာပါပဲ
ဒါပေမဲ့.....
ငါ့မိသားစုရဲ့ပျော်ရွှင်ခြင်းကိုတော့အပြီးမခံနိုင်ဘူး
ဒီလိုနဲ့.....
မာနရယ်၊ပညာရယ်၊ပျော်ရွှင်ခြင်းရယ်၊တွေးခေါ်ခြင်းရယ်
မိုးသည်းနေတဲ့ခရစ္စမတ်ကိုကျော်ဖြတ်
ဒီဇင်ဘာညတွေကိုတရစပ်နင်းချေ
မနက်နေကိုအံကြိတ်လို့ကြည့်နေခဲ့ဖူးပါတယ်။ ။

ဆူးသစ်
၁၁း၁၇ နာရီ ( စင်ကာပူစံတော်ချိန် )
၂၅.၁၂.၂၀၁၆
ခရစ္စမတ်နေ့

Wednesday, March 2, 2016

" သက်သတ်လွတ်စားတဲ့ကျား "



တစ်ခါတုန်းကကျားတစ်ကောင်မျက်စိလည်လမ်းမှားပြီးမြန်မာပြည်နယ်စပ်ကိုရောက်လာသတဲ့။ဖြစ်ချင်တော့ ကျားလောကမှာသတင်းတစ်ခုထွက်နေ တယ်။

တလောကပဲကျားတစ်ကောင်သေနတ်ပစ်ခံရပြီးသေသွားတယ်။ဒါပေမဲ့မြန်မာပြည်ကလူတွေဟာအင်မတန် သနားကြင်နာတတ်ပြီးကျားကိုတောင်မသတ်ဖို့ပြောဆိုနေသံတွေFacebookပေါ်မှာသတင်းထွက်နေတဲ့ဆိုတဲ့ အကြောင်းပါ။

ဒီတော့အဲဒီကျားကသူတို့အချင်းချင်းမေးရတယ်။တကယ်လားပေါ့။သူ့ မိတ်ဆွေကျားတောင်သေသွားပြီ။လူတွေကသူတို့ကျားတွေဟာရှားပါး မျိုးရိုးတွေမို့အခုအချိန်မှာသတ်ဖို့ထက်မေ့ဆေးပေးပြီးဖမ်းသင့်တယ် လို့ပြောနေတာဟုတ်ပါ့မလားပေါ့။ကျားအချင်းချင်းကလည်းပြန်ဖြေပါတယ်။သိချင်ရင် Facebookဖတ်တဲ့။

