Tuesday, April 11, 2017

" အစဉ်ထာဝရ " ( ၂၂ )

[ ၁၂ ]

အာခီအဆောင်(ဗိသုကာအင်ဂျင်နီယာအဆောင်)အဆောင် ၅နှင့်ယောကျာ်းလေးများ နားနေဆောင်( MCR - Men Common Room) ကြားမှကွန်ကရစ်လမ်းလေးအတိုင်းလျှောက်ရင်းသူတို့အုပ်စုကင်တင်းန်သွားရန် စကားတပြောတပြောနှင့်ဆင်းခဲ့သည်။န၀ရတ်စတိုးဆိုင်ရှေ့ရောက်တော့စိုးညွန့်ကဘောလ်ပင်ဝယ်ဦးမည် ဆို၍ကင်တင်းန်ဘက်သွားရာ လမ်းမပေါ်မှာခဏရပ်စောင့်သည်။

ငြိမ်းချမ်းကန၀ရတ်ဘေးကစာတိုက်ကိုလှမ်းကြည့်ပြီးအိမ်ကစာမလာသေးဘူးကွာဟုညည်းသည်။ကျော်ဝင်း ထွဋ်ကငါ့ကိုလည်းငွေမပို့လို့စိတ်ညစ်နေတယ်ကွာဟုဆို၏။သူကဘယ်လောက်လိုလို့လဲ၊လိုရင်ငါ့ဆီက ယူလေကွာဟုပြော ပြီးလွယ်အိတ်ထဲကပိုက်ဆံအိတ်ကိုထုတ်သည်။ပြီးတော့တစ်ယောက်တစ်
ထောင်စီလှမ်းပေးလိုက်၏။

ပထမတော့ယူရမှာအားနာနေသည့်ပုံ။လုပ်ပါကွာ၊မင်းတို့လိုလို့ချေးတာ၊ အလကားပေးတာမဟုတ်ဘူး၊ အိမ်ကငွေရရင်ပြန်ပေးဟုပြောမှနှစ်ယောက် စလုံးယူသည်။ပိုက်ဆံအိတ်ကိုလွယ်အိတ်ထဲ ထည့်ပြီးစိုးညွန့်ထွက်လာ တာတွေ့၍ကင်တင်းန်ဘက်ကိုခြေလှမ်းရွှေ့ရန်ပြင်စဉ် ခဏနေဦးဟုစိုးညွန့်တားသံကြားသည်။ဘာလဲကွဟုဆိုတော့စက်မှုစာသင်ဆောင်များရှိရာ ကုန်းပေါ်မှဆင်းလာသောနှင်းနွယ်နွေးတို့ကိုပြသည်။

စိန်မျောက်မျောက်ကဒါများ၊အရေးလုပ်လို့ကွာ၊အတန်းထဲမှာလည်းတွေ့နေတာပဲ၊သွားမယ်ဟုဆို၏။ သူကခဏနေဦးကွာဟုပြောရင်းရပ်စောင့်မိသည်။

ငြိမ်းချမ်းကဒါဆို၊သည်တိုင်းရပ်စောင့်နေရင်မကောင်းဘူး၊ငါစာတိုက်ထဲဝင်ပြီးစာအိတ်နဲ့တံဆိပ်ခေါင်းဝယ်မယ်၊ မင်းတို့စောင့်ကြည့်ဟုဆိုကာအထဲဝင်သွားသည်။သူကစာတိုက်ရှေ့ကသစ်သားခုံအ၀ိုင်းလေးမှာ ၀င်ထိုင်တော့ကျန်သူတွေ လည်းဝင်ထိုင်သည်။နှင်းနွယ်နွေးကိုကြည့်တော့အနွေးထည်နှင့်။မနက်က အတန်းထဲမှာထိုင်နေတုန်းကအနွေးထည်မရှိ။ချွတ်ပြီးခုံထဲထည့်ထားတာနေလိမ့်မည်။ဘာဖြစ်လို့အနွေးထည် ၀တ်ထားတာလဲဟုသူ့ဘာသာတွေးနေမိ၏။တဖြည်းဖြည်းသူတို့နှင့်နီးလာသည်။

" နေမကောင်းဘူးထင်တယ်ကွ "

သူကအမြင်နီးလာသောနှင်းနွယ်နွေးမျက်နှာကိုသေသေချာချာကြည့်ရင်းပြောမိသည်။မျက်နှာချောင်၍
ဆံပင်တွေသပ်သပ်ရပ်ရပ်မရှိ။

" ဟေ့ကောင်။မိန်းကလေးတွေတစ်လတစ်ခါဖြစ်တယ်ဆိုတာမျိုးနေလိမ့်မယ် "

စိန်မျောက်မျောက်ကသူ့အထင်ပြောသည်။

"ရိုးရိုးဖျားတာနေပါလိမ့်မယ်ကွာ။စာမေးပွဲနီးလို့အခန်းထဲက လူတွေတော်တော်ဖြစ်ကြတာပဲ။ ဒီနှစ်ကမေဂျာခွဲမှာဆိုတော့အကုန်လုံးအပြိုင်ကျုံးနေတာမင်းလည်းသိသားပဲ။ငါတို့ကသာမက်ခ်(Mech) ယူမှာမို့ပုံမှန်နှုန်း နဲ့အေးအေးဆေးဆေးဖြစ်နေတာ။အီးစီယူမယ့်လူတွေဆိုကြည့်ပါလား။ တလောကလုံးသူတို့လောက်ပျာယာခတ်တဲ့လူမရှိတော့ဘူး။ဒါကြောင့်ဆရာဦးသာလှိုင်ကပြောတာ။ စက္ကင်းရီးယားကျောင်းသားတွေဟာလောဘ၊ဒေါသရဲ့သားကောင်တွေတဲ့"

စိုးညွန့်ကတည်တည်ငြိမ်ငြိမ်နှင့်ပြောသည်။ကျော်ဝင်းထွဋ်ကကွင်းတို့လည်းအီးစီယူမယ်ထင်တယ် ဟုပြောတော့သူနှင့်မေဂျာဘယ်လိုမှမတူနိုင်တာတွေးမိသည်။သူယူသောစက်မှုဘာသာရပ်ဆိုသည် မှာလည်းယောကျာ်းလေးများသာအခေါ်များပြီးအမှတ်နည်းသောမိန်းကလေးအနည်းငယ်သာရောက်လာ
တတ်၍နှင်းနွယ်နွေးတို့လိုစာပုံမှန်လုပ်သူများဘယ်လိုနည်းနှင့်မျှစက်မှု ကိုရောက်မလာနိုင် ဟုတွေးမိသည်။ဘာပဲဖြစ်ဖြစ်၊တစ်ကျောင်းတည်းမှာပဲလေဟုတွေးရင်းသူတို့ရှေ့ကဖြတ်တော့မည့်နှင်းနွယ်နွေး တို့သုံးယောက် ကိုငေး၏။

" ဟောဗျာ "

ငေးကောင်းကောင်းနှင့်ငေးနေစဉ်မှာပင်စိန်မျောက်မျောက်အသံကြီးကထွက်လာ၏။ရုတ်တရက် သူပင်ကြောင်သွားသည်။ဟုတ်သည်။ စိန်မျောက်မျောက်အော်မည်ဆိုလည်းအော်ချင် စရာ။နှင်းနွယ်နွေးတစ်ယောက်လမ်းလျှောက်နေရင်းမူးလဲကျသွားတာတွေ့လိုက်ရသည်လေ။

" ဟာ-ဟေ့ကောင်တွေ။ ထ.......ထ။လုပ်ကြဦး။လုပ်ကြဦး "

ခင်ဝါဦးနှင့်စိုးမမမျက်နှာငယ်လေးတွေနှင့်လှမ်းကြည့်နေစဉ်မှာပင်လွယ်အိတ်ကိုစလွယ်သိုင်းကာထိုင်နေရာမှ
ထပြီးသူစတင်လှုပ်ရှားလိုက်သည်။လုပ်ပါဦးဟယ်၊နွေးရယ်မူးလဲသွားလို့ဆိုသောခင်ဝါဦးစကားကိုဥပေက္ခာပြု
ရင်းသူငယ်ချင်းတွေသူ့အနားရောက်အလာကိုစောင့်သည်။ပြီးတော့.....

"မင်းတို့ဟိုထိုင်ခုံပေါ်ကိုခဏရွှေ့ထား။လူသိပ်မအုံစေနဲ့။ငါကားသွားထုတ်ဦးမယ် "

ဟုပြောပြီးကားပတ်ကင်ရှိရာကိုသူအပြေးသွားသည်။ကားကိုထုတ်၍ချစ်သူတို့လမ်းကလေးအတိုင်းမောင်း၍
စက်မှုစာသင်ဆောင်တွေကိုပတ်ထွက်ပြီး စာတိုက်ရှိရာရှေ့ကိုရောက်စဉ်မှာနှင်းနွယ်နွေးကို
ခင်ဝါဦးနှင့်စိုးမမကဖေးမထား၍စိန်မျောက်မျောက်ကစာအုပ်နှင့်ယပ်ခတ်ပေးနေတာတွေ့သည်။ခေါ်
ခဲ့တော့ဟုလှမ်းအော်ပြီးကားတံခါးကိုကြိုဖွင့်ပေးထား၏။ငါနဲ့နှစ်ယောက်လိုက်ခဲ့ကွာဟုလှမ်းအော်ပြောရင်း
ကားမောင်းရမည့်နေရာဘက်ကိုကွေ့၍လျှောက်သည်။

နှင်းနွယ်နွေးကိုဝိုင်းမ၍ကားပေါ်တင်ပြီးချိန်မှာစိုးညွန့်နှင့်စိန်မျောက်မျောက်ကရှေ့ခန်းမှာဝင်ထိုင်၏။နောက်ခန်း
မှာနှင်းနွယ်နွေးကိုခင်ဝါဦးကခေါင်းက ကိုင်၍မှေးထားပြီးစိုးမမကခြေထောက်ဘက်မှကိုင်ထားသည်။

" ကျော်ဝင်းထွဋ်နဲ့ငြိမ်းချမ်း။ကျောင်းဆေးခန်းကိုလိုက်ခဲ့ကွာ"

ကားအပြင်ကရပ်ပြီးကြည့်နေသောသူငယ်ချင်းနှစ်ယောက်ကိုလှမ်းအော်ပြီး သူ့ကားကိုမောင်းထွက်လိုက်သည်။

စိတ်ထဲကတော့စာမေးပွဲနီး၍ကားယူသွားဖို့ပြောသောအမေ့ကိုကျေးဇူးတင်နေမိသည်။သည်ကား
မပါလျှင်နှင်းနွယ်နွေးကိုဆေးခန်းအမြန်ပြဖို့လွယ်မှမလွယ်ဘဲလေ။

X X X X X X X X

( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]

Monday, April 10, 2017

" အစဉ်ထာဝရ " ( ၂၁ )

 [ ၁၁ ]

" အဆောင်ကပဲတွေကလည်းညံ့လိုက်တာကွာ။ခပ်ညံ့ညံ့ပဲတွေပါ"

ဒုတိယနှစ်စာမေးပွဲများနီးလာ၍တော်တော်များများစာကိုအူယား ဖားယားကြည့်နေချိန်မှာသူတို့အုပ်စု ကတော့ပျော်ပျော်ပင်။အားလုံးကစာကိုပုံမှန်လုပ်သူများမို့စာတော်တော်များများကိုသူတို့ရနေပြီဖြစ်သည်။
EC( Electronic )ယူမည့်သူများသာအမှတ်ကောင်းရမှဖြစ်မည်မို့ စာမှစာဖြစ်နေကြတာနားလည်၏။ ပထမနှစ်ကလိုပုံမှန်ကြိုးစားမှုမျိုးနှင့်ဆိုလျှင်ခုံနံပါတ်နှစ်ရာမှသုံးရာအတွင်းသာသာလေးဝင်၍( Mech:) ကိုအလွယ်တကူရနိုင်တာသူတို့သိပြီးသားပဲ။

ထို့ကြောင့်လည်းဆရာမလာခင်အခန်းအပြင်ဘက်ထွက်ကာလေပန်းနေကြရာမှနှင်းနွယ်နွေးတို့အုပ်စု ၀င်လာတာသိ၍စိန်မျောက်မျောက်က စနောက်နေနိုင်ခြင်းဖြစ်သည်။

" ဂျီအီးစီမှာတော့ပဲတွေတော်တော်ပေါတယ်ဆိုပဲ"

စိုးညွန့်ကနှင်းနွယ်နွေးတို့ဝင်လာတာမသိဘဲစိန်မျောက်မျောက်ကိုပြောနေ၍သူ့မျက်နှာတစ်ဖက်လှည့်ကာ
ရယ်မိသေးသည်။

" ဖတ်စ်ရီးယားတုန်းကအီလက်ထရွန်ပဲ ( Electron Pair )တွေအကြောင်း သင်ရတယ်နော်။ရေရေ လည်လည်စိတ်ဝင်စားတယ်။အခုနှစ် တန်းရောက်တော့ဘွန်း(Bond)တွေဖြစ်သွားတော့ပိုပြီး စိတ်ဝင်စားဖို့ကောင်းလာတယ်။ဒါပေမဲ့ကွာ။ပဲတွေများလွန်းတော့သိပ်စိတ်မ၀င်စားချင်တော့ဘူး"

ငြိမ်းချမ်းကတော့ပညာသားပါပါနှိပ်ကွပ်နေလေပြီ။ခင်ဝါဦးတို့အုပ်စုသူတို့နားကဖြတ်သွား၏။
လက်ထဲမှာယိုစုံထုပ်လေးတွေကိုင်ပြီးအခန်းထဲဝင်သွား တာတွေ့၏။

" မီးမီးတို့အကြိုက် "

" ဂွေးသီး "

တချို့အချဉ်ထုပ်များကဂွေးသီးနှင့်လုပ်ထားတာသိပြီးသားမို့စိန်မျောက်မျောက်ကထအော်၏။ကျော်ဝင်းထွဋ်တို့
အားလုံးတညီတညာတည်းလိုက်အော်သည်။အခန်းထဲကသူငယ်ချင်းများဝိုင်းရယ်၏။

ခင်ဝါဦးထံမှသေနာတွေ၊အရှက်ကိုမရှိဘူးဆိုသောစကားသံထွက်လာသည်။အရှက်မရှိပေမယ့်အသက်တော့
ရှိပါသေးတယ်ဝတုတ်မရယ်ဟု စိန်မျောက်မျောက်ကမကြားတကြားအော်သည်။ဗြဲဟုငြိမ်းချမ်းက
ထအော်၏။စိုးညွန့်ရော၊သူပါအားပါးတရရယ်သည်။ဆရာလာခါနီးပြီမို့အခန်းထဲ ၀င်ဖို့ပြင်၏။

" ဒီတစ်ခါတော့မော်ကွန်းထိန်းရုံးခန်းရောက်ချင်နေလားမသိဘူး"

စိုးမမထံမှအသံ။မျက်နှာပိုးသတ်ရင်းသူကရှေ့မှဝင်တော့မျက်လွှာတစ်ချက် လှန်ကြည့်မိသည် ။နှင်းနွယ်နွေးထံမှအကြည့်တစ်ခုနှင့်ဆုံ၏။သည်တစ်ခါ အကြည့်လွှဲမိသည်ကသူဖြစ်သည်။ မသိဟန်ဆောင်ရင်းနှင်းနွယ်နွေးတို့နှင့်ခပ်လှမ်းလှမ်းကခုံမှာဝင်ထိုင်လိုက်၏။
ကျန်သူတွေအစဉ်လိုက်ပါလာသည်။ သူ့ဘေးမှာဝင်ထိုင်၏။

" ကင်း။ခုနတုန်းကမင်းကိုကွင်းကလိုက်ရှိုးနေတယ် "

စိုးညွန့်စကား။ဟုတ်လားဟုမသိသလိုပြော၏။အားလုံးက၀ိုင်းကြည့်နေသည်။

"မင်းလှုပ်ရှားသင့်တယ်။တစ်ခါလောက်ဆရာဆူတာနဲ့လက်လျှော့လိုက်ရင် တို့ယောက်ျာ်းတွေရဲ့ရာဇ၀င် ရိုင်းသွားမှာပေါ့။ရှင်မွေ့နွန်းတို့၊ဂျူးလိယက်တို့ဘယ်သွားထားမလဲ"

စိန်မျောက်မျောက်စကားကြောင့်အားလုံးမျက်လုံးပြူးကုန်သည်။

" သောက်ရူး၊မြှောက်တာလည်းကြည့်မြှောက်။မင်းပြောတာမိန်းမတွေကွ "

ကျော်ဝင်းထွဋ်စကားကြောင့်ဟေဟုဆိုကာစိန်မျောက်မျောက်မျက်လုံးပြူးသွားသည်။သူပြုံးလိုက်၏။ လက်ကာပြလိုက်သည်။အားလုံးငြိမ်သွား၏။

"စက္ကူ မြားမှာစာရေးပြီးပစ်မယ်။ဘယ့်နှယ့်လဲ။ရိုးရိုးစာမရေးဘူး။ကဗျာရေး မယ်ကွာ"

သိပ်ကောင်းတယ်ဟုဝိုင်းပြီးအားပေးကြသည်။ဗလာစာရွက်တစ်ရွက်ကို ထုတ်ပြီးသူ့ရင်ထဲမှာရှိသော ကဗျာတစ်စကိုချရေးသည်။

" ချစ်သူရယ်....
နီရဲနေတဲ့ နှုတ်ခမ်း
အနမ်းပန်းခြွေခွင့်
တစ်နေ့တော့ဖြင့် ပေးသနားစေချင်ပါတယ်"

ရေးပြီးစက္ကူ မြားဖြစ်အောင်ခေါက်သည်။နာမည်မရေးဘူးလားဟုစိုးညွန့် ကမေး၏။ဘာလို့ရေးရမှာလဲကွ ဟုငြိမ်းချမ်းကဖြေသည်။မင်းသိင်္ခ၀တ္ထုထဲက မတစ်ထောင်တစ်ကောင်ဘွားလိုပေါ့၊နှင်းနွယ်နွေး၊ သင့်အားလားပင်စင်ပေးလိုက်သည်၊ပုံ-မင်းထင်ခေါ်ကင်းဆိုပြီးလုပ်မလားလို့ပါဟုစိုးညွန့်ပြောသည်။
စိန်ကောင်းကျောက်ကောင်းရောင်းတဲ့နေရာမှာဆေးရိုးသည်ကန့်လန့်မပါနဲ့ဟုစိန်မျောက်မျောက်ပြောသည်။
အားလုံးဝိုင်းဟား၏။သူခိုးကလူဟစ်လို့ကွာဟုစိုးညွန့်ကချေပသည်။

စက္ကူ မြားပုံဖြစ်သွားသည့်အခါလွတ်နေသောနေရာမှာစာတော့ရေးပေးလိုက်မှဟုတွေးကာ ချရေးဖြစ်သွားသည်။

" နှင်းနွယ်နွေးအတွက်။အထဲမှာကဗျာပါတယ်"
ရေးပြီးတော့ပစ်မည်ဟန်ပြင်စဉ်မှာစိန်မျောက်မျောက်ကဖမ်းတားထားသည်။ဘာလဲကွဟုမေးရင်း စိန်မျောက်မျောက်ကိုကြည့်၏။

" ပြဿနာကတစ်ခါကနှစ်ခါတက်ရင်မကောင်းဘူးကွ။ငါလုပ်ပေးမယ်။ငါကပြဿ နာဖြစ်ရင်ကိစ္စမရှိဘူး။ မင်းကဒီတစ်ခါထပ်ပြီးကွိုင်တက်ရင်ပါးကွဲတော့မယ်။ပေး-ပေး။ခဏလေးစောင့်နေ"

သူ့လက်ထဲကစက္ကူ မြားကိုယူပြီးစိန်မျောက်မျောက်သူတို့နားကထသွားသည်။ ဘာလုပ်မလို့လဲကြည့်နေ စဉ်မှာပင်နှင်းနွယ်နွေးတို့နှင့်ကပ်လျက်နောက်ကခုံတန်းလျားမှာစိန်မျောက်မျောက်ဝင်ထိုင်၏။ မိန်းကလေးတွေထိုင်နေကျ ခုံဖြစ်သော်လည်းမိန်းကလေးများမရောက်သေး၍၀င်ထိုင်နိုင်ခြင်းဖြစ်သည်။

စိန်မျောက်မျောက်ကငြိမ်ငြိမ်လေးကပ်ထိုင်နေတာနှင်းနွယ်နွေးတို့ မသိကြ။ယောကျာ်းလေးများ ရှိရာနောက်ဘက်ကိုလုံးဝလှည့်မကြည့်ဘူးဟုခံယူထားသောသူမတို့၊သည်တစ်ခါတော့ထိချေပြီ။ စိန်မျောက်မျောက် ကနှင်းနွယ်နွေး၏ဆံပင်ရှည်ရှည်ထူထူတွေကြားသို့သူ့စက္ကူ မြားလေးကို အသာထိုးထည့်ပြီးသူတို့အုပ်စုရှိရာပြန်လာသည်။

အနားရောက်တော့ဘယ့်နှယ့်လဲ၊ပြဿနာမကင်းဘူးလား ဟုပြောသည်။တော်တယ်၊တော်တယ်ကွဟု ဆိုကာဝိုင်းပြီးချီးကျူးတော့မျက်နှာကအသားကုန်ပြုံးဖြီးကာသဘောကျနေသည်။အခြေအနေစောင့်ကြည့် ရအောင်ဟုသူကသတိပေးတော့အားလုံး၏မျက်လုံးများကသူမတို့အုပ်စု ဆီရောက်သွားသည်။

နှင်းနွယ်နွေးတို့စာကြည့်ရင်းအချဉ်ထုပ်တွေစားနေတာတွေ့၏။ စိန်မျောက်မျောက်ကအီအီးတွေ ပန်းတော့မှာပဲဟုဆိုသည်။ငြိမ်းချမ်း ကဟေ့ကောင်ကင်း၊ကွင်းကဂွေးသီးတော်တော် ကြိုက်ပုံပဲ။မင်းနဲ့ရရင်များများကျွေးပေတော့ဟုဆိုသည်။ခွေးကောင်တွေ၊မညစ်ပတ်နဲ့ကွာဟုသူပြောလိုက်၏။

ထိုအချိန်မှာပင်နှင်းနွယ်နွေးတို့နောက်တန်းမှာထိုင်နေကျကောင်မလေးတွေဝင်လာ၏။သွားပါပြီကွာဟု သူအော်မိ၏။ထိုကောင်မလေးတွေကနောက်တန်းမှာထိုင်မှာမို့နှင်းနွယ်နွေးခေါင်းကစက္ကူ မြားကိုမြင်လျှင်ဖယ်ပေးမှာသေချာသည်။သူတို့မိန်းကလေးတွေကအဲဒီလိုအရှက်ရမည့်ကိစ္စမျိုး မှာယောကျာ်းလေးတွေလိုမဟုတ်။ယောကျာ်းလေးတွေကခေါင်းပေါ်မှာအမှိုက်တို့၊စက္ကူ တို့တင်နေ တာတွေ့လည်းပြောချင်မှပြောပေလိမ့်မည်။ကြည့်ကောင်းကောင်းနှင့်ကြည့်ကာရယ်ပွဲဖွဲ့မှာသေချာ၏။

မိန်းကလေးတွေကျတော့သူတို့ချင်းအလှချင်း၊အ၀တ်ချင်း၊ပြိုင်ချင်သာပြိုင်ကြ မည်။သူတို့ခန္ဓာကိုယ်မှာ တစ်ခုခုမှားနေတာတွေ့တာနှင့်ပြင်ခိုင်းသည်။ဥပမာ-အင်္ကျီနောက်ကကြယ်သီးပြုတ်နေတာမျိုးပေါ့။

ယခုလည်းစက္ကူ မြားတွေခဏခဏအပစ်ခံထားရသောမိန်းကလေးချင်းမို့ ကိုယ်ချင်းစာကာ ဆွဲဖယ်ပစ်လိမ့်မည်ဟု သူတွေးမိသည်။ထင်သည့်အတိုင်းပင်။ထိုင်ခုံမှာထိုင်မိမိချင်း တစ်ယောက်ကမြင်ပြီးဆွဲဖယ်ပေးလိုက်တာတွေ့သည်။

စိန်မျောက်မျောက်ကပွစိပွစိနှင့်ကျိန်ဆဲနေလေပြီ။သူလည်းမျှော်လင့်ချက်တစ်ခုတော့ပျက်ပြီဟုတွေး၏။ ထိုစဉ်မှာပင်ခုနစက္ကူ မြားကိုဆွဲဖယ် လိုက်သောကောင်မလေးကသူ့လက်ထဲမှစက္ကူ မြားကစာကိုမြင် သွား၍နှင်းနွယ်နွေးတို့ကိုလှမ်းပေးတာတွေ့လိုက်သည်။သူဝမ်းသာသွား၏။

စိန်မျောက်မျောက်ကဗိုင်းနာမ၊ကျေးဇူးတင်လိုက်တာဟုဆို၍သူတို့ရယ်ကြ သည်။ဟုတ်လည်းဟုတ်သည်။ သူတို့ဘာသာသူတို့ဆိုဆွဲဖယ်လွှင့်ပစ်မှာသေချာသည်။ခုတော့နောက်ကလူကမြင်၍ဖယ်ပေးသောအခါ စာကိုတွေ့သွားခြင်းဖြစ်သည်။

စက္ကူ မြားကစာကိုခင်ဝါဦးနှင့်စိုးမမကသဲကြီးမဲကြီးဖတ်သည်။နှင်းနွယ်နွေး ကိုပြောပြတာတွေ့၏။နှင်းနွယ်နွေးက လုံးဝဂရုမစိုက်ဟန်နှင့်စာဆက်ဖတ်နေသည်။ခင်ဝါဦးကစက္ကူ မြားကိုဆွဲဖြန့်လိုက်၏။ပြီးတော့စိုးမမနှင့်နှစ်ယောက်အတူတူဖတ်သည်။ဖတ်ပြီးတော့နှင်းနွယ်နွေး ကိုပြသည်။နှင်းနွယ်နွေးဘာပြောလိုက်သည်မသိ။ခင်ဝါဦးကစက္ကူ မြားလုပ်ထားသောစာရွက်ကို ဆုတ်ဖြဲပြီးလွှင့်ပစ်လိုက်တာတွေ့သည်။

ရင်တစ်ခုလုံးလပ်ဟာသွားသလိုခံစားရ၏။စိန်မျောက်မျောက်ကပထမဦးဆုံးဆိုတော့သည်လောက်တော့ ရှိမှာပေါ့ကွာဟုဆိုသည်။သက်ပြင်းဟင်းခနဲချမိ၏။ပစ်လိုက်တဲ့စက္ကူ မြားတိုင်းကစာတွေကို ဖတ်နေရင်လည်းသူ့အတွက် ဘယ်ကောင်းပါ့မလဲလေဟုတွေးရင်းစိတ်ဖြေသည်။

နှင်းနွယ်နွေးရယ်.........။မင်းကလှလွန်းလို့မာနကြီးနေတာလား။ဝိုင်အိုင်တီကကောင်တွေကဗရုတ်တွေ ချည်းပဲလို့ယူဆထားလို့အထင်မကြီးချင်တာလားကွယ်။

X X X X X
( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]

Thursday, April 6, 2017

" အစဉ်ထာဝရ " ( ၂၀ )

 [ ၁၀ ]

အမေကသူစာကြည့်ရင်းငိုက်မှာစိုး၍ကော်ဖီမစ်က်စ်တစ်ခွက်ဖော်ျပြီးလာချပေးသည်။
သိပ်ညဥ့်မနက်နဲ့သားဟုမှာ၏။ပြီးတော့တံခါးတွေကိုလိုက်ပိတ်ပေးနေတာတွေ့သည်။
သူ့အခန်းကတံခါးပိတ်ထားလျှင်အိုက်လာသည်မို့စာကြည့် တိုင်းပြတင်းပေါက်တံခါးကို ဖွင့်ထားခဲ့သည်။မိုးတွင်းလေအေးအေးကသူ့အခန်းထဲကိုရံဖန်ရံခါဝင်လာတတ်သည်မို့အေးစိမ့်စိမ့်အရသာကို
ခံစားရတတ်၏။ဒါကိုပင်အမေကမကြိုက်။

စာကြည့်ညဉ့်နက်၍အိပ်ရေးပျက်မှာ၊ပြတင်းပေါက်ဖွင့်ထား၍အအေးမိမှာ ၊ခြင်ဆေးခွေများမတရားထွန်း၍ရောဂါရမှာ၊စသည်ဖြင့်သူစာကြည့်တိုင်းအမေကပူပင်ပြီးခဏခဏ လာမှာတတ်သည်။အဖေကတော့တစ်နေကုန်မြို့ထဲက ဆိုင်မှာပန့်များ၊မော်တာများ ၊ပြင်လည်းပြင်၊ရောင်းလည်းရောင်းမို့ညနေမိုးချုပ်အိမ်ရောက်၊ထမင်းစားပြီးအမေနှင့်
စကားပြော၊ပြီးလျှင်တန်းအိပ်တော့တာသူသိသည်။သည်တော့သူစာကြည့်နေသမျှအမေက
အရိပ်လိုကြည့်တာခံနေရတော့၏။

အမေအိပ်ချင်အိပ်တော့လေဟုပြောတော့အေးအေးဟုဆိုကာအမေအိပ်ခန်းဘက်ထွက်သွားသည်။
အမေထွက်သွားမှသူ့စာကြည့်ခုံနားကပြတင်းပေါက်ကိုထဖွင့်ရင်းခြေဆန့်လက်ဆန့်လုပ်၏။
အိမ်ဘေးမှာပန်းအိုးတွေ၊သစ်ပင်တွေရှိသည်မို့ခြင်ထူထပ်၍ခြင်ဆေးထွန်းကာစာကြည့်နေကျ။ပြတင်းပေါက်
မှဖွင့်မထားလျှင်ခြင်ဆေးငွေ့ကအခန်းထဲမှာလှောင်ပြီးထိုအငွေ့များကို သာကြာရှည်ရှုနေရ၍ကြာလျှင်ရောဂါရနိုင်သည်ဟုသူလည်းနားလည်သည် ။ခြင်ဆေးခွေမှာ Chemicalတွေဘယ်လောက်ပါသလဲမသိနိုင်။

အမေကတော့သူ့သားကိုခြင်ဆေးခွေအနံ့ရှူ မိမှာစိုးသော်လည်း အအေးမိမှာစိုးသည်ကြောင့်ပြတင်းတံခါးတွေပိတ်ထားဖို့သာမှာနေခြင်းဖြစ်၏။
သူကတော့အမေလစ်တာနှင့်ပြတင်းပေါက်တံခါးကိုပြန်ဖွင့်ခဲ့သည်ချည်းပင်။သို့မှသာခြင်ဆေးနံ့က
အပြင်ထွက်၍သူလည်းအသက်ရှူ ရကောင်းသည်လေ။

