Thursday, September 30, 2010

'' ကိုငှက်ပြောသောအိပ်မက်ထဲကရထားကြီး ''



ကျွန်တော့်ဘ၀မှာ အကြိုက်ဆုံးအဆိုတော်တစ်ဦးရှိသည်။ ငှက်ကြီးဟုသူတို့လောက ကခေါ်သော၊ ကိုငှက်ဟု အများကခေါ်သော ' ထူးအိမ်သင် ' ဖြစ်သည်။ သူက ကျွန်တော်နှင့်ခုနှစ်ကွာခြားပြီး မွေးနေ့တူ၊ ကျွန်တော်တို့ နှစ်ယောက်စလုံး ဇူလိုင်လ(၁)ရက်ဖွား၊ ကိုငှက်ကိုအရူးအမူးဖြစ်သော ကျွန်တော်က သူနှင့်မွေးနေ့တူဖြစ်ရခြင်း ကိုလည်း အမြဲဂုဏ်ယူနေမိသည်။ ကိုငှက်ဆုံးသည့်အခါ ' သားလတ် ' ကလောင်အမည်ဖြင့် ပေါ်ပြူလာဂျာနယ်မှာ ' အမြင့်ပျံငှက်တစ်ကောင်အတွက်မြေပြင်ပေါ်မှ လူသားတစ်ဦး၏ဆန္ဒ ' ခေါင်းစဉ်ဖြင့် ကိုငှက်သီချင်းများကို ပြန်မဆိုစေရန် ဆောင်းပါးရေးခဲ့သည်။ (ထိုဆောင်းပါးကို အလျဉ်းသင့်လျှင် ကျွန်တော် ပြန်ဖော်ပြပေးပါမည် ) ။

' ထူးအိမ်သင် ' ဟုဆိုလိုက်လျှင် ' အမေ့အိမ် ' သီချင်းကိုပြေးမြင်ကြသည်။ ကျွန်တော့်အကြိုက်ဆုံး သီချင်းများထဲမှာ ထိုသီချင်းလည်းပါသည်။ ' အမေ့အိမ် ' ကိုနောက်မှ ကျွန်တော်ပြောချင်ပါသည်။ ယခု ကျွန်တော်ပြောချင်သည့်သီချင်းကကိုငှက်၏ Masterpiece ဟုပင်ဆိုရမည့်သီချင်းတစ်ပုဒ်၊ကျွန်တော့် လက်ရှိဘ၀နှင့်လည်း တိုက်ဆိုင်လွန်းသည်။ ထိုသီချင်းကို အောင်ရင်လည်းဆိုသည်။ ကိုငှက်လည်းဆိုသည်။

''ပူလောင်မွန်းကျပ်တဲ့ငါ့ရဲ့ဝိညာဉ်×××××ထွက်ပေါက်လုံးဝမရှိခဲ့တော့××××ကြည်လင်လတ်ဆတ်တဲ့ ကလေးဘ၀ကောင်းကင်××××××ဒဏ်ရာတွေနဲ့ပေါ့××××××ရွှေရောင်တောက်ပတဲ့နေ့ရက်များစွာ ×××× ပြန်လည်တမ်းတမိတဲ့အခိုက်××××××ငါဖြတ်သန်းခဲ့တဲ့တစ်ခြမ်း ပဲ့ညတို့လှောင်ရယ်နေ ''

ကိုငှက်က သူ့သီချင်းပထမပိုဒ်မှာ ထိုသို့ဖွဲ့ဆိုသည်။

ကျွန်တော်ယခု စင်ကာပူမှာအလုပ်လုပ်နေသည်။ ယခင်ကမြန်မာပြည်မှာ ကုမ္ပဏီအလုပ်၊ ပြည်သူ့ဝန်ထမ်း အလုပ် လုပ်ခဲ့ဖူးသည်။ မည်သည့်အလုပ်မျှ ကောင်းကောင်း နားနားနေနေ မနေရ။ တချို့ကထင်သည်၊ ၀န်ထမ်းကနားရမှာပေါ့ဟု။ ကျွန်တော်လုပ်ခဲ့သောအလုပ်ကမနားရ။ ယခု စင်ကာပူရောက်တော့ ပိုဆိုးသည်။ ကျွန်တော့်နာရီသံပတ်သည် နံနက်ငါးနာရီခွဲ၊ ငါးနာရီတစ်ဆယ့်ငါး၊ ငါးနာရီလေးဆယ့်ငါး မှာအမြဲရှိသည်။ တနင်္လာမှသည်စနေအထိ ၊ ခုနောက်ပိုင်းဆို တနင်္ဂနွေအထိ။ တချို့လဆို တနင်္ဂနွေ သုံးပတ်ပင် ဆက်လိုက်သေးသည်။

တစ်နေကုန်လာသမျှပြဿနာ ဒိုင်ခံရှင်း။ ညဆို ခုနှစ်နာရီခွဲပြန်ရောက်သည့်နေ့သည် အစောဆုံး။ ကံဆိုးလျှင် ကိုးနာရီခွဲ သွားသေးသည်။ ထိုလိုနေ့မျိုး များစွာကြားမှာ ငွေရနေသော်ငြား ဘ၀က ဘာလဲဟုတွေးမိလာသည်။

ကျွန်တော့်ဝိညာဉ်က ပူလောင်မွန်းကျပ်နေလေပြီ။ ဘယ်လိုထွက်ပေါက်ရှာရမလဲ ကျွန်တော်မသိ။ ငယ်စဉ် ကလေးဘ၀လိုအေးမြသောခံစားမှုများလည်းမရှိတော့။ ဟိုစဉ်ကကျွန်တော်တို့ မျှော်လင့်ခဲ့သော အနာဂတ် ကျွန်တော်တို့ ကလေးဘ၀၏ကောင်းကင်၊ ယခုတော့ဒဏ်ရာများနှင့်၊ သည်အချိန်မှာနောက်လှည့် ကြည့်လျှင် ဟိုစဉ်ကလေးဘ၀သည် ရွှေရောင်တောက်ပသောနေ့များ။

ယခုကျွန်တော်ဖြတ်သန်းရသမျှ မောပန်းလွန်းလှ၏။ အလုပ်ဒဏ်ကြောင့် ခဏခဏလန့်နိုးသောညများ မရေတွက်နိုင်။ ရသောအချိန်မှာစာဖတ်ချင်၍၊ ဘောလုံးပွဲကြည့်ချင်၍ တချို့ညများမှာ ကျွန်တော့် အိပ်ချိန်များကို ထိုးကျွေးလိုက်ရသည်။ ညသည် တစ်ခြမ်းပဲ့ရုံမက အစိတ်စိတ်အမြွှာမြွှာ၊ ကျွန်တော့်ကို သရော်နေသည်။ ဘ၀ကိုရယ်ပွဲဖွဲ့နေသည်။ ကိုငှက်လည်းကျွန်တော့်လို ခံစားခဲ့ရဖူးသည် ထင်၏။

''အိမ်မက်ဆန်းတစ်ခုညစဉ်တွေ့နေ××××××ငါလေရထားကြီးတစ်စီးနဲ့ပေါ့×××××ဘယ်ဆီမှန်းလည်း မသိတဲ့ခရီးစဉ်×××××အမှောင်မှာခုတ်မောင်းရင်း××××××ငါဟာတစ်ဦးတည်းသောအမြဲတမ်းခရီးသည်×× ×××× နေရာအချိန်ပညတ်ချက်မဲ့×××××ဆူညံကွဲအက်တဲ့နှလုံးသားခေါင်းလောင်းမြည်သံတွေ ''

ကိုငှက်က ဒုတိယပိုဒ်ကို ထိုသို့ဖွဲ့ဆိုသည်။

ကျွန်တော်က ကိုငှက်လို အိပ်မက်မမက်ပါ။ သို့သော် ကိုငှက်ပြောသော ရထားကြီးကို ကျွန်တော်စီးနေမှန်း သိသည်။ ထိုရထားကြီးသည် ဘ၀ဖြစ်နိုင်သည်။ သံသရာဆိုတာလည်းဖြစ်နိုင်သည်။ ကျွန်တော့် ဘာသာလည်း ဘယ်ရောက်မည်မှန်းမသိ။ ကိုငှက်မှန်သည်။ သူစီးနေချိန် သူတစ်ယောက်တည်း။ ကျွန်တော်စီးနေချိန် ကျွန်တော်တစ်ယောက်တည်း။ ဘယ်အချိန် ဘယ်နေရာ ရောက်မည်မရှိ။ မသိ။ ထို့အတွက် ကျွန်တော်တို့၏နှလုံးသားများက ခေါင်းလောင်းထိုးသံများ ဆူညံနေသကဲ့သို့ ခံစားရသည်။

'' အမှောင်နဲ့အလင်းမကွဲပြားတဲ့ကောင်းကင်××××ညလွင်ပြင်ကိုဖောက်ခွဲတိုးဝင်××××× မီးရထားကြီး တစ်စီးငါ့ဝိညာဉ်ကိုသယ်ဆောင်ခုတ်မောင်းရင်း×××××အို သံသရာရှည်မယ့်ခရီး×× ××ဘယ်ဆီရောက်မယ် ငါလည်းမသိ××××ဒီအိပ်မက်ကနိုးတိုင်းရင်မှာကြေကွဲမိ "

ကျွန်တော်လည်းကိုငှက်လိုတွေးကြည့်သည်။ ဘာမှန်းမသိသော ဘ၀ဆိုတာကြီးက မရေရာ၊ ညလွင်ပြင်ကြီးနှင့် တူသည်။ ထိုအထဲတွင် ရှင်သန်လှုပ်ရှားနေရသော ကျွန်တော်တို့သည် အမှောင်နှင့်အလင်း မသဲကွဲသည့်ကြားမှ ရထားလိုက်စီးရသည့်နှယ်။ ယခုကျွန်တော်တို့လုပ်နေရသော အလုပ်များသည် မည်သည့်အချိန်တွင် ရပ်တန့်သွားမည်နည်း။ မည်သည့်အချိန်အထိ ထိုသို့ဆက်လက် လှုပ်ရှား နေရဦးမည်နည်း။ ကျွန်တော်တို့ ၀ိညာဉ်များဆက်လက်ရွေ့လျား သွားနိုင်သည့် နောက်ဘ၀ ဆိုသည့်တိုင် ဆက်လက်လှုပ်ရှားနေရဦးမည်လား။ ထိုသို့ တွေးမိသည့် အခါတိုင်း ကျွန်တော့်နှလုံးသားတွင် နာကျင်ကြေကွဲသလိုခံစားရသည်။

ကိုငှက်ကတော့ပြောသွားသေးသည်။ သူမက်ခဲ့သည့်အိမ်မက်ကနိုးတိုင်း ရင်မှာကြေကွဲမိသည်တဲ့။ ကျွန်တော်တို့ အားလုံးအတွက် လွတ်မြောက်ရာလမ်းစရှိသည်ဟု ကျွန်တော်ယုံကြည်သည်။ ကိုငှက် ရေး/ဆို ပြခဲ့သည့် ထို '' အိပ်မက်ထဲကရထားကြီး '' သီချင်းကိုကြားတိုင်း ကျွန်တော်တို့၏ လွတ်မြောက်ရာလမ်းစကှို ရှာရန် သတိပေးနေသလိုခံစားရပါသည်။ ထိုအတွက် သူ့အနုပညာကို ခံစားရင်း ကိုငှက်ကို ကျေးဇူးတင်မိပါသည် ။ ။