ဒါနဲ့အဲဒီကျားကသူတို့ဋ္ဌာနချုပ်ကိုလှမ်းမေးပြီးAccountဖွင့်ခိုင်းတယ်။ဋ္ဌာနချုပ်ကသူ့ကိုစာပြန်တယ်။
" မင်းကြားဖူးတယ်မဟုတ်လား။သေချင်တဲ့ကျားတောပြောင်းဆိုတာ။အေး-အဲဒါလူတွေပြောတာ။ မင်းလည်းသေချင်လို့လား။ငါတို့ကျားလောက မှာတော့သေချင်တဲ့ကျားFacebookသုံးလို့ဆိုကြတယ်။ အဲဒီFacebookဆိုတာကြီးထဲမှာမဟုတ်တမ်းတရားတွေများတယ်။ထင်ရာမြင်ရာတွေရေးတယ်။အင်ထုတယ်။ တူရာတူရာပင်းတယ်။သူတို့အချင်းချင်းပြောတာတော့ ဘာမတယ်ဆိုလား။ငါတို့တော့နားမလည်ဘူး။ ဒီတော့အဲဒါကြီးကလူတွေသုံးတာ။ငါတို့နဲ့မအပ်စပ်ဘူး။တကယ်လို့မင်းဆန္ဒရှိရင်တော့Accountဖွင့်ပေး မယ်။ကတိတစ်ခုပေးရမယ်။မင်းဟာအဲဒီAccountရတဲ့နေ့ကစပြီးငါတို့ကျားလောကရဲ့ကောင်းကြောင်း ကိုပဲရေးရမယ်။ငါတို့ကျားတွေဟာလူသား မစားကြောင်းမင်းပြောရမယ်။ငါတို့ကိုအသေမသတ် သင့်ဘူး။မေ့ဆေးပေးပြီးဖမ်းရင်မျိုးရိုးထိန်းသိမ်းရာရောက်လို့ငါတို့ကိုအရှင်ဖမ်းမယ်ဆို အသာတကြည်လက်ခံတတ်တဲ့သဘောရှိတယ်ဆိုတဲ့ဝါဒကိုများများဖြန့်ရမယ်။ကျားဝါဒပေါ့ကွာ။ တစ်နည်းအားဖြင့်ကျားတို့၏မာယာလို့လည်းပြောလို့ရ တယ်။အဲဒါတွေကိုမင်းလက်ခံမယ်ဆိုရင် မင်းအတွက်Accountတစ်ခုဖွင့်ပေးမယ်။အဲဒီကတိနဲ့အလုပ်လုပ်နေတဲ့ကျားလောကကAccountတွေရှိတယ်။ အဲဒီကောင်တွေကိုမင်းသိစရာမလိုဘူး။သူတို့ဟာငါတို့ဋ္ဌာနချုပ်ကလုပ်သမျှဘာမှမသိလည်းအားလုံးထောက် ခံနေတဲ့ကောင်တွေ။သူတို့ကိုသိပ်မြန်မြန်ရှာစရာလည်းမလိုဘူး။အခုလူတွေပြောနေတဲ့ဆီသည်ဆိုလားစီလီ ဆိုလားဖြစ်နေပြီ။မင်းမသုံးတတ်ရင်သူတို့ဘာရေးလဲကြည့်ပြီးမှီးပြီးလိုက်ရေး။ မင်းနောက်မှာငါတို့ရှိတယ်။တစ်ခုခုဖြစ်ရင်မင်းကိုငါတို့လိုက်ရှာမယ်"

ဒီတော့Facebookသုံးချင်တဲ့ကျားလည်းတွေဝေသွားတယ်။ဒါပေမဲ့လူတွေရဲ့သတင်းအချက်အလက်ကို လိုက်ဖို့ကဒီတစ်နည်းပဲရှိတော့သုံးမယ်ဆိုပြီးလက်ခံလိုက်တယ်။ဋ္ဌာနချုပ်ကFacebookသုံးနည်းစာရွက် စာတမ်းတွေပို့တယ်။အနီးဆုံးဋ္ဌာနကနေဖုန်းတစ်လုံးနဲ့လက်ပ်တော့ပ်တစ်လုံးလာယူခိုင်းတယ်။
သူ့Accountကိုဋ္ဌာနချုပ်ကရွေးပေးတယ်။

"သက်သတ်လွတ်"တဲ့။

တော်တော်လေးမိုက်တယ်။Accountဖွင့်တဲ့နေ့ကတည်းကသူဟာအသားမစားသူပါလို့တင်လိုက်တာ လာAddတာတစ်ရာကျော်တယ်။
တဖြည်းဖြည်းနဲ့Friend Listထဲမှာလူတွေများလာတော့သတင်းတွေ လိုက်ကြည့်တာနောက်ဆုံးသူ့မိတ်ဆွေနာရေးကိုဖတ်လိုက်ရတယ်။

လူတွေဟာတော်တော်ခက်လွန်းတယ်လို့တွေးတယ်။သူ့မိတ်ဆွေအသားရှာမလို့ထွက်တုန်းလူနှစ်ယောက် ငါးဖော်နေတာတွေ့လို့စားမလို့လုပ်တယ်။အဲဒီလူနှစ်ယောက်လွတ်သွားတယ်။လူစုပြီးသူ့မိတ်ဆွေကိုပြန်လာ ရှာတယ်။ ပြီးတော့သတ်ပစ်လိုက်တယ်။ဒါဟာသူတို့ကျားလောကရဲ့ထူးဆန်းတဲ့ကိစ္စတော့မဟုတ်ဘူး။