ကော်ဖီမစ်က်စ်ခွက်ကိုလှမ်းယူ၍ပြတင်းပေါက်နားမှာရပ်ရင်းသူ့အခန်းထဲမှ တိုင်ကပ်နာရီကိုလှမ်းကြည့်မိတော့ဆယ့်တစ်နာရီကျော်ပြီ။ကောင်းကင်မှာမိုးသားတိမ်လိပ်တို့ရွေ့
လျားနေတာမြင်၏။လရောင်သည်သာချင်ပါလျက်နောက်ကိုဆုတ်ပေးနေရဟန်ရှိသည်။

အတွေးထဲသို့နှင်းနွယ်နွေးဆရာမကိုတိုင်လိုက်သည့်နေ့ကအဖြစ်အပျက်တွေတန်းစီပြီး
ဝင်လာ၏။ကော်ဖီမစ်က်စ်တစ်ငုံသောက်ပြီးခွက်ကိုစားပွဲပေါ်တင်ထားလိုက်သည်။

အကြည့်တို့ကကောင်းကင်ကမိုးတိမ်ဆီမှာ။သာခွင့်မရသောလဆီမှာ။အတွေးတို့ကအတန်းထဲမှာ။

X X X

" ကဲ-ခုနတုန်းကနှင်းနွယ်နွေးကိုစက္ကူ မြားနဲ့ပစ်တာဘယ်သူလဲ။ထစမ်း"

သင်္ချာဆရာမအတန်းထဲကိုဝင်ဝင်လာချင်းပြောသောစကားကြောင့်သူအပါအ၀င်စိန်မျောက်မျောက်တို့ပါ
မျက်လုံးပြူးသွားသည်။တစ်ကိုယ်လုံးရှိန်းတိန်းဖိန်းတိန်းဖြစ်လာ၏။မှားလေပြီဟုနောက်ကျသောနောင်တကို
ရသည်။ထို မျှလောက်လည်းဖြစ်သွားလိမ့်မည်ဟုမထင်ခဲ့။ယခင်ကစိန်မျောက်မျောက် စနေကျတုန်းကစိတ်ဆိုးလွန်း၍အပြင်ထွက်သွားတာမျိုးပဲလေဟုရိုးရိုးသာတွက်ခဲ့သည်။သူတင်မဟုတ်။
အားလုံးကသည်အတိုင်းပဲတွေးခဲ့ကြသည်ပဲ။

"ငါပြောနေတယ်လေ။ယောကျာ်းမဟုတ်ဘူးလား။ကိုယ့်အပြစ်ကိုကိုယ်ဝန်မခံရဲဘူးလား"

ဆရာမစကားကိုနောက်တစ်ခါကြားစဉ်မှာတော့သူထမည်ပြင်စဉ်သူ့ဘေးကအရိပ်တစ်ခုထရပ်တာတွေ့
သည်။သေသေချာချာကြည့်တော့ စိန်မျောက်မျောက်။သူအံ့အားသင့်သွား၏။

" ဩ-ငါကဘယ်သူလဲအောက်မေ့တယ်။ဆရာကြီးပါပဲလား"

ဆရာမကရွဲ့၍ပြောသည်။သူအလျင်အမြန်မတ်တတ်ထရပ်လိုက်၏။အားလုံးကအံ့အားသင့်စွာငေးကြည့်သည်။
ကင်းကဘာလုပ်တာလဲဆိုသောအသံထွက်လာ၏။ဆရာမကအံ့အားသင့်သွားသည်။

"အမယ်။တယ်လည်းသတ္တိကောင်းကြပါလား။မင်းတို့စတာနောက်တာဋ္ဌာနမှူးအခန်းတင်
မဟုတ်ဘူး။မော်ကွန်းထိန်းရုံးခန်းထိပါရောက်သွားနိုင်တယ်နား လည်လား။ဒါလုပြီးတော့ခံရမယ့်ဟာမျိုးမဟုတ်ဘူးဆိုတာရောသိရဲ့လား။ သူငယ်ချင်းချင်းသိပ်ချစ်မနေနဲ့။ကြားလား"

ဆရာမစကားအဆုံးနှင်းနွယ်နွေးတို့တစ်အုပ်လုံးလှည့်ကြည့်သည်။နား မလည်သောမျက်နှာတွေနှင့်။

"ဒီလိုပါဆရာမ။နှင်းနွယ်နွေးကိုစက္ကူ မြားနဲ့ပစ်တာကျွန်တော်ပါ။ စိန်မျောက်မျောက်နဲ့ဘာမှမဆိုင်ပါဘူး"

စိန်မျောက်မျောက်သူ့ကိုလှည့်ကြည့်သည်။သူနားလည်စွာဘာမျှမဆိုဖြစ်တော့။သူငယ်ချင်းကို
စိတ်ထဲကကျေးဇူးတင်နေမိသည်။

"ကဲ-ဒါဆိုရှင်းပြီ။ဟိုအကောင်ထိုင်စမ်း။သူငယ်ချင်းကိုသိပ်ချစ်တဲ့အတွက် ချီးတော့ချီးကျူးပါတယ်။ ဒါပေမဲ့ဒီနေရာမှာမလိုအပ်ဘူး။နားလည်လား"

ဆရာမစကားအဆုံးစိန်မျောက်မျောက်ထိုင်လိုက်တာသိသည်။သူတစ်ယောက်တည်းတစ်ခန်းလုံးမှာ
မတ်တတ်ကျန်ခဲ့၏။စိန်မျောက်မျောက်ကထိုင်ခုံမှာ ထိုင်ပြီးပြီးချင်းသူ့လက်ကို အားပေးသည့်အနေနှင့်ဖျစ်ညှစ်ဆုပ်ကိုင်၏။

" မင်းကိုတော့ငါမသိသေးပါဘူး။မင်းနာမည်ဘယ်လိုခေါ်လဲ"

" မင်းထင်ပါ "

ဆရာမကိုရဲရဲကြည့်၍ပြောလိုက်သည်။ယောကျာ်းပဲလေ။လုပ်ပြီးရင်ခံရဲ ရမှာပေါ့ဟုမာန်တင်း၏။

" မင်းဘာတွေလုပ်ခဲ့သလဲ။ပြောစမ်းပါဦး "

ဆရာမစကားကြောင့်မျက်နှာရဲခနဲဖြစ်သွားမည်ကိုသိ၏။နှင်းနွယ်နွေးတို့ တိုင်ပြီးသားကြီးကိုသူကရှင်းပြရမည်ဆိုတော့........။

"ကျွန်တော့်မှာအပြစ်ရှိပါတယ်ဆရာမ။ကျွန်တော်ဝန်ခံပါတယ်။အဲဒီအတွက်ဆရာမကြိုက်တဲ့အပြစ်ပေးပါ။
ကျွန်တော်ခံပါမယ်"

ဖြစ်ပြီးသမျှကိုသူရှင်းမပြချင်တော့။ဆရာမနှင့်နှင်းနွယ်နွေးတို့သိပြီးသားမို့ဖြစ်စဉ်ကိုသူ့ဘာသာချုံ့ပစ်
လိုက်သည်။

" ဘာလဲ။ မင်းကမင်းလုပ်ထားတာပြောရမှာရှက်တယ်ပေါ့လေ"

ဆရာမစကားကသူ့မာနကိုထိပါးလာသည်။အပြစ်ရှိတယ်ဟုဝန်ခံပြီးသောသူတစ်ယောက်ကို
အပြစ်ဖော်ထုတ်နေသည်ကအရှက်ခွဲသလိုဖြစ်နေသည်ဟုထင်၏။သို့သော်သူယောကျာ်းပဲလေ။သူ့
မာနကိုတော့ဘယ်တော့မှအပွန်း ခံနိုင်မှာမဟုတ်။

"ကျွန်တော်နှင်းနွယ်နွေးကိုစက္ကူ မြားနဲ့ပစ်ပါတယ်။ပစ်တုန်းကတော့နာပါစေဆိုတဲ့ ရည်ရွယ်ချက်လုံးဝမပါပါဘူး။ကျွန်တော်ပစ်လိုက်တာကတ်ထူစက္ကူဖြစ်သွားတာလည်း
ကျွန်တော်သတိမထားမိလိုက်ပါဘူး။ကျွန်တော်ပစ်လိုက်တော့သူ့ခေါင်းကိုထောက်ခနဲမှန်ပြီးအဲဒီစက္ကူ မြားလွင့်သွားတာတွေ့မှ သူတော်တော်နာသွားမယ်လို့တွေးမိပါတယ်။နှင်းနွယ်နွေးကိုစက္ကူ မြားနဲ့ပစ်တာကျွန်တော်ပါ"

ပြောပြီးရှေ့တူရူကိုတည့်တည့်ကြည့်လိုက်သည်။စိန်မျောက်မျောက် တို့မော့ကြည့်တာ ၊နှင်းနွယ်နွေးတို့လှည့်ကြည့်တာ၊အတန်းသားတွေသူ့ကိုငေးနေတာသူသိသော်လည်းရှက်စိတ်နှင့်
ဘာကိုမျှမမြင်သလိုဖြစ်နေသည်။

" ဒါဖြင့်မင်းအပြစ်ကိုမင်းသိတယ်ပေါ့"

" ဟုတ်ကဲ့ "

" ကောင်းပြီ။မင်းနှင်းနွယ်နွေးကိုအခုတောင်းပန်ပါ။ဒီကိုလာခဲ့"

ခင်ဗျာဟုသူ့နှုတ်ကထွက်သွားသည်။ဆရာမကသူ့ကိုစိုက်ကြည့်နေ၏။သူ့ကိုယ်သူအတတ်နိုင်ဆုံးစိတ်ကို
ထိန်းကာနှင်းနွယ်နွေးတို့ထိုင်ခုံရှိရာရှေ့ဆုံး တန်းနားကိုသွားသည်။ဆရာမကိုမော့ကြည့်လိုက်၏။

"မိန်းကလေးတစ်ယောက်မျက်ရည်ကျလောက်အောင်မခံနိုင်အောင်စတဲ့မင်းတို့လိုကျောင်းသားတွေအတွက်
စံနမူနာဖြစ်အောင်ဆုံးမတာပါ။ဆရာမကို စိတ်မဆိုးပါနဲ့"

ရပါတယ်ဆရာမဟုပြောလိုက်သည်။နှင်းနွယ်နွေးကိုတစ်ချက်လှမ်းကြည့်တော့သူ့ကို
မကြည့်ဘဲရှေ့တည့်တည့်ကBlackboardကိုငေးနေတာတွေ့သည်။

" နှင်းနွယ်နွေးကိုစက္ကူ မြားနဲ့နာကျင်အောင်ပစ်မိတဲ့အတွက်ကျွန်တော်တောင်းပန်ပါတယ်။ အဲဒီအတွက်ကျွန်တော့်ဘက်ကဘာပဲလုပ်ပေးရ၊လုပ်ပေးရပါ"

" ကဲ-သမီး၊ဘယ်လိုလဲ။ကျေနပ်ပြီလား"

ရပါတယ်ဆရာမဟုပြောသံကြားလိုက်သည်။သူဆရာမကိုမော့ကြည့်လိုက်၏။ရပြီသွားတော့ဟုဆို၍
သူ့နေရာဆီပြန်လျှောက်သည်။ခြေလှမ်းတို့ကသိပ်မမှန်ချင်။သီရေတာများဖြစ်၍အတန်းရှေ့အနိမ့်ဆုံး
အဆင့်မှအတန်းအလယ်၊သူ့ထိုင်ခုံများရှိရာကိုတစ်ထစ်ချင်းတက်ရသည်ကပင်မောချင်ချင်။

" ကင်းရာ။ငါတို့စိတ်မကောင်းပါဘူး"

ထိုင်ခုံမှာထိုင်ပြီးပြီးချင်းစိန်မျောက်မျောက်ကပခုံးဖက်၍ပြောသည်။ရပါတယ်ကွာဟုပြောလိုက်ပြီးဆရာမ
Blackboardဖျက်တာစောင့်နေလိုက်သည်။

စာအုပ်ကိုခုံပေါ်တင်တော့ဆရာမကအတန်းရှေ့မှာမတ်တတ်ရပ်ရင်းလှမ်းအကဲခတ်နေတာတွေ့သည်။
မသိယောင်ဆောင်ရင်းဘောလ်ပင်ကောက်ကိုင်လိုက်၏။

"ကဲ-အားလုံးပဲ။ဒါပထမဆုံးနဲ့နောက်ဆုံးဖြစ်ပါစေလို့ဆရာမပြောချင်တယ်။ မင်းတို့ကနောင်တစ်ချိန်မှာ အင်ဂျင်နီယာဖြစ်မယ့်လူတွေ၊လူကြီးလူကောင်းပီသရမယ်။ဆုံးဖြတ်ချက်မှန်ရမယ်။ရဲရင့်ပြတ်သားရမယ်။
ရွှတ်နောက်နောက်၊ပြောင်စပ်စပ်အမူအကျင့်တွေကိုကျောင်းမှာပဲထားခဲ့ပါ။ကျောင်းသားဘ၀ပျော်ချင်၊
ကဲချင်ကြမယ်ဆိုတာဆရာမနားလည်တယ်။ဒါပေမဲ့လူတစ်ဖက်သားမခံနိုင်အောင်၊က္ကုနြေ္ဒပျက်အောင်နောက်
တာမျိုးတော့ဆရာမတို့ခွင့်မလွှတ်ဘူး။မင်းတို့အတွက်သတ်မှတ်ထားတဲ့စည်းကမ်းတွေရှိတယ်။မော်ကွန်းထိန်း
ဆရာတွေရှိတယ်။ပြီးတော့မင်းတို့ကဒုတိယနှစ်ကျောင်းသားတွေ။စာကိုပဲအာရုံစိုက်ကြရမယ့်အချိန်။
ဘယ့်နှယ့်ကွယ်။ကြည့်လည်းလုပ်ကြပါ။အချိန်တန်လို့မှကိုယ်လိုချင်တဲ့လိုင်းမရလို့ငိုကြွေးနေရဦးမယ်။
ဆရာမသိပ်မပြောချင်ပါဘူး။ခုတော့ငါးခုံးမတစ်ကောင်ကြောင့်တစ်လှေလုံးပုပ်ဆိုတာမျိုးဖြစ်ရပြီ။
ဟုတ်လား။မင်းတို့ကိုဆုံးမရလို့စာသင်ချိန်လည်းလျော့ကုန်တယ်။ကောင်းသေးလား။ဟင်။ကဲ-ကဲ။တော်ပြီ။ဒါပဲနော်။ဒီတစ်ခါပဲကြားချင်တယ်။ စာဆက်သင်မယ်"

ဆရာမကပြောပြီးBlackboardမှာစာတွေချရေးနေချိန်မှာသူ့မျက်စိထဲဝေ ၀ါးနေခဲ့လေပြီ။ သူ့ကြောင့်တစ်ခန်းလုံးအပြောခံရတာပဲဟူသောအသိနှင့်စိတ်မကောင်းချင်။စာတွေလိုက်မကူးဖြစ်တော့ဘဲ
စာအုပ်ကိုပိတ်ထားလိုက်၏။

သိပ်မကြာလိုက်။အချိန်ပြောင်းဘဲလ်သံကြားရသည်။ဆရာမကသူ့စာရွက်တွေသိမ်းပြီးထွက်သွားတော့
သူလည်းသူ့စာအုပ်ကိုလွယ်အိတ်ထဲ ထည့်သည်။ဘောလ်ပင်ကိုအဖုံးပိတ်ပြီးလွယ်အိတ်ထဲပစ်ထည့်
၍နေရာကထ၏။ပုဆိုးပြင်ဝတ်လိုက်သည်။

" ဟေ့ကောင်။ဘယ်လဲ"

စိုးညွန့်ကလှမ်းမေးသည်။လွယ်အိတ်ကိုကောက်လွယ်လိုက်၏။

" Roll Sheet ကြည့်ထိုးလိုက်ကွာ။ငါပြန်တော့မယ်"

ပြောပြီးကောက်ကာငင်ကာလှည့်ထွက်လာသည်။အားလုံးကြောင်တက် တက်နှင့်ကျန်ခဲ့၏။ အယ်လ်ဖိုက်နှင့်အယ်လ်ဆစ်က်စ်နောက်ပေါက်လှေကားမှဆင်း၍ချစ်သူတို့လမ်းကလေး
အတိုင်းလျှောက်သည်။

ကျောင်းပေါ်မှလေယာဉ်ပျံတစ်စင်းပျံသွားတာတွေ့၏။

ခုချက်ချင်းပင်ကျောင်းထဲကလွင့်ပျံသွားချင်ခဲ့တာတော့အမှန်ပင်။

X X X

အေးစက်စက်လေကဝေ့ခနဲကိုယ်ကိုအရိုက်မှာချမ်းစိမ့်စိမ့်ဖြစ်သွားသည်။ အတွေးကိုဖြတ်ကာပြတင်းဝမှခွာ၏။ကော်ဖီမစ်က်စ်ကိုတစ်ငုံသောက်ပြီး စာကြည့်ဖို့ပြင်သည်။
ကျူတိုရီယယ်တက်စ်တွေတောင်နီးလာပြီပဲဟုတွေးသည်။

စာမေးပွဲမှာနှစ်ဆယ်ဖိုးပေါင်းသည်မို့အရေးကြီးတာနားလည်၏။လက်တွေ့မလုပ်ရသောဘာသာရပ်များတွင်
ကျူတိုရီယယ်တက်စ်နှစ်ဆယ်ဖိုး ကတော့စာသင်နှစ်ဝက်မှာအမြဲတမ်းစာမေးပွဲဖြေရသည်။
ကျူ ရှင်မယူသောသူတို့အုပ်စုတစ်စုတဝေးတည်းစာတိုင်ပင်ဖို့ ဇီဝကမှာတစ်ညလောက်သွားအိပ်ဦးမည်ဟုဆုံးဖြတ်၏။တိုင်တိုင်ပင်ပင်နှင့် လုပ်လျှင်နားမလည်တာမရှိနိုင်တော့သည်ကိုသူသိသည်ပဲ။

ဒုတိယနှစ်ကအရေးကြီးတာလည်းပါသည်။ပထမနှစ်တုန်းကကျူ တိုရီယယ် တက်စ်စာမေးပွဲဖြေရမည်ဆိုသောအခါဘုမသိဘမသိ၊စာမေးပွဲဆို၍သာ ၀င်ဖြေခဲ့ရသည်။ခံစားချက်ကယခုလိုမဟုတ်။ခုတော့မေဂျာခွဲမှာမို့ရနိုင် သလောက်အမှတ်ကိုတော့ယူမှဖြစ်မည်တွေး၏။

ဆရာမကဆူခဲ့သောအဖြစ်အပျက်ကိုမြင်ယောင်ရင်းစိန်မျောက်မျောက်ကို စတာနောက်တာလျှော့ဖို့၊စာတွေဘာတွေလုပ်ဖို့ပြောရဦးမည်တွေးသည်။သူကိုယ်တိုင်ကတော့
အစကတည်းကမည်သူ့ကိုမျှလုံးဝမစမနောက်ခဲ့တာပဲလေ။

ဘာပဲဖြစ်ဖြစ်ဆရာမကိုတော့ကျေးဇူးတင်ရသည်။ဆရာမကြောင့်သူနောက် ထပ်မမှားနိုင်တော့ဟုယုံကြည်လာခဲ့သည်ပဲ။ပြီးတော့နှင်းနွယ်နွေးကိုပါကျေးဇူးတင်ရသည်။သူက
သွားတိုင်လိုက်လို့၊ကိုယ့်ဘက်ကမစမနောက်ရဲတော့တာ၊ကိုယ်တိုင်ခံစားသိရှိလာရသည်ပဲ။

တစ်ခုပဲကွာသွားသည်။နှင်းနွယ်နွေးကိုတော့ကျေးဇူးတင်သော်လည်းသူ့ဘက်ကချစ်ခွင့်ပန်ဖို့ကြိုးစားခွင့်တွေ
ဆုံးရှုံးသွားသလိုခံစားရခြင်းပင်။သူ့ကို အထင်ကြီးစရာနှင်းနွယ်နွေးမှာရှိနိုင်ပါဦးမလားဟုတွေး၏။

ထိုအခါ၌နှင်းနွယ်နွေးကိုပစ်ခဲ့သောစက္ကူ မြားတစ်စင်းသည်သူ့ရင်မှာပြန် စိုက်နေသည့်နှယ်ခံစားနေရပြန်သည်။

X X X X X

( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]

Friday, March 31, 2017

" အစဉ်ထာဝရ " ( ၁၉ )

 [ ၉ ]

" တောက် "

သည်တစ်ခါတောက်ခေါက်တာနှင်းနွယ်နွေးဆီကမဟုတ်။စိန်မျောက်မျောက်ဆီကဖြစ်သည်။
ဝါ၀ါဦးလက်ဖက်ရည်ဆိုင်၏လမ်းမဘက်အကျဆုံးထောင့်စွန်းမှာထိုင်နေစဉ်နှင်းနွယ်နွေးတို့အုပ်စု၊
ကင်တင်းန်တစ်ဖက်ခြမ်းနွေးအေးဆိုင်ထဲဝင်သွားတာတွေ့လိုက်၍စိန်မျောက်မျောက်တောက်ခေါက်
လိုက်ခြင်းဖြစ်သည်။

သူတို့ကင်တင်းန်ကမြေနိမ့်ပိုင်းထဲမှာရှိ၍ဆိုင်တန်းနှစ်တန်းမျက်နှာချင်းဆိုင်ရှိသည်။
ထိုဆိုင်တန်းများအလယ်မှာပုဏ္ဍရိက်တန်းများနှင့်အပင်ကြီးတချို့သာရှိ၍ဟိုဘက်ခြမ်း
သည်ဘက်ခြမ်းလှမ်းမြင်ရခြင်းဖြစ်သည်။

" ကင်း-မင်းတော်တော်ရှက်နေလား"

ငြိမ်းချမ်းကမနေ့ကကိစ္စကိုသတိတရနှင့်မေးသည်။လက်ဖက်ရည်ခွက်ထဲမှ ဇွန်းကိုဆွဲယူရင်းခွက်ထဲမှာမွှေနေမိ၏။အားလုံး၏အကြည့်ကသူ့ဆီ မှာရောက်နေတာသိသည်။

"ငါ့ဘ၀မှာခုချိန်ထိဆရာ၊ဆရာမကအခန်းထဲမှာပေါ်တင်ကြီးဆူတာမျိုးတစ်ခါမှမခံဖူးဘူး။
ခုဟာကကွာ၊တက္ကသိုလ်လည်းတက္ကသိုလ်ဆိုတော့ငါရှက်တာပေါ့ ။အေးလေ။ဒါပေမဲ့မော်ကွန်းထိန်းရုံးခန်းမရောက်ဘဲသင်္ချာဆရာမနဲ့တင်ပြီးသွားတာပဲ
သူတို့ကိုကျေးဇူးတင်ရမယ်ထင်ပါရဲ့"

"မင်းပဲကျေးဇူးတင်။တတ်လည်းတတ်နိုင်တဲ့ကောင်။မင်းစိတ်ဝင်စား သလောက်ဟိုကဖြင့်မင်းကိုငါတို့နဲ့ရောပြီးဗရုတ်ကျတဲ့ကောင်ပဲထင်ထားတာဟေ့ကောင်"

ကျော်ဝင်းထွဋ်စကားကိုနားထောင်ရင်းလက်ဖက်ရည်ခွက်ထဲမှဇွန်းကိုပန်း ကန်ပြားထဲထည့်၊ပြီးတော့လက်ဖက်ရည်တစ်ငုံလောက်သောက်လိုက်သည်။
ချိုအီအီအရသာကခါးသက်နေသယောင်။

"ငါမှားတာပဲကွာ။ငါခွင့်လွှတ်ပါတယ်။ဒါပေမဲ့သူအဲဒီလောက်ဖြစ်သွားမယ်လို့မထင်မိဘူး။
စိန်မျောက်မျောက်ပစ်လိုက်တဲ့စက္ကူ မြားစိုးမမကိုမှန်တော့သွား စိုက်ပြီးပြုတ်ကျတာတွေ့လို့ငါလည်းသူ့ဆံပင်ရှည်တွေကြားကိုစက္ကူ မြားစိုက်သွားရင်ဘယ်လိုနေမလဲဆိုပြီးစမ်းကြည့်လိုက်တာ။ကံကမလိုက်တော့ခေါင်း
ကိုတိန်ခနဲမြည်အောင်မှန်ပြီးငါ့အပြစ်ဖြစ်သွားတာပါကွာ "

"ငါတို့နားလည်ပါတယ်။မင်းကငါတို့မျက်နှာပြောင်တိုင်းလိုက်ပြောင်နေတာမှမဟုတ်တာ။
ငါတို့စနောက်နေတာကိုပဲပျော်နေတာမဟုတ်လား။ငါတို့ခံပြင်းတာအဲဒါပဲကွ။တစ်ခါတလေ
စမိတဲ့မင်းကိုမှအရှက်ရ၊အပြစ်ရအောင်လုပ် လိုက်ကြလို့"

" သူတို့ကတော့ဘယ်သူဘယ်ဝါရယ်လို့ရည်ရွယ်ပြီးလုပ်ဟန်မတူပါဘူး"

ငြိမ်းချမ်းကိုသူကဖြေရှင်းချက်ပြန်ပေးနေမိသည်။နှင်းနွယ်နွေးသူ့ကိုရည်ရွယ်၍တိုင်တာ
မဟုတ်မှန်းသူသိနေသည်ပဲ။

"မင်းကတော့ကွင်းကိုတော်တော်ကြွေနေပုံပဲ။တော်တော်ကြီးလည်းခွင့် လွှတ်နိုင်စွမ်းတယ်"

"ငါ့ဘက်ကစမှားတာပဲစိုးညွန့်ရာ။ခွင့်လွှတ်ရမှာပေါ့။အေး-ပြီးတော့နောင်တလည်းရတယ်။
ငါသူ့ကိုနောက်ဆိုစရဲနောက်ရဲမှာမဟုတ်တော့ဘူး"

"မင်းသာမစရဲရင်ရှိရမယ်။စိန်မျောက်မျောက်ကတော့နေမှာမဟုတ်ဘူး"

စိုးညွန့်ကနွေးအေးဆိုင်ဘက်လှမ်းကြည့်၍ပြောတော့စိန်မျောက်မျောက်ကခုံကို
လက်နှင့်ပုတ်ပြီးစိုးညွန့်ကိုကြည့်သည်။

"သိပ်ဟုတ်တာပေါ့စိုးညွန့်ရာ။ခုမှပွဲကကောင်းလာတာ။မပဲနဲ့တို့အုပ်စု နဲ့တွေ့ပြီပေါ့ကွာ။ဪ-ဒါနဲ့ကင်းရေ။မင်းဘာသာမစရဲတာ မနောက်ရဲတာတော့ထားပါတော့။ကွင်းကိုတော့လက်မလျှော့နဲ့နော်"

"ရပါလိမ့်မယ်စိန်မျောက်မျောက်ရာ။မင်းလုပ်ပုံနဲ့ကင်းကကွင်းဆီကမေတ္တာရမရတော့မသိဘူး။သောကတွေ
တစ်ပုံတစ်ပင်ရမှာတော့မြင်ယောင်သေး"

"ငါနောက်မှာကွင်းကိုမဟုတ်ဘူးငြိမ်းချမ်းရ။ဝတုတ်မနဲ့ငါးဖောင်ရိုးခြောက်ကို"

သူတို့အားလုံးပြုံးဖြစ်သေးသည်။

"ဘာထူးလဲ။သူတို့ကကွင်းရဲ့သူငယ်ချင်းတွေပဲ။နာချင်းနာသူ့သူငယ်ချင်းတွေဘက်ကနာမှာပေါ့။ပြီးတော့
ကင်းကငါတို့နဲ့တွဲနေတော့ကင်းပါရောပြီး အထင်သေးခံရရော"

"ဒီလောက်တော့ရပါတယ်စိုးညွန့်ရာ။စိန်မျောက်မျောက်ကဖတ်စ်ရီးယား ကတည်းကအကြွေးကိုရှင်းချင်နေတာ။ငါ့ကိုသိပ်ငဲ့မနေပါနဲ့။ကောင်မလေး တစ်ယောက်အတွက်ငါ့သူငယ်ချင်းတွေရဲ့ပျော်ရွှင်မှုကိုငါမပိတ်ပင်ပါဘူး။ ငါလည်းငါ့ခွင်နဲ့ငါကြိုးစားမှာပဲ။လုပ်သာလုပ်စိန်မျောက်မျောက်။ငါမကန့်ကွက်ဘူး"

သူ့စကားအဆုံးမှာအားလုံးကသူ့ကိုအံ့အားသင့်စွာငေးကြည့်သည်။
စိန်မျောက်မျောက်ကဒါမှသူငယ်ချင်းကွဟုထအော်၏။ဆိုင်မှအစ်ကိုကြီးတွေကတော့သူတို့အုပ်စုကို
သိပြီးသားမို့ပြုံးနေသည်။

"မင်းမနေ့ကကိစ္စကိုစိတ်နာလို့စိန်မျောက်မျောက်ကိုလွှတ်ပေးလိုက်တာလား-ကင်း"

"ဟေ့ကောင်စိုးညွန့်။စကားပြောတာနားထောင်ကောင်းအောင်ပြော။ဘာလဲကွ။
ငါ့ကိုလွှတ်ပေးရအောင်ငါကလှောင်အိမ်ထဲထည့်ပြီးအလှောင်ခံထား ရတဲ့ကောင်ကျနေတာပဲ။ဘေးကကြားရင်တကယ့်မျောက်ထင်နေဦးမယ်"

စိန်မျောက်မျောက်ကရေနွေးအိုးကိုဆွဲမရင်းပြောတော့သူတို့ရယ်မိသည်။ မဟုတ်ဘူးလားကွဆိုသောကျော်ဝင်းထွဋ်အသံထွက်လာ၏။စိန်မျောက်မျောက်ကရေနွေးခွက်ထဲရေနွေး
ထည့်၍ကျင်းနေတုန်းမို့ကျော်ဝင်းထွဋ်ခြေထောက်ရှိရာလှမ်းပက်သည်။ကျော်ဝင်းထွဋ်ခြေထောက်မြှောက်
၍ရှောင်၏။

"စကားကောင်းလာရင်လုပ်ပြီကွာ။ခဏနေစမ်းပါဦး။ဒီလိုကွစိုးညွန့်ရ။ငါက သူ့ကိုကြွေနေတော့စိတ်မနာပါဘူး။သူငါ့ကိုစိတ်ဆိုးမှာလည်းမလိုလားဘူး။ ဒါပေမဲ့ကွာ၊သူအဲဒီလိုစိတ်ဆိုးသွားတိုင်းဖြစ်လာတဲ့အမူအရာလေးတွေကငါ့ကိုအရမ်းကြည်နူးစေတယ်ကွ။
ရင်ထဲမှာကလိကလိနဲ့"

ဝါးဟားဟားဆိုပြီးရယ်သံတွေထွက်လာသည်။ဘာဖြစ်တာလဲကွဆိုတော့မင်းစကားကြီးက၊
ကဗျာမဆန်လို့ကွဟုစိုးညွန့်ပြောတော့ရှက်ပြီးခေါင်းကုတ်မိသည်။ဆက်ပြောပါဦးဟုကျော်ဝင်းထွဋ်ဆို၏။

