Wednesday, October 31, 2012

" မိဝေးဘဝေး သီတင်းကျွတ် "


ဘယ်အရွယ်ကလဲလို့ မေးရင် သေသေချာချာတော့ မမှတ်မိတော့ဘူး။ ဒါပေမဲ့ အမှတ်ရစရာတွေ ရှိလားလို့ မေးရင် သိပ်ရှိတာပေါ့လို့ ကျွန်တော်ဖြေပါမယ်။ ဒီလို အချိန်ရာသီဆို သီတင်းကျွတ် ရောက်ပြီကိုး။

တကယ်တော့ ငယ်ဘ၀တွေဆိုတာ ပြန်ရနိုင်ကောင်းတဲ့ အရာတွေမှ မဟုတ်တာ။ ပြန်ရနိုင်တာ ဆိုလို့ ကျွန်တော်တို့ရဲ့ သတိရမှု၊ တမ်းတမှုတွေပဲ ကျန်တော့တာ။

ငယ်ငယ်က သီတင်းကျွတ်ဆိုတာ ဘာကြီးလဲလို့ နားလည်တာမှ မဟုတ်တာ။ ကျွန်တော့်ကို ၀ယ်ပေးတဲ့ ယုန်ရုပ်မီးပုံးလေးကို ဖယောင်းတိုင်လေးထည့်ပြီး တွန်းရတာကိုက ဘာမှန်းမသိတဲ့ အရသာတစ်မျိုး။ အဲဒါကို ပျော်တယ်။ နောက်ပြီး အမေထွန်းတဲ့ ဖယောင်းတိုင်လေးတွေကို ကြည့်ပြီး ကျေနပ်ကြည်နူး ခဲ့မိသေးတာ။

အမေက ဖယောင်းတိုင်တွေကို နေရာအနှံ့ထွန်းတယ်။ လှေကား၊ အိမ်သာ၊ ပြူတင်းပေါက်၊ ရေဘုံပိုင်၊ ဆန်အိုး၊ မီးဖိုချောင် စုံနေတာပဲ။ အဖေကတော့ အလုပ်ရှုပ်နေတာ များတော့ အဲဒီတုန်းက အဖေ ဘာတွေလုပ်တယ်ဆိုတာထက် အဖေ အလုပ်ရှုပ်နေတာကိုတော့ မှတ်မိနေတယ်။

ဒါပေမဲ့ မှတ်မှတ်ရရ ဖြစ်စရာက ငယ်ငယ်ကတည်းက လူကြီးတွေကို လိုက်ကန်တော့ရတာ။ ကိုယ့်မိဘတွေကို ကန်တော့တာရယ်၊ ကိုယ့်မိဘရဲ့ ဦးကြီး၊ ဘကြီးတွေကို ကန်တော့ တာရယ်ကို ကောင်းကောင်း မှတ်မိတယ်။ အဖေတို့၊ အမေတို့ရဲ့ ဘကြီး၊ ဦးကြီးတွေကို ကန်တော့တာ ဘာလို့ မှတ်မိလဲ ဆိုတော့ သူတို့က မုန့်ဖိုးကောင်းကောင်း ပေးတယ်။ အဲဒီလို သွားကန်တော့မယ် ပြောရင် တော်တော်ပျော်ရတာ။ ကျွန်တော်တို့က ညီအစ်ကို သုံးယောက်။ အားလုံး မုန့်ဖိုးတွေ ရတာ။

ကျွန်တော်တို့ ငယ်ငယ်က စမ်းချောင်းမြို့နယ်မှာ နေတာ။ စမ်းချောင်းက ရှမ်းလမ်းဆို လူတိုင်းသိတယ်။ အခုတော့ ဗဟိုလမ်းဖြစ်သွားပြီပေါ့။ အဲဒီ ရှမ်းလမ်းတောက်လျှောက်က သိပ်စည်တာ။ ဆိုင်တွေက ပြည့်သိပ် ကျပ်ညပ်လို့။ လူတွေကလည်း တိုးမပေါက်ဘူး။ သီတင်းကျွတ်ဆို အဲဒီလိုကို စည်တာ။ အဲဒီမှာ ရုပ်ရှင်ကားအတိုလေးတွေ ပြတဲ့ တွန်းလှည်းလို ရုံအသေးလေးနဲ့ ရုပ်ရှင်ရုံ အသေးစားလေး ရှိတယ်။

တစ်ခါကြည့် ငါးမူးလား၊ တစ်ကျပ်လား မသိပါဘူး။ ရွှေဘနဲ့ လူကြမ်းတွေချတာ ကြည့်ရတယ်။ ဗုံလေးနဲ့ နောက်ခံကို တီးပေးသေးတယ်။ ရုံလေးကသေး၊ လူကပြည့်ဆိုတော့ ရုပ်ရှင် ပြီးရင် ချွေးကိုပြန်ရောပဲ။ ဒါပေမဲ့လည်း ကလေးဘ၀ဆိုတော့ အဲဒီလိုကြည့်ရတာကိုက အထူး အဆန်းလို ဖြစ်နေတာလေ။

နောက်တစ်ခုက ကျွန်တော်တို့လမ်းနဲ့ ကပ်လျက်က သံတံတားလမ်းမှာ ဇာဇာရတနာ ဆိုတဲ့ မိန်းမလျာဦးဆောင်တဲ့ မိုးကြိုးငှက်ငယ်ကလေးများ အဖွဲ့ကတဲ့ ပွဲလည်းရှိတော့ အဲဒီပွဲလည်း အလွတ်မခံဘူး။ ဘာတွေ ဘယ်လိုလုပ်လုပ်၊ ဘယ်လောက်ပဲ ကဲကဲ ကန်တော့ရမယ်ဟေ့ဆို အဖေနဲ့ အမေကို ကန်တော့ဖို့တော့ ဘယ်တော့မှ မပျက်ကွက်ခဲ့ဘူး။

တကယ်တော့ မုန့်ဖိုးလိုချင်လို့ ကန်တော့တယ်ဆိုတာ အဲဒီအချိန်တုန်းက ဟုတ်ချင်ဟုတ်နိုင်ပေမယ့် အခုတော့ အဲဒီလို ဘယ်ဟုတ်တော့မလဲ။ ငယ်ငယ်ကတည်းက သားတစ်ယောက် အနေနဲ့ မှားခဲ့တာတွေ အများကြီးပဲလို့ ကျွန်တော်ခံစားရတယ်။ ဒါကြောင့် ခရီးသွားရင်ပဲ ဖြစ်ဖြစ်၊ သီတင်းကျွတ်ရင်ပဲ ဖြစ်ဖြစ် အဖေနဲ့ အမေ့ကို နှုတ်က တိုင်တည်ပြီး ကန်တော့လေ့ရှိပါတယ်။

" အဖေနဲ့အမေ့ကို ကာယကံ၊ ၀စီကံ၊ မနောကံ နဲ့ ပြစ်မှားမိတာရှိရင် ခွင့်လွှတ်ပါ " ဆိုပြီး ထိခြင်းငါးပါးနဲ့ သေသေချာချာကို ကန်တော့ခဲ့တာ။ ကျွန်တော့်စိတ်ထဲမှာ အဲဒီလို မပြောဘဲ ကန်တော့ရရင် စိတ်မသန့်သလို ခံစားရတယ်။ ဒီအတိုင်း နှုတ်ပိတ် ကန်တော့တယ်ဆိုတာ ကလေးလည်း လုပ်လို့ရတာပဲ မဟုတ်လား။

ရန်ကုန်မှာ နေတုန်းကတော့ ညီအစ်ကိုတစ်တွေ ဆုံရင် အားလုံး ကန်တော့ကြတယ်။ အဖေနဲ့အမေက သူတို့မောင်နှမထဲမှာ အကြီးဆုံးတွေဆိုတော့ သူတို့ကို ရန်ကုန်မှာရှိတဲ့ သူတို့ရဲ့ ညီ၊ ညီမတွေက လာကန်တော့တဲ့အခါ ကျွန်တော်တို့လည်း ပျော်ရတယ်။ အဖေနဲ့ အမေ့ကို ကန်တော့တဲ့ မုန့်ကို ကျွန်တော်တို့ပါ စားရတာကိုး။

ပြီးတော့ အဲဒီ အဒေါ်တွေ၊ ဦးလေးတွေကို ကျွန်တော်တို့က ပြန်ကန်တော့နဲ့။ သီတင်းကျွတ်ဆိုတာ ချစ်စရာကောင်းတဲ့ ကျွန်တော်တို့ မြန်မာတွေရဲ့ ဓလေ့တစ်ခုလို့ ကျွန်တော်ယုံကြည်မိပါတယ်။

ဒါပေမဲ့ ကျွန်တော် မြန်မာပြည်က သီတင်းကျွတ်နဲ့ လွဲတာ လေးနှစ်ကျော်ခဲ့ပါပြီ။ သီတင်းကျွတ်ရောက်ပြီဆို အိမ်ကို ဖုန်းခေါ်ပြီး အဖေ့ကို  ကာယကံ၊ ၀စီကံ၊ မနောကံနဲ့ ပြစ်မှားမိတာရှိရင် ခွင့်လွှတ်ပါ။ အမေ့ကိုလည်း အဲဒီလိုပဲ ပြောပြီး ဖုန်းနဲ့ပဲ လှမ်းကန်တော့တာ။ အဲဒီအခါ အဖေနဲ့အမေက ဖုန်းထဲကနေ ဆုပေးတယ်။ ကျွန်တော် မျက်ရည်ဝဲအောင် ခံစားမိပါတယ်။ အခုတောင် ဒီပို့စ်ကို ဆက်မရေးခင်ကလေးတင် ကျွန်တော့်အဖေနဲ့ အမေကို ဖုန်းနဲ့ပဲ လှမ်းကန်တော့မိတယ်။ အဖေနဲ့ အမေကလည်း ဖုန်းထဲက ဆုတွေပေးလို့ပေါ့။ အဖေနဲ့ အမေ သက်ရှိထင်ရှား ရှိနေပါလျက်နဲ့ ကိုယ်ထိလက်ရောက် မကန်တော့နိုင်တဲ့ ဘ၀ကို ကျွန်တော် နည်းနည်းမျှ မကျေနပ်တာတော့ အမှန်ပါပဲ။

တကယ်တော့ အစ်ကိုကြီးရယ်၊ ညီလေးရယ်၊ ကျွန်တော်ရယ် ဟိုးငယ်ငယ်ကတည်းက လူစုံပြီဆို အတူတူ ကန်တော့နေကျ။ အဲဒီလို မကန်တော့ရတာလည်း နှစ်တွေ ဘယ်လောက်ကြာသွားပြီလဲလို့ ကျွန်တော် မမှတ်မိတော့ပါဘူး။ အခုလို တစ်ယောက်တည်း ခွဲနေပြီးမှ မိဘတွေကို ဖုန်းနဲ့ကန်တော့ခဲ့ရ တာတော့ လေးနှစ်ဖြစ်သွားခဲ့ပါပြီ။