သူတို့ဟာသားကောင်ရှာမယ်။ဒီလိုပဲတစ်ချိန်မှာသူတို့ဟာသားကောင်ဖြစ် မယ်။မုဆိုးနဲ့တွေ့ ရင်တွေ့မယ်။တောဆင်ရိုင်းတွေ၊တောဝက်တွေ၊၀က်ဝံတွေ၊မြွေတွေနဲ့တွေ့မယ်။အဲဒီအခါသူတို့ ခံရတဲ့အလှည့်တွေအများကြီးပဲ။

ထူးဆန်းတာကသူ့မိတ်ဆွေကိုသတ်ပြီးရွာမှာကျကျနနပြထားတယ်။အရေခွံခွာတယ်။Facebookတင်တယ်။ စမိပြီဆိုကတည်းကသနားလိုက်တဲ့လူတွေ။ကြင်နာတတ်ကြတယ်။ရှားပါးမျုိးရိုးမို့မသတ်သင့်တဲ့အကြောင်း ကမ္ဘာနဲ့ ချီပြီးပြောတယ်။မေ့ဆေးနဲ့ပစ်သင့်တယ်ဆိုတဲ့အကြောင်းပြောတယ်။ တချို့ကလည်းလူ့အသက်နဲ့မေ့ဆေး။အဲဒီအချိန်ဘယ်လိုလုပ်မလဲပြောတယ်။စုံနေတာပါပဲ။

ပိုပြီးထူးဆန်းတာကအင်ထုတဲ့သတင်းလို့ပြောရမယ့်ကလေးတစ်ယောက်ကိုသူ့မိတ်ဆွေကျားက ၀င်ပူးတယ်ဆိုပြီးကျားအတွက်နေရာတောင်းတယ်တဲ့။ဒီလူတွေသူ့မိတ်ဆွေကျားကိုခုတုံးလုပ်ပြီလို့ သိလိုက်တယ်။

ဘာပဲဖြစ်ဖြစ်လူတွေရဲ့သဘောကိုသေသေချာချာသိပြီမို့လူတွေနဲ့အနီးဆုံးကိုသွားဖို့သူဆုံးဖြတ်လိုက်တယ်။
ဒီလိုနဲ့ရွာတစ်ရွာအနားမှာသားကောင်လေးတွေရလိုရငြားရှာကြည့်တယ်။ဋ္ဌာနချုပ်ကသတင်းရောက်လာတယ်။ "တံတားတွေနားမှာအပေါ့မသွားရ"တဲ့။ကျားနားမလည်ဖြစ်သွားတယ်။အပေါ့မသွားရဆိုတဲ့အမိန့်ကိုလွန်ဆန်ရင် ဋ္ဌာနပြန်ရောက်ရင်ငယ်ပါကိုအဖြတ်ခံရမယ်တဲ့။စတွန့်သွားတယ်။စမုံတုံးမယ့်ကိန်းဆိုတော့ဒီညွှန်ကြားချက်ကို အတိအကျလိုက်နာပါမယ်လို့ပြန်လိုက်တယ်။နောက်မှတခြားဘော်ဒါတွေဆီမေးကြည့်တော့တံတားတွေ ပျက်တာ ဆီးကြောင့်လို့လူတွေသံသယ၀င်နေတာကိုကျားကြောင့်အထင်မခံနိုင်လို့
တဲ့။ရှင်းသွားတယ်။ကျားတွေရဲ့ဂုဏ်သိက္ခာကျမယ့်ကိစ္စသူဘယ်တော့မှမလုပ်ဘူး။

ဖြစ်ချင်တော့ရွာကနေလမ်းမှားရောက်လာတဲ့လူနှစ်ယောက်နဲ့တောအုပ်အလယ်မှာဆုံတယ်။ သူ့ကိုလည်းမြင်ရောသူတို့မှာပါတဲ့လက်နက်တွေထုတ် တယ်။သေသေချာချာကြည့်တော့ တစ်ယောက်ကသေနတ်၊တစ်ယောက်ကဖုန်းကိုင်ထားတယ်။

" ငါတို့ကိုစားတော့မယ်။မင်းပစ်မလား"

