Thursday, January 31, 2013

" ရခိုင်ပြည် အလွမ်းပြေ "(၃)


စစ်တွေအကြောင်း ပြန်ဆက်ရလျှင် ကျွန်တော်၏ စစ်တွေ ပထမဆုံး အခေါက်သည် ကျွန်တော့်ဆရာ ဒု-ညွှန်မှူးကြောင့်ပင် စရောက်ခဲ့တာ ဖြစ်သည်။ ဆရာက ဒု-ညွှန်မှူးဖြစ်နေသောအခါ နယ်မြေခံ အရာရှိက တော်တော်ဂရုစိုက်ရှာပါသည်။ ကျွန်တော်တို့ သွားချင်သော စက်ရုံများကို စီစဉ်၍ လိုက်ပို့ပေးသည်။ နယ်မြေခံက အသက်ကြီးသော အမျိုးသမီးကြီး ဖြစ်၍ ကျွန်တော်တို့က အားနာရပါသည်။

သို့သော် ကျွန်တော်တို့ကလည်း အချိန်နှင့် သွားရသည်မို့ စစ်တွေမှာ သိပ်ကြာကြာမနေ။ စစ်တွေ မှသည် ကျောက်တော်ကို သွားသည်။ ကျောက်တော်မှာ သကြားစက်ရှိ၍ ကျွန်တော်တို့ ဆရာတပည့်နှစ်ယောက် သွားစစ်ဖို့ အားခဲထားသည်။ ကစ္ဆပနဒီမြစ်ကမ်းဘေးက တည်းခိုခန်းလေးမှာ ကျွန်တော်တို့တည်းသည်။ အချိန်ရသောအခါ မြစ်ဆိပ်ကို ဆင်း၍ သကြားစက်ကို သွားရန် စနည်းနာသည်။

ရယ်စရာလည်း ကောင်း၏။ သကြားစက်ကို မနက်ဘက်သွားသည့် လှေများ( ဖယ်ရီ သဘောမျိုး ) ရှိသည်ဟု တည်းခိုခန်းက ပြောလိုက်သည်။ မြစ်ဆိပ်ကလူများကို မေးတော့ သူတို့က စကားတော်တော်ဝဲသည်။ သူတို့ ပြောသည်ကို ကျွန်တော်တို့ နှစ်ယောက် လုံးဝ နားမလည်။ သူတို့ကလည်း ကျွန်တော် တို့ကို ပြန်ပြောပါသည်။ လက်ခါပြသည်။ ကျွန်တော်တို့ ပြောတာကို သူတို့နားမလည်ပါတဲ့။ ပြီးရောပေါ့။

ဘယ်လိုမျှ စုံစမ်း၍ မရသည့်အဆုံး ကျွန်တော်တို့နှစ်ယောက် လက်လျှော့ခဲ့ရသည်။ အဆိုတော် ကိုင်ဇာ သီချင်းဖွဲ့ဆိုခဲ့သည့် ကစ္ဆပနဒီမြစ်နားမှာ ဆရာတပည့်နှစ်ယောက် အနားယူကာ မြစ်ရေနှင့် ရှုခင်းကိုကြည့်ပြီး ခံစားခဲ့ကြသည်။

တကယ်တော့ သကြားစက်ကို သွားဖို့ တစ်ရက် အချိန်ယူရမည်ဖြစ်သည်။ ထို့ပြင် ကျွန်တော် တို့က ကျောက်တော် မဟာမုနိကို ဖူးချင်သေးသည်။ ပြီးလျှင် မြောက်ဦးဘက် ခရီးဆက် ရမှာ ဖြစ်သည်။ ထို့ကြောင့် သကြားစက်ကို မ၀င်ဘဲ ကျောက်တော် မဟာမုနိကို ဆိုက်ကားငှား၍ တစ်ရက် သွားဖူးကြသည်။

မဟာမုနိဘုရားကို ဖူးရန် ကစ္ဆပနဒီမြစ်ကူးတံတားကို ဖြတ်ရသည်။ တံတား၏ ထိပ်ဘက်က ကမ္ပည်းစာကို ဖတ်ကြည့်သည့်အခါ ကျွန်တော်တို့ ရောက်ချိန်နှင့် သိပ်အကွာကြီးမဟုတ်။ သို့သော် တံတားအ၀င် ထိပ်နား၊ ဘေးဘက်ရှိ ဘောင်တို့သည် ကတ္တရာပါမကျန် ပက်ကြားအက်နေလေပြီ။ 

ကျွန်တော်တို့ ဆရာတပည့် နှစ်ယောက် ဘုရားခြေရင်းရောက်၊ ဘုရားဖူးပြီး ဘုရားရှေ့က ထမင်းဆိုင်လေးမှာ ထမင်းစားကြသည်။ နေကပူ၊ ရခိုင်ထမင်း တော်တော်များများက အစပ်လေးများနှင့် စားကောင်းသည်မို့ ကျွန်တော်တို့ နှစ်ယောက်စလုံး စား၍ တော်တော်ဝင်၏။ စစ်တွေမှာ ကတည်းက ရုံးအဖွဲ့များက ရခိုင်ဆိုင် ကောင်းကောင်းကို လိုက်ကျွေးထားသည်မို့ ကျွန်တော့်ပါးစပ်မှာ ငရုတ်ကြိတ် ဆိုတာကို တော်တော်လေး ခံတွင်းတွေ့ခဲ့မိသည်။

ကျောက်တော်မှာ တစ်ညနား၊ ဘုရားဖူးပြီး နောက်နေ့မှာ မြောက်ဦးသွားမည့် ကားနှင့် မြောက်ဦးကို တက်ကြ၏။ ဖြစ်ချင်တော့ မြောက်ဦးသွား ကားလမ်းသည် ကျောက်တော် မဟာမုနိကို ဖြတ်ရလေရာ ကျွန်တော်တို့မှာ ဘုရားကို ဒုတိယအကြိမ် ဖူးရသည့်အတွက် ကျေနပ်မိပြန်သေးသည်။ မြောက်ဦးကား များမှာ လမ်း၌ ကျောက်တော် မဟာမုနိဘုရား ရှေ့တွင် တစ်ထောက်နားကာ ဘုရားဖူးရန် အချိန်ပေးလေသည်။ ထို့ကြောင့် ကျွန်တော်တို့ ဆရာတပည့် နှစ်ယောက်မှာ ဘုရားဖူးဖို့ရန် အခွင့်သာသည်နှင့် ဘုရားပေါ်သို့ အပြေးသွားဖူးကြလေတော့သည်။

အကြောင်းကလည်း ရှိသည်။ ကျွန်တော် ရခိုင်ပြည်နယ်ကို မသွားခင်ကတည်းက ကြားဖူးနားဝ နည်းနည်း ရှိထားသည်မှာ မြန်မာပြည်မှာ မုနိလေးဆူ ရှိသည်တဲ့။ တချို့ကလည်း ကျောက်တော် မဟာမုနိက မူရင်းဟု ဆိုကြသည်။ တချို့ကကျတော့ မန္တလေး မဟာမြတ်မုနိက မူလဟု ဆိုကြသည်။ ထိုဘုရား နှစ်ဆူ အပြင် ပြည်ရွှေဘုံသာ မုနိနှင့် ဇလွန် ပြည်တော်ပြန်ဘုရားတို့ပါ ပေါင်းလျှင် မုနိလေးဆူဟု ဆိုကြသည်။ မူရင်း တစ်ဆူကလွဲလျှင် ကျန်ဘုရားများမှာ အပွားများ ဖြစ်သည်ဟု ဆိုပါသည်။

တွေးကြည့်လျှင် မုနိလေးဆူမှာ ကျောက်တော် မဟာမုနိသည် ဖူးရန် အခက်ဆုံး ဖြစ်နေသည်ကို ကျွန်တော် စဉ်းစားမိသည်။ ယခုလို ဖူးရသည်မှာ ကျွန်တော့် အလုပ်တာဝန်နှင့် လျှောက်သွားနေရသောကြောင့်သာ။ ပုံမှန်သာဆိုလျှင် မည်သို့မျှ သွား၍ ဖူးရန် မဖြစ်နိုင်။ တော်တော် အချိန်ယူရပေမည်။ ထို့ပြင် ကျွန်တော်သည် မန္တလေး မဟာမြတ်မုနိကို ဖူးဖူးသည်။ ထို့ကြောင့် ကျောက်တော် မဟာမုနိကို ဖူးရသည်မှာ ကျွန်တော့် အတွက် မဟာအခွင့်အရေးပင်။ ( နောက်ပိုင်းမှာ ပြည် ရွှေဘုံသာမုနိကိုပါ ကျွန်တော် ဖူးလိုက်ရပါသည်။ ထို့ကြောင့် ကျွန်တော့်အတွက် မုနိလေးဆူမှာ ဇလွန်ပြည်တော်ပြန်ဘုရားသာ ကျန်ပါတော့သည်။ )

ဒါကို သိသော ကျွန်တော့်ဆရာသည်လည်း ကျောက်တော် မဟာမုနိကို ဖူးခွင့်ရခိုက် အားရပါးရ ဖူးမြော်ပါတော့သည်။ ကျောက်တော်မဟာမုနိကို ဖူးပြီးနောက် ကားနှင့်ပင် မြောက်ဦးကို ခရီး ဆက်သည်။ မြောက်ဦးရောက်တော့ တည်းခိုခန်းစုံစမ်းပြီး ဆရာ တပည့်နှစ်ယောက် အနားယူကာ ထမင်း စားပြီးသည်နှင့် မြင်းလှည်းငှားကာ ဘုရားစုံ လိုက်ဖူးတော့သည်။

တကယ်တော့ ကျွန်တော်တို့က နယ်မြေကျွမ်းသူ မဟုတ်။ ထို့ကြောင့် မြင်းလှည်းသမားကို ခရီးစဉ် တောက်လျှောက် အပြတ်ငှားကာ ဘုရားဖူး ထွက်လိုက်ကြခြင်းက ကျွန်တော်တို့ အတွက် ပိုအဆင်ပြေခဲ့သည်။ ရှစ်သောင်း၊ ကိုးသောင်း စသည်ဖြင့် ပုထိုးတော်ကြီးများနှင့် ရခိုင်ဘုရားများ၏ ထူးခြားသည့် တည်ဆောက်ပုံများကို ကျွန်တော်တို့ လေ့လာခွင့်ရခဲ့သည်။ ကျွန်တော် ဘုရားများ၏ ဘွဲ့ကို မမှတ်မိတော့ပါ။ တစ်ခုတော့ တွေးမိပါသည်။ မြန်မာပြည်မှာ ရှေးဟောင်း အနုလက်ရာများ တည်ရှိရာ ပုဂံနှင့် မြောက်ဦးသည် ထူးခြားမှုများ များစွာရှိသည်ဟု ကျွန်တော်ထင်သည်။ မတူတာ တစ်ခုကတော့ ပုဂံကို သွားရန် လမ်းပန်းဆက်သွယ်ရေးက လွယ်သလောက် မြောက်ဦးကျတော့ ခရီးက သိပ်အဆင်ပြေလှ သည်တော့ မဟုတ်။

သို့သော် ကြီးမားသော ကျောက်များဖြင့် တည်ဆောက်ထားသော ဘုရားပုထိုးများကို တွေ့မြင်ဖူးမျှော် ရသည်က ရခိုင်ပြည်နယ်၏ ကြီးမားသော နောက်ခံ ရာဇ၀င်များကို ပြောပြနေသလို ရှိသည်ကတော့ အမှန်ပင်။ ရခိုင်ပြည်နယ်မှာ ခိုင်မာသော နောက်ခံ သမိုင်းများ ရှိခဲ့သည်ဟု ဘုရားပုထိုးများကို ဖူးမိချိန်မှာ ကျွန်တော် ခိုင်ခိုင်မာမာ ယုံကြည်မိပါသည်။

ဆူးသစ်
၂၂း၂၅ နာရီ
၃၁.၁.၂၀၁၃

( ဆက်ပါဦးမည် )

Sunday, January 27, 2013

" ရန်ကုန်ကို ပြန်ဆုံရတဲ့အခါ "


ဆောင်းတဲ့........
ငွေ့ငွေ့လေး အသက်ကျန်သလို
တစ်ကိုယ်စာ ချမ်းဖို့တောင် အအေးမရှိတဲ့ ညနဲ့
ရန်ကုန်ကို ပြန်ဆုံခဲ့ရတယ်။

ကားတွေများ၊ လမ်းတွေကျပ်
တံတားတွေ အထပ်ထပ်ထိုးတော့မယ့် ရန်ကုန်
ဘတ်စ်ကားကျပ်ပုံက မပြောင်းလဲ
ဟောင်းနွမ်းဆဲ အကျင့်တွေလည်း မပစ်ပယ်
( ဒါပေမဲ့......)
ရန်ကုန်ကိုတော့ ကျွန်တော်ချစ်တယ်။

လမ်းပေါ်မှာ ကားပေါ်က အမှိုက်ပစ်ချ
မြင်သမျှနေရာ ကွမ်းတံတွေးထွေး
လရောင်ဝေးနေတဲ့ မြို့ပြမှာ 
လျှပ်စစ်မီး ပုံမှန်လာတဲ့အခါ အိပ်မက်တွေဖြစ်
ခရစ်နှစ်သစ်ကို ဆန္ဒတွေပြရင်း ဖွင့်လှစ်တာ
ကျွန်တော်ချစ်တဲ့ ရန်ကုန်မှာပေါ့။

ဂျေဆင်မရပ်ဇ်တဲ့
သိသူ မသိသူတွေ တရစပ် အော်ဟစ်
ပြည်သူ့ရင်ပြင်မှာ ပါးစပ်သေနတ်တွေ ပစ်လို့
ရန်ကုန်မှာ အသစ်အသစ်တွေ ဖြစ်လာတယ်။

