" သက်သတ်လွတ်စားတဲ့ကျား "

တစ်ခါတုန်းကကျားတစ်ကောင်မျက်စိလည်လမ်းမှားပြီးမြန်မာပြည်နယ်စပ်ကိုရောက်လာသတဲ့။ဖြစ်ချင်တော့ ကျားလောကမှာသတင်းတစ်ခုထွက်နေ တယ်။

တလောကပဲကျားတစ်ကောင်သေနတ်ပစ်ခံရပြီးသေသွားတယ်။ဒါပေမဲ့မြန်မာပြည်ကလူတွေဟာအင်မတန် သနားကြင်နာတတ်ပြီးကျားကိုတောင်မသတ်ဖို့ပြောဆိုနေသံတွေFacebookပေါ်မှာသတင်းထွက်နေတဲ့ဆိုတဲ့ အကြောင်းပါ။

ဒီတော့အဲဒီကျားကသူတို့အချင်းချင်းမေးရတယ်။တကယ်လားပေါ့။သူ့ မိတ်ဆွေကျားတောင်သေသွားပြီ။လူတွေကသူတို့ကျားတွေဟာရှားပါး မျိုးရိုးတွေမို့အခုအချိန်မှာသတ်ဖို့ထက်မေ့ဆေးပေးပြီးဖမ်းသင့်တယ် လို့ပြောနေတာဟုတ်ပါ့မလားပေါ့။ကျားအချင်းချင်းကလည်းပြန်ဖြေပါတယ်။သိချင်ရင် Facebookဖတ်တဲ့။

ဒါနဲ့အဲဒီကျားကသူတို့ဋ္ဌာနချုပ်ကိုလှမ်းမေးပြီးAccountဖွင့်ခိုင်းတယ်။ဋ္ဌာနချုပ်ကသူ့ကိုစာပြန်တယ်။

" မင်းကြားဖူးတယ်မဟုတ်လား။သေချင်တဲ့ကျားတောပြောင်းဆိုတာ။အေး-အဲဒါလူတွေပြောတာ။ မင်းလည်းသေချင်လို့လား။ငါတို့ကျားလောက မှာတော့သေချင်တဲ့ကျားFacebookသုံးလို့ဆိုကြတယ်။ အဲဒီFacebookဆိုတာကြီးထဲမှာမဟုတ်တမ်းတရားတွေများတယ်။ထင်ရာမြင်ရာတွေရေးတယ်။အင်ထုတယ်။ တူရာတူရာပင်းတယ်။သူတို့အချင်းချင်းပြောတာတော့ ဘာမတယ်ဆိုလား။ငါတို့တော့နားမလည်ဘူး။ ဒီတော့အဲဒါကြီးကလူတွေသုံးတာ။ငါတို့နဲ့မအပ်စပ်ဘူး။တကယ်လို့မင်းဆန္ဒရှိရင်တော့Accountဖွင့်ပေး မယ်။ကတိတစ်ခုပေးရမယ်။မင်းဟာအဲဒီAccountရတဲ့နေ့ကစပြီးငါတို့ကျားလောကရဲ့ကောင်းကြောင်း ကိုပဲရေးရမယ်။ငါတို့ကျားတွေဟာလူသား မစားကြောင်းမင်းပြောရမယ်။ငါတို့ကိုအသေမသတ် သင့်ဘူး။မေ့ဆေးပေးပြီးဖမ်းရင်မျိုးရိုးထိန်းသိမ်းရာရောက်လို့ငါတို့ကိုအရှင်ဖမ်းမယ်ဆို အသာတကြည်လက်ခံတတ်တဲ့သဘောရှိတယ်ဆိုတဲ့ဝါဒကိုများများဖြန့်ရမယ်။ကျားဝါဒပေါ့ကွာ။ တစ်နည်းအားဖြင့်ကျားတို့၏မာယာလို့လည်းပြောလို့ရ တယ်။အဲဒါတွေကိုမင်းလက်ခံမယ်ဆိုရင် မင်းအတွက်Accountတစ်ခုဖွင့်ပေးမယ်။အဲဒီကတိနဲ့အလုပ်လုပ်နေတဲ့ကျားလောကကAccountတွေရှိတယ်။ အဲဒီကောင်တွေကိုမင်းသိစရာမလိုဘူး။သူတို့ဟာငါတို့ဋ္ဌာနချုပ်ကလုပ်သမျှဘာမှမသိလည်းအားလုံးထောက် ခံနေတဲ့ကောင်တွေ။သူတို့ကိုသိပ်မြန်မြန်ရှာစရာလည်းမလိုဘူး။အခုလူတွေပြောနေတဲ့ဆီသည်ဆိုလားစီလီ ဆိုလားဖြစ်နေပြီ။မင်းမသုံးတတ်ရင်သူတို့ဘာရေးလဲကြည့်ပြီးမှီးပြီးလိုက်ရေး။ မင်းနောက်မှာငါတို့ရှိတယ်။တစ်ခုခုဖြစ်ရင်မင်းကိုငါတို့လိုက်ရှာမယ်"

ဒီတော့Facebookသုံးချင်တဲ့ကျားလည်းတွေဝေသွားတယ်။ဒါပေမဲ့လူတွေရဲ့သတင်းအချက်အလက်ကို လိုက်ဖို့ကဒီတစ်နည်းပဲရှိတော့သုံးမယ်ဆိုပြီးလက်ခံလိုက်တယ်။ဋ္ဌာနချုပ်ကFacebookသုံးနည်းစာရွက် စာတမ်းတွေပို့တယ်။အနီးဆုံးဋ္ဌာနကနေဖုန်းတစ်လုံးနဲ့လက်ပ်တော့ပ်တစ်လုံးလာယူခိုင်းတယ်။
သူ့Accountကိုဋ္ဌာနချုပ်ကရွေးပေးတယ်။

"သက်သတ်လွတ်"တဲ့။

တော်တော်လေးမိုက်တယ်။Accountဖွင့်တဲ့နေ့ကတည်းကသူဟာအသားမစားသူပါလို့တင်လိုက်တာ လာAddတာတစ်ရာကျော်တယ်။
တဖြည်းဖြည်းနဲ့Friend Listထဲမှာလူတွေများလာတော့သတင်းတွေ လိုက်ကြည့်တာနောက်ဆုံးသူ့မိတ်ဆွေနာရေးကိုဖတ်လိုက်ရတယ်။