သားလတ်



ပိန်းရွက်ပေါ်ကရေများ


အစိမ်းသက်သက်
ပိန်းရွက်ပေါ်ကိုကျတဲ့ရေ။

ပေါက်ခနဲ ကျပါလို့
ရောက်ဆဲမှာ သူတို့မမြဲပေဘူး
တွဲရရွဲ စီရရီနဲ့
ဟိုဒီပြေးနေ။

အကျမနာအောင် တမင်ခံကာ
သခင်ထံမှာ တယုတယထားလည်း
သူတို့ဘ၀က မကြာရှည်
ခမျာတို့လေ လျှောဆင်း။

သခင်အရွက်ကို စိမ်းပါလို့
ပင်ထက်က သွေတိမ်းကာ
လေယိမ်းရာ လိုက်ပါဆင်း
လေတိုက်ရာ ငိုက်ပါရင်းနဲ့
တစ်သင်းတစ်ဖွဲ့ အတူမနေပဲ
သူတို့တွေ တစ်သိုက်တစ်သင်းရယ်
မိုက်လိုက်လေခြင်း ။ ။


( ' သင်းကွဲငှက်တစ်ကောင်ရဲ့ဒိုင်ယာရီ ' ကဗျာစာအုပ်မှ )

ကိုယ်ပိုင်အတွေးတစ်ရပ်အကြောင်း



အတွေးတစ်ရပ်
ပေးဆပ်ဖို့ ရင်ထဲမှာ။

အစဉ်အမြဲသာရှိလေတော့
ကိုယ့်အလုပ်ကိုယ်သိပါလို့
အမြင်အကြည့်မှန်သမျှကိုယ့်ဝန်တာ။

အနစ်နာခံ စွန့်လွှတ်သင့်ရင်လည်း
နောက်မတွန့် မကြောက်ရွံ့ပါဘူး
သေဖူးဖို့ပဲ အတွေးပါ
ကြောက်တတ်ရင် ဘေးခွာအမြဲ။

တစ်ပါးသူအတွက်လား
မိသားစုအတွက်လား
ကိုယ်ကျိုးကို ဖက်မထားပါလို့
အသက်များလည်း သေစေရည်ကာ
နေ နေပြီဆိုတာဘယ်သူသိမှာလဲ
အပူမရှိရင် ကြိတ်ဝမ်းသာတတ်
အပူပြည့်ရင်တိတ်တိတ်ဆွေးတတ်ဆဲနဲ့
(ကျွန်တော်တော့လေ..................)
ပေးဆပ်ကြေကွဲ ။ ။

သားလတ်


( ' သင်းကွဲငှက်တစ်ကောင်ရဲ့ဒိုင်ယာရီ ' ကဗျာစာအုပ်မှ )

ချစ်သူတွေရဲ့အားမာန်



အခုဘ၀
သမုဒယဆိုတဲ့သည်ကြိုးမျှင်။

တိုးငင်ကာရစ်ပတ်ဆဲ
ချစ်တတ်မြဲပင်။

တစ်ယောက်နဲ့တစ်ယောက်နားလည်ကြလျှင်
ဘ၀တွင်လျှောက်လှမ်း။

အဖော်နဲ့ဆိုတော့လည်း
အပျော်မမဲ့ပါ ဘ၀ခရီးမှာလ
သြော်..သူနဲ့သာဆို လျှောက်မငြီးပါပေါ့
နှစ်ယောက်တစ်ခရီးတည်း သွားကြလို့
အားရအောင်ကြမ်းချင်ကြမ်းလည်း
မနွမ်းပါ ရှေ့ခရီးလမ်းအတွက်
ဖြည့်ဆည်းဖို့စွမ်း ။ ။


( ' အနမ်းတစ်ရှိုက်ဖြစ်တည်ရာရင်ခွင်ဦး ' ကဗျာစာအုပ်မှ )

Wednesday, September 29, 2010

"ကျွန်တော့်အချစ်ဆုံး အချစ်ဦး"

မပစ်ဖူး
အချစ်ဦးရယ်လို့
ရည်စူးကာချစ်ခဲ့သည်။

ရင်ထဲမှာ ရှိသမျှတွေလည်း
အစဉ်အမြဲသာသိရစေဖို့
(တစ်ဖွဖွနဲ့ ...............)
ကျွန်တော်ကတော့တိုင်တည်ရည်။

အချစ်ပေးမှာလား
ပစ်ပြေးခွာမလားရယ်နဲ့
ခံစားကာကျွန်တော်ကြည့်ပါလို့
မျှော်မိပါရဲ့ ချစ်သူဆီ
အပြစ်ဟူသည်မရှိဖူး။

အဖြေပေးလေတော့
အနေဝေးအောင် အပူအစိမ်းတွေနဲ့
သူတိမ်းကာ ကျွန်တော့်ကိုပုန်းလို့
ရှိ ရှိသမျှအချစ်တွေဆုံးကာ
အပြစ် အမုန်းတွေ အစေခံခဲ့ဖူးပါတဲ့
(သူလေ..................)
ကျွန်တော့်အချစ်ဦး ။ ။

သားလတ်


( ' အနမ်းတစ်ရှိုက်ဖြစ်တည်ရာရင်ခွင်ဦး ' ကဗျာစာအုပ်မှ )

"အတွေးငှက်"

ပြေးမထွက်ပါနဲ့လို့
အတွေးငှက်တို့တောင်းပန်ချင်။

တားမရချင်သေးတာကြောင့်
အပါးကပင် သောကတွေမြင်လျက်ပြေးလို့
တမင်သက်သက်ဝေးဝေးနှင်။

ငြီးမမုန်းပါတဲ့
ခရီးဆုံး ဘယ်အနားမှာမို့
ဘယ်ကိုသွားသလဲ ငေးခိုက်တွင်
ပြေး - လိုက်ချင်ရဲ့ သူ့အနား။

ဂရုမထား
အမှုမထားပေဘု
ချစ်သူအနားမှာ တ၀ဲဝဲနဲ့
အမြဲကဲကာ လူးလာမြူးလေတော့
ဟိုတစ်ခါ တစ်ကြိမ်ရူးပါလို့
အိမ်ဦးမှာမကြင်ပြန် အနှင်ခံဒဏ်ရာရတာတွေလည်း
နင့်သခင်ထံ ခံကာသာ ဘယ်မှာပျောက်ပါလိမ့်
နောက်တစ်ခါ ထပ်ကာမရောက်ချင်တာကြောင့်
ငါ့အိမ်ပေါက် အမှောင်မှာပြန်လာရင်ဖြင့်
တောင်ပံကို ချိုးကာဖျက်မယ်
ဆိုးတဲ့ငှက်သား ။ ။

သားလတ်


( ' သင်းကွဲငှက်တစ်ကောင်ရဲ့ဒိုင်ယာရီ ' ကဗျာစာအုပ်မှ )

"ထာဝစဉ်ရာဇ၀င်တွင်မယ့်အချစ်များ"

မမျှော်ရဲတဲ့ အချစ်
မခေါ်ရဲတဲ့ အဖြစ်တွေနဲ့
တော်တ်ာလည်း ချစ်မိပါပြီခင်။

အချစ်အတွက်မို့
အပြစ်ဖက်လို့ ရက်စက်ရင်လည်း
ကိုယ်ကတော့ ပိုခုံမင်။

တမ်းတခဲ့တဲ့ဟိုအရင်ကာလမှာတော့
လိုချင်တာက ထာဝစဉ်ပင်
ရာဇ၀င်တွင်မယ့် တစ်ပါးသူအချစ်များ။

အမှားယူပစ်တာလား
တအားမူရစ်တာလားလို့
သူ့အဖြစ်များမှာစိတ်ဝင်စားပါတော့
အိပ်လျှင်အနား၊ သွားလျှင်အနားမှာမို့
တအားပင်ဘယ်ပျော်ဖြစ်တော့မလဲ
တကယ်သော်ချစ်ရင် သူအလိုက်တသိနဲ့
ကြိုက်မိသူ ရင်ခွင်လှစ်ကာ
(အချစ်တွေလေ................)
ထားရစ်ကာသွား ။ ။

သားလတ်

( ' အနမ်းတစ်ရှိုက်ဖြစ်တည်ရာရင်ခွင်ဦး ' ကဗျာစာအုပ်မှ )

"အနမ်းတစ်ရှိုက်၏ဖြစ်တည်မှု"

အနမ်းတစ်ရှိုက်
လွမ်းဟိုက်မပြေ၊ ဝေဒနာဖြစ်
ရှည်ကြာသစ်တော့
ချစ်မိသည်က အပြစ်ပေါ့သခင်။

သခင့်အနမ်း
ရင်ကိုကျွမ်းစေ၊ ရည်မှန်းလေ၍
မေ့လျှင်လက်ဆောင်၊ တစ်သက်နှောင်ဟု
အခုဘ၀စေ
သမုဒယဝေလို့
နမ်းခြွေလေသလား ပြောပါသခင်။

အခုတော့လည်းသခင်ရယ်...........
သခင်ရည်မှန်း
ထိုအနမ်းကို၊ ကျွမ်းဝင်စွဲလမ်း
အမြဲတမ်းဖြစ်၊ သည်းနွမ်းရစ်ဆဲ
သခင်လည်းပျော်၊ ကျေနပ်နော်ဟု
အဖော်ကွဲသူ၊ ရင်အပူနှင့်
သောကဖြင့်သာပြောပါမည်။ ။

သားလတ်

( ' အနမ်းတစ်ရှိုက်ဖြစ်တည်ရာရင်ခွင်ဦး ' ကဗျာစာအုပ်မှ )

"လမ်းပျောက်အိပ်မက်"

စိတ်အထက်စွဲမွေ့သူမို့
အိပ်မက်ထဲတွေ့လျက်။

အမေ့ခက်သူမို့
တွေ့လျက်ပါအိပ်နေဆဲမှာတောင်မှ
စိတ်မပြေကာမာန်ခဲသူ သူ့အငြိုးတွေကြောင့်
အပူတိုးကာသောကလွှမ်းလောက်ပါလို့
လောကထဲလှမ်းတစ်ခေါက်အပြန်သိပ်ခက်ပါတဲ့
လမ်းပျောက်အိပ်မက်။ ။

သားလတ်


( ' သင်းကွဲငှက်တစ်ကောင်ရဲ့ဒိုင်ယာရီ ' ကဗျာစာအုပ်မှ )

"ပျော်ခွင့်ပေးပါ"

အချစ်သိပေမယ့်
အဖြစ်မရှိသူပါလေ။

နှစ်ယောက်သားတွေ့လျက်တောင်မှ
စကားမထွက်ပေ။

နုံချာလှတဲ့အဲဒီ့အခြေ
သိလေရင် (ကိုယ်) ဘယ်လိုနေမလဲ။

ဖွင့်မပြော
တစ်ဆင့်မပြောပေမယ့်
ခင့်သဘောမှာကိုယ့်စိတ်သိရင်တော့
(ခင်ရယ်................)
ပျော်မိမှာပဲ။ ။