သူတို့ချင်းကြည့်ပြီးလူနှစ်ယောက်ပြောတယ်။ကျားကနားမလည်ဘူးလို့ထင်ပုံရတယ်။Google Translate မှာသူတို့ဘာသာစကားကိုလေ့လာထားတာ အဲဒီလူတွေမသိဘူး။မတိကျပေမယ့်အနီးစပ်ဆုံးဘာသာ
ပြန်လို့ရတယ်ဆိုတာဋ္ဌာနချုပ်ကပြောထားတာ။

ပစ်မယ်ဆိုတဲ့လူကလက်တုန်နေတယ်။ကျားကငြိမ်နေတော့ဘာလုပ်မလဲ လို့စောင့်ကြည့်နေပုံပဲ။ကျားကလည်းစဉ်းစားတယ်။ငါလည်းဗိုက်ဆာနေပြီ။ ဒီတော့နှစ်ယောက်စလုံးကိုစားမယ်။ဒါပေမဲ့သေနတ်နဲ့ကောင်
ကငါ့ကိုပစ်နိုင်တယ်။ကြံစမ်းဆိုပြီးဥာဏ်စိမ်း၊ဥာဏ်နက်တွေထုတ်တယ်။

သူတို့လောကမှာအသားစိမ်းပဲစားလို့ဥာဏ်စိမ်းလို့ခေါ်တယ်။ဥာဏ်နက်ဆိုတာတရားမ၀င်ရလာတဲ့အမဲ၊ သားကောင်မျိုးကိုတိုက်ခိုက်ဖို့စဉ်းစားရတာကိုခေါ်တာ။တမင်ချောင်းပြီးစားတာမဟုတ်ဘူးပေါ့။ဥာဏ်နီ ကျတော့ချောင်းပြီးစားတာ။ကျားဆိုတာသားကောင်ကိုချောင်းပြီးပဲစားတယ်။ဒါဟာရိုးသားတယ်။ သတ္တိရှိတဲ့လုပ်ရပ်ဖြစ်တယ်။သွေးရဲတယ်။ဒါကြောင့်ဥာဏ်နီလို့သတ်မှတ် တယ်။

အခုကသွားရင်းလာရင်းဖျတ်ခနဲတွေ့တာ။တိုက်ရတော့မယ်။ဒါကြောင့်ဥာဏ်နက်ကိုထုတ်တယ်။ဒါပေမဲ့ကျား ကံကောင်းနေတာကသေနတ်သမားဟာချိန်သာထားတယ်သူ့အခြေအနေကိုကြည့်ရင်းတွေဝေနေပုံပဲ။ဘေးက လူက လည်းပွားနေတာပါတယ်ထင်ပါရဲ့။ဟိုလူကဖုန်းကိုပွတ်နေတယ်။

"ဟေ့ကောင်။ရှားပါးမျိုး။ကျည်နဲ့ပစ်မလား။မေ့ဆေးနဲ့ပစ်မလား"

ဖုန်းထဲကအချက်တွေကြည့်ပြီးတတွတ်တွတ်ပြောနေတယ်။ဟိုလူကပြန်ပြောတယ်။

" တောထဲကိုလာတာ။မင်းကြီးဒေါ်မေ့ဆေးကပါမလား"

" ဒါဆိုသစ်တောတို့၊တောရိုင်းတိရိစ္ဆာန်ထိန်းသိမ်းရေးတို့ခေါ်မလား"

"မင်းနေခဲ့လေ။ငါသွားခေါ်လိုက်မယ်။မင်းအမေလင်ကအဲဒီပြန်ခေါ်နေတာကိုစောင့်မလား။ငါပြန်လာရင် မင်းအရိုးတောင်ဘယ်ကရှာရမှန်းမသိဖြစ်နေ မယ်"

ဖုန်းပွတ်နေတဲ့လူမျက်လုံးပြူးသွားတယ်။

"ဒါဆိုလည်းပစ်ကွာ"

ဖုန်းပွတ်တဲ့လူပြောသလိုပဲသေနတ်ကိုင်ထားတဲ့လူကမောင်းတင်တယ်။

သိလိုက်ပြီ။ဒီလူတကယ်ပစ်တော့မယ်။ဒါနဲ့ကျားတို့ရဲ့မာယာသုံးပြီး လက်ကာပြလိုက်တယ်။

" နေပါဦး။ ကျုပ်ရှင်းပြပါမယ်"