ရုံးခန်းရှေ့ထားတဲ့ ဖိနပ်
အနော်ရထာလမ်း ဈေးကွက်မှာ မြတ်ချင်မြတ်မှာပေါ့
All Star တစ်ရံ ပျောက်ပြီးတဲ့နောက်မှာ
သဘောထားအမှန်တချို့ကို ကျွန်တော် မှတ်ခဲ့ရ
လုံခြုံရေး၊ သန့်ရှင်းရေး တာဝန်ချထားတဲ့ အဆောက်အအုံကြီး
ဟည်းထနေပေမယ့် အတွင်းစိတ်တွေ မသန့်ရှင်းလေတော့
Converse ဖြစ်နေတဲ့ လူတွေအကြောင်း Converse ရင်းပြီး သိရတဲ့အခါ
ရန်ကုန်ဟာ ကဗျာမဆန်တော့ပြန်ပါဘူး။

ဆိုက်ကားပေါ်က ကင်မရာကိုင် သတင်းထောက်
Banner ကိုင်ထားတဲ့ ဆန္ဒပြသမား
ခပ်လှမ်းလှမ်းက ပါလာတဲ့ ကားတစ်စီး
အဲဒါတွေက ရန်ကုန်ရဲ့ ရှုမငြီးစရာလား
သွားရင်းလာရင်း ခပ်ပါးပါးလေးတော့ တွေ့တယ်။

သူငယ်ချင်းတွေနဲ့ လက်ဖက်ရည်ဆိုင်ည
ဂီတသံက မကျယ်တော့ဘူး
ဘောပွဲ၊ ရုပ်ရှင်တွေကို မူးလောက်အောင်ပြလည်း
ညလုံးပေါက်ဆိုင်တောင် လူကကျဲလို့
ရန်ကုန်ဟာ မနက်ခင်း ရပ်တည်မှုရဲ့ သားကောင် ဖြစ်လာခဲ့ပြီ။

သန်းခေါင်ညမှာ ပန်းရောင်းနေတဲ့ အသက်မပြည့် ကလေးမ
တိုက်ခန်းတွေပေါ်က သားသားနားနား ညဥ့်ငှက်မတချို့နဲ့
စားသောက်ဆိုင် စင်တင်ဂီတရပ်ဝန်းက စပွန်ဆာရှာတဲ့ ကောင်မလေး တချို့ကလည်း
ရန်ကုန်ညရဲ့ ပသာဒလိုဖြစ်
ဒီလိုနဲ့...ရန်ကုန်ဟာ တဆစ်ဆစ် ကိုက်ခဲနေတုန်းပါပဲ။

လူမပြည့်ဘဲ ပြနေတဲ့ 3D ရုပ်ရှင်ရုံ
နိုင်ငံတော်အလံကို အလေးပြုဖို့ သတိပေးရတဲ့ ကျွန်တော်တို့ ဓလေ့
ကမ္ဘာမကြေ.......မြန်မာပြည် ဟေ့ လို့ သီချင်းထဲမှာပဲ ကြွေးကြော်
နိုင်ငံခြားနဲ့ နိုင်ငံခြားသား ညှော်နံ့တွေလည်း နံစော်လို့
နိုင်ငံတော် သီချင်းဆုံးအောင်တောင် မတ်တတ်မရပ်နိုင်တဲ့ လူတွေနဲ့
နိုင်ငံခြားပုံစံ မောလ် ( Mall )  တွေကြား
ကျွန်တော်ချစ်တဲ့ ရန်ကုန်က အမောတွေနဲ့ ဖျားနေခဲ့သေးတယ်။

ပြောင်းလဲခြင်း တရားတွေကြားက
ပြောင်းလဲသင့်သလောက် မပြောင်းလဲသေးတဲ့ ရန်ကုန်
နောက်တစ်ကြိမ် ပြန်ဆုံရင် အသစ်ဖြစ်
စနစ်သစ်၊ ခေတ်သစ်၊ လူသစ်၊ စိတ်သစ်နဲ့ ရှင်သန်
မနက်ဖြန်တိုင်းရဲ့ အလှတရားကို မွေးဖွားဖို့ တွေးမိတဲ့အခါ
( ကျွန်တော်ဟာ...)
ရွှေတိဂုံပေါ်မှာ အပြေးကလေး ဆုတောင်းခဲ့မိပါတယ်။

အို-ရန်ကုန်.......
ပြန်ဆုံတဲ့အခါ လှပနေပါစေကွယ်။
အို-ရန်ကုန်
ပြန်ဆုံတဲ့အခါ လှပနေစေချင်တယ်။         ။

သားလတ်
၁၅း၂၃နာရီ
၂၇.၀၁.၂၀၁၃

[ Scot-Bugis Project, HDS 5, Shelter One တွင် ရေးသည်။ ]


" ကျွန်တော့်မှတ်စု " ( ၁၃ )

 
+        ကိုယ်ကိုယ်တိုင် အပြစ်အနာအဆာ ကင်းအောင်နေဖို့ အလွန်အရေးကြီး၏။ လူသည် အိမ်နီးချင်း၏ အပြစ်ကိုသာ မြင်အောင်ရှုသည်မှာ မိမိ၏စိတ်သည် အစမှာပင် အလုပ်မှား၍ နေခြင်းဖြစ်၏။

+          နည်းကျက တစ်စုံတစ်ရာ အားနာဖို့မလိုသော အားနာခြင်းသည် ကုသိုလ်ရသော အလုပ်မဟုတ်။ အားနာ၍ ရသင့်သော ဥစ္စာကိုမရခြင်းသည် ကိုယ်တိုင်ညံ့ဖျင်းခြင်း ဖြစ်သည်။

[ ပီးမိုးနင်း - ကြီးပွားရေးလမ်းညွှန် စာအုပ်မှ ]

+          အနုပညာ အတွေ့အကြုံဆိုတဲ့ စကားလုံးအတွင်းမှာ ခံစားချက်ကို ဖော်ထုတ်ခြင်း ( Expression of Emotion ) ၊ ဈာန်ဝင်စားမှု ( Inspiration ) ၊ တီထွင်မှု ( Creative Imagination ) ၊ ပင်ကိုယ်စွမ်းရည် ( Originality ) ၊ လောကအမြင် ( Philosophy of Artist ) ၊ ထိုးထွင်းသိမှု ( Intuition )၊ ရသဗေဒဆိုင်ရာခံစားမှု ( Artistic Sensibility )နဲ့တခြား အကြောင်းအချက်တွေ ပါဝင်ပါတယ်။

[ မြန်မာစာပေ မော်ဒန် ပြဿနာ ဆွေးနွေးပွဲ အမေး ပုစ္ဆာများ - သစ္စာနီ ၏ အဖြေ ] ( ၀၃/ ၁၉၉၆၊ ဒီလှိုင်း )

+           ဆရာ ဇော်ဂျီကပင် ဂန္ထ၀င်မြောက်နိုင်သော စာပေတို့ကို လေ့လာဖတ်ရှုရခြင်းနှင့် ပတ်သက်၍ " စာကောင်း ပေကောင်းကို ဖတ်ရလျှင်  ပတ်ဝန်းကျင်ဘ၀ကိုလည်း သတိပြုမိလာနိုင်စရာ အကြောင်း ရှိပါသည်။ လောဘထွက်သူတို့သည် မိမိ လောဘထွက်သည်ကို သတိပြုမိလျှင်၊ ဒေါသထွက်သူသည် မိမိဒေါသထွက်သည်ကို သတိပြုမိလျှင်၊ မာနတက်တတ်သူသည် မိမိမာနတက်သည်ကို သတိပြုမိလျှင်၊ ဆင်ခြင်တတ်ခြင်း ရှိလာ၍ လောဘ၊ ဒေါသ၊ မာနတို့၏ အပူအလောင်မှ သက်သာရာရနိုင်သည်ဟု ပညာရှိတို့ ဆိုမိန့်ကြပါသည်။ ထိုနည်းတူစွာ ပတ်ဝန်းကျင်ဘ၀ကို သတိပြုမိသူသည် မိမိ၏ ကိုယ်နှုတ်နှလုံးကို သုံးသည့်အခါတိုင်း ဆင်ခြင်တတ်ခြင်း ရှိလာ၍ မိမိတစ်ဦးတည်း၏ အကျိုးစီးပွား အတွက် သာမက ပတ်ဝန်းကျင် ဘ၀၌ မိမိကဲ့သို့ပင် သုခ၊ ဒုက္ခ အမျိုးမျိုး၌ ကျင်လည်နေကြကုန်သော သတ္တ၀ါ ခပ်သိမ်းတို့၏ အကျိုးစီးပွား အတွက်လည်း ကြည့်တတ်မြင်တတ်၊ ကရုဏာ ဖြစ်တတ်လာနိုင်စရာ အကြောင်းရှိသည်ဟု ထင်ပါသည် " ဟု ဆိုပါသည်။

[ ဂန္ထ၀င်စာပေဟူသည် - မောင်ဆုရှင် ( ဂန္ထ၀င်စာပေ စာတမ်းများ - ပထမတွဲ - မောင်ဆုရှင်၊ ထီလာစစ်သူ၊ တင်ထွေး) ]

+              ( ၁ ) သတ္တိဆိုတာ ဂုဏ်ဟူသမျှရဲ့ အခြေခံ ရေသောက်မြစ်ကြီး ဖြစ်တယ်။
                ( ၂ ) ကာယသတ္တိ၊ စာရိတ္တသတ္တိ နှစ်မျိုးရှိတယ်။ စာရိတ္တသတ္တိက ပိုပြီးမြင့်မားတယ်။
                ( ၃ ) ကာယသတ္တိကို လေ့ကျင့် မွေးမြူရင် ရနိုင်တယ်။
                ( ၄ ) စာရိတ္တသတ္တိကိုလည်း မွေးမြူ ပျိုးထောင်ပေးရင် ရနိုင်တယ်။
                ( ၅ ) ကြာရှည်ခံဖို့ အရေးကြီးတယ်။
[ Sir William Slim - ဒုတိယ ကမ္ဘာစစ် မြန်မာပြည် သိမ်းပိုက်ချိန်၊ အမှတ် ၁၄ တပ်မတော်ကြီးကို ဦးစီးတိုက်ခိုက်သော ဗြိတိသျှ စစ်ဗိုလ်ကြီး၏ On the air - ' လေထဲက အသံ' စာအုပ် မှ ကောက်နုတ်ချက်နှင့် ဆရာ အောင်သင်း အတွေ့အကြုံ ပေါင်းစပ်မှု ကောက်နုတ်ချက် ]

[ အောင်သင်း - မျိုးဆက်သစ် တိုးတက်ရစ်ဖို့ ]

+               ဖြစ်ရမယ်လို့ စွဲစွဲမြဲမြဲ ယုံကြည်မယ်။ ကိုယ်ရွေးချယ်ထားတဲ့ပွဲကို ကိုယ်ဝင်ပြိုင်ဖို့ ဇွဲနပဲလည်း ရှိမယ်ဆိုရင် အောင်ပွဲဆိုတာ ပြေးမလွတ်ဘူး။

+       မင်းတကယ် ကြိုးစားနေတာ မှန်ရင် မအောင်မြင်စရာ မရှိဘူး။ အောင်မြင်လိမ့်မယ်။ မကြိုးစားတော့ဘူး ဆိုမှသာ တကယ် ရှုံးသွားတာ။

[ ဖေမြင့် - မဖြစ်နိုင်ဘူးဆိုတာ သေချာပြီလား စာအုပ်မှ ( သား တကယ် ကြိုးစားရဲ့လား)]

 


Wednesday, January 23, 2013

" အိမ်သာ "


ဆရာ နွမ်ဂျာသိုင်း ရေးတဲ့ ' တစ်ခါတုန်းက တက္ကသိုလ်မှာ ' ဆိုတဲ့ ၀တ္ထုကို ဖတ်ဖူးကြမယ်ဆိုရင် အဲဒီ ၀တ္ထုထဲက တက္ကသိုလ်ကျောင်းသား အိမ်သာတက်တာလေးလည်း မှတ်မိကြမယ်ထင်ပါတယ်။ အတိအကျ မဟုတ်ပေမယ့် ကျွန်တော်မှတ်မိတာလေး ပြန်ပြောပါရစေ။

ဇာတ်လမ်းထဲက ဇာတ်လိုက် တက္ကသိုလ်ကျောင်းသား အိမ်သာထဲ ထိုင်ထိုင်ချင်းမှာ နံရံပေါ်မှာ စာလေး တစ်ကြောင်း တွေ့ပါတယ်။ သင့်ရဲ့ ဘယ်ဘက်မှာ ရှိတဲ့ နံရံကို ကြည့်လိုက်ပါ။ ကြည့်လိုက်တော့ ထပ်ပြီး သင့်ရဲ့ ဘယ်ဘက်က နံရံကို ကြည့်လိုက်ပါ လို့ထပ်ရေးပြန်တယ်။ နံရံတွေနဲ့ ခေါင်မိုးပါမကျန် ကုန်ပြီး နောက်ဆုံး သူပြောတဲ့အတိုင်း ကြည့်တာတွေ ကုန်တော့ " သင်ဟာ သူများပြောတိုင်း လိုက်လုပ်တဲ့ အတွက် အရူး " လို့ ရေးထားတာလေးပါ။ 

အဲဒီတုန်းက အဲဒီ ၀တ္ထုကို ဖတ်ပြီး ကျွန်တော်တို့ သဘောကျခဲ့ရဖူးတယ်။ နောက်တော့ ရွှေမန်းသဘင်က ချမ်းသာက အဲဒီ ၀တ္ထုကို ပြဇာတ်ကတော့ ကျွန်တော်ကြည့်ခဲ့ရပါတယ်။ အဲဒီမှာလည်း သရုပ်က ပိုပေါ်တော့ ရယ်ခဲ့ရပါသေးတယ်။ ဒီနေရာမှာ ကျွန်တော်ပြောချင်တာ ၀တ္ထုအကြောင်းထက် အိမ်သာထဲမှာ တက္ကသိုလ် ကျောင်းသားတွေ ဒီလို လက်ဆော့ပါလားလို့ သိခဲ့ရတာကိုပါ။ အဲဒီတုန်းက မှတ်မိနေခဲ့တာက အိမ်သာထဲက ပျော်စရာပါ။ တက္ကသိုလ်ကျောင်းက အိမ်သာဆိုတာ ပျော်စရာ ကောင်းပါလားလို့ပေါ့။