သားလတ်


( ' အနမ်းတစ်ရှိုက်ဖြစ်တည်ရာရင်ခွင်ဦး ' ကဗျာစာအုပ်မှ )

"မျှော်ကြည့်ပါလှည့်"

တကယ်သာချစ်ရင်တော့
ငယ်တာအပြစ်လို့မထင်စေချင်။

အချစ်ရေးမှာအဖြစ်မရှိသူမို့လည်း
တွေးတွေးပူပင်။

ကြင်နာဟန်အရိပ်ပြလေတော့
ရင်မှာအမှန်ကြိတ်မှိတ်ဖျောက်ဆဲ
စိတ်ကလည်းပေါက်ကွဲချင်
နှစ်ယောက်တည်းပင်နေချင်ခဲ့။

နှစ်ယောက်ဆုံအတွေ့တိုင်းမှာတောင်မှ
ပျောက်ကုန်တဲ့စကားတွေနဲ့မို့
မကြားလေအောင်တမင်ပြောတာပဲရယ်လို့
ရင်ထဲစကားနားလည်စွာနဲ့
အားငယ်ကာနေသူအပေါ် သိစွာနဲ့ရယ်
(မ ရယ်.....................)
မျှော်ကြည့်ပါလှည့်။ ။

သားလတ်


( ' အနမ်းတစ်ရှိုက်ဖြစ်တည်ရာရင်ခွင်ဦး ' ကဗျာစာအုပ်မှ )

"လွမ်းနေပါနော်"

ချစ်မီး....................
ကြင်နာသောလက်
တွဲကာယှက်တဲ့၊ သွားခဲ့လမ်းမှာ
ချစ်မေတ္တာတွေ၊ ညင်သာပြောကြား
ချစ်စကားတွေ၊ ဘယ်နားမှာနေ
ဘယ်နေရာရောက်၊ တို့နှစ်ယောက်လည်း
ဘယ်လောက်ကြာကြာ၊ မမေ့ပါနဲ့
စိတ်မှာစွဲကာ လွမ်းနေပါနော်။

မောင့်ရင်ခွင်မှာ
မှေးဝင်ခိုအိပ်၊ တိတ်ဆိတ်ငြိမ်သက်
တည်ရှိလျှက်တွင်၊ လျှပ်ပြက်အနမ်း
စိုနှုတ်ခမ်းမှာ၊ နွေးထွေးတာတွေ
ဘယ်ခါမမေ့၊ ရာသီရွေ့လည်း
တွေ့ဆဲတွေ့ကာ လွမ်းနေပါနော်။

ဘ၀အတွက်
ခဏခက်ဆဲ၊ ဖြေချက်နည်းကာ
အသည်းမှာကျွမ်း၊ စိတ်မှာနွမ်းလည်း
လွမ်းဆဲလွမ်းပါ၊ မောင့်ကိုသာလေ
ဘယ်မှာစားစား၊ ဘယ်နားမှာအိပ်
မောင့်အရိပ်မြင်၊ စိတ်တွင်သတိရ
ထာဝရချစ်၊ မေ့ပစ်မှာစိုး
အပူတိုးလို့၊ ချိုးသွားသစ္စာ
ထားရစ်မှာကို၊ ကိုယ်သာဖြေခက်
အနေခက်ဆဲ
အိပ်မက်ထဲတောင် လွမ်းနေပါနော်။ ။

သားလတ်


( ' အနမ်းတစ်ရှိုက်ဖြစ်တည်ရာရင်ခွင်ဦး ' ကဗျာစာအုပ်မှ )

"အတိတ်သစ်ဝေဒနာ"

လေးစားသည့်စိတ်
ဖိတ်ဖိတ်ယိုကျ၊ တစ်ခါကမှာ
ယုယကြင်နာ၊ လေးစားစွာဖြင့်
' မောင် ' သာခေါ်ခဲ့၊ နေပျော်ခဲ့သည်။

အားကိုးသည့်စိတ်
တိတ်တိတ်ဖြစ်ခိုက်၊ မိုက်ချင်မိုက်စေ
မတွေဝေပါ၊ အားကိုးစွာဖြင့်
' မောင် ' သာခေါ်လျှင်၊ လိုက်ခဲ့ချင်သည်။

ကြည်ညိုသည့်စိတ်
ရင်မှာသိပ်စဉ်၊ အိပ်ရာဝင်ဆဲ
ခင်အမြဲသာ၊ ကြည်ညိုစွာဖြင့်
' မောင့် ' သာရည်စူး၊ ရှိခိုးဖူးသည်။

မြတ်နိုးသည့်စိတ်
ကျွမ်းချစ်ရိပ်တွင်၊ မွတ်သိပ်တမ်းဆဲ
ခင်အမြဲသာ၊ မြတ်နိုးစွာဖြင့်
' မောင် ' သာချစ်ဦး၊ ချစ်ခဲ့ဖူးသည်။

သို့သော်နှိပ်စက်
သြော်...အိပ်ပျက်အောင်၊ မောင်ကဖန်တီး
လှောင်ရယ်ပြီးချန်၊ ထီးတည်းပြန်ထွက်
နာခံခက်သား၊ ထိုခါများမှာ
လေးစားသည့်စိတ်၊ ဖိတ်ဖိတ်မတိုး
အားကိုးသည့်စိတ်၊ တိတ်တိတ်မပို
ကြည်ညိုသည့်စိတ်၊ ရင်သိပ်မပျိုး
မြတ်နိုးသည့်စိတ်၊ အမုန်းရိပ်ဖြစ်
အတိတ်သစ်ဝေဒနာ
ခင့်မှာခံရ၊ ထိုကာလမှာ
နာကြည်းစိတ်နှင့်မေ့ပါမည်။ ။

သားလတ်


( ' သင်းကွဲငှက်တစ်ကောင်ရဲ့ဒိုင်ယာရီ ' ကဗျာစာအုပ်မှ )

"ထားခဲ့မှာလား"

ကြင်နာခြင်းလက်
တွဲလို့ယှက်စဉ်၊ တစ်သက်ကြင်ဖော်
' မောင် ' ပဲနော်ဟု၊ ငေးမျှော်ကြည့်မော
ချစ်စိတ်ဇောဖြင့်၊ အတောမသတ်
ခင်ခေါ်တတ်ပြီ၊ မပြတ်သက်နှောင်
ချစ်သည် ' မောင် ' ။

နွဲ့တင်မှီဖူး
ပုခုံးဦးမှာ၊ ရည်စူးအားကိုး
ခင့်မြတ်နိုးစိတ်၊ တဖိတ်ဖိတ်လျှံ
တိတ်တိတ်ချန်လျှင်၊ ထီးတည်းပင်ဖြစ်
ရင်ကွဲရစ်မည်၊ အားကိုးသည် ' မောင် '
တွဲဆောင်ခေါ်သွား၊ ချန်မထားနှင့်။

ချွေးသိပ်အနမ်း
တေးတိပ်စမ်းလို၊ နှုတ်ခမ်းနှစ်လွှာ
နွေးထွေးတာတွေ၊ ဘယ်ခါကာလ
ခင်ကမမေ့၊ ' မောင့် ' ကိုယ်ငွေ့လေ
ခြောက်သွေ့မနွမ်း၊ အမြဲလန်းစေ
တမ်းတနေအောင်၊ ' မောင် ' မရှိခိုက်
လွမ်းမိလိုက်ဖို့၊ မျက်ရည်စို့လည်း
တို့မည်တိတ်တိတ်၊ လွမ်းသည့်စိတ်နှင့်
ခင်စိတ်မညစ်
သိပ်ချစ်မည် ' မောင် '။

ချစ်ခင်မြတ်နိုး
ရိုကျိုးလေးစား၊ အားကိုးသွားဖို့
မောင့်အားယုံကြည်၊ ဦးမှီတင်ရင်း
ရင်ခွင်ချင်းအပ်၊ နှုတ်ခမ်းထပ်ခဲ့
ငတ်သည့်အချစ်၊ တောင့်တရစ်သူ
အချစ်ပေးပါ၊ ပစ်ပြေးခွါနှင့်
ငဲ့ညှာသနား၊ ခင့်အားပြန်ကြည့်
နားလည်မိလျှင်၊ ရှိသည့်အချစ်
ပို၍သစ်ကာ၊ နှစ်ရှည်ပြောင်းဆဲ
ရာသီလဲခိုက်၊ အသည်းလှိုက်အောင်
ချစ်မည်မောင်ရယ်၊ တကယ်အဝေး
' မောင် ' မပြေးဘဲ
ခင့်ဘေးနားမှာနေပါတော့။ ။

သားလတ်


( ' အနမ်းတစ်ရှိုက်ဖြစ်တည်ရာရင်ခွင်ဦး ' ကဗျာစာအုပ်မှ )

Monday, September 27, 2010

'' Blog တစ်ခု၏နိဒါန်း ''

ဘလော့စရေးမည် ဆိုတော့ ကျွန်တော့်ဇနီး၏ သူငယ်ချင်း၏ ချစ်သူကောင်လေးက ကျွန်တော့်ကို စိတ်ရှည် လက်ရှည် ရှင်းပြသည်။ ကျွန်တော်က စာရေးချင်သည့်စိတ်သာရှိသည်။ ကွန်ပျူတာကို ထဲထဲဝင်ဝင် မနှံ့စပ်။ သို့သော် ကျွန်တော့်ဇနီးက ကျွန်တော့်ထက်ပိုသိသည်။ ထိုစဉ်က ၂၀၀၈ခုနှစ်။ ဘလော့ စရေးမည်ဆိုပြီး နာမည် ရွေးသည့်အခါ 'အဖြူရောင်လမ်းကလေး' ကို ကျွန်တော်နှင့် ဇနီးသည် သဘောကျမိ၏။ သည်သို့ဖြင့် ခေါင်းစဉ် တင်ကာ 'ရင်ထဲကအမှတ်တရ' ကဗျာကို တင်လိုက်သည်။

နောက်ပိုင်း ကျွန်တော် စင်္ကာပူလာဖို့ လုံးလည်ချာလည်လိုက်ပြီး စင်္ကာပူရောက်၊ ထို့နောက် အလုပ်ဝင်၊ စသည်ဖြင့် နေလာခဲ့သည်မှာ ကျွန်တော့် ဘလော့ကို ကျွန်တော်ပင် မေ့သွား၏။ ယခု ကျွန်တော့်ဇနီး လိုက်လာ ပြီးချိန် ' မှုခင်းရှုထောင့်မဇင်း ' ကဆောင်းပါးများကို Scan ဖတ်၍ သူငယ်ချင်း များထံ မေးလ်နှင့် ဖြန့်ချိန်၊ ရန်ကုန်စက်မှုတက္ကသိုလ် ကျောင်းသားဘ၀ ကတည်းက စာပေ၊ ဂီတ၊ အနုပညာ ၀ါသနာတူ သူငယ်ချင်း သွင်ကြီးက ဘလော့ရေးဖို့လုပ်ဦးဆိုမှ သတိပြန်လည်ကာ ကောက်ကာ ငင်ကာ ထဖန်တီးကြ တော့သည်။