အဖေနဲ့အမေက နှုတ်ကနေ တဖွဖွ ရွတ်လို့ ပေးတဲ့ဆုတွေလည်း ကိုယ်ထိလက်ရောက် မယူနိုင်ခဲ့တော့တာ ကြာပြီပေါ့။ ညီအစ်ကိုတစ်တွေ စုံပြီး ကန်တော့ရမယ့် အခိုက်အတန့်လေးကိုတော့ ကျွန်တော် လိုချင် တပ်မက်နေမိသေးတယ်။ ကျွန်တော့်အတွက်ကတော့ နှစ်တိုင်း မိဝေးဘဝေး သီတင်းကျွတ် ပါပဲ။

မြတ်စွာဘုရားဟာ တာဝတိံသာနတ်ပြည်က သူ့မိခင်ဖြစ်ခဲ့ဖူးတဲ့ နတ်သားကို ၀ါတွင်းသုံးလကာလမှာ တရားတွေ ဟောပြီး ပြန်ကြွလာတဲ့အခါ လူ့ပြည်ကနေ ရွှေစောင်းတန်း၊ ငွေစောင်းတန်း၊ ပတ္တမြားစောင်းတန်းတွေနဲ့ ကြိုကြတယ်တဲ့။ ဆီမီးတွေလည်း ပူဇော်လို့ပေါ့။ ဒါဟာ သီတင်းကျွတ်ရဲ့ အဓိပ္ပါယ်ပါ။ အဓိကက မြတ်စွာဘုရားက မိဘကို မွေးကျေးဇူးဆပ်တယ်ဆိုတဲ့ သဘောလို့ ကျွန်တော်တို့ နားလည်ရပါတယ်။ ဒါပေမဲ့ နို့တစ်လုံးဖိုး ကျေတယ်ဆိုတာတော့ မဟုတ်ပါဘူးလို့ စာတွေထဲမှာ ကျွန်တော်မှတ်သားဖူးပါတယ်။ မိဘမေတ္တာကို အဲဒီလို တိုင်းယူမရ စကောင်းပါဘူး။ ဘုရားလည်း မဟောပါဘူး။

ဒါပေမဲ့ သီတင်းကျွတ်ဆိုတာ ပျော်ရုံမဟုတ်ဘဲ မိဘကို ကန်တော့ရတယ်ဆိုတဲ့ အသိလေးတစ်ခု ကျွန်တော်တို့ မြန်မာလူမျိုး ဗုဒ္ဓဘာသာတွေ ကြားမှာရှိနေသေးတာကိုက ကျေနပ်စရာပါ။ သီတင်းကျွတ်ရောက်ရင် မိဘတွေကို ကန်တော့ဖို့ အလုပ်ထဲက မနက်ပိုင်းလုပ်တဲ့ အစည်း အဝေးမှာ မြန်မာတွေကို အမြဲပြောပြ ဖြစ်ပါတယ်။ ဒီမနက်တောင် ကျွန်တော်သူတို့ကို သတိပေးခဲ့ ပါသေးတယ်။ မြန်မာမှန်ရင်တော့ မြန်မာပြည်က သီတင်းကျွတ်ကို လွမ်းတတ်ကြတာပါပဲ။

အခုလို သီတင်းကျွတ်တော့ ကျွန်တော်ခံစားနေရတဲ့ အဝေးက သီတင်းကျွတ်၊ မိဝေးဘဝေး သီတင်းကျွတ် အတွက် စိတ်ဖြေသိမ့်စရာ တစ်ခုတော့ ရှိပါတယ်။ ညီအစ်ကိုတစ်တွေနဲ့ မိဘတွေကို စုံပြီး မကန်တော့နိုင်တဲ့ အချိန်၊ အဖေနဲ့အမေကို ကိုယ်ထိကာယ မကန်တော့နိုင်တဲ့ အချိန်မှာ ကျွန်တော် သီချင်းတစ်ပုဒ်ကို နားထောင်ပစ်လိုက်တာပါပဲ။

အဲဒီသီချင်းက ဟင်္သာတထွန်းရင် သူကိုယ်တိုင်ရေးပြီး သူကိုယ်တိုင်ဆိုထားတာပါ။ 'မိသားစုကန်တော့ပွဲ' လို့ ခေါင်းစဉ်ပေးထားပါတယ်။ ဒီလိုသီတင်းကျွတ်မှာ ဒီလို သီချင်းမျိုးကို နားထောင်မိရင် ရင်ထဲထိတဲ့ အထိ ခံစားရပါတယ်။ ခံစားကြည့်ပါဦး။

ကျေးဇူးတင်ပါတယ် ဟင်္သာတထွန်းရင် ခင်ဗျား။      ။

သားလတ်
၂၁း၅၆ နာရီ
၃၁.၁၀.၁၂



Monday, October 29, 2012

" နှလုံးသားကလာတဲ့စာ မေတ္တာပါတဲ့စကား "(၂)


ချစ်သူ....

လူတစ်ယောက်ရဲ့ မွေးနေ့လို့ ပြောရင် ဘာကိုရည်ရွယ်ပြီး ပြောကြတာပါလဲ။ ကိုယ်အကြိမ်ကြိမ် စဉ်းစားဖူးတယ်။ လူတစ်ယောက်ကို တစ်ကြိမ် မွေးဖွားခဲ့ပြီးပြီ။ အဲဒီလူကို သူ့ရဲ့မိခင်က မွေးဖွားခဲ့တာ။ ဒါပေမဲ့ မွေးနေ့ဆိုတာ တစ်ကြိမ်နဲ့ မပြီးခဲ့ပါဘူး။ မွေးနေ့ဆိုတာ နှစ်တစ်နှစ်ရဲ့ ကိုယ့်ကိုမွေးတဲ့ ရက် ရောက်ရင် အဲဒီနေ့ကိုလည်း မွေးနေ့လို့ သတ်မှတ်ပြီး တစ်နှစ်တိုးသွားတဲ့ အထိမ်း အမှတ်နဲ့ မွေးနေ့ဆိုပြီး သတ်မှတ်ကြတယ်လို့ ကိုယ်နားလည်မိတယ်။

ဒီနေ့ ကိုယ့်ချစ်သူရဲ့ မွေးနေ့လေ။ အိပ်ရာနိုးတာနဲ့ ချစ်သူရဲ့ မျက်လုံးလေးတွေထဲမှာ ကိုယ့်ကို မြင်ယောင်နေမလား။ ကိုယ်တွေးနေမိတယ်။ မွေးနေ့အတွက် ကြိုပို့လိုက်တဲ့ လက်ဆောင်လေးတွေကိုရော အိပ်ရာကနိုးရင် တစ်ခါပြန်ကြည့် နေမလား။ ချစ်သူကို မွေးဖွားပေးခဲ့တဲ့ ချစ်သူရဲ့ အမေကိုတော့ ကိုယ် ကျေးဇူးတင်နေမိတယ်။ ဒီဘ၀မှာ ကိုယ်နဲ့ ချစ်သူ ဆုံစည်းခွင့် ရခဲ့တဲ့ အတွက်ပါ။

ချစ်သူ.....

မွေးနေ့တိုင်းမှာ လူတွေကို အသစ်တစ်ဖန် ပြန်လည်မွေးဖွားတယ်လို့ ကိုယ်ယူဆတယ်။ ဒါပေမဲ့ အဲဒီမွေးနေ့နဲ့ မတူတဲ့ နောက်ထပ် မွေးနေ့တစ်ရက် ရှိသေးတယ်။ အချစ်ကို မွေးဖွားခွင့် ရခဲ့တဲ့ မွေးနေ့လေးပါ။

မှတ်မိဦးမလား ချစ်သူ။ တစ်နေရာ........တစ်ရက်..........တစ်မနက်.....ကိုယ်တို့ဆုံခွင့် ရခဲ့တယ်။ လှပတဲ့ နှင်းတွေကြား အချစ်က ကိုယ်တို့ကို ကျီစယ်ကစားခဲ့လို့ပေါ့။ ဆောင်းတဲ့........။ အေးမြနေမှာ။ ဒါပေမဲ့ ကိုယ်တို့ နွေးထွေးခဲ့ရတယ်။ အချစ်လေ။ စမြင်ကတည်းက ချစ်ခဲ့တာ။ ချစ်သူတော့ မသိခဲ့ပါဘူး။ ကိုယ်က တိတ်တိတ်လေး ကျိတ်ချစ်ခဲ့ရတာလေ။

ဒီလိုနဲ့ ကာလတစ်ခုကို ဖြတ်ခဲ့တယ်။ အချစ်က ရင်ထဲမှာ ပိုပြီး ရှင်သန်ကြီးထွားလို့ပေါ့။ နောက်ဆုံးတော့ ချစ်သူကို ချစ်တယ်ပြောရင်း ချစ်ခြင်းကို သက်ရောက်စေခဲ့တယ်။ စဉ်းစားပါရစေ ဆိုတဲ့ စကားလေးနဲ့ လှပတဲ့ အနာဂတ်တစ်ခုကို ရဖို့၊ ပြီးတော့ ရောက်ဖို့ ကိုယ့်နေ့တွေ မျှော်လင့်ခြင်းကြားမှာ နိုးထ ရှင်သန်ခဲ့ရတာပေါ့။

နောက်ဆုံးတော့ လူတစ်ယောက်ကို လူတစ်ယောက်က ပြန်လည် ရှင်သန်ခွင့်ပေးခဲ့တဲ့ မွေးနေ့လေး တစ်နေ့ကို ကိုယ်ရခဲ့တယ်။ ကျေးဇူးပါ ချစ်သူ။ ချစ်ခြင်းနဲ့ ကမ္ဘာမြေရဲ့ မနက်ဖြန်တွေကို ကိုယ်ရဲရဲကြီး ရင်ဆိုင်ခွင့် ရခဲ့ပြီ။ ချစ်သူကို မွေးဖွားခဲ့တဲ့ နေ့ကလေး တစ်နေ့ဟာ ချစ်သူရဲ့ မွေးနေ့ဆိုရင် ချစ်သူနဲ့အတူ အချစ်တွေကို ကိုယ်ပိုင်ဆိုင်ခွင့်ရခဲ့တဲ့ နေ့ကလေးကတော့ ကိုယ့်ကို ရှင်သန်အောင်မွေးဖွား ပေးခဲ့တဲ့ အချစ်ရဲ့ မွေးနေ့လေးတစ်ရက်လို့ ကိုယ်ယုံကြည်နေမိတယ်။

ချစ်သူ.......