လူတွေဟာတော်တော်ခက်လွန်းတယ်လို့တွေးတယ်။သူ့မိတ်ဆွေအသားရှာမလို့ထွက်တုန်းလူနှစ်ယောက် ငါးဖော်နေတာတွေ့လို့စားမလို့လုပ်တယ်။အဲဒီလူနှစ်ယောက်လွတ်သွားတယ်။လူစုပြီးသူ့မိတ်ဆွေကိုပြန်လာ ရှာတယ်။ ပြီးတော့သတ်ပစ်လိုက်တယ်။ဒါဟာသူတို့ကျားလောကရဲ့ထူးဆန်းတဲ့ကိစ္စတော့မဟုတ်ဘူး။

သူတို့ဟာသားကောင်ရှာမယ်။ဒီလိုပဲတစ်ချိန်မှာသူတို့ဟာသားကောင်ဖြစ် မယ်။မုဆိုးနဲ့တွေ့ ရင်တွေ့မယ်။တောဆင်ရိုင်းတွေ၊တောဝက်တွေ၊၀က်ဝံတွေ၊မြွေတွေနဲ့တွေ့မယ်။အဲဒီအခါသူတို့ ခံရတဲ့အလှည့်တွေအများကြီးပဲ။

ထူးဆန်းတာကသူ့မိတ်ဆွေကိုသတ်ပြီးရွာမှာကျကျနနပြထားတယ်။အရေခွံခွာတယ်။Facebookတင်တယ်။ စမိပြီဆိုကတည်းကသနားလိုက်တဲ့လူတွေ။ကြင်နာတတ်ကြတယ်။ရှားပါးမျုိးရိုးမို့မသတ်သင့်တဲ့အကြောင်း ကမ္ဘာနဲ့ ချီပြီးပြောတယ်။မေ့ဆေးနဲ့ပစ်သင့်တယ်ဆိုတဲ့အကြောင်းပြောတယ်။ တချို့ကလည်းလူ့အသက်နဲ့မေ့ဆေး။အဲဒီအချိန်ဘယ်လိုလုပ်မလဲပြောတယ်။စုံနေတာပါပဲ။

ပိုပြီးထူးဆန်းတာကအင်ထုတဲ့သတင်းလို့ပြောရမယ့်ကလေးတစ်ယောက်ကိုသူ့မိတ်ဆွေကျားက ၀င်ပူးတယ်ဆိုပြီးကျားအတွက်နေရာတောင်းတယ်တဲ့။ဒီလူတွေသူ့မိတ်ဆွေကျားကိုခုတုံးလုပ်ပြီလို့ သိလိုက်တယ်။

ဘာပဲဖြစ်ဖြစ်လူတွေရဲ့သဘောကိုသေသေချာချာသိပြီမို့လူတွေနဲ့အနီးဆုံးကိုသွားဖို့သူဆုံးဖြတ်လိုက်တယ်။

ဒီလိုနဲ့ရွာတစ်ရွာအနားမှာသားကောင်လေးတွေရလိုရငြားရှာကြည့်တယ်။ဋ္ဌာနချုပ်ကသတင်းရောက်လာတယ်။ "တံတားတွေနားမှာအပေါ့မသွားရ"တဲ့။ကျားနားမလည်ဖြစ်သွားတယ်။အပေါ့မသွားရဆိုတဲ့အမိန့်ကိုလွန်ဆန်ရင် ဋ္ဌာနပြန်ရောက်ရင်ငယ်ပါကိုအဖြတ်ခံရမယ်တဲ့။စတွန့်သွားတယ်။စမုံတုံးမယ့်ကိန်းဆိုတော့ဒီညွှန်ကြားချက်ကို အတိအကျလိုက်နာပါမယ်လို့ပြန်လိုက်တယ်။နောက်မှတခြားဘော်ဒါတွေဆီမေးကြည့်တော့တံတားတွေ ပျက်တာ ဆီးကြောင့်လို့လူတွေသံသယ၀င်နေတာကိုကျားကြောင့်အထင်မခံနိုင်လို့
တဲ့။ရှင်းသွားတယ်။ကျားတွေရဲ့ဂုဏ်သိက္ခာကျမယ့်ကိစ္စသူဘယ်တော့မှမလုပ်ဘူး။

ဖြစ်ချင်တော့ရွာကနေလမ်းမှားရောက်လာတဲ့လူနှစ်ယောက်နဲ့တောအုပ်အလယ်မှာဆုံတယ်။ သူ့ကိုလည်းမြင်ရောသူတို့မှာပါတဲ့လက်နက်တွေထုတ် တယ်။သေသေချာချာကြည့်တော့ တစ်ယောက်ကသေနတ်၊တစ်ယောက်ကဖုန်းကိုင်ထားတယ်။

" ငါတို့ကိုစားတော့မယ်။မင်းပစ်မလား"

သူတို့ချင်းကြည့်ပြီးလူနှစ်ယောက်ပြောတယ်။ကျားကနားမလည်ဘူးလို့ထင်ပုံရတယ်။Google Translate မှာသူတို့ဘာသာစကားကိုလေ့လာထားတာ အဲဒီလူတွေမသိဘူး။မတိကျပေမယ့်အနီးစပ်ဆုံးဘာသာ
ပြန်လို့ရတယ်ဆိုတာဋ္ဌာနချုပ်ကပြောထားတာ။

ပစ်မယ်ဆိုတဲ့လူကလက်တုန်နေတယ်။ကျားကငြိမ်နေတော့ဘာလုပ်မလဲ လို့စောင့်ကြည့်နေပုံပဲ။ကျားကလည်းစဉ်းစားတယ်။ငါလည်းဗိုက်ဆာနေပြီ။ ဒီတော့နှစ်ယောက်စလုံးကိုစားမယ်။ဒါပေမဲ့သေနတ်နဲ့ကောင်
ကငါ့ကိုပစ်နိုင်တယ်။ကြံစမ်းဆိုပြီးဥာဏ်စိမ်း၊ဥာဏ်နက်တွေထုတ်တယ်။

သူတို့လောကမှာအသားစိမ်းပဲစားလို့ဥာဏ်စိမ်းလို့ခေါ်တယ်။ဥာဏ်နက်ဆိုတာတရားမ၀င်ရလာတဲ့အမဲ၊ သားကောင်မျိုးကိုတိုက်ခိုက်ဖို့စဉ်းစားရတာကိုခေါ်တာ။တမင်ချောင်းပြီးစားတာမဟုတ်ဘူးပေါ့။ဥာဏ်နီ ကျတော့ချောင်းပြီးစားတာ။ကျားဆိုတာသားကောင်ကိုချောင်းပြီးပဲစားတယ်။ဒါဟာရိုးသားတယ်။ သတ္တိရှိတဲ့လုပ်ရပ်ဖြစ်တယ်။သွေးရဲတယ်။ဒါကြောင့်ဥာဏ်နီလို့သတ်မှတ် တယ်။

