" တစ်ခါတစ်ခါ အပန်းပြေစရာ "

တစ်ခါတစ်ခါတော့လည်း လုပ်ကွက်ထဲမှာ အလုပ်လုပ်ရင်း စိတ်ရှုပ်စရာတွေများခဲ့သည့် နေ့တွေ အများကြီး ရှိခဲ့သည်။ မျက်စိဒေါက်ထောက်ကြည့် စောင့်ရှောက်နေသည့်ကြားက အလုပ်သမားလေးတစ်ယောက် ကျွန်တော်လုပ်ကွက်ထဲ မရှိသည့်အချိန်မှာ လက်ထိသွားခဲ့သည်။ ဘေးအန္တရာယ် ကင်းရှင်းရေး ၀န်ထမ်း ၃ ဦးရှိ၍ တစ်ဦးပြီးတစ်ဦး လှည့်ပတ်ကြည့်နေသည့်ကြားက သည်လိုကိစ္စမျိုးက ရှိလာ၍ စိတ်က နည်းနည်းတော့ ညစ်မိသည်။

မတော်တဆထိခိုက်မှု တစ်ခါဖြစ်ပြီဆိုသောအခါ ထုံးစံအတိုင်း Main Contractor နှင့် Client က မျက်စိ ဒေါက်ထောက် မကြည့်ရုံတစ်မည် လိုက်စစ်နေသောအခါ စိတ်ကပိုရှုပ်လာ၏။ ထိုကြားကပင် အလုပ်ထဲမှာ စိတ်ပေါ့ပါး သက်သာစရာများ ရသည့်အခါ ကျေနပ်ကြည်နူးစွာ ရယ်မောဖြစ်ခဲ့သေး၏။ တခြားတော့ မဟုတ်။ ကျွန်တော်တို့အလုပ်ထဲက ရယ်စရာ အဖြစ်လေးများပါ။

ပထမတစ်ခုက သည်လို။ ကျွန်တော်နှင့် အတူ ဘေးကင်းရေးဝန်ထမ်း နောက်ထပ် နှစ်ယောက်ရှိသည်။ တစ်ယောက်က စလုံး မလေး၊ နောက်တစ်ယောက်က စလုံးတရုတ်။ တစ်ရက်မှာ စလုံးမလေးက လုပ်ကွက်ထဲပတ်နေစဉ် မြန်မာ အလုပ်သမားလေး တစ်ယောက်ထိုင်နေတာတွေ့သည်။ အလုပ်လုပ်ချိန်မှာ ထိုင်နေသည်က ဘေးကင်းရေး ၀န်ထမ်းများ အလုပ်မဟုတ်။ သို့သော် Client က ပတ်နေသောအခါ မလေး ကလည်း သူ၏ လုပ်ကိုင်နိုင်စွမ်းကို ပြချင်၍ Client Safety ပတ်နေသည်ကို တွေ့ပြီး ထိုင်နေသော အလုပ်သမား ကောင်လေးကို မေးခွန်းတွေ ထုတ်ပါတော့သည်။ Client Safety လည်း ဖြတ်သွားလျှင် နားထောင်၍ ရနိုင်သည်မဟုတ်လား။

မလေး က မေးပါသည်။ အလုပ်သမားလေးက ဖြေပါသည်။ ကြည့်ပါ။

" မင်းဘာလုပ်နေလဲ"

" တခြားလူတွေ မလာသေးလို့ စောင့်နေတာ။ သူတို့ ပစ္စည်းသွားသယ်တယ်"

" မင်းဘာလုပ်ရမှာလဲ"

" Support တွေ တပ်ရမှာ"

" ဒါဆို ဘယ်လို အန္တရာယ်တွေ ဖြစ်နိုင်လဲ"

တကယ်တော့ အလုပ်သမားလေးက အင်္ဂလိပ်လို သိပ်ပြောတတ်တာမဟုတ်။ စင်ကာပူမှာ အနေကြာ၍သာ နည်းနည်းပြောတတ်တာ ဖြစ်သည်။ သူဖြေပုံကို ကြည့်ပါ။