အခု ကြုံရတဲ့ မွေးနေ့ကစလို့ နောက်နှစ်များစွာတိုင် ကျန်းကျန်းမာမာ၊ ချမ်းချမ်းသာသာနဲ့ ကိုယ်နဲ့အတူ လက်တွဲလို့ ပျော်ပျော်ရွှင်ရွှင်နဲ့ ရှေ့ခရီးဆက်နိုင်ပါစေ။ ချစ်ခြင်းအတွက် အေးမြတဲ့ မေတ္တာတရားနဲ့ အတူ ဘ၀ရဲ့ အဆိုးအကောင်းတွေကို မျှဝေခံစားလို့ ရဲရဲကြီး ရှေ့ဆက်နိုင်ပါစေ။

ကိုယ်တို့ မျှော်လင့်ထားတဲ့ အနာဂတ် အချစ်အိမ်လေးမှာ ကိုယ်တို့အတွက် ပျော်စရာကောင်းတဲ့ ဘ၀ကို ဖန်တီးတည်ဆောက်ရင်း လောကတွင်းမှာ ငြိမ်းအေးခြင်းနဲ့အတူ လျှောက်လှမ်းနိုင်ပါစေ။

အစဉ်ထာဝရ အတွက်ကတော့ ကိုယ့်ရင်ခွင်မှာ မှီအိပ်လို့ မေတ္တာရဲ့ လေးနက်သိမ်မွေ့ခြင်းကို သိမ်းပိုက်နိုင်ပါစေ။

ပျော်ရွှင်ပါစေ ချစ်သူ.........။

သားလတ်
၁၉း၀၁ နာရီ
၂၈.၁၀.၂၀၁၂

(  ချစ်သူရဲ့ မွေးနေ့အတွက်ပါ )

Saturday, October 27, 2012

" ကျွန်တော်နှင့် ပတ်စ်ပို့တစ်အုပ်၏ မှတ်တမ်း "


ပြီးခဲ့တဲ့ရက်သတ္တပတ်အတွင်းမှာ ကျွန်တော့်ပတ်စ်ပို့စ်စာအုပ် သက်တမ်းတိုးဖို့လိုလို့ စင်ကာပူမှာ ရှိတဲ့ မြန်မာ သံရုံးကို သွားဖို့ စ စီစဉ်ရပါတယ်။ စီစဉ်ရတယ် ဆိုတာက အရင်တုန်းကလို တန်းစီရတာ မဟုတ်ဘဲ Q နံပါတ်လို့ ခေါ်တဲ့ တန်းစီနံပါတ်ကို အွန်လိုင်းကနေ ယူရလို့ပါ။ ဒါဟာ ပြောင်းလဲလာတဲ့ စနစ်တစ်ခုမို့ ကျွန်တော်တော့ ၀မ်းသာမိပါတယ်။

ဒါနဲ့ပဲ www.mesingapore.org.sg မှာဝင်ပြီး စာတွေလိုက်ဖတ်၊ မှတ်ပုံတင်၊ ဖောင်ဖြည့်၊ အားလုံးပြီးပြီဆိုမှ Q နံပါတ် ပါတဲ့ စာရွက် အပါအ၀င် ၃ ရွက်ကို ကိုယ့်ဘာသာ Print Out ထုတ်ပြီး စာတွေဖြည့်၊ ဓာတ်ပုံကပ် လုပ်ရပါတယ်။ အဲဒီစာရွက်မှာ ရက်ချိန်းနဲ့ Q နံပါတ် ပါပြီးသားပါ။ ရက်ချိန်းကတော့ သူတို့အဆင်ပြေတဲ့ရက်ကို ပြထားလို့ ကိုယ်ကြိုက်တဲ့ရက်ကို ရွေးပြီး အဆင်ပြေတယ်ဆို သွားရုံပါပဲ။ ဒါလည်း ကောင်းပါတယ်။ အရင်ကလို ကိုယ်သွားချင်တဲ့ရက်သွား၊ တန်းစီ၊ တိုးကြ၊ ကျိတ်ကြနဲ့ ဒီလို ဒုက္ခတွေ မရှိတော့ဘူးပေါ့။

ဖြစ်ချင်တော့ ကျွန်တော့်အလုပ်က ကောင်လေးတချို့က သွားထားတာ သိပ်မကြာသေးတော့ သူတို့ကို ကျွန်တော်က မေးကြည့်တယ်။ Q နံပါတ်တော့ ရပြီးပြီ။ စောစောပဲ သွားရမလား ဆိုတော့ စောစောသွားတာ စိတ်ချရတယ်တဲ့။

ဒီလိုနဲ့ သံရုံးက ပေးထားတဲ့ရက်ရောက်တော့ မနက်ဘက် အတတ်နိုင်ဆုံး စောစောရောက်အောင် စောစော ထသွားလိုက်ပါတယ်။ ခြောက်နာရီခွဲလောက် သံရုံးရှေ့ရောက်တော့ မိုးကဖွဲဖွဲလေးကျလို့။ ကျွန်တော်သိတယ်။ တစ်ခုခုတော့ မှားနေပြီလို့။ ဘာဖြစ်လို့လဲဆိုတော့ တစ်ယောက်မှ မတွေ့ရလို့ပါ။ ကျွန်တော်တစ်ယောက်တည်း အစောဆုံးကို။

ဒါနဲ့ အုတ်ဘောင်လေးပေါ် ခဏထိုင်နေတုန်း အထဲက လုံခြုံရေးဝန်ထမ်းကြီးက Q နံပါတ်ယူပြီးသားလားတဲ့။ ဟုတ်တယ် ဆိုတော့ အဲဒါဆို ၉ နာရီလောက်မှလာရင် ရတယ်တဲ့။ ပြီးရော။ ကျွန်တော် သေချာအောင် ထပ်မေးပါတယ်။ ဟုတ်တယ်တဲ့။ ကဲ-ဒါဆိုလည်း ဘယ်သူမျှ မရှိမယ့် အတူတူတော့ အနီးဆုံး ကားမှတ်တိုင်ဘက် ထွက်ခဲ့ပြီး ကိုယ့်ဘာသာ ဖုန်းသာ ကလိနေလိုက်ပါတယ်။

ခုနစ်နာရီခွဲလောက်ရောက်တော့ စိတ်ထဲက သိပ်နေလို့မရတာနဲ့ တစ်ခေါက် ပြန်သွားတော့ ကျွန်တော့်လို စောရောက်လာတဲ့ နောက်တစ်ယောက်နဲ့ တွေ့ပါတယ်။ သူက ကျွန်တော့်ထက် ပိုဆိုးပါတယ်။ ကားငှားလာတာတဲ့လေ။ သူလည်း ဒီရောက်မှ သိတာတဲ့။ ဒါနဲ့ ကျွန်တော်တို့ နှစ်ယောက် စကားလက်ဆုံကျပါတော့တယ်။

ရှစ်နာရီလောက်ကျတော့ တံခါးဖွင့်တာနဲ့ အထဲက အမိုးပါတဲ့ အဆောင်မှာ ကျွန်တော်တို့ ၀င်ထိုင်ကြပါတယ်။ အဲဒီအချိန်မှာ ဗီဇာလျှောက်မယ်လို့ ထင်ရတဲ့ နိုင်ငံခြားသား၊ နိုင်ငံခြား သူတွေလည်း ရောက်လာပါတယ်။ သူတို့လည်း ကျွန်တော်တို့လို နာရီမမေးဘဲ၊ မစုံစမ်းဘဲ ရောက်လာတာလို့ ထင်ပါတယ်။ ဘာဖြစ်လို့လဲဆိုတော့ ရောက်ရောက်ချင်း သူတို့မြင်တဲ့  'သည်နေရာတွင် တန်းစီပါ ' ဆိုတဲ့ ဆိုင်းဘုတ်ကို သွားဖတ်ပြီး တန်းစီဖို့ ပြင်နေလို့ပါ။

ဒါပေမဲ့ အဲဒီလို တန်းစီဖို့လုပ်နေတုန်း သံရုံးက လုံခြုံရေး အဘိုးကြီးကပဲ စာရွက်ဖြစ်ဖြစ် ချထားရင် ရပြီဆိုပြီး ရှင်းပြလိုက်တော့ အဲဒီ နိုင်ငံခြားသား၊ နိုင်ငံခြားသူတွေလည်း ရှိတဲ့စာရွက်လေးတွေ ချထားကြပါတယ်။ တချို့ကတော့ သံရုံးလာတဲ့သူတွေ ဖတ်ဖို့တင်ထားတဲ့ သတင်းစာ စက္ကူတွေကို ယူပြီးချကြပါတယ်။ အဲဒီမှာပဲ လူရဲ့သဘာဝ သူများတန်းစီတော့ တချို့လူတွေလည်း ရောပြီး စာရွက်တွေ သွားချကြပါတယ်။ အမှန်က သူတို့လည်း ကျွန်တော့်လို Q နံပါတ်ယူပြီးသားပါ။ ဒီတော့ ခုန လုံခြုံရေးဝန်ထမ်း အဘိုးကြီးကပဲ အင်တာနက်က ယူပြီးသားဆို မလိုဘူးဆိုပြီး ရှင်းထုတ်နေရတော့တာပါပဲ။ အဲဒီတန်းစီတဲ့နေရာမှာ ရေးထား တာလည်း ရှင်းပါတယ်။ Q နံပါတ်ကို သံရုံးမှာ လုံးဝထုတ်မပေးပါဘူးတဲ့။ ဒါလည်းကောင်းတာပါပဲ။ လုံးဝ ပြတ်ပြတ်သားသားသိရတာပေါ့။

ကျွန်တော်လည်း ပါလာတဲ့ စာရွက်မှာ ရေးထားတာတွေ ပြန်ဖတ်မှ မနက် ၉ နာရီ သံရုံးကိုလာပါ ဆိုတာကို ပြန်တွေ့ရတော့တာ။ ကိုယ့်ဘာသာ မျက်စိလျှမ်းတယ်ပဲ တွေးပါတယ်။ အလုပ်ထဲက ညီလေးတွေက သူတို့သွားတုန်းကတော့ တန်းစီရတာပဲလို့ ဆိုနေပါသေးတယ်။ ထားပါတော့။

ဒီလိုနဲ့ ကျွန်တော်လည်း စာရွက်တွေနဲ့ လူနေရာအတွက် တန်းစီ၊ နေရာဦးနေတဲ့ နိုင်ငံခြားသားတွေကို ကြည့်ရင်း ကိုယ်ရထားတဲ့ ထိုင်ခုံလေးမှာ မှေးနေတုန်း ကျွန်တော့်ရှေ့တည့်တည့်က ထိုင်ခုံမှာ အဖြူမလို့ ကျွန်တော်တို့ အလွယ်ခေါ်တဲ့ နိုင်ငံခြားသူတစ်ယောက် လာထိုင်ပါတယ်။ သူမလည်း အများနည်းတူ စာရွက်လေးချပြီး လာထိုင်တာပါ။