လူနှစ်ယောက်မျက်လုံးတင်မဟုတ်။အကုန်ပြူးသွားပုံရတယ်။ကျားက လူစကားပြောပါလားဆိုပြီး။

"ကျုပ်ကအသားမစားပါဘူး"

" ဘာ။ရူးကြောင်မူးကြောင်လာပြောနေတယ်။ပစ်ထည့်လိုက်ရ"

"တကယ်ပါ။ကျုပ်ရဲ့Facebook Accountမှာဝင်ကြည့်ပါ။ သက်သတ်လွတ်ဆိုတာကျုပ်Accountပါ"

ဖုန်းကိုင်ထားတဲ့လူကချက်ချင်းအလုပ်လုပ်တယ်။ပွတ်တာမှစိမ်ပြေနပြေပဲ။ ခဏနေတော့သေနတ်နဲ့လူကိုရှင်းပြတယ်။

"သူတို့ကမေ့ဆေးနဲ့ဖမ်းတာတို့၊အရှင်ဖမ်းရင်တို့ဆိုလက်ခံတယ်တဲ့။ရှားပါးမျိုးတွေပါတဲ့။တိရိစ္ဆာန်ထိန်းသိမ်းရေးတွေ၊သစ်တောထိန်းသိမ်းရေးတွေကို အကြောင်းကြားသင့်တယ်ထင်တယ်။လူသားမစားဘူးတဲ့ကွ။တော်သေး တာပေါ့"

" ဟေ့ကောင်။သောက်ရူး။ကျားကလူသားမစားဘူးရှိလား"

" ဟ-ဒီကောင့်Accountထဲမှာပြောထားတာလေ"

"ဟုတ်ပါတယ်။ကျုပ်ကလူသားမစားပါဘူး"

သေနတ်နဲ့လူနည်းနည်းတွေဝေသွားတယ်။

"ကောင်းပြီ။ဒါဆိုမင်းထွက်သွားတော့။ငါသေနတ်နဲ့ချိန်ထားမယ်။လှည့်လာ ရင်ပစ်ပြီပဲ"

ကျားလည်းနည်းနည်းတော့တွေဝေသွားတယ်။

"တစ်ခုတော့ရှိပါတယ်။ကျွန်တော့်သူငယ်ချင်းကျားသေသွားတဲ့ဖြစ်စဉ်ကို သိရင်ပြောပြပေးပါလား။ အဲဒါသိချင်လို့ဒီနားကိုလာတာပါ"

လူနှစ်ယောက်နည်းနည်းတွေဝေသွားတယ်။မင်းပြောလိုက်ဆိုပြီးဖုန်းကိုင်ထားတဲ့လူကိုမေးငေါ့ပြတယ်။ပြောတာ ကတော့သူသိထားတဲ့သတင်းတွေအတိုင်းပဲ။နောက်ဆုံးသူ့မိတ်ဆွေကိုသေသေချာချာသင်္ဂြီုဟ်ပေးတာကအစ ရှင်းပြတယ်။အဲဒီအချိန်ကျားသတိထားမိတာကသေနတ်သမားရဲ့ လက်ကအောက်ကျသွားတယ်။

တစ်ပြိုင်တည်းမှာပဲသူလျင်လျင်မြန်မြန်နဲ့ခုန်အုပ်လိုက်တယ်။သေနတ်သမားလက်ကသေနတ်လွတ်ကျပြီး လည်မြိုကိုတစ်ချက်ခဲလိုက်တာနဲ့သေနတ်သမားသွေးတွေထွက်လာတယ်။သေချာအောင်သေနတ်သမားရဲ့ လက်ကို တစ်ချက်ထပ်ကိုက်လိုက်တယ်။

အဲဒီအချိန်မှာဖုန်းသမားကပြေးဖို့ပြင်နေပြီ။ဒါနဲ့တစ်ပတ်လှည့်ပြီးခုန်အုပ် လိုက်တယ်။မိတယ်။ကျောကုန်းကို တစ်ချက်ကိုက်ပြီးလက်သည်းနဲ့ခြစ်လိုက်တယ်။သူ့လက်ထဲကဖုန်းကိုခပ်ဝေးဝေးရောက်အောင်ပုတ်ထုတ် လိုက်တယ် ။ပြီးမှကိုက်မယ်လုပ်တော့ဖုန်းသမားက၀ူးဝူးဝါးဝါးနဲ့အော်တယ်။