"ဒီတော့ကွာ၊ငါကတော့တစ်ခါရှက်ပြီးပြီမို့ထပ်မစရဲပါဘူး။စိန်မျောက်မျောက်တို့၊မင်းတို့စလို့
သူစိတ်ဆိုးလာမယ့်ပုံလေးကိုပဲကြည့်ပြီးခံစားတော့မယ်"

သူ့စကားအဆုံးကောင်းကွာဆိုသောစိန်မျောက်မျောက်အသံထွက်လာသည်။ငါ့ကိုတစ်ခါတည်းမော်ကွန်းထိန်း
ရုံးခန်းပို့နေတာလားဆိုတော့မဟုတ်ပါဘူးကွာ၊ပါ/ချုပ်ရုံးခန်းတင်ပါဟုငြိမ်းချမ်းက၀င်ပြော၍ခွေးကောင်ဟု
ဆိုကာ စိန်မျောက်မျောက်ရယ်နေသည်။

"မနေ့ကသချာင်္ဆရာမအချိန်ပြီးသွားတော့မင်းချက်ချင်းထွက်သွားတာငါတို့ ကိုယ်ချင်းစာမိပါတယ်။အတန်းထဲကကောင်တွေကတောင်မေးနေသေးတယ်။ငါတို့ရှင်းပြလိုက်တယ်။
အဲဒီလောက်တိုင်စရာမလိုဘူးထင်တယ်လို့ ၀ိုင်းပြောကြတယ်။သူတို့အုပ်စုကိုကပဲခပ်များများမို့ပါကွာတဲ့"

"ငါပြောပြီးပြီပဲကွာ။ဆရာမဆူတယ်။ရှက်သွားတယ်။ငါလည်းမှားတယ်လို့ဝန်ခံလိုက်တယ်။နောက်
မှာနှစ်ချိန်ရှိသေးတာပဲ။ဒါပေမဲ့ထပြန်ခဲ့တယ်။ဒီ မျက်နှာကြီးနဲ့ဘယ်လိုဆက်ပြီးစာသင်ရဲတော့မလဲကွာ"

လက်ဖက်ရည်တစ်ငုံလောက်ထပ်သောက်လိုက်ပြန်သည်။သူငယ်ချင်းတွေကမနေ့ကအဖြစ်ကို
နားလည်စွာဘာစကားမျှမဆိုကြတော့။သူတို့အတွေးမှာ မနေ့ကအဖြစ်တွေပေါ်နေသလိုရှိ၏။သူကိုယ်တိုင်ရော။သူကိုယ်တိုင်လည်း ဘယ်တော့မျှမေ့နိုင်မှာမှမဟုတ်ပဲလေ။

X X X X X
( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]

Monday, March 27, 2017

" အစဉ်ထာဝရ " ( ၁၈ )


" ပဲ.......ဟဲ..ဟဲ။ ပဲ......ဟဲ..ဟဲ"

အတန်းထဲမှာထိုင်မိရုံရှိသေးသည်။စိန်မျောက်မျောက်ဘယ်သူ့ကိုစနေမှန်းမသိ။ရုတ်တရက်ရှေ့ကို လှမ်းကြည့်တော့နှင်းနွယ်နွေးတို့အုပ်စုနှင့် တခြားကောင်မလေးသုံးလေးယောက်ကိုတွေ့သည်။ခင်ဝါဦးနောက် လှည့်ကြည့်သည်။ဒေါသထွက်နေသောအကြည့်။ခဏမျှစူးစိုက်ကြည့်ပြီးပြန် လှည့်သွားသည်။

" ဟေ့ကောင်စိန်မျောက်မျောက်။ဘယ်သူ့ကိုစတာလဲ။ဘာဖြစ်လို့လဲ"

ကျော်ဝင်းထွဋ်ကစိတ်ဝင်တစားမေးသည်။

"ခင်ဝါဦး၊၀တုတ်မကိုစနေတာ။မနက်ကဘော်ဒါတစ်ပွေနဲ့တွေ့တယ် ။ဟေ့ကောင်မင်းတို့အတန်းထဲက၀တုတ်မကပဲများလာတယ်တဲ့။ငါတို့ဝိုင်းစလိုက်တာလစ်ပြေးရောတဲ့။
ဆံပင်ကလည်းနည်းနည်းရှည်လာတော့ယမ်းလာတယ်တဲ့။လမ်းလျှောက်တာလည်းအိုက်တင်က
လုပ်သလားမမေးနဲ့တဲ့။မျက်နှာကိုလည်းပြင်ထားတာကလေးမသာရုပ်
ကျနေတာပဲတဲ့။အဲဒါနဲ့ပဲများလွန်းလို့၊ပဲဆိုပြီးနောက်နေကြတယ်တဲ့။အဲဒါနဲ့ငါကရောပြီးနောက်နေတာ"

ဪ-ဪဟုဆိုကာကျော်ဝင်းထွဋ်ငြိမ်သွားသည်။သူကနှင်းနွယ်နွေးကိုအကဲခတ်ကြည့်၏။
ဆံပင်နည်းနည်းပိုရှည်လာသည်။ပါတိတ်အင်္ကျီလက်ပြတ်ကို ၀တ်ထားသည်မို့လက်မောင်းသားဖွေးဖွေးကိုမြင်နေရသည်။သွယ်လျစွာဆင်းသွားသောလက်တံများက
လှပလွန်း၏။

" မျက်တောင်လေးဘာလေးခတ်ဦးကင်းရေ။ရောဂါတော့တက်ပြီထင်တယ်"

စိန်မျောက်မျောက်ကသူ့မျက်နှာရှေ့မှာလက်ကိုဟိုရွှေ့သည်ရွှေ့လုပ် ရင်းနောက်သည်။ရှက်ပြုံးပြုံးမိ၏။

" မတွေ့ရတာကြာလို့ထင်တယ်။လှလာတယ်ကွာ"

"နယ်မှာဘဲတွေဘာတွေရလာပြီထင်တယ်။တချို့ကတစ်သားမွေးတစ်သွေးလှဆိုပဲ"

ငြိမ်းချမ်းစကားကြောင့်နိမိတ်မရှိကွာဟုပြောဖြစ်လိုက်၏။

" မင်းပြောတော့စိတ်မ၀င်စားဘူးဆို"

စိုးညွန့်ကသူ့ဘေးမှစိန်မျောက်မျောက်ကိုကျော်၍မေးသည်။သူပြုံးလိုက်၏။

" ဟိုတုန်းကဟုတ်ချင်ဟုတ်မယ်။ခုရေရေလည်လည်စိတ်ဝင်စားသွားပြီကွာ"

သူ့စိတ်ထဲရှိသည့်အတိုင်းအမှန်အတိုင်းဝန်ခံလိုက်၏။ဟေး-ဒါမှ ကင်းကွဟု တစ်အုပ်စုလုံး
ထအော်သည်။အတန်းထဲကအားလုံးလှည့်ကြည့်၏ ။ယောကျာ်းလေးတွေကပြုံးစိစိနှင့်။
ဘာမှန်းမသိလည်းရယ်စရာဆိုအလိုလို ဓာတ်ကူးသည်လားမပြောတတ်။
သို့မဟုတ်သူတို့အုပ်စုကိုပဲငလောင်၊ ငပြောင်များဖြစ်၍ရယ်စရာဟု
သတ်မှတ်ထားသလားမဆိုနိုင်။သူတို့ဆီက အသံတစ်ခုခုအော်ကြီးဟစ်ကျယ်ထွက်မသွားနှင့်။
ဘာမှန်းမသိဘဲနှင့်ကိုလိုက်ရယ်နေကြလေသည်။

သို့သော်သူတို့အုပ်စုကိုအတန်းထဲကလူတွေလိုလိုက်မရယ်ကြသူများ ကတော့နှင်းနွယ်နွေးတို့အုပ်စုသာရှိ၏။ယခုလည်းအသံကြားသည်ကိုလှည့်၍မျှပင်
မကြည့်ကြ။နှင်းနွယ်နွေးကိုစိတ်ဝင်စားနေသောသူ့အဖို့အင်မတန်အားတက်ချင်စရာကောင်းလှသည်။

" ပဲချည်းပဲ။သူတို့ကိုယ်သူတို့ဘာမှတ်နေလဲမသိဘူး"

စိန်မျောက်မျောက်ကစက္ကူ မြားတစ်ခုလုပ်ရင်းပြောတော့သူအားနာသွားသည်။

" ဟေ့ကောင်စိန်မျောက်မျောက်။ပြဿ နာမရှာနဲ့နော်။သူတို့ဘာသာသူတို့ ရယ်ချင်ရယ်မယ်၊မဲ့ချင်မဲ့မယ်။မင်းနဲ့ဘာမှမဆိုင်ဘူး။မင်းကင်းကိုအားနာသင့်တယ်"

စိုးညွန့်ကတွေးတွေးဆဆပြောသည်။သူကတော့သူငယ်ချင်းများကိုနားလည်စွာဘာမျှမဆိုတော့။

"ကင်းကိုခင်တာမင်းတို့လည်းသိပါတယ်။ငါသူတို့အုပ်စုကိုတင်းနေတာလည်းမင်းတို့သိတာပဲ။
သူတို့နာကြည်းလောက်အောင်တော့မစပါဘူးကွာ။သူတို့ကဖတ်စ်ရီးယားစတက်တဲ့နေ့ကတည်းက
ငါနဲ့ကင်းကိုဗလာချီကြီးရန်လာတွေ့တာကွ။အဲဒါကိုမခံနိုင်လို့"

စိန်မျောက်မျောက်ကသူတို့ကိုပြောရင်းသူလုပ်ထားသောစက္ကူ မြား ကိုနှင်းနွယ်နွေးတို့ဆီဦးတည်၍
လွှတ်လိုက်၏။ခင်ဝါဦးခေါင်းကိုတောက်ခနဲသွားမှန်သည်။ခင်ဝါဦးလှည့်ကြည့်တော့သူတို့အားလုံး
မသိချင်ယောင်ဆောင်နေ၏။ရှေ့ပြန်လှည့်သွားတာတွေ့သည်။

သူလည်းစက္ကူ မြားတစ်ခုလုပ်လိုက်၏။စိန်မျောက်မျောက်ကကတ္တူ စက္ကူ နှင့်စက္ကူ မြားလုပ်ပြီး'ကိုကိုစိန်မျောက်မျောက်ရဲ့မေတ္တာလက်ဆောင် သ၀ဏ်လွှာ'ဆိုပြီးစာရေး၍ပစ်လိုက်သည်။စိုးမမ၏ခေါင်းကိုတိုက်ရိုက်မှန်၏။ဆံပင်ကြားမှာစိုက်ပြီးကတ္တူ စက္ကူ မို့လေးလွန်း၍ထင်သည်။ တအိအိနှင့်ပြုတ်ကျသွားတာတွေ့၏။ယောကျာ်းလေးများဝိုင်းရယ်သည်။

ကြည့်လုပ်စိန်မျောက်မျောက်ရေ။အရိုးစူးမယ်ကွဟုတစ်ယောက်ကအော်သည်။ဝါးခနဲပွဲကျသွား၏။စိုးမမက
ပိန်လွန်းတာသူတို့သိနေသည်ပဲ။စူးချင်စူးပါစေ၊မျိုချမယ်ကွာဟုစိန်မျောက်မျောက်ပြန်ပြောတော့
ရယ်သံတွေစီသွားပြန်သည်။သူလည်းပြုံးရင်းနှင့်စက္ကူ မြားတစ်ခုနှင်းနွယ်နွေးကိုချိန်၍ပစ်လိုက်သည်။

ခေါင်းကိုတောက်ခနဲမှန်ပြီးလွင့်ထွက်သွား၏။သူ့ဘာသာအံ့ဩမိသွားသည်။သူပစ်လိုက်တုန်းကထိုမျှအားပြင်း
မည်မထင်။ကိုယ့်လက်မှန်းကိုကိုယ်သိသည်။အမှန်ကသူ့ပေါ့လျော့မှုဖြစ်သည်။ပစ်လိုက်တာစက္ကူ ပျော့မဟုတ်။ကတ္တူစက္ကူဆိုတာသတိမထားမိလိုက်။နှင်းနွယ်နွေးတော့ခေါင်းကျိန်းပြီဟုတွေး
လိုက်မိသေးသည်။

" တောက်။နင်တို့နှမချင်းမစာနာတဲ့ကောင်တွေပဲ။နင်တို့ငါ့အကြောင်းသိ ရစေမယ်"

ထင်သည့်အတိုင်းပင်။နှင်းနွယ်နွေးမကျေမနပ်ဖြင့်သူတို့အုပ်စုဘက်ကို လှည့်ပြောတာတွေ့၏။တော်တော်နာသွားသည်ထင်သည်။မျက်ရည်များပင် ၀ိုင်းနေ၏။သူလည်းပစ်ပြီးမှအားနာသွားသည်။

နှင်းနွယ်နွေးတို့အုပ်စုအပြင်ထွက်သွားကြတာတွေ့၏။စိတ်ဆိုး၍ထသွားသည်ဟုပဲအားလုံးထင်လိုက်ကြ
သည်။စိန်မျောက်မျောက်ကအချစ်စမ်းတာနည်းနည်းကြမ်းသွားတယ်ထင်တယ်ကင်းဟုပြောတော့
သူပခုံးတွန့်ပြလိုက်သည်။

မရည်ရွယ်ဘဲနှင့်ဖြစ်ခဲ့တာတွေအတွက်၊နှင်းနွယ်နွေးဘက်ကသူ့ကိုအထင်လွဲခဲ့တာခုမှမဟုတ်တာပဲလေ။

X X X X X

( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]

Monday, March 20, 2017

" အစဉ်ထာဝရ " ( ၁၇ )

[ ၈ ]

ပန်းပွင့်လေးတွေကမိုးအလင်းမှာနေရောင်ခြည်ကိုမျှော်တတ်ကြပါတယ်။
ကျေးငှက်လေးတွေကအစာရှာဖို့ဟိုးအဝေးကိုပျံသန်းခဲ့ကြတယ်။
ကိုယ်ကတော့နေရောင်ကိုမျှော်တဲ့ပန်းလေးတွေလိုချစ်သူကိုမျှော်ရင်းကျေး ငှက်လေးတွေလိုဟိုးအဝေးကိုပျံသန်းချင်ပါရဲ့။
ချစ်သူကိုမျှော်မိတယ်လေ။ပြီးတော့ချစ်သူရောက်မလာလို့ချစ်သူရှိရာသွားချင်ခဲ့တာပေါ့။

အိပ်မက်ကလေးတွေကကိုယ့်ညတွေကိုသိမ်းပိုက်ထားတယ်။
စိတ်ကူးလေးတွေကကိုယ့်နေ့တွေကိုချုပ်ကိုင်ထားတယ်။
အဲဒီအိပ်မက်နဲ့အဲဒီစိတ်ကူးတွေကြားထဲမှာကိုယ့်ဘ၀နစ်မွန်းနေပေမယ့်ကိုယ်ကကျေနပ်နေမိတယ်။
ကိုယ့်အိပ်မက်နဲ့စိတ်ကူးတွေထဲမှာချစ်သူရှိနေလို့ပေါ့။

ဟန်မဆောင်တဲ့ရိုးသားမှုတွေကြားမှာကိုယ်ရှိနေတယ်။
ချစ်စရာကောင်းတဲ့ဟန်ဆောင်မှုတွေကြားမှာချစ်သူရှိနေတယ်။
ကိုယ့်ရိုးသားမှုတွေကချစ်သူရဲ့ဟန်ဆောင်မှုတွေကိုချေဖျက်ရင်းကိုယ် တို့နှစ်ယောက်ကြားမှာချစ်ခြင်းဆိုတာတွေမွေးဖွားနိုင်လာလိမ့်မယ်ထင်ပါရဲ့။

ခုတော့ချစ်သူရေ........

ဝေးကွာခြင်းကကိုယ်တို့ကြားမှာ။ခါးသီးမှုကကိုယ်တို့ဆုံတွေ့ချိန်တိုင်းမှာ။ နာကျင်မှုနဲ့ကြင်နာမှုကတော့ကိုယ့်ရင်ထဲမှာပါလေ။

X X X

မိုးစက်တွေတဖွဲဖွဲကြွေနေစဉ်ကာလထဲမှာဒုတိယနှစ်ပြန်ဖွင့်ခဲ့သည်။ကျေနပ်စရာကောင်းသော
ကာလတစ်ခု၊ပျော်စရာကောင်းသောကာလတစ်ခုကိုသူတို့ ပိုင်ဆိုင်ခွင့်ရခဲ့ပြန်လေပြီ။

" ကင်း။မင်းကိုကြည့်ရတာတစ်ခုခုကိုလွမ်းနေသလိုပဲ "

ဝါ၀ါဦးလက်ဖက်ရည်ဆိုင်ထိပ်မှာထိုင်နေရင်းစိုးညွန့်ကမဆီမဆိုင်သူ့ ကိုကြည့်ပြီးစကားစသည်။ဆိုင်ဘေးကားလမ်းကဖြတ်သွားသောကားကိုကြည့်ရင်းသက်ပြင်းချ၏။

" ငါသူငယ်ချင်းတွေကိုသတိရနေတယ်။အိမ်မှာငါတစ်ယောက်တည်းဆိုတော့"

ဘောလုံးကွင်းနှင့်တည့်တည့်မှာရှိသောဂျီဟောလ်ကိုလှမ်းငေးရင်းပြောသည်။

"ရာသီကလွမ်းစရာကောင်းလို့နေပါလိမ့်မယ်ကင်းရာ။ပြီးတော့မင်းလွမ်းချင်တာငါတို့ဟုတ်ပုံမပေါ်ပါဘူး"

ရေနွေးကြမ်းခွက်ကိုကျင်းရင်းကျော်ဝင်းထွဋ်ကပြောတော့သူကမလုံမလဲနှင့်လှည့်ကြည့်မိသည်။

"ငါမင်းတို့နဲ့ပထမနှစ်မှာစခင်တာပါ။ဒါပေမဲ့တို့အုပ်စုဘယ်လောက်တွဲပြီး ဘယ်လောက်ကဲခဲ့တယ်ဆိုတာမင်းတို့အသိဆုံးပဲ"

"ခုပြန်တွေ့ရပြီပဲကွာ။မင်းကိုနားလည်ပါတယ်။ဒါနဲ့ကွင်းတို့အုပ်စုရော။ မတွေ့သေးပါလား"

ငြိမ်းချမ်းက၀င်မေးသည်။သူတို့ကကျောင်းပြန်ဖွင့်သည့်ပထမဦးဆုံးနေ့မို့ လက်ဖက်ရည်ဆိုင်ကိုချီတက်ခဲ့ကြခြင်းဖြစ်၍စာသင်ခန်းထဲမရောက်သေး။ အကုန်လုံးဒုတိယနှစ်တန်းခွဲ-ဘီမှာပဲပြန်ရ၍၀မ်းသာနေကြသည်။

အမှတ်အနည်းအများကိုလိုက်၍ခုံနံပါတ်ခွဲသဖြင့်လူကွဲမှာစိုးသော်လည်းလူမကွဲတော့။
တိုက်ဆိုင်ချင်တော့နှင်းနွယ်နွေးတို့အုပ်စုပါသူတို့နှင့်တစ်ခန်း တည်းပြန်ကျသည်။

"ကွင်းကတော့ငါတို့နဲ့ရေစက်တော်တော်ပါတယ်ထင်တယ်။ဒီနှစ်လည်းသူ တို့ပဲစရဦးမယ်"

စိန်မျောက်မျောက်၏အသံ။စိုးညွန့်ကကျောင်းတောင်မတက်ရသေးဘူး။စဖို့ပဲစဉ်းစားနေတယ်ဟုဆို၏။

"ဟ-သူတို့ကစလို့ကောင်းတယ်ကွ။စရင်စိတ်ဆိုးတတ်တယ်။ငါကစရင်စိတ်ဆိုးတဲ့လူမှစချင်တာ "

မင်းကတတ်လည်းတတ်နိုင်တယ်ကွာဟုငြိမ်းချမ်းညည်းသည်။

"စတာလည်းစ၊နောက်တာလည်းနောက်တာပေါ့ကွာ။ဒုတိယနှစ်ဆိုတော့ စာမေးပွဲအမှတ်နဲ့မေဂျာခွဲတော့မှာ။စာလည်းပုံမှန်လုပ်ကြဦး။သူများတွေ ကျူရှင်တောင်ယူနေကြပြီ။ဒါနဲ့မင်းတို့ဘာယူမှာလဲ။ငါ့ကိုလည်းပြောကြဦးလေကွာ။
ငါကတော့မက်ခ်(Mech)ပဲဟေ့ကောင်တွေ"

သူကစကားဝိုင်းကိုစာဘက်လှည့်ပေးလိုက်သည်။မက်ခ်ဆိုတာမက်ခ်ကင်နီ ကယ်( Mechanical )(စက်မှု
အင်ဂျင်နီယာဘာသာရပ်)ကို အတိုခေါ်တာသူတို့ကျောင်းသားချင်းနားလည်ပြီးသား။

" ငါလည်းမက်ခ်ပဲ "

စိုးညွန့်အသံ။သူကအိုကေဟုအော်လိုက်၏။

"ဟ-ငါလည်းမက်ခ်လေကွာ။ဘယ်ရမလဲ။စက်မှုလိုချင်လို့စက်မှုတက္ကသိုလ်လာတက်တာ"

ငြိမ်းချမ်းအသံ။ဒါပဲကွဟုသူအော်လိုက်၏။ကျော်ဝင်းထွဋ်နှင့်စိန်မျောက်မျောက်ကိုသူကြည့်လိုက်သည်။
ဘယ်လိုလဲဆိုသည့်သဘော။

" ငါကတော့မင်းတို့နဲ့မခွဲနိုင်ဘူး။စက်မှုပဲယူမယ်"

စိန်မျောက်မျောက်ကိုခင်မိကြတာအဲဒါတွေလည်းပါမည်ထင်သည်။ဒါမှကွဟုသူကြုံးဝါးလိုက်၏။

" ငါလည်းစီဗယ်လ်နဲ့မက်ခ်ကိုဘယ်ဟာရွေးရမှန်းကိုမသိသေးဘူး"

" ဟေ့ကောင်ကျော်ဝင်းထွဋ်။ရွေးမနေနဲ့။ယောကျာ်းလေးများတဲ့မက်ခ်ကိုယူ။ငါတို့နဲ့တူသွားအောင်"

စိန်မျောက်မျောက်ကကျော်ဝင်းထွဋ်ကိုအဖော်ညှိသည်။နည်းနည်းတော့တွေဝေနေ၏။စဉ်းတော့စဉ်းစားသင့်
သည်ဟုသူလည်းထင်သည်။သူကအိမ်မှာအဖေကိုယ်တိုင်Pump နှင့်မော်တာများအရောင်းအ၀ယ်
လုပ်သောကြောင့်သည်ကျောင်းကိုဝင်ကတည်းကMechanicalယူမည်ဟု ဆုံးဖြတ်ထားခြင်းဖြစ်၏။

ဒုတိယနှစ်ဆိုတာဆယ်တန်းလိုအတန်းမျိုးမို့ကိုယ်လိုချင်သောလိုင်းကိုရဖို့ကြိုတင်စဉ်းစားပြီး
စာမေးပွဲအတွက်ပြင်သင့်တာပြင်ရသည်။သည်လိုမှမဟုတ် လျှင်အမှတ်နည်းနည်းနှင့်လူအများမကြိုက်သော Mining(သတ္တုတူးဖော်ရေး)နှင့်Metallurgy(သတ္တုဗေဒ)လိုမေဂျာမျိုးကိုရောက်သွားနိုင်သည်။

" အေးအေးဆေးဆေးစဉ်းစားပါ။အလျင်မလိုနဲ့။ခုမှကျောင်းဖွင့်စပဲရှိသေးတယ်။"

စိုးညွန့်ကလူကြီးဆန်ဆန်ပြောတော့သူတို့အားလုံးစိုးညွန့်ဆီအကြည့်ရောက်သည်။စိုးညွန့်ပြောတာလည်း
ဟုတ်တာပဲလေ။သည်လိုကိစ္စမျိုးကလက်ဖက် ရည်ဆိုင်မှာတစ်ထိုင်တည်းပြောလို့ရတာမျိုးမဟုတ်။

" ကဲပါ။စဉ်းစားတာလည်းစဉ်းစားပေါ့။စာသင်ချိန်နီးပြီ။လစ်ကြမယ်"

ငြိမ်းချမ်းစကားကြောင့်အားလုံးနေရာကထသည်။စားပွဲထိုးကောင်လေး ကိုခေါ်၍သူကဦးအောင်ရှင်းပေးလိုက်၏။

" ကင်းကိုခင်တာအဲဒါတွေလည်းပါတယ်။အလိုက်သိလို့"

စိန်မျောက်မျောက်စကားကြောင့်အားလုံးကပြုံးသည်။

"မင်းတို့ကနယ်သမားတွေလေ။ငါကရန်ကုန်က။တတ်နိုင်သမျှတော့ငါကကူညီရမှာပေါ့။
အဆောင်သမားတွေရဲ့ဒုက္ခကိုငါသိနေတာပဲ။မင်းတို့ငွေပြတ်ရင်ဒုက္ခရောက်မှာစိုးလို့ပါ"

သူ့စကားအဆုံးငြိမ်းချမ်းကသူ့ပခုံးကိုလာဖက်သည်။ကျေးဇူးပါပဲသူငယ်ချင်းရာ။နောက်ကို
ဒီထက်မကကျွေးနိုင်ပါစေဟုဆိုတော့ခွေးကောင်ဟုဆိုကာပြုံးမိရင်းဝါ၀ါဦးလက်ဖက်ရည်ဆိုင်ထဲမှ
ထွက်သည်။

မိုးသားတွေကမည်းညိုနေတုန်း။

X X X X X

( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]

Saturday, March 18, 2017

" အစဉ်ထာဝရ " ( ၁၆ )

 [ ၇ ]
ပထမနှစ်စာမေးပွဲတွေဖြေပြီးသည့်ညမှာသူကအိမ်ကိုပြော၍ စိန်မျောက်မျောက်တို့အဆောင်မှာလိုက်အိပ်သည်။သူတို့ကျောင်းမှာ ပထမနှစ်မှစတုတ္တနှစ်အထိကျောင်းသားများကိုလှိုင်တက္ကသိုလ်နားရှိ
အဆောင်များမှာထားသည်။ယောကျာ်းလေးများကစဉ့်ကူ၊အင်းလေး၊ဇီဝက၊ ပုပ္ပါးနှင့်ဒူးယားမှာရှိသည်။
အားလုံးငါးဆောင်။မိန်းကလေးများကသဇင်ဆောင်တစ်ဆောင်တည်း။

ပဉ္စမနှစ်နှင့်နောက်ဆုံးနှစ်(ဆဋ္ဌမနှစ်)ကိုတော့ကျောင်းထဲကအဆောင်တွေမှာထားသည်။ယောကျာ်းလေးများ အတွက်အေမှအက်ဖ်အထိခြောက်ဆောင်။မိန်းကလေးများအတွက်ဂျီအဆောင်(ဂျီဟောလ်ဟုအများကခေါ်၏)
တစ်ဆောင် တည်းသာဖြစ်၏။ဂျီဟောလ်ကိုတော့ဥတ္တရဆောင်ဟုအမည်တပ်ထားလေ သည်။

စိန်မျောက်မျောက်တို့ကဇီဝကဆောင်မှာ။သူ့ကိုလိုက်လည်ဖို့ခေါ်နေ တာတော့ကြာခဲ့ပြီ။အိမ်ကိုအချိန်မှန်ပြန်မရောက်လျှင်အမေရော၊အဖေပါစိတ်ပူတတ်၍စာမေးပွဲပြီးမှ
လိုက်မည်ပြောကာယခုစာမေးပွဲနောက်ဆုံးနေ့မှာလိုက်လည်ခြင်းဖြစ်၏။
အဆောင်မှာကသူတို့တန်းခွဲဘီကသူငယ်ချင်းများလည်းရှိသေးသည်မို့သူ့အဖို့စိမ်းမနေ။
အားလုံးကအခန်းစေ့လိုက်လည်ဖို့ခေါ်သည်။သူနှင့်ခင်မင်ရင်းစွဲရှိသူ၊မျက်မှန်းတန်းမိသူပထမနှစ်ကျောင်းသား
များမှန်လျှင်တစ်ခန်းဝင်တစ်ခန်းထွက်လိုက်နှုတ်ဆက်လိုက်မိ၏။ဖော်ရွေသော၊ကျေနပ်အားရစရာကောင်း
သော၊ချစ်စရာကောင်းသောအပြုံးများကိုတွေ့ရသည်။

စိတ်ထဲကတော့တွေးနေမိ၏။သည်လိုအပြုံးတွေက၊သည်အဆောင်တွေ နဲ့ကျောင်းကြီးကိုခဏခွဲကြဦးမှာပါလား၊ပြီးရင်ပြန်လာလိုက်ကြ၊ပြန်ခွဲလိုက်ကြ
နဲ့၊ခြောက်နှစ်လည်းပြည့်ရော၊သည်လိုအပြုံးမျိုးတွေတွေ့ရတော့မှာမဟုတ်ဘူးဟုကိုယ့်ဘာသာတွေးရင်း
သက်ပြင်းချသည်။

သူ့ဘ၀မှာမွေးကတည်းကတစ်ယောက်တည်း။အဖေ၊အမေ၏အရိပ် လိုပြုစုမှုအောက်ကဘယ်တော့မှမလွတ်ခဲ့။နယ်မှဆွေမျိုးများဆီသွားလည် လျှင်တော့ပျော်တော့ပျော်ရသည်။ခဏမို့သိပ်မပျော်ဘူးထင်ခဲ့ရ၏။ထို့ကြောင့်အရွယ်ရောက်စ
ကတည်းကကျောင်းမှာပေါင်းသောသူငယ်ချင်းမှန်လျှင်သူက ခင်ခင်မင်မင်နှင့်ရင်းရင်းနှီးနှီးပေါင်းသည်။သူတို့ကိုတတ်နိုင်သမျှသည်းညည်းခံ၏။ကိုယ့်ကိုငြိုငြင်မှာကို
မလိုလား။သူတို့စိတ်ချမ်းသာမှုကိုဦးစားပေးခဲ့တာများသည်။ထို့ကြောင့်ပင်ထင်သည်။ရန်ကုန်စက်မှုတက္ကသိုလ်ရောက်တော့ လည်းစိန်မျောက်မျောက်တို့ကိုသည်လိုခံယူချက်နှင့်ပေါင်းမိသွားခြင်းဖြစ် သည်။

"ဂစ်တာသွားတီးမယ်ကွာ။မင်းလည်းအဆောင်ဖီးလ်လေး၊ဘာလေးခံစားရတာပေါ့"

စိုးညွန့်ကသူ့ဘေးခန်းကသူငယ်ချင်းတစ်ယောက်ကိုလှမ်းခေါ်ရင်းသူ့ ကိုပြောပြသည်။ငြိမ်းချမ်းတို့ကလည်းသိပြီးသားမို့သူတို့အခန်းကိုသော့ ခတ်ပြီးစိုးညွန့်တို့အခန်းကိုရောက်လာ၏။

" လိမ့်မယ်လေကွာ။ဟိုကောင်စိန်မျောက်မျောက်ရော"