ဒါပေမဲ့ ခဏနေတော့ သူမလက်ထဲမှာ ကင်မရာလေးပါ ကိုင်ထားတာတွေ့လိုက်ရတော့ ကျွန်တော်က ဘာလုပ်မလို့ပါလိမ့်လို့ စောင့်ကြည့်နေတုန်း သူမက အဲဒီစာရွက်တွေ စီထားတဲ့ ကောင်တာရှိတဲ့နေရာကို ဓာတ်ပုံရိုက်ချလိုက်ပါတော့တယ်။ ကျွန်တော့်စိတ်ထဲကတော့ ပြဿနာပဲလို့ တွေးမိပါတယ်။ ဘာဖြစ်လို့လဲ ဆိုတော့ သူက ကျွန်တော်တို့နိုင်ငံကို သွားမှာလေ။ သူ့ဘာသာ သွားပဲလည်လည်၊ စီးပွားရေးပဲ လုပ်လုပ်၊ သူ့စိတ်ထဲမှာ ငါ မြန်မာနိုင်ငံ သွားဖို့ သံရုံးမှာ ဗီဇာလျှောက်တာ၊ အဲဒီလို စာရွက်လေးချပြီး နေရာဦးရတာ။ မယုံရင် ဒီဓာတ်ပုံကြည့်ပါလားဆို ကျွန်တော်တို့ သေပြီပေါ့ဗျာ။ ပြီးတော့ ကျွန်တော့်စိတ်ထဲ ဪ-သံရုံးဆိုတာ ငါတို့နိုင်ငံကို လာလည်မယ့် လူတွေအတွက်ဆို နိုင်ငံရဲ့ ပထမတံခါးပါလား လို့ တွေးမိပါတယ်။

ဒီအဖြူမ သူ့ဘာသာ သံရုံးဝက်ဘ်ဆိုဒ် သေသေချာချာ ဖတ်မလာဘဲနဲ့လို့တော့ ကျွန်တော်တွေးပါတယ်။ ဘာဖြစ်လို့လဲဆိုတော့ အဲဒီမှာ ဗီဇာအတွက် အချိန်ကို ဖော်ပြပြီးသားလေ။ ကျွန်တော်တို့လို Q နံပါတ်ယူပြီးသား လူတွေအတွက်လည်း ၉ နာရီလာပါဆိုတာ ပါပြီးသား။ ကျွန်တော်ကသာ ဘာလုပ်လုပ် စိတ်ပူတတ်လို့ စောရောက်သွားတာ။

တစ်ခုပါပဲ။ အဖြူမတွေ၊ အဖြူကောင်တွေက ဆိုဒ်ကို သေသေချာချာ မဖတ်မိဘဲ သူတို့စိတ်ထဲ စလုံးကရုံးတွေလို ရှစ်နာရီစဖွင့်တယ်လို့ ထင်နေကြတာ ဖြစ်မှာ။ ကျွန်တော်တို့ စောင့်နေတုန်း ၉ နာရီလောက်မှာ ၀န်ထမ်းတွေ ရောက်လာတာတွေ့ပါတယ်။ ခဏနေတော့ ဗီဇာသမားတွေ အတွက် စ လုပ်ပေးနေပါပြီ။

အဲဒီမှာ ပတ်စ်ပို့အတွက် ဓာတ်ပုံရိုက်မယ့်လူတွေကို စခေါ်တော့ တန်းစီရပါတယ်။ ကျွန်တော်က အီး ပတ်စ်ပို့ဆိုတဲ့ စာအုပ်အသစ် လဲပြီးသားဆိုတော့ ဓာတ်ပုံရိုက်စရာ မလိုဘူးလို့ တွေးပါတယ်။ ကျွန်တော့်စာအုပ်မှာ မြန်မာပြည်ပြန်ထားတာနဲ့ မလေးရှားသွားထားတဲ့ ဗီဇာတုံးထုထားတာကလွဲရင် ကျန်စာမျက်နှာတွေက အလွတ်ကြီးပါ။

အဲဒီလိုနဲ့ မနက် ခြောက်နာရီခွဲမှာ သံရုံးရှေ့ရောက်တဲ့ ကျွန်တော်၊ ဆယ့်တစ်နာရီထိုးခါနီးမှာ အလှည့်ကျပါတယ်။ ပါလာတဲ့စာရွက်တွေကို ကောင်တာက ၀န်ထမ်းကိုပြပြီး သူက အခွန်တွက်ပါတယ်။ အမှန်အတိုင်း ပြောပါမယ်။ စကားပြော တော်တော်ယဉ်ကျေးပါတယ်။ ကျွန်တော် သဘောကျပါတယ်။ ကိုယ့်မြန်မာချင်းတွေကို ကူညီနေတဲ့ ရုံးမဟုတ်လားဗျာ။ အဲဒီလိုလေး သိရတာ ၀မ်းသာပါတယ်။

အဲဒီဝန်ထမ်းက အခွန်တွက်ပြီး ကျွန်တော့်ကို ဖြတ်ပိုင်းတစ်စောင် ထုတ်ပေးပါတယ်။ အခွန်ဆောင်ဖို့ တွက်ထားတာပါ။ ကျသင့်ငွေကို ညနေမှ ရှင်းရမှာပါတဲ့။ ဪ-ဒီလိုလားပေါ့။ အရင်တုန်းက အခွန် ဆောင်ဖူးတာလည်း ကြာပြီဆိုတော့ မမှတ်မိတော့ပါဘူး။ ပြီးတော့ သူကဆက်ပြောပါတယ်။ အွန်လိုင်းအတွက် ငါးကျပ်ပေးရပါမယ်တဲ့။ ကျွန်တော်နည်းနည်း ကြောင်သွားပါတယ်။ အွန်လိုင်း ၀က်ဘ်ဆိုဒ်လေးတွေ့လို့ကျွန်တော့်ဘာသာဖတ်၊ ကျွန်တော့်Printerနဲ့ ကျွန်တော့်ဘာသာ စာရွက်သုံးရွက် ထုတ်လာတာ သံရုံးရောက်မှ ငါးကျပ်ပေးရတယ် ဆိုတော့ ကျွန်တော် နည်းနည်းတော့ တွေဝေမိတာပါပဲ။ ဒီတော့ အဲဒါဘာအတွက်လဲ လို့မေးတော့ အွန်လိုင်းအတွက်ပါတဲ့။ စဉ်းစားပြီး သူတို့ဆော့ဖ်ဝဲလ် အတွက် ဖြစ်မယ်လို့ တွေးမိပါတယ်။

ကျွန်တော် မြန်မာလူမျိုးဖြစ်လို့ သူများပေးဆို ကိုယ်ပေးပါတယ်။ ဘာမျှမပြောဘဲ ငါးကျပ်ပေးလိုက်ပါတယ်။ မပြီးသေးပါဘူး။ သူကထပ်ပြောပါသေးတယ်။ ဓာတ်ပုံရိုက်သွားလိုက်ဦးနော်တဲ့။ ခင်ဗျာလို့။ ဟုတ်တယ်လေ။ ကျွန်တော်က အီးပတ်စ်ပို့ဆိုတာကို လဲထားတာနှစ်နှစ်ပဲ ရှိသေးတာ။ အဲဒါကို ထပ်လဲရမယ်ဆိုတော့.......။ ကျွန်တော်နားမလည်လို့ သူ့ကို ထပ်မေးပါတယ်။ သူကလည်း စိတ်ရှည်လက်ရှည် ရှင်းပြပါတယ်။ တစ်အုပ်လုံး အသစ်လဲပေးမှာတဲ့။ ဒါကြောင့် ဓာတ်ပုံရိုက်ရတာပါတဲ့လေ။

ဒါနဲ့ ဓာတ်ပုံ ရိုက်ဖို့ ၀င်တန်းစီပြီး ငါးကျပ်ပေးလို့ ကျွန်တော့်ရဲ့ မလှမပပုံကို ထပ်ပြီး ဓာတ်ပုံ ရိုက်ရပါတော့တယ်။ စိတ်ထဲကတော့ သိပ်မရှင်းသေးတာနဲ့ ဓာတ်ပုံရိုက်ပေးတဲ့လူကိုပါ ထပ်မေးတော့ ဟုတ်တယ်၊ စာအုပ်တစ်အုပ်လုံး အသစ်လဲမှာလို့ ရှင်းပြရှာပါတယ်။ ဒီတော့ ကျွန်တော်လည်း ကဲ-ငါတစ်ယောက်တည်းမှ မဟုတ်တာလို့ တွေးပြီး ဓာတ်ပုံခန်းထဲက ထွက်ခဲ့ပါတော့တယ်။

အဲဒီမှာ ပြောစရာလေးတွေ ရှိတာက သံရုံးမှာ လာပြီး အခွန်ဆောင်၊ စာအုပ်လဲ စတဲ့ ကိစ္စပေါင်းစုံနဲ့ လာသူတွေပါ။ ကျွန်တော်ပြောခဲ့ပါတယ်။ မနက်အစောကြီးမှာ ကျွန်တော့်လို စောစောလာခဲ့လို့ ကျွန်တော်နဲ့ စကားလက်ဆုံကျခဲ့တဲ့ လူတစ်ယောက် ရှိပါတယ်လို့။

သူကပြောတော့ သူ့မှာ မိသားစုနဲ့ပါ။ သူ သံရုံးကိုလာတာ သူ့သူငယ်ချင်းတစ်ယောက်ရဲ့ အသိက စာအုပ် အသစ်လဲ၊ အခွန်ဆောင်မှာမို့ သူငယ်ချင်းမအားလို့ လာကူညီပေးတာလို့ ပြောပါတယ်။ အဲဒီမှာပဲ သူကူညီပေးတယ် ဆိုတဲ့ အမျိုးသမီးရောက်လာတော့ သူလည်း လုပ်စရာ ရှိတာတွေ ပြောပြနေပါတယ်။ အဲဒီ အစ်မက Home maid လုပ်တာပါတဲ့။ ခဏနေတော့ Q နံပါတ် အလှည့်ကျတာ စောင့်ရင်း ကျွန်တော် သတိထားမိလိုက်တာက သူတို့ နှစ်ယောက်ရဲ့ ရင်းနှီးမှုပါ။

မိသားစု ရှိတယ်ဆိုတဲ့ ပုဂ္ဂိုလ်ရဲ့ ကူညီမှုက အဖြူထည် သက်သက်လား၊ ဘာလားတော့ မသိပေမယ့် သူတို့ရဲ့ ရင်းနှီးမှုကတော့ သာမန်မဟုတ်ဘူး ဆိုတာ ကျွန်တော် ရိပ်မိလိုက်ပါတယ်။ အဲဒီအစ်မ ငွေလိုလည်း သူကငွေစိုက်၊ ထိုင်တော့လည်း လက်ပွန်းတတီး။ ပြီးရောပေါ့။