အခုကသွားရင်းလာရင်းဖျတ်ခနဲတွေ့တာ။တိုက်ရတော့မယ်။ဒါကြောင့်ဥာဏ်နက်ကိုထုတ်တယ်။ဒါပေမဲ့ကျား ကံကောင်းနေတာကသေနတ်သမားဟာချိန်သာထားတယ်သူ့အခြေအနေကိုကြည့်ရင်းတွေဝေနေပုံပဲ။ဘေးက လူက လည်းပွားနေတာပါတယ်ထင်ပါရဲ့။ဟိုလူကဖုန်းကိုပွတ်နေတယ်။

"ဟေ့ကောင်။ရှားပါးမျိုး။ကျည်နဲ့ပစ်မလား။မေ့ဆေးနဲ့ပစ်မလား"

ဖုန်းထဲကအချက်တွေကြည့်ပြီးတတွတ်တွတ်ပြောနေတယ်။ဟိုလူကပြန်ပြောတယ်။

" တောထဲကိုလာတာ။မင်းကြီးဒေါ်မေ့ဆေးကပါမလား"

" ဒါဆိုသစ်တောတို့၊တောရိုင်းတိရိစ္ဆာန်ထိန်းသိမ်းရေးတို့ခေါ်မလား"

"မင်းနေခဲ့လေ။ငါသွားခေါ်လိုက်မယ်။မင်းအမေလင်ကအဲဒီပြန်ခေါ်နေတာကိုစောင့်မလား။ငါပြန်လာရင် မင်းအရိုးတောင်ဘယ်ကရှာရမှန်းမသိဖြစ်နေ မယ်"

ဖုန်းပွတ်နေတဲ့လူမျက်လုံးပြူးသွားတယ်။

"ဒါဆိုလည်းပစ်ကွာ"

ဖုန်းပွတ်တဲ့လူပြောသလိုပဲသေနတ်ကိုင်ထားတဲ့လူကမောင်းတင်တယ်။

သိလိုက်ပြီ။ဒီလူတကယ်ပစ်တော့မယ်။ဒါနဲ့ကျားတို့ရဲ့မာယာသုံးပြီး လက်ကာပြလိုက်တယ်။

" နေပါဦး။ ကျုပ်ရှင်းပြပါမယ်"

လူနှစ်ယောက်မျက်လုံးတင်မဟုတ်။အကုန်ပြူးသွားပုံရတယ်။ကျားက လူစကားပြောပါလားဆိုပြီး။

"ကျုပ်ကအသားမစားပါဘူး"

" ဘာ။ရူးကြောင်မူးကြောင်လာပြောနေတယ်။ပစ်ထည့်လိုက်ရ"

"တကယ်ပါ။ကျုပ်ရဲ့Facebook Accountမှာဝင်ကြည့်ပါ။ သက်သတ်လွတ်ဆိုတာကျုပ်Accountပါ"

ဖုန်းကိုင်ထားတဲ့လူကချက်ချင်းအလုပ်လုပ်တယ်။ပွတ်တာမှစိမ်ပြေနပြေပဲ။ ခဏနေတော့သေနတ်နဲ့လူကိုရှင်းပြတယ်။

"သူတို့ကမေ့ဆေးနဲ့ဖမ်းတာတို့၊အရှင်ဖမ်းရင်တို့ဆိုလက်ခံတယ်တဲ့။ရှားပါးမျိုးတွေပါတဲ့။တိရိစ္ဆာန်ထိန်းသိမ်းရေးတွေ၊သစ်တောထိန်းသိမ်းရေးတွေကို အကြောင်းကြားသင့်တယ်ထင်တယ်။လူသားမစားဘူးတဲ့ကွ။တော်သေး တာပေါ့"

" ဟေ့ကောင်။သောက်ရူး။ကျားကလူသားမစားဘူးရှိလား"

" ဟ-ဒီကောင့်Accountထဲမှာပြောထားတာလေ"

"ဟုတ်ပါတယ်။ကျုပ်ကလူသားမစားပါဘူး"

သေနတ်နဲ့လူနည်းနည်းတွေဝေသွားတယ်။

"ကောင်းပြီ။ဒါဆိုမင်းထွက်သွားတော့။ငါသေနတ်နဲ့ချိန်ထားမယ်။လှည့်လာ ရင်ပစ်ပြီပဲ"

ကျားလည်းနည်းနည်းတော့တွေဝေသွားတယ်။

"တစ်ခုတော့ရှိပါတယ်။ကျွန်တော့်သူငယ်ချင်းကျားသေသွားတဲ့ဖြစ်စဉ်ကို သိရင်ပြောပြပေးပါလား။ အဲဒါသိချင်လို့ဒီနားကိုလာတာပါ"

လူနှစ်ယောက်နည်းနည်းတွေဝေသွားတယ်။မင်းပြောလိုက်ဆိုပြီးဖုန်းကိုင်ထားတဲ့လူကိုမေးငေါ့ပြတယ်။ပြောတာ ကတော့သူသိထားတဲ့သတင်းတွေအတိုင်းပဲ။နောက်ဆုံးသူ့မိတ်ဆွေကိုသေသေချာချာသင်္ဂြီုဟ်ပေးတာကအစ ရှင်းပြတယ်။အဲဒီအချိန်ကျားသတိထားမိတာကသေနတ်သမားရဲ့ လက်ကအောက်ကျသွားတယ်။

တစ်ပြိုင်တည်းမှာပဲသူလျင်လျင်မြန်မြန်နဲ့ခုန်အုပ်လိုက်တယ်။သေနတ်သမားလက်ကသေနတ်လွတ်ကျပြီး လည်မြိုကိုတစ်ချက်ခဲလိုက်တာနဲ့သေနတ်သမားသွေးတွေထွက်လာတယ်။သေချာအောင်သေနတ်သမားရဲ့ လက်ကို တစ်ချက်ထပ်ကိုက်လိုက်တယ်။

အဲဒီအချိန်မှာဖုန်းသမားကပြေးဖို့ပြင်နေပြီ။ဒါနဲ့တစ်ပတ်လှည့်ပြီးခုန်အုပ် လိုက်တယ်။မိတယ်။ကျောကုန်းကို တစ်ချက်ကိုက်ပြီးလက်သည်းနဲ့ခြစ်လိုက်တယ်။သူ့လက်ထဲကဖုန်းကိုခပ်ဝေးဝေးရောက်အောင်ပုတ်ထုတ် လိုက်တယ် ။ပြီးမှကိုက်မယ်လုပ်တော့ဖုန်းသမားက၀ူးဝူးဝါးဝါးနဲ့အော်တယ်။