" Hand Engineering , Finger Engineering, Foot Engineering "

အလုပ်သမားလေး၏ အဖြေကို ကြားရသော မလေး Safety မှာ ဘေးကို လှည့်ကြည့်ပြီး Client Safety မရှိမှ သက်ပြင်းချပါတော့သည်။ ဖြေလိုက်သည်က မှန်သလိုနှင့် ဟုတ်မှ မဟုတ်တာ။ ပြီးတော့ မလေး က ရယ်ပါတော့သည်။

နောက်တော့ ကျွန်တော်နှင့်တွေ့ပြီး Shelter မှာ ရှင်းပြပါသည်။ သူပြောတာနားထောင်ပြီး ကျွန်တော့်မှာ ရယ်လိုက်ရသည်မှာ မပြောပါနှင့်တော့။ ဒဏ်ရာအနာတရကို Injury အင်ဂျူရီ ဟု ပြောသည်ကို မှတ်ထားပြီး သူတို့အဆင်ပြေသလို ပြောလိုက်သည်က Engineering အင်ဂျင်းနီးယားရင်း တဲ့။

စင်ကာပူက ကုမ္ပဏီတွေမှာ ရှေ့က နာမည်နောက်မှာ Engineering ပါတတ်ရာ ကျွန်တော်တို့မှာ စင်ကာပူမှာ တစ်ခါမျှ မကြားဖူးသော ကုမ္ပဏီအသစ်နာမည်များကို ကြားရသကဲ့သို့ပင်။ နောက်တော့ သူ့သူငယ်ချင်းများကပါ ကျွန်တော်တို့ပြောသည်ကို ပြန်ကြားပြီး ထိုအလုပ်သမားလေးကို စကြပါတော့သည်။ အလုပ်ထဲမှာကတော့ ထိုသို့ဖြစ်စဉ်များက မနည်းတော့ပြီမို့ ထိုအလုပ်သမားလေး ခမျာလည်း စသည်ကို စိတ်မဆိုးဘဲ ရယ်သာနေပါတော့သည်။ ကျွန်တော်တို့လည်း စိတ်ရှုပ်စရာတွေ များနေသည့်ကြားမှ ရယ်မောမိခဲ့ကြပါသေးသည်။

" Hand Engineering , Finger Engineering, Foot Engineering " တဲ့လေ။

xxxxxxxxxxxxxxxxx

နောက်တစ်ခုက မနက်ခင်းတစ်ခုမှာ ဖြစ်သည်။ ကျွန်တော်တို့အားလုံး ဘူကုန်းကိုသွားလျှင် ဘုတ်ဟုခေါ်ကြသည့် ဖယ်ရီစီးရသည်။ ဘူကုန်းဘက်ရောက်လျှင် ရုံးကိုဝင် ယူနီဖောင်းလဲရသည်။ သည်တော့ ရုံးမှာ အရင်နေ့က ယူနီဖောင်းတွေကို သည်အတိုင်း ချွတ်ထားခဲ့မြဲ။ အလုပ်သမားတွေက ယူနီဖောင်းလဲသည့် နေရာမှာ လဲသော်ငြား ကြီးကြပ်ရေးမှူးအဆင့်နှင့် အထက်တွေက ရုံးထဲမှာ လဲကြသည်။