"မင်းပြောတော့လူသားမစားဘူးဆို။ပြီးတော့ငါကမင်းကိုသတ်ဖို့လုပ်တဲ့လူ မဟုတ်ဘူး။ဟိုသေနတ်သမားကသာသတ်မှာလေ။ငါ့ကိုလွှတ်ပေးပါ"

သူ့မျက်နှာကြည့်ပြီးတည့်တည့်ပြောလိုက်တယ်။

" မင်းသူငယ်ချင်းပြောတဲ့သောက်ရူးဆိုတာဘာလဲ"

ဖုန်းသမားကြောင်သွားတယ်။

"သုံးမရတဲ့ကောင်ပေါ့ကွာ။ပုံမှန်စိတ်မရှိဘူးပြောတာ။ဘာဖြစ်လို့လဲ"

" အေး-အဲဒီအတိုင်းပဲ။သောက်ရူး။ကျားဆိုတာအသားစားတယ်။မင်းဘာသာ Facebookသုံးပြီးရူးချင်ရူး။ ငါ့ခွင်ကိုမဖျက်နဲ့။ပြီးတော့မင်းကိုငါအရင်စားကိုစားရမယ်။ဘာလို့လဲသိလား။သေနတ်သမားက တစ်ခါပစ်ရုံနဲ့သေမယ်။မင်းတို့ကအွန်လိုင်းဆိုတာကနေအကြိမ်ပေါင်းများစွာပစ်တယ်။ငါတို့ကျားကို အရှင်ဖမ်းဖို့လေး၊ဘာလေး။လျှောက်ပြောနေတယ်။ပြီးတော့ဖမ်းပြီးလှောင် အိမ်ထဲထည့်၊ဟိုဆပ်ကပ်ထဲပို့ပြီး လူတွေရှေ့ကစားခိုင်းလိုကစားခိုင်း၊ ငါ့မိတ်ဆွေဆိုအသတ်ခံရတဲ့အပြင် နတ်စိမ်းဖြစ်ပြီးနေရာတောင်းတယ် ဘာညာအပြောခံလိုခံရ။ဒီတော့ငါတို့ကျားသိက္ခာကျတယ်။အဲဒီအတွက်မင်းတို့လိုအွန်လိုင်းလေကျယ် Facebookသုံးဖုန်းပွတ်တဲ့ကောင်တွေနဲ့တွေ့ရင်အရင်ရှင်းရမယ်လို့ငါတို့ဋ္ဌာနချုပ်ကမှာထားတယ်။ ဒီတော့နောက်ဘ၀မှဆက်ပြီး ပုံတွေဆက်တင်။မင်းတို့ဘာလုပ်လဲသိလို့မင်းဖုန်းတောင် ငါဝေးဝေးပို့ထားတာကြည့်။ငါတို့ကိုက်တာတောင်မင်းတို့ပုံတင်ချင်တင်မှာလေ။ဒီကျားပေါ့။ ကျွန်တော့်ကိုကိုက်ပါတယ်ဆိုပြီးပုံကြီးချဲ့မှာ။ကျားကိုဖမ်းတော့သဘာဝ ၀န်းကျင်ထိန်းသိမ်းတယ်။တောရိုင်း တိရိစ္ဆာန်စောင့်ရှောက်တယ်တဲ့။ ကျားကိုက်တော့ကျားဆိုးတယ်တဲ့။သွားတော့။ဆီးယူနောက်ဘ၀"

ပြောပြီးတစ်ကိုယ်လုံးကိုက်စားပစ်လိုက်တယ်။အဲဒီအချိန်သေနတ်သမားဟာသူ့သေနတ်ကိုပြန်ကောက် ဖို့ကြိုးစားနေတယ်။ဒါပေမဲ့မမီတော့ဘူး။ သူ့သေနတ်ကိုကျားကနဂိုကတည်းကဝေးဝေးပို့ထားတာ။