"မင်းပြောတော့လူသားမစားဘူးဆို။ပြီးတော့ငါကမင်းကိုသတ်ဖို့လုပ်တဲ့လူ မဟုတ်ဘူး။ဟိုသေနတ်သမားကသာသတ်မှာလေ။ငါ့ကိုလွှတ်ပေးပါ"

သူ့မျက်နှာကြည့်ပြီးတည့်တည့်ပြောလိုက်တယ်။

" မင်းသူငယ်ချင်းပြောတဲ့သောက်ရူးဆိုတာဘာလဲ"

ဖုန်းသမားကြောင်သွားတယ်။

"သုံးမရတဲ့ကောင်ပေါ့ကွာ။ပုံမှန်စိတ်မရှိဘူးပြောတာ။ဘာဖြစ်လို့လဲ"

" အေး-အဲဒီအတိုင်းပဲ။သောက်ရူး။ကျားဆိုတာအသားစားတယ်။မင်းဘာသာ Facebookသုံးပြီးရူးချင်ရူး။ ငါ့ခွင်ကိုမဖျက်နဲ့။ပြီးတော့မင်းကိုငါအရင်စားကိုစားရမယ်။ဘာလို့လဲသိလား။သေနတ်သမားက တစ်ခါပစ်ရုံနဲ့သေမယ်။မင်းတို့ကအွန်လိုင်းဆိုတာကနေအကြိမ်ပေါင်းများစွာပစ်တယ်။ငါတို့ကျားကို အရှင်ဖမ်းဖို့လေး၊ဘာလေး။လျှောက်ပြောနေတယ်။ပြီးတော့ဖမ်းပြီးလှောင် အိမ်ထဲထည့်၊ဟိုဆပ်ကပ်ထဲပို့ပြီး လူတွေရှေ့ကစားခိုင်းလိုကစားခိုင်း၊ ငါ့မိတ်ဆွေဆိုအသတ်ခံရတဲ့အပြင် နတ်စိမ်းဖြစ်ပြီးနေရာတောင်းတယ် ဘာညာအပြောခံလိုခံရ။ဒီတော့ငါတို့ကျားသိက္ခာကျတယ်။အဲဒီအတွက်မင်းတို့လိုအွန်လိုင်းလေကျယ် Facebookသုံးဖုန်းပွတ်တဲ့ကောင်တွေနဲ့တွေ့ရင်အရင်ရှင်းရမယ်လို့ငါတို့ဋ္ဌာနချုပ်ကမှာထားတယ်။ ဒီတော့နောက်ဘ၀မှဆက်ပြီး ပုံတွေဆက်တင်။မင်းတို့ဘာလုပ်လဲသိလို့မင်းဖုန်းတောင် ငါဝေးဝေးပို့ထားတာကြည့်။ငါတို့ကိုက်တာတောင်မင်းတို့ပုံတင်ချင်တင်မှာလေ။ဒီကျားပေါ့။ ကျွန်တော့်ကိုကိုက်ပါတယ်ဆိုပြီးပုံကြီးချဲ့မှာ။ကျားကိုဖမ်းတော့သဘာဝ ၀န်းကျင်ထိန်းသိမ်းတယ်။တောရိုင်း တိရိစ္ဆာန်စောင့်ရှောက်တယ်တဲ့။ ကျားကိုက်တော့ကျားဆိုးတယ်တဲ့။သွားတော့။ဆီးယူနောက်ဘ၀"

ပြောပြီးတစ်ကိုယ်လုံးကိုက်စားပစ်လိုက်တယ်။အဲဒီအချိန်သေနတ်သမားဟာသူ့သေနတ်ကိုပြန်ကောက် ဖို့ကြိုးစားနေတယ်။ဒါပေမဲ့မမီတော့ဘူး။ သူ့သေနတ်ကိုကျားကနဂိုကတည်းကဝေးဝေးပို့ထားတာ။

"မင်းငါ့ကိုပြန်လွှတ်ပေးပါ။မင်းရဲ့ကောင်းကြောင်းတွေကိုပဲငါသတင်းလွှင့်ပေးပါမယ်"

"လာပြန်ပြီ။နောက်တစ်ကောင်။သောက်ရူး။မင်းကိုလွှတ်ပေးလိုက်တော့မင်းတို့ပြောတဲ့ဘာထိန်းသိမ်းရေး၊ ညာထိန်းသိမ်းရေးတွေကငါ့ကိုတောခြောက်သလိုမောင်းထုတ်မယ်လေ။ဒါမှမဟုတ်ဖမ်းမယ်လေ။
ပြီးတော့မင်းတို့လူတွေကြည့်ဖို့ငါတို့ကလှောင်အိမ်ထဲမှာဆင်းရဲဒုက္ခခံပြီးမသဒ္ဓါရေစာစားပြီးနေရဦးမယ်လေ။ အခန့်မသင့်ရင်ကျွမ်းဘားပါကစားပြရဦးမယ်လေ။မင်းကောင်းကြောင်းလောက်သတင်းလွှင့်တာလာမပြောနဲ့။ ငါ့လိုပဲကိုယ့်ဘာသာကောင်းကြောင်းလွှင့်နေတဲ့ကောင်တွေမင်းတို့ Facebookလောကမှာ အများကြီးပဲ။မင်းတို့လူတွေကမင်းတို့သာအကောင်း၊မင်းတို့သာဆရာတွေ။ဘာတဲ့။စဆရကတို့၊ဘာတို့ဆိုတာ ငါအဘိဓာန် မှာတောင်ရှာလို့မရဘူး။ပြီးတော့ကွီးတို့၊ညေးတို့၊ခေးတို့ရှိသေးတယ်။
မင်းတို့Facebookလောကဆိုတာမင်းပစ်တဲ့သေနတ်ထက်တောင်ကြောက် ဖို့ကောင်းတယ်။မဟုတ်တာ အဟုတ်လုပ်နေကြတာ။အခုမင်းကိုလွှတ်ပေးလိုက်ရင်ငါ့ဋ္ဌာနချုပ်ကငါ့ကိုအရေးယူမှာ။မင်းကလည်း သတင်းမှားတွေတင်တော့မှာ။ငါကပဲကူလီကူမာလုပ်လို့မင်းကခုခံရတာမျိုးလုပ်မှာလေ။နေရင်းထိုင်ရင်း ငါ့အမျိုးတွေပါတောပြောင်းနေရဦးမယ်။မင်းတို့လူတွေကလွယ်တာမဟုတ်ဘူး။လူအချင်းချင်းနေတဲ့အိမ်တောင် ဖျက်ဆီးနေကြတာ။ဒီတော့မင်းကိုလွှတ်မပေးတော့ဘူး။ဖုန်းနဲ့ကောင်ကအန္တရာယ်များလို့အရင်စားလိုက်တာ။ မင်းကိုတော့ငါ့အမျိုးတွေစားဖို့ယူသွားမယ်"