ရယ်တော့ရယ်ရ၏။ ၂၀၀၈ခုနှစ်တွင် ကျွန်တော်ဘလော့စတင်စဉ်က 'သားလတ်' ဆိုသော အမည်ဖြင့် ယခု Google မှာ ရှာကြည့်သောအခါ ' အားလားမား' ဟုသာ ' မလေး' တွေလို အော်လိုက်ချင်သည်။' သားလတ် ' တွေ နည်းတာမဟုတ်။ ကျွန်တော်က မဇင်းစာမျက်နှာပေါ်မှာ 'သားလတ်' ကလောင်အမည်နှင့် ကဗျာ၊ ၀တ္တူတို/ရှည် များရေးပြီး ကျင်လည်ခဲ့သူ။ မဇင်းစာမျက်နှာပေါ်မှာ ကလောင်နာမည်တူ ရှိစဉ်က စာရေးပြီး ဖြေရှင်းခဲ့ရာ တစ်ဖက်က နောက်ဆုတ်သွားသည်။ ကျွန်တော့ကလောင်က စာမျက်နှာပေါ်သို့ ဦးစွာ ရောက်ခဲ့သောကြောင့် ဖြစ်သည်။

ယခုဘလော့မှာတော့ 'သားလတ်' ဆိုသော ကလောင်အမည်က နောက်ကျနေလေပြီ။ ရှိစေတော့။ သည်သို့ဖြင့် ကျွန်တော် နောက်ဆုံးယူထားသော 'ဆူးသစ်' ဆိုသည့် ကလောင်ဖြင့် ကျွန်တော့် ဘလော့ကို တင်လိုက်သည်။ ဒါတောင် ဓါတ်ပုံဆရာ 'ဆူးသစ်' ဆိုသည်ကို 'Google Search' မှာ တွေ့လိုက် ရသေးသည်။ ကိစ္စမရှိ။ ကျွန်တော်က စာပဲရေးမည့်သူ။ သူကလည်း ဓါတ်ပုံရိုက်မည့်သူ။

သည်လိုနှင့် မဇင်းစာမျက်နှာထက်က 'သားလတ်' ကလောင်အမည်ဖြင့် ရေးခဲ့သော ကျွန်တော့် ကဗျာများကို စတင်သည်။ ဇနီးသည်က စာရိုက်ပေးသည်။ ကျွန်တော်ကယခုထိ မြန်မာလက်ကွက်ကို မရိုက်တတ်။ ဘလော့ကို စမ်းသည့်အနေနှင့် 'Google' မှာ ကဗျာပြန်ရှာသည်။ ဗုဒ္ဓေါ၊ ကျွန်တော့်ကဗျာ 'ရင်ထဲကအမှတ်တရ' ကို ဘလော့ရေးသူ မိန်းမငယ်တစ်ဦးက သူ့ဘလော့မှာ ဖော်ပြထားတာ တွေ့လိုက် ရသည်။ သို့သော် ကျွန်တော့် ကလောင်နာမည်နှင့် မဟုတ်။ ထို့ပြင် နောက်ဆုံးစာကြောင်း '(သြော်........ကျွန်တော်တို့ရဲ့) ရင်ထဲမှာပေါ့ စက်မှုတက္ကသိုလ်' ကို သူတို့က 'သြော် ကျွန်တော်တို့ ရင်ထဲက အ.ထ.က. (၂) ကျောင်းတော်ကို' ဟု ပြောင်းရေးကာ ခပ်တည်တည်နှင့် လုပ်ထားတာ တွေ့လိုက် ရသည်။ ကလောင်နာမည် ကြည့်တော့'သဲသဲလှုပ်(ရာရား)' တဲ့။

ထိုကဗျာက ရွှေသမင်မဇင်း အချစ်ဆုံးသို့အိတ်ဖွင့်ပေးစာ ကဏ္ဍမှာ 'သားလတ်' ကလောင်အမည်ဖြင့် 'အစဉ်ထာဝရ' ဆိုသော အိတ်ဖွင့်ပေးစာ ရေးခဲ့စဉ်က ပါခဲ့ခြင်းဖြစ်သည်။ ဆေးတက္ကသိုလ်က သူငယ်ချင်းနှင့် 'အနမ်းတစ်ရှိုက်ဖြစ်တည်ရာရင်ခွင်ဦး' ဆိုသည့် ကဗျာစာအုပ် ထုတ်တော့ ထပ်ပါသည်။ ဒါကိုပဲ ဘယ်က ရလေသည် မသိ။ ဘလော့ဝင်ရေးမှပင် မိမိကဗျာကို လုပ်ထားတာမြင်ရတော့သည်။

ထိုကဗျာပါသော ဘလော့ပိုင်ရှင်ကိုတော့ Cbox မှာဝင်၍ သူ့ဘလော့မှာပြန်ရှင်းပေးဖို့ သတိပေးခဲ့သည်။ သူကတော့ သူ့သူငယ်ချင်းရေးပေးတာဟု ဆိုထားသည်။ သို့သော် သူ့ဘလော့မှာတင်ထား၍ သူ့ကိုပဲ ပြောရ တော့သည်။ ဘယ်နှစ်ယောက်က ကျွန်တော့် နှလုံးသားဖြင့် ရင်း၍ ရေးထားသော 'ရင်ထဲက အမှတ်တရ' ကဗျာကို သူတို့ကဗျာထင်၍ ဖတ်ပြီးပြီမသိ။ ကျွန်တော့်ကဗျာဖြစ်ကြောင်း သက်သေပြ ဖို့က ရွှေသမင်မဇင်း၊ ထိုမဇင်း၏ အယ်ဒီတာအဖွဲ့၊ 'အနမ်းတစ်ရှိုက်ဖြစ်တည်ရာရင်ခွင်ဦး' ကဗျာစာအုပ်၊ ထိုစာအုပ်နှင့်ပတ်သက် ခဲ့ဖူးသော စက်မှုတက္ကသိုလ် နှင့် ဆေးတက္ကသိုလ်မှ သူငယ်ချင်းများ ( ၁၉၉၁ ခုနှစ် ဆယ်တန်းအောင်)၊ စက်မှုတက္ကသိုလ် ကျောင်းဆင်း ယခုစင်္ကာပူရှိ ကျွန်တော့်သူငယ်ချင်းများ ရှိသည်။ လောလောဆယ်တော့ သူတို့ဘက်က တုန့်ပြန်မှုကို ကျွန်တော် စောင့်နေပါသည်။

ဘလော့တစ်ခု၏နိဒါန်းက ကျွန်တော့်အတွက်တော့ အဆင်ပြေေ ချာမွေ့လှသည်တော့ မဟုတ်။ ။

သားလတ်
၂၇.၀၉.၂၀၁၀


"စောပြန်သွားတဲ့ပိတောက်"


မပြောဘဲ
ပိတောက်ကစောစောလာတယ်။

မိုးတစ်ညို့
အစိမ်းရောင်အဖူးတွေကိုတို့ထိမြှူဆွယ်
အ၀ါပွင့်တွေကိုခေါ်ယူဆည်ခဲ့။

သစ်တဲ့နံနက်
ပိတောက်တွေလက်စို
အပျိုအအိုတွေကိုအရောင်ခြယ်သ
လှချင်တိုင်းလှတဲ့ကာလကိုမွေးဖွားပြီ။

သင်္ကြန်အပြင်မှာလေ
ရနံ့တွေဝေသွားခဲ့
ဒီလိုနဲ့စောစီးစွာ
ပိတောက်ဟာသင်္ကြန်နဲ့မဆုံ
ရန်ကုန်ကပြန်သွားတယ်။ ။

သားလတ်


(၂၀၀၄ခုနှစ်-ဧပြီလ၊ မှုခင်းရှုထောင့်မဇင်း)

"ကျည်အ"

သေနတ်တစ်လက်ထဲကျည်ထည့်
ပစ်မှတ်နဲ့ရှေ့ချိန်သီး
နောက်ချိန်ပေါက်နဲ့ညာမျက်စိ
ထပ်မိတဲ့အခါ ခလုတ်နှိပ်ပေမယ့်
အိပ်နေတဲ့ကျည်ဆံ
မောင်းတံနဲ့ရိုက်တာတောင်မထွက်
မီးကူးချက်နောက်ကျ
အဲဒါ ' ကျည်အ ' ဆိုပဲ။

ပစ်တုန်းကမထွက်
ဆက်မပစ်ဘဲလည်းထွက်ချင်ထွက်လာ
အဲဒီမှာပစ်မှတ်မှား
ပစ်ခတ်သူဒုက္ခများစရာ
' ကျည်အ ' ရဲ့သဘောတရားအဖြာဖြာလေ
' လက်နက်ငယ် ' ဘာသာရပ်မှာမှတ်သားဖူး
မကြုံဖူးတော့ထူးသလိုလိုထင်တယ်။

စက်ပစ်ကွင်းပစ်မှတ်မှန်း
ကျည်နှစ်ဆယ့်တစ်တောင့်နဲ့စမ်းတဲ့အခါ
ထွက်တဲ့ကျည်ကထွက်ချင်ထွက်
အ တဲ့ကျည်က အ ချင် အ
အဲဒီ့မှာ ' ကျည်အ ' ဘာလဲသိတယ်။

ဘ၀ထဲမှာ
ရိုးသားစွာလျှောက်လှမ်းစဉ်
တိုးတက်ဖို့လမ်းတွေထဲမှာနှောင့်နှေးချင်ခဲ့
သူများလိုလည်းလမ်းမချဲ့တတ်
သမားရိုးကျလမ်းတွေလျှောက်ခဲ့သလား
ပြန်စဉ်းစားတဲ့အခါ
အဲဒီ့မှာငါ့ဘ၀ ' ကျည်အ ' ဖြစ်ခဲ့ဖူး
အစွမ်းကုန်ပစ်ပေမယ့်မထူးခဲ့တာလေ။

အချစ်ရေး
စစ်တွေးကြည့်တော့
ချစ်မိလေသမျှ အပစ်ပယ်ခံရ
နှလုံးသားသေနတ်ထဲ အချစ်ကျည်ထိုး
အငြိုးနဲ့ပစ်ခတ်လည်း ချစ်သူက ကျီစား
သူ့နားတောင်မသီသွားတဲ့ကျည်လိုဖြစ်
ငါ့အချစ်က ' ကျည်အ ' အစစ်လိုပေါ့။

တွေ့ဖူးခဲ့ပြီ
သင်ခန်းစာထဲကမမေ့စရာ ' ကျည်အ '
ငါ့ဘ၀ထဲမှာရှိတယ်
ငါ့နှလုံးသားမှာငြိတွယ်
( ဒီလိုနဲ့ 'ကျည်အ' ဆိုတာ.................)
အသိမှာတော့သိပ်မထူးဆန်းတော့သလိုလိုရယ် ။ ။

သားလတ်



(၂၀၀၂ခုနှစ်-နိုဝင်ဘာလ၊ မှုခင်းရှုထောင့်မဇင်း)

Sunday, September 26, 2010

"ချစ်သူရေးတဲ့ကဗျာ"

ချစ်သူကိုသတိရတဲ့အခါ
ကဗျာတွေချရေးမိပါတယ်။

လကလေးနဲ့ည
ကြယ်ကလေးတွေနဲ့လှပါသလား
ဒီအချိန်ချစ်သူငါ့အနားမှာရှိစေချင်ပါဘိ။

သူမရဲ့အနား
သူငယ်ချင်းတွေဝေးဝေးသွားလို့
ငါပေးထားတဲ့ကဗျာတွေ
ငါ့နှလုံးသွေးနဲ့ရေးထားတဲ့စာတွေ
သူမအတွေးပွားစရာတွေဖြစ်ကာ
မေတ္တာသစ်တွေများဖြစ်လာမလားလေ။