အခန်းထဲရောက်ရောက်ချင်းကျော်ဝင်းထွဋ်ကမေးသည်။

" ဟိုဝိုင်းကိုသွားငမ်းနေမှာပေါ့"

စိုးညွန့်စကားကိုသူသိလိုက်ပြီ။စောင့်လိုက်ပါကွာဟုပြောလိုက်၏။အမှန်က စိန်မျောက်မျောက်ပါမှလည်းပျော်စရာဖြစ်မည်မဟုတ်လား။
သူတို့အုပ်စုစိန်မျောက်မျောက်ကိုထိုင်စောင့်နေစဉ်မှာပင်စိုးညွန့်တို့ဘယ် ဘက်ခန်းကငြိမ်းချမ်းတို့အခန်းမှာကြွက်ပြေးသံကြားသည်။ငြိမ်းချမ်းတံခါးသွားဖွင့်ကြည့်ပြီးခြောက်လှန့်နေ၏။
ခဏကြာတော့ငြိမ်းချမ်းပြန်လာသည်။

ငြိမ်းချမ်းသွားတော့ငြိမ်းချမ်းသွားတာပေါ့ဟုကျော်ဝင်းထွဋ်လှမ်းနောက်သည်။
မငြိမ်းချမ်းလို့မရဘူးဟေ့ကောင်။အကုန်ကိုက်မယ့်ကောင်တွေဟုပြောကာခုတင်ပေါ်မှာဝင်ထိုင်သည်။
ပြီးတော့လေးဖြူ သီချင်း' ညရဲ့ဆူး'ကိုတိုးတိုးညည်းနေ၏။

စိုးညွန့်ညာဘက်ခန်းမှဂစ်တာတီးမည့်သူငယ်ချင်းများရောက်လာ၏။လူစုံပြီမို့သဇင်ဆောင်ကို
သွားရန်ပြင်ဆင်ကြသည်။စိန်မျောက်မျောက်ကိုခေါ်လိုက်ဦး မယ်ဟုဆိုကာကျော်ဝင်းထွဋ်နှင့်ငြိမ်းချမ်းထွက်သွားသည်။စိုးညွန့်အခန်းတံခါးပိတ်တာစောင့်ပြီးအောက်ထပ်
ကိုသူတို့ဆင်းခဲ့၏။
ခဏကြာတော့စိန်မျောက်မျောက်တို့ဆင်းလာသည်။မျက်နှာကစပ်ဖြီးဖြီး။

" ကင်း...မင်းတို့စောင့်တာကြာသွားပြီလား"
ရောက်ရောက်ချင်းလှမ်းမေး၍အေးဟုဖြေလိုက်သည်။သွားမယ်ကွာဟုဆိုကာသဇင်ဆောင်ကိုခြေဦး
လှည့်သည်။

X X X

" အစဉ်ပြောင်တဲ့ သဇင်ဆောင်က နှမလေးများခင်ဗျား "

လုပ်ပြီ။စိန်မျောက်မျောက်ကစကတည်းကယဉ်သကိုးဆိုတာလိုသူတို့အုပ်စု သဇင်ဆောင်ရှေ့ကမီးရောင်အောက်၊ပုဏ္ဍရိက်တန်းတွေရဲ့ရှေ့၊ အုတ်ပေါင်လေးတွေပေါ်မှာထိုင်နေတုန်းစအော်လိုက်ခြင်းဖြစ်သည်။
အစောပိုင်းဂစ်တာတီးနေသောအဖွဲ့ပြန်သွားပြီမို့သူတို့ရောက်တာ အနေတော်ပင်ဖြစ်သွားသည်။
ကိုးနာရီခွဲပဲရှိသေး၍ကောင်းကောင်းဟစ်လို့ရသေးသည်။

" ဟေ့ကောင်စိန်မျောက်မျောက်။ကြည့်လုပ်ကွာ။အဆောင်မှူးထွက်ကောနေဦးမယ်"

စိုးညွန့်ကစိုးရိမ်စိတ်နှင့်မေးသည်။စိန်မျောက်မျောက်ကလက်ကာပြ၏။ရတယ်ဆိုသည့်သဘော။

" အဟမ်း..အဟမ်း။အစဉ်ပြောင်တဲ့သဇင်ဆောင်ကသမီးပျိုလေးများခင်ဗျား"

လုပ်ပြန်ပြီ။သည်အစဉ်ပြောင်တာကြီးကိုပင်ထည့်အော်နေ၏။

" ဟေ့ကောင်၊ဘာပြောင်တာလဲကွ"

" ပြောင်ချင်တာပြောင်ကွာ "

ဝါးခနဲပွဲကျသွားသည်။သူတို့အုပ်စုထဲကတစ်ယောက်ကမေး၍တစ်ယောက် ကပြန်ဖြေလိုက်ခြင်းဖြစ်သည်။နောက်တစ်ယောက်ကတင်ပါးကိုပုတ်ပြ၏။ စိန်မျောက်မျောက်ကဟိုးထားဟုဆိုကာသူတို့ဘက်လှည့်ကာလက်မြှောက်ပြ၏။အားလုံးအရယ်ရပ်လိုက်
သည်။စိန်မျောက်မျောက်အဆောင်ဘက်ကိုပြန်လှည့်သွား၏။

" ကျွန်တော်တို့ကဇီဝကကအပီပြမယ့်ကောင်တွေပါ"

ဝါးခနဲထရယ်ကြပြန်သည်။စိုးညွန့်ကဟေ့ကောင်၊ဘာတွေပြောနေတာလဲဟုထအော်၏။
မင်းပဲပြ၊ငါတို့မပြနိုင်ဘူးဟုထအော်သံလည်းကြား၏။

"ကျွန်တော်ဆိုလိုတာကသဇင်ပန်းတွေလိုဂုဏ်သတင်းပြောင်မြောက်တဲ့ သဇင်ဆောင်ကသမီးပျိုလေးများကိုဒီညမှာဇီဝကကမောင်မောင်တွေက ဂီတနဲ့အပီပြပြီးဧည့်ခံပါမယ်ဆိုတာပါခင်ဗျာ "

အားလုံးသဘောကျစွာရယ်ရင်းဟေးဟုအော်ကာလက်ခုပ်လက်ဝါးတီးကြ သည်။စိန်မျောက်မျောက်ဆိုသည့်ကောင်ကသူသိသမျှကာရန်တွေလည်းချိတ် ချင်သေး၊မချိတ်တတ်ချိတ်တတ်ချိတ်တော့ပေါက်ကရတွေဖြစ်ကာသူတို့အုပ်စုရယ်နေရသည်။

သဇင်ဆောင်ပေါ်ကိုတော့အရိပ်တွေသာလှမ်းမြင်ရသည်မို့မသဲကွဲ။အဆောင်ဝင်ပေါက်နှင့်အဆောင်ရှိရာကို
ဆက်သွယ်ထားသောစင်္ကြံလမ်းလေးကပင်ရှည်လျားလှ၏။ထို့ပြင်အဆောင်ခြံစည်းရိုးစပ်ကသစ်ပင်များ
ကလည်း ကွယ်နေ၍အဆောင်ပေါ်ကမီးလင်းနေတာသာမြင်ရပြီးလူလုံးကမကွဲ။

သူတို့ကတော့မီးရောင်အောက်မှာထိုင်နေသည်မို့အဆောင်ပေါ်မှမြင်နေ ရသောနေရာမှကြည့်လျှင်မြင်နိုင်ပေသည်။မမြင်နိုင်လည်းစိန်မျောက်မျောက်အသံကြားတာနှင့်ပင်
ဘယ်သူတွေဆိုတာသိနေနှင့်တော့မည်။

"အခုကစပြီးကျွန်တော်တို့ဖျော်ဖြေမယ့်သီချင်းကတော့တေးရေး၊တေးဆိုကိုထူးအိမ်သင်ရဲ့
အမေ့အိမ်သီချင်းပဲဖြစ်ပါတယ်ခင်ဗျား"

ရထားပေါ်ကလျက်ဆားရောင်းသံနှင့်အော်လိုက်သောစိန်မျောက်မျောက်အသံကကောင်း၍လား၊
သီချင်းကပဲနာမည်ကြီး၍လားမပြောတတ်။ဝရန်တာမှာ လူရိပ်တွေပိုထူလာတာတွေ့သည်။သူတို့အဖွဲ့အားရပါးရစတင်တီးခတ်၏။

"လောကရဲ့လမ်းများပေါ်လျှောက်သွားရင်းနဲ့......မောပန်းနွမ်းနယ်....နှလုံးသားကလွမ်းဆွတ်လို့
တမ်းတမိခဲ့အမေ့ရဲ့အိမ်ကို......."

သံပြိုင်သီဆိုနေသောအသံများ၏အောက်မှာသဇင်ဆောင်ကတော့နစ်ဝင် စီးမျောနေလေပြီ။မဆီမဆိုင်နှင်းနွယ်နွေးရော၊အမေ့အိမ်ကိုတမ်းတနေမှာလားလို့ယောင်ယမ်းတွေးမိသေး၏။

"ခုတစ်ခါဆက်လက်ဖျော်ဖြေမယ့်သီချင်းကတော့တေးရေးကေအေတီ၊တေးဆိုကိုလေးဖြူ တို့ရဲ့မျှော်လင့်ခြင်းလေးသီချင်းပဲဖြစ်ပါတယ်ခင်ဗျာ။ ဒီသီချင်းကိုတောင်းဆိုထားသူများကတော့အယ်လ်ဖိုးမှတကယ်ဆိုးတဲ့ဂွတိုကအယ်လ်ဝမ်းမှတကယ်ကြမ်း
တဲ့နှမပျိုမြညိုအတွက်။အယ်လ်သရီးမှတကယ်ရွှီးတဲ့ဝဲလေးကအယ်လ်တူးမှတကယ်ရူးတဲ့အသဲလေးအတွက်။
ဒူးယားမှဦးထွားကဥတ္တရမှတရုတ်မအတွက်၊ပုပ္ပါးမှဗရုတ်များကသဇင်ဆောင်မှ တင်တင်အောင်အတွက်။စဥ့်ကူမှမြင့်သူကဓာတုမှဝါနုအတွက်။
အင်းလေးမှဝင်းဋ္ဌေးကစက်မှုမှတက်ပုအတွက်ဖြစ်ပါတယ်။ ခံစားကြည့်ကြပါ "

သူတို့အုပ်စုရယ်မောရင်းဟေးဟုအားပေးလိုက်ပြန်သည်။အမေ့အိမ်သီချင်းဆုံးသွားတာနှင့်ဆက်တိုက်
ဆိုသလိုကြေငြာပစ်လိုက်သောစိန်မျောက်မျောက်ကိုလုပ်ထားကွ၊ကြိတ်လိုက်ကွဟုကောင်းချီးပေးလိုက်သည်။
စိန်မျောက်မျောက်ပြောသွားသူတွေထဲမှာကျောင်းကလူတွေတကယ်ပါ သလို၊ကျောင်းကမဟုတ်ဘဲသူ့ဘာသာကာရန်မိရာစွတ်ရွတ်အော်သွားသောသူများလည်းပါ၍
သူတို့ဝိုင်းကလေးမှာရယ်သံတွေလျှံနေ၏။ပို၍အံ့ဩစရာကောင်းသည်ကသဇင်ဆောင်ပေါ်မှရယ်သံသဲ့သဲ့၊
သူတို့ထံပျံ့ ကျလာခြင်းဖြစ်သည်။စိန်မျောက်မျောက်ရေ၊အောင်မြင်တယ်ကွဟု တစ်ယောက်ကအော်လိုက်စဉ်မှာသီချင်းအင်ထရို( Intro )ကစနေလေပြီ။

"မြင်နိုင်ရင်လေ......ကိုယ့်ရင်ထဲ....တားဆီးကြည့်မနေနဲ့.........အုံ့ပုန်းရဲ့အချစ်စိတ်ရိုင်း.....လေထု
ထဲမှာပြည့်နေမလား....."

သဇင်ဆောင်ည၀ရန်တာမှအရိပ်များ။အဆောင်ရှေ့ကဂစ်တာများနှင့်သူတို့အုပ်စု။ရိုက်ခတ်နေသော
သီချင်းသံ။လမ်းမကျယ်နှင့်အဆောင်ရှေ့ ပန်းချုံတွေကြားဖြတ်တိုက်လိုက်သောလေ။ဪ-အဆောင် သူတွေကြားနိုင်အောင်သယ်ဆောင်လို့ပေးနေပြီထင်ပါရဲ့။

ဘာပဲဖြစ်ဖြစ်ကိုယ့်ဘ၀အတွက်လွမ်းစရာကောင်းတဲ့အမှတ်တရ
ညတစ်ညဖြစ်ခဲ့ရပါပြီနှင်းနွယ်နွေးရေ။

X X X X X

( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]

Wednesday, March 15, 2017

" အစဉ်ထာဝရ " ( ၁၅ )

သူတို့အုပ်စုကငါးယောက်စလုံးလက်တွေ့မှာGroupမတူသည်မို့ စိန်မျောက်မျောက်ဘာဖြစ်သည်ကိုမသိကြ။တစ်ယောက်ကChemistry လုပ်ချိန်မှာတစ်ယောက်ကPhysicsကျချင်ကျနေတတ်၏။သူနှင့်
နှင်းနွယ်နွေးပင်ခုံနံပါတ်သိပ်မကွာသော်လည်းGroupကွဲနေသေးသည်။

 Groupတစ်ခုကိုဆယ့်နှစ်ယောက်လောက်ခွဲသည်မို့လူနှစ်ရာတန်းမှာသူတို့သူငယ်ချင်းတွေ
ခုံနံပါတ်ကပ်လျက်မဟုတ်၍လက်တွေ့မှာလူချင်းကွဲနေ တတ်ကြသည်။သို့သော်တစ်ခါတစ်ရံ၌သူများလုပ်ပြီးသားလက်တွေ့ကိုကိုယ့်
အလှည့်ကျချင်ကျ၊ဒါမှမဟုတ်၊ကိုယ်လုပ်ပြီးသားသူများကျချင်ကျတတ်၍အချင်းချင်းအခက်အခဲ
မရှိအောင်ကြိုပြောပြထားတတ်သည်များလည်းရှိ၏။
 
ထိုသို့ပြောပြ၍ရတာလည်းPhysicsသာရှိသည်။PhysicsကVivaဆိုဘယ်လိုမေးခွန်းတွေမေးတာ၊
ဘယ်ကိရိယာကိုကိုင်ရင်ဘယ်ကောင်ကError ( အမှား )ဘယ်လောက်ဝင်နိုင်တာ၊ ဒါမျိုးတွေပြောပြ၍ရသည်။ Chemistryကဘယ်ဓာတ်နှင့်ဘယ်ဓာတ်ပေါင်းလျှင်ဘာဖြစ်သည်ဆိုတာအဲဒီ
လက်တွေ့အတွက်ပေးထားသောစာအုပ်မှာပါပြီးသား။အရေးကြီးတာ အဆဖြစ်သည်။မီးအပူပေးလျှင်လက်မလွန်ရတာမျိုးရှိသည်။သည်ကြားထဲ ပစ္စည်းတွေကိုကျမကွဲအောင်ကိုင်ရ၍အလုပ်ကမတွင်။ကျကွဲလျှင်လော်ျရ၏။

Physicsမှာလျော်စရာသိပ်မရှိ။သူကသစ်သား၊သံထည်တွေများ၍ဖြစ်သည်။ Chemistryကတော့ဖန်၊မှန်၊ရေတွေမှမပါလျှင်အလုပ်မဖြစ်။လုပ်တတ်လျှင် Physicsထက်မြန်၏။PhysicsကLab:အချိန်သုံးနာရီဆိုလျှင်အနည်းဆုံးနှစ်နာရီလောက်တော့လုပ်ရသည်။
Chemistryကသေသေချာချာသိလျှင်တစ်နာရီသာသာ၊သာကြာသည်။
သည်တော့နောက်ကျပြီးရောက်သောစိန်မျောက်မျောက်သူများလိုစော လည်းပြန်ချင်သည်ကိုကျောင်းသားချင်းမို့သူလည်းနားလည်သည်။နောက် ကျပြီးမှဝင်တာသာရှိမည်။အမှတ်ပြည့်လည်းလိုချင်၏။
စော၍လည်းအခန်းထဲကထွက်ချင်သည်။စောထွက်ရလျှင်ထမင်းစားချိန် (Break Time)နှင့်ပေါင်းကာအနည်းဆုံးနှစ်နာရီလောက်လေကန်ဝေဖန်ရေး လုပ်လို့ရသည်။အဆင်သင့်လျှင်၊ဘော်ဒါကောင်းလျှင်အာရ်စီတူးမှာသွား၍ ငမ်းကြောထ၍ရသေးသည်။
သူ့အတွေးမှာစိန်မျောက်မျောက်ဗျာများနေပုံကိုမြင်ယောင်နေမိသေး၏။

"ငါကကိုးခုလုံးစလုပ်ရမယ့်အချိန်မှာသူများတွေကသုံးလေးခုပြီးနေပြီ။မင်းတို့သိတဲ့အတိုင်းပဲ။
တစ်ခုပြီးရင်တစ်ခုကိုယ်လုပ်ထားတာမှန်တယ်ဆိုတာထွက်လာတဲ့ပစ္စည်းကိုသွားပြရသေးတယ်။
ဆရာမကခုံနံပါတ်နဲ့လုပ်ပြီးတဲ့စာရင်းကိုမှတ်ထားသေးတယ်။ငါ့ကွာ။ညစ်လာရော"

သူတို့ပြုံးလိုက်သည်။တစ်ခါတလေသည်လိုကောင်မျိုးထိသင့်တယ်ဟုတွေးမိ၏။
အမြဲတမ်းအခွက်ပြောင်နေသည်ကိုး။

"ကံကောင်းချင်တော့ဆရာမကိုငါလုပ်ထားတာတစ်ခုနှစ်ခုလောက်ပြပြီးချိန်မှာဆရာမက
ဋ္ဌာနမှူးခေါ်လို့ခဏသွားတယ်"

"ဒါနဲ့မင်းဘယ်လိုလုပ်ကြံလိုက်လဲ။ဆရာမပြန်လာတော့သူများလုပ်ပြီး သားတွေပြလိုက်တယ်မဟုတ်လား"

ကျော်ဝင်းထွဋ်ကစိန်မျောက်မျောက်ကိုဖြတ်မေးသည်။ခေါင်းယမ်းပြတာတွေ့၏။
သူတို့အံ့ဩသွားသည်။ကျော်ဝင်းထွဋ်ပြောတာChemistryအလှည့်တိုင်း ၊ပြန်ရမှာနောက်ကျမှာစိုးလျှင်သူတို့လည်းလုပ်နေကျကိစ္စဖြစ်၏။
ကိုယ်မလုပ်ရသေးလျှင်သူများလုပ်ပြီးသားကိုမသွန်ခင်တောင်းထားပြီးကိုယ်လုပ်ပြီးသား
သူများမလုပ်ရသေးလျှင်လည်းပေးလိုက်သည်ဆိုတာမျိုးဖြစ်၏။ယခု စိန်မျောက်မျောက်က
အများနည်းတူမလုပ်ဟုဆိုသောအခါသည်ကောင်ဘယ်လိုလုပ်လိုက်ပါလိမ့်ဟုတွေးကြည့်
၏။တွေးမရ။စိန်မျောက်မျောက်ဘာဆက်ပြောမလဲနားစွင့်ထား၏။

" ဘယ်ရမလဲကွာ။စိန်မျောက်မျောက်ပဲ။ငါဘာလုပ်လဲသိလား"

အရေးထဲဂုဏ်ယူနေသည့်ပုံ။ပုံစံကအမြင်ကတ်စရာလည်းကောင်းသည်။သူလုပ်တာကသူများနှင့်
မတူ၍အထင်ကြီးစရာလည်းဖြစ်နေတာအသေအချာ။ သို့သော်သူတို့အုပ်စုကအချင်းချင်းအထင်ကြီးမှုကိုပေါ်တင်မပြတတ်ကြ။အဲ-အမြင်ကတ်မှုကိုတော့ပေါ်တင်ပြတတ်ကြသည်။

"မသိဘူးကွာ။မသိလို့မေးနေတာ။ပဲမများနဲ့ဟေ့ကောင်။ပြောချင်ပြော။မပြောချင်နေ"

ငြိမ်းချမ်းထကောမှငတိကပြီတီတီနှင့်၊ပြောပါမယ်ကွာ၊မင်းတို့ကလည်းဟုဆို၏။

"ဒီလိုကွ။ဆရာမပြန်လာလို့သူများဟာယူပြတယ်ဆိုတာဆရာမကငါ့ကိုသင်္ကာမကင်းဖြစ်နိုင်တယ်။
ဒီတော့ပြန်လာရင်လည်းငါ့ကိုသံသယကင်းအောင်၊ ငါလည်းသူများတွေလို
ပြီးနေအောင်ခုံနံပါတ်နဲ့တွဲပြီးမှတ်ထားတဲ့ဘယ်နှစ် ခုပြီးပြီလဲဆိုတဲ့နေရာမှာဆရာမအမှတ်လေးတွေခြစ်သလိုငါ့ခုံနံပါတ်ဘေးမှာ
ငါမပြီးသေးတဲ့သုံးလေးခုကိုဆရာမအလစ်မှာအမှတ်ခြစ်လိုက်တော့ငါလည်းကျန်တဲ့သူတွေနဲ့
အတူတူပြီးသွားတာပေါ့ကွာ"

အားလုံးကအံ့အားသင့်ကာရယ်လည်းရယ်မိသည်။တတ်လည်းတတ်နိုင် တဲ့ကောင်ဟုမှတ်ချက်ချဖြစ်သည်။ဒါကြောင့်လည်းစိန်မျောက်မျောက်လို့ နာမည်တွင်နေတာဖြစ်မည်ဟုသူတွေးမိသည်။

"မင်းကိုအားလုံးနဲ့တစ်ပြိုင်တည်းပြီးလို့မမေးဘူးလား။နောက်ကျပြီးမှ လည်းရောက်သေးတယ်။သိသာနေတာကို"

သူက၀င်မေးလိုက်သည်။

" မေးပြီလားကွာ။ငါကအတည်ပေါက်နဲ့ဖြေတာကိုး။ကျွန်တော့် သူငယ်ချင်းတွေကပစ္စည်းတွေကူဆေးပေးလို့စောပြီးတာပါ၊ဘာညာပေါ့။ဆရာမလည်းဋ္ဌာနမှူးနဲ့
သွားတွေ့လာတော့သိပ်မမှတ်မိတော့ဘူးလေကွာ"

မင်းကိုတော့လက်လန်တယ်စိန်မျောက်မျောက်ရာဟုဆိုကာစိုးညွန့်စာအုပ်ဆွဲထုတ်တာတွေ့၏။
စကားဝိုင်းကိုဖြတ်ပြီးနှင်းနွယ်နွေးဆီအာရုံပြောင်းတော့အတန်းရှေ့ကဖြတ်သွားဖြတ်လာ
လုပ်နေသူတွေကိုငေးနေတာတွေ့သည်။

" စာအုပ်လေးရှေ့ချပြီးတော့စာကျက်ချင်ယောင်ဆောင်သူရေ xxxxxxx ဘာတွေများအတွေး နယ်ချဲ့နေသလဲ "

လုပ်ပြီ။စိန်မျောက်မျောက်တို့က။ခုတင်စကားစပြတ်သည်။စနောက်ဖို့ပါးစပ်ထဲကတန်းထွက်လာသည်။
မျက်လုံးထဲမှာတန်းမြင်သည်။ဦးနှောက်ကတန်းပြီးတိုက်တွန်းသည်။
သူရသောသီချင်းတစ်စကိုကောက်ဆိုလိုက်ခြင်းဖြစ်၏။

ဟော-ရောက်လာပါပြီ။စူးရှရှအကြည့်ရဲရဲတစ်ခု။ပြီးတော့ပြန်လှည့်သွားသည်။

"ကွင်းကကင်းကိုမျက်နှာချင်းဆိုင်လို့မရတာခုမှသဘောပေါက်တယ်။ဟား.......ဟား။
ကင်းကြောင့်မဟုတ်ဘူး။ငါ့ကြောင့်ကင်းရေ...ငါ့ကြောင့်"

တမင်သက်သက်ရွဲ့ပြီးပြောလိုက်သောစိန်မျောက်မျောက်စကားကြောင့် သူခေါင်းကုတ်မိသည်။ကျန်သူတွေပြုံး၏။သည်ကောင်ခုနကတည်းက သိသိကြီးနှင့်စိုးညွန့်ကိုရွဲ့ထားတာသတိရ၍လည်းအားလုံးကပြုံးမိခြင်းဖြစ်၏။

" ကင်းရေ-မင်းတကယ်စိတ်ဝင်စားလာရင်တော့ပြောကွာ။နော် "

"ဘာလဲ။ကင်းကစစိတ်ဝင်စားရင်မင်းကကွင်းတို့အုပ်စုကိုမနောက်တော့ဘူးပြောတာလား"

စိုးညွန့်စကားကိုသူနားစွင့်လိုက်၏။စိန်မျောက်မျောက်ကရှေ့ဘက် လှမ်းကြည့်ပြီးမကြားတကြားထအော်သည်။

"ကင်းကကွင်းကိုစစိတ်ဝင်စားပြီဆိုရင်.....ဟဲ....ဟဲ။အရမ်းမနောက်တော့ဘူး။နည်းနည်းပဲနောက်မယ်
လို့ပြောတာပါကွာ။မနောက်ဘဲတော့ဘယ်နေမလဲ။ဒီသူငယ်ချင်းတွေ၊ဒီမောင်နှမတွေပဲရှိတာကိုး"

စိန်မျောက်မျောက်စကားအဆုံးနှင်းနွယ်နွေးတို့အုပ်စုဆတ်ခနဲထရပ်သည်။
စာအုပ်တွေသိမ်းပြီးသူတို့အုပ်စုကိုလှည့်ကြည့်၏။ပြီးတော့ဆရာလာချိန်နီးမှ အခန်းထဲကနေအပြင်ကိုထွက်သွားတာတွေ့သည်။
သူစိတ်မကောင်း။စိန်မျောက်မျောက်ကိုစိုးညွန့်တို့ဝိုင်း၍အပြစ်တင်၏။

စိန်မျောက်မျောက်ကဘာမျှမဖြစ်ပါဘူးကွာ။အပေါ့သွားချင်လို့ထသွားတာနေမှာ
ဟုပြောင်စပ်စပ်နှင့်ပြောနေသေးသည်။သူတို့အုပ်စုကမရယ်နိုင်တော့ ဘဲဘေးကသူငယ်ချင်းတချို့ထရယ်သည်။ဟုတ်မှာ-ဟုတ်မှာဟုဆိုကြ၏။

နှင်းနွယ်နွေးရယ်...........။ကိုယ်မင်းကိုဘယ်လိုရှင်းပြရမှန်းတောင်မသိတော့ပါဘူး။သေချာတာတစ်ခု
ကတော့ကိုယ်တို့ယောက်ျားလေးတွေရဲ့ပျော်စရာပစ်မှတ်ဟာမင်းတို့မိန်းကလေးတွေဖြစ်နေသမျှ၊ သူငယ်ချင်းအချင်းချင်းချစ်လို့၊ခင်လို့စနေသမျှမင်းကိုယ်တို့အပေါ်အထင်တွေလွဲနေတော့မှာပါပဲလေ။

ခွင့်လွှတ်ပါလို့မပြောပါဘူး။ကိုယ်ကမင်းကိုစိတ်ဝင်စားတယ်ဆိုတာကိုသူငယ်ချင်းတွေက
မသိသေးတာရယ်၊အနှောင်အဖွဲ့ကင်းတဲ့ကိုယ်တို့ရဲ့လွတ်လပ် မှုတွေထဲကဘယ်သူ့ကိုမှအနှောင့်အယှက်မဖြစ်စေဘူးလို့ကိုယ်ထင်ထားတဲ့ကိုယ့်သူငယ်ချင်းတွေရဲ့
အစအနောက်တွေရယ်ကိုကိုယ်နားလည်နေပြီးသားမို့လို့လေ။
မင်းမကျေနပ်ရင်လည်းကိုယ့်ကိုသာပုံပြီးစိတ်ဆိုးချင်ဆိုး ပါတော့နှင်းနွယ်နွေးရေ။

X X X X X

( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]

Thursday, March 9, 2017

" အစဉ်ထာဝရ " ( ၁၄ )

 
သူကပင်ငြိမ်းချမ်းနှင့်စိန်မျောက်မျောက်ကြားအမြန်ဝင်လိုက်သည်။အားလုံးကစိတ်ဝင်စားစွာ
စိန်မျောက်မျောက်မျက်နှာကိုငေး၏။

" ငါတို့ပရက်တီကယ်တွေကသိတဲ့အတိုင်းပဲ။ Chemistry ဆိုချောင်တယ်လေကွာ။ငါမနက်က Chemistry အလှည့်ကွ"

စိန်မျောက်မျောက်ပြောတာဟုတ်သည်။သူတို့ပထမနှစ်မှာလက်တွေ့ခန်းဝင်ရတာ Physics နှင့် Chemistryနှစ်ဘာသာသာရှိသည်။ Physics ကလက်တွေ့လုပ်ပြီး Viva ( နှုတ်ဖြင့်မေးသော )မေးခွန်း များဖြေရသည်။Chemistryကအဲဒါမျိုးမရှိ။အခန်းထဲမှာဆရာပေးထားသော ပစ္စည်းများနှင့်လုပ်ကြည့်။ရလာသောအဖြေကစာအုပ်ထဲကအတိုင်းထွက်လာလျှင်မှန်သည်။ Physics မှာVivaဖြေရ၍စာဖတ်ရသည်။ လက်တွေ့လုပ်နေလျှင်မခိုရ၊မကပ်ရ။လုပ်သမျှအကုန်ပြန်မေးသည်။
Chemistryကတော့စာအုပ်ထဲကရလဒ်ကအပြာရောင်ဟုပေးထားလျှင်မိမိဒြပ်ပေါင်းအပြာရောင်
ထွက်လျှင်တော်ပြီ။ဒါကပင်အကောင်းဆုံးသက်သေဖြစ်လို့နေ၏။

" မင်းက Chemistry ချောင်တာကိုဘာလုပ်သေးလို့လဲ "

ကျော်ဝင်းထွဋ်ကအားမရဘဲဝင်မေးသည်။

"ငါနောက်ကျပြီးမှရောက်တာကွ။ဆရာမကဆီးမေးရော။ဘာလို့နောက်ကျတာလဲ၊ဘာညာပေါ့"

" မင်းညကသဇင်တို့၊ကံ့ကော်တို့ဘက်သွားတယ်မဟုတ်လား"

စိုးညွန့်ဖြတ်မေးသည်။စိန်မျောက်မျောက်ခေါင်းညိတ်၏။

"နေစမ်းပါဦး။သဇင်ဆောင်ကတော့တို့ကျောင်းကမိန်းကလေးဆောင်မို့ထားတော့။
ကံ့ကော်ကအာရ်စီတူးကအဆောင်ပါ။မင်းဘာသွားလုပ်တာလဲ"

ငြိမ်းချမ်းကကြားဝင်မေးပြန်သည်။

"ကိုယ့်ကျောင်းသူတွေကရိုးနေပြီကွ။သူများကျောင်းကဟာလေးတွေ သွားကြောင်ရတာပိုဖီးလ်လာတယ်"