ထိုနေ့က ရုံးရောက်တော့ ကျွန်တော်တို့ ယူနီဖောင်းလဲနေစဉ်မှာ အသံတစ်သံကြားရသည်။

" ငါ့ဘောင်းဘီ ဘယ်သူယူသွားလဲ" တဲ့။ လှည့်ကြည့်တော့ တရုတ် အင်ဂျင်နီယာ ကောင်လေးသည် မျက်နှာ ငယ်လေးနှင့် လှမ်းမေးနေသည်။ သူ့ကို သေသေချာချာ ကြည့်တော့ အောက်ခံ ဘောင်းဘီ အတိုလေးနှင့်။ ကျန်သူတွေ ကြည့်တော့ လုံးဝမသိ။ ရုံးထဲကို အလုပ်သမားလေးတွေ မ၀င်။ မနက်ဘက်ဆို သော့တွေက ကျွန်တော်တို့ဆီမှာသာ ရှိသည်။ ကျွန်တော်တို့ တံခါးဖွင့်ပြီးမှသာ သူတို့ဝင်၍ ရသည်။ သည်တော့ မနေ့ကတည်းက ပျောက်သည်လား။ ဒါလည်း မဖြစ်နိုင်။ ကျွန်တော်တို့က ပြန်မှ ယူနီဖောင်း လဲတာ ဖြစ်သည်။ ပြန်လျှင်လည်း သော့က ခတ်ပြီ။ ညဘက် သူခိုးခိုးတာတော့ မဟုတ်နိုင်။ သည်ယူနီဖောင်းကို ရွေး၍ ခိုးရအောင်လည်း သူ့ယူနီဖောင်းက ထူး၍ ဈေးကြီးနေတာ မဟုတ်။

ဖြစ်နိုင်သည်က လုပ်ကွက်ထဲကို စောထွက်သွားသည့် ကြီးကြပ်ရေးမှူးတစ်ယောက်ယောက် မှားဝတ် သွားတာပဲ ဖြစ်မည်။ သို့သော် ကျန်ခဲ့သည်က သူ့ဘောင်းဘီမဟုတ်သောအခါ သူမ၀တ်ချင်။ မ၀တ်ချင်တာက ပြဿနာ မဟုတ်သော်ငြား ရုံးခန်းထဲမှာ အောက်ခံဘောင်းဘီ တိုလေးနှင့် လျှောက်သွားနေသော သူ့ကို ကြည့်ရတာ စောစောစီးစီး ကျွန်တော်တို့မှာ ရယ်နေရတော့သည်။ သူ့မျက်နှာက ပျာယာခတ်နေသည့်ပုံ ပေါက်နေပြီး သူ့အောက်ပိုင်းက အောက်ခံဘောင်းဘီတိုလေး ၀တ်ထားသောအခါ မြင်သမျှလူက ရယ်ကြလေတော့သည်။ နောက်တော့ လုပ်ကွက်ထဲသွားမည့် ဘတ်စ်ကားမမီမှာ စိုး၍ သူ့မှာ ရုံးက ယူနီဖောင်း အသစ်ကို ယူကာ ၀တ်လိုက်ရတော့သည်။

ဒါလောက်နှင့်ဆို သိပ်သဘောကျစရာ မဟုတ်သေး။ နေ့လယ်ကျတော့ သူ့ကံက ဆက်ပြန်သည်။ အားလုံး ထမင်းကိုယ်စီ ယူပြီးချိန်မှာ သူ့အတွက် ထမင်းဘူး ပျောက်ပြန်ပါလေသည်။ ကျန်သူများက မသိသော်လည်း မနက်စောစော ယူနီဖောင်း ဘောင်းဘီပျောက်ထားသော သူ့အကြောင်းကို သိသည့် ကျွန်တော်တို့မှာ သည်တစ်ခါလည်း ထပ်၍ အားရပါးရ ရယ်ကြပြန်သည်။ သူကား စိတ်မဆိုး။ နောက်ဆုံး ထမင်းသွားဝယ်စားလိုက် ရတော့သည်။