ရန်ကုန်စက်မှုတက္ကသိုလ် တက်တဲ့အချိန်တုန်းက အိမ်သာတွေ အကြောင်းတော့ သိပ်မမှတ်မိပါဘူး။ ဒါပေမဲ့ အလယ်တန်း ကျောင်းသားဘ၀နဲ့ အထက်တန်း ကျောင်းသားဘ၀တွေတုန်းက မိန်းကလေး အိမ်သာထဲ ရောက်ခဲ့ဖူးပါတယ်။ တလွဲတော့ မတွေးပါနဲ့ဦး။ ကျွန်တော်က ငယ်ငယ်လေးကတည်းက စာစီစာကုံး ပြိုင်လေ့ရှိတော့ ကျွန်တော်တို့ မြို့နယ်က မိန်းကလေးကျောင်းမှာပဲ သွားပြိုင်ရပါတယ်။ လူရည်ချွန်၊ သချာင်္ဥာဏ်စမ်း၊ မှတ်ဥာဏ်ပြိုင်ပွဲ စတာတွေကလည်း  အဲဒီမိန်းကလေးကျောင်းမှာပဲ အလုပ်များပါတယ်။ ဒီလောက် ခဏခဏသွားနေရမှတော့ အိမ်သာတော့ ၀င်မိတာပေါ့။ သူတို့ တစ်တွေလည်း ယောကျာ်းလေးတွေနဲ့ သိပ်မကွာပါဘူး။ စုံနေအောင် ရေးထားတာ။

ပြန်စဉ်းစားတော့ အလယ်တန်း၊ အထက်တန်းကျောင်းက အိမ်သာတွေနဲ့ တက္ကသိုလ်အိမ်သာတွေထဲက လက်စွမ်းပြတာတွေက သိပ်မကွာလှပါဘူး။ တချို့ကလည်း ညစ်ညစ်ကမ်းကမ်းတွေ၊ တချို့ကလည်း ပုံတွေ၊ စုံလို့ပါပဲ။

ဒီလိုနဲ့ ကာလလေး တစ်ခုလည်း ကြာလာတော့ အိမ်သာတွေရဲ့ အခေါ်အဝေါ်တွေပါ ပြောင်းလဲလာတာ သတိထားမိပါတယ်။ Rest Room ၊ Comfort Room စတဲ့ နာမည်လေးတွေပါ။ အိမ်သာဆိုတာ အိမ်တစ်အိမ်ရဲ့ အဓိက အရေးပါတဲ့ နေရာဖြစ်သလို ခရီးသွားရင်လည်း တကယ်အရေးပါလို့ အိမ်ခန်းတစ်ခန်းထက်တောင် ပိုပြီး သားသားနားနားရှိလှတဲ့ အိမ်သာမျိုးတွေကို ကျွန်တော်တို့ တွေ့လာရပါတယ်။

နောက်တော့ စင်ကာပူမှာ အလုပ်ထဲရောက်တော့ လုပ်ကွက်ထဲက အိမ်သာတွေမှာ နံရံတွေပေါ်မှာ စာရေးတာမျိုး၊ ပုံဆွဲတာမျိုးတွေ ထပ်ကြုံရပါသေးတယ်။ ပုံဆိုတာလည်း အားလုံးသိတဲ့အတိုင်း အိမ်သာထဲမှာ ဆွဲပြီဆိုကတည်းက ညစ်တီးညစ်ပတ် ပုံမျိုးတွေ များပါတယ်။ အိမ်သာထဲတော့လည်း ဘယ်သူမျှလာပြီး ပန်းချီလှလှ ဆွဲပါ့မလဲလေ။ ဒီတော့ အိမ်သာဆိုတာ ပျော်စရာဖန်တီးသလို လိင်မှု ကိစ္စတွေ ကို စောင်းပေး ဖော်ပြနေတဲ့ နေရာတစ်နေရာလို ဖြစ်နေပါလားလို့ တွေးမိပါသေးတယ်။

ကျွန်တော်ကတော့ ပရောဂျက်မှာ ဘေးအန္တရာယ်ကင်းရှင်းရေး ပိုစတာပြိုင်ပွဲ လုပ်ရင် ကျွန်တော့် အလုပ်သမားလေးတွေကို ' မင်းတို့ အိမ်သာထဲမှာချည်းပဲ ပုံတွေဆွဲ မနေနဲ့ဦး။ တကယ့်ပိုစတာ ပြိုင်ပွဲလည်း ပြိုင်ကြဦး ' လို့ ပြောပြတော့ လုပ်ငန်းအပ်တဲ့ ကုမ္ပဏီဘက်က ဆောက်လုပ်ရေး အရာရှိတွေက ရယ်ပါတယ်။ 

အဲဒီအရာရှိတွေလည်း သိနေတာကိုး။ အလုပ်သမားတွေက အိမ်သာထဲမှာ ဖုန်းနံပါတ်တွေရေးပြီး သူတို့နဲ့ ပတ်သက်ခဲ့ဖူးတဲ့ တခြားနိုင်ငံက ကောင်မလေးတွေရဲ့ ဖုန်းပါ၊ ဆက်သွယ်လို့ ရပါတယ် ဆိုပြီးရေးကြတော့ အိမ်သာကနေ ဆက်သွယ်ရေးရုံး ပုံစံပေါက်နေပါသေးတယ်။ ဒီလိုဆိုတော့လည်း အိမ်သာက အပျော် ဖန်တီးတဲ့ နေရာ၊ လိင်မှုကိစ္စ ဖော်ပြတဲ့ နေရာ တစ်ခုထက် ပိုလာပြီး ဆက်သွယ်ရေးအတွက် ကြားခံနေရာ လို ဖြစ်လာတယ်လို့ ကျွန်တော် ထင်မိပြန်ပါတယ်။

နောက်တော့ အဲဒီလိုပုံတွေဆွဲ၊ ဖုန်းနံပါတ်တွေရေးရာကနေ နောက်ဆုံးမှာတော့ သူတို့ မကျေနပ်တဲ့၊ သူတို့ လက်ရှိလုပ်နေတဲ့ ကုမ္ပဏီကိုရော၊ လုပ်ငန်းရှင်ကုမ္ပဏီ နာမည်ကိုရော ချရေးပြီး အားရပါးရ ဆဲထားတာ တွေ့တော့ အဲဒီလိုဆိုတော့လည်း အိမ်သာဆိုတာ ဗိုက်ထဲက လွယ်မထားချင်တာတွေ လွှတ်ချတဲ့ နေရာဖြစ်ရုံသာမက ရင်ထဲက သိမ်းထားလို့မရတာတွေကိုပါ ဖွင့်အံထုတ်တဲ့ နေရာပါလားလို့ သိလိုက်ရပါတော့တယ်။          ။

သားလတ်
၁၀း၅၆ နာရီ
၂၃.၁.၂၀၁၃


Monday, January 21, 2013

" မှန်ထဲကငါ "


ဘယ်သူ မြင်နိုင်မလဲ
ငါ့ရင်ထဲက စစ်မှန်ခြင်း
အဟုန်ပြင်းပြင်းနဲ့ ခွင်းထွက်ခဲ့တာ
ရူးသွပ်ခြင်း အနုပညာအဖြစ်ပေါ့။

ညတွေမှာပဲ ဘ၀က ဖြစ်ဖြစ်လာသလား
နှလုံးသားက အာဟာရ ပြည့်တဲ့အချိန်
ငါ့ရင်ဘတ်အိမ်မှာ ခံစားချက်တွေ လျှံတက်
မနက်ဖြန်ရဲ့ မနက်ကို ငါမသိဘူး
အနုပညာဆိုတာက ခန္ဓာကို ၀င်ပူးတာလေ
အရုဏ်နေက ခဏခဏ သေတယ်။

ငွေကြောင့် အနုပညာဖြစ်လာတာ မဟုတ်ဘူး
အောင်မြင်ဖို့လည်း အနုပညာတွေ ထပ်ထပ် မသစ်ဘူး
ချစ်လွန်းလို့ အံကျလာတဲ့ အနုပညာ
တချို့ကလည်း.....
ထောင့်တစ်နေရာကနေ ဆွဲဖြဲဖို့စောင့်နေတယ်။

မင်းတို့သာ အမှန် - ငါက အမှား
မင်းတို့သာ စာနာတတ်သူ - ငါက ကိုယ်ချင်းစာတရား မရှိတဲ့ကောင်
မင်းတို့သာ ပညာတတ် - ငါက အသိဥာဏ်မဲ့
ခပ်အဲ့အဲ့ ထွက်လာတဲ့ အသံတွေကြား
မင်းတို့လုပ်မှ ငါမှားတော့တယ်
မင်းတို့စာနာပြမှ ငါကိုယ်ချင်းစာတရား မဲ့တော့တယ်
မင်းတို့ တွေးခေါ်ပြမှ ငါငတုံးဖြစ်တော့တယ်။

မှန်တစ်ချပ်လိုပဲ
အနုပညာထဲ ၀င်ရပ်ပြီးတဲ့အခါ
မနက်ဖြန်မှာ ငါဟာ
မင်းတို့မှန်ချင်ရင် မှားပေးဦးမယ်
မင်းတို့စာနာတတ်ချင်ရင် ကိုယ်ချင်းစာစိတ်မဲ့ပေးဦးမယ်
မင်းတို့တွေးခေါ်ပြချင်ရင် တုံးပေးဦးမယ်
ငါချစ်တဲ့ အနုပညာအတွက်ဆို
ငါဟာ ငါဟုတ်ချင်မှ ဟုတ်လိမ့်မယ်။               ။

သားလတ်
၁၁း ၂၆ နာရီ
၂၁.၁.၂၀၁၃

Sunday, January 20, 2013

" စွယ်တော်ရွက်တို့ ဒဏ္ဍာရီ " ( ၄ )


အိပ်မက်မဟုတ်
လှုပ်ခနဲဖြစ်၊ ကွယ်-ချစ်သလား
စကားနွဲ့ခြွေ၊ ခွန်းဖွဲ့နေပေါ့
မျှော်တော့သနား၊ စကားတစ်ခု
သမုဒယစစ်စစ်ကြားပါရစေ.......

ဆိုသော သူ့ကဗျာတစ်ပုဒ်လို သီရိကိုချစ်ခြင်းသည် အိပ်မက်လားဟု ဆန်းစစ်ရင်း အိပ်မက်မဟုတ်ပါဟု သူ့ဘာသာ သတိပြန်ပေးနေရသည်။ တစ်ခါတစ်ရံ၌ သီရိကိုချစ်ရခြင်းဖြင့် ဝေေ၀၀ါးဝါးဖြစ်ကာ သူ့ဘ၀ကို သူပင် မေ့လျော့နေတတ်ခဲ့သည်။ ထို့ကြောင့်ပင် အိပ်မက်ဟု တွေးထင်သလား မပြောတတ်။ သီရိကို ဖွင့်ပြောပြီးလျှင်တော့ သီရိထံမှ သမုဒယ စစ်စစ်ပါသော ချစ်ပါတယ်ဆိုသည့် စကားကို ကြားချင်နေမိ၏။ ကြားလည်း ကြားရမည်ဟု ထင်ရင်း သီရိနှင့် ဝေးခဲ့သော ဒုတိယနှစ် ကျောင်းပိတ်ရက်မှာ စိတ်ထဲကနေ သီရိကို ချစ်ပါတယ်ဟု တမ်းတ ရေရွတ်နေမိပြန်၏။

စာမေးပွဲ အောင်စာရင်းတွေ ထွက်ပြီး မကြာမီ လိုင်းခွဲတွေ ထွက်တော့ သူငယ်ချင်းတွေ ပြန်ဆုံ ရသည်။ နွေးအေးမှာ စကားလက်ဆုံကျရင်း သူလိုချင်သော စက်မှုဘာသာရပ်ကို ရ၍ သီရိလည်း အီလက်ထရွန်းနစ် ဘာသာရပ်ကိုရတာ သူငယ်ချင်းတွေကို ပြောပြဖြစ်သည်။ သူတို့ဘာမျှ ပြန်မပြောကြ။ သူငယ်ချင်းများ၏ မျက်နှာကို အကဲခတ်တော့ တစ်ခုခုကို သိုသိပ်ထားပုံရသည်။ ဘာမှန်း မသိ၍ မေးကြည့်တော့ တစ်ယောက်နှင့်တစ်ယောက် ခေါင်းဆတ်ပြတာ တွေ့သည်။ သူ နားမလည်။ နောက်မှ ပြောပြကြ၏။

" စာမေးပွဲ အောင်စာရင်း မထွက်ခင် တစ်ပတ်က သတင်းစာမှာ သီရိနဲ့ သူနဲ့တွဲနေတဲ့ လူ စေ့စပ်သွားတဲ့ စေ့စပ်ကြောင်းလမ်း ပြီးစီးခြင်းသတင်း ပါလာတယ် "

" ဘာ "

" ဟုတ်တယ်။ မင်းတွေ့မှာပဲ ဆိုပြီး ငါတို့ မပြောတာ။ ပထမတော့ မင်းမသိသေးရင် တို့တစ်တွေ အားလုံးလျှို့ဝှက်ထားမလို့ စဉ်းစားပြီးသား။ ဒါပေမဲ့ မင်းက ဘာမှ မသိဘဲ ဆက်ပြီး အရမ်း ခံစားနေရမှာစိုးလို့။ ဒီနေ့တွေ့တော့လည်း ဘာမှ မသိသလိုဘဲမို့ ငါတို့ထုတ်ပြောတာ။ မင်းတို့အိမ်က ဘာသတင်းစာယူလဲ "

" ကြေးမုံ "

" သူတို့သတင်းက မြန်မာ့အလင်းမှာ ပါတာ "

