" စက်ပါဖို့လိုသည် "

ရထားတွဲတစ်တွဲမှာ
ဆွဲအားကခေါင်းတွဲမှာရှိတယ်။
ခေါင်းတွဲမရှိတဲ့ရထား
ဘယ်လိုသွားမလဲ။

ခေါင်းတွဲထဲမှာ
လိုအပ်တဲ့စက်အပေါင်းနဲ့
တဂျောင်းဂျောင်းပြေးလို့
နှေးမလား၊မြန်မလားပေါ့။

သွားရမယ့်ဘူတာတစ်ခု
ခေါင်းတွဲကိုအားပြုလို့
အများစုလိုက်ကြတယ်နော်။

ဒီလိုပါပဲ
အိမ်ထောင်စုဆိုတဲ့တွဲတစ်တွဲမှာ
ဆွဲအားကမိဘဆိုတဲ့ခေါင်းတွဲမှာရှိတယ်။

မျှော်မှန်းတဲ့အနာဂတ်ဘူတာတစ်ခုကိုသွားဖို့
သားသမီးဆိုတဲ့တွဲတွေ
မိဘခေါင်းတွဲကိုခိုလိုက်လို့
လိုအပ်တဲ့ဘူတာတစ်ခုချင်းဆိုက်ခဲ့မှာပါ။

မိဘဆိုတဲ့ခေါင်းတွဲထဲမှာလည်း
ရုန်းကန်ခြင်းဆိုတဲ့စက်အပေါင်းနဲ့
တဂျောင်းဂျောင်းပြေးလို့
ရှေ့ရေးအတွက်အေးအေးသာလိုက်ခဲ့ကြတယ်မဟုတ်လား။

ဒါပေမယ့်မထင်မှတ်ပဲ
ခေါင်းတွဲကြီးရုတ်တရက်ပြုတ်ခဲ့ရင်
လမ်းခုလပ် ငုတ်တုတ်ကျန်တဲ့တွဲတွေ
ကဲ....ဘယ်လိုရှေ့ဆက်မလဲ။

ဆွေမျိုးဆိုတဲ့လူတစ်စုတွန်းအားနဲ့
ရထားတွဲတွေသွားပါ့မလား။

ဒီလိုဆို...ရထားတွဲရဲ့
တွဲတိုင်းတွဲတိုင်းမှာ
စက်ပါဖို့တော့လိုမယ်ထင်တယ်။ ။

သားလတ်

(၁၉၉၄ခုနှစ်-ဇန်န၀ါရီလ၊ ရတနာသစ်မဂ္ဂဇင်း)
[ ပြန်လည်ခံစားခြင်းဖြစ်ပါသည် ]