တစ်ရက်တည်းနှင့် ပျောက်ချင်းမလှ ပျောက်နေသော ကိုပျောက်ကြီးပါတကား။

xxxxxxxxxxxxxxxxxxxxxx

နောက်တစ်ခုကျတော့ Client နှင့် Main Contractor က စလိုက်သည့် Bingo ဆိုသော ကတ်များနှင့် ဆိုင်သည်။ ထိုကတ်ကလေးများက စတစ်ကာ ကပ်၍ရသည်။ ဘေးကင်းစွာလုပ်နိုင်သော အလုပ်သမားလေးများကို ထိုကတ်များထဲမှာ Main Contractor နှင့် Client များမှ စတစ်ကာလေးများ ကပ်ပေးသည်။ စတစ်ကာ ငါးခုဆို ၁၀ ဒေါ်လာ၊ ၁၀ ခုဆို ဒေါ်လာ ၃၀၊ စသည်ဖြင့် စတစ်ကာ များလျှင် များသလို ဒေါ်လာပိုရသည်။ နောက်ဆုံး အဆင့်က ဒေါ်လာ ၄၀၀။ ကျွန်တော်တို့ ရည်ရွယ်ချက်က အလုပ်သမားလေးများ ဘေးကင်းစွာ ပိုလုပ်နိုင်ဖို့။

သည်တော့ အလုပ်သမားလေးများက ပိုလိုချင်ကြသည်။ ဘေးကင်းဖို့ ကြိုးစားကြသည်။ တစ်ဖက်မှာ စတစ်ကာ ကိုင်ထားသော ၀န်ထမ်းများကလည်း လုပ်ကွက်ထဲပတ်ကြည့်ရင်း အလုပ်သမားလေးများကို သိလိုသည်များ မေးလေ့ရှိသည်။ မေးသည်ကို မှန်စွာ ဖြေနိုင်လျှင် စတစ်ကာပေးသည်။

တစ်ခါတော့ Main Contractor Safety ဘင်္ဂလားဒေ့ရ်ှတစ်ယောက်က ကျွန်တော်တို့ ကုမ္ပဏီက အလုပ်သမားလေးတွေနား သွား၍ မေးသည်။ သူကလည်း စတစ်ကာ ပေးချင်သောကြောင့်ပါ။

သူမေးသည်က ကျွန်တော်တို့ Client ၏ Three Golden Rules ။ ဘာတွေလဲဆိုလျှင် Comply, Intervene, Respect ဆိုသော လိုက်နာ၊ ကြားဝင်၊ လေးစား ဆိုသော သုံးချက်။ ဘေးကင်းရေးစည်းမျဉ်းများကို လိုက်နာ၊ ဘေးမကင်းသော အပြုအမူနှင့် အခြေအနေများတွေ့လျှင် ကြားဝင် နှောင့်ယှက်(ပြောပြ)၊ ဘေးမှာ ရှိနေသော အခြား အလုပ်လုပ်သူများကိုလည်း လေးစား စသော အချက်များပင်။

သို့သော်အားလုံး သိသည့်အတိုင်း အကုန်လုံးက အင်္ဂလိပ်လိုသာ မှတ်ကြရသည်။ သည်သို့ဖြင့် အလုပ်သမားလေးတွေလည်း မှတ်ထားကြပုံ ရ၏။ ဘကုန်းက မေးပါသည်။ Three Golden Rules ကို ပြောပြပါတဲ့။

ကျွန်တော်တို့ ကုမ္ပဏီက အိန္ဒိယ အလုပ်သမားတစ်ယောက်က ပိုင်ပြီဆိုပြီး အားရပါးရ ဖြေပါသည်။ Complaint, Interview, Respect တဲ့။ သေရော။ Client သာ ကြားလျှင် တက်သေနိုင်သည်။ ကြည့်ဦးလေ။ စင်ကာပူမှာ နေတာကြာ၍လား မဆိုနိုင်။ Comply လို့မဖြေ။ Complaint တဲ့။ အားလျှင် စောဒက တက်နေသော စလုံးများကို သေသေချာချာ လေ့လာထားသည့်ပုံ။