ဪ-ဟုဆိုကာ ငြိမ်သက် ကြေကွဲရုံမှတစ်ပါး မတတ်နိုင်ခဲ့။ ၀မ်းနည်းရုံ၊ တုန်လှုပ်ရုံကလွဲ၍ ဘာမျှ မလုပ်နိုင်။ နားလည်တတ်ဖို့ ကောင်းပါလျက် ရှေ့ကို တိုးချင်သည့် အဖြစ်မို့ တိတ်တိတ်လေး ငိုရှိုက်နေရုံမှတစ်ပါး ဘယ်တတ်နိုင်ပါ့မလဲလေ။

မေးမြန်းရန် မလိုတော့သော သတင်းတစ်ခုအတွက် သီရိကို ဖွင့်ဟစကားဖြင့် မေးမြန်းရန်လည်း မလိုတော့။ သီရိ ကောင်းမည်ထင်သည့်လမ်းကို ရွေးခဲ့ပြီပဲလေ။ သီရိစိတ်ချမ်းသာဖို့ အဓိကပဲ မဟုတ်လား။ မိဘစကားကို နားထောင်သည် ဆိုလျှင်တောင်မှ သီရိအတွက် ၀မ်းမြောက်ကျေနပ် ပေးနိုင်ပါသေးသည်။ မိဘကို တတ်နိုင်သည့် ကျေးဇူးဖြင့် ပြန်ဆပ်ပေးခဲ့သော ' စံသီရိ ' ဆိုသည့် မိန်းကလေး တစ်ယောက်ကို နှလုံး သားတွင် ကမ္ပည်းထိုး မှတ်တမ်းတင်ထားချင်သည်။

နှလုံးသားတွင်ရှိနေသော ကဗျာတို့ကို သီရိ မဖတ်နိုင်၊ မကြားနိုင်တော့တာကို စိတ်မကောင်း။ ထိုအခါ-

ရှိပါလေတော့
ဖြေလျှော့မာန်ကျ၊ သည်ဘ၀တာ
ကြာလျှင်သူမေ့၊ တစ်နေ့နေ့နှင်
ရွေ့ရွေ့စဉ်ပေါ့၊ အမြင်မရှိ
အသိမပါ၊ ကဗျာတွေမေ့
နေသရွေ့တွင်
( သူမ...) ချမ်းမြေ့စေချင်သည်.............

ဆိုသော ကဗျာ တစ်ပိုင်းတစ်စမျိုးကို ပို၍ ဖတ်စေချင်မိသည်။ သီရိ နားလည်ခံစား စေချင်သည်။ သူရေးခဲ့၊ ပေးခဲ့သော ကဗျာများကို မေ့၍ သီရိဘ၀ ချမ်းမြေ့ပါစေ ဆိုသော သဘောနှင့် သူရေးခဲ့ခြင်းပင်။ သို့သော် ထင်သည့်အတိုင်း ဖြစ်မလာခဲ့။

တတိယနှစ် ကျောင်းပြန်ဖွင့်စနေ့မှာ သီရိ သူ့ဆီ ရောက်လာသည်။

" အထွန်း၊ သီရိကို ဘာမှ မမေးတော့ဘူးလား "

" ကျွန်တော်ဘာကို မေးရမှာလဲ သီရိ။ သီရိဘာကို မေးစေချင်တာလဲ "

" သီရိဘာလို့ စေ့စပ်တာကို လက်ခံတာလဲ ဆိုတာ "

" အားလုံး ပြီးသွားပြီပဲ သီရိရယ်။ ကျွန်တော်တို့ ဘာဆက်လုပ်လို့ ရမှာလဲ။ ကျွန်တော် ပြောချင်တဲ့ စကားတွေကို ပြောလို့ရော ဘာထူးမှာမို့လို့လဲ။ ပြီးတော့ သီရိကရော ကျွန်တော်ပြောတဲ့ စကားတွေကို နာခံနိုင်မှာ မို့လို့လား။ ဒါပေမဲ့ သီရိရယ်။ ဒီအချိန်မှာ မမေးသင့်တော့ဘူးလို့ ကျွန်တော်ထင်တယ်လေ။ ကျွန်တော့်ကို ပြောပါ၊ မေးပါ ဆိုရင်တောင် ကျွန်တော် မေးမှာ၊ ပြောမှာ မဟုတ်ဘူး "

သီရိက တုန်ယင်သော နှုတ်ခမ်း၊ ရီဝေသော အကြည့်တို့နှင့် သူ့ကို ကြည့်သည်။ ရင်မဆိုင်ရဲစွာ စက်မှု စာသင်ဆောင် ၇ နှင့် ၈ ကြားရှိ စွယ်တော်ပင်ကြီးကို ငေး၏။

" သီရိ အထွန်းကို တစ်ခုမေးမယ်။ မှန်မှန်ဖြေ "

သူတစ်ချက် လှည့်ကြည့်သည်။ ဘာမျှ မပြောဖြစ်ခင် သီရိထံမှ စကားသံကို ဆက်ကြားရ၏။

" အထွန်း သီရိကို ချစ်ခဲ့တယ် မဟုတ်လား။ အထွန်း ရင်ထဲမှာ ရှိတဲ့ စကားတွေဆိုတာ အဲဒီစကားတွေပဲ မဟုတ်လား "

ဟုတ်ပါတယ်ဟု ပြောမလိုဖြစ်သွားသည်။ ရင်ထဲမှာ ဗြောင်းဆန်အောင် လှုပ်ရှားသွား၏။ ဘယ်တုန်းကမှ မထင်ခဲ့သော စကားမို့ ဆွံ့အသွားပြန်သည်။ သို့သော် ရှိသမျှ အားအင်တွေကို စုစည်းပြီး နှုတ်ခမ်းနှစ်ခုကို ဖွင့်ဟချလိုက်သည်။

" ဆောရီး သီရိ။ ကျွန်တော် သီရိကို ခင်ခဲ့တာပါ။ မချစ်ခဲ့ဘူး။ အနေနီးရင်း ဖြစ်ခဲ့တဲ့ စိတ်ကစားမှုလောက်တော့ ရှိခဲ့တာ ၀န်ခံပါတယ်။ ဒီအချိန်မှာ ကျွန်တော့်ဘာသာ သိနေပြီလေ။ သီရိကို ကျွန်တော်ချစ်ခဲ့တာ မဟုတ်ဘူးဆိုတာ "

အံ့ဩဟန် အကြည့်၊ ရှက်ရွံ့ဟန် အနေအထား၊ တုန်လှုပ်သွားသော ကိုယ်ခန္ဓာ၊ ဆတ်ခနဲ လှုပ်ရှားသွားသည်ကို တွေ့လိုက်ရသည်။ ' ဖျန်း ' ဆိုသော အသံနှင့်အတူ ပါးတစ်ဖက် ပူခနဲ ဖြစ်သွား၏။

" သီရိကို အထွန်းညာတယ်။ မိန်းကလေးတန်မဲ့ ဖွင့်မေးရတာကိုတောင် မငဲ့ညှာဘူး။ နားမလည်ဘူး။ သီရိကို အရှက်ခွဲတယ်။ အထွန်းညာတယ်။ ဒီမှာကြည့်စမ်း "

လူရှင်းနေသည့် အချိန်မို့ တော်ပါသေးသည်။ ပိုက်ဆံအိတ်ကို ထုတ်ပြီး အထဲမှ စွယ်တော်ရွက်လေးကို ထုတ်တာတွေ့သည်။ ပြီးတော့ အပိုင်းပိုင်း အစိတ်စိတ် ဖြစ်အောင် ဆွဲဆုတ်ပစ်ပြီး လွှင့်ပစ်သည်။ ထို့နောက် အဆောင် ၈ အနောက်ဘက်ကို ကွေ့ပြီး ထွက်ပြေးသွား၏။ သူ မတားလိုက်မိ။

လေအတိုက် လွင့်ပါသွားသော စွယ်တော်ရွက် အပိုင်းအစတို့ကို ပြန်ရနိုင်သလောက် စု၍ ကောက်ရင်း စာအုပ်တစ်အုပ်ကြားမှာ ညှပ်သည်။ စက်မှုအဆောင် ၇ နှင့် ၈ ကြား ချောင်ထဲမှာ ကြံကြံဖန်ဖန် ကျန်နေသော စွယ်တော်ပင်ကြီးကို ငေးမော ကြည့်နေမိ၏။ မြေပေါ်မှာ မွစာကျဲနေသော စွယ်တော်ပင်ပေါက်လေးများ၊ ခြောက်သွေ့သော စွယ်တော်ရွက်တို့ကို တွေ့ရသည်။

မျက်ဝန်းမှာ ဝေေ၀၀ါးဝါး ဖြစ်လာတာ သတိထားဖြစ်ပြန်၏။

*************************

တတိယနှစ်၊ စတုတ္ထနှစ် နှစ်နှစ်စလုံး မတော်တဆ တွေ့လျှင်ပင် ဆတ်ခနဲ ရှောင်လွှဲသွားသော သီရိကို သူ အပြစ်မယူရက်။ ချစ်သူဆိုတာ အပြစ်ဟူသမျှကင်းသူ မို့ ချစ်သူလို့ခေါ်တာ ဆိုသော သူရေးဖူးသည့် ၀တ္ထုထဲက စာသားလေးလို သီရိကို ချစ်သူလို့ပဲတွေးရင်း ခွင့်လွှတ်ခဲ့သည်။ သူက မမြင်မတွေ့အောင် နေချင်၍ ကိုယ်က တမင်ကွေ့ကာ ရှောင်ရမည်ဟု နားလည်ရင်း သီရိတို့ စာသင်ခန်းတွေဘက်ကို ခြေဦးမျှပင် မလှည့်တော့။ မေဂျာကွဲသွားပြီး စာထဲနစ်ကုန်သော သူငယ်ချင်းများကိုလည်း ဖွင့်ဟပြီး ဝေဒနာ မဖြေချင်တော့။ အကြောင်းသိ ခင်မင်ရင်းနှီးသော စိုးမင်းဆက်တို့က BHA ( Broken Heart Association ) အသည်းကွဲ အသင်း၏ နာယက ခန့်မည် ဆိုခြင်းကိုလည်း ကြေကွဲစွာနှင့် မတားမိပြန်။

သည်လိုနှင့်ပင် ပဉ္စမနှစ်၏ ကျောင်းပိတ်ရက်မှာ သီရိတို့ လက်ထပ်ခြင်း သတင်းကို ဖတ်လိုက်ရသည်။ တိုက်ဆိုင်စွာပဲ ညနေဘက် အိမ်မှာ ထမင်းချက်ရန် တာဝန်ယူထားရသော သူ၊ ဆန်အိုးထဲက ဆန်ကို ခတ်နေစဉ် ရေဒီယိုမှ တေးလက်ဆောင်တောင်းသည့် အခန်းမှာ သီရိအမျိုးသားအတွက် သီရိက သီချင်းတောင်းထားတာ ကြား၍ ၀မ်းသာဝမ်းနည်း ဖြစ်ရပြန်သည်။ သီရိ သူ့အမျိုးသားကို တကယ် ချစ်သွားပြီဟု နားလည်ယုံကြည်မိသောကြောင့် ၀မ်းသာသလို သူ့အတွက် သံယောဇဉ် အနည်းအကျဉ်းမျှ သီရိမှာ ကျန်ပါဦးမလားဟု တွေးရင်း ၀မ်းနည်းခြင်းပင်။

စတွေ့စဉ်က တွေ့ရတာ ၀မ်းသာပါတယ်ဟု နှုတ်ဆက်ခဲ့သော သီရိသည် ကွဲကွာ၍ မတွေ့ရသည့်အခါတွင် သူနှင့် ပတ်သက်ပြီး ၀မ်းနည်းစရာ ကျန်ပါဦးမလားဟု မဆီမဆိုင် တွေးခဲ့မိပြန်သေး၏။

ဘယ်လိုပဲတွေးတွေး၊ သီရိသူ့ကို ပြတ်ပြတ်သားသား လမ်းခွဲလိုက်၍ ယခုလောက်ဆို သူ့ချစ်သူ ရင်ခွင်မှာ ပျော်နေလောက်ပြီဟု ယုံကြည်လိုက်မိသည်ကတော့ အမှန်ပင်။ အေးမြသော မေတ္တာတရားကို သူခံစားလိုက်နိုင်၏။

အချစ်စစ်ဆိုတာလားဟု တွေးမိနေဆဲ အနာဂတ်သည် ငြိမ်းချမ်းနေတော့မည်ဟု ယုံသည်။

*****************************

စွဲစွဲလမ်းလမ်း၊ တမ်းတမ်းတတဖြင့် ရွတ်ဆိုမြည်တမ်း အောက်မေ့မှန်းဆရင်း အစဉ်ထာဝရ သတိတရ ရှိနေနိုင်မည့် လွန်ခဲ့သော အတိတ်ကာလက ဖြစ်ပျက်ခဲ့သော ပြန်မရနိုင်သည့် အဖြစ်အပျက် တစ်ခုကို ဒဏ္ဍာရီဟု ဆိုရလျှင် ရန်ကုန်စက်မှုတက္ကသိုလ် ကျောင်း ပရိဝုဏ်အတွင်း မည်သို့သော စာသားနှင့်မျှ ပြန်ကာစီ၍ မရတော့သော ဒဏ္ဍာရီလေး တစ်ပုဒ် ရှိခဲ့ဖူးသည်ဟု ဆိုရမည်ဖြစ်သည်။

ဟိုစဉ်ကာလ ကျောင်းဝင်းကြီးထဲမှာ စွယ်တော်ပင်တို့ ဝေစည်ခဲ့ဖူး၍ ယခုအချိန် စွယ်တော်ပင် တို့ ချောင်ထဲမှာ ရှင်သန်နေကြသကဲ့သို့ အရိပ်တို့ဝေစည်ခဲ့ပြီးမှ စွန့်ပယ်ခံခဲ့ရသော စွယ်တော်ပင်များနှင့် ပတ်သက် ငြိတွယ်ခဲ့သော ကောင်လေးတစ်ယောက်နှင့် ကောင်မလေးတစ်ယောက်တို့၏ ဇာတ်လမ်းသည်လည်း ထိုစွယ်တော်ရွက်များနှင့် ထပ်တူ မွေးဖွားပြီး ကွယ်ပျောက်ခဲ့ရာ၊ ကြည်နူး စရာ၊ ကြေကွဲစရာ၊ လွမ်းဆွတ်စရာတို့နှင့် ပြည့်နှက်နေသော ထိုအဖြစ်အပျက်ကလေးကို " စွယ်တော် ရွက်တို့ ဒဏ္ဍာရီ " ဟု ဆိုပါလျှင်..........။               ။