ဒါနဲ့ ကျွန်တော်လည်း ကျွန်တော့် မျက်စိရှေ့က မြင်နေတာတွေမှာ အာရုံက ၀င်စားနေပါတော့တယ်။ အဲဒီမှာ သတိထားမိတာက Home maid အဖြစ် လုပ်နေတဲ့ ကျွန်တော်တို့ မြန်မာမလေးတွေပါ။ တချို့က သူတို့ အိမ်ရှင်က ကားနဲ့လာပို့ပြီး သံရုံးမှာ ထားခဲ့ပါတယ်။ ကိုယ့်ဘာသာလုပ်ပေါ့။ တချို့ကျတော့ အဲဒီလို မဟုတ်ပါဘူး။ အိမ်ရှင်ပါလိုက်လာပြီး လိုက်လုပ်ပေးပါတယ်။ တန်းစီတာ၊ ငွေပေးတာ၊ အားလုံးပါ။ သူတို့အိမ်က ကလေးတွေပါ ခေါ်ချလာတာပါ။

တချို့ကျတော့ အိမ်ရှင် အမျိုးသမီးတစ်ယောက်တည်း လိုက်လာပါတယ်။ ပြီးတော့ သူတို့လို အိမ်ရှင်ချင်း တွေ့လို့ အသိတွေဆို စကားလက်ဆုံ ကျနေပါတော့တယ်။ သူတို့လို အိမ်ရှင်တွေ စကားလက်ဆုံ ကျသလို၊ သူတို့ရဲ့ Maid တွေကလည်း စကားလက်ဆုံ ကျနေပြန်ပါတယ်။ ကြည့်ရတာ သူတို့တစ်တွေ စင်ကာပူလာတုန်းက အေးဂျင့် အတူတူတွေ ပဲ ထင်ပါရဲ့။

ဘယ်လိုပဲ ဖြစ်ဖြစ် ကျွန်တော် စိတ်မကောင်းပါဘူး။ တစ်ပြည်တစ်ရွာက လာပြီး သူတို့ငွေရှာရတာ မလွယ်ဘူး ဆိုတာ အားလုံးကို သိစေချင်မိတယ်။ သူတို့ပြောနေတဲ့ အသံတွေက နားမထောင်လည်း ကြားနေရတယ်။ အိမ်ရှင်က မပြီးသေးဘူးလား ဆိုပြီး ဖုန်းတွေခေါ်နေတာ၊ ဖုန်းခေါ်လို့ ယောကျာ်းလေးသံ ကြားရင် ရည်းစားလား၊ ဘာလား တအားမေးတာ( သူတို့ကလည်း ဘယ်လို သဘောတူညီချက်၊ စည်းကမ်းတွေနဲ့ ထားလဲတော့ မသိဘူး။ သူတို့ချင်း ပြောနေတာတော့ အိမ်ထောင်ပြုတာမဟုတ်ဘူး၊ ရည်းစားထားတာတဲ့လေ၊ ဘာဖြစ်လဲတဲ့ ) ၊ တစ်မိသားစုလုံး လိုက်လာပြီး မပြီးမှာစိုးလို့ သူတို့ပါ ၀င်တန်းစီ၊ ၀ိုင်းလုပ်နဲ့ အားလုံးပြီးတော့ တစ်ပါတည်း ပြန်ခေါ်သွားတာ၊ ( မနက်ပိုင်းကိုပဲနော်၊ ညနေတစ်ခေါက်က သတ်သတ် ပြန်ခေါ်လာတာ၊ ဒါမှ အိမ်ကအလုပ်တွေပါ လုပ်လို့ရမှာပေါ့ )၊ ပြီးတော့ အိမ်ရှင် အမျိုးသမီးက သူအားမှ ပတ်စ်ပို့ သက်တမ်းတိုးရမယ် ဆိုပြီး တားထားလို့ စာအုပ်က သက်တမ်းကုန်ခါနီးနေတာကို မနည်းရှင်းပြပြီး ထွက်လာရတာ၊ စုံနေတာပါပဲ။ ဒါပေမဲ့ သူတို့တစ်တွေ တွေ့တဲ့အချိန်မှာတော့ စလိုက်နောက်လိုက်နဲ့ ပျော်နေကြတာတွေ့ပြီး ဘ၀ကို အဆင်ပြေသလို ဖြတ်သန်းနေကြပါလားလို့ သိလိုက်ရပါတယ်။

ကျွန်တော်ကတော့ ဓာတ်ပုံရိုက်ပြီး City Hall သွား၊ လုပ်စရာရှိတာလုပ်ပြီး ထမင်းစားပြီးတော့ တစ်ခေါက်ပြန်သွားပါတယ်။

နေ့ခင်းကတော့ အခွန်စဆောင်ရပါတယ်။ နာမည်နဲ့ခေါ်တာပါ။ ငွေဆောင်ပြီးရင် အခွန်ဆောင်တဲ့ စာရွက်ကို မိတ္တူဆွဲဖို့ ပြား ၂၀ လိုပါတယ်။ ကျွန်တော့်မှာ ငါးမူးစေ့ပဲ ပါလို့ ပြားနှစ်ဆယ်ပါတဲ့ ဘေးက အမျိုးသမီး တစ်ယောက်က ကူညီလို့ အဆင်ပြေသွားပါတယ်။ သူ့ကိုတော့ ကျွန်တော့်မှာရှိတဲ့ ငါးမူးပေးလိုက်ပါတယ်။ မြန်မာချင်းဆိုတော့ အဆင်ပြေပါတယ်။ အဲဒီ မိတ္တူဆွဲထားတဲ့ စာရွက်ရယ်၊ မနက်က အခွန်ဆောင်ဖို့ ငွေတွက် တုန်းက ပြန်ပေးလိုက်တဲ့ စာရွက်တွေရယ် ပေါင်းပြီး ကောင်တာ ၅ မှာ ပြန်ပြရပါတယ်။ တန်းစီရတာပါ။

အဲဒီကနေ မှန်ပြီဆိုမှ ကောင်တာ ၄ မှာ တစ်ခါ တန်းစီရပါတယ်။ အဲဒီမှာတော့ လက်ဗွေနှိပ်၊ အီလက်ထရောနစ် လက်မှတ်ထိုး၊ အားလုံးပြီးရင် စာရွက်လေးတစ်ရွက် နောက်နေ့ ပတ်စ်ပို့လာရွေးဖို့ ဆိုပြီး ထုတ်ပေးပါတယ်။ အဲဒါဆို ပြန်လို့ ရပါပြီ။ နောက်တစ်နေ့ ညနေမှ လာတော့ပေါ့။

နောက်နေ့ကျတော့ ကျွန်တော့် ငယ်သူငယ်ချင်း တစ်ယောက်က ကျွန်တော်ခွင့်ယူထားမှန်း သိလို့ သူ့ကားနဲ့ လာခေါ်ပြီး လက်ဖက်ရည်ဆိုင်ထိုင်ပြီး သံရုံးကို လိုက်ပို့ပေးပါတယ်။ ကျွန်တော်က ပတ်စ်ပို့ အသစ်လုပ်တာတွေ ပြောပြတော့ သူက တုံးမထုဘဲ စာအုပ်အသစ်လဲတာ နိုင်ငံတကာ ပုံစံလို့ ပြောပါတယ်။ စာအုပ်ရပြီး အဟောင်းပါ ပြန်ပေးတော့ အဲဒါလည်း နိုင်ငံတကာ ပုံစံတဲ့။ နံပါတ်ပါ အသစ်ပြောင်းသွားတော့ ကျွန်တော်တို့ အတွက် လေယာဉ်လက်မှတ် ၀ယ်ပြီးသားဆို နည်းနည်းတော့ ရှင်းရပါမယ်။ အဟောင်းပြန်ပြ ရမှာပါပဲ။ ဒီတစ်ခါထူးခြားချက်ကတော့ အရင် သုံးနှစ်သက်တမ်းကနေ အခု လေးနှစ်သက်တမ်း ဖြစ်သွား တာပါပဲ။ စာအုပ်ဖိုးကတော့ တစ်ရာ့ငါးဆယ်ပေးရပါတယ်။

ဘာပဲဖြစ်ဖြစ် ပြောင်းလဲလာတဲ့ ခေတ်ကြီးထဲမှာ လုပ်ထုံးလုပ်နည်းတွေ ပြောင်းလာတဲ့ မြန်မာသံရုံးကို ကျွန်တော်တို့ ကြိုဆိုရပါမယ်။ နိုင်ငံတကာ ပုံစံတွေနဲ့ တဖြည်းဖြည်း ပြောင်းလဲယူနေတဲ့ ကာလတစ်ခုမှာတော့ ကျွန်တော်တို့တစ်တွေ အားလုံးနဲ့ ရင်းနှီး ကျွမ်းဝင်အောင် လုပ်ရပါတော့မယ်။

ကျွန်တော်ကတော့ တစ်ခါသွားရင် မူတစ်မျိုး ပြောင်းသလို ဖြစ်ဖြစ်သွားတဲ့ ကျွန်တော်တို့ မြန်မာ သံရုံးကို ရှေ့ဆက် ဒီထက်ပို တိုးတက်တဲ့ ပြောင်းလဲမှုတွေနဲ့ မြင်ချင်ပါသေးတယ်။ နောက်လေးနှစ်မှာ ကျွန်တော်လည်း စင်ကာပူမှာ ရှိချင်မှ ရှိတော့မှာပါ။

စင်ကာပူမှာ ရှိရှိ၊ မရှိရှိ သေချာတာက ကျွန်တော့်ရဲ့ ပတ်စ်ပို့စာအုပ် သက်တမ်း လေးနှစ် ပြည့်သွား ရင် နောက်ထပ်မရိုးနိုင်တဲ့ ဇာတ်လမ်းလေးတွေကို ကြုံရဦးမယ်ထင်ပါတယ်။ ဘာဖြစ်လို့လဲ ဆိုတော့ ကျွန်တော်လုပ်ခဲ့တဲ့ ပတ်စ်ပို့ စာအုပ်လေးတွေတိုင်းမှာ နောက်ခံ ဇာတ်လမ်းလေးတွေ ရှိခဲ့လို့ပါပဲ။ အရင်အခေါက်တွေတုန်းက ပတ်စ်ပို့စာအုပ်အဟောင်းနဲ့ သံရုံးမှာ အိပ်ရေးပျက်၊ ချွေးထွက်အောင် တန်းစီ၊ စတဲ့ အမှတ်ရစရာလေးတွေ ရှိခဲ့ပေမယ့် ဒီတစ်ကြိမ်ကတော့ သံရုံးအပြင် နားနေဆောင်ထဲက မှတ်သားစရာလေးတွေ ကြားမြင်သိခဲ့ရတဲ့အတွက် ကျွန်တော်မေ့လို့ ရမယ်မထင်တော့ပါဘူး။