ချစ်သူပျင်းနေရင်
အပျင်းပြေဖတ်ချင်ဖတ်ဖို့
သော့ခတ်ထားတဲ့နှလုံးသားနဲ့ဆော့ကစား
ကဗျာများစွာရေးထားခဲ့တာပါ။

လရောင်နဲ့ရေးခြစ်
ကြယ်လေးတွေနဲ့သီကုံး
တစ်ညလုံးလွမ်းချင်းစီဖွဲ့
ချစ်သူရှိရာအရပ်ကိုအတွေးလှည့်လို့
ရေးခဲ့တဲ့ကဗျာတွေလေ
အဲဒါငါရေးတာမဟုတ်
ချစ်သူလုပ်ပေးတဲ့ကာရန်
ချစ်သူရှာကြံတဲ့စကားလုံး
ချစ်သူမှုန်းထားတဲ့ခံစားချက်
ချစ်သူထံပါးကထွက်တဲ့ကဗျာ
ချစ်သူသာသူ့ကဗျာသူဆက်ရေး
ငါကတော့ဝေးဝေးကငြိမ်သက်
ချစ်သူကိုဝိညာဉ်ဆက်သရုံပါပဲ။ ။

သားလတ်


(၂၀၀၂ခုနှစ်-သြဂုတ်လ၊ ပုလဲမြို့ပြမြေယာမဂ္ဂဇင်း)

"ပန်းတစ်ပွင့်၏ကျေးဇူးဖြင့်"

သွေးစည်းကာတူညီစွာဖြင့်
အဝေးခရီးကယူခဲ့သည်။

လွတ်လပ်ရေးဆိုသည့်ပန်း
လန်းဆန်းကြာရှည်။

မွှေးရနံ့တို့ကမှန်စွာတည်
မြန်မာပြည်ထဲပျံ့ပါဘိ။

သည်ပန်း
အရှည်လန်းနေသမျှ
ကြွေကျကာအလှမညှိုးရအောင်
တိုးဆကာရွက်ဆောင်သင့်ပါရဲ့
နောင်မြင့်စွာကမ္ဘာအလယ်မှာ
မြန်မာရယ်လို့ထိပ်ကလှမ်းစေဖို့
အတိတ်ကပန်းကျေးဇူးမှီကာ
ပစ္စုပ္ပန်လမ်းမှာချွေးလူးစီပါလည်း
တေးမြူးသီကာအသိနှင့်ဖြတ်
အနာဂတ်ဆီထိ။ ။

သားလတ်

(၅၄နှစ်မြောက်လွတ်လပ်ရေးနေ့အတွက်ရေးခဲ့သည်)


(၂၀၀၂-ဇန်န၀ါရီလ၊ မှုခင်းရှုထောင့်မဂ္ဂဇင်း)

"ငလျင်လှုပ်တဲ့လူ"

မိုးရယ်မြူနှင်းရယ်
ဖလှယ်ကျနံနက်ခင်းတွေထဲ
မျက်ရွဲလေးတစ်စုံကို
ကျွန်တော်ငုံသောက်ခဲ့တယ်။

တောင်ကုန်းတွေပေါ်က ပြေလျှောသွား
မြောင်းချောင်းရေတွေသွန်စီးငြားလည်း
ရင်ထဲခရီးများကိုမမီနိုင်ခဲ့
နှာတံလေးတစ်ခုရဲ့ရေတံခွန်
နှလုံးသားတောင်မွှန်သွားတယ်။

မှိုင်းညို့တောတန်းသစ်ရိပ်
စစ်သိပ်ပြီးလွမ်းစရာ
နှုတ်ခမ်းနှစ်လွှာမှာအချစ်စိတ်ဖြစ်ထွန်း
နစ်မွန်းသွားတဲ့နေ့တွေများခဲ့ပြီ။

ကဗျာတွေဝင်လာတယ်
မမြင်သာတဲ့ဆက်သွယ်မှုတွေကြား
ရင်ခုန်လှိုင်းများချိတ်မိတဲ့အခါ
ကျွန်တော့်ကမ္ဘာမှာငလျင်တစ်ခါလှုပ်ပြန်ပြီ။ ။

သားလတ်


(၂၀၀၃-စက်တင်ဘာလ၊ မှုခင်းရှုထောင့်မဂ္ဂဇင်း)

"ရွာကလေးရဲ့ဇရာ"

တိမ်မြှုပ်ကောင်းကင်ယံ
စိန်ခေါ်သံတွေနဲ့လျှောက်လာ
နွေကိုတံခါးပိတ်ကာထားခဲ့တဲ့အတိုင်း
ခပ်ရိုင်းရိုင်းပဲဝင်လာတယ်။

လက်ဖြူဖြူနဲ့ဆွဲနှုတ်ဆက်
မြစိမ်းရောင်လက်ကောက်တွေယိမ်းနွဲ့ရင်း
ခပ်ပြင်းပြင်းစကားတွေဆိုပုံများ
သူ့တံတွေးတွေနဲ့ ရွှဲသွားကြတယ်လေ။

အချိန်လွှဲတာနှစ်ခါရှိခဲ့
စောပြီးရေခဲစိမ်ခံရတဲ့နွေ
ကဆုန်ဟန်ပျောက် နယုန်မာန်မောက်
သဘာဝသရဲခြောက်ခံရပြီလား
ဆန်းလက်တဲ့ထုဆစ်မှုတွေအောက်မှာ
မျက်ကြည်လွှာပျောက်စပြုနေတဲ့ရွာကလေးရဲ့ဇရာ
လေးစားစွာသနားဖို့ကောင်းပြီ။

ဖြည်းဖြည်းလေးရွေ့ပါ
ညင်သာစွာပြုံးပါ
သက်သက်သာသာနှုတ်ဆက်ပါ
အချိန်တန်မှလာပါ
သက်ရှိနေရာလေးကကျဉ်းလို့ပါ။ ။

သားလတ်


(၂၀၀၂ခုနှစ်-ဒီဇင်ဘာလ၊ ရနံ့သစ်မဂ္ဂဇင်း)

"ပိတောက်သတင်း"




အလှမ်းဝေးပါတဲ့
ပန်းကလေးများလည်းပွင့်ကြပြီ။

မိုးစက်ကြွေမြေအခမှာတော့
ရွှေအလှတွေထိန်ထိန်ညီးပါလို့
တိမ်ယံမှာအ၀ါတောက်ကာ
ရွှန်းဖောက်မြစီ။

ရနံ့မွှေးကြူက
ပျံ့သွေးကာလေပြည်အမြူးမှာပေါ့
ဦးမော့ကာခရီးဆန့်ပြီမို့
လှမ်းလို့တော့ဖြင့်ချူချင်သည်
ယူငင်မီဖို့အားမတန်ခဲ့။

ပိတောက်သတင်း
တစ်ယောက်ချင်းစီမှာ အသေအချာရောက်သော်မှ
ခြေရာဖျောက်ကာ ကိုယ်မမျှော်ရဲပါဘူး
ပင်ယံမှာဝေချင်ဝေ
ဆံနွယ်မှာနွဲ့ချင်နွဲ့
သည်အလှည့်သည်ခဏတိုင်းမှာတော့
ကြည်မြစွာဆွေးဖွဲ့သီပါလို့
(ပိတောက်ရေ ....................)
ပြေးခဲ့ပြီကွယ့် ။ ။

သားလတ်


(၂၀၀၃ခုနှစ်-ဧပြီလ၊ ဂန္ထ၀င်မဂ္ဂင်း)

"ဆီမီးဈေး"

ချောင်းကမ်းနဖူး
တံတားကူးရာ၊ လေပြည်သာသည့်
နေရာတစ်တန်း၊ ရှုလို့လှမ်းက
သင်မြင်ရမည်၊ အလင်းသီထား
အမှောင်ကြား၌၊ ထိုးတိုက်ခွဲထွက်
မီးရောင်လက်သည့် ' ဆီမီးဈေး '။

' ဆီမီးဈေး ' မှာ
ဘယ်ညခါကြည့်၊ အတိလင်းလက်
ဆီမီးခွက်နှင့် ဆိုင်ပျက်နှင့်။

တို့မြှုပ်ချက်စရာ၊ မကျန်ပါရ
နုရွလတ်ဆတ်၊ ဈေးဖြတ်မငြီး
အသီးအရွက်နှင့် သားငါးနှင့်။

ညဉ့်ယံမတိုင်ခင်၊ လူသူမြင်၍
ရွှင်မွေ့ဟစ်အော်၊ ဆိုကြွေးကြော်သည်
လူခေါ်သံနှင့် တေးသံနှင့်။

ရံဖန်ရံခါ၊ နေရာပျောက်လု
ရန်တုဖက်ပြိုင်၊ ဒေါသဆိုင်နွှဲ
ဆူသံပြဲနှင့် ရန်ပွဲနှင့်။

မုဆိုးတောတိုး၊ ဆင်ကန်းငြိုးနှင့်
ချိန်ထိုးယူဖျက်၊ မတွက်မဆိုင်း
မုန်တိုင်းရိုင်းနှင့် နှင်းခါးနှင့်။

သည်သို့ဖြင့်ပင်
သိမြင်ရှုငေး၊ ' ဆီမီးဈေး ' ကား
ပြေးလွှားခုန်ထွက်၊ ရာသီလက်မှ
တစ်စတစ်စ၊ အရွယ်ရကာ
ရပ်ရွာနီးဝေး၊ အပြေးဈေးဝယ်
ဈေးသည်လည်းများ၊ ညသစ်စားကာ
ချောင်းနားကမ်းထက်တည်နေသတည်း။ ။

သားလတ်

(ကြိုးတံတားထိပ်ရှိဈေးကလေးသို့)


(ဒဂုံမြို့သစ်မြောက်ပိုင်းမြို့နယ်မ

" ရာစုသစ်သည် "

ရာစုသစ်သည်
နှင်းပွင့်စီ၍၊ ပန်းချီကားချပ်
ဖွင့်လှပ်မည့်ဟန်၊ မနက်ဖြန်ကို
လက်ကမ်းကြိုလင့်နေလေပြီ။

ရာစုသစ်သည်
နေရောင်ခြည်နု၊ လှစ်ချူပြုသလို
အမှောင်ဖြို၍၊ နုပျိုနေ့များ
သန့်စင်မွေးဖွားပေးတော့မည်။

ရာစုသစ်သည်
သန်းခေါင်ဆီမှာ၊ ပြဿနာများ
ချန်ထားဖြတ်သန်း၊ ရွေ့ကျော်လွှမ်းကာ
လမ်းသစ်များဆီချီတော့မည်။

အို....ရာစုသစ်
နုမျစ်ခမ်းနား၊ ဆန်းပြားတင့်တယ်
ဟန်ဝင့်ထည်၍၊ နေ့သစ်များစွာ
ဖြတ်ချင်ပါရဲ့၊ ကွယ်လှည့်စစ်ဘေး
ငြိမ်းချမ်းရေးရှု၊ လူမှုဒုက္ခ
ကင်းစင်ရအောင်၊ သင်ဆောင်ပါလေ
ကမ္ဘာမြေကမျှော်နေသည်။ ။