သားလတ်


( ရန်ကုန်စက်မှုတက္ကသိုလ် နှစ်လည်မဂ္ဂဇင်း၊ ၁၉၉၆ ခုနှစ် )

Wednesday, January 16, 2013

" စွယ်တော်ရွက်တို့ ဒဏ္ဍာရီ " ( ၃ )


တရွေ့ရွေ့နှင့် ကုန်ဆုံးသွားသော စာများကိုချစ်ရသည့် ဒုတိယနှစ်မှာ ချစ်သူကိုပါ ချစ်ရင်း သူ့အချိန်တွေ ပြီးမြောက်သွားပြန်၏။ ပထမနှစ်မှ ဒုတိယနှစ်ကြား စွယ်တော်ရွက်တစ်ရွက် ပေးခဲ့ခြင်းကသာ သူနှင့် သီရိတို့၏ တိုးတက်မှုတစ်ခု ဖြစ်ခဲ့သည်ဟု ထင်ခဲ့သည်။ တကယ်တမ်းကျ ထိုတိုးတက်မှု တစ်ခုတည်း မဟုတ်။ နောက်တစ်ခု ရှိခဲ့သည်။ သီရိဘက်က တိုးတက်လာခြင်းဟု ဆိုရမည်။

မထင်မှတ်သော နေ့တစ်နေ့၏ မနက်ခင်းမှာ ' ချစ်သူတို့ လမ်းကလေး ' ဟု သူတို့ခေါ်သော ခရေပင်တန်းတွေ စီနေသည့် လမ်းလေးကို ကားပတ်ခ်ဘက်မှ ဖြတ်၍ စာသင်ဆောင်တွေ ရှိရာအသွား သီရိနှင့် ယှဉ်တွဲ၍ ပြုံးရွှင်စွာ လျှောက်လာသော ကျောင်းမှမဟုတ်သည့် လူငယ်တစ်ယောက်ကို တွေ့ရ သည်။ သီရိဘက်က တိုးတက်မှုဟု သူတွေး၏။ သီရိကို ပြုံးပြနှုတ်ဆက်မည် ကြံပြီးမှ မသင့်ဟုထင်ပြီး သူ့ဘာသာသူ ခေါင်းငုံ့လျှောက်ခဲ့မိသည်။

ထိုလူပြန်သွားသော် စိတ်ဆိုးပြီး သီရိသူ့ကို ရန်တွေ့သည်။ မျက်နှာနီရဲရဲဖြင့် မျက်ရည်တို့ဝဲကာ အသံတွေ တုန်အောင်ပြောသည်။ သူဘာမျှ မပြောဖြစ်။ သီရိကိုပြောရန် စကားစတို့မှ မရှိတာဘဲလေ။ သီရိပြောသမျှ ခေါင်းငုံ့ခံရန်သာ ရှိ၏။ သီရိနှင့် သူ့ကြားမှာ ထပ်မံရရှိသော တိုးတက်မှုပင် ဖြစ်သည်ဟု သတ်မှတ်၏။

သည့်နောက်မှာ သီရိသူ့ကို အခေါ်အပြော မလုပ်တော့။ တွေ့လျှင်၊ မြင်လျှင်တောင်မှ မတွေ့ချင်ယောင်၊ မမြင်ချင်ယောင် ဆောင်သည်။ စိတ်မကောင်းရုံ၊ ၀မ်းနည်းရုံက လွဲ၍ ဘာတတ်နိုင်ပါမည်နည်း။ စိုးမင်းဆက်က မေးသည်။ စိတ်ဆိုးသွားတာဟု ပြောခဲ့၏။

သည့်နောက်ပိုင်းမှာ သီရိနှင့်အတူ တွဲလျက် ' ချစ်သူတို့လမ်းကလေး ' မှာ လျှောက်ခဲ့သော လူနှင့် တပူးပူး တတွဲတွဲ ရှိနေတာ သတိထား ဖြစ်ပြန်သည်။ စိုးမင်းဆက်က ဒီဘဲကို ငါသိပ်သဘောမတွေ့ဘူး။ ဒါပေမဲ့ ငါတားတာ မရဘူး ဟုဆို၏။ သူ့ကို တားခိုင်းသည်။

သီရိ ဆန္ဒနှင့် သီရိဘာသာ တွဲခြင်းကို သူဘာတတ်နိုင်ပါမည်နည်း။ ဟိုစဉ်က သီရိသဘောမတွေ့သော သူများအတွက် သူက သီရိ၏ ကိုယ်ရံတော်ကဲ့သို့ လုပ်ပေးခဲ့ရသေးသည်ပဲ။ ခုလိုချိန်မှာ သီရိက လက်ခံ၍သာ တွဲတာနေမှာပေါ့ ဟု စိုးမင်းဆက်ကို ပြန်ပြောခဲ့သည်။ မင်းတို့နှစ်ယောက်က သောကပဲကွာဟု စိုးမင်းဆက် ညည်းသည်။

သူနားလည်သည်ပဲလေ။ သီရိကသာ သူ့လောက် နက်နက်နဲနဲ မတွေးကြည့်၍သာ သိချင်မှ သိပေလိမ့်မည်။ ပထမနှစ်တုန်းက သင်ခဲ့ရသော ဓာတုဗေဒ သင်ခန်းစာထဲတွင် Energy Level တို့အကြောင်းကို သီရိသိပြီးသား။ Ground State သည် Energy Level အနိမ့်ဆုံးဖြစ်၍ အမြင့်ဆုံးသည် အလွန်ဝေးကွာသော Infinity ဖြစ်သည်ဟု မှတ်သားခဲ့ရသည်ပဲ။ Energy ဆိုသည်မှာ စွမ်းအင်ဟုသိရာ စွမ်းအင်တို့သည် Ground State မှာ အမြဲနိမ့်နေပါသလားဟု တွေးမိသည်။

နိမ့်လွန်းသော မိမိဘ၀သည် Ground State မှာရှိလျှင် သီရိသည် အလွန်ဝေးကွာသော Infinity မှာ ရှိနေလိမ့်မည်ဟု ထင်မှတ်ခဲ့၏။ သီရိနှင့် သူ့ကြားမှာ စွမ်းအင်အဆပေါင်းများစွာ ကွာဟနေပါလားဟု သတိထား ဖြစ်ခဲ့သည်လေ။ သည်တော့ သူနှင့် အဆင့်အတန်းချင်းတူသောသူကို သီရိရွေးချယ် ခဲ့လျှင်တောင်မှ မှားမည်မဟုတ်။ သူနားလည် ခွင့်လွှတ်ပေးနိုင်သည်။

သူ့အပေါ် သက်သက်ငြိုငြင်၍ အမျက်ထား အငြိုးသိုခြင်းကိုလည်း သူနားလည်ပေးနိုင်ခဲ့သည်လေ။ သီရိနှင့် ပတ်သက်ပြီး သူ့ဘက်က အရာရာကို နားလည်ပေးနိုင်တာတော့ ကြာခဲ့ပြီပဲ။

********************

" အဲဒါ မင်းအချစ်ကို ဖွင့်မပြောလို့။ သူနဲ့ သူစိမ်း ယောကျာ်းလေးတစ်ယောက် တွဲတာ၊ မြင်တာကို မင်းက ဘာလို့ နှုတ်မဆက်တာလဲ ဆိုပြီး မင်းကို စိတ်ထဲက မကျေမနပ် ဖြစ်နေတာ။ မင်းဖွင့်ပြောဖို့ သင့်တာပေါ့ ခိုင်ထွန်း "

ရင်းနှီးသော သူငယ်ချင်းတွေကို တိုင်ပင်တော့ ထိုသို့ပြောသည်။

" သူနဲ့ အတူတွေ့တယ်ဆိုတော့ သူလက်ခံထားတဲ့ လူပဲလို့ ငါထင်တယ်လေ။ ငါနဲ့သူနဲ့က ဘာမှမှ မဟုတ်တာ။ တကယ် ဟုတ်ချင်နေတဲ့ သူ နှစ်ဦးအတွက် အနှောင့်အယှက် ဖြစ်မှာစိုးလို့ ပြုံးမပြလိုက်တာပါ။ ၀ိုင်အိုင်တီကို ရောက်လာကတည်းက ငါနဲ့လွဲရင် ဘယ်သူနဲ့မှ သွားတာမှ မဟုတ်တာ "

" အဲဒါ မင်းသူ့ကို နားမလည်တာ။ သူက မင်းကို ဖွင့်ပြောအောင်လုပ်တာရော မဖြစ်နိုင်ဘူးလား။ တခြားတစ်ယောက်နဲ့ တွဲမှ မင်းဖွင့်ပြောအောင် လုပ်တာမျိုးလေ။ ပြီးတော့ မင်းစိတ်က အတ္တဆန်တာ။ မင်းနဲ့တွဲတဲ့ လူတစ်ယောက်က အခြားသူတစ်ယောက်နဲ့ ခဏဖြစ်ဖြစ် တွဲသွားတွဲလာ မလုပ်ရတော့ ဘူးလား "

" အခုတော့ ခဏဖြစ်ဖြစ်လို့ ပြောလို့မရတော့ဘူး မင်းဘုန်းလှိုင်။ သူတွဲနေတာ ကျူတိုရီယယ်တက်စ် ပြီးကတည်းက။ ခုပဲ စာမေးပွဲကြီး နီးနေပြီ "

" မင်းက မက်ခ်( Mech ) ယူမှာနော်။ သူက ဘာယူမှာလဲ "

" ငါတစ်ခါမှ မမေးမိဘူး။ ဒါပေမဲ့ သူလည်း E.C ပဲယူမယ်ထင်တယ် "

" ဒီနှစ် ဖွင့်ပြောဖို့ သင့်တယ်။ မေဂျာကွဲရင် မင်း ကြွေပြီ "

ကြွေပြီလို့ ကိုအောင်ကျော်သက်ပြောတော့ ရောယောင်၍ သူလိုက်ရွတ်သည်။ သီရိနှင့် ပတ်သက်၍ သူ့နှလုံးသားတွေ တစ်စစီ ဖြစ်ပြီး ပဲ့ကြွေနေခဲ့တာ ခုမှ မဟုတ်ဘဲလေ။

" စာမေးပွဲနီးပြီဗျ။ သူစိတ်ဆင်းရဲမှာမျိုးနဲ့ ထပ်ပြီး မနှိပ်စက်ချင်တော့ပါဘူး။ နောက်နှစ်ဆို သူလည်း စိတ်ပြေလောက်ပြီလို့ ငါထင်တယ်။ အဲဒီကျမှ ဖွင့်ပြောတော့မယ် "

" အချစ်မှာ တစ်ရက်နောက်ကျရင် တစ်သက်စာ လွမ်းရတတ်တာ မင်းမသိဘူးထင်တယ် ခိုင်ထွန်း။ အေးလေ-မင်းကံကောင်းနိုင်မှာပါ "

အောင်လှိုင်ထွန်းစကားက ရင်ထဲကို မြားအစင်းပေါင်း များစွာနှယ် ၀င်စိုက်သည်။ ' ကံကောင်းနိုင်မှာပါ ' ဆိုသော စကားသည် ကံဆိုးခြင်းထဲမှာ ရှိနေသော သူတစ်ဦးအတွက် ဖြစ်ပေလိမ့်မည်ဟု သူထင်သည်။

သူသည် ကံဆိုးသော သူတစ်ဦးဖြစ်နေခဲ့တာ သူငယ်ချင်းတွေက သိနေပြီတဲ့လား။ သူ့ဘာသာသူတော့ သီရိနှင့်ပတ်သက်သမျှ အမြဲကံကောင်းနေသူဟု ထင်မိသည်။

**************************

သားလတ်

( ဆက်ပါဦးမည်။)

Sunday, January 13, 2013

" စွယ်တော်ရွက်တို့ ဒဏ္ဍာရီ " ( ၂ )


ရစ်ပတ်လွယ်လျှင် ချစ်တတ်တယ်ဟု ဆိုရမည်ထင်၏။ သံယောဇဉ်ဖြင့် ငြိတွယ်နစ်မွန်းခဲ့ရသော ပထမ စာသင်နှစ်တွင် လက်တွေ့ခန်းများ၊ ကျူတိုရီယယ်၊ လက်ချာ စာသင်ခန်းများ၊ သူမနှင့် စကားပြောရင်း သွားလာခဲ့ရသော စာကြည့်တိုက်၊ န၀ရတ်၊ နွေးအေး၊ ၀ါဝါဦး၊ အောင်သိပ္ပံ၊ မေတ္တာပေါင်းကူး စသောနေရာများသည်ကား တစ်သက်တာ မေ့နိုင်ဖွယ်ရာမရှိ။

ဘယ်နေရာကြည့်ကြည့် သူမကြောင့် ရသောပီတိ၊ နှလုံးသားမှာ ပြည့်လျှံနေတော့သည်။ ကဗျာများကို ရေးပြီး ပြရသောအခါ ခံစား၍ဖတ်သော သူမ၏ မျက်နှာလေးကို တစိမ့်စိမ့်ကြည့်ရင်း သူမဘယ်ဘက် ပါးအလယ်မှ မှဲ့နက်ကလေးကို ငေးစိုက်ကြည့်ရခြင်းကပင် ရင်ခုန်ကြည်နူးစရာ။

ကျောင်းနှင့် ပတ်သက်သမျှ သိသလောက်ရှင်းပြသည့်အခါ နားထင်ကို လက်ညှိုးနှင့်ထောက်ပြီး နားထောင်တတ်၍ ညာဘက်နားရွက်နားမှာ မှဲ့နက်နက်ကလေးကို တွေ့ရသည့်အခါတွင်လည်း ဘာမှန်းမသိသော ဝေဒနာကို ခံစားရတာ ပျော်ရွှင်ကျေနပ်စရာ။

ကဗျာဆိုတာက
စာကိုအလှဆင်ထားတာပါခင်။

မမြင်ရရင် မနေနိုင်
မရေးရရင် တမှိုင်မှိုင်နဲ့
အဲဒီလောက်အထိ ကိုယ်ခုံမင်..........