အဲဒီအတွက် ကျွန်တော်ကြုံခဲ့ရတာတွေဟာ ပတ်စ်ပို့တစ်အုပ်နဲ့အတူ မှတ်တမ်းတစ်ခုလို ရှိနေတော့မယ်လို့ ခံစားနေမိပါတော့တယ်။



ဆူးသစ်
၂၀း၀၇ နာရီ
၂၇.၁၀.၂၀၁၂


Friday, October 19, 2012

"Facebook ပေါ်က ကျွန်တော့် Status များ "(၅)


+ လွန်ခဲ့သည့်နှစ်အနည်းငယ်ခန့်က စင်ကာပူနိုင်ငံ၏အမျိုးသားနေ့မှာ သူတို့နိုင်ငံ၏ခေါင်းဆောင်က သူတို့ပြည်သူတွေကို မိန့်ခွန်းပြောသည်ကို ကြည့်ပြီး ကျွန်တော်တို့နိုင်ငံမှာ တစ်နေ့ နိုင်ငံ့ခေါင်းဆောင် တစ်ယောက်က ထိုကဲ့သို့ အင်္ဂလိပ်လိုမိန့်ခွန်းကို ပြောနိုင်ပါက နိုင်ငံတကယ်တိုးတက်လာပြီဟုပြောနိုင် လိမ့်မည်ဖြစ်ကြောင်း ကျွန်တော်နှင့်ကြုံသူတိုင်းကိုပြောပြဖြစ်သည်။ ယခု လတ်တလောမှာ ကျွန်တော် တို့  နိုင်ငံပြင်ပ၌ ဒေါ်အောင်ဆန်းစုကြည်က တွေ့ဆုံဆွေးနွေးမှု၊ မိန့်ခွန်းပြောကြားမှုတို့ဖြင့် ကမ္ဘာ့အလယ်မှာ သူသည် မည်ကဲ့သို့ သူမျိုးဖြစ်သနည်း ဆိုသည်ကို ထင်ရှားစေနေသည်။ နိုင်ငံ မတိုးတက်သေးသော်ငြား ထိုကဲ့သို့ ဦးဆောင်နိုင်မည့်သူတစ်ဦးကို နိုင်ငံတကာအလယ်မှာ ဂုဏ်ယူ စရာမြင်တွေ့ရသည်မှာ ကျွန်တော်တို့နိုင်ငံတိုးတက်လာဘိသကဲ့သို့ခံစားရပါသည်။ မြန်မာကို ကမ္ဘာက သိလာခဲ့ရပြီမဟုတ်ပါလား။( ဇွန်လ ၃ ရက်၊ ၂၀၁၂ ခုနှစ်)

+ အခုတလောဖတ်ရ၊မြင်ရသည့်သတင်းများက ကျွန်တော့်ကို ကြက်သည်းထစေသည်။ လူထုသည် သူတို့ချစ်သောခေါင်းဆောင်တစ်ယောက်၏ နောက်မှာ အမြဲရပ်နေသည့် သဘော။ ခေါင်းဆောင် သည်လည်း လူထုအတွက် ကြိုးစားပမ်းစားစွမ်းဆောင်နေ၏။ လူထုက ချစ်သောအခါ ကြိုဆိုနေပုံများက မျက်ရည်ဝဲကြည်နူးစရာကောင်းလှတော့သည်။ အပြန်အလှန် မေတ္တာတရား၏ သဘောများပင် ထင်ပါ၏။  (ဇွန်လ ၃ ရက်၊ ၂၀၁၂ ခုနှစ်)

+ မနေ့က Site ထဲကအပြန်ဘတ်စ်ကားပေါ်မှာ အိန္ဒိယလူမျိုး ကြီးကြပ်ရေးမှူးလေးက ပြောသည်။ ငါတို့နိုင်ငံက မင်းတို့နိုင်ငံကို ငွေဘယ်လောက်ပေးလိုက်တယ် ဟု သူကဆို၏။ အမှန်က သူပြောချင်သည်မှာ ချေးသည်ဟု ဆိုချင်သည့်သဘော။ သူက ဝေါဟာရကို မေ့နေသည်လား မပြောတတ်။ သို့သော် ကျွန်တော်ကတော့ ချေးသည်ဟု နားလည်လိုက်သည်။ သတင်းမဖတ်ရသေးသော ကျွန်တော့်အတွက် အလကားတော့ မပေးတန်ရာဟု တွေးမိ၍ ချေးသည်ဟုသာ ကောက်ချက်ချလိုက်၏။ သို့သော် တစ်ဖက်မှာ ပြန်တွေးတော့ လကုန်လျှင် သူ့လစာကို ကာဆီနိုမှာ သွားကစား၊ အရက်သောက်နှင့် ငွေပြတ်နေတတ်၍ ကျွန်တော်အပါအ၀င် မြန်မာကြီးကြပ်ရေးမှူးလေးများဆီက စင်ကာပူဒေါ်လာချေး ချေးနေသော သူ့ဆီက ထိုစကားမျိုးကြားရသည်မှာ ကျွန်တော့် အဖို့ တော်တော်အောင့်သက်သက်နိုင်လှ၏။ တွေးသာကြည့်ကြပါတော့။ ( ဇွန်လ ၃ ရက်၊ ၂၀၁၂ ခုနှစ်)

+ ဘူကုန်းမှာ ဗုဒ္ဓဟူးနေ့(၆.၆.၂၀၁၂)၌ Safety Day ဆိုပြီး ဘေးအန္တရာယ် ကင်းရှင်းရေး ပြပွဲများ၊ ပျော်ပွဲသဘောမျိုး ပွဲများရှိသည်။ Main Contractor က Chiyoda ဖြစ်၍ ဂျပန်က Safety Manager ဆိုသော လူများ စင်ကာပူကို လာကြသည်။ မန်နေဂျာများကလည်း ရာထူး အမျိုးမျိုးခေါင်းစဉ်တပ်ထားသော Safety Manager များဖြစ်သည်။ ထို့အပြင် Shell က Client ဖြစ်သောအခါ Shell ကလည်း သူတို့၏ Safety Manager များလာကြသည်။ လာသည်မှ Global Safety Manager ဆိုသော အကြီးဆုံးတို့၏ အကြီးဆုံး ပါပါလာသည်။ ပြောရလျှင် တကယ့် VIP များဟု ဘူကုန်းမှာ ဆိုကြသည့်သူများ ဖြစ်သည်။ သို့သော် ကျေးဇူးရှင်များက Safety Day လာသည်ဆိုပြီး သည်နေ့(၄.၆.၂၀၁၂)ကတည်းက ဘူကုန်းမှာ လျှောက်ကြည့်နေသည်။ ကျွန်တော်တို့ လုပ်ကွက်ထဲမှာ VIP လာမည်ဆိုလျှင် ယခင်ကတည်းက တော်တော်အလုပ်ရှုပ်သည်။ Housekeeping တွေလည်း လုပ်လိုက်ရသည်မှာ မပြောနှင့်တော့။ အားလုံးကို ရှုပ်နေတာပဲ ဟုဆိုရမလိုပင်။ သည်ကြားထဲ VIP များဖြစ်၍တစ်ခုခုအမြင်မတော်တာကိုတွေ့မိပါက သူတို့ပြန်သွားသည့်တိုင် ကျွန်တော်တို့လို Sub Contractor ကုမ္ပဏီများမှာ ခဏခဏ အပြောသာခံနေရတော့သည်။ သည်တော့ VIP လာမည်ဆိုလျှင်ကျွန်တော်တို့မှာ ဂရုစိုက်နေရသည်။ သည်နေ့မှာတော့ VIP များက ၀င်လာမစဲတသဲသဲဟုပင်ဆိုရမည်။ မနက်ကတည်းက လာမည်ဆိုပြီး နေ့ခင်းမှာ တစ်ဖွဲ့လာသည်။ ဒါက Chiyoda VIP။ နောက်တော့ Shell Global Safety Manager ကိုယ်တိုင်ဆင်းလာသည်။ ကျွန်တော်တို့လို Sub Contractor Safety များကတော့ ဘယ်VIP လာလာ လုပ်ကွက်ထဲဆင်းကာ ကိုယ့်လူတွေပြဿနာမဖြစ်အောင် သွားစောင့်ရှောက်ရ၍ တစ်နေကုန်နီးပါး ပင်ပန်းသည်ဟုဆိုရမည်။ ပြောရလျှင် VIPပြန်မှနားရတော့၏။ သည်လိုနှင့် VIPတွေပြန်ပြီဆိုပြီး ကျွန်တော်တို့ နားနေဆောင်လေးမှာ သွားထိုင်စဉ် စာကလေးတစ်ကောင်က ကျွန်တော်တို့တစ်တွေထိုင်နေတာကိုပင် ဂရုမစိုက်ဘဲ လူးလာခေါက်ပြန်သွားလိုက်၊ နားလိုက်နှင့် ကျွန်တော်တို့ခပ်လှမ်းလှမ်းမှာရှိနေသည်။ တစ်နေကုန် VIPနှင့်သာကြုံနေရသော ကျွန်တော့်အဖို့တော့ မည်သူ့ကိုမျှဂရုမစိုက် သွားလာနေသော အနှီစာကလေးကိုကြည့်ကာ သည်ကောင်လည်း စာကလေးVIPများလားဟု အတွေးဝင်နေမိသေးသည်။ (ဇွန်လ ၄ ရက်၊ ၂၀၁၂ ခုနှစ်)



+ သတ္တ၀ါအများဘေးကင်းကြပါစေ။ ရန်ကင်းကြပါစေ။ ဆင်းရဲခပ်သိမ်းကင်းကြပါစေ။( ဇွန်လ ၄ ရက်၊ ၂၀၁၂ ခုနှစ်)



+ ဖြစ်နိုင်ရင် အခုအချိန်မှာ Facebook ကြီးကို Refresh လုပ်ပစ်လိုက်ချင်တယ်။ ဘာဖြစ်လို့လဲလို့ မမေးနဲ့။ အားလုံးသိတယ်။( ဇွန်လ ၈ ရက်၊ ၂၀၁၂ ခုနှစ်)



ဆူးသစ်
၁၄း၂၁ နာရီ
၁၉.၁၀.၂၀၁၂


Saturday, October 13, 2012

" မနက်ဖြန် ခန္ဓာ "


မနေ့ကလိုတော့ မဟုတ်
ရုတ်တရက်ပဲ ငါ ပြောင်းလဲသွားတယ်
( ပြီးမှ..) မနက်ဖြန်တွေထဲ ၀ဲလှည့်ရင်းပေါ့။

ဘယ်သူမှ မခေါ်ဘဲ လာထားတာ
ခြေရာတွေများခဲ့ပြီ ဒီလောက
ဩကာသလောက်ကိုပဲ တရားလို့ထင်နေမလား
တစ်နှစ်ပြီးတစ်နှစ် ငါ့ကိုစားလာတာလေ။