" အဲဒါတောင်ဟေ့၊မနက်တိုင်းအာရ်စီတူးကကင်တင်းန်မှာသွားထိုင်နေလို့ပဲ"

စိုးညွန့်ကညည်းသလိုပြောသည်။သည်ကောင်နှစ်ကောင်ကအခန်းဖော်တွေမို့ဘာလုပ်လုပ်
အတူတူသိနေကြခြင်းဖြစ်၏။

" မနက်ဖီးလ်၊ညဖီးလ်ကမတူဘူးကွ"

"ထားပါကွာ။သိချင်တာလက်တွေ့ခန်းထဲကကိစ္စ။ငါတို့ဘော်ဒါတွေထဲမှာ ဖွန်ကြောင်တာမင်းပဲရှိသေးတယ်။ဆက်မပြောနဲ့တော့။ခုနလက်တွေ့ခန်းထဲကကိစ္စပြော "

ကျော်ဝင်းထွဋ်ကစကားဝင်ဖြတ်ပေးသည်။စိန်မျောက်မျောက်နည်းနည်းနင်သွား၏။
အဲဒါပဲကောင်းသည်။နို့မို့ဆိုအာရ်စီတူးကဘယ်ကောင်မလေးက ဘယ်လို၊ဘာညာလာနေလျှင်သူတို့စကားဝိုင်းကလိုရင်းရောက်မှာ မဟုတ်တော့။

" ကောင်းပြီ။မင်းတို့ငါဖွန်ကြောင်တာတွေ့မှသွားရည်မကျနဲ့၊ဟုတ်လား ။ဟေ့ကောင်ကင်း။မင်းလည်းငြိမ်နေတာနှင်းနွယ်နွေးကိုမကြောင်သေးဘူးဆိုတဲ့
သဘောပေါ့ဟုတ်လား"

ရုတ်တရက်သူဖြေရခက်လှသည်။စိန်မျောက်မျောက်ကသူ့ဘာသာဖွန်ကြောင်တာနှင့်
သူများရောထည့်သည့်သဘောမျိုးမို့သူဘာဖြေရမှန်းမသိ။

"ဟ-ကင်းနဲ့ကွင်းကမင်းနဲ့သတ်သတ်စီပဲစိန်မျောက်မျောက်။သူတို့ကမျက်နှာချင်းတောင်
ဆိုင်လို့မရတာ။မင်းလိုဖွန်ကြောင်ဖို့ဆိုတာဝေလာဝေးပဲ။ဟုတ် တယ်မဟုတ်လား ကင်း"

စိုးညွန့်ဝင်ပြောတော့ရောယောင်ပြီးသူခေါင်းညိတ်လိုက်သည်။အမှန်ကတော့ပြီးပြီးရော
သဘောပင်။နှင်းနွယ်နွေးကိုသူစိတ်ဝင်စားသော်လည်းသူငယ် ချင်းတွေကိုဖွင့်ပြောဖို့အချိန်မတန်သေးဟုထင်တာလည်းပါ၏။

"ကင်းနဲ့ကွင်းကမျက်နှာချင်းဆိုင်မရဘူးဆိုတော့ငါစဉ်းစားကြည့်တယ်။
ကင်းကအရပ်နည်းနည်းပိုမြင့်လို့ထင်တယ်"

စိန်မျောက်မျောက်စကားကြောင့်စိုးညွန့်ကမင်းကြီးဒေါ်ကြီးဟုထဆဲ၏။သူတို့တဟားဟားနှင့်
ထရယ်သည်။နှင်းနွယ်နွေးတို့မိန်းကလေးတန်းဘက်က လှည့်ကြည့်တာတွေ့သည်။ရယ်မိလျှင်အရှိန်ကလည်းသတ်မရတတ် ။နှင်းနွယ်နွေးတို့မျက်စောင်းထိုးပြီးပြန်လှည့်သွားသည်။စားပွဲပေါ်မှာ စာအုပ်တွေဖွင့်လို့။သဘောကတော့စာကြည့်နေသည့်သဘော။ တိတ်တိတ်နေ၊ဆူတယ်ဆိုတာမျိုးပေါ့လေ။
သူတို့အုပ်စုကလည်းတွေ့ဖြစ်အောင်တွေ့လိုက်၍ဂရုစိုက်သလား ဆိုတော့ဝေးသေး။စိန်မျောက်မျောက်ကသူ့စကားကိုသူသဘောကျကာအားရပါးရဆက်ရယ်နေသည်။

"ဟုတ်တယ်လေစိုးညွန့်ရာ။မျက်နှာချင်းဆိုင်လို့ရတာအရပ်တူလို့၊ဒါမှမဟုတ်ငါတို့လို
ထိုင်ခုံတစ်ခုံတည်းအတူထိုင်နေလို့မင်းမျက်နှာ၊ငါ့မျက်နှာ တန်းတန်းကြီးဆိုင်နေတာပေါ့။မင်းပြောတာမျက်နှာချင်းဆိုင်လို့မရဘူး ဆိုတော့ငါ့စိတ်ထဲအဲဒီအတွေးပဲပေါက်တယ်။ဟား....ဟား...ဟုတ်တယ်မဟုတ်လားကင်း"

" ထားပါတော့ကွာ "

စိန်မျောက်မျောက်ကအဖော်လှမ်းညှိ၍နှင်းနွယ်နွေးကိုစိတ်မ၀င်စား ဟန်ဆောင်ထားသောသူကခပ်ပေါ့ပေါ့သဘောမျိုးဖြေလိုက်သည်။မင်းကို စိန်မျောက်မျောက်လို့ခေါ်ဖို့မကောင်းဘူး၊ချီးမျောက်မျောက်လို့ပဲခေါ် ဖို့ကောင်းတယ်၊စိန်ကအဖိုးတန်လွန်းအားကြီးနေလို့ဟုစိုးညွန့် မကျေမနပ်ပြောသည်။

"စိတ်မဆိုးပါနဲ့သူငယ်ချင်းရာ။ချစ်လို့စတာပါ။ငါ့အကြောင်းဆက်ပြောပါမယ်"

စိန်မျောက်မျောက်ကမျက်နှာပိုးသတ်၍ပြောတော့စိုးညွန့်အသာနားစွင့် တာတွေ့သည်။

"ဒီလိုကွ။ငါနောက်ကျတာကိုဆရာမကမေးတယ်။ငါကကျွန်တော်ညက စာကြည့်ပြီးအိပ်ရာထနောက်ကျသွားလို့ပါဆိုတော့နှိုးစက်ဆောင်မထားဘူးလားတဲ့။
အဆောင်ကိုလာတာဆိုတော့နှိုးစက်သယ်မလာမိဘူးတီချယ်လို့။ ဆရာမကကရုဏာသက်သွားတယ်ထင်တယ်။နောက်ဒါမျိုးမဖြစ်စေနဲ့တဲ့။ ဒီတစ်ခါအမှတ်မလျှော့လိုက်ဘူးတဲ့။ငါလည်းအားရ၀မ်းသာအခန်းထဲဝင်သွားတာပေါ့"

သူတို့လက်တွေ့လုပ်လျှင်အခန်းထဲဝင်ကတည်းကကျောင်းသားကတ်၊စာအုပ်စာတမ်းအကုန်စစ်သည်။
နံနက်ရှစ်နာရီလက်တွေ့စလျှင်ရှစ်နာရီမထိုးခင်ရောက်ရသည်။ထိုမှစ၍လက်တွေ့လုပ်ပြီး
တစ်ပတ်ပြည့်ချိန်၊မိမိလက်တွေ့စာအုပ် ( Lab: Report )ကိုတင်သည်အထိအမှတ်ပေး၏။
လက်တွေ့လုပ်ချိန်မှရမှတ်များအားလုံးစာသင်နှစ်ဆုံးလျှင်ပြန်ပေါင်း၍ လက်တွေ့လုပ်ချိန်များနှင့်
စားကာပျမ်းမျှအမှတ်ကိုစာမေးပွဲမှာထည့်ပေါင်းပေးသည်။အများဆုံးရမှတ်ကနှစ်ဆယ်ပေးလျှင်
ဆယ့်ရှစ်မှတ်အပြင်ပိုမရ။ Lab: Reportအရေးကောင်းသူ၊စည်းကမ်းလိုက်နာသူ
၊ကြိုးစားသူဆိုပါကလွန်ရောကျွံရောဆယ့်ရှစ်မှတ်ခွဲသာဖြစ်သည်။

သူတို့ကျောင်းကဆရာ၊ဆရာမများစာသင်ရာတွင်စေတနာ၊ကောင်း သလောက်လက်တွေ့ခန်းအမှတ်ပေးလျှင်ကပ်စေးနှဲသည်ဟု စိန်မျောက်မျောက်ပြောဖူးသည်။ဒါတောင်PhysicsဆိုVivaအမှတ်က
သုံးလေးမှတ်လောက်ပါသည်မို့Vivaမေးမှာကြောက်ပြီးသီအိုရီရှင်းပြချိန်
လိုက်နားထောင်ရတာတစ်မျိုး၊လက်တွေ့လုပ်သည့်အခါရသည့်Dataတွေမှားတာကတစ်မျိုးနှင့်
Physicsဆိုဆယ့်ခုနစ်မှတ်ခွဲမှာသာအမြဲတန်းနေသည်ဟုစိုးညွန့် လည်းညည်းဖူး၏။သို့သော်Physicsသာအမှတ်သိရပြီးChemistryကတော့ အမှတ်ကိုLab: Reportစာအုပ်ပေါ်မှာရေးပေးလေ့မရှိ၍မသိရ။ မိမိဘာသာစိတ်ကူးနှင့်ယူနေကြခြင်းဖြစ်၏။

"ငါလည်းလက်တွေ့စမယ်ကြံရောဆရာမကအနားလာပြီးသင်ပါလေရော။ငါကသီအိုရီလွတ်သွားတာကိုး"

စိန်မျောက်မျောက်သူ့ဖြစ်စဉ်ကိုစားမြုံ့ပြန်ကောင်းနေဆဲ။

"သီအိုရီတွေရှင်းပြီးတော့ဘုရားရေ။ငါလုပ်ရမယ့်ထုတ်ဖော်ပုံတွေက ကိုးခုလောက်ရှိတယ်"

( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]

Tuesday, March 7, 2017

" အစဉ်ထာဝရ " ( ၁၃ )


[ ၆ ]

ကျူ တိုရီယယ်တက်စ်(Tutorial Test)ပြီးချိန်မှာစာတွေက ပိလာလေပြီ။ဘယ်သူတွေဘယ်လောက်ပြာပြာ၊ သူတို့အုပ်စုကတော့အေးအေးပင်။ဟုတ်သည်လေ။စာမေးပွဲဆိုတာစာရလျှင်ကြောက်စရာမလို။
အဓိကကစာရဖို့ပဲ။သူတို့အုပ်စုကအကုန်လုံးပုံမှန်စာလုပ်သောသူချည်းပင်။

စိန်မျောက်မျောက်ကတစ်ချိန်လုံးနောက်ပြောင်နေသော်လည်း၊ဥာဏ်ကောင်း၍စာတစ်ခုကိုခဏလေးနှင့်
ရတတ်သူဖြစ်သည်။ဥာဏ်ကောင်း၍သူများပျော်အောင်ရွှတ်နောက်တတ်သည့်တင်္ခဏုပ္ပတ္တိဥာဏ်
သန်သည်လား၊အမြဲတမ်းပျော်ပျော်နေတတ်၍များဥာဏ်ကောင်းနေသည်လားမပြောတတ်။
သူ့အခန်းဖော်စိုးညွန့်ကပင်ဩချယူရသည်။သည်ကောင်ငါစာဖတ်တဲ့ အချိန်တွေလောက်ကို မဖတ်ဘူးကွ၊စာကြည့်တာခဏလေးရယ်၊ဒါပေမဲ့မေးလိုက်ရင်မရတာမရှိသလောက်ဘဲ၊
သီအိုရီတွေအကုန်နားလည်နေတယ်ဟုစိုးညွန့်ပြောပြသည်။စိန်မျောက်မျောက်ကအဲသည်လိုကောင်။

ငြိမ်းချမ်းကျတော့စိန်မျောက်မျောက်လိုမဟုတ်။သူကBrightဖြစ်သူ။ဆရာက သီအိုရီတစ်ခုကို ရှင်းပြီးသွားလျှင်ဖြစ်နိုင်ချေရှိသည့်အခြေအနေများကိုသူတွေးထားပြီးသားဖြစ်နေသည်။
ကျွန်တော်တို့အားလုံးသီအိုရီပိုင်းဆိုင်ရာမရှင်းလျှင်ငြိမ်းချမ်းကိုသာကပ်ရတော့၏။
စာတော့ပုံမှန်ကြည့်သူဟုစိုးညွန့်တို့ပြော၍သိရသည်။

ကျော်ဝင်းထွဋ်ကတော့ပုံစံတစ်မျိုး။ဖော်မြူလာတော်တော်များများ၊စာတော်တော်များများကို
အာဂုံဆောင်နိုင်သူဖြစ်သည်။သူတို့အုပ်စုထဲမှာRollအမြင့်ဆုံးဖြစ်၏။သီအိုရီတွေ၊ဘာတွေစိတ်မ၀င်စား၊
သင်ထားသမျှတော့ နားလည်ပြီးအကုန်ရနေသူဖြစ်သည်။ငြိမ်းချမ်းနှင့်ကျော်ဝင်းထွဋ်ကတစ်ခန်း တည်းမို့စာလည်းပုံမှန်အတူတူလုပ်ဖြစ်ကြသည်တဲ့။

စိုးညွန့်ကတော့ရူပဗေဒအင်မတန်ကောင်းသူဖြစ်သည်။ဖစ်ဆစ်နှင့်ပတ်သက်လျှင်စိုးညွန့်နားမလည်တာမရှိ။
သူတို့အခန်းကိုသင်သောဆရာမက၊ကထိကဒေါ်အေးလှ။ဆရာမပြောသမျှနားထောင်ရုံနှင့်အားမရ။
တန်းခွဲအေနှင့်ဒီမှာသင်နေသောဋ္ဌာနမှူးပါမောက္ခဆရာကြီးဦးသာလှိုင်ဆီမှာအချိန်အားရလျှင်
ရသလိုသွားနားထောင်တတ်သည်။သူတို့တစ်အုပ်စုလုံးဆရာဦးသာလှိုင်သင်သည့်ပုံစံကိုသွားနားထောင်ဖူး၍
တပ်လန်ပြီးပြန်ပြေးခဲ့ရဖူးသည်။စိုးညွန့် ကတော့ဆရာသင်တာကြိုက်တယ်ဟုဆို၏။

ဆရာကြီးကသီအိုရီတစ်ခုကိုကျောင်းသားသဘောမပေါက်မချင်းနည်းလမ်းပေါင်းစုံနှင့်ရှင်းသည်။
ရူပဗေဒသဘောတရားများကလည်းကျယ်ပြန့်လွန်းလှ၏။ဆရာကြီးကသီအိုရီကျွမ်းလျှင်ပုစ္ဆာဆိုတာ
အသာလေးပါဟုဆိုလေ့ရှိသူ။သင်နေတာကစာသင်ခန်းထဲကသီအိုရီဖြစ်သော်လည်းရံဖန်ရံခါထိုသီအိုရီနှင့်
ဆက်နွယ်လျက်ဗဟုသုတဖြစ်အောင်ပြောလိုက်သည်မှာနယူတန်နှင့်အတူကမ္ဘာ့အပြင်ထွက်၍
ကမ္ဘာကြီးကိုတုတ်နှင့်ကော်တင်တာမျိုးတွေပါရောက်ကုန်၍တော်ရုံတန်ရုံလူဆိုအိပ်ပျော်လျှင်အိပ်ပျော်၊
သို့မဟုတ်၊ထလစ်တန်လစ်ရလေသည်။ဒါကိုပင်စိုးညွန့်ကသူ့အကြိုက်သင်တာပါဟုဆိုနေတော့
သူတို့အားလုံးဖစ်ဆစ်ဟုခေါ်သောရူပဗေဒမှာစိုးညွန့်ကိုဆရာကြီးတင်ထားလိုက်၏။
စိုးညွန့်လည်းစာကိုတော်တော်လေးလုပ်သည်ဟုကျော်ဝင်းထွဋ် တို့ပြောတာကြားဖူးသည်။

သူကတော့အားလုံးထဲမှာထူးထူးချွန်ချွန်ဘာမျှမရှိလှ။တစ်ခုပဲရှိသည်။သင်သမျှစာများကိုတော့မှန်မှန်လုပ်သည်။သချာင်္နှစ်ဘာသာဖြစ်၍သချာင်္ကိုပိုလုပ်သည်။သည်ကျောင်းကိုမရောက်ခင်ကတည်းကအတွက်အချက်ဝါသနာပါလာ၍ကျက်စာထက်တွက်စာများနေသောအခါဘာသာရပ်တွေထဲမှာပျော်မွေ့နေသည့်သဘောရှိ၏။အဓိကကတော့စာရနေဖို့ပင်မဟုတ်လား။
ကျန်သူတွေကိုယ့်အပူနှင့်ကိုယ်ပူနေကြချိန်မှာသူတို့အုပ်စုကကိုယ့်အရည် အချင်းကိုကိုယ်ယုံကြည်၍ပူစရာမရှိ။သူလည်းစိန်မျောက်မျောက်တို့နှင့်ရော၍ပျော်ကောင်းနေတုန်းပင်။

X X X X X

" ဟေ့ကောင် စိန်မျောက်မျောက်။မင်းမနက်ကChemstry Practical ခန်းထဲမှာဘာတွေလျှောက်လုပ်နေတာလဲ။မင်းတို့ Group ထဲကကောင်တွေပြောပြလို့ငါသိပြီးပြီ "

ဟိုတစ်ခါဆရာမနာမည်ပေးလိုက်ကတည်းကစိန်မျောက်မျောက်နာမည်ကသူငယ်ချင်းများကြားမှာတွင်
သွားခဲ့ပြီ။ခုလည်းစိုးညွန့်ကအတန်းထဲကခုံမှာထိုင်ပြီးပြီးချင်းနာမည်ခေါ်ပြီးမေးတော့စိန်မျောက်မျောက်
မျက်နှာကြီးရှုံ့ပြီး လှည့်ကြည့်သည်။

"ကောင်မလေးတွေရှေ့ကျရင်အဲဒီနာမည်ကြီးမခေါ်ပါနဲ့ကွာ။တောင်းပန်ပါတယ်။
အဲဒီနာမည်ကြီးခေါ်လိုက်ရင်ငါ့စတိုင်လ်တွေပဲ့ကုန်ရော"

စိန်မျောက်မျောက်ကတောင်းတောင်းပန်ပန်နှင့်ပြောသည်။သူတို့အုပ်စုထဲ မှာငြိမ်းချမ်းနှင့်ကျော်ဝင်းထွဋ်က
ပစ္စည်းဥစ္စာသိပ်ပြီးရှိကြသည်မဟုတ်ကြ။ဒါလည်းသူငယ်ချင်းတွေတွဲတာကြာမှသိလာရခြင်းဖြစ်၏။
အားလုံးကတော့ပွင့်ပွင့်လင်းလင်း၊သူ့မရှိကိုယ့်ကျွေး၊ကိုယ့်မရှိသူကျွေးတွေမို့ဘာမှရှက်စရာမရှိ။
ယောကျာ်းလေးချင်းဖြစ်၍လည်းရှက်စရာ၊အားနာစရာ၊အားငယ်စရာဟုမထင်မိကြ။မထင်မိအောင်လည်း အပွင့်လင်းဆုံးပေါင်းသင်းကြသည်။

စိန်မျောက်မျောက်ကတော့အိမ်မှာကတည်းကပြည့်စုံပြီးလွတ်လွတ် လပ်လပ်နေတတ်သူမို့ကျောင်းမှာလည်း အိမ်အတိုင်းနေသည်ဟုပြောသည်။အမြဲလိုတီရှပ်နှင့်ဘောင်းဘီနှင့်။ပုဆိုးတို့၊ရှပ်အင်္ကျီတို့ရံဖန်ရံခါမှသာဝတ် သည်။ထိုရံဖန်ရံခါဝတ်လာသည့်အခါတိုင်းလည်းခင်မင်သူတွေကမျောက်ကလူစိတ်ပေါက်လာ လားဟုပြောကြ၍လည်ကတုံးတို့၊ဆိတ်ခွံတို့ကို သိပ်မ၀တ်တော့။

ဟုတ်လည်းဟုတ်သည်။ဘောင်းဘီနှင့်မြင်နေကျစိန်မျောက်မျောက်ကိုပုဆိုးတွေ၊ဘာတွေနှင့်မြင်လိုက်ရလျှင်
သူတို့အုပ်စုပင်အသားကုန်ဝိုင်းလှောင်မိကြ၏။အခန်းဖော်စိုးညွန့်ကတော့မင်းကိုပြောသားပဲ၊
အရင်လိုဝတ်ပါဆိုတာကိုပြောမရဘူးဟုဆိုကာမြည်တွန်တတ်သည်။သည်လိုနှင့်စိန်မျောက်မျောက်
ဘ၀ကဘောင်းဘီချွတ်မရသောဘ၀ဖြစ်လာသည်။

သူတို့အုပ်စုကလည်းမြှောက်ပေးထား၏။စတိုင်လ်ရှိမှစတားဖြစ်တယ်ဟုဆိုသောအခါနဂိုကတည်းက
စတားဖြစ်ပြီးသားပါဟုဂုဏ်ယူနေပြန်၍သူငယ်ချင်းချင်းကျိတ်ပြီးမျက်နှာရှုံ့ပြခဲ့သေးသည်။
ဒါကိုစိန်မျောက်မျောက်မသိ။စိုးညွန့်ကတော့တီးတိုးပြောသည်။စတားဖြစ်မှာပေါ့၊စိန်မျောက်မျောက်ဆိုပြီး
ဆရာမတွေကတောင်သိနေတာဟုစိန်မျောက်မျောက်မကြားအောင်ပြော၍သူတို့ကျိတ်ရယ်ရသေးသည်။
ယခုလည်းသူ့နာမည်နှင့်စတိုင်လ်ကမကိုက်ပါဟုဆိုကာစိုးညွန့်ကိုပြန်ချေပနေပြန်သည်။

"ဟုတ်ပါတယ်ကွာ။မင်းတို့ကလည်းငါ့သူငယ်ချင်းစိန်မျောက်မျောက်ကိုဒီနေ့ကစပြီး
စိန်မျောက်မျောက်လို့မခေါ်ကြေး။စိန်မျောက်မျောက်လို့ခေါ်တဲ့ကောင်၊စိန်မျောက်မျောက်ကဆရာလို့
ထူးရမယ်။ဘယ်လိုလဲစိန်မျောက်မျောက်"

ငြိမ်းချမ်းက၀င်၍ပြောလိုက်မှပိုဆိုးသွားသည်။စိန်မျောက်မျောက်လက်ဝါးကြီးကငြိမ်းချမ်း၏
လက်မောင်းလုံးကြီးပေါ်ဘုန်းခနဲကျသွားသည်။

" ဟ-ငါကစေတနာနဲ့လည်းပြောရသေးတယ်"

"မပြောနဲ့ကွာ။မင်းပြောပြတဲ့အထဲမှာကို၊စိန်မျောက်မျောက်ဆိုပြီးခေါ်သွားတာအခါတစ်ရာလောက်
ရှိတယ်။ပြီးတော့ဘာလဲ။ငါ့ကိုစိန်မျောက်မျောက်ခေါ်တဲ့လူကိုပဲငါကဆရာလို့ခေါ်ရဦးမယ်။
ဟုတ်လား။တော်တော်လည်း ကျတဲ့ကောင်တွေ"

"ကဲပါကွာ။တော်ပါ။ခုနစိုးညွန့်မေးတာဆက်စမ်းပါ။မင်းလက်(ဘ်)အခန်းထဲမှာဘာလုပ်ခဲ့လို့လဲ"

( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]

Sunday, March 5, 2017

" အစဉ်ထာဝရ " ( ၁၂ )


" တစ်ခုတော့ရှိတယ်ကွ "

သန့်စင်အောင်အနည်းငယ်တင်းသွားသောမျက်နှာကိုပြင်ရင်းစကားပြန်ဆက်တာတွေ့သည်။
တစ်ဝက်လောက်ခွဲကျွေးပါသူငယ်ချင်းရာဟုငြိမ်းချမ်းကလှမ်းနောက်သည်။လေးဖြူ ကိုယ်လုံးထက်ဝသော၊တုတ်သော၊လေးဖြူ မဟုတ်သောငြိမ်းချမ်းကအစားမက်တာသူတို့တစ်အုပ်စုလုံးသိသည်။ကျော် ၀င်းထွဋ်ကသူ့တုန်းကဗျင်းထားသောငြိမ်းချမ်းကိုငြင်ငြင်သာသာလေးထဗျင်းသည်။
ဘုန်းဟူသောအသံကြားပြီးသည့်နောက်ငြိမ်းချမ်းတစ်ယောက်တစ်ဝက်မပြောနှင့်၊
တစ်စိတ်လောက်ခွဲကျွေးပါဟုပင်မအော်နိုင်တော့အောင်ငြိမ်သက်သွားသည်။
သန့်စင်အောင်ကကျော်ဝင်းထွဋ်နှင့်ငြိမ်းချမ်းကိုကြည့်၍မျက်မှောင်ကြီးကုတ်လာသည်။
တင်းလာပြီဆိုသည့်သဘော။

"တော်ပြီကွာ။မပြောတော့ဘူး။စိုးညွန့်မင်းပြော။ဒီကောင်တွေပါးစပ်ကအငြိမ်မနေဘူးကွ။တစ်ခုခုနဲ့
ဆို့မှရမယ်"

သန့်စင်အောင်ကစိတ်ကုန်သွားသည့်ပုံစံနှင့်ပြောတော့စိုးညွန့်အုတ်နံရံကိုမှီထားရာမှခေါင်းမတ်လာသည်။
အမှန်တကယ်အလေးအနက်ဆွေးနွေးတော့ မည့်ပုံစံနှင့်။စပါပြီ။

" မင်းကိစ္စနဲ့ပတ်သက်လို့ဘယ်လိုပြောရမှန်းမသိတော့ဘူးကင်းရာ"

စိုးညွန့်ကခေါင်းကဆံပင်တွေကြားထဲလက်ချောင်းများထိုးသွင်းရင်းပြောသည်။မြန်မာလိုပြောကွာဆိုသော
အသံကြားလိုက်ရသည်။ကျော်ဝင်းထွဋ်နှင့် ငြိမ်းချမ်းဆီကမဟုတ်။စိုးညွန့်သိသွားသည်။သန့်စင်အောင်ဆီကအသံ။
စိုးညွန့်ရှူးရှူးရှဲရှဲဖြစ်သွား၏။သန့်စင်အောင်ပြေးပေါက်ရှာနေသည်။

"လာစမ်း။ခုနကသူ့ကိုပြောတော့ဒီကောင်တွေပါးစပ်ကအငြိမ်မနေဘူး။တစ်ခုခုနဲ့ဆို့မှရမယ်
ဆိုတဲ့ကောင်။ခုမင်းကိုငါကဆို့မယ်ကွ"

စိုးညွန့်ပြောင်းဖူးရိုးတစ်ခုနှင့်သန့်စင်အောင်နောက်ထလိုက်သည်။ သန့်စင်အောင်စပြေးကတည်းကသူတို့အုပ်စုတဝေါဝေါရယ်နေရပြီ။စိုးညွန့်ကပြောင်းဖူးရိုးကြီး
ကိုင်ပြီးလိုက်နေတော့တစ်ခန်းလုံးပွဲကျနေလေပြီ။

ထိုအချိန်မှာပင်စာသင်မည့်သင်္ချာဆရာမရောက်လာ၏။ရှေ့ကပြေးနေသောသန့်စင်အောင်ကိုစတွေ့သည်။
ဘာလုပ်တာလဲမေး၏။အပြင်ခဏသွားချင်လို့ပါဟုဖြေသည်။ဆရာမကသွားသွားဟုအော်လွှတ်၏။
စာမသင်ခင်ကိစ္စ၀ိစ္စမရှင်းဘူး။စာသင်ခါနီးဆရာလာမှကိစ္စ၀ိစ္စရှုပ်လာတယ်ဟုဆိုသည်။
တစ်ဆက်တည်းမှာပင်ပြောင်းဖူးရိုးကြီးနှင့်စိုးညွန့်ကိုဆရာမကတွေ့သွားသည်။

နင်ကရော၊ဘာလုပ်တာလဲဟုဆို၏။စိုးညွန့်ကအစကတည်းကခပ်အေးအေးသမား။ဘာဖြေရမှန်း
မသိ။ကြောင်တက်တက်ဖြစ်နေသည်။ကျွန်တော့်ပြောင်းဖူးရိုးပစ်ခိုင်းလိုက်တာပါဆရာမဟုငြိမ်းချမ်းက
အာဝင်ချောင်သည်။ဆရာမမျက်စောင်းလှမ်းထိုး၏။နင်ကရော၊သူများခိုင်းတာလုပ်တာပဲလားဟုမေးသည်။
စိုးညွန့်ရှက်ပြုံးပြုံးကာဟီးဟီးဟုရယ်သည်။ကျွန်တော်လည်းစားထားလို့ပါဆရာမဟုဆိုသည်။
သွားသွားဟုဆိုကာဆရာမကလွှတ်၏။

ပြောင်းဖူးရိုးကြီးပစ်ပြီးစိုးညွန့်မျက်နှာအောက်သိုးသိုးနှင့်ပြန်လာသည်။ တစ်ခန်းလုံးပြုံးကြ၏။
ဆရာမကစာစသင်ဖို့Blackboardဖျက်တော့သူတို့လည်းစာအုပ် ထုတ်လိုက်ကြသည်။သန့်စင်အောင်ကရှေ့ပေါက်မှပြန်ဝင်လာတာတွေ့၏။အစကတည်းက
အပေါ့သွားချင်၍သွားသည်မဟုတ်ဘဲဆရာမကိုလိမ်ညာထွက်သွားခြင်းဖြစ်၍တစ်ကြောင်း
၊စိုးညွန့်ကသူ့ကိုနှိပ်ကွပ်တော့မည်ကိုရှောင်နိုင်၍တစ်ကြောင်းအိမ်သာကအပြန်မှာမျက်နှာကမချိုမချဉ်၊ လူကမြောက်ကြွမြောက်ကြွဖြစ်လာ၏။ဆရာမကဘောဖျက်ကိုစားပွဲပေါ်တင် ရင်းသူမ၏လက်ချာစာအုပ်ကိုယူလိုက်စဉ်သန့်စင်အောင်ကိုတွေ့ဖြစ်အောင်တွေ့သွား၏။

" ကဲ.....ကဲ။နေစမ်းပါဦးလူကြီးမင်း။နာမည်ဘယ်လိုခေါ်လဲ"

ရုတ်တရက်တော့သန့်စင်အောင်ကြောင်သွားသည်။တစ်ခန်းလုံးကလည်းဝိုင်းကြည့်နေတာသိ၏။

" ကျွန်တော့်နာမည်သန့်စင်အောင်ပါဆရာမ။ကျွန်တော် Roll 263 ပါ"