ဆိုသော ကဗျာ တစ်ပိုင်းတစ်စကို ရေးချပြခဲ့ရင်း သူမကို စနောက်ခဲ့ဖူးသည်။ ထိုအခါ မျက်စောင်း တစ်ချက်ကို ၀င့်၍ ဆရာမတစ်ယောက်၏ ဟန်ပန်မျိုး ရှင်းပြနေသည့်အခါ ဟုတ်ကဲ့ပါ ခင်ဗျာ ဟုဆိုကာ အလိုလိုခေါင်းညိတ်ခဲ့ရ ဖူးတာတွေလည်း တကယ်တမ်း စွဲလမ်းတမ်းတနေချင်စရာ ကောင်းသည်။

သူမကို ရင်ထဲက နှစ်နှစ်ကာကာ ချစ်မိပြီဟု သိရသည့်အခါကာလ အရင်လို ကဗျာပေးဖတ်ရခြင်းနှင့် မတူတော့။ ရင်ထဲက ရိုးတိုးရိပ်တိတ် စကားတွေ သိစေဟု ရည်ရွယ်လျက် ထိုအကြောင်းများ ဖွဲ့ဆိုထားသော ကဗျာတို့သာ ပေးဖတ်ခဲ့ပြန်သည်။

အကယ်၍များ
ဖွင့်ပြောထားပြီး၊ သူကားငြိုငြင်
ကိုယ့်မခင်လျှင်၊ ရင်မှာကြေကွဲ
အတွေးဝဲတော့၊ အမြဲမပြော
ရင်ထဲသောက၊ ပြည့်မောရစေ
ကိုယ်လေခံစား
ကြိတ်မှိတ်သွားမည်
အနားသူရှိ၊ သူ့ကိုကြည့်နေ
မသိလေလည်း၊ စိတ်ထဲမြတ်နိုး
တိတ်တခိုး ချစ်မည်........

ဆိုသော သူရေးထားသည့် ကဗျာတစ်ပုဒ်၏ နောက်ဆုံးပိုဒ်ကို သူမဘယ်လို ခံစားပြီးဖတ်သည် မသိသော်လည်း ဖတ်နေသည့်ကာလမှာ သူမမျက်နှာမှာ ဖြတ်ပြေးသွားသည့် အရိပ်တို့ကို ရှာရသော သူကတော့ အတွေးနှင့်ပင် ရင်မောရသည်။

ကဗျာအဆုံးမှာ ကောင်းပါတယ်ဟု မှတ်ချက်ချသော သူမစကားသံကို ဘယ်လိုမျှ မကျေနပ်နိုင်ခဲ့။ ကဗျာကို ဘာသာပြန်တတ်၊ အဓိပ္ပါယ်ဖွင့်တတ်ခဲ့သော သူမသည် ထိုကဗျာမျိုးမှာ ဘာမျှ အဓိပ္ပါယ်မဖွင့်တော့။ သည်မှာပဲ ကဗျာထဲကအတိုင်း ခင်မင်မှု ပျက်မှာစိုး၍ ငြိမ်နေတာက ပိုကောင်းမည်တွေးပြီး သူ့ဘာသာသူ ငြိမ်နေခဲ့ရပြန်တော့သည်။ သည်သို့နှင့် ပထမစာသင်နှစ် ပြီးဆုံးသွားခဲ့၏။ ခင်မင်မှုဆိုသော စည်းတစ်စည်းကို သူမကျော်ရဲခဲ့။

**************************

မည်သူ့ကိုမျှ ဖွင့်မပြောပြခဲ့ရ၍ သူငယ်ချင်းတွေပင် မသိခဲ့သော ပထမနှစ်ကျောင်းပိတ်ရက်မှာ သူ့ဘာသာတွေးကြည့်၏။ သူကသီရိကို ဖွင့်ဟပြောသည့်တိုင်အောင် သီရိနှင့်သူ နီးစပ်နိုင်ပါမည်လား။

ဦးလူပေါ ခေါင်းနှင့်တူ၍ ' ဦးလူပေါပေါင်းမိုး ' ဟု သူတို့ခေတ် ခေါ်သော ကားများစွာ ၀င်ထွက်သည့် အပေါက်မှ အရာရှိများစီးသည့်ကားနှင့် ကျောင်းအသွားအပြန်လုပ်သော သီရိနှင့် ကားဂိတ်ကို မိနစ်နှစ်ဆယ်လောက် လမ်းလျှောက်၊ ဘတ်စ်ကား ကျပ်ကျပ်သိပ်သိပ်ကို အဆင့်ဆင့် ပြောင်းစီးပြီး ' ပစ္စည်းမဲ့ဂိတ် ' မှ ၀င်ရသောသူ။ သည်အတိုင်းအတာကိုပင် သူနားလည် ခံစားနေမိ၏။

တစ်ချိန်မှာ သူက သီရိကို စွန့်လွှတ်ရမည်တဲ့လား။ ထိုသို့စွန့်လွှတ်ရန်လည်း မသေချာပါ။ သီရိကို သူက ချစ်တယ်ဟု ပြောပိုင်ခွင့် မရှိတော့ပြီလား။  စဉ်းစားရင်း သက်ပြင်းချခဲ့ရသည်က အကြိမ်ကြိမ်။ နောက်ဆုံး မှာတော့ ကိုယ့်ဘာသာကိုယ် စိတ်ကိုတင်း၏။ ထိန်းချုပ်၍ မရနိုင်သည့်အဆုံးမှာ ဖွင့်တော့ပြောရမည်ဟု စိတ်ပိုင်းဖြတ်သည်။

သည်သို့နှင့် ဒုတိယစာသင်နှစ်မှာ သီရိနှင့် သူတစ်ခန်းထဲ ပြန်ရောက်ခဲ့ရသည်။ လက်တွေ့လုပ်ချိန်တော့ မတူ။ ကိစ္စမရှိ။ တစ်ခန်းထဲ သူငယ်ချင်းအဖြစ် စကားပြောခွင့်၊ ထမင်းအတူတူစားခွင့်၊ သွားလာခွင့်များကို သူရခဲ့ပါသေးသည်။ သီရိတို့ မိသားစု၏ ကြွယ်ဝမှုတို့ကို တစ်စတစ်စပိုသိလာရလေ၊ သီရိကို ချစ်တယ် ဖွင့်ပြောဖို့ နောက်တွန့်လေဖြစ်ရင်း ထိုခံစားမှုတို့ကို သူ့ဘာသာ ကဗျာချရေး ဖြစ်ခဲ့ပြန်၏။

မခေါ်စွန့်ခွာ
ပျော်ဝံ့မှာလား၊ လျှောက်လာသည့်လမ်း
နွေထက်ကြမ်းလေ၊ ပင်ပန်းလေမည်
တွေးမိသည်ထိ၊ သူ့ဆီမျှော်ဆွေး
ဝေးဝေးမှာချန်၊ ရင်ကိုဒဏ်ခတ်
ချစ်တတ်သည့်စိတ်၊ ကိုယ့်ကိုနှိပ်စက်
ခုသိပ်ခက်ပြီ
လက်ကမ်းပြီးတော့ မခေါ်လိုပါ..............

ဆိုသော သူရေးခဲ့ဖူးသည့် ကဗျာတစ်ပုဒ်ကို ရွတ်ရင်း အလိုလို ကြေကွဲနေပြန်တာ သီရိမသိခဲ့။ မေဂျာခွဲမှာမို့ စာကြိုးစားဖို့၊ ကဗျာတွေ ရေးတာ ခဏရပ်ထားဖို့၊ သည်လောက်တော့ အမိန့်ပေးရမှန်း သူသိခဲ့သည်။

အမှန်တော့ သီရိရိပ်မိတန်သလောက် ရိပ်မိမည် ဖြစ်သော်လည်း ဘာမျှ မသိဟန်ဆောင်နေခြင်းကို သူနားလည်သည်။ သီရိကို လိုက်ချင်သောသူ တချို့အတွက် သူသည် အဟန့်အတား တစ်ခုသဖွယ် နေပြခဲ့ရသော်လည်း သီရိနှင့်သူ ဘာမျှမဖြစ်ခဲ့တာ စိုးမင်းဆက်တို့ပင် မယုံ။ ထိုမျှ တွဲသွားတွဲလာ လုပ်ပြီးမှ မငြိရကောင်းလားဟု စိုးမင်းဆက်က ကျိန်ဆဲသည်။ ကာတွန်းဆွဲသော ပန်းချီဆရာ ကိုမောင်မောင်၏သား ဆွေဆက်က သူ့ကို အပြစ်တင်သည်။ ထူးအိမ်သင်နှင့်တူ၍ ' ငှက်ကြီး ' ဟု သူတို့ခေါ်သော သွင်မောင်မောင်က ရှုတ်ချ၏။

ဟုတ်လည်း ဟုတ်သည်။ တစ်ကျောင်းလုံးမှာ သူနှင့်သီရိသည် လူမြင်သူမြင် နေရာတိုင်း မရောက် ဖူးသော နေရာမရှိ။ သူငယ်ချင်းတွေ မေးလျှင်လည်း သူငယ်ချင်းတွေပဲဟု ဖြေရုံကလွဲ၍ ဘာမျှ သူပိုမပြောခဲ့။ ကိုယ်တိုင်လည်း သီရိကို အံ့ဩသည်။ စိုးမင်းဆက်နှင့် ကျောင်းနေဘက်ဟု ဆိုသည့်တိုင် ယခုတော့ သူ့ကို ပိုမိုခင်တွယ်နေ၏။ ကဗျာသမား၊ စာသမားချင်းမို့ ပိုပြီး ခင်မင်တတ်တာဟုလည်း သူ့အတွေ့အကြုံအရ နားလည်နေမိသည်။

မှတ်မှတ်ရရ သတ္တုဗေဒဋ္ဌာန ရှေ့နားက စွယ်တော်ပင်ကြီးနားမှာ စကားများစွာ ပြောရင်း Soft Pen အနက်ရောင်ဖြင့် လက်မှတ်ထိုး၍ ' သီရိအတွက် '  ဟု ရေးပြီးပေးခဲ့တာတွေက ဘယ်လိုမှ မမေ့နိုင်စရာ။ ထိုစဉ်က စကားတွေကလည်း ဘယ်တော့မျှ တိုးတိတ်မသွား။

" စွယ်တော်ပင်ဆိုတာ ရန်ကုန်စက်မှုတက္ကသိုလ်ရဲ့ တစ်ခုတည်းသော အမှတ်အသားပေါ့ သီရိ။ ကံ့ကော်တန်းလို့ ပြောရင် ရန်ကုန်တက္ကသိုလ်ကို သိသလိုမျိုး ဟိုအရင်က စက်မှုတက္ကသိုလ်ရဲ့ အထင်ကရဟာ စွယ်တော်ပင်တွေ ဖြစ်ခဲ့တယ်လေ။ ခုတော့ သူတို့တွေဟာ လူမြင်သူမြင်နေရာမှာ မရှိကြတော့ဘူး။ ချောင်တွေထဲ ရောက်ကုန်ပြီ။ အဲဒီလိုပဲ သီရိနဲ့ ကျွန်တော်နဲ့ တစ်နေ့မှာ ခွဲသွားတဲ့အခါ ဟိုတုန်းက စက်မှုတက္ကသိုလ် ပရိဝုဏ်ထဲမှာ ခိုင်ထွန်းဆိုတဲ့ ကောင်လေးတစ်ယောက်ကို သိခဲ့တယ် ဆိုတာလောက် အမှတ်ရအောင် ဒီစွယ်တော်ရွက်ကလေးကို ဆောင်ထားနိုင်လို့ ရတဲ့အထိ အမြဲဆောင်ထားပေါ့။ မရတဲ့ အဆုံးကျ ချောင်ထဲမှာပေါက်နေတဲ့ စွယ်တော်ပင်တွေလို ကျွန်တော်ပေးခဲ့တဲ့ စွယ်တော်ရွက်လေးကို စွန့်ပစ်နိုင်ပါတယ် သီရိ။ လူမြင်သူမြင်မှာ မရှိတော့ပေမယ့် ဒီစွယ်တော်တွေ လှနေနိုင်တာကို သီရိ မမေ့စေချင်လို့ပါ။ အဲဒီလိုပဲ ခိုင်ထွန်းဆိုတဲ့ ကျွန်တော်က သီရိမမြင်နိုင်တဲ့ ဟိုခပ်လှမ်းလှမ်းမှာ သီရိကို ခင်မင်မှုတွေနဲ့ အမြဲ ရှင်သန်နေနိုင်မယ် ဆိုတဲ့ အမှတ်နဲ့ ကျွန်တော့် စွယ်တော်ရွက်လေးကို လောလောဆယ်တော့ အမှတ်တရ သိမ်းထားပါသီရိ။ ခုပြောတဲ့ စကားတွေ အားလုံးကိုလည်း သီရိ အမြဲယုံစေချင်တယ် "

သူ့စကားအဆုံးမှာ ယုံပါတယ်လို့ ပြောရင်း သီရိ မျက်ရည်ဝဲသွားတာလည်း သူမေ့မရ။ သူ့အတွက် သီရိရင်ထဲမှာ လျစ်လျူရှုမရနိုင်တာကို စိတ်မကောင်းခြင်းဖြင့်ပင် ကျေနပ်ခဲ့ရပါသေးသည်။

*************************

သားလတ်

( ဆက်ပါဦးမည် )

Saturday, January 12, 2013

"စွယ်တော်ရွက်တို့ ဒဏ္ဍာရီ"