သားလတ်


(၂၀၀၁ခုနှစ်-ဇန်န၀ါရီလ၊ မှုခင်းရှုထောင့်မ

" လွတ်လပ်ရေး၏အလှဂုဏ် "

သည်ကနေ့
ကြည်မွေ့စွာဖြင့်လွန်သာယာ။

အလှဂုဏ်ကြွယ်ကာရွှန်း
ထည်ဝါလွန်းတာ။

လွတ်လပ်ပါသည့်ပြည်မြန်မာ
အရှည်တည်ရန်သာမျှော်တွေး။

ခေတ်ရေစီးမှာတော့
အညစ်တွေကြီးအောင်မဖန်တီးကြပါနှင့်
ကျန်ခရီးမှာအလှတွေမပျက်ရန်အတွက်
မနက်ဖြန်ရက်တိုင်းမှာတွေးဆပါလို့
ဖေးမကာဂုဏ်ဖော်သင့်တာက
ကျွန်တော်တို့အရေး။ ။

သားလတ်


(၁၉၉၉ခုနှစ်-ဒီဇင်ဘာလ ၃၀ ရက်နေ့ထုတ် ထူးခြားဂျာနယ်)

"မျှော်လင့်ခြင်းရာစုသစ်"

ရာသီလက်တံတွေနဲ့ဖျက်ပစ်သလို
ခရစ်နှစ် အဟောင်းတွေပြိုကျ
(ပြီးတော့.....................)
ရာစုသစ်တစ်ခုစလာပြီ။

ဇန်န၀ါရီအစ ဒီဇင်ဘာအဆုံး
ပီပြင်စွာနိဂုံးချုပ်ခဲ့တဲ့နှစ်များစွာ
ခုတစ်ခါတစ်ရာပြည့်ဖို့အရေး
ကဗျာနေ့ကလေးတွေလိုတွေးကြည့်တော့
ဆွေးမိသူကကျွန်တော်လေ။

ပညာရှင်များရဲ့ရာစုသစ်လား
ဒါဆိုလူ့အညစ်တရားတွေရှင်းပေးပါ
တံခါးအသစ်ကြားကပွေ့ဖက်မဲ့လက်
လောဘဒေါသမဖက်
သောကတွေဝေးဝေးထွက်လို့
ချိုးဖြူငှက်လေးတွေရဲ့ရောင်နီသစ်
ဟောဒီ ရာစုမှာဖွင့်လှစ်နိုင်ပါစေ။

' မင်္ဂလာပါ ' ကမ္ဘာမြေ
အစဉ်သာယာနေစေဖို့အရေး
(အဲဒါ .............)
ကဗျာဆရာကျွန်တော့်အတွေးပါ။ ။

သားလတ်


(၂၀၀၀ခုနှစ်-ဇန်န၀ါရီလ၊ မှုခင်းရှုထောင့်မ

မဟာကုသိုလ်တော်ကြီး

အခါတစ်ပါးမှာဖြင့်
'' ငါဘုရားကိုလုပ်ကျွေးပြုစုလိုသောသူသည်
နာမကျန်းသောရဟန်းကိုလုပ်ကျွေးပြုစုကြလော့''ဟု
မဟာဂရုဏာရှင်မြတ်ဘုရားက
မှတ်သားစရာသူငါအဖြာဖြာသိစေဖို့
မဟာဝါ ပါဠိတရားတော်၌
မြွက်ကြားခဲ့သည်။

မကျန်းမာလျှင်ဖြင့်
ရဟန်းမှာမရွှင်မပြဖြစ်ကာ
ဘ၀င်ကျစရာတရားကိုပင် မငြိကပ်နိုင်ပါလို့
'ပရိယတ်' ' ပဋိပတ်' တွေကိုမထိလေသမျှ
" ပဋိဝေဒ' ဆိုသောခရီးမတွင်တတ်တာကြောင့်
ကြီးမြတ်သည့်စေတနာအမြော်အမြင်တရားတွေနှင့်
ဘုရားရှင်ဒေသနာအမှာစကားကိုပဲ
စိတ်ထဲစွဲတည်။

သာသနာစည်ပင်ပြန့်ပွားရန်နှင့်
ဘုရားရှင်ကိုအမှန်ပင်သက်ရှိထင်ရှားရှိစဉ်က
အစဉ်အနားမှာပြုစုလုပ်ကျွေးသလို ရမည့်ကုသိုလ်တရားတွေလည်း
အခုဆိုပြုလိုလျှင်အစဉ်ပြည့်စေဖို့
ဟိုယခင်အရင်နေ့တွေကတည်းက
ရွှင်မြေ့စွာဖြင့် တည်ခဲ့ပြီ
' ဇီဝိတဒါန' ဆိုသည့်ဆေးရုံကြီး။

ရဟန်းသံဃာလူပိုလ်မကျန်
အပူရုပ်ကိုအမှန်ပင်အေးစေဖို့
ကြံမြင်ကာပြုစုလုပ်ကျွေးပေးနေသမျှ
အဝေးကရှောင်ခွာတိမ်း၍နေမှာလား
သံသရာအမှောင်မှာမဟူရာတွေထပ်မဖုံးစေရအောင်
အပြန်တစ်ရာသဒ္ဒါတွေကြည်ဖြူစွာဆင့်ထုံးပါလို့
' မဟာကုသိုလ်တော်ကြီး ' ကိုသင့်အပြုံးနှင့်သာ ယူငင်ကာလှမ်းကြပါတော့
ဖြူစင်စွာအလင်းတန်းတွေ ဖိတ်လျှံမငြီးပါတဲ့
(သြော် - သူတော်စင်တို့ရဲ့.....................)
နိဗ္ဗာန်လမ်းခရီး ။ ။


(၂၀၀၀ခုနှစ် - '' ဇီဝိတဒါနသံဃာ့ဆေးရုံ'' မ
ဂ္ဂဇင်း)

"ထူး၍ထင်ရှားတန်ခိုးကြီးဘုရား"



မြင်မိလားလေ
တောတောင်တွေနှင့်၊ စိမ်းဝေသစ်တော
လှသောနေရာ။

စီးဆင်းစမ်းချောင်း
ငှက်ပေါင်းသံသာ၊ ကောင်းကင်ပြာအောက်
တောက်ပနေရာ။

ဆည်းလည်းသံသာ
ချိုစွာပတ်လွှမ်း၊ ရဟန်းသူတော်
မွေ့ပျော်နေရာ။

လူ၊ကားလမ်းများ
ထွင်းဖောက်ထား၍၊ အများလူထု
ရောက်စုနေရာ။

ထိုနေရာပင်
အံ့ဖွယ်ထင်ပေါ်၊ ဆံတော်စေတီ
တောင်စွန်းတည်လျက်၊ ကျောက်တုံးထက်ရှိ
မှတ်သိပါလေ၊ စေတီ '' ကျိုက်ထီးရိုး ''
တန်ခိုးများစွာကြီးလှသည်။ ။

သားလတ်


(ဆံတော်ရှင်ကျိုက်ထီးရိုး၊ ဆီမီး ၉၉၀၀ မဂ္ဂဇင်း)

"ဖြေဆည်ရာမိုး"

လမ်းတလျှောက်
ပန်းနဲ့ပေါက်သလို။

ပေတရာပေါ်မှာတော့
ဝေဒနာတွေကကျလို့ပြို။

အုံဆိုင်းပြီးမှအငြိုးသို
ပြိုရှာတဲ့မိုးလေလား။

အမြင်ဆန်းပါဘိ
ရင်အနွမ်းတွေပြေစေတော့ရယ်လို့
ဖြေလျော့ကာရွာပြီထင်ရဲ့
ရာသီခွင်ဆွေးသမျှကြားမှာ
အေးမြစေသား။ ။

သားလတ်


(၂၀.၆.၁၉၉၉နေ့ ၀ါမိုးအောင်ဆုပေးပွဲမှအပြန် ပြည်လမ်းပေါ်မှမိုးရေစက်များကိုခံစားမှု)


(၂၀၀၆ခုနှစ်-ဇူလိုင်လ၊ မှုခင်းရောင်စဉ်မဂ္ဂဇင်း၊အမှတ် ၁ )

"မြို့သစ်ရဲ့ညနေ"

ကောင်းကင်လမ်းမှာ
ငှက်တွေကအိပ်တန်းတက်ဖို့ပြန်နေပြီ။

ပြန်သိမ်းဖို့ကြိုးစားနေတဲ့
ကလေးတွေရဲ့စွန်တွေက
တစ်ကောင်နဲ့တစ်ကောင်တိုက်နေတုန်း။

လူသူနည်းပါးတဲ့ရပ်ကွက်ထဲက
ဂစ်တာသံသဲ့သဲ့ကလျှံထွက်ဆဲ။

အဝေးကွင်းပြင်တွေထဲမှာ
နွားတွေဆိတ်တွေကအစာကိုအာသာငမ်းငမ်းနဲ့
အိမ်အပြန်လမ်းဘက်ကိုဦးတည်နေ။

ပန်းရောင်အသီးကြီးတစ်လုံးကတော့
ချွေးဆက်တွေကိုရေတွက်ဖို့ငေးနေဟန်နဲ့
သဘာဝအလှဆိုတာကိုသရုပ်ပြထား။

ရပ်ကွက်ထိပ်ကအရက်ဆိုင်လေးထဲမှာတော့
မယ်ဒလင်သံမာဆတ်ဆတ်က
မူးယစ်တတ်သူတွေကိုနှစ်သိမ့်လို့။

အဲဒီ့အချိန်.............
မြို့ထဲကပြန်မလာသေးသူကိုမျှော်နေတဲ့
လမ်းမီးတိုင်လေးတွေကမှိန်လဲ့လဲ့နဲ့လင်းလာတယ်။ ။

သားလတ်


(၂၀၀၀ခုနှစ်-ဧပြီလ၊ မှုခင်းရှုထောင့်မဂ္ဂဇင်း)

"ကမ်းပြိုအလွမ်း"

အဟုန်ပြင်းပြင်းနဲ့တိုက်စားခံရ
ပဲ့ကျသွားတဲ့နှလုံးသားကမ်းပါး
ဝိုးတ၀ါးမြင်ကွင်းထဲပျောက်တော့မယ်။

အမုန်းရက်စက်ခြင်းဒီရေလှိုင်း
မာန်တင်းတင်းအရှိန်တွေနဲ့
မျက်ရည်မိုးကိုလှည့်စားဖို့ရောက်လာသတဲ့။

မျောပါသွားကြပြီ
ဘယ်ဆီကိုခိုရမှန်းမသိတဲ့အလွမ်းစများ
အချစ်ဆိုတဲ့ရေစီးကြောင်းကြားမှာ
သိင်္ဂါရဟာ ၀ိဘစ္ဆမဖြစ်သေးသရွေ့ပေါ့။

တည်နေမယ့်နှလုံးသားကမ်းပါးကျိုး
မျက်ရည်မိုးတွေနဲ့ဆေးကြော
မျောသွားတဲ့အလွမ်းတွေဆွေးမြေ့စေဖို့
(အဲဒါ................)
သေဆုံးခြင်းနေ့တစ်နေ့တိုင်အောင်လေ။ ။