ပြောပြောဆိုဆိုသေနတ်သမားကိုကိုက်ချီယူပြီးတောထဲကိုဝင်တိုးသွားတော့တယ်။

နောက်နေ့မှာတော့ကျားတစ်ကောင်လူနှစ်ယောက်ကိုသတ်ဖြတ်လိုက်တဲ့ အကြောင်းFacebookပေါ်မှာ သတင်းတွေပြန့်နေပြန်တယ်။အဲဒီအချိန်သက်သတ်လွတ်ဆိုတဲ့Accountပိုင်ရှင်ကကျားမျိုးစိတ်တွေနည်းလာလို့ ကျားတွေကိုတွေ့ရင်မသတ်ဖို့၊အရှင်ဖမ်းဖို့တဖွဖွပြောနေသေးရဲ့။ ။

ဆူးသစ်
၁၄း၂၃ နာရီ ( စင်ကာပူစံတော်ချိန် )
၂၈.၀၂.၂၀၁၆

" အဖုံးလှပ်မိတဲ့ည၊ နောက်တစ်သီးစိုက်မယ့်နေ့" ( သို့မဟုတ် ) " ကျွန်တော်နှင့်အင်တာနက်အလန်းများ " ( ၆ )

တကယ်တော့သာဂိဆိုသည့်လူငယ်လေးသည်ပြဿ     နာကောင် မဟုတ်မှန်းကျွန်တော်သိသည်။သို့သော်ယခုတော့သူ့ပြဿ     နာတွေကိုကြားလာရသည်။

" အစ်ကို့ကောင်သာဂိတော့ရွာနီးချုပ်စပ်မှာတောင်နာမည်ကြီးနေပြီ "

သာဂိတို့ရွာနားကအလုပ်သမားလေးတစ်ယောက်ခွင့်နှင့်အိမ်ပြန်ပြီးပြန်လာစဉ်ကျွန်တော့်ကိုပြောသည်။

" ဟေ-ဘာဖြစ်လို့တုန်း။ ဒီကောင်သီချင်းခွေလည်းထုတ်တယ်။ ဘလော့လည်းရေးမယ်ဆိုပြီးဟုတ်တိပတ်တိတော့မလုပ်ပါဘူး။ဟိုတလောကသူတို့ရွာကစင်တင်ပြဇာတ် က လို့ငါ့ကိုတောင်စီဒီပေးလိုက်သေးတယ်။ "

" အဲဒါတွေကြောင့်မဟုတ်ဘူးအစ်ကို။ အခုနာမည်ကြီးတာကထူးဆန်းတယ်။ နောက်တစ်မျိုး "

" တစ်မျိုးပါလားဟ။ ကဲ-လင်းစမ်းပါဦးကွာ။ ဒီကောင်နဲ့မတွေ့တာကြာတော့သူ့အကြောင်းစိတ်ဝင်စားတယ်။ "

ထိုသို့ပြောပြီးသကာလသာဂိအကြောင်းကိုဖောက်သည်ချသည့်အလုပ်သမားလေးကြောင့်သာဂိအကြောင်းကို ရုပ်ရှင်အလားပြန်ကြားရလေတော့ သည်။

x x x x x x x x x x x x x x x x x

" လိုက်ဟေ့.......လိုက်ဟ။ ကတုံး......ကတုံး "

ရွှေပန်းတောရွာ၏ညအမှောင်မိုက်မှာဆူညံပွက်လောရိုက်သံများထွက်ကျလာသည်။ရွာသူရွာသားများနိုး ကုန်၍တချို့ကလည်းတုတ်တွေ၊ဓားတွေ၊လှံတွေဆွဲကိုင်လာကြသည်။

ပြည်ဘက်မှာကြားဖူးသောကတုံးသည်ရွှေပန်းတောရွာကိုဝင်လေပြီဟု အထင်ရှိ၏။သိပ်တော့မလွယ်။ထိုကတုံးဆိုလည်းဖမ်းဖို့မလွယ်ချေ။ပြီးတော့ထိုကတုံးသည်အပျိုများအိမ်ကိုသာ လာတတ်သည်ဟုသတင်းတွေကဆိုထားသည်မဟုတ်လား။

" ဘယ်နားမှာတွေ့တာလဲ။ ဘယ်သူတွေ့တာလဲ။ "

 တချို့လည်းဗွီဒီယိုရုံအဖြုတ်မို့မအိပ်ကြသေး။ စိတ်ဝင်စားစွာမေးကြသည်။

" အရီးလေးအေးရီတို့အိမ်နားမှာ "

" ဟာ-ဒါဆိုဖြစ်နိုင်တယ်။ အရီးလေးမှာသမီးအပျိုတွေသုံးယောက်တောင် ရှိတာဆိုတော့ဒီကတုံး လာချောင်းတာဖြစ်မယ်။"

တစ်ယောက်တစ်ပေါက်သံများကြားရသည်။ရွာလူကြီးသည်လက်နှိပ်ဓာတ်မီးတ၀င်းဝင်းဖြင့်ရောက်လာ၏။

" အရီးလေးတို့အိမ်မှာခွေးရှိပါတယ်ကွာ။ မဖြစ်နိုင်ပါဘူး "

" ဘာလို့မဖြစ်နိုင်ရမှာလဲ။ ကျွန်တော့်မျက်စိနဲ့မြင်တာ။ စွပ်ကျယ်တောင်ဝတ်ထားသေးတယ်။ ကျွန်တော်ဗွီဒီယိုရုံက အပြန်လူရိပ်တွေ့လို့အရီးလေးတို့အိမ်ကလားလို့ထင်နေတာ။အရီးလေးသားမောင်လတ်ကကျွန်တော်နဲ့ ဗွီဒီယိုကြည့်ပြီးလမ်းမှာသူ့သူငယ်ချင်းတွေနဲ့ကျန်ခဲ့တာလေ။အိမ်မှာယောကျာ်းလေးမှမရှိတာကို။ "