" တို့ ၀ိုင်အိုင်တီက အနုပညာသမား ပေါတယ်ကွ။ အထူးသဖြင့် စာပေသမားတွေ ထွက်တယ်။ အခုနာမည်ကြီးနေတဲ့ ဆရာမောင်စိန်ဝင်း( ပုတီးကုန်း)၊ ဆရာ နွမ်ဂျာသိုင်းတို့၊ နောက် မစန္ဒာ၊ ဆုမိလဲ့၊ ပြီးတော့ စာအရေးကျဲတဲ့ မမြင့်ခိုင်၊ နောက် ငါမသိတဲ့ ဆရာတွေ အများကြီးပဲကွ "

" ဟုတ်တယ်။ မောင်စိန်ဝင်းက စက်မှုနဲ့ ပြီးတာတဲ့။ မစန္ဒာနဲ့ ဆုမိလဲ့က ဗိသုကာနဲ့ ပြီးတာတဲ့။ အခုလောလောဆယ်  စာရေးနေတဲ့ လင်းသန့်လည်း ဗိသုကာတက်တုန်းတဲ့ "

" ကာတွန်းဆွဲတဲ့ အော်ပီကျယ်လည်း Mech နဲ့ ပြီးတာနော် "

" ဟုတ်တယ်။ ပြီးတော့ အခု မဇ္ဈိမလှိုင်းလို့ နာမည်ကြီးနေတဲ့ တီးဝိုင်းထဲက ကိုခင်မောင်တိုး၊ ကိုရဲလွင်၊ ကိုမောင်မောင်တို့ကလည်း တို့ကျောင်းကတဲ့။ မောင်စိန်ဝင်းတို့နဲ့ တစ်နှစ်တည်းတွေတဲ့။ တေးရေး ၀င်းမင်းထွေးနဲ့ တူးတူးလည်း တို့ကျောင်းကပဲ "

" ရုပ်ရှင်မင်းသား မင်းဦးက တို့ကျောင်းက ပြီးတာဆို။ တစ်လောက ဒွေးလည်း ကျောင်းပြီးသွားတယ်နော်။ တို့ကျောင်းက အနုပညာကျောင်းကြီးနဲ့တူတယ် "

' ၀ါဝါဦး ' လက်ဖက်ရည်ဆိုင်၏ မျက်နှာစာ စားပွဲမှာ ထိုင်ပြီး ငြင်းခုံနေကြသော သူငယ်ချင်းတွေကို ကြည့်ရင်း သူငြိမ်၍ နားထောင်နေမိသည်။ ပြောသည့်အကြောင်းများက သူသိပြီးသား ဖြစ်သော်လည်း အနုပညာကို စိတ်ဝင်စားသော သူများမို့ စကားဝိုင်းကို မပေါ့စေချင်၍ ငြိမ်နေခြင်းပင်။

" အနုပညာသမားတွေ ပေါခဲ့သလို သူတို့ပေးခဲ့တဲ့ နာမည်တွေလည်း အများကြီး ရှိခဲ့ဖူးတယ် "

" လုပ်စမ်းပါဦး။ ငါတို့ စိတ်ဝင်စားတယ်။ တော်တော်များများ မသိကြဘူးကွ "

ခဏအကြာမှာ သူဝင်ပြောတော့ ကိုအောင်ကျော်သက်က လက်ဖက်ရည်ခွက်ကို မ ရင်း ပြော၏။

" ကိုအောင်ကျော်သက်တို့ ခုန အနုပညာသမားတွေ အကြောင်းပြောတာ ကြားမှ ကျွန်တော် သတိပြန်ရတာပါ။ ဒီလိုဗျ။ အခု ကျောင်းသား အများစုနဲ့ ဆရာ၊ ဆရာမတွေ အများစု ဘတ်စ်ကားနဲ့လာ၊ လမ်းလျှောက်လာရင် ၀င်တဲ့ ဘတ်စ်ကားဂိတ်နားက အပေါက်ကို ' ပစ္စည်းမဲ့ဂိတ်' တဲ့။ ဟိုဘက် ဂိတ်ပေါက်ကြီးက ကားစီးနိုင်တဲ့ လူတန်းစား အနည်းစု ၀င်တာကိုး။ ဒါကြောင့် ဒီဘက်က ဂိတ်ကျဉ်းကျဉ်းလေးကို '  ပစ္စည်းမဲ့ဂိတ် ' လို့ခေါ်တာ "

" မင်းပြောမှပဲ ငါတောင် တော်တော် သဘောကျသွားပြီ။ ချမ်းသာတဲ့ လူတွေနဲ့ ပိုင်းခြားပြီး ပေးထားတာပေါ့။ ဟုတ်လား။ ဘယ်သူပေးခဲ့တာလဲ "

" ဆရာ နွမ်ဂျာသိုင်းတို့ လက်ထက်က ပေးတာ။ ဆရာ မောင်စိန်ဝင်းတို့နဲ့ တစ်နှစ်တည်းပေါ့။ ၁၉၇၀ ၀န်းကျင်က ဆိုတော့ တက္ကသိုလ် ရွှေရတုဝန်းကျင်ကာလက ပေးထားတာ။ စတုတ္ထနှစ် ကျောင်း သူ၊ ကျောင်းသားတွေကို သုံးပိုင်း နှစ်ပိုင်း ကျောင်းသားတဲ့။ နောက်တစ်ခုက ၀င်ဝင်ချင်းတွေ့ရတဲ့ တိုင်လုံးကြီးတွေကို သူတို့လက်ထက်က ရောမတိုင်လုံးကြီးတွေလို့ ခေါ်တယ်တဲ့။ အဲဒါ ဘာမှ မထူးဆန်းပေမယ့် ငါအရမ်းသဘောကျတဲ့ နာမည်လေးတစ်ခု ရှိခဲ့သေးတယ် "

" ဘာနာမည်လဲ "

" Lover's Lane တဲ့။ ချစ်သူတို့ လမ်းကလေး လို့ ခေါ်တယ် "

" ဘယ်နားက လမ်းကို ပြောတာလဲ "

" အခု ဒုတိယနှစ်တွေ တက်နေတဲ့ အဆောင်တွေ ရှေ့က လမ်းကလေးလေ။ ခရေပင်တွေ အုံ့အုံ့ဆိုင်းဆိုင်းနဲ့။ ကားပတ်ခ်ဘေးက စတာ။ စက်မှု အဆောင်လေးဆောင်ရယ်၊ ကားပြင် အလုပ်ရုံရယ်ကို ပတ်ပြီး ပြေပြေလေး ဆင်းသွားတယ်။ န၀ရတ်နားအထိ။ အဲဒီ လမ်းကလေးကို ခေါ်တာ "

" တော်တော် စိတ်ကူးကောင်းတဲ့ လူတွေပဲ။ ငါတို့နှစ်ကျတော့ ဘာနာမည်တွေ ထပ်ပေးခဲ့ရမလဲ မသိဘူး။ နောက် ငါတို့ရဲ့ ညီတော်၊ ညီမတော်တွေ အတွက် မှတ်မှတ်ရရ ဖြစ်အောင်လေ "

" စိတ်မပူပါနဲ့။ ဩဘာလမ်းက တို့တွေထားခဲ့တဲ့ အမှတ်တရ နာမည်တစ်ခုပေါ့ "

သူက ပြောတော့ " ဟာ-ဟုတ်သားပဲ " ဟု မင်းဘုန်းလှိုင်က အားရ၀မ်းသာ ပြောသည်။

" နောက်ပြီး အဆောင်တွေနဲ့ ပတ်သက်တဲ့ အလေ့အထတွေ၊ ကျောင်းနဲ့ ပတ်သက်တဲ့ လှုပ်ရှားမှုတွေ၊ မဂ္ဂဇင်းကိစ္စ၊ အသုံးလုံး လုပ်အားပေးတို့၊ ရွှေရတုအနုပညာလုပ်ရှားမှုတို့၊ အပတ်စဉ် ထုတ်တဲ့ စက်မှုစာစောင် အကြောင်းတို့ အဲဒါတွေတော့ ရှိသေးတယ်။ အများကြီးပဲ။ အဲဒါတော့ နောက်မှ ပြောပြမယ်။ အတန်းတက်ဖို့ နီးနေပြီ။ သွားရအောင် " 

" အေးကွာ၊ စိတ်ဝင်စားတယ်။ ကျန်တဲ့ကျောင်းသားတွေလည်း သိချင်မှာပဲ။ ကျောင်းပြီးလို့ မင်းစာရေးရင် အဲဒါတွေ ထည့်ရေးစမ်းပါ။ အဲဒါတွေက ခေတ်တစ်ခေတ်မှာ ရှိတဲ့ ကျောင်းသားတွေကို ဖော်ပြ သလို ကျောင်းသားတွေရဲ့ လှုပ်ရှားမှုဟာ ဘယ်လောက်အားကျ အတုယူစရာ ကောင်းတယ်ဆိုတာ နောင် လာမယ့် ကျောင်းသားတွေကို ဖော်ပြသလိုမျိုးဖြစ်မှာ။ သိလည်း သိသင့်ကြတယ်လေ "

" ငါ ၀တ္ထုရေးဖို့ ကျောင်းနဲ့ ပတ်သက်သမျှ Notes တွေ ထုတ်ထားတာ ရှိတယ်။ စိတ်မပူနဲ့။ အကုန်ရေးမယ် "

ပြောပြီး လက်ဖက်ရည်ဖိုး ရှင်းရန် စားပွဲထိုး အစ်ကိုကို လှမ်းခေါ်စဉ် ကိုအောင်ကျော်သက်က လက်ကာပြ၏။

" ငါတို့ မသိတာတွေ သိရတဲ့အတွက် ငါကပဲ အကုန်ခံပါ့မယ်။ ဒီနေ့ ငါဒကာပေါ့ "

သူဘာမျှ မပြောတော့။ ကျောင်းရောက်ပြီး တစ်ပတ်အတွင်းမှာ ရင်းနှီးခဲ့သူတွေ ဖြစ်သော်ငြား ငယ်ပေါင်းလို ရင်းနှီးသူများ ဖြစ်ခဲ့ကြသည်။

တကယ်တော့ ပထမနှစ်ဆိုသည်မှာ တက္ကသိုလ်တက်စ ကျောင်းသား၊ ကျောင်းသူတိုင်း တက်ကြွနေချိန်ပင်။ ထိုအချိန်မျိုးတွင် ကိုယ့်အစွဲနှင့်ကိုယ် စိတ်ဝင်စားစရာ ပြောဖြစ်ခဲ့တာလည်း မဆန်းကြ။ ထိုကဲ့သို့ မဆန်းလှသော ကာလတစ်ခုမှာပင် သူ့ဘ၀အတွက် ဆန်းပြားစရာ ကာလတစ်ခု ရောက်ခဲ့သည်။

Physic ဘာသာရပ်၏ လက်တွေ့မလုပ်ခင် တစ်ရက်မှာပင်။

*******************

" ခိုင်ထွန်း။ ဟေ့ကောင် ခဏကွာ "

ပထမနှစ် Section B ရှိရာ L-2 ၏ နောက်ဘက်လှေကားမှ တက်ပြီး အခန်းထဲ ၀င်မည်ပြုစဉ် နောက်ဘက်မှ ခေါ်သံကြောင့် လှည့်ကြည့်မိတော့ စိုးမင်းဆက်ကို တွေ့သည်။

စိုးမင်းဆက်က ဒီဇိုင်းရူး သူငယ်ချင်း။ စာအကြောင်း၊ ကဗျာအကြောင်း ဆွေးနွေးရင်းမှ ခင်လာသူ။ လေကြောင်းအင်ဂျင်နီယာ ဘာသာရပ်မှ လေယာဉ်ပျံ ပုံအပိုင်းအစများကို စုကာ သူ့စိတ်ကူးထဲက ဒီဇိုင်းတွေ ချချ ဆွဲတတ်သည်။ စာသမားမို့ ကျောင်းတက်တက်ချင်းပင် ပိုခင်ခဲ့ကြသည်။

" ဘာလဲ ဟေ့ကောင်။ ပြော "

" မင်းကို ငါ့ဘော်ဒါတစ်ပွေနဲ့ မိတ်ဆက်ပေးချင်လို့ကွာ။ သူက မင်း Roll နဲ့ ကပ်လျက်။ မင်းအထက်က။ မင်းတို့ မနက်ဖြန် Lab ရှိတယ် မဟုတ်လား။ အဲဒါ မင်းတို့အုပ်စုမှာ သူပါတယ်။ သူ့နားမှာ ယောကျာ်းလေးတွေချည်းပဲမို့ မင်းကို အကူအညီ တောင်းတာပါ "

" မင်းဘော်ဒါဆိုလို့ ယောကျာ်းလေးမှတ်တာ။ ရပါတယ်။ ဖစ်ဆစ်က ဘာလုပ်ရမှာမို့လို့လဲ "

" မသိဘူးလေ။ မိန်းကလေးတစ်ယောက်တည်းဆိုတော့ နည်းနည်းကြောင်နေမှာ စိုးလို့ "

အင်း.......အင်းဟု စကားဖြတ်ကာ အခန်းထဲဝင်ပြီး သူငယ်ချင်းတွေနှင့် စကားပြောနေလိုက်သည်။ ထူးထူးထွေထွေ သိပ်တွေးနေစရာ မလိုသည့် ကိစ္စမို့ မေ့ထားသော်ငြား ကိုယ့်အထက်က ကိုယ့်ထက် ခုံနံပါတ်မြင့်သူဟူ၍ လေးစားစွာ တွေ့ချင်နေသည်ကတော့ အမှန်ပင်။

စာသင်ချိန်တွေပြီး၍ နေ့လယ်အားလပ်ချိန် ထမင်းစားနေစဉ်မှာပင် စိုးမင်းဆက်နှင့် မိန်းကလေး တစ်ယောက် ပါလာ၏။

" ခိုင်ထွန်း၊ ဒါ ငါ့သူငယ်ချင်း၊ စံသီရိ တဲ့ "