သားလတ်


(၂၀၀၀ခုနှစ်-ဒီဇင်ဘာလ၊ မှုခင်းရှုထောင့်မဂ္ဂဇင်း)

Saturday, September 25, 2010

စိုးရွံ့ကမ္ဘာ

ကြည့်စမ်းပါဦး
ပြုံးနေတဲ့မျက်နှာပြင်နဲ့
ဆင်ယင်ခင်းကျင်းထားတဲ့ ကောင်းကင်
စင်ကြယ်တဲ့အလှတရား
ကမ္ဘာပေါ်ကလူသားများအတွက်
စေတနာသက်သက်နဲ့ပေးဆပ်နေဆဲ။

သရမ်းလိုက်တဲ့လက်
သူ့မျက်နှာကိုဆွဲဖျက်ကုတ်ခြစ်ရင်း
ညစ်ညမ်းမှုလေထု
တံတွေးစုထွေးနေလေရဲ့။

စိတ်ဓါတ်ပျက်ပြားသောမျက်နှာ
တည်ငြိမ်စရာအကြောင်းမရှိ
ရှုံ့တွညည်းညူမိသည့်အခါ
အို....ဟိုမှာဒဏ်ရာအသစ်
ကျောက်ပေါက်မာတစ်ခုထင်ကျန်ရစ်ပြီ။ ။


(အိုဇုန်းလွှာမှအပေါက်ကြီးသို့)


(၁၉၉၅-ဇူလိုင်၊ တကယ့်ဖြစ်ရပ်မှုခင်းမဂ္ဂဇင်း)

"ရင်ထဲမှာ"

မေ့နိုင်ပါသည်
တစ်ရံဆီမှ၊ မပီမသ
မှုန်ဝါးကြလျှက်၊ ခံစားချက်နှင့်
အသက်အပ်နှင်း၊ ချစ်တတ်ခြင်းနှော
ရင်းနှီးမောလျ၊ တွယ်တာကြသည့်
ကာလများ၏ အိမ်မက်တွေ။

ခွဲခွာနိုင်သည်
မတည်မတံ့၊ ရှည်ဆန့်မနေ
ခေတ္တဝေဖြစ်၊ မက်တွယ်ချစ်ခဲ့
အပြစ်မဲ့ကင်း၊ အပြုံးခင်းထား
နေရာများ၏ ခြေရာတွေ။

ဟားတိုက်နိုင်သည်
မမှီဘ၀၊ မလှသည့်အခြေ
ကျိုးကြေခံစား၊ တွယ်ရစ်ထားခဲ့
အနားနေစေ၊ ဆန္ဒတွေကြည့်
မသိရင်မခုန်၊ တုန်ရင်လှိုက်စွာ
ထာဝရ၏ မေတ္တာတွေ။

ရှိပါလေတော့
ဖြေလျှော့မာန်ချ၊ သည်ဘ၀တာ
ကြာလျှင်သူမေ့၊ တစ်နေ့နေ့နှင်
ရွေ့ရွေ့စဉ်ပေါ့၊ အမြင်မရှိ
အသိမပါ၊ ကဗျာတွေမေ့
နေ့သရွေ့တွင်
(သူမ........)ချမ်းမြေ့စေချင်သည်။ ။

သားလတ်


( ' သင်းကွဲငှက်တစ်ကောင်ရဲ့ဒိုင်ယာရီ ' ကဗျာစာအုပ်မှ )

"အတိတ်တစ္ဆေ"

ကရုဏာမဲ့ ပြဇာတ်တစ်ပုဒ်
ဒေါသနဲ့ အလွမ်းသီချင်းတစ်ပုဒ်
မေတ္တာပါတဲ့ ကဗျာတစ်ပုဒ်
ရုတ်တရက်ဆိုတဲ့ အတိတ်တစ်ခုမှာ
ကပျာကယာ မွေးလာတယ်။

ကြိတ်လိုက်ရတဲ့အံသွား
နှလုံးသားကတော့ အမှန်တရားကိုရွံနေ
အက်ကွဲကြောင်းတွေထဲက ပကာသနသနပ်ခါး
တံတွေးများနဲ့ ဖျက်ချင်တယ်။

မြင်နေရတဲ့ ပြဇာတ်အခန်းတွေ
ကြားနေရတဲ့ အလွမ်းသီချင်းတွေ
ဖတ်နေရတဲ့ ကဗျာပါဒတွေ
အားလုံးဟာအိမ်မက်တွေမဟုတ်ခဲ့
အတိတ်ရဲ့ တစ္ဆေဆိုးတစ်ကောင်
ခုထိလှောင်နေတဲ့ပုံတွေထင်ရဲ့။

ခြောက်လှန့်သွေးပျက်စေခဲ့တဲ့ကောင်ကြီးကို
မဝေးတော့တဲ့ ခရီးတစ်ခုမှာချဉ်းကပ်
မျက်မှန်စိမ်းထပ်တတ်ပေးဦးမယ်
ဘယ်သူကတရပ်စပ် ခြောက်တတ်တယ်ဆိုတာသိဖို့ပေါ့။ ။

သားလတ်


(၂၀၀၁ခုနှစ်၊ ဇလွန်မြို့နယ်မဂ္ဂဇင်း)

"ရွာအ၀က လမ်းကလေး"

နှင်းတဖွဲဖွဲ
မြူငွေ့လည်းဝေ၊ ရာသီလေတိုက်
ရွက်ကြွေလိုက်ပါ၊ နေခြည်ဖြာကျ
ရွာအ၀က လမ်းကလေး။

သစ်ရိပ်ဝါးရိပ်
ကုက္ကိုရိပ်နှင့်၊ တိတ်ဆိတ်အေးချမ်း
တရားဖြန်းသော၊ စိမ်းလန်းဒေသ
ဘ၀ငြိမ်သက်၊ မွေ့စက်ပျော်မငြီး
ဘုန်းတော်ကြီးကျောင်း
ဘေးမှာခိုအောင်း ရှိနေသည်။

ဖြူဖြူလွှလွှ
ထုံးစက်ကျထင်၊ ကြည်ရွင်ကြည်နူး
ညွတ်နူးစရာ၊ စေတီသာမှ
ချိုမြပီဆဲ၊ ဆည်းလည်းသံသာ
အခါအခါကြား၊ နားထဲမွေ့ဝင်
ဗုဒ္ဓရင်၌၊ ခိုစဉ်ချမ်းမြေ့
စိတ်ထားတွေ့စရာ
ဘေးမှာတည်လျှက် ရှ်ိနေသည်။

လယ်တော ကိုင်းတော
ဖြတ်သောသူများ၊ ရွေ့လျားခရီးနှင်
လှမ်းဆက်စဉ်မှာ၊ ရင်ဟာငတ်မွတ်
ဖြေလွှတ်လျော့နွမ်း၊ အပူခန်းမည့်
ရေချမ်းအိုးစင်၊ သဒ္ဓါရွှင်ထူး
ကြည်နူးစရာလည်း
ဘေးမှာအမြဲ ရှိသေးသည်။

လှည်းလမ်းလူလမ်း
သူဖြတ်သန်းထား၊ ခရီးသွားတွေ
နေ၀င်နေထွက်၊ ဖြတ်လျက်ကျော်လျက်
ဝင်လျက်ထွက်လျက်၊ ခရီးဆက်နေ
နှင်းကြွေထဲလှ၊ နွေဘ၀တစ်မျိုး
မိုးဆိုတစ်ဖုံ၊ အလှစုံယှက်
သူ့တစ်သက်မှာ၊ ဘယ်ခါမပျက်
ခရီးဆက်ကာ
ရွာအ၀မှာ လှဆဲတည်း။ ။

သားလတ်


( ' သင်းကွဲငှက်တစ်ကောင်ရဲ့ဒိုင်ယာရီ ' ကဗျာစာအုပ်မှ )
(၁၉၉၈ခုနှစ်၊ ကြို့ပင်ကောက်မဂ္ဂဇင်း)

"တောင်သမန်စခန်းက အလွမ်းရာဇ၀င်"

မလွမ်းတတ်သူ ဘယ်မှာရှိပါလိမ့်
တကယ်သာသိလျှင် မဖြေသိမ့်နိုင်ဘု
အခြေနိမ့်သူ သေမိန့်ခံ အမှောင်စံကာ
ထောင်နံရံအခန်းကျဉ်းထဲ လွတ်လမ်းမမြင်ရှာတဲ့
တောင်သမန်စခန်းက အလွမ်းရာဇ၀င်။

ဒိုင်းခင်ခင်ငယ်စဉ်နေ့တွေကတည်းက
ရင်အသည်းပြည့်စွာ ချစ်လာခဲ့သူအတွက်
ကိုယ့်အရှင်သခင်လက်ဆက်ဖို့
တမင်သက်သက် ရင်ကိုခွဲကာ
အကြင်နာပိုတာ အဝေးကိုပစ်လို့
အဆွေးကိုချစ်ခဲ့ရတဲ့ စာဆိုရှင်။

ငယ်မွေးကျွန်ခြံပေါက်တစ်ပါးရယ်ကြောင့်
မြှောက်စားကာ ရှေ့တော်သွင်းပါလို့
ခြေရင်းမှာခစားခိုင်းကာ
အလှတစ်ပါးကို အနားခေါ် သဘောပျော်မွေ့တာက
(သီပေါဆိုတဲ့)ရေမြေ့သနင်း ရွှေနန်းဘုရင်
ခြေလှမ်းမြင်သူက စုဖုရားလတ်။

အမှုအသွားမတတ်ပါဘဲ
ပြုထားသမျှစေရာခံရသူ ဒိုင်းခင်ခင်မှာဖြင့်
အရိုင်းမှအယဉ်ဝင်မယောင် အပျိုတော်အစမှာ
ဘ၀သာအောင်တင်ပေးသူချစ်ရင်းစွဲ တစ်ယောက်ရယ်ကြောင့်
မြတ်နိုးစွာဘုန်းရှင်အရိပ်ခိုပါလည်း
စိတ်တိုကာဆတ်ဆတ်ကြဲသူ မိဖုရားခေါင်တစ်ပါးရဲ့
ချစ်ဇောမာန်စိတ်ဓာတ်ကြွားကာ
အရိပ်မြတ်က အဝေးကိုနှင်ခိုက်နှင့်ကြုံတာကြောင့်
တောင်သမန်လယ်စား စာဆိုရှင်မောင်ဖေငယ်လည်းမကယ်နိုင်
တူပြိုင်ပြိုင် အသက်ဆုံးစီရင်ခံရတာဖြင့်
ရင်နင့်စရာအလွမ်းဇာတ်ခရီးပါပဲ
သံသရာသည်ဝဲမှာပြန်ပြီးတွေ့ရင်တော့
မမေ့စရာသည်အဖြစ်မျိုးတွေလဲ
အသစ်တိုးကာ ရင်မဆိုင်ရပါစေနဲ့လို့
အပျော်ပိုင်ကာ အလွမ်းပြတ်စေကြောင်းကို
(ကျွန်တော်တော့လေ.................)
ဆုတောင်းနေတတ်။ ။