" ဒါဆိုဘယ်ဘက်ကိုထွက်သွားလဲ "

" နောက်ဖေးနွားတင်းကုပ်နားမှာရိပ်ခနဲပျောက်သွားတာ။ ရိုးထဲဘက်ဆင်းပြေးတယ်ထင်တာပဲ။ "

" အားလုံးသတိရှိကြ။ ငါတို့ရိုးထဲဘက်နဲ့ခြံထဲကိုရှာမယ်။ မင်းတို့အိမ်ရှေ့နားကစောင့်ကြည့်နေ။ ခွေးကဘယ်ရောက်နေပါလိမ့် "

ပြောသူပြော၊ရှာသူရှာဖြင့်အားလုံးအလုပ်ရှုပ်သွားကြသည်။အရီးလေးလည်းသူ့သမီးများကိုနှိုးကာ စိုးရိမ်စိတ်ဖြင့်လိုက်ကြည့်နေ၏။အရီးလေး၏ယောကျာ်းကားဆုံးသွားသည်မှာတစ်နှစ်ခန့်ရှိပြီဖြစ်၍ သမီးလေးယောက်၊သား တစ်ယောက်နှင့်အရီးလေးမှာအားကိုးယောက်ျားလေးဆို၍ သူ့သားပင်ရှိ၏။သူ့သားကလည်းညဘက်ဗွီဒီယိုရုံဖြုတ်မှအိမ်ပြန်လာတတ်ရာအလွန်မှောင်မှ အိမ်ကိုရောက်၏။ဒါတောင်ရံဖန်ရံခါလမ်းမှာသူငယ်ချင်းများနှင့်လေကန်နေလျှင်တော်တော်နှင့်အိမ်မရောက်။

" ဟာ-ကြက်ခြံတံခါးပွင့်နေတယ်ဟေ့။ ဒီကောင်ကြက်လာခိုးတာဖြစ်မယ်။"

" ဒါဆို ကတုံးဘယ်ဟုတ်တော့မလဲ။ ကြက်သူခိုးပေါ့။ "

" အဲဒါဆိုရှာစမ်း။ ဒီကောင်ဝေးဝေးမပြေးနိုင်ပါဘူး။ ဒီနားတင်ဝပ်နေတာနေမှာ။ "

သည်သို့ဖြင့်တစ်ယောက်တစ်ပေါက်ပြောကြ၊ရှာကြဖြင့်ရှာလေရာနောက်ဆုံးကောက်ရိုးပုံထောင့်တွင်မှောင် ရိပ်ခိုနေသောစွပ်ကျယ်ချိုင်းပြတ်ဖြင့်ကတုံးပုံလူတစ်ယောက်ကိုဓာတ်မီးရောင်အောက်တွင်မြင်ရလေတော့ သည်။

" ဟာ-ဟိုမှာ။ ဟိုမှာ။ "

" ၀ိုင်းဟေ့။ ချဟ။ ဆော်ကွာ။ တော်တော်အလုပ်ရှုပ်အောင်လုပ်တဲ့ကောင် "

" အေးကွာ။ အိပ်ရေးပျက်အောင်လည်းလုပ်သေး "

" ဟ-နေကြပါဦး။ ဘယ်သူများလဲကြည့်ပါဦး "

ရွာလူကြီးကသတိပေးမှအားလုံးဓာတ်မီးနှင့်ဝိုင်းထိုးလေသောအခါရွာသူရွာသားများအံ့အားသင့် ရလေတော့သည်။မအံ့ဩလျှင်နေနိုင်ရိုးလား။သူတို့ မီးရောင်အောက်တွင်မိနေသူကား။တခြားသူမဟုတ်။

တစ်ရွာလုံး၏အသည်းကျော်၊ ပြဇာတ်အကောင်းဆုံးဆုရ၊ အဆိုတော်ဖန်ဂေါ်လီ၊ ဘလော့ဂါစာရေးဆရာကြယ်စင်သာဂိပင်တည်း။

x x x x x x x x x x x x x x x x x x

" ဟေ့ကောင်သာဂိ။ သေသေချာချာဖြေစမ်း။ ဒါနောက်စရာမဟုတ်ဘူးနော် "

ရွာဦးကျောင်းဆရာတော်သည်သဘောကောင်းသလိုစည်းစနစ်လည်းကြီး၏။လက်ထဲကကြိမ်လုံးသည်လည်း အစွမ်းထက်၏။ခေတ်စနစ် တို့ပြောင်းသော်ငြားဆရာတော်၏ကြိမ်လုံးသည်ခေတ် အဆက်ဆက်ကျောင်းထိုင်ဆရာတော်တို့၏လက်စွဲအဖြစ်ဤရွှေပန်းတောရွာကိုထိန်းကျောင်းလာခဲ့ရာ ဆရာတော်ကိုရိုသေလေးစားသည်ကတစ်ပိုင်း၊ကြိမ်လုံးကိုကြောက်သည်ကတစ်ပိုင်းဖြစ်၏။

သာဂိသည်မျက်နှာကိုမမော့ရဲ။လက်အုပ်ကလေးချီထား၏။ညကဖမ်းပြီးဆရာတော်ကျောင်းကိုပို့သည်။ ဆရာတော်ကမနက်မှရှင်းမည်ဆို၍ ဘုန်းကြီးကျောင်းမှာရွာသားများကသာဂိကိုအပ်ထားခဲ့သည်။တချို့သာ ဆရာတော်နှင့်သာဂိကိုစောင့်အိပ်ကြ၏။

" တပည့်တော်ညကဗွီဒီယိုသွားကြည့်ပါတယ်ဘုရား။ အဲဒါအပြန်မှာဗိုက်ဆာနေတုန်းအရီးလေးသားမောင်လတ် နဲ့တွေ့တော့မောင်လတ်ကသူတို့အိမ်အောက်ထပ်က၀င်ရလွယ်တယ်။ချက်ကိုလက်လျှိုပြီးနှိုက်လို့ရတယ်။ မီးဖိုချောင်ထဲမှာထမင်းနဲ့ဟင်းရှိတယ်။အိမ်ကခွေးကသူသွားလေရာလိုက်လို့သူ့နားမှာခေါ်ထားတယ်တဲ့။ သူ့အမေနဲ့ညီမတွေမနိုးအောင်ဝင်စားပါဆိုပြီးပြောလို့အိမ်ထဲဝင်၊မီးဖိုချောင်မှာဟိုရှာဒီရှာ နဲ့အိုးတွေ့လို့အဖုံးလှပ်နေတုန်းဗြုန်းဆိုကိုဝင်းမောင်ရယ်ထအော်တာနဲ့ လန့်ပြီးနောက်ဖေးကိုဝင်ပြေးတာပါဘုရား။ တပည့်တော်မညာပါဘူး။ "