တွေ့ရတာ ၀မ်းသာပါတယ် ဆိုသော စကားသံ စူး ရှရှကို ကြားရစဉ် မင်သက် တွေဝေနေပြီးမှ ဟုတ်ကဲ့ဟု အပြုံးနှင့် ဆိုလိုက်သည်။ တွေ့ရတာ ၀မ်းသာပါတယ်ဆိုတော့ မတွေ့ရရင် ၀မ်းနည်းစရာ ဆိုသော သဘောကို သက်ရောက်၍ လူတစ်ဦးနှင့် မိတ်ဆက်ပေးတိုင်း ဟုတ်ကဲ့ဟု ပြောရုံကလွဲ၍ သူဘာမျှ မပြောခဲ့။ အပြုံးနုနု၊ ဆံပင်ရှည်ရှည်နှင့် သူမ၏ အသံစူးရှမှုများကို ခဏအတွင်း သတိထားလိုက်မိသည်။ အပြောအဆို၊ အမူအရာ ယဉ်ကျေးသိမ်မွေ့သော မိန်းကလေးတစ်ဦး အဖြစ် မှတ်ချက်ချလိုက်၏။

" စံသီရိ၊ နင်သူ့ကို ခင်ခင်မင်မင်ပေါင်း။ ငါလည်း ဒီကျောင်းရောက်မှ သိတာပါပဲ။ ဒါပေမဲ့ ပေါင်းလို့ ရတယ်ဟ။ ခင်သွားတယ်။ ပြီးတော့ နင်နဲ့ ပိုပြီး ပေါင်းရတာ အဆင်ပြေနိုင်တယ် "

စိုးမင်းဆက် စကားကြောင့် နားမလည်စွာ ငေးမိသည်။ ဘာဖြစ်လို့လဲဟု မေးလိုက်၏။

" စံသီရိက ကဗျာသမား ခိုင်ထွန်းရ "

" ဟာ-ဟုတ်လား။ ဒါဆို တော်တော် ၀မ်းသာတယ်ဗျာ။ ကျွန်တော်နဲ့ ဆွေးနွေးလို့ ဖြစ်ပြီပေါ့ "

" ကိုခိုင်ထွန်းလောက် ရေးအား မသန်ပါဘူး။ သီရိက ဖတ်အားပဲ သန်တာ "

' သီရိက ' ဆိုသော စကားလုံးသုံးလုံးကပင် ရင်ထဲကို အရှိန်ပြင်းစွာ ၀င်ဆောင့်သွားပြီလား မသိ။ ရင်တစ်ခုလုံး တုန်ခါသွားသည်။

ဤသို့နှင့်ပင် ယခင်က ဘာမျှ မဆန်းပြားခဲ့သော သူ့ကမ္ဘာလေးမှာ ဆန်းပြား၍ အံ့ဩဖွယ်ရာတို့ တစ်နေ့ပြီး တစ်နေ့ ဆက်တိုက်ကြုံလာရတော့သည်။ ထိုအံ့ဩမှုတို့ကို ဖန်တီးသူကတော့ သီရိ ဆိုသော သူမပင်။

*********************

သားလတ်
( ဆက်ပါဦးမည် )

[ ကျွန်တော် ရန်ကုန်စက်မှုတက္ကသိုလ်တက်နေစဉ်ကာလမှာ ကျွန်တော်တို့ကျောင်း၌ မဂ္ဂဇင်းတစ်အုပ် ထုတ်ဖြစ်ပါသည်။ ရန်ကုန်စက်မှုတက္ကသိုလ် နှစ်လည်မဂ္ဂဇင်း ၊ ၁၉၉၆ ခု ခေါ်ပါသည်။ ထိုမဂ္ဂဇင်းထဲတွင် ကျွန်တော့် မဂ္ဂဇင်း ၀တ္ထုရှည်တစ်ပုဒ် အရွေးခံရပါသည်။ ယခု ထိုဝတ္ထုရှည်ကို ပြန်လည်ခံစားသည့် အနေဖြင့် ဘလော့ချစ်သူ၊ စာချစ်သူများ ခံစားနိုင်ရန် ပြန်လည်မျှဝေလိုက်ပါသည်။ မဂ္ဂဇင်းဝတ္ထုရှည် ဖြစ်၍ ကျွန်တော့်အနေဖြင့် အားလုံးတင်ရန် အဆင်မပြေသောကြောင့် အပိုင်းခွဲကာ တင်ရသည်ကို နားလည်ပေးပါရန် မေတ္တာရပ်ခံပါသည်။ ]


Tuesday, January 8, 2013

" Facebook ပေါ်က ကျွန်တော့် Status များ " ( ၇ )


 +    လူတော်တော်များများကပြောကြသည်။ Over Sea မှာ အလုပ်လုပ်သည်တဲ့။တော်တော်ကိုဂုဏ်ယူကြပုံ ရသည်။ နိုင်ငံခြားသွားတာနှင့်ကို Over Sea သွားသည်ဟုဆိုကာကြွားလို့မဆုံး။ ထိုသို့ပြောကြကြေးဆို ကျွန်တော့်ကို မည်သူမျှ မီမှာမဟုတ်။ သူတို့ပြောသည့်Over Seaကိုနေ့တိုင်းချည်းသွားနေတာဖြစ်သည်။ ဘူကုန်းကျွန်းကိုရောက်ဖို့ Pasir Panjang ကနေ သင်္ဘောစီး၍ ပင်လယ်ဖြတ်ကာ အလုပ်ဆင်းနေ သည်မှာနေ့တိုင်း။ ဘာပြောကောင်း မည်နည်း။ ပင်လယ်ဖြတ်မှတော့ ထိုသို့သွားနေခြင်းကို Over Sea သွားသည်ဟုသာဆိုရပေမည်။ ( ဇွန်လ ၂၆ ရက်၊ ၂၀၁၂ ခုနှစ် )

+ ငယ်ငယ်ကမိုးရွာလျှင် ဟုတ်ဟုတ် မဟုတ်ဟုတ် ပျော်သည်။ လမ်းထဲမှာ ကော်ဘောလုံး ဆင်းကန်ဖြစ် ကြ၏။ ထို့ကြောင့် မိုးကိုမျှော်သည်။ ၀န်ထမ်းဘ၀ရောက်တော့ အပြင်ကို အလုပ်ကိစ္စ သွားစရာ ရှိလျှက် မသွားချင်လျှင် မိုးရွာပါစေ ဆုတောင်းကာ မိုးရွာလျှင် ရုံးမှာသာ ထိုင်နေခဲ့ဖူးသည်။ ထို့ကြောင့် မိုးကိုမျှော်သည်။ စင်ကာပူမှာ အလုပ်လုပ်ရသည့်အခါ ကျွန်းပေါ်မှာသာ လုပ်ရသည်ကများ၍ နေပူလွန်းသည်။ စင်ကာပူရာသီဥတုကိုက ပူတတ်သည့် သဘောရှိသည်။ အလုပ်ထဲမှာတော့ မိုးရွာလျှင် အလုပ်နာရသည်။ ရာသီဥတု အပူသက်သာသည်။ ထို့ကြောင့် မိုးကိုသာ မျှော်မိခဲ့သည်။ လွန်ခဲ့သည့် သုံးလေးပတ်လောက် ကတည်းက ပျောက်ချင်းမလှ ပျောက်သွားသောမိုးသည် မနေ့တစ်နေ့က ဖွဲခနဲ ခဏပေါ်လာပြီး သည်နေ့ကျမှ အငြိုးနှင့်ရွာတော့သည်။ ငယ်ငယ်က ကလေးဘ၀လိုပင် မိုးရွာတော့ ပျော်ရပြန်သည်။ အပူသက်သာသည်က တစ်ပိုင်း၊ အလုပ်နားရသည်က တစ်ပိုင်း။ ကလေးဘ၀လို လွတ်လွတ် လပ်လပ် ပျော်ရခြင်းမျိုးတော့ မဟုတ်။ လူကြီးပျော်လေး ပျော်ရတာ ဖြစ်သည်။ ကိုယ့်ဘာသာ လည်း တွေးပါသည်။ တစ်သက်လုံး မိုးမျှော်ရခြင်းက မလွတ်နိုင်သူ ဖြစ်နေပါလားဟု။ ( ဇွန်လ ၃၀ ရက်၊ ၂၀၁၂ ခုနှစ် )

Facebook ကြီးက ပို့သောမေးလ်များ ၀င်လာသည်ကို တွေ့၍ ယခုပင် ကောက်ကာငင်ကာ ဖတ်ကြည့်လိုက်သည်။ သူငယ်ချင်းနှစ်ယောက်မွေးနေ့ လာမည့်အပတ်မှာ ရှိသည်တဲ့။ တစ်ယောက်က မိန်းကလေး။ သူကတော့ အသက်က အမှန်။ နောက်တစ်ယောက်ကကျတော့ ယောကျာ်းလေး။ သူ့အသက်ကြည့်မိတော့ မြတ်စွာဘုရားဟု တမိသည်။ ၁၀၂နှစ်တဲ့။ တော်တော် ကျန်းမာတဲ့ကောင်ဟု တွေး လိုက်သည်။ သူ့မွေးနေ့ကျမှ နောက်ရဦးမည်။ ကျန်းမာရေးဂရုစိုက်ဟု။ ( ဇွန်လ ၃၀ ရက်၊ ၂၀၁၂ ခုနှစ် )

+             ဂျပန်ကဗျာများကို ဖတ်စဉ်ကာလက ကဗျာတစ်ပုဒ်ကို မှတ်မှတ်ရရ ဖြစ်နေ ခဲ့ဖူးသည်။
" ချစ်သူလက်မောင်းမှာ
ခေါင်းအုံးပြီး အိပ်မိတဲ့နေ့ကစပြီး
ငါ့ဆံပင်တွေ မညှပ်တော့ဘူး "
ဆိုသည့်ကဗျာ......။
မနေ့က City Hall မှာ ဆံပင်သွားညှပ်မိသည်။ ဇနီးသည်ကိုလွမ်းသော်ငြား ကိုယ့်အလုပ်နှင့် မသင့်တော်၍ ညှပ်လိုက်ရခြင်း ဖြစ်သည်။ ကျန်ရှိနေသော ဆံပင်များဖြင့် လွမ်းခြင်းကို အမှတ်တရတော့ ရှိစေမည် ဖြစ် သည်ဟု ယုံ၏။
( ဇူလိုင်လ ၁ ရက်၊ ၂၀၁၂ ခုနှစ် )

+        လွန်ခဲ့သည့် နှစ်များစွာက ဒေါက်တာရဲနိုင် ဆိုသည့် စာရေးဆရာ ရေးသော" အနောက်ကိုရွှေ့ အရှေ့ကိုမျှော် " ဆိုသည့် ၀တ္ထုကို တော်တော်နှစ်သက်ခဲ့ဖူးသည်။ ထိုအထဲကမှ ဆေးရုံပေါ်မှာ လမ်းလျှောက်နေသော ဆရာဝန် တစ်ယောက်၏ခြေလှမ်းသည် နှေးလွန်း၍ ထိုဆရာဝန်သည် မြန်မာဖြစ်ရ မည်ဟု ကောက်ချက်ချထားသည်ကို ဖတ်ရသည်။ အပြင်ကလူများ အမြင်နှင့်ပါ။ စင်ကာပူကဟု ဆိုထားသည်။ သိပ်မကြိုက်ချင်။ ကျွန်တော်က မြန်မာဖြစ်နေသည်ကိုး။ သည်နေ့ညနေ ကျွန်တော် တစ်ယောက်တည်း ဘူတာရုံပေါ်က တံတားမှာ လမ်းလျှောက်စဉ် ရှေ့မှာနှေးကွေးစွာ လမ်း လျှောက်နေသော လူများစွာကိုကြုံရသည်။ ခိုင်ထူးသီချင်းကို စိတ်မှာအာရုံနှစ်ရင်း " အားလုံး ကို ကျော်ဖြတ် ရမယ် " ဟု စိတ်ကိုတင်းကာ ကျော်ဖို့ကြိုးစားကြည့်သည်။ မရ။ ယဉ်ကျေးသည်ဟု ဆိုရလောက်သော Excuse me လေးရှိလို့သာ။ နောက်မို့ဆို  အားလုံးကို တွန်းထိုးပြီးသာကျော်တက် လိုက်ချင်တော့သည်။ တကယ်တော့ ဒေါက်တာရဲနိုင်၏ စကားလုံးများက လွန်ခဲ့သော နှစ်များစွာက။ ယခုတော့ဖြင့် ကျွန်တော်ပြန်ပြောင်းချင်သည်။ ဘူတာရုံပေါ်မှာ လမ်းလျှောက်နေသည့်အလွန်မြန်သော ယောကျာ်း တစ်ယောက်သည် မြန်မာ တစ်ယောက်ဖြစ်သည် ဆိုတာမျိုး။ ကိုယ့်အမြင်နှင့် ကိုယ်ပါ။ အဘယ်ကြောင့်ဆိုသော် ကျွန်တော့်ရှေ့မှာ လျှောက်နေသည်မှာ စလုံးများဖြစ်နေ၍ပင်။ ( ဇူလိုင်လ ၂ ရက်၊ ၂၀၁၂ ခုနှစ် )

+            လူတိုင်း တစ်ရာ ရာခိုင်နှုန်းပြည့်ဝဖို့ ဆိုသည်မှာ ဘယ်လိုမှမဖြစ်နိုင်ဟု ကျွန်တော် လက်ခံ ထားသည်။ ကျွန်တော်လည်း ဘယ်တော့မှ Perfect ဖြစ်သူမဟုတ်။ ကိုယ်က သူများကို လက်ညှိုး တစ်ချောင်း ထိုးလျှင် ကိုယ့်ဘက်ကို လက်သုံးချောင်းလောက်က ပြန်ထိုးနေတတ်တာ သတိထားဖြစ်၏။  ( ဇူလိုင်လ ၃ ရက်၊ ၂၀၁၂ ခုနှစ် )

ဆူးသစ်
၂၂း၃၈ နာရီ
၈.၁.၂၀၁၃
Related Posts Plugin for WordPress, Blogger...