"နာမည်ပဲမေးတာ။Rollကဘာလို့ဖြေတာတုန်း။ကျန်တဲ့မေဂျာကဆရာ၊ဆရာမတွေလည်း
မင်းအကြောင်းပြောတာကြားဖူးတယ်။လူရော၊ပါးစပ်ရောအငြိမ်မနေဘူးတဲ့။မျောက်ကျနေတာပဲတဲ့။
ဒါနဲ့ငါဝင်လာကတည်းကကြည့်နေတာ။ နင့်ကိုသန့်စင်အောင်လို့မခေါ်ဘူး။ဟိုရွှေသွေးထဲကစိန်မျောက်
မျောက်လို့ပဲခေါ်မယ်၊ကြားလား"

ဆရာမစကားအဆုံးတစ်ခန်းလုံးက...ဟေး...ဟုဆိုကာလက်ခုပ်တီးသည်။ သန့်စင်အောင်တော့ကံဆိုးပြီဟုတွေး၏။သူတို့ကျောင်းမှာနာမည်တစ်လုံး ရပြီးဖျက်ဖို့မလွယ်တာအစဉ်အလာဖြစ်နေချေပြီ။သန့်စင်အောင်ပုံစံကလည်း
ဆရာမနာမည်ပေးလည်းပေးချင်စရာ။ခုနကဆရာမမလာခင်ကတည်းကအတန်းပတ်၍ပြေးနေသည်မို့
ဆံပင်ကဖွာလန်ကျဲ။ချွေးရွှဲရွှဲနှင့်။ဝတ်ထားသောတီရှပ်ကအရိုးခေါင်းပုံကနှင်းဆီပန်းကို
ကိုက်လို့။သေနတ်ပုံပါ၊ပါလိုက်သေး ။အောက်ကဂျင်းဘောင်းဘီကခပ်ကျပ်ကျပ်ကိုခြေထောက်
နားမှာပွပွ ကြီးဖြစ်နေသည်။သည်တော့ဆရာမကပြောတော့မည်ပေါ့။သူတို့အုပ်စု ကတော့မြင်နေကျမို့အသားကျနေတာဖြစ်မည်။

"ရပါတယ်ဆရာမ။ဆရာမကချစ်လို့ပေးရင်အမှတ်တောင်တစ်ရာအပြည့်ပေးရင်လည်း
ကျွန်တော်ကျေကျေနပ်နပ်ယူမှာပါ။"

တစ်ခန်းလုံးပွဲကျသွားသည်။သန့်စင်အောင်ခပ်ပြုံးပြုံးနှင့်နေရာမှာဝင်ထိုင်၏။ဆရာမကခွေးကောင်၊
စိန်မျောက်မျောက်ဟုဆိုကာပြုံးသည်။သူတို့အုပ်စုသန့်စင်အောင်ကိုစိန်မျောက်မျောက်ဟု
ဆိုကာကျောကုန်းကိုပုတ်လိုက်ကြသည်။အနီးအနားမှသူငယ်ချင်းတွေရယ်ကြပြန်၏။

ဆရာမစာရေးနေပြီမို့စာကူးမည်ပြင်စဉ်နှင်းနွယ်နွေးတို့ဆီ အကြည့်ရောက်တော့သုံးယောက်သားတစ်ယောက်ကိုတစ်ယောက်ကြည့်ကာပြုံးနေကြသည်ကိုတွေ့သည်။

ဪ-နှင်းနွယ်နွေးရယ်၊ခင်စရာကောင်းတဲ့ကိုယ့်သူငယ်ချင်းတွေကြောင့်မင်းတို့ပြုံးရယ်ရတယ်
ဆိုရင်ကိုယ်ကျေနပ်ပါတယ်လေ။ဘာဆိုဘာမှမင်းတို့နဲ့ပတ်သက်ပြီးမနောက်မပြောင်ရဲတဲ့
ကိုယ့်ကိုတော့မင်းနာနာကြည်းကြည်း နဲ့တောက်ခေါက်တာမျိုး
ဘယ်တော့မှမကြုံမိစေဖို့ဆုတောင်းနေပါ့မယ်ကွယ်။

( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]

Friday, March 3, 2017

" အစဉ်ထာဝရ " ( ၁၁ )

[ ၅ ]

ကျောင်းအ၀င်မှာသူငယ်ချင်းတစ်ယောက်နှင့်တွေ့၍စကား တပြောပြောနှင့်ကျောင်းထဲဝင်လာကြ၏။ပြောမိသမျှကစာအကြောင်းမပါ။ အတန်းထဲကသူငယ်ချင်းတွေဗရုတ်ကျသည့်အကြောင်းများချည်းသာဖြစ်၏။

"ဟိုတစ်နေ့ကမြန်မာစာဆရာမကဂုဏ်ဆိုတာဘာလဲလို့မေးတယ်။အဲဒါကွာဟိုကောင်
သန့်စင်အောင်ဖြေလိုက်တာငါတော့ဆရာမဒေါကန်ပြီထင်တာ။တော်သေးတာပေါ့။
ဆရာမကလည်းပျော်ပျော်နေတတ်တဲ့ဆရာမမို့လို့"

ကွန်ကရစ်လမ်းလေးအတိုင်းကျောင်း၏တိုင်လုံးကြီးများရှိရာကိုလျှောက်သည်။
ထိုတိုင်လုံးကြီးများရှိရာအဆောက်အအုံကိုအဆောက်အအုံ(၁) ( Building-1)ဟုခေါ်၏။ အမှန်ကသူတို့စာသင်ဆောင်L-2ဘက်ကိုအပြင်ကွန်ကရစ်လမ်းအတိုင်းသွားလို့ရ၏။ အပေါ့အပါးသွားချင်သည့်အခါမျိုး၊ရံဖန်ရံခါစိတ်ကူးပေါက်သည့်အချိန်မျိုးမှသာထိုတိုင်လုံးကြီးများဘက်မှ သွားကြခြင်းဖြစ်သည်။

"နေစမ်းပါဦး။ငါတို့ကလည်းမြန်မာစာချိန်ဆိုလစ်နေကျမို့မသိလိုက်ဘူး။ပြောစမ်းပါဦး။
သန့်စင်အောင်ဘာပြောလိုက်လဲ"

သူ့သူငယ်ချင်းကစိတ်ဝင်တစားမေးသည်။မော်ကွန်းထိန်းရုံးခန်းရှေ့ ကိုရောက်လာ၏။

"ဆရာမကဂုဏ်ဆိုတာဘာလဲမေးတော့အဲဒီကောင်ကဂုဏ်ဆိုတာငွေကိုခေါ်ပါတယ်ဆရာမဆိုပြီး
ထလုပ်တာလေ။ရယ်တဲ့ကောင်တွေလည်းရယ်ကြတာပေါ့။ငါတို့ကသူ့နားကဆိုတော့မရယ်ရဲ
ဘူး။တော်သေးတယ်။ဆရာမကသဘောကောင်းတယ်။ဟိုအကောင်ပြောတော့မယ်ပေါက်ကရဆိုမှငါတို့
သက်ပြင်းချနိုင်တယ် "

သူ့သူငယ်ချင်းကပြုံးသည်။သူလည်းအဲဒီနေ့ကဆရာမကမဆူတာသိမှပြုံးဖြစ်သည်ကိုတွေးကာ
ပြုံးမိပြန်သည်။ထိုအချိန်မှာပင်မထင်မှတ်စွာဩဘာလမ်းအတွင်း မှာရောက်နေသောနှင်းနွယ်နွေး၊ခင်ဝါဦးနှင့်စိုးမမကိုမြင်လိုက်ရသည်။
တစ်ဆက်တည်းမှာပင်ဩဘာလမ်းကိုရံထားသောဘေးအဆောင်များ မှကျောင်းသားများဝရန်တာနားသို့ကပ်လာပြီးဝိုင်း၍အားပေးလိုက်တာတွေ့လိုက်ရသည်။

" ရွှီ.......ဖြောင်း....ဖြောင်း........ဖြောင်း.......ဖြောင်း........။မယ်ရွေးမယ်ကွ"

သွားပြီ။နှင်းနွယ်နွေးတို့သုံးယောက်မျက်နှာငယ်လေးတွေနှင့်သူတို့ရှိရာဘက်ကိုပြန်လှည့်ပြေး
လာတာတွေ့သည်။သူနှင့်သူ့သူငယ်ချင်းကရပ်ကြည့်ရုံပဲရှိ၏။ကိုယ့်အတန်းထဲကသူငယ်ချင်းမို့
အများကစနောက်ချိ်န်မှာရောနောက်ပြောင် ဖို့မသင့်ဟုသူတွေးမိသည်။သို့သော်အားလုံးကတော့ကျောင်းမှာ
ရှိသောဩဘာလမ်း၏ထုံးစံအတိုင်းလက်ခေါက်မှုတ်၊လက်ခုပ်တီး၊တရွှီးရွှီး တဖြောင်းဖြောင်းနှင့်အားရပါးရအားပေးနေကြတာတွေ့သည်။သူတို့ လည်းနှင်းနွယ်နွေးမဟုတ်ဘဲတခြားတစ်ယောက်ယောက်သာဆိုယခုလို ပဲရော၍အားပေးမိမှာသေချာသည်။

သို့သော်ခုဟာကနှင်းနွယ်နွေးဖြစ်၏။သူ့ကိုဘယ်လိုနည်းနှင့်မျှအမြင် မကြည်သောသူဖြစ်၏။ထိုသို့သိလိုက်သောကြောင့်သူနှင့်သူ့သူငယ်ချင်း တို့ပြောလာသောအပျော်စကားများကြောင့်ဖြစ်လာသောအပြုံးကိုအမြန်ဖုံး ကွယ်ဖို့ကြိုးစားလိုက်သော်လည်းသူနောက်ကျသွားမှန်းသိလိုက်ရပြီ။

" တောက် "

နှင်းနွယ်နွေးထံမှတောက်ခေါက်သံပြင်းပြင်းသူ့ရှေ့နားမှာလျှံကျသွား၏။သူနားလည်လိုက်ပါပြီ။
ခုနတုန်းကသူတို့ပြုံးနေခြင်းကိုနှင်းနွယ်နွေးကသူမတို့အားလှောင်ပြုံးပြုံးလိုက်သည်ဟုထင်ပေလိမ့်မည်။

" ဟ-ဘာဖြစ်တာလဲ။အသားလွတ်ကြီး "

ဘေးကသူငယ်ချင်းကပြောသည်။သူကဘာမှမဆိုဖြစ်တော့။အပေါ့သွား ရန်ယောကျာ်းလေးအိမ်သာဘက်ဦးတည်လိုက်သည်။

X X X X X

"ဩဘာလမ်းဆိုတာတို့ကျောင်းကစွယ်တော်ပင်တွေလိုအထင်ကရတစ်ခုပဲကွ။
ငါကျောင်းမတက်ခင်ကတည်းကကြားဖူးတယ်။အဲဒီလမ်းကိုဖြတ်တဲ့လူမှန် ရင်ဘေးဘက်ကစာသင်ဆောင်တွေကရှိတဲ့လူတွေအကုန်လုံးထွက်ပြီးလက် ခုပ်တီး၊လက်ခေါက်မှုတ်အားပေးတာခံရတယ်တဲ့"

စိုးညွန့်ကသူသိသမျှရှင်းပြသည်။

"ဒါကြောင့်ဆရာတွေကဖြတ်သန်းမသွားရဆိုတဲ့ဆိုင်းဘုတ်ထောင်ထား တာနေမှာ။ဒါတောင်ကွင်းတို့အုပ်စုကဘယ်လိုကဘယ်လို........"

သူကပြောပြထား၍အားလုံးသိနေပြီမို့တစ်ယောက်တစ်ပြန်ရှင်းလင်းချက်တွေ၊မေးခွန်းတွေ
ထုတ်နေကြခြင်းဖြစ်သည်။ငြိမ်းချမ်းကသူ့အမြင်ကိုမေးခြင်းဖြစ်၏။

"ဆိုင်းဘုတ်ထောင်ထားတာတော့ဟုတ်တယ်ကွ။ဆိုင်းဘုတ်ကဖြူ ဖြူ၊တိုင် နဲ့သေသေချာချာထောင်ထားတာ။ခက်တာကစာရေးတဲ့သစ်သားမှာတစ်ဖက်ပဲရေးထားတာရယ်၊
အဲဒီဆိုင်းဘုတ်တိုင်ကရွှေ့လို့ရနေတာရယ်ပဲကွ။ဒီတော့လက်ဆော့တဲ့ကျောင်းသား၊
ဥပမာသန့်စင်အောင်လိုကောင်မျိုးနဲ့တွေ့တော့စာရေးထားတဲ့ဘက်ကလူဖတ်လို့မရတဲ့
ဘက်ကိုရောက်နေပြီး၊တိုင်ကတစ်ခါတလေဘေးရောက်နေတတ်တော့ကျောင်းကိုတစ်ခါမှ
မရောက်ဖူးသေးတဲ့သူ၊ရောက်ပြီးတော့လည်းအကြောင်းမသိသူတွေကဆိုင်းဘုတ်ရဲ့ လှည့်စားချက်ကိုခံရပြီးဩဘာပေးခံရတော့တာပေါ့"

စိုးညွန့်ကစာသင်ခန်းအုတ်နံရံကိုမှီပြီးသူ့စကားကိုအဆုံးသတ်သည်။

" နေစမ်းပါဦးစိုးညွန့်ရ။ငါကလက်ဆော့တယ်ဆိုရအောင်မင်းတို့ကရော လက်ငြိမ်လို့လား။ Correction Pen ( မင်ဖျက်တံ )နဲ့ ခုံတွေပေါ် လိုက်ရေးတာမင်းတို့မဟုတ်လား"

ခုနကစိုးညွန့်ကဩဘာလမ်းအကြောင်းရှင်းရင်းသန့်စင်အောင်ကိုနှိပ်ကွပ် လိုက်၍ သန့်စင်အောင် မခံမရပ်နိုင်ဖြစ်ကာပြန်ချေပသည်။သူတို့ပြုံးဖြစ်၏။ဘာကြောင့်လဲဆိုတော့သူတို့အုပ်စုက
ပထမနှစ်မှာပင်ပြောမနာဆို မနာတွေဖြစ်ကုန်ကြပြီလေ။

"သန့်စင်အောင်ကလည်းကွာ။မင်းကလက်ဆော့တယ်။စိုးညွန့်ကလက်မငြိမ်ဘူး။ငါတို့က
လက်လှုပ်တယ်။အတူတူပါပဲကွာ။ဟဲ....ဟဲ....ဟဲ။ဟုတ်တယ် မဟုတ်လား"

ကျော်ဝင်းထွဋ်ပြောတော့သူတို့ဝိုင်းရယ်သည်။ဟုတ်တယ်၊ဟုတ်တယ်ဟုငြိမ်းချမ်းက
အသံပြဲကြီးနှင့်ထအော်၏။စာလုပ်နေသောကျောင်းသားတချို့ခေါင်းမော့ကြည့်ရင်းပြုံးသည်။
သူတို့လည်းသည်အုပ်စုအကြောင်းကိုသိပြီးသားပဲလေ။

" ဘေးရောက်ကုန်ပြီကွ။စကားဝိုင်းက။မင်းတို့ကင်းကိုအားနာသင့်တယ် "

စိုးညွန့်စကားပြန်ဆက်၏။အားလုံးအကြည့်ကသူ့ဆီပြန်ရောက်လာသည်။
သူကတော့အတန်းထဲမှာငြိမ်သက်စွာထိုင်နေသောနှင်းနွယ်နွေးတို့သုံးယောက်ကိုငေးနေမိ၏။
သူတို့အရမ်းရှက်သွားမှာပဲလေဟုတွေးရင်းစိတ်မကောင်းချင်။သူ့ကိုစိတ်ဆိုးတာ၊တောက်ခေါက်တာ
အတွက်နာကြည်းဖို့စိုးစဉ်းမျှမရှိ။

" အချစ်ဆိုတာအပြစ်တွေကစတယ်ထင်တယ်"

သန့်စင်အောင်ကတည်ငြိမ်အေးဆေးစွာဆိုသည်။ကျော်ဝင်းထွဋ်ကမဟုတ်ဘူး၊အပျစ်ကမစဘူး၊
အကျဲတွေကစတယ်ဟုနောက်သည်။ငြိမ်းချမ်းကလုပ်ပြီ၊လုပ်ပြီဟုဆိုကာကျော်ဝင်းထွဋ်ကျောကုန်းကို
ဘုန်းခနဲထုသည်။ အ-ဟုအော်ကာကျော်ဝင်းထွဋ်ငြိမ်သွား၏။

( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]

Saturday, February 25, 2017

" အစဉ်ထာဝရ " ( ၁၀ )


" နှာ..........ဘူး၊ နှာ..........ဘူး၊ နှာ............ဘူး၊ နှာ...........ဘူး"
စောစောကကွယ်နေသောမျက်နှာတချို့ထပ်ပေါ်လာပြန်သောအခါထပ်ထွက်လာသောအသံများ။
သူတို့အော်သောနှာဘူးအသံကရိုးရိုးဆတ်တောက် ဆတ်တောက်အော်သံမျိုးမဟုတ်။နှာဆိုသောအသံမှာနည်းနည်းဆွဲ၍ဘူးမှာ တုံ့ခနဲရပ်သည်။အော်တာတညီတည်းမို့နားထောင်ရင်းပျော်နေရပြန်သည်။

" ဒီဘဲကြီးတွေကလည်းကွာ။ ငမ်းကြောထလိုက်တာ "

သန့်စင်အောင်အသံ။မကျေနပ်သံတွေပါနေသည်။သူလှမ်းကြည့်တော့ ခုနမြင်နေရသောသူများထွက်ပြေးကုန်၏။ ဟေးဟုအော်ပြီးအသံတွေရပ်သွားသည်။

" မင်းကြိုက်နေတဲ့စော်ရှိလို့လား။မင်းကအဲဒီလောက်မနာလိုဖြစ်နေတာ"

သူ့စကားကြောင့်သန့်စင်အောင်လှည့်ကြည့်သည်။ငြိမ်းချမ်းနှင့်ကျော်ဝင်းထွဋ္ဋ်ကပြုံးစိစိလုပ်နေ၏။
စိုးညွန့်ကတော့ထုံးစံအတိုင်းဘာမျှဝင်မပြော။စာအုပ်တွေဟိုလှန်သည်လှန်လုပ်နေသည်။

"ငါစိတ်ဝင်စားတာမရှိသေးပါဘူးကင်း။ဒါပေမဲ့ခုဟာကသူတို့ငမ်းတာလွန်နေလို့ပါ။
ငါတို့ထက်အတန်းကြီးတာမှတော်တော်ကြီးမယ့်ပုံတွေ။နည်းနည်း က္ကနြေ္ဒရရလေးလုပ်ပေါ့။ခုဟာက"

" အမယ်။မင်းလည်းအတန်းကြီးရင်အဲဒီလိုမဖြစ်နိုင်ဘူးလို့အာမခံမလား"

ငြိမ်းချမ်း၏အသံ။သန့်စင်အောင်တွေခနဲဖြစ်သွားသည်။ကျော်ဝင်းထွဋ်က ၀ါသနာပေါ့ကွာဟုပြော၏။

" အဲဒီအခါကျတော့ငါကက္ကနြေ္ဒရရငမ်းမှာပေါ့ကွ "

" ဟား....ဟား.......ဟား.......ဟား။ ခွေးကောင် "

သန့်စင်အောင်စကားကြောင့်သူတို့အားလုံးအားရပါးရရယ်လိုက်ကြသည်။
ခုနငြိမ်သွားသောအတန်းကသူတို့အုပ်စုကြောင့်တပ်လှန့်လိုက်သလိုဖြစ်သွား၏။
အားလုံးလှည့်ကြည့်တာတွေ့သည်။

"ကင်းတို့အုပ်စုကငပြောင်တွေချည်းပဲစုထားတော့ပျော်စရာတော့ကောင်း တယ်ကွ "

"ဒီကောင်တွေတစ်နယ်စီကလာပြီးဒီလောက်ဗရုတ်ကျနေတာတွဲမိနေတာအံ့ဩဖို့တော့ကောင်းတယ်"

တစ်ယောက်တစ်ပေါက်မှတ်ချက်ချသံများကိုကြားတော့သူတောင်ငပြောင်လို့သတ်မှတ်ခံထားရပြီလား
ဟုတွေးသည်။ယောကျာ်းလေးချင်းတောင် သည်လိုမြင်နေလျှင်နှင်းနွယ်နွေးတို့လိုမိန်းကလေးများသာဆိုလုံးဝ အထင်ကြီးနိုင်တော့မည်မဟုတ်။မတတ်နိုင်တော့။ယောကျာ်းလေး သည်လောက်များသောကျောင်းမှာဗရုတ်ကျသည်ဟုထင်လည်း ထင်ကြပါစေတော့။လူငယ်ပီပီလွတ်လွတ်လပ်လပ်တော့နေချင်သည်။ ဘယ်သူ့ကိုမှမထိခို်က်ဘဲပျော်နေရလျှင်ပြီးရောဟုသဘောထား၏။

"မင်းတို့ကလည်းကွာ။ငါကနောက်တာပါ။ငါလည်းငမ်းမှာပါပဲ။ခုဟာကအမှန်အတိုင်းပြောရရင်
ကိုယ့်အတန်းထဲကကောင်မလေးတွေသူများနောက်ပါသွားမှာစိုးရိမ်လို့ပါ။သ၀န်တိုတယ်ပဲပြောပြောကွာ"

သန့်စင်အောင်ကစပ်ဖြီးဖြီးမျက်နှာနှင့်သူ့စကားကိုပြန်ဖြေချသည်။

"မင်းကသာစိုးရိမ်နေ။တချို့ကဘဲတွေနဲ့။တချို့ကစေ့စပ်ပြီးသားတောင် ရှိတယ်"

ကျော်ဝင်းထွဋ်က၀င်ပြောတော့သူတို့ဘာမှပြန်မပြောဖြစ်။

" ဟေ့ကောင်ကင်း။မင်းကိုငါပြောမလို့ကွ။ခုနဘဲတွေဘယ်သူ့လာငမ်းတယ်ထင်လဲ"

စိုးညွန့်စကားကြောင့်သူ့အာရုံကိုတည်ငြိမ်အောင်ဖမ်းထိန်းသည်။သူတို့အားလုံးနှုတ်ဖျားမှာ
ကင်းဆိုသောနာမည်ကနှုတ်ကျိုးနေပြီမို့ဘာမှမထူးခြား။အခုစိုးညွန့်စကားတွေကတော့ထူးခြားနေတာ
အမှန်။

" ဘယ်သူလဲ။ဘယ်သူ့ကိုလဲ"
" ကွင်းကိုကွ "

ဟေဟုသူတို့အားလုံနှုတ်မှရေရွတ်မိကြသည်။အထူးသဖြင့်တော့သူ။
အားလုံးအသံထက်ကျယ်သွားသည်။ကိုယ်တိုင်နေရ၊ထိုင်ရကျဉ်းကျပ်လာသလိုရှိ၏။ စိတ်ထဲမှာမရိုးမရွနှင့်ပေါက်ကွဲချင်လာသည်။

"ကွင်းဆိုတာငါတို့အုပ်စုကနေတစ်ဆင့်တစ်တန်းလုံးကပေးလိုက် တဲ့နှင်းနွယ်နွေးရဲ့နာမည်ဖြစ်နေပြီဆိုတာမင်းတို့အသိပဲ။ဒါပေမဲ့သူလှတယ်ဆိုတာအားလုံး
ဝန်ခံကြတယ်။ကျန်တဲ့အခန်းကဘော်ဒါတွေကတောင်ဖတ်စ်ရီးယားကွင်းအဖြစ်သူတို့ပါ
သတ်မှတ်တယ်တဲ့။ငါတို့ကွင်းကိုမီတဲ့အလှ မရှိဘူးတဲ့။ပြီးတော့သဇင်ဆောင်မှာ"

" ဟာ-ဘာလဲ။ကွင်းကနယ်ကလား"

ငြိမ်းချမ်းအမေး။စိုးညွန့်ခေါင်းညိတ်သည်။

"မြိတ်ကလာတာတဲ့။သဇင်ဆောင်မှာဂစ်တာသွားတီးနေ ကျကောင်တွေပြောပြတာ"

" ခင်ဝါဦးတို့ကရော"

" အလဲ့။ကျော်ဝင်းထွဋ်ကခင်ဝါဦးကိုစိတ်ဝင်စားတယ်ထင်တယ်"

"မဟုတ်ပါဘူးကွာ။သူ့နာမည်လည်းမင်းသိသားနဲ့။ခင်ဝါဦး။မြင်တာနဲ့ရူးချင်
စိတ်ပေါက်သူဆိုတဲ့ပါရမီနဲ့ပြည့်စုံနေတာ။ငါကဘာရယ်မဟုတ်ဘဲမေးတာပါ။ခင်ဝါဦးက
ငြိမ်းချမ်းအတွက်ပဲဖြစ်သင့်ပါတယ်။"

ကျော်ဝင်းထွဋ်စကားကြောင့်ငြိမ်းချမ်းရှူးရှူးရှားရှားဖြစ်သွားသည်။သူလည်း ခင်ဝါဦးလိုကိုယ်လုံးကြီးကြီးကိုး။ခွေးကောင်ဟုအော်၏။ပွစိပွစိနှင့်ဆဲသည်။ ကျန်သူတွေပြုံးပြီးသူမပြုံးနိုင်။

"ခင်ဝါဦးကဟင်္သာတက။စိုးမမကရေတာရှည်ကတဲ့။သိတဲ့ကောင်တွေပြောတာပဲ"

"ဒါနဲ့ခုနစကားဆက်စမ်းပါဦးစိုးညွန့်။ကွင်းကသဇင်ဆောင်မှာဘာဖြစ်လဲ။ညညဂစ်တာလာတီးရင်
ကပြတတ်လို့နာမည်ကြီးတာလား။ဒါမှမဟုတ်....."

"ဟေ့ကောင်သန့်စင်အောင်။မင်းပါးစပ်ကလေမျောက်လိုပဲအငြိမ်ကိုမနေဘူး။ဘာလဲ၊နာမည်လိုချင်လို့လား။"

ငြိမ်းချမ်းကအရှိန်မသေသေးသောဒေါသနှင့်ပြောတော့မှသန့်စင်အောင် အပြောရပ်သည်။

"မလုပ်ပါနဲ့ကွာ။မျောက်ဆိုတဲ့နာမည်နဲ့ငါနဲ့မလိုက်ဖက်တာမင်းတို့အသိပါ။တွမ်ခရုစ်တို့
၊မိုက်ကယ်ဒေါက်ကလပ်တို့ဆိုငါလက်ခံနိုင်ပါတယ်။စိတ်မဆိုးဘူး။ခေါ်သာခေါ်"

အားလုံးပြုံးဖြစ်ကြပြန်သည်။သူကတော့စိတ်ထဲမှာတလိမ့်လိမ့်နှင့်ကြိတ်မနိုင်
ခဲမရဖြစ်နေသေး၍ဘယ်လိုမှပြုံးပြလို့မရ။
ဟုတ်သည်လေ။သည်လောက်လူတွေထဲမှာသည်မိန်းကလေးကိုမှဘာလို့လာမြင်နေရတာလဲ
မစဉ်းစားတတ်တော့။သူမအလှကြောင့်ထင်ပေါ်သည်ဆိုလည်းထိုအလှကိုသူမှလွဲ၍မည်သူမျှ
မခံစားစေချင်တော့။အားလုံးကိုမကျေနပ်ချင်စိတ်ကတရိပ်ရိပ်တက်လာ၏။

"ကဲ....ကဲ။တော်ကွာ။ပေါက်ကရတွေဆက်ပြောမနေနဲ့။ငါတို့ကွင်းက သဇင်ဆောင်မှာလည်းဒီနှစ်ကွင်းရတယ်တဲ့ကွ "

" ဘယ်သူတွေကပေးတာလဲ "

" အဆောင်ကိုသွားငမ်းနေကျကောင်တွေပြောတာ"

"တယ်ဟုတ်ပါလား။ငါတို့ရွေးတာမှန်သွားပြီပေါ့။အဲ....အဲမှားလို့။တို့ကင်းကရွေးတာ"

အားလုံးမျက်နှာသူ့ဆီလှမ်းကြည့်သည်။နှစ်ခြိုက်သလိုအပြုံးမျိုးပြုံးပြလိုက်၏။ စိတ်ထဲကမပါ။

"တို့ကင်းကိုလည်းဟိုတစ်နေ့ကကောင်မလေးတွေပြောနေသံကြားပါတယ်။အရမ်းမိုက်တာပဲတဲ့"

"လာနောက်မနေစမ်းပါနဲ့သန့်စင်အောင်ရာ။မင်းကတော့မျောက်နာမည် ရချင်ပြီထင်တယ်"

သူ့စကားကြောင့်သန့်စင်အောင်နောက်တွန့်သွား၏။မျက်နှာကြီးရှုံ့မဲ့နေ သည်။

"တကယ်ပြောတာကင်းရ။သန့်စင်အောင်ညာတာမဟုတ်ဘူး။ဟိုနေ့ကမင်းမရောက်ခင်ငါတို့
အခန်းထဲကိုလာတော့သူတို့ဘာသာစုပြောနေသံကိုအမှတ်တမဲ့ကြားလိုက်တာ "

စိုးညွန့်စကားကိုယုံစားလိုက်၏။ စိုးညွန့်ကအနေမှန်သည်ကိုး။

"ထားပါတော့ကွာ။ ကျေးဇူးပဲလို့ပြောရမှာပဲ။ကိုယ်အချင်းချင်းပေးလို့ရထားတဲ့ကင်းဆိုတဲ့ဘွဲ့ ကတော့ပြန်လွှဲလို့မရတော့ဘူး။ငါရွေးတဲ့ကွင်းအတွက်လည်း မှန်သွားလို့ငါဝမ်းသာပါတယ်"

"မင်းကွင်းကိုစိတ်မ၀င်စားဘူးလားကင်း။မင်းတို့နှစ်ယောက်ဆို ကြွေစဉ်ပဲကွာ။တွဲလာရင်အချင်းချင်းပြန်ငေးရမှာ။မင်းလိုက်သင့်တယ်ကင်း။ကင်းနဲ့ကွင်း ဆိုပြီးနာမည်ရေရေလည်လည်ဟော့သွားမယ်"

"ငါအဲဒါမျိုးမကြိုက်ဘူးငြိမ်းချမ်း။မင်းတို့နဲ့နေလို့သာငါပျော်ပျော်နေတာပါ။ငါအချစ်ဆိုတာကို
ဒီကျောင်းတက်စမှာမစဉ်းစားချင်သေးဘူး။ငါတို့မှာစာသင်ရ မယ့်နှစ်တွေတစ်ပုံတစ်ခေါင်းကျန်သေးတယ်"

"မင်းကအေးအေးသမားဆိုတာငါသိပါတယ်။မင်းစိတ်ဝင်စားရင်လုံးသင့်တယ်လို့ပြော
တာပါ။တော်တော်ကြာကွင်းကနာမည်ကြီးတော့ပါသွားမှာစိုးလို့ပါ"