" ဒါဆိုမောင်လတ်ကသက်သေပေါ့။ ခေါ်စမ်းမောင်လတ် "

" ညကတည်းကဗွီဒီယိုသွားကြည့်တာပေါ်မလာသေးပါဘူးဘုရား။ တခြားရွာကသူ့သူငယ်ချင်းအလှူရှိတာပါသွားလားမသိပါဘူး။ဒီနေ့ သွားမယ်ပြောထားတာ "

အရီးလေးက၀င်ဖြေတော့သာဂိမျက်နှာပျက်လေပြီ။

" အရီးရယ်။ အရီးလည်းကျွန်တော့်အကြောင်းသိသားနဲ့။ ခိုးဖို့မှမဟုတ်တာ။ ဗိုက်ဆာလို့ဝင်တာပါ။ မောင်လတ်သာရအောင်ခေါ်ပေးပါတော့ဗျာ။ "

ရွာသားမျာျးလည်းလှုပ်လှုပ်ရှားရှားဖြစ်နေလေပြီ။သာဂိအကြောင်းကိုသူတို့သိသည်။ပျော်တတ်၊နောက်တတ် တာကလွဲလျှင်ဘာမှမရိုးသားတာ မလုပ်။ပြီးတော့ပစ္စည်းခိုးရအောင်ကလည်း သူ့မိဘများကချမ်းသာလွန်း၍နိုင်ငံခြားတောင်ထွက်အလုပ် လုပ်ခိုင်းထားတာသာကြည့်။

သို့သော်မည်သို့ဖြစ်ဖြစ်သူများအိမ်ထဲညဘက်အချိန်မတော်ကြီးရောက်နေသည်။မိန်းမပျိုလေးများလည်းရှိ သည်။သင်္ဃန်းစီးထားသည်မှာ မကြာသေးသောသာဂိသည်ကတုံးနှင့်မို့ပြည်ကကတုံးနှင့်လည်း ပုံမှားခံထားရသေးသည်။ပြစ်မှုများကားမနည်း။မောင်လတ်မှမရောက်လျှင်သာဂိကိုမြို့မှရဲသို့အပ် ရတော့မည်။

" ဒီလိုလုပ်ကွာ။ သာဂိအကြောင်းလည်းမင်းတို့သိသားပဲ။ ငါလည်းဒီရွာမှာနေလာတာကြာပြီ။ ဘယ်သူဘာလုပ်လဲကအစငါသိနေတာပဲ။ ဒီတော့မင်းတို့လည်းကျေနပ်အောင်၊ ဒကာမကြီးဒေါ်အေးရီလည်းစိတ်ရှင်းအောင်ဘုန်းကြီးတစ်ခုဆုံးဖြတ်ပေးမယ်"

" ကောင်းပါတယ်ဘုရား "

အားလုံးကထောက်ခံသည်။သာဂိလည်းအားတက်လာ၏။

" မင်းတို့ကိုမဲပေးခိုင်းမယ် "

" ဟင်.....ဘယ်လိုကြီးလဲ။ ဒါကနိုင်ငံရေးမှမဟုတ်တာ "

" မင်းတို့ကသာဂိကိုယုံတယ်ဆိုရင်၊မြို့မပို့ရဘူးဆိုရင် အမှန်ခြစ်လေးတွေခြစ်ပြီးငါချထားတဲ့မှန်ပုံးထဲကိုထည့်ရမယ်။ သာဂိကိုမယုံဘူး။ ရဲလက်အပ်ဆိုရင်အမှားခြစ်ပြီး သစ်သားပုံးထဲကိုထည့်ရမယ် "

" အဲဒီမဲပေါ်မှာမူတည်ပြီးသာဂိကိုရဲလက်အပ်မအပ်ဆုံးဖြတ်မယ်။ ဘယ်လိုသဘောရလဲဒကာမကြီး "

" ကောင်းလှပါပြီဆရာတော်ဘုရား "

အရီးလေးကားဆရာတော်၏စကားကိုလိုက်နာလေပြီ။

x x x x x x x x x x x x x

သည်သို့ဖြင့်ရွှေပန်းတောရွာတွင်သာဂိနှင့်ပတ်သက်၍သူခိုးလား၊လူကောင်းလားဆိုသည့်ဝိ၀ါဒကွဲပြားစေရန် မဲပေးပွဲကိုရွာဦးဆရာတော်ကျောင်းမှာ စတင်လေတော့သည်။

ဆရာတော်ကမတူညီသောမဲပုံးနှစ်ပုံးကိုအခန်းလွတ်တစ်ခန်းထဲသို့ထည့်စေ၏။ပြီးမှတစ်ယောက်ချင်း ၀င်ကာမဲပေးရသည်။

ထိုသို့မဲပေးသောအခါတချို့ကလည်းအမနာပတုတ်၏။သူတို့မှမပေးလျှင်သာဂိအဖို့ခွေးလုံးလုံးဖြစ်ပြီ ဆိုသူကတစ်မျိုး၊သူတို့မဲသည်သူတို့အသည်းကြားမှလာသည်ဖြစ်၍သာဂိသာမကသူ့ဆွေမျိုးများပါမျက်နှာ ရစေနိုင်သည်ဟုဆိုသူကတစ်ဖုံ၊ပေးကြည့်လေ၊သာဂိသူခိုးကိုတမင်လွှတ်ပေးသလိုဖြစ်မှာပေါ့ဟုသာဂိမိဘများ စီးပွားရေးကောင်းနေသည်ကိုမနာလိုသူတို့ကတစ်မျိုး၊ထိုမဲကြောင့်သာဂိဘ၀တစ်ခုလုံးပြောင်းသွားနိုင်သည် ဟုအာပေါင်အာရင်း သန်သန်ဖြင့်ပြောဆိုနေကြသည်ကတချို့စသည်ဖြင့်စုံလင်လှတော့၏။

ရွာရှိလူကုန်မဲပေးပြီးပြီဆိုသောအခါဆရာတော်ကရွာလူကြီးကိုသက်သေထား၍မဲပုံးများကိုရေတွက်စေ၏။

သာဂိကားမျက်နှာငယ်လေးနှင့်မဲများကိုကြည့်နေလေသည်။ပြီးတော့ပါးစပ်မှလည်းတတ်သလောက်၊ မှတ်သလောက်ဆီမန်းမန်းကာဂါထာတွေရွတ်သေး ၏။