နေရဦးမယ်
( ပြီးတော့..) ဖွေရဦးမယ်
( အဲဒီနောက်..) ထပ်ပြီး ဘ၀ရှည်ရဦးမယ်လို့
သံသရာဟောစာတမ်းတွေ ရေးချင်ရေးကြမယ်
( သေချာတာက..)
မေတ္တာတေးတွေလည်း အသစ်ကြားချင်တယ်
ချစ်စရာလေးတွေလည်း အစစ်ဖွားချင်တယ်
ညစ်စရာလေးတွေလည်း လွှင့်ပစ်ထားချင်တယ်
( မွေးနေ့ရယ်..)
မနက်ဖြန် ငါ့ခန္ဓာအသစ်ကို ရာဇ၀င်ထဲ သယ်ဆောင်ဖြစ်ချင်တယ်။            ။

သားလတ်
၁၂.၁၀.၂၀၁၂
၁၉း၂၆ နာရီ

[ STRUCTURE-01, HDS 5, BUGIS PROJECT တွင်ရေးသည်။ ]
{ ကျွန်တော့်အခင်ဆုံး သူငယ်ချင်းတစ်ယောက်၏ ၁၂.၁၀.၂၀၁၂ တွင် ကျရောက်သော မွေးနေ့အတွက် အမှတ်တရ ရေးပေးခဲ့သောကဗျာဖြစ်ပါသည်။}


                                                               

Wednesday, October 10, 2012

"ကလေးများ၏ အနာဂတ်"


တလောက ကျွန်တော့်အလုပ်ထဲကနေမြန်မာပြည်က ဇနီးသည်ဆီကို ကိစ္စတစ်ခုရှိ၍ ဖုန်းခေါ်လိုက် မိသည်။ ပြောချင်တာတွေ ပြောပြီးသောအခါ ဇနီးသည်က " ပြောစရာရှိတယ်။ စိတ်မပူနဲ့နော် " ဟု ဆိုသောအခါ ကျွန်တော် နားမလည်။ ဘာများပါလိမ့်ဟု တွေးရင်း စိတ်က နည်းနည်းတော့ပူသည်။ " ပြောလေ" ဟု ဆိုသောအခါ အိမ်က ကျွန်တော့်တူလေး ဆေးရုံတင်ထားရသည် ဟုဆိုသည်။

ကျွန်တော်အံ့ဩသွားသည်။ သည်ကလေး သည်လောက်ဆော့တာ ဘာဖြစ်လို့များပါလိမ့်ဟု စိတ်ပူစွာမေး မိသည်။ ကျွန်တော့်ဇနီးက အကြောင်းစုံကို ရှင်းပြသည်။ ဖြစ်ပုံက သည်လို။

ကလေးက စဖျားသည်။ ဖျားသည်ဆိုတော့ ရိုးရိုးအဖျားဟုထင်သည်။ သုံးလေးရက်နေတော့ နည်းနည်းပြန်ကောင်းသလို ဖြစ်သည်။ နောက်တော့ ပြန်ဖျားသည်။ ဆရာဝန်ပြတော့ ဆေးရုံတင်ခိုင်းသည်။ ကျွန်တော့်အစ်ကိုကြီး၏ အကြီးဆုံးသား ဖြစ်၍ အစ်ကိုကြီးက ဆရာဝန်နှင့်တွေ့စဉ် သူပါ ပါသောကြောင့် နောက်နေ့မှ တင်လျှင်မရနိုင်ဘူးလားဟု မေးကြည့်သည်။ ဆရာဝန်က မရပါဟု ပြော၍ ချက်ချင်းကို တင်လိုက်ရသည်တဲ့။

ညတွင်းချင်း ကိုးနာရီ လောက်မှာ ဆေးရုံတင်လိုက်ရသည်တဲ့။ ကျွန်တော့်ရင်ထဲ နင့်ခနဲ ဖြစ်သည်။ အကြောင်းက အများကြီး။

ထိုကလေးကို ကျွန်တော်တို့ ညီအစ်ကိုသုံးယောက်မှာ ပထမဆုံးအိမ်ထောင်ကျသော ကျွန်တော့် အစ်ကိုကြီးက မွေးတာဖြစ်သည်။ သည်တော့ ကျွန်တော့်မိဘများကား သားအချစ်၊မြေးအနှစ် ဆိုသည့်စကားလို မြေးဦးဖြစ်၍ အရူးအမူး ဖြစ်ကြသည်။ မြေးဦး ယောကျာ်းလေး ဖြစ်နေသည့်အခါ ပို၍ သည်းသည်းလှုပ်ကြ၏။

ကျွန်တော်လည်း ထိုနည်းလည်းကောင်း။ ကျွန်တော့်တူက မွေးခါစက ရုပ်ကိုသိပ်ဖမ်းမရ။ ပြီးတော့ မည်းမည်းကလေး။ နောက်တော့ တဖြည်းဖြည်း ဖြူလာသည်။ ကျွန်တော့်အစ်ကိုရုပ်ကို ပိုင်ဆိုင်လာသည်။ သူ၏ လှုပ်ရှားပုံလေးများက ကလေးမရှိသော ကျွန်တော်တို့အိမ်မှာ ပိုပြီး အသက်ဝင်စေသည်။ တူကလေးမှာ ထူးခြားသည်က မျက်ခုံးမွေး။ လူတိုင်းပြောသည်။ တမင်ဆွဲထားသလားတောင် ထင်ရသည်တဲ့။ ပြီးတော့ သူက တီတီတာတာနှင့် ချစ်ဖို့ကောင်းသည်။ တော်ရုံတန်ရုံ မငိုတတ်။ သူ့ဘာသာ အေးအေးနေတတ်သည့် သဘောရှိသည်။

သည်လိုနှင့် အရွယ်နည်းနည်းရတော့ နာမည်ပေးဖို့ ဖြစ်လာသည်။ သောကြာသားကို ဘယ်လိုနာမည် ပေးမလဲဟု ဆိုသည်။ ရွေးကြသည်။ အမျိုးမျိုးသော နာမည်များကြား သူ့အဖေနာမည်ပါ ပါသည့် နာမည်တစ်ခုကို ကျွန်တော်ရွေးပေးလိုက်သည်။ " သံလွင်မိုးထွဋ် "။ အားလုံး တစ်ညီတည်း လက်ခံသည်။ တစ်ညီတည်း ကြိုက်ကြသည်။

သည်လိုနှင့် ကျွန်တော်ပေးထားသော နာမည်နှင့် ကျွန်တော့်တူ သံလွင် သည်ကား လူတွေထဲမှာ အရွယ်ရောက်ခဲ့သည်။ သူ့ကို သည်နာမည် ပေးတုန်းက ကျွန်တော်နှင့် ကျွန်တော့်အစ်ကိုကြီး ကြားမှာ အဓိပ္ပါယ်များစွာရှိခဲ့သည်။ ကျွန်တော်တို့ ယူထားသော သံလွင်ကား သံလွင်ခက် သရဖူဆိုသော သံလွင်။ မြစ်မဟုတ်။ ကျွန်တော့်တူကို ကျွန်တော်တို့ အားလုံးက အောင်မြင်စေချင်သည်။ ထို့ကြောင့် သံလွင်ခက် သရဖူဆောင်းနိုင်အောင် ဟူသည့်အဓိပ္ပါယ်မျိုးနှင့် ပေးခဲ့တာ ဖြစ်သည်။

နောက်ကဆက်ပေးခဲ့သည်ကတော့ ကျွန်တော့်အစ်ကိုကြီး နာမည် တစ်စိတ်တစ်ပိုင်း။ သည်တော့ ကျွန်တော့် တူသည် " သံလွင်မိုးထွဋ် " ဆိုသော နာမည်တစ်လုံးကို ပိုင်ဆိုင်ရင်း ကျွန်တော်တို့ မိသားစု၏ ချစ်ခြင်း မေတ္တာကြားမှာ ရှင်သန်ခဲ့သည်ဟု ဆိုရမည် ဖြစ်သည်။ ကျွန်တော်ရန်ကုန်မှာ အလုပ်လုပ်နေစဉ်က အလုပ်ကပြန်လာတိုင်း သံလွင်က ကျွန်တော့်ကို ပုံပြောခိုင်းခဲ့သည်။ ကျွန်တော်အမြဲတမ်း ပုံပြင်တစ်ပုဒ်တော့ ပြောပြဖြစ်သည်။ သီချင်းဖွင့်လျှင် သူက လက်ကလေးနှစ်ဖက် မြှောက်ကာကတတ်သည်။ ဒါကို ကျွန်တော်တို့ မိသားစု အလွန်သဘောကျခဲ့ဖူးသည်။

သံလွင် ကျောင်းစတက်တော့ ကျွန်တော်က ရန်ကုန်မှာ မရှိတော့။ သို့သော် သံလွင့်အကြောင်းကို ဖုန်းဆက်တိုင်း ကြားရသည်။ ကျောင်းမှာရော၊ အိမ်မှာပါ ဆော့သည်။ စာတော်သော်ငြား စာကျက်ပျင်းသည်။ ကျွန်တော်နှင့် အမေတို့ဖုန်းပြောနေလျှင် သူ့ကိုခေါ်မေးမှ တစ်ခွန်း နှစ်ခွန်းသာ ပြော သည်။ ဦးလတ် နေကောင်းလား၊ ဘာညာ ပြောပြီး သွားဆော့နေတော့သည်။

ကျွန်တော် ရန်ကုန်ပြန်တိုင်း သံလွင့်အတွက် လက်ဆောင်များက မပါမဖြစ်။ သည်လိုချစ်သော ကျွန်တော့်တူ ဆေးရုံတက်ရသည် ဆိုသောအခါ ကျွန်တော်ဘယ်လိုနေ၍ ရပါမည်နည်း။ အလုပ်ထဲကမို့ အိမ်ကို ဖုန်းမဆက်နိုင်သော်ငြား ညနေအိမ်ပြန်ရောက်သည့် အခါ အိမ်ကိုဖုန်းခေါ်ပြီး အကျိုး အကြောင်း မေးကြည့်သည်။ ရေရေရာရာ မသိကြ။ ဖြစ်မှသာ သိသည့်သဘောမျိုး။