"မင်းငါ့ကိုပြန်လွှတ်ပေးပါ။မင်းရဲ့ကောင်းကြောင်းတွေကိုပဲငါသတင်းလွှင့်ပေးပါမယ်"

"လာပြန်ပြီ။နောက်တစ်ကောင်။သောက်ရူး။မင်းကိုလွှတ်ပေးလိုက်တော့မင်းတို့ပြောတဲ့ဘာထိန်းသိမ်းရေး၊ ညာထိန်းသိမ်းရေးတွေကငါ့ကိုတောခြောက်သလိုမောင်းထုတ်မယ်လေ။ဒါမှမဟုတ်ဖမ်းမယ်လေ။
ပြီးတော့မင်းတို့လူတွေကြည့်ဖို့ငါတို့ကလှောင်အိမ်ထဲမှာဆင်းရဲဒုက္ခခံပြီးမသဒ္ဓါရေစာစားပြီးနေရဦးမယ်လေ။ အခန့်မသင့်ရင်ကျွမ်းဘားပါကစားပြရဦးမယ်လေ။မင်းကောင်းကြောင်းလောက်သတင်းလွှင့်တာလာမပြောနဲ့။ ငါ့လိုပဲကိုယ့်ဘာသာကောင်းကြောင်းလွှင့်နေတဲ့ကောင်တွေမင်းတို့ Facebookလောကမှာ အများကြီးပဲ။မင်းတို့လူတွေကမင်းတို့သာအကောင်း၊မင်းတို့သာဆရာတွေ။ဘာတဲ့။စဆရကတို့၊ဘာတို့ဆိုတာ ငါအဘိဓာန် မှာတောင်ရှာလို့မရဘူး။ပြီးတော့ကွီးတို့၊ညေးတို့၊ခေးတို့ရှိသေးတယ်။
မင်းတို့Facebookလောကဆိုတာမင်းပစ်တဲ့သေနတ်ထက်တောင်ကြောက် ဖို့ကောင်းတယ်။မဟုတ်တာ အဟုတ်လုပ်နေကြတာ။အခုမင်းကိုလွှတ်ပေးလိုက်ရင်ငါ့ဋ္ဌာနချုပ်ကငါ့ကိုအရေးယူမှာ။မင်းကလည်း သတင်းမှားတွေတင်တော့မှာ။ငါကပဲကူလီကူမာလုပ်လို့မင်းကခုခံရတာမျိုးလုပ်မှာလေ။နေရင်းထိုင်ရင်း ငါ့အမျိုးတွေပါတောပြောင်းနေရဦးမယ်။မင်းတို့လူတွေကလွယ်တာမဟုတ်ဘူး။လူအချင်းချင်းနေတဲ့အိမ်တောင် ဖျက်ဆီးနေကြတာ။ဒီတော့မင်းကိုလွှတ်မပေးတော့ဘူး။ဖုန်းနဲ့ကောင်ကအန္တရာယ်များလို့အရင်စားလိုက်တာ။ မင်းကိုတော့ငါ့အမျိုးတွေစားဖို့ယူသွားမယ်"

ပြောပြောဆိုဆိုသေနတ်သမားကိုကိုက်ချီယူပြီးတောထဲကိုဝင်တိုးသွားတော့တယ်။
နောက်နေ့မှာတော့ကျားတစ်ကောင်လူနှစ်ယောက်ကိုသတ်ဖြတ်လိုက်တဲ့ အကြောင်းFacebookပေါ်မှာ သတင်းတွေပြန့်နေပြန်တယ်။အဲဒီအချိန်သက်သတ်လွတ်ဆိုတဲ့Accountပိုင်ရှင်ကကျားမျိုးစိတ်တွေနည်းလာလို့ ကျားတွေကိုတွေ့ရင်မသတ်ဖို့၊အရှင်ဖမ်းဖို့တဖွဖွပြောနေသေးရဲ့။ ။

ဆူးသစ်
၁၄း၂၃ နာရီ ( စင်ကာပူစံတော်ချိန် )
၂၈.၀၂.၂၀၁၆
Related Posts Plugin for WordPress, Blogger...