ကိစ္စမရှိပါဘူးဟုငြိမ်းချမ်းကိုပြန်ဖြေလိုက်သော်ငြားအပူငွေ့တချို့ရင်ထဲရောက်သွားတာ
ကိုယ်တိုင်သိသည်။စောလွန်းပါတယ်ဟုစိတ်ထဲကပြောမိသော် လည်းနှုတ်ကထွက်မလာ။

သူနှင့်ဆန့်ကျင်သောအပြုအမူရှိသူ၊သူ့ကိုခင်မင်နှစ်လိုဟန်မပြသူ တစ်ယောက်အပေါ်သူကစိတ်ဝင်စားမိနေခြင်းကိုမည်သူ့ကိုမျှအသိမပေး သင့်သေးဟုထင်သည်။ပျော်ပျော်ရွှင်ရွှင်နေတတ်သောသူငယ်ချင်းများကြောင့်
အမှားတွေထပ်ပွားလာနိုင်စရာရှိသည်ကိုသူသိနေသည်ပဲ။

မရည်ရွယ်ဘဲနှင့်တောင်အမှားဟုသူမ၊ထင်တတ်ခဲ့လျှင်ရည်ရွယ်သောအမှားအတွက်ဆိုလျှင်
သူမ၌သူ့အပေါ်ခွင့်လွှတ်နိုင်သောမေတ္တာတရားရှိပါဦးမည်လားဟုတွေးတောဆင်ခြင်ရင်း
ဘာမှမပြောဖြစ်ခဲ့တော့။

နှင်းနွယ်နွေးရေ။ကိုယ်မင်းကိုစချစ်မိပြီလို့မသိခင်ကတည်းကရော၊ သိပြီးတော့ရော၊ကိုယ်တိုင်ဆင်ဆင်ခြင်ခြင်နေခဲ့ဖူးတယ်လို့နောင်တစ်ချိန်မှာပြောရင်မင်းယုံပါ့မလားလေ။

X X X X X

( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]

Friday, February 24, 2017

" အစဉ်ထာဝရ " ( ၉ )


[ ၄ ]
အချိန်ကာလတစ်ခု၏ရွေ့လျားမှုအတွင်းမှာလိုက်ပါရင်းပြောင်းလဲမှုတချို့ကိုမသိမသာနေခိုက်မှာပင်
သတိထားမိလာ၏။ကိုယ့်ရင်တွင်းကိုတိတ်တဆိတ်ရွေ့လျားလာသောအရာတစ်ခုကိုမှတ်မှတ်ထင်ထင်
ခံစားမိလာခြင်းဖြစ်သည်။

နူးညံ့လွန်းသောအထိအတွေ့ဟုထင်၏။အိစက်ညက်ညောသောမွေ့ရာတစ်ခုပေါ်မှာလဲလျောင်း
အိပ်စက်နေရသလိုလို၊ပျော့ ပျောင်းညင်းသွဲ့သောကတ္တီပါကော်ဇောပေါ်မှာလမ်းလျှောက်ဖြတ်သန်းနေရ
သလိုလို၊ပေါ့ပါးလွတ်လပ်သောတိမ်စိုင်တိမ်လိပ်များကြားမှာမျောဝင်လိုက်ပါနေရသလိုလို
အရာရာသည်ချမ်းမြေ့ခြင်းအတိဖြစ်နေသည်။

ခံစားရခြင်း၏သိစိတ်၊မသိစိတ်၌သန္ဓေတည်ဖွဲ့နှောင်လာသောပုံရိပ်တစ်ခု သည်ပြင်ပထိတွေ့မှုအားဖြင့်စူးရှပူလောင်သည်ဟုထင်ရသော်ငြားတကယ် တမ်းထိုထိတွေ့မှုတို့သည်တစ်ဘ၀စာအေးမြလွန်းနေသည်ဟုကိုယ်တိုင် ယုံကြည်နေမိ၏။
ကျွမ်းမြိုက်ပူလောင်ရမည့်အစားအေးမြချမ်းမြေ့နေ၏။နောက်ဆုတ်ခွဲထွက်ရ မည့်အစားရှေ့သို့လှမ်းတက်နေချင်ပြန်၏။ခါးသီးနာကြည်းရမည့် အစားနှစ်ခြိုက်ကျေနပ်နေပြန်၏။

သူ့အကြည့်၊သူ့သဏ္ဌာန်မှာခက်ထန်မှုတို့ပါသော်ငြားကိုယ့်နှလုံးသားသည်သူ့လိုမခက်ထန်၊
မတင်းမာနိုင်ခဲ့။သူနှင့်ဆန့်ကျင်ဘက်မှာနေရခြင်းဖြင့်မြင်တွေ့ရသောသူ့ပုံရိပ်ကိုကြည့်မြင်ရသည့်ခဏ၊
ခံစားရသောခံစားမှုတို့ကိုမည်သည့်အရာနှင့်မျှမလဲနိုင်တော့။

စူးရဲသောအကြည့်၊ခက်ထန်ခြင်းအတိနှင့်မျက်နှာ၊တင်းမာဟန်အနေအထား၊ဓားသွားလိုစကားများနှင့်
သူ့ပုံရိပ်သည်ကိုယ့်အတွက်အမြဲသတိရနေစေဖို့ အမှတ်အသားများဖြစ်လာခဲ့လေပြီ။

အဖော်ဆိုသောအက္ခရာကိုနှုတ်မှရွတ်ဆိုမြည်တမ်းကြည့်လျှင်အချိန်ကာလအခိုက်အတန့်ကြာမည်
ထင်ရသော်လည်းမည်သို့မျှရွတ်ဆိုတမ်းတခြင်းမပြုဘဲအလိုလိုအနားမှာရှိနေသောအဖော်ဆိုသည့်
သူမကိုမြင်တွေ့နေရသည်ကာလများကတော့မှတ်သားထားစရာနေရာပင်မရှိ။

နှလုံးသားမှာတည်ရှိ၍နှလုံးသားမှာပင်ကြာရှည်စွာရပ်တည်နေနိုင်ခွင့်ကို သူတောင်းဆိုထားချေပြီ။
မခေါ်ဘဲလာ၏။တစ်ခါမက။ရိုင်းပျစွာနှင်ထုတ်လည်းမပြန်။အဖန်ဖန်လာတတ်ခဲ့ပြန်၍တွေ့နေမြင်နေကျသော
အခါမမေ့နိုင်သူကပြန်မျှော်ရတော့သည်။

သည်သို့ဖြင့်စိတ်ကူး၊အတွေး၊အိပ်မက်စသည့်အာရုံများကိုသူမချုပ်ကိုင် စပြုနေချေပြီ။

X X X X X

" နှာ..........ဘူး၊ နှာ..............ဘူး၊ နှာ..........ဘူး၊ နှာ...........ဘူး၊ ဟေး"

Englishဆရာမစာသင်ဖို့အချိန်မရောက်ခင်အားလပ်နေသောအချိန်ဆယ် မိနစ်အတွင်းမှာအတန်းထဲကလူတွေကဲချင်တိုင်းကဲနေကြသည်။
အတန်းကြီးကျောင်းသားတွေကပထမနှစ်တန်းခွဲအေနှင့်ဘီမှကောင် မလေးတွေကိုလာငမ်းတိုင်းအတန်းရှေ့မှာမျက်နှာတွေမြင်နေရသည်မို့ အတန်းရှေ့ရှိBlackboard၀ဲယာမှတံခါးပေါက်ကြီးနှစ်ပေါက်တွင်
မျက်နှာတွေပေါ်လာတိုင်းအတန်းထဲရှိယောကျာ်းလေးများကကိုယ့်အတန်းထဲက
မိန်းကလေးကိုလာကြည့်တာမခံနိုင်၍' နှာဘူး'ဟုတညီတညာတည်းထော ပနာပြုကြသည်။

ပထမတော့ခံနိုင်သူခံကြ၏။နောက်တော့မျက်နှာပူပြီးထွက်ပြေးသူကများသည်။ထိုအခါ" ဟေး "ဆိုသောအသံကြီးကပေါ်လာတော့၏။ ဘယ်ကဘယ်လိုထွင်လိုက်မှန်းမသိသော်ငြားမိန်းကလေးရှိသောအတန်းရှေ့မှသွားကြည့်သော၊
သွားရပ်သောသူမှန်သမျှနျှာဘူးဟုအအော်ခံကြရသော အလေ့အထကစွဲမှန်းမသိစွဲသွားကြလေပြီ။ပျော်စရာကောင်းသည် ကတော့သေချာ၏။
အစခံရသူရော၊စသူပါပြုံးရယ်နေနိုင်ကြသည်။ထိုအလေ့အထကစလိုက်သောအကျင့်သည်နောက်ပိုင်း
အတန်းထဲကိုနောက်ကျမှရှေ့ပေါက်က၀င်လာသူများကိုပါကူးစက်သွားတော့၏။
ဆယ်မိနစ်နားချိန်မှာအပေါ့အပါးထသွားသူတွေပြန်ဝင်လာလျှင်လည်းမလွယ်။ယောကျာ်းလေး
၊မိန်းကလေးမခွဲခြား။ဝင်လာသူကတော့သေချာသည်။နှာဘူးဟုအအော်ခံရ၏။

အတန်းနောက်ဘက်မှာတံခါးပေါက်နှစ်ပေါက်ရှိသော်ငြား စာသင်ဆောင်နှစ်ဆောင်ကိုပတ်သွားမှကျောင်းအတွင်းပိုင်းရှိစာသင်ဆောင်များ၊
အိမ်သာများဆီပြန်ရောက်၍တစ်ကြောင်း၊မိန်းကလေးများဆို
လျှင်အတန်းနောက်ဘက်၌ယောကျာ်းလေးများထိုင်နေ၍တစ်ကြောင်းတော်ရုံတန်ရုံရေထသောက်ချိန်
မှလွဲ၍အတန်းနောက်ဘက်ကိုယောင်၍မျှပင် လှည့်မကြည့်ကြ။

သည်တော့အတန်းရှေ့အားလုံး၏မျက်နှာမူရာအရပ်မှာရှိသော တံခါးမနှစ်ပေါက်သည်၊ရှေ့မှာနိမ့်၍နောက်သို့မြင့်သွားသည့်သီရေတာ (Theater)စာသင်ခန်းများအနေအထားအရရှေ့ဆုံးမှာရှိနေသော
Blackboardကြီးနှင့်နင်လား၊ငါလားပစ်မှတ်များဖြစ်နေ၏။

( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]

Thursday, February 23, 2017

" အစဉ်ထာဝရ " ( ၈ )


" ဟာ-မင်းထင်။ မင်းထင်။ မင်း.....မင်း "

စိုးညွန့်စကားကြောင့်သန့်စင်အောင်မျက်မှောင်ကြီးကျုံ့သွားသည်။သူ့လက်ထဲက မဲလိပ်များကိုပြန်ကြည့်နေ၏။ပြီးမှ....

"ငါရေးထားတဲ့အထဲမှာကောင်မလေးတွေနာမည်ချည်းပါကွာ။ဘယ်လိုလုပ် မင်းထင်နာမည်ကပါသွားတာလဲ"

ဟုပြောသည်။စိုးညွန့်ထဆဲ၏။ပါးစပ်မှပွစိပွစိနှင့်။သူတို့ငေးနေလျက်သား ရှိသေးသည်။

" မင်းကြီးဒေါ်ကြီးထဲမှပဲ။မင်းထင်ကိုကွင်းရွေးရမလားကွ"

စိုးညွန့်စကားကနည်းနည်းကျယ်သွားသည်။သူတို့နားမှာရှိသောတခြားလူများ၊သူတို့အုပ်စုကို
လှည့်ငေးကြ၏။ဘာလဲ၊ဘာလုပ်နေတာလဲ၊မင်းထင်ကို ကွင်းမပေးရင်ကင်းပေးလိုက်၊ကင်းပေးလိုက်၊ကင်းမြီးကောက်ကြိုက်လား၊ ကင်းခြေများကြိုက်လား၊လုပ်လုပ်၊သည်ကောင့်ကိုကင်းလို့နာမည်ပေး
လိုက်။စသည့်ပေါက်ကရသံတွေထွက်လာသည်။

စိုးညွန့်တို့ကဘာမှမဟုတ်ဘူး။ဘာမှမဟုတ်ဘူးဆိုမှကိုယ့်နေရာ ကိုယ်ပြန်ရောက်သွားသည်။မလွယ်။ယောကျာ်းလေးတွေချည်းမို့လည်း စနောက်ချင်စိတ်ကမြန်ဆန်လွန်းလှသည်။

"ငါပြောတာကမင်းထင်ရွေးတဲ့ကောင်မလေး။နှင်းနွယ်နွေး။အောင်မလေး။ မင်းကောင်မလေးနာမည်ကလည်းကွာ။နငယ်တွေချည်းပဲဆိုတော့ပါးစပ်မစိရဘူး။အေး-အဲဒီနှင်းနွယ်နွေးမဲပေါက်တာပြောတာ။ ဟိုကောင်ကစကားတောင်မဆုံးသေးဘူး။ဘာထဂေါက်တာ
လဲ။သူထကြောင်တာနဲ့ရှုပ်ကုန်ရော"

"ဘယ်သိမလဲကွ။မင်းကမိန်းကလေးနာမည်မအော်ဘဲမင်းထင်ပဲထအော်တာကိုး။စအော်ကတည်း
ကနှင်းနွယ်နွေးဆိုပြီးတာပဲ"

စိုးညွန့်နှင့်သန့်စင်အောင်ငြင်းခုံနေတာကြည့်ရင်းသူတို့ပေါ့ပါးစွာ ရယ်ေမာဖြစ်ကြသည်။ကျောင်းရောက်လို့နှစ်ပတ်သာသာရှိသေးသည်။
ငယ်သူချင်းတွေလိုဖြစ်ကုန်၍ပေါင်းရသင်းရလွယ်ကူနေ၏။

"ကဲ..ကဲ။တော်တော့ကွာ။ဒီတော့ပထမနှစ်ဆက်ရှင်ဘီရဲ့ကွင်းကိုနှင်းနွယ်နွေးအဖြစ်
ဒို့အုပ်စုကရွေးလိုက်ပြီပေါ့"

ငြိမ်းချမ်းက၀င်တားရင်းပြောတော့သူတို့ခေါင်းညိတ်ကြသည်။ရှေ့နားမှာ ထိုင်နေသောသူငယ်ချင်းတချို့ကြားသွား၍လက်ခုပ်ထတီးကြသည်။

" ပထမနှစ်တန်းခွဲဘီ၏အလှဘုရင်မ-ကွင်း အဖြစ်မနှင်းနွယ်နွေးကိုရွေးချယ်လိုက်ပါကြောင်း။ပုံ-မင်းထင်တို့အဖွဲ့"

" ဟေး....ရွှီး....ဖြောင်း......ဖြောင်း"

ရောဂါပဲ။ဘော်ဒါတစ်ပွေကစအော်သည်။ကျန်သူတွေကအားပေးကြ၏။ တားချိန်လုံးဝမရလိုက်။ခုနလေးတင်သူ့ကိုကင်းပေးလိုက်ဟုပြောနေ၍ မင်းထင်ဆိုသောနာမည်ကိုလောလောလတ်လတ်နှုတ်တိုက်ရနေသည်။ရွေးသည့်လူကငါးယောက်။
ကံစမ်းမဲစနစ်နှင့်ရွေးခြင်းဖြစ်သည်။ဘုမသိဘမသိ
ထိုပုဂ္ဂိုလ်ထအော်မှသူ့နာမည်ကထိပ်ဆုံးကပါပြီးမင်းထင်နှင့်အဖွဲ့ဖြစ်သွား သည်။သူ့နာမည်ကိုခုလေးတင်မှတ်မိနေခြင်းကြောင့်လားမသိ။အဲဒါကအရေးမကြီး။
အားလုံး၏အကြည့်သူတို့အဖွဲ့ဆီရောက်ကုန်၏။ဒါလည်းကိစ္စမရှိသေး။အားလုံးကပြုံစိစိနှင့်
အမြင်ကြည်လင်ကြသည်။အဲ-အမြင်မကြည်ဘဲ မှုန်ဝါးဝါးဖြစ်ကာလှည့်ကြည့်သူများကတော့သူတို့ရွေးလိုက်သောကွင်းတို့ အုပ်စု။တစ်နည်းပြောရလျှင်နှင်းနွယ်နွေးတို့သုံးယောက်။

တွေ့မြင်နေကျဒေါသမီးတောက်များနှင့်မျက်လုံးများဖြင့်ကြည့်သည်။မလွှဲဖယ်ဘဲတည့်တည့်
ရင်ဆိုင်ကြည့်စဉ်သူ့ရင်တွေတဖျတ်ဖျတ်လူးခါတုန်ရင်လာ၏။ သည်တစ်ခါသူမမျက်လွှာချ၍မျက်နှာလွှဲသွားသည်။

"ကိုယ့်ကိုခွင့်လွှတ်ပါ။ကိုယ်စဖို့နောက်ဖို့ရည်ရွယ်တာမဟုတ်ပါဘူး ။နှင်းနွယ်နွေးဟာကိုယ့်ဘ၀ရဲ့ကွင်းဖြစ်လာတော့မယ့်သူလို့ထင်မှတ်ပါရစေ"

စိတ်ထဲကပြောလိုက်သောစကား။ဘယ်သူမှမကြားလိုက်။

"ကဲ-ကဲ။ခုချိန်ကစပြီးကွင်းရွေးပြီးဘောလုံးကန်ပါမယ်"

ဝေါခနဲရယ်သံတွေကြားလိုက်ရသည်။သွားပြီ။တစ်ယောက်ကစလိုက် တာနှင့်နောက်တစ်ယောက်ကအလိုက်တသင့်ပါလာတတ်တာသူတို့ကျောင်း
ထုံးစံလိုဖြစ်နေပြီ။ခုဟာကစာသင်ချိန်နီးလာ၍လူကလည်းစုံသလောက်ဖြစ်နေသည်မို့
ဘယ်သူ့မှတားလို့မရတော့။သူတို့အုပ်စုငေးရုံသာငေးနေနိုင်သည်။

"ကွင်းရွေးပေးတဲ့ဖွန်ကြောင်အဖွဲ့ချုပ်ဥက္ကဋ္ဌမောင်မင်းထင်နဲ့အဖွဲ့ကိုအန် ကယ်လ်တို့ဝိုင်အိုင်တီပထမနှစ်ဆက်ရှင်ဘီမှလူကြီးမင်းများကကျေးဇူးဥပကာရတင်ရှိပါကြောင်း "

" ဟေး....ရွှီး....ဖြောင်း......ဖြောင်း"

"တစ်ဆက်တည်းမှာပဲကွင်းရွေးပေးတဲ့မောင်မင်းထင်ကိုပထမနှစ်ဆက်ရှင်ဘီ၏
ကင်းအဖြစ်ရွေးချယ်လိုက်ပါကြောင်း။သဘောတူရင်လက်ခုပ်တီးပါခင်ဗျား"

လက်ခုပ်သံတွေလျှံတက်သွားပြန်၏။

သွားပြန်ပြီ။အတုံးလိုက်၊အတစ်လိုက်သောကတွေတော့ဝင်တော့မည်။ဝိုင်အိုင်တီမှာပထမနှစ်မှာ
ကွင်း၊ကင်းမရွေးတတ်။တတိယနှစ်မေဂျာဝဲလ်ကမ်းမှာ မှရွေးသည်ဟုကြားဖူးထား၍သူတို့အုပ်စုအတန်းထဲကကောင်မလေးများကို ကိုယ့်ဘာသာရွေးလိုက်ခြင်းဖြစ်သည်။ခုတော့သူ့ကိုပါကင်းရွေးလိုက်ကြ၏။

အမှန်ကကင်းဆိုတာမိန်းကလေးတွေကယောကျာ်းလေးတွေထဲကရွေးရမှာ။
ခုဟာကတမင်သက်သက်ယောကျာ်းလေးချင်းနောက်ပြောင်ချင်၍သာရွေး လိုက်ခြင်းဖြစ်သည်။ခင်လို့စသည်ကိုသူဘာမှမပြောရက်။ပြောဖို့လည်းမသင့်။
သည်ကျောင်းရောက်ကတည်းကအထီးကျန်ဖြစ်မှာကြောက်၍ဘော်ဒါရှာ
ဖို့ပင်စိတ်ကူးခဲ့သူ။

ခုလည်းပြုံးရုံပြုံး၊ခေါင်းလေးကုတ်လို့ငြိမ်နေရခြင်းကအကောင်းဆုံးမဟုတ်လား။

"မင်းအတွက်နာမည်တစ်ခုတော့ရပြီမင်းထင်။မင်းဒီနေ့ကစပြီးမင်းထင် မဟုတ်တော့ဘူး။မင်းကိုငါတို့ကကင်းလို့ခေါ်တော့မယ်။ဟဲ....ဟဲ။ဒီတော့နေရင်းထိုင်ရင်း
ကင်းဖြစ်သွားတဲ့မင်းကကျောင်းဆင်းရင်လက်ဖက်ရည်တိုက်"

သန့်စင်အောင်ကလက်တို့ရင်းပြောတော့သူခေါင်းညိတ်သည်။

"တိုက်ပါတယ်ကွာ။ငါ့ကိုနာမည်ပေးပြီးမင်းတို့အလှည့်နာမည်ပေးရင် ခံနိုင်အောင်ကျင့်ထား။ခွေးကောင်တွေ"

အပြုံးနှင့်သူကဆိုတော့ဟိုကောင်တွေတဟားဟားနှင့်ရယ်သည်။သည်နေ့အတန်းထဲမှာ
ရယ်စရာတွေများနေ၏။သည်လောက်ရယ်စရာတွေများနေသော်လည်းမရယ်နိုင်သောသူတွေ
ရှိနေသေးတာသူစိတ်မကောင်း။

တဖြည်းဖြည်းတော့နှင်းနွယ်နွေးကိုယ့်ကိုနားလည်လာမှာပါလေ ဟုဖြေတွေးတွေးသည်။အမြင်မှာထင်နေသောသူမတို့ အုပ်စု၏နောက်ကျောပြင်ကိုငေးရင်းသက်ပြင်းချသည်။

X X X X X

( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]

Sunday, February 12, 2017

" အစဉ်ထာဝရ " ( ၇ )

[ ၃ ]

" ဒီအတန်းထဲမှာရှိတဲ့ကောင်မလေးတွေထဲကအလှဆုံးတစ်ယောက်လောက် ငါတို့အဖွဲ့ကရွေးရအောင်။မင်းတို့မျက်စိတွေကိုခဏလောက် အလုပ်လုပ်ကြည့်စမ်းပါကွ"

အတန်းအားချိန်ဘယ်မှမသွားဘဲနောက်တစ်ချိန်သင်ဖို့ကိုယ့်အခန်းထဲ မှာစောင့်နေစဉ်သန့်စင်အောင်စကားသံကိုကြားရသည်။

"ငါတို့အခန်းကရှာရတာလွယ်ပါတယ်ကွာ။အေခန်းဆိုနည်းနည်းခက်ဦးမယ်။ရှာကြည့်၊ရှာကြည့်"

စိုးညွန့်ကထောက်ခံစကားပြောသည်။သူတို့အုပ်စု၏မျက်လုံးများကစာသင် ခန်း၏အလယ်တန်းရှေ့ဆုံးနှစ်တန်း၊သုံးတန်းစာနေရာများသို့ရောက်သွား သည်။

စိုးညွန့်ပြောတာလည်းဟုတ်သည်။ဝိုင်အိုင်တီ၏ထုံးစံ အရယောကျာ်းလေးခြောက်ရာကျော်ခေါ်လျှင်မိန်းကလေးတစ်ရာ့ငါးဆယ်
ပတ်ဝန်းကျင်လောက်ခေါ်၏။ယောကျာ်းလေးတော်တော်များများထက်မိန်း
ကလေးများကပထမနှစ်မှာအမှတ်များနေတတ်သည်ကထုံးစံ။မိန်းကလေး အမှတ်မြင့်သူများသာဝိုင်အိုင်တီဝင်ခွင့်ရှိသည်ဟုသိရ၏။

ဝိုင်အိုင်တီ၏ထုံးစံအရပထမနှစ်ဝင်ချိန်မှစ၍နောက်ဆုံးဆဋ္ဌမနှစ်အထိခုံနံပါတ်များကို
အမှတ်စာရင်းအလိုက်သာစီ၍ပထမနှစ်မှာအမှတ်မြင့်သောမိန်းကလေးများကတန်းခွဲအေနှင့်
ဘီမှာသာရှိတတ်သည်။စီခန်းမှာယောကျာ်းလေးချည်းများသာ။ဒီခန်းမှာတော့နှစ်ကျသူ၊မန္တလေး
စက်မှုတက္ကသိုလ်( MIT )ပြောင်း များနှင့်မိန်းကလေးများရှိချင်ရှိနေတတ်သည်။

သေချာသည်ကတော့ပထမနှစ်ဝင်လာသောမိန်းကလေးအများစုကိုငမ်းချင် လျှင်ပထမနှစ်တန်းခွဲအေနှင့်ဘီအများဆုံးစာသင်ရာ L-1နှင့် L-2ကပ်လျက်နှစ်ခန်းသည်အကျိန်းသေဆုံးဖြစ်၏ဟုသူ့ကိုကျောင်းလိုက် အပ်ပေးသောအစ်ကိုကြီးပြောတာအမှတ်ရသည်။

L-1နှင့်L-2သည်စာသင်ဆောင်တစ်ခုတည်းမှာရှိပြီးနှစ်ခန်း ကပ်လျက်ဖြစ်၍ဖွန်ကြောင်ချင်သူများအတွက်အင်မတန်လွယ်ကူသည်ဟုသိရသည်။သို့သော်L-1ကဆက်ရှင်အေဖြစ်၍မိန်းကလေးပိုများ၏။L-2လိုသူတို့ အခန်းကတော့ဆက်ရှင်ဘီမို့အေခန်းကမိန်းကလေးများထက် အမှတ်နည်းသောမိန်းကလေးလက်ကျန်အချို့သာရှိတော့သည်။

အေခန်းမှာမိန်းကလေးတစ်ရာကျော်လောက်ရှိနေတတ်ပြီးဘီခန်းမှာ အယောက်နှစ်ဆယ်၊သုံးဆယ်လောက်ပဲရှိနေတတ်သည်ကဟိုစဉ်ကတည်းကဟု
ကြားသိရ၏။သည်တော့ခုလက်ရှိ၊ရှိနေသည့်လူနှစ်ဆယ်၊သုံးဆယ်
လေးထဲမှအချောအလှဆုံးကိုရွေးရလျှင်ဘာမှခက်စရာမရှိဟုစိုးညွန့်ကဆိုခြင်းဖြစ်သည်။

"ငါကဒုတိယတန်းဘယ်ဘက်အစွန်ကပြုံးပြုံးပြုံးပြုံးနဲ့နေတတ်တဲ့ကောင်မလေးကိုရွေးတယ်ကွာ"

စိုးညွန့်စကား။သူ့ဘာသာရွေးလိုက်ခြင်းဖြစ်သည်။

"ငါကသူ့ဘေးကတစ်ယောက်ကွာ။ဆံပင်ကုတ်ဝဲလေးနဲ့။နေကြာစေ့တွေစားနေတဲ့ကောင်မလေး
ကိုရွေးတယ်။"

ဒါကကျော်ဝင်းထွဋ်စကား။သူလည်းသူ့ဘာသာသူ့ ခံစားမှုနှင့်ရွေးခြင်းဖြစ်သည်။

"ငါကတော့ဒုတိယတန်းဒီဘက်အစွန်နားကဆံပင်ကျောလယ်လောက်နဲ့ တစ်ယောက်ကိုရွေးတယ်။"

ငြိမ်းချမ်းဆီကလွင့်လာသောအသံ။သူဘာမှမပြောမိသေး။

"ငါ့စိတ်ထဲတော့ရှေ့ဆုံးတန်းဆရာစားပွဲနားကဆံပင်ရှည်ရှည် ခပ်ထွားထွားစော်ကိုတစ်ပေးမယ်"

သန့်စင်အောင်ကသူတို့ဘက်ကိုလှည့်ပြောသည်။သူပဲကျန်တော့၏။

" ငါကတော့နှင်းနွယ်နွေးကိုကွင်းပေးမယ်"

သူ့စကားကြောင့်အားလုံးအကြည့်ကသူ့ဆီရောက်လာသည်။သူနှင့်ပတ် သက်၍နှင်းနွယ်နွေးဘယ်သူ၊ခင်ဝါဦးဘယ်သူ၊စိုးမမဘယ်သူဆိုတာအားလုံးသိပြီးသား။
ဘာတွေဖြစ်ခဲ့တယ်ဆိုတာလည်းသိပြီးသား။

" မင်းတမင်ရွဲ့ပေးတာတော့မဟုတ်ပါဘူးနော်"

"ငါကဘာလို့ရွဲ့ပေးရမှာလဲသန့်စင်အောင်။သူနဲ့ဘာပဲဖြစ်နေဖြစ်နေ၊သူလှတယ်
ဆိုတာငြင်းလို့မရတာတော့အမှန်ပဲ"

"တို့အတန်းထဲမှာသူဆံပင်အရှည်ဆုံးပဲထင်တယ်။မဟာဆန်တယ်လည်း မဟုတ်ဘူး။ခေတ်ဆန်တယ်လည်းမဟုတ်ဘူး။ဘယ်လိုပြောရမလဲ။လိုက်လျောညီထွေဖြစ်နေတဲ့အလှပဲကွ။"

စိုးညွန့်ကဖြတ်ပြောသည်။ဟိုကောင်တွေခေတ္တလှမ်းငေးကြ၏။

"အရေးကြီးတာငါတို့ကလည်းငါတို့ခံစားမှုနဲ့ရွေးထားတာ။ဖျက်လို့မရဘူး။ဒီတော့ဘယ်လိုလုပ်မလဲ"

ငြိမ်းချမ်းကသူ့ခံယူချက်ကိုသူ့ဘာသာတင်ပြလာသည်။သန့်စင်အောင် အကြမ်းစာရွက်တစ်ရွက်ကိုထုတ်လိုက်တာတွေ့၏။

"ဒီလိုလုပ်ကွာ။မဲလိပ်လိပ်မယ်။အဲဒီငါးယောက်နာမည်ရေးမယ်။တို့အထဲက
ရမ်ဒမ်( Random)နှိပ်လို့နိုင်တဲ့ကောင်မဲနှိုက်။ပေါက်တဲ့လူက ငါတို့ငါးယောက်ရွေးတဲ့ကွင်းပဲ။ဘယ်လိုလဲ။သဘောတူရင်လုပ်မယ်"

သန့်စင်အောင်စကားအဆုံး' သဘောတူတယ် ''အိုကေ''ချ'ဆိုသော အသံတွေထွက်လာသည်။မဲလိပ်များစလုပ်တာတွေ့သည်။သူကလွယ်အိတ်ထဲက Calculator(ဂဏန်းတွက်စက်)ကိုထုတ်လိုက်၏။