ထိုနေ့ကပင် ဆေးရုံကို ကျွန်တော်ဖုန်းဆက်တော့ ကျွန်တော့်မရီးနှင့် တွေ့သည်။ အစ်ကိုကြီး၏ ဇနီးမို့ ကျွန်တော်က အစ်မဟု ခေါ်၏။ အစ်မက ဖြစ်ပုံကို ရှင်းပြသည်။ ကျွန်တော်သိပြီးသားများ။ သို့သော် သံလွင်ခံစားရသည်ကို ကြားသည့်အခါ ကျွန်တော်ရင်နင့်ရ၏။ သံလွင် အစားမစားနိုင်။ အရည်လည်း မသောက်ချင်။ ထို့ကြောင့် အားဆေးတွေ ချိတ်ရတော့သည်။ လူက တော်တော်ပိန်ကျ သွားသည်ဟု ဆေးရုံကို သွားကြည့်ပြီး ပြန်လာသည့် ကျွန်တော့်ဇနီးက ပြောသည်။ အစ်မကိုတော့ အိမ်မှာ ဂရုစိုက်ဖို့မှာရသည်။ သံလွင့်အဖေ ကျွန်တော့်အစ်ကိုကိုလည်း သူ့သားကို ဂရုစိုက်ဖို့ ပြောမည် ဟု တေးထားလိုက်၏။

နောက်နေ့ဖုန်းခေါ်တော့ အဖေနှင့်ပါ ပြောရသည်။ အဖေ့လေသံက သိပ်အားရစရာမရှိ။ ကျွန်တော့်ကို သူတို့ဖုန်းကွယ် နေသလားဟုပင် စဉ်းစားမိသည်။ အဖေက တစ်ခုတော့ ပြောသည်။ သံလွင် အစားမစားဘဲ သွေးပါလိုနေ၍ လိုသောသွေးကို အစ်ကိုကြီး၏ လုပ်ဖော်ကိုင်ဖက်များထဲက တစ်ယောက်က ညကလာလှူသွားသည်တဲ့။ အစ်ကိုကြီးလည်း ငိုသည်ဟု ဆိုသည်။

ကျွန်တော်တောင် တူလေးအတွက် စိတ်မကောင်းဖြစ်တတ်သေးလျှင် ဖခင်ဖြစ်သော ကျွန်တော့်အစ်ကို မည်သို့နေမည်ဆိုသည်ကို တွေးကြည့်ရုံနှင့် သိနိုင်၏။ သွေးတောင်သွင်းရသည် ဆိုကတည်းက အစ်ကိုကြီး ငိုမှာပေါ့ဟု ကျွန်တော်တွေးသည်။

နောက်တော့ ကျွန်တော်ဆေးရုံကို ဖုန်းခေါ်ကြည့်သည်။ အစ်မနှင့်တိုးပြီး နည်းနည်းသက်သာလာသည်ဟု ဆိုသည်။ သံလွင့်ကို ဖုန်းထိုးပေးတော့ ဦးလတ်၊ သားမောလို့ စကားသိပ်မပြောနိုင်ဘူး ဟုပြောကာ သူ့အမေကို ဖုန်းပြန်ပေးသည်။ ကျွန်တော်က နေကောင်းလား မေးသည်ကိုပင် သည်လိုသာ ဖြေနိုင်သည်။ ကြားရသည်ကိုက စိတ်မကောင်းတော့။

အလုပ်တစ်ဖက်နှင့် ကျွန်တော်က နောက်နေ့တွေမှာ ဇနီးသည်ဆီက တစ်ဆင့် သံလွင့်အခြေအနေကို သိရသည်။ နောက်ထပ် သွေးတစ်ပုလင်း သွင်းပြီးချိန်မှာ သူတော်တော်ကောင်းလာပြီ ဟုသိရသည်။ တော်သေးသည်။ သည်သို့နှင့် အိမ်ကို ဖုန်းထပ်ခေါ်တော့ အဖေက သူဖုံးထားတာ တစ်ခုကို ကျွန်တော့်ကို ထုတ်ပြောသည်။ တကယ်တော့ ဆေးရုံတင်တင်ချင်းမှာ ဆရာဝန်က ၅၀-၅၀ ဟု ဆိုခဲ့သည်တဲ့။

ထိုစကားကြားတော့ ကျွန်တော့်ရင်မှာ ထိတ်ခနဲဖြစ်သွားသည်။ သို့သော် အဖေက အခုတော့ တော်တော် ပြန်ကောင်းနေပါပြီ ဟုဆို၍သာ ကျွန်တော် စိတ်နည်းနည်း အေးတော့သည်။ ဒါတောင် သံလွင် ဆေးရုံကမဆင်းခင် ညက ကျွန်တော့်အိပ်မက်ထဲမှာ သူဆုံး၍ ရှိုက်ကြီးတငင် ငိုဖြစ်ခဲ့သေးသည်။

ထိုအိပ်မက်မျိုးမက်လျှင် ကျန်းမာသည်ဟု မှတ်သားဖူးသော်လည်း ကျွန်တော့်ဇနီးနှင့် အိမ်ကို ပြောပြပြီး သံလွင်တကယ် ကောင်းမကောင်း ထပ်မေးဖြစ်သေးသည်။ ဆရာဝန်ပေါက်စ များက နောက်နေ့မှာ မေးဖြေ လုပ်ချင်၍ တစ်ရက်ထပ်နေလိုက်ရသည်က လွဲ၍ ဆေးရုံက ဆင်း၍ ရသည်ဟု ဆရာဝန်ကြီးမှ ပြောကြောင်း သိရမှသာ ကျွန်တော်စိတ်အေးတော့သည်။ သံလွင် ကျောင်းပျက်ရက် များသွားသည်ကိုတော့ နောက်မှ စာပြန်လိုက်ရတော့မည်ဟု အမေပြောသည်။

တကယ်တော့ သံလွင့်အသက် လွန်ရောကျွံရော ရှိလှမှ ခုနစ်နှစ်။ မိသားစုက ချစ်သည်။ အဘိုးအဘွားက ချစ်သည်။ ဦးလေးများက ချစ်သည်။ ဆရာမက ချစ်သည်။ စဉ်းစားကြည့်ပါဦး။ အကယ်၍ သည်ကလေး တစ်ခုခု ချွတ်ချွတ်ချော်ချော် ဖြစ်ခဲ့သော် ကျွန်တော်တို့ ဘယ်လိုဖြေမည်နည်း။ ရန်ကုန်လို နေရာ မျိုးမှာ သွေးလွန်တုတ်ကွေး ဆိုသည်က ကာကွယ်၍ရကောင်းသော အရာဟု ကျွန်တော်မြင်သည်။

ရန်ကုန်လို နေရာမျိုးမှာ ဒါမျိုးကို မကာကွယ်နိုင်လျှင်တော့ တခြားနေရာများမှာဆိုလျှင်ရော.......။ ကျွန်တော်စဉ်းစားကြည့်ပါသည်။ ကျွန်တော်တို့ တတ်နိုင်သမျှ ကလေးများအတွက် လုပ်ပေးစရာများ များစွာ ကျန်နေသေးပါလားဟု ခံစားရသည်။

သံလွင့်မှာ အနာဂတ်ရှိသည်။ သံလွင်သည် လူ့လောကထဲမှာ ဆက်လျှောက်ဖို့ နှစ်ပေါင်း များစွာ နေရဦးမည်။ သံလွင်သည် မိသားစု၏ ချစ်ခြင်း မေတ္တာကြားမှာ ရှင်သန်ရဦးမည်။ သံလွင်သည် နောင်တစ်ချိန်မှာ ကျွန်တော်တို့ မိသားစုဝင် တစ်ယောက်အဖြစ် တိုင်းပြည်တာဝန်များကို ထမ်းဆောင်ရဦးမည်။ တစ်နည်းအားဖြင့် ဆိုရလျှင် သံလွင်သည် တိုင်းပြည်အတွက် သားကောင်းတစ်ယောက် ဖြစ်လာနိုင်သည်။ ပြုစုသူ၊ ထိန်းကျောင်းသူ၊ စောင့်ရှောက်သူ ကျွန်တော်တို့ အပေါ်မှာ သူ့အနာဂတ် ရှိနေသည်။

သံလွင့်လို ကလေးများ များစွာရှိသည်။ သူတို့လည်း ထိုနည်းလည်းကောင်း။ သံလွင့်လို အနာဂတ်များကို သူတို့ ပိုင်ဆိုင်သည်။ ရောဂါအနာတရများကြားမှာ သံလွင့်လို ကလေးများစွာကို မရှင်သန်စေလို။ တိုင်းပြည်၏ အနာဂတ်အတွက် သူတို့လေးတွေ၏ ကျန်းမာရေးကောင်းပြီး ပညာရေးပါကောင်းမှ ဖြစ်မည်။ ကျန်းမာရေး မကောင်းလျှင် ဘာမျှ လုပ်၍မရ။ သံလွင်ပင် ဆေးရုံတက်နေသော ရက်များမှာ စာတွေလွတ်ကုန်သည်။

ကျွန်တော်ကတော့ သံလွင်သည်လို ဆေးရုံတက်လိုက်ရသည့် ကိစ္စနောက်မှာ တွေးစရာများ များစွာရသည်။ ကလေးများ၏ အနာဂတ်။ ဟုတ်သည်။ ကလေးများ၏ အနာဂတ်။ ထိုကလေးများ ကျန်းကျန်းမာမာနှင့် ရှင်သန်ဖို့။ ထိုကလေးများ ပညာရေး ကောင်းမွန်ဖို့။ ထိုကလေးများ စစ်ဘေးစစ်ဒဏ် ကင်းဝေးဖို့။ ထိုကလေးများ နောင်တစ်ချိန်မှာ တိုင်းပြည်တာဝန် ထမ်းနိုင်ဖို့။ အားလုံးသည်ကား ကျွန်တော်တို့လို အရွယ်ရောက်ပြီးသား လူများဆီမှာ တာဝန်ရှိနေပါရောလား။

ကျွန်တော်တို့၏ လျစ်လျူရှုမှုများသည် ထိုကလေးများ အတွက် နောင်တစ်ချိန်မှာ ဒဏ်ရာ အနာတရများ ဖြစ်ကောင်းဖြစ်သွားနိုင်သည်။ အခန့်မသင့်လျှင် ထိုကလေးဘ၀မှာပင် လူ့လောကကြီးကို စွန့်ခွာသွားရနိုင်သည်။ ထိုအခါ ကျန်ရစ်ခဲ့သော ကလေးများကလည်း သူတို့ကို ဂရုမစိုက်သော ကျွန်တော်တို့လို လူကြီးများကို ဂရုစိုက်စရာ မလိုတော့ ဆိုသည်မျိုးလည်း ဖြစ်လာနိုင်သည်။

မည်သို့ပင်ဖြစ်စေ ကျွန်တော့်တူလေး၏ ဖြစ်စဉ်မှ ရလိုက်သော အတွေးများမှ တစ်ဆင့် ကလေးများ၏ အနာဂတ်အတွက် လူတိုင်းလူတိုင်းမှာ တာဝန်ရှိသည်ကို သေသေချာချာ သိလိုက်ရသည်ဟု ကျွန်တော် ဆိုချင်ပါတော့သည်။         ။

ဆူးသစ်
၉.၁၀.၂၀၁၂
၁၀း၄၇ နာရီ

Related Posts Plugin for WordPress, Blogger...