သားလတ်


(ဆရာမကြီး ဒဂုန်ခင်ခင်လေး၏ စာဆိုတော် ၀တ္တုမှ '' သီပေါဘုရင် '' '' မိဖုရားကြီး စုဖရားလတ် '' သီပေါဘုရင်၏ လက်ရင်းကျွန် အပါးတော်မြဲ တောင်သမန်လယ်စား '' စာဆိုရှင်မောင်ဖေငယ် '' နှင့်
'' ဒိုင်းမင်းသမီး ခင်ခင်ကြီး '' တို့၏အဖြစ်ကို ၀င်စား၍ ရေးဖွဲ့ပါသည်။)



(၁၉၉၇ခုနှစ်၊ သန်မြန်သူမဂ္ဂဇင်း)

"ချစ်ခြင်းများစွာဖြင့်"

ကြည့်စမ်းပါဦး
အပြုံးမပျက်၊ ခရီးဆက်ကာ
အသက်ရှည်သမျှ
အခက်ပွေကြလည်း
(သူမကတော့...........)
အရှက်တွေနဲ့လှဆဲပင်။

၇၅-နှစ်
ချစ်ချစ်စရာ၊ ကာလကျော်ဖြတ်
မားမားရပ်လို့၊ မပြတ်သမုဒယ
ခွဲခွာကြသူ၊ မျှယူခံစား
အဆွေးတွေကြားထဲ
ဝေးနေငြားလည်း ချစ်ဆဲပင်။

နွေထဲဆိုလျှင်
ရော်ကျင်ညှိုးခြောက်၊ သစ်ခေါက်သစ်ရွက်
ပင်ထက်မှကျ၊ ထိုခဏတောင်
သူမအလှ မကွယ်ဝှက်။

မိုးထဲဆိုလျှင်
ရေစင်ဆွတ်ဖျန်း၊ တက်ကြွလန်းလို့
ပန်းတို့လည်းလှ၊ သူလည်းလှလို့
သူမအလှ မဖုံးကွယ်။

ဆောင်းထဲမှာလည်း
အမြဲအေးချမ်း၊ မြူငွေ့လွှမ်းထား
ဘယ်ဘယ်နားကြည့်၊ ချမ်းမြေ့မိကာ
သူမသာပဲ လှနေဆဲ။

အိုတက္ကသိုလ်
အရှက်ပိုလှ၊ ကာလများစွာ
ထာဝရမပမ်း၊ ခရီးကြမ်းနှင်
လမ်းထွင်လျှောက်လှမ်း၊ ရာသီလမ်းမှာ
တမ်းတမ်းတတ၊ အဝေးမှလူ
ပျော်ကြပါးကြ၊ အနီးမှလူ
ဘယ်သူခွဲခွဲ၊ အမြဲတမ်းပြုံး
အမုန်းမဖက်၊ မေတ္တာယှက်ကာ
တစ်သက်တာကာလ
အစဉ်ထာဝရသာ
အကြင်နာအချစ်ဟောင်းများဖြင့်
နှစ်ပေါင်းများစွာနွှဲနိုင်စေ ။ ။

သားလတ်


(၁၉၉၅ခုနှစ်-မတ်လ၊ အရိန္ဒမာမဂ္ဂဇင်း)

မျှော်လင့်စရာမရှိတော့သောမျှော်လင့်ခြင်း

ငိုကြွေးခြင်းရေများစွာဟာ
လိုချင်တပ်မက်မှုကုလားအုပ်ရဲ့ဘို့ထဲမှာပါလာတာမေ့လို့
ဒုက္ခသဲမုန်တိုင်းတွေကြားမှာလျှောက်မိနေတယ်။

ပျော်ရွင်ဝမ်းသာခြင်းစမ်းရေဟာ
ကန္တာရတစ်ဘက်မှာ အိပ်ပျော်နေဆဲ
ကုလားအုပ်တစ်ကောင်တည်း ခရီးနှင်မြဲလေ။

လမ်းတစ်လျှောက် ပင်ပန်းခြင်းကိုမျိုချလို့
စိတ်ဓါတ်အစာအိမ်ကို အားဖြည့်ခဲ့ရ
ခရီးဆုံးရဲ့အစ မြင်လိုက်ရခိုက်
ကုလားအုပ်အသည်းနှလုံးတွေ သံချေးလိုက်လို့
ချွတ်တိုက်မရတော့ဘူးထင်ပါရဲ့။

ကြည့်စမ်းပါဦးလေ
မျှော်လင့်ခြင်းကန္တာရဟာ
ဆန္ဒမီးတောင်အရှင်ရဲ့ခြေရင်းမှာအဆုံးသတ်ဆဲ
ဝမ်းနည်းခြင်းလေပြင်းတွေ
သူ့အပါးမှာတိုက်ခတ်နေတယ်လေ။ ။

သားလတ်


(၁၉၉၄ခုနှစ်-သြဂုတ်လ၊ ရွှေသမင်မဂ္ဂဇင်း)

စက်ပါဖို့လိုပါသည်

ရထားတွဲတစ်တွဲမှာ
ဆွဲအားကခေါင်းတွဲမှာရှိတယ်။
ခေါင်းတွဲမရှိတဲ့ရထား
ဘယ်လိုသွားမလဲ။

ခေါင်းတွဲထဲမှာ
လိုအပ်တဲ့စက်အပေါင်းနဲ့
တဂျောင်းဂျောင်းပြေးလို့
နှေးမလား၊မြန်မလားပေါ့။

သွားရမယ့်ဘူတာတစ်ခု
ခေါင်းတွဲကိုအားပြုလို့
အများစုလိုက်ကြတယ်နော်။

ဒီလိုပါပဲ
အိမ်ထောင်စုဆိုတဲ့တွဲတစ်တွဲမှာ
ဆွဲအားကမိဘဆိုတဲ့ခေါင်းတွဲမှာရှိတယ်။

မျှော်မှန်းတဲ့အနာဂတ်ဘူတာတစ်ခုကိုသွားဖို့
သားသမီးဆိုတဲ့တွဲတွေ
မိဘခေါင်းတွဲကိုခိုလိုက်လို့
လိုအပ်တဲ့ဘူတာတစ်ခုချင်းဆိုက်ခဲ့မှာပါ။

မိဘဆိုတဲ့ခေါင်းတွဲထဲမှာလည်း
ရုန်းကန်ခြင်းဆိုတဲ့စက်အပေါင်းနဲ့
တဂျောင်းဂျောင်းပြေးလို့
ရှေ့ရေးအတွက်အေးအေးသာလိုက်ခဲ့ကြတယ်မဟုတ်လား။

ဒါပေမယ့်မထင်မှတ်ပဲ
ခေါင်းတွဲကြီးရုတ်တရက်ပြုတ်ခဲ့ရင်
လမ်းခုလပ် ငုတ်တုတ်ကျန်တဲ့တွဲတွေ
ကဲ....ဘယ်လိုရှေ့ဆက်မလဲ။

ဆွေမျိုးဆိုတဲ့လူတစ်စုတွန်းအားနဲ့
ရထားတွဲတွေသွားပါ့မလား။

ဒီလိုဆို...ရထားတွဲရဲ့
တွဲတိုင်းတွဲတိုင်းမှာ
စက်ပါဖို့တော့လိုမယ်ထင်တယ်။ ။


(၁၉၉၄ခုနှစ်-ဇန်န၀ါရီလ၊ ရတနာသစ်မဂ္ဂဇင်း)

"ပိတောက်တစ်ကိုင်း"


ခက်လက်မပါ
ရွက်မဖြာပဲ၊ ပွင့်ဝါမရှိ
ပကတိတိုင်း၊ တစ်ကိုင်းပိတောက်။

မိုးဒဏ်လေဒဏ်
နေဒဏ်နှင်းဒဏ်၊ ကြံ့ကြံ့ခံရင်း
သဏ္ဍာန်ပြောင်းလဲ၊ ကြာရှည်ဆဲမှာ
ခက်လဲ(လည်း)ဝေဖြာ၊ ရွက်ဝါပြူဝင့်
ကြွားကြွားဆင့်လို့၊ မြင့်၍တက်လာ
ဖုထစ်ပါလို့၊ လေမှာမတ်တတ်
နေမှာရပ်လို့၊
မိုးတပ်ချီဆဲ၊ သူမလဲရင်း
နှင်းတပ်ချီဆဲ၊ သူမလဲရင်း
အားတင်း၍သာ၊ နေခဲ့ပါ၏။

နွေလမ်းတစ်ရပ်
မတ်တတ်ထိုပင်၊ အေးရိပ်ဆင်လျှက်
ရွှေစင်ပွင့်ဝါ၊ ရနံ့ဖြာလျှက်
လေမှာပျံ့အေး၊ လူတိုင်းမွှေးတော့
ဘေးမှမြင်သူ၊ ရင်ပူအေးချမ်း
လက်တို့လှမ်းပြီး
နမ်းဆဲသူမြင်၊ သူ့ရင်ကြည်နူး
သူ့ဖူးသူဆင်၊ သူပင်ပျော်မြူး
နေခဲ့ဖူးသည်
နှစ်ဦးဆိုလျှင် ရွှေရောင်တွေ ဝေသည်တကား။ ။

သားလတ်


(၁၉၉၅ခုနှစ်-ဧပြီလ၊ ပွင့်ဦးမဂ္ဂဇင်း)

"စက္ကူမြား"

စက္ကူတစ်ရွက်
ဆုတ်ဖျက်ဖန်ဆင်း၊ အပြစ်ကင်းမဲ့
ချစ်ခြင်းနဲ့အတူ၊ ချစ်သူထံပါး
တစ်စင်းမြားလို၊ သွား၍ထိုးစိုက်
ခင်မကြိုက်လျှင်၊ ယူငင်လွှင့်ပစ်
ခင်နှစ်သက်သလိုပြုနိုင်သည်။

ဒါပေမဲ့ခင်
ကြင်နာသနား၊ နားလည်ထားပါ
ထိုမြားတစ်စင်း၊မုန်းခြင်းကင်းမဲ့
ချစ်ခြင်းနှင့်တည်၊ မောင့်ရင်ဆီမှ
ပြယုဂ်တစ်ခု၊ သမုဒယအလှ
နှလုံးသားမှ ကဗျာတစ်စဖြစ်သည်။

သည်တော့လည်းခင်
မကြင်နာစွန့်၊ ခင်ခွာဝံ့မလား
ထိုမြားတစ်စင်း၊ ကျွမ်းမြိုက်ခြင်းမဲ့
မုန်းခြင်းမရှိ၊ ချစ်ခြင်းပြည့်စွာ
ထာဝရစကား
နှလုံးသားမှ လာသည့်အရာ
ကြာရှည်ကာလ၊ နက်ရှစူးနစ်
ထိုးဝင်ရစ်၍
ချစ်သူ့နှလုံးသားမှာ
(အစဉ်ထားဝရ.........)
အမုန်းများစွာ မေ့စေသတည်း။ ။

သားလတ်


(၁၉၉၄ခုနှစ်-မတ်လ၊ ရွှေသမင်မဂ္ဂဇင်း)( ' သင်းကွဲငှက်တစ်ကောင်ရဲ့ဒိုင်ယာရီ ' ကဗျာစာအုပ်မှ )
Related Posts Plugin for WordPress, Blogger...