ကျောင်းမှာသူတို့အရင်နှစ်အထိCalculatorများထုတ်ပေးသော်လည်း သူတို့နှစ်ကစ၍ထုတ်မပေးတော့ကြောင်းကိုကျောင်းအပ်စဉ်ကတည်းကကြားသိခဲ့ရ၍
သူကတော့အိမ်ကငွေနှင့်ကြို ပြီးသွားဝယ်ထား
လိုက်သည်။100-Dတစ်လုံးဂျပန်လုပ်ကို တစ်ထောင့်ငါးရာပတ်ဝန်းကျင်ရှိ၍ 82LBတစ်လုံးဂျပန်ဖြစ်ဆိုလျှင်တစ်ထောင့်တစ်ရာ့ငါးဆယ်လောက်ရှိ၏။
Scientific Calculator(သိပ္ပံနည်းပညာဆိုင်ရာ ဂဏန်းတွက်စက်) များဖြစ်၍သာမန်စက်များထက်ဈေးပိုနေသည်။ကျောင်းဖွင့်၍မရောင်းပေးမှန်းသိသောအခါ
အများသွားဝယ်ချိန်ဈေးတက်မည်စိုး၍ကြိုတင်သွားဝယ်ထားသောကြောင့်သူ့လွယ်အိတ်ထဲမှာ
100-Dဂဏန်းတွက်စက်ကရောက်နေခြင်းဖြစ်သည်။

သန့်စင်အောင်တို့ကနယ်မှလာသူများမို့မ၀ယ်ရသေး၍တစ်ခါတစ်ခါရမ်ဒမ်နှိပ်လျှင်
သူ့စက်ကိုသုံးကြ၍သာသူ့မှာဂဏန်းတွက်စက်ရှိနေတာသိနေကြခြင်းပင်။

ရမ်ဒမ်(Random)ဆိုသောစကားလေးကလည်းအမှန်အတိုင်းပြောရလျှင် Calculatorကိုကျွမ်းကျွမ်းကျင်ကျင်ကိုင်နေသောသူများသာသိသောစကား။ Calculatorတိုင်းလည်းမရှိတတ်၍တချို့လည်းမသိ။
သူတို့ဝိုင်အိုင်တီမှာတော့ကျောင်းဖွင့်ပြီးတစ်ရက်နှစ်ရက်သာရှိသေးသည်။ရမ်ဒမ်ကိုသိလာပြီ။
ဟိုအခန်းသည်အခန်းတွေကြားမှာ၊အခန်းလွတ်တွေထဲမှာရမ်ဒမ်ဝိုင်းတွေက စည်ကားနေတတ်သည်။Calculatorပေါ်မှShiftဆိုသောခလုတ်လေးကိုနှိပ်၍
Ranဟုအတိုကောက်ရေးထားသောခလုတ်လေးကိုနှိပ်လိုက်လျှင်ရှေ့မှသုညခံ၍ဒဿ မခြားပြီးနောက်မှာပါချင်သည့်ဂဏန်းသုံးလုံးပါသည့် ဂဏန်းတွဲလေးများပေါ်လာတတ်သည်။
ရမ်ဒမ်ဆိုသည့်အဓိပ္ပါယ်ကိုကပရမ်းပတာ။သည်တော့နှိပ်သည့်လူဘာဂဏန်းကျမလဲမသိရ။
ကိုယ့်အလှည့်ကိုယ်နှိပ်။ပေါ်လာသည့်ဂဏန်း သုံးလုံးပေါင်း။ကြီးသူကအနိုင်။ငယ်သူကအရှုံးယူဆ။
အတန်းအားလျှင်ကစားတတ်ကြသည့်ပျော်စရာသဘာဝများပင်။
 ခုလည်းသန့်စင်အောင်ကနိုင်သူမဲနှိုက်ဖို့ဆိုထားသည်။

Calculatorကိုစဖွင့်ပြီးငြိမ်းချမ်းကစသည်။ငါးတဲ့။ကျော်ဝင်းထွဋ်က လေး။သန့်စင်အောင်က တစ်ဆယ်ဆိုတော့ဘူ။စိုးညွန့်ကထရိုင်။ ထရိုင်ဆိုတာအံစာအခေါ်ဆွိကိုပြောခြင်း။ဒဿ မနောက်မှဂဏန်းသုံးလုံး တူနေခြင်း ကိုခေါ်သည်။ရမ်ဒမ်၏အကြီးဆုံးပါဝါပင်ဖြစ်သည်။
ခုတော့စိုးညွန့်ကအကြီးဆုံးဖြစ်နေသည်။သူ့အလှည့်။ခလုတ်နှစ်ခုကို တစ်ခုပြီးတစ်ခုနှိပ်လိုက်သည်။ဂဏန်းသုံးလုံးပေါင်းတော့သုံးသာရသည်။ သည်တော့စိုးညွန့်မဲနှိုက်ရုံသာရှိတော့သည်။

"ကဲ-စိုးညွန့်ရေ။မင်းလက်ထဲပါလာတာကွင်းပဲ။သေသေချာချာနှိုက်။
မင်းပေးတာပဲကျမလား။ငါပေးတာပဲကျမလားဆိုတာ "

သန့်စင်အောင်ကသူ့လက်ခုပ်ထဲကမဲလိပ်များကိုခေါက်ရင်းပြောသည်။အားလုံးက
စိုးညွန့်မျက်နှာကိုအပြုံးနှင့်လှမ်းကြည့်ကြ၏။စိုးညွန့်လက်ထဲမဲလိပ်တစ်လိပ်ပါ
သွားသည်။ပြီးတော့ဖြန့်ကြည့်တာတွေ့၏။

( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]

Tuesday, February 7, 2017

" အစဉ်ထာဝရ " ( ၆ )

 
[ ၂ ]
ပထမနှစ်မှာတန်းခွဲလေးခုရှိ၏။တန်းခွဲ အေ မှ ဒီ အထိလေးခန်းကို L-1မှစကာL-4အထိအစဉ်လိုက်ချထား၏။ L-1နှင့်L-2ကကျောင်း အတွင်းပိုင်းပိုရောက်၏။သတ္တုဗေဒဋ္ဌာန၊သတ္တုတူးဖော်ရေးဋ္ဌာနတို့နှင့်
အနီးကပ်ဆုံးဖြစ်၏။

ကင်တင်းန်မှာလေကန်ပြီးပထမနှစ် Section B ရှိရာL-2ကို စာသင်ဖို့သူနှင့်သန့်စင်အောင်ထွက်ခဲ့သည်။သည်ကောင်နှင့်သူလည်းရေ စက်ပါသည်ဟုဆိုရမည်။ခဏလေးအတွင်းမှာငယ်ပေါင်းကြီးဖော်လိုဖြစ်သွား၏။

"ငါကတော့မင်းထင်ရေ။ပျော်ပျော်ပဲနေတတ်တယ်။မင်းလည်းဒီကျောင်းရဲ့အထာကိုသိမှာပေါ့။
ငါတို့ကယောကျာ်းလေးများတယ်။အဲဒီတော့ဗရုတ်ကျလို့ လည်းကောင်းတယ်။စာတစ်ခုတည်းကိုအာရုံစိုက်ရင်ဒီကျောင်းရဲ့ရာဇ၀င်တွေ
ထဲကဂေါက်ကြောင်တစ်ယောက်အဖြစ်ပါသွားလိမ့်မယ်။"

သန့်စင်အောင်၏ခံယူချက်ကရှင်းရှင်းလေး။သူနှင့်သိပ်မကွာ။သူကတော့ အရမ်းကြီးဗရုတ်ကျဖို့မဟုတ်။ပျော်အောင်နေမည်ဟုတော့စိတ်ကူးထားသည်
။ဝိုင်အိုင်တီမှာတစ်နှစ်ကိုတစ်ယောက်လောက်ပုံမှန်ဂေါက်သလိုရှိတယ် ဟုကြားဖူးထားသောစကားကြောင့်လည်းပျော်ပျော်နေချင်စိတ်တို့ပြင်းထန်နေတာဖြစ်မည်။

နှစ်ယောက်သားစကားတပြောပြောနှင့်L-2ရှေ့ကိုရောက်တော့ အတန်းထဲမှာလူစုံသလောက်ဖြစ်နေ၏။အတန်းရှေ့ဘက်မှာ ၀င်ပေါက်နှစ်ပေါက်တွေ့၍ဘယ်အပေါက်က၀င်ရမလဲစဉ်းစားစဉ်မှာပင်သန့်စင်အောင်က
ဆတ်ခနဲကောက်ဝင်သွား၏။သူလည်းသန့်စင်အောင်နှင့် အတူနောက်မှကပ်၍လိုက်ဝင်သွား၏။

လူစုံလောက်ချိန်မို့အားလုံး၏အကြည့်ကသူတို့ဆီမှာရောက်နေတာသိသည်။မ၀ံ့မရဲနှင့်မျက်လုံးကို
ဖျတ်ခနဲလှန်ကြည့်ခိုက်တောက်ပစူးရဲသောမျက်ဝန်းတစ်စုံနှင့်တည့်တည့်တိုးမိ၏။
သည်မျက်လုံးကိုဘယ်လိုမျှမမှတ်မိစရာအကြောင်းမရှိ။ခုနလေးတင်ပင်မ အဆောက်အအုံကြီး၏အောက်မှာထိပ်တိုက်ရင်ဆိုင်ခဲ့သောမျက်လုံး များ။သေသေချာချာကြည့်ခိုက်ခုချိန်ထိမကျေနပ်ဟန်တွေရောထွေး
နေသောမျက်နှာကိုမြင်သည်။သူမဘေးမှာထိုင်နေသောဝတုတ်မနှင့် ပိန်ပိန်ကောင်မလေးကတော့ခပ်တည်တည်ရှုတင်းတင်းနှင့်လှမ်းကြည့်နေတာတွေ့၏။
စိတ်မကောင်းဖြစ်သလိုတော့ရှိသည်။သူ့အပေါ်အထင် လွဲနေခြင်းအတွက်လည်းနားမလည်။
သူမတို့ထိုင်နေသောဒုတိယတန်းကိုဖြတ်ပြီးသန့်စင်အောင်သွားထိုင်ရာသို့လိုက်၍
ထိုင်လိုက်တော့မှစိတ်ကပေါ့ပါးသွားသလိုရှိသည်။

"စိုးညွန့်။မင်းတို့ကစောလှချည်လား။ဘာလဲ။ပထမဆုံးနေ့၊ပထမဆုံးအချိန်မို့ကွင်းတွေဘာတွေရွေး
မလို့လား"
နေရာမှာထိုင်ပြီးပြီးချင်းသန့်စင်အောင်စကားကိုစကြားရသည်။သူကတော့အတန်းထဲကိုဝေ့ခနဲကြည့်ရင်း
အကဲခတ်လိုက်၏။

"ဒီလိုပါပဲကွာ။ဘယ်သွားရမှန်းမသိလို့ဝင်ထိုင်နေတာ။ဒီထဲရောက်မှပျော်စရာတွေတိုးနေလို့
စိုပြည်နေတယ် "

" ဟာ-လုပ်စမ်းပါဦး။ငါတို့လည်းစိတ်ဝင်စားတယ်။ "

သန့်စင်အောင်ကစိုးညွန့်စကားကိုပြန်မေးပြီးသူ့ကိုလက်ကုတ်ခေါ်သည်။ လှည့်ကြည့်လိုက်၏။

"မင်းထင်။ဒါငါ့အခန်းဖော်။စိုးညွန့်တဲ့။ပဲခူးကလာတာ။စိုးညွန့်။ဒါရန်ကုန် က။တောင်ဥက္ကလာပမှာနေတယ်။မင်းထင်တဲ့။ငါနဲ့ဘော်ဒါလာဖြစ်နေတယ်"

အပြုံးကိုယ်စီနှင့်ရင်ထဲကခင်မင်မှုကိုသင်္ကေတတစ်ခုစီဖွင့်လှစ်လိုက်ကြသည်။အသေချာဆုံးကတော့
ရိုးရှင်းပွင့်လင်းသောအပြုံးများဖြစ်နေသည်ဆိုတာငြင်းစရာမရှိ။

"ဘာပဲဖြစ်ဖြစ်ကွာ။ငါတို့ကအနယ်နယ်အရပ်ရပ်ကလာတဲ့လူတွေဆိုတော့ ဒီကျောင်းကြီးမှာခြောက်နှစ်သင်နေတဲ့အချိန်အားလုံးခင်ခင်မင်မင်ပေါင်းနေဖို့သင့်တယ်ထင်တာပါပဲ။
ခဏလေး။ငါထပ်ပြီးမိတ်ဆက်ပေးဦးမယ်။ငါတို့ အဆောင်ကကပ်လျက်အခန်းကကောင်တွေ။ကျော်ဝင်းထွဋ်ရေခဏခဏ။ ဟိုကောင်ငြိမ်းချမ်းပါခေါ်ခဲ့ "

သန့်စင်အောင်ကတော့အားလုံးထဲမှာခေါင်းဆောင်ဖြစ်လို့နေပြန်သည်။သူ့သူငယ်ချင်းတွေ
လှမ်းခေါ်နေပြန်၏။သူ့ခေါ်သံကြောင့်ခပ်လှမ်းလှမ်းထိုင်ခုံမှာထိုင်နေသောနှစ်ယောက်
ထလာတာတွေ့၏။တစ်ယောက်ကသူတို့ လိုဘောင်းဘီနှင့်ခပ်တောင့်တောင့်။နောက်တစ်ယောက်က
စည်ပိုင်းတစ်လုံးစာဝသောသူ။

"မင်းထင်။သူကကျော်ဝင်းထွဋ်။သူကငြိမ်းချမ်းတဲ့။ကျော်ဝင်းထွဋ်ကမော်ကျွန်းကလာတာ။ငြိမ်းချမ်းကပြည်က
လာတာ။ဟေ့ကောင်တွေဒါမင်းထင်တဲ့။ ရန်ကုန်တောင်ဥက္ကလာမှာနေတယ်။မှတ်ထား။"

သန့်စင်အောင်စကားအဆုံးမှာခုနကစိုးညွန့်ကိုပြုံးပြသလိုအပြုံးမျိုးထပ် တူတွေ့လိုက်ရပြန်သည်။ကြည်နူးပျော်ရွှင်စိတ်များရင်ထဲမှာခိုဝင်၏။

" တစ်ခန်းတည်းပဲလား"

သူ့အမေးကခင်မင်မှုကိုအသိအမှတ်ပြုသည့်အမေး။နှစ်ယောက်စလုံးခေါင်းညိတ်ပြ၏။

"မင်းပျင်းလို့ကက်ဆက်နားထောင်စရာမရှိရင်ဇော်ဝင်းထွဋ်နဲ့လေးဖြူ တော့နားထောင်ရမယ်မင်းထင်"

သန့်စင်အောင်စကားကြောင့်နားမလည်၍လှည့်ကြည့်မိလိုက်၏။

"ဒီလိုကွ။ကျော်ဝင်းထွဋ်ဆိုတဲ့ကောင်ကဇော်ဝင်းထွဋ်သီချင်းဆိုအသေကြိုက် တယ်။ငြိမ်းချမ်းဆိုတဲ့ကောင်ကလေးဖြူ ကိုအသေကြိုက်တယ်။ အားရင် အဲဒီကောင်တွေအဲဒီသီချင်းတွေပဲအော်နေတာ။တစ်ခန်းလုံးဆူညံနေ
တာပဲ။ငါတို့တောင်ရောက်တာနှစ်ရက်သုံးရက်ပဲရှိသေးတယ်။အကုန်သိနေပြီ။"

သန့်စင်အောင်စကားကိုခုမှသဘောပေါက်တော့၏။ကျော်ဝင်းထွဋ်နှင့်ငြိမ်းချမ်းကတော့ပြုံး၍နေသည်။

"အဲ-စိုးညွန့်ကကဗျာသမား။ငါကတော့ဂစ်တာသမား။စာတွေဘာတွေဖတ်တာတော့ဝါသနာပါတယ်။
အပြင်စာဖတ်တာပြောတာနော်။ဒီကျောင်းရောက်တိုင်းစာကြောင်လို့ထင်မနေနဲ့။ကျောင်းစာ
သိပ်မဖတ်ဘူး။ဒါနဲ့မင်းရောဘာဝါသနာပါလဲ။ခုကတည်းကတစ်ယောက်အကြောင်းတစ်ယောက်သိတော့
ပေါင်းရတာပိုကောင်းတာပေါ့ကွာ။ခြောက်နှစ်တောင်တွဲရမှာ"

" မင်းတို့လုပ်တာအကုန်ဝါသနာပါတယ် "

"ဟာ-ကောင်းရော။ဒါမှလူစုံတက်စုံဖြစ်မှာ။မင်းကအားလုံးဝါသနာကို ခံစားပေတော့"

"ငါကဂစ်တာလည်းတီးတတ်တယ်။ကဗျာလည်းရေးတယ်။ဝတ္ထုတွေလည်းဖတ်တယ်။အပြင်
စာတွေလည်းဖတ်တယ်။သီချင်းတွေလည်းနားထောင်တယ်။ ဒီတော့မင်းတို့နဲ့ပိုပြီးတွဲလို့ကောင်းတာပေါ့"

သန့်စင်အောင်ကအိုကေဟုဆိုသည်။ကျန်သူတွေပြုံး၏။ခဏနေပြီးကိုယ့်နေရာကိုယ်ပြန်ထိုင်ကြသည်။
သည်တော့မှအတန်းကိုသေသေချာချာကြည့်မိ၏။ကိုယ့်အုပ်စုနှင့်ကိုယ်စကားပြောနေတာတွေရှိသလို ခုချိန်ထိအတန်းထဲမှာယောင်တောင်တောင်ဖြစ်နေသူများလည်းရှိသေး၏။ စကားသံတွေကတော့ဆူညံနေသည်။

"သန့်စင်အောင်ငါခုနစကားပြတ်သွားလို့။ရယ်စရာဆိုတာဟိုမှာလေကွာ။ဟိုကောင်ကျော်ဝင်းထွဋ်တို့
လုပ်နေတယ်။ကြည့်နေကြည့်နေ"

စိုးညွန့်စကားကြောင့်ခပ်လှမ်းလှမ်းမှငြိမ်းချမ်းတို့လုပ်သမျှကြည့်နေလိုက်သည်။စက္ကူတွေကိုစာအုပ် ထဲကဖြဲ၊ပြီးတော့စက္ကူမြားလေးတွေဖြစ်အောင်လုပ်၍အတန်းရှေ့ကကောင်မလေးတွေဆီ လက်တည့်စမ်းနေ၏။

" ဟာ-ဒါတော့ဘယ်တရားမလဲကွ"

"မင်းကလည်းသန့်စင်အောင်ရာ။ပျော်လို့နောက်တာပဲ။နာအောင်ပစ်တာမှမဟုတ်တာ"

" မဟုတ်ဘူးကွ။မတရားဘူးဆိုတာငါပါမပစ်ရလို့"

စိုးညွန့်၏အေပေးဆိုသောဆဲသံကိုကြားလိုက်ရသည်။သူရော၊ သန့်စင်အောင်ပါရယ်လိုက်ကြ၏။ပြီးတော့
သန့်စင်အောင်ကကျော်ဝင်းထွဋ်နှင့်ငြိမ်းချမ်းကိုလှမ်းခေါ်သည်။သူတို့နားမှာလာထိုင်ဖို့။
ဟိုကောင်တွေကလည်းမငြင်း။လွယ်အိတ်တွေယူပြီးရောက်လာသည်။ဘေးကို
ကပ်ပြီးထိုင်တော့လေးယောက်တန်းမှာငါးယောက်ဖြစ်သွား၏။

သူတို့အတန်းတွေဖွဲ့စည်းပုံကိုကြည့်လျှင်စာသင်ခုံတစ်ခုံစာစီကဘေးတစ်ဖက်တစ်ချက်၌ရှိ၍
အလယ်တန်းကနှစ်ခုံစာ၊စီထားသည်။အလယ်တန်းမှာထိုင်လျှင်ရှစ်ယောက်လောက်
ဆန့်၏။ဘေးတန်းဆိုလျှင်အလွန်ဆုံးငါးယောက်ပဲ ဆန့်သည်။
တန်းခွဲအေ၊ဘီ၊စီကတော့တစ်ခန်းကိုနှစ်ရာစီအတိ။တန်းခွဲဒီကတော့မန္တလေးစက်မှု
တက္ကသိုလ်မှပြောင်းလာသူများ၊နှစ်ကျများရှိ၍နှစ်ရာမပြည့်တပြည့်ရှိနေတတ်သည်ဟု
သူ့ကိုကျောင်းလိုက်အပ်ပေးသောအစ်ကိုကြီးပြောဖူး၏။ဝိုင်အိုင်တီရောက်ပြီးမှကျတာများ
ရှိသေးလားဆိုတော့စာမလုပ်ရင်ကျတာပဲဟုဖြေသည်။

" မင်းထင်ရေ။ငါတော့ပစ်ပြီ။မင်းလည်းပစ်ချင်ရင်စက္ကူဆုတ်ပြီးပစ်လေ"

ပြောပြောဆိုဆိုသန့်စင်အောင်ကစက္ကူ မြားတစ်စင်းကိုပစ်လွှတ်လိုက် သည်။ရှေ့ဆုံးတန်းကကောင်မလေးတစ်ယောက်ခေါင်းကိုသွားမှန်ပြီးပြုတ်ကျသွား၏။
သန့်စင်အောင်ပျော်သွားသည်။

"မင်းထင်ပစ်ချင်ရင်ငါ့ဆီကယူပစ်။ငါအိမ်ကသယ်လာတဲ့အကြမ်းစာရွက်တွေရှိတယ်။ရော့-စာအုပ်မဖြဲနဲ့"

ငြိမ်းချမ်းကသူ့ရှေ့ကိုအကြမ်းစာရွက်ကြီးတစ်ရွက်ချပေးသည်။စက္ကူ မြားလုပ်ပုံလုပ်နည်းကိုအသေအချာကြည့်၍တစ်ခုလောက်စမ်းလုပ်လိုက်သည်။ ရသွားသောအခါဘယ်သူ့ပစ်ရမလဲစဉ်းစား၏။

တွေ့ပြီ။သူမတို့အုပ်စုကိုပစ်မည်စိတ်ကူး၏။အမြင်ချင်းရင်းနှီးပြီးသားသူမကိုလက်တည့်စမ်းလိုက်သည်။
လွဲသွား၏။ဘယ်သူ့မှမထိ။

"အလဲ့။မင်းထင်ကသူ့အချစ်တော်တွေကိုလက်တည့်စမ်းပြီးဖူးစာရှင်ရွေးနေပြီထင်တယ်"

သန့်စင်အောင်စကားကြောင့်သူကပြုံးသည်။ဟိုကောင်တွေနားမလည်။ စိုးညွန့်ကတော့အေးအေးဆေးဆေးသမားဖြစ်ပုံရသည်။စက္ကူမြားလည်းမပစ်။ဘာမှလည်းမလုပ်။
ထိုင်ပြီးငေးနေသည်။

နောက်ထပ်စက္ကူ မြားတစ်ခုကိုလုပ်ဖို့ကြိုးစားစဉ်မှာပင်သန့်စင်အောင်ကသူတို့ဖြစ်ခဲ့သောပြဿ နာကိုရှင်းပြနေ၏။ဟိုကောင်တွေရယ်နေသည်။ပြီးမှ....

"ငါတို့လည်းအရေးခံရတယ်ကွ။မတွေ့ခဲ့ဘူးလား။ငါကသန့်စင်အောင်ပဲ ထင်နေတာ"

" ဟုတ်လား။ဘာတွေရေးထားလဲ"

" ကျော်ဝင်းထွဋ်။ဇော်ဝင်းထွဋ်မဟုတ်ပါ။ပုံ-ဟဲဗီးဥက္ကဋ္ဌတဲ့။ငြိမ်းချမ်းကို ကျတော့လေးဖြူ မဟုတ်သောဖက်တီးတဲ့"

" ငါတို့လည်းအရေးခံထားရတာပဲ။ငါ့ကိုကျတော့မင်းထင်-မင်းထင်ချင် ထင်နိုင်တယ်။ဒီမီမိုးနဲ့ငါနဲ့ညားနေပြီဆိုတာကိုပါတဲ့။သန့်စင်အောင် ကျတော့ရေချိုးပါတဲ့။အဲဒါကွာအဖတ်ကောင်းလို့ဒုက္ခရောက်တော့မလို့"

စက္ကူမြားတွေတစ်ခုပြီးတစ်ခုလုပ်ရင်းမပစ်သေးဘဲစကားပြောနေမိသည်။သူမတို့အုပ်စုကတော့
ဘာတွေပြောနေသည်မသိ။

"ဟေ့ကောင်မင်းထင်။သုခရဲ့အစဟာဒုက္ခပဲကွ။မင်းကိုရန်လာတွေ့တဲ့ကောင်မလေးကမလှဘူးလား။
ဟိုကွာနှင်းနွယ်နွေးဆိုတာ"

သန့်စင်အောင်ကမြားတစ်စင်းကိုပစ်လိုက်ပြီးသူ့ကိုပြောသည်။ပစ်လိုက် သည့်မြားကကောင်မလေးတစ်ယောက်ခေါင်းကဆံပင်တွေကြားမှာသွား စိုက်နေသည်။ထိုကောင်မလေးကအသာအယာသပ်ချတာတွေ့ ၏။ယောကျာ်းလေးတချို့၏ ဟေးဟုအော်လိုက်သံကအခန်းတွင်းလျှံတက်လာ၏။

" ဘာလဲ။မင်းစိတ်ဝင်စားလို့လား"

"ကြံကြီးစည်ရာမင်းထင်ရာ။ငါ့ဘ၀မှာငါသိတာပျော်အောင်နေမယ်။ပျော်အောင်ကျင့်မယ်။ပျော်အောင်ကြံမယ်။
ဒါပဲ။ကျန်တာတွေခုချိန်မှာသိပ်စိတ်မ၀င်စားဘူးဟေ့ကောင်"

သန့်စင်အောင်စကားကြောင့်သူပြုံး၏။လက်ထဲမှာစက္ကူမြားတစ်ခုကိုကိုင်ပြီးဘယ်သူ့ဆီပစ်ရမလဲ
စဉ်းစားနေမိသည်။ပြီးမှနှင်းနွယ်နွေးဆိုသောသူမ၏ဆံစရှည်ရှည်များကြားသို့စက္ကူ မြားလေးပစ်သွင်းချင်စိတ်ပေါ်လာ၏။ပစ်မည်ဟုအားယူပြီးလက်ကိုချိန်လိုက်သည်။

မမျှော်လင့်သောအဖြစ်အပျက်တစ်ခုကမထင်မှတ်ဘဲဖြစ်သွား၏။ဘယ်ဆီက ပစ်လိုက်မှန်းမသိသောစက္ကူ မြားတစ်စင်းကသူမပါးကိုခပ်ပြင်းပြင်းထိမှန်သွားသည်။

မီးဝင်းဝင်းတောက်သောမျက်စိနှင့်နီရဲရှက်သွေးဖြာနေသောမျက်နှာ၊နောက်ကိုဆတ်ခနဲလှည့်၍အကြည့်။
သွားပြီ။လက်ထဲမှာစက္ကူမြားတစ်စင်းကိုင်ပြီးချိန်ရွယ်ထားသောသူ့ကိုတွေ့သွားသည်။
ဘာလုပ်ရမှန်းမသိဘဲကြောင်တောင်တောင်ဖြစ်သွား၏။

" တောက် "

ပြင်းလွန်းသောတောက်ခေါက်သံကသူမနှင့်မိမိကြားရှိလေလှိုင်းများကိုဖြတ်၍
တုန်ခါနှုန်းပြင်းပြင်းနှင့်နားစည်၏အမြှေးပါးကိုရိုက်ခတ်ပဲ့တင်ထပ်သည်။စိတ်မကောင်းခြင်းများစွာကို
ခံစားလိုက်ရပြန်၏။
 
" ဟေ့ကောင်မင်းထင်။မင်းနဲ့ရေစက်ပါတယ်ထင်တယ်။ဆက်လုပ်ကွာ"
သန့်စင်အောင်စကားကြောင့်အေးကွ၊ဖြစ်နိုင်တယ်ဟုပြောပြီးစက္ကူ မြားပေါ်မှာ'စိတ်မဆိုးပါနဲ့ချစ်လို့စတာ'ဆိုသောစာသားကိုရေး၍ရှေ့လှည့်သွားသော
သူမဆီရောက်အောင်ပစ်လိုက်သည်။

ကံကောင်းခြင်းလား၊ကံဆိုးခြင်းလားမသိ။မြားလေးကသူမရှေ့ တည့်တည့်ရောက်သွား၏။စာကိုတွေ့ပြီးကောက်ယူဆုတ်ဖြဲပစ်လိုက်တာတွေ့သည်။

" ရွှီ..ဖြောင်း.....ဖြောင်း.......ဖြောင်း"

ယောကျာ်းလေးတချို့၏လက်ခုပ်သံ။သူလုံးဝမထင်မိ။ဆုတ်ဖြဲခံရမည်ဟုလည်းမထင်။
ဤသို့ဆုတ်ဖြဲနေလျှင်လည်းလက်ခုပ်တီးမည်ဟုမမျှော်လင့်ခဲ့။ခုတော့အားလုံး
သူ့အတွက်ပျော်စရာဖြစ်မလာ။စိတ်ဆင်းရဲခြင်းတွေသာဖြစ်လာ သည်။

သူမကစက္ကူအဆုတ်အပြဲများကိုလွှင့်ပစ်ရင်းနေရာမှာထိုင်လျှက်သူရှိရာကိုလှမ်းကြည့်သည်။
တင်းတင်းစေ့ထားသောနှုတ်ခမ်းကဖွင့်မပြောသော်လည်း၊ ရင်းနှီးပြီးသားသူမမျက်လုံးများကတော့စူးရဲတောက်ပလွန်းနေ၍ငေးကြည့်ရင်းရင်ခုန်နေမိပြန်သည်။

" ဆရာလာပြီကွ။ ငါတို့မြားတွေသိမ်းမှရတော့မယ်"

သန့်စင်အောင်စကားကြောင့်ခုံပေါ်မှမြားတွေကိုသိမ်းရင်းစာသင်ခန်းထဲဝင်လာသောဆရာကိုလှမ်းကြည့်လိုက်သည်။ဆရာဝင်လာ၍ထင်သည်။သူမ လည်းရှေ့ဘက်ပြန်လှည့်သွား၏။

ဆရာက Blackboard ကိုဖျက်ပြီးသီအိုရီတွေစသင်တော့ နားကိုစွင့်ထား လိုက်သည်။သို့သော်စိတ်ကိုတည်ငြိမ်အောင်ဖမ်းစားမရ၍စာထဲမှာစိတ်မ၀င်စား။
ပူလောင်စူးရဲသည်ဟုထင်ရသောမျက်နှာပေါ်မှအေးမြငြိမ်းချမ်းသည့် လက္ခဏာသင်္ကေတတစ်ခုကိုမြင်လိုက်ရသလိုရှိ၍ခံစားမိရင်းကြည်နူးစိတ်ဖြစ်သည်။

ခွင့်လွှတ်ပါနှင်းနွယ်နွေး။ကိုယ်တောင်းပန်ပါတယ်။

X X X X X

( ဆက်လက်ဖော်ပြပါမည်။)
[ ဤစာမူသည်ကျွန်တော်ဆူးသစ်၏ မူပိုင်ဖြစ်ပါသည်။]
Related Posts Plugin for WordPress, Blogger...