နောက်တစ်ခုက ကြည့်ဦး။ ကြားဝင်နှောင့်ယှက်ပါ ဆိုသည်ကို အင်တာဗျူးတောင် လုပ်နေသေးသည်။ နောက်ဆုံးတစ်ခုကတော့ မှန်နေသေးသည်။ သို့သော် ဘင်္ဂလား ဘေးကင်းရေး ၀န်ထမ်းကား မျက်နှာကြီး ရှုံ့မဲ့နေလေတော့သည်။ မှန်မှ မမှန်တာ။ Main Contractor ဆိုသည်က  Sub-Contractor အပေါ်မှာ မျှော်လင့်ထားပုံ ရသည်။ အထူးသဖြင့် အလုပ်သမားလေးတွေကို ဘေးကင်းရေး သိစေချင်သည်။ အခုတော့ ကိုယ့်လူတွေကလည်း လုပ်လိုက်မှဖြင့် တည့်တည့်ကြီးပင်။

သူတို့ဖြေမှပင် Client လည်း သူတို့၏ ရွှေရောင်စည်းမျဉ်းဆိုသည်ကြီးကို ပြောင်းရတော့မလိုပင်။ အလုပ်သမား ဖြေသည်က Client ကို မကျေနပ်လျှင် Complaint တက်။ လုပ်မပေးလျှင် အင်တာဗျူး။ ဘာကြောင့်လုပ်မပေးလဲ ဆိုသည်ကို မေး။ လုပ်ပေးလျှင်တော့ လေးစားပေါ့။ သည်လို အဓိပ္ပါယ် ထွက်နေသည်။ ကျွန်တော်က သည်လို ဖြစ်နေပါလားဟု အခြားသော ကြီးကြပ်ရေးမှူးများကို ရှင်းပြသောအခါ အားလုံးက ရယ်ကြသည်။ ကျွန်တော်တို့လို ဘေးကင်းရေး ၀န်ထမ်းများကား ပြောပြောပြီး ရယ်ကြလေ၏။

ပိုဆိုးသည်က ထိုအလုပ်သမားသည် သူဖြေသည်ကို မှန်သည်ဟု ထင်ကာ သူ့ကို ရယ်ရပါ့မလား ဟု ဒေါနှင့်မောနှင့် စိတ်ဆိုးနေခြင်းပင်။ သူက စတစ်ကာ ရတော့မည်ဟု လုံးဝ ကျိန်းသေ တွက်ထားခြင်းပင်။ သို့သော် Main Contractor Safety က မကျေနပ်။ ကျန်သော နီးစပ်ရာ အလုပ်သမားလေးတွေ ခေါ်မေးတော့လည်း လုံးဝမသိ။ တချို့ဆို သွားတွေအားလုံး ပေါ်အောင် ပြုံးပြသွားသည်။ သည်တော့ Main Contractor Safety က လုံးဝ မကျေနပ်။ သည်ကြားထဲ ခုန အိန္ဒိယ အလုပ်သမားက သူမှန်တယ်ချည်းသာ လုပ်နေရာ ကျွန်တော်တို့မှာ ရယ်သာနေရတော့သည်။

နောက်ဆုံး Main Contractor Safety က သနားပြီး စတစ်ကာ တစ်ခု ထုတ်ပေးခဲ့တော့သည်။ ဒါတောင် ကျွန်တော်တို့၏ အလုပ်သမားက သိပ်အစာမကြေ။ သူမှန်တာကိုပင် ကျွန်တော်တို့ကပဲ မှားနေသလိုလို ထင်နေ၍ ထပ်ရယ်နေရတော့သည်။

သည်လိုမျိုးတွေ ကြုံရသည့်အခါတွင်တော့ အလုပ်ထဲမှာ ပြဿနာများ ရှုပ်နေ၍ စိတ်ညစ်ညူးနေသမျှ တစ်ခါတစ်ခါတော့လည်း ရယ်မော၍ အပန်းပြေခဲ့ရသည်ဟု ထင်မိနေပါသေးသည်။    ။

သားလတ်

၂၂း ၂၈ နာရီ

၂၀.၅.၂၀၁၂