သည်သို့ဖြင့်မဲရေတွက်သည်ကိုစောင့်ကြ၏။ဆရာတော်ကားမောင်လတ် အပြန်ကိုစောင့်ချင်သေး၍ရှိထားသည့်မဲများကိုရွာလူကြီးအားဖြည်းဖြည်းရေတွက်ခိုင်း၏။

ထိုအခါရွာလူကြီးသည်မဲရေတွက်ပုံကိုစလိုးမိုးရှင်းပုံစံဖြင့်ရေတွက်တော့၏။ရွာလူကြီးအတွက်ထိုခွင်ကို မိသွားစေသောအချက်လည်းရှိ၏။တချို့မဲများသည်ကားမှန်သလိုလို၊မှားသလိုလိုခြစ်ထားသည်လည်းပါရာ မရှင်းဟုဆို၍ဘေး ဖယ်ထား၏။ပြီးမှပြန်ရေမည်ဟုပြော၏။

ထိုသို့မဲရေတွက်နေသည့်ကြားထဲဘုန်းကြီးကျောင်းလာလည်သောဧည့်သည်များရှိကဘုန်းဘုန်းကလက်ခံ စကားပြောနေ၍ရွာလူကြီးမှာစောင့်ရသေး၏။ ထို့အပြင်မြို့ရောက်နေကုန်သောရွာမှပြောင်းသွား သူများလာသောအခါမှာလည်းသူတို့ပါထည့်ချင်၍ဆိုသောအခါဘုန်းကြီးကချင့်ချိန်ပြီးမှခွင့်ပြုသင့်သူကို ခွင့်ပြုလေရာအချိန်ကပိုကြာလာ၏။

" လူကြီးရယ်။ ဆရာတော်ကဖြည်းဖြည်းရေဆိုလို့ရေတာ လည်းရေပေါ့။တို့လည်းအိမ်မှာအလုပ်တွေနဲ့ဟ။ တလင်းထဲမလည်းစပါးတွေနဲ့။ မိုးကောက်ရွာချရင်ဒုက္ခကရောက်ဦးမယ်။"

" ခင်ဗျားတို့ကလည်းဗျာ။ ဆရာတော်ကမှားမှာစိုးလို့ပါဗျာ။"

ရွာသားများလည်းဆရာတော်နှင့်လူကြီးမျက်နှာကြောင့်အောင့်ကာနေရလေ၏။သည်သို့ဖြင့်မဲရေတွက် သည်မှာနောက်ထပ်သီးထပ်သီးနှံများစိုက်ပျိုး၍ ရအောင်ကြာသည်ဟု ရွာသားများကရေရွတ်မြည်တမ်းတော့မှပင်အဆုံးသတ်ဖို့ကိုရောက်လေ၏။

" ကဲ-အားလုံးပဲခင်ဗျာ။ မဲရေပါတော့မယ် "

ရွာသားများကားအားလုံးငြိမ်သက်သွားတော့သည်။သာဂိကားဘုရားစာကို စိတ်ထဲကကျိတ်ရွတ်နေ၏။မှန်ပုံးထဲမှာကားအမှန်ခြစ်ပါသည့်မဲများကိုမြင်နေရသည်။ပုံးအပြည့်နီးပါး။

သစ်သားပုံးကားမမြင်ရ။ထို့ကြောင့်မှန်းရခက်လှသည်။

ရှိသမျှမဲအားလုံးကိုရေတွက်၍ပြီးသောအခါ.......

" ဟုတ်ကဲ့။ အမှန်ခြစ်ဘက်ကမဲအပြတ်အသတ်နဲ့နိုင်ပါတယ်ခင်ဗျာ "

" ဟေး "

သာဂိကိုရွာသူရွာသားများဝိုင်း၍ပြေးဖက်ကြ၏။ အရီးလေးတို့မိသားစုကလည်းပျော်ကြလေသည်။ရိုးသားသူများမို့အပြစ်မရှိသူကိုဒုက္ခမရောက်စေချင်ကြ။

ထိုစဉ်မှာပင်ကျောင်းအ၀ကိုလူတစ်ယောက်ရောက်လာလေသည်။

" မောင်လတ် "

ဆရာတော်၏အသံကိုကြားမှအားလုံးကလှည့်ကြည့်ကြ၏။

" ဟာ-ဟေ့ကောင်မောင်လတ်။ လုပ်ဦးဟ။ ဒီမှာငါဒုက္ခရောက်နေတာ။ တော်သေးတာပေါ့။ မဲကလည်းနိုင်၊ မင်းလည်းပြန်လာလို့ "

မောင်လတ်သည်မဲကိစ္စကိုနားမလည်။ဘာတွေဖြစ်နေမှန်းပင်မသိ။သည် သို့နှင့်ဆရာတော်နှင့်ရွာသားများကအကုန်ဝိုင်းရှင်းပြမှသူပါကူရတော့သည်။

" ဟာ-သာဂိကရွာကငယ်မွေးခြံပေါက်ဗျာ။ ကျွန်တော်တို့နဲ့ဆွေမျိုးလိုနေတာ။ကျွန်တော့်နှမတွေဆိုလည်းသူ့နှမတွေလိုမို့ဒီကောင်ဗိုက်ဆာတာကို သွားစားလို့လွှတ်လိုက်တာပါဗျာ။ကျွန်တော့်အမှားပါ။ကျွန်တော်ပါလိုက်သွားရမှာ။ပြီးတော့ဗွီဒီယိုကြည့်ပြီး အပြန်အရှေ့ပိုင်းကဖိုးချွန်တို့အိမ်ဘက်ပါသွားတာ။မနက်ကျတော့နိုးတော့ဟိုဘက်ရွာအလှူရှိတာနဲ့ ထလိုက်သွားတာလေ။အမေတို့ကိုပြောပြီးသားဆိုတော့ညနေပြန်လာမှ  ပဲပြောတော့မယ်ဆိုပြီးပါသွားတာ။ထင်တော့ထင်သား။ရွာမှာညကသူခိုးဖမ်းတယ်လို့ဟိုဘက်ရွာက လူတွေပြောတော့ငါတောင်ညကဗွီဒီယိုကြည့်ခဲ့ပါသေးတယ်လို့ပြောခဲ့တာ "

မောင်လတ်စကားအဆုံးမှာအားလုံးနားလည်လာတော့သည်။

" အေးလေကွာ။မင်းတို့လူငယ်ချင်းကယုံပေမယ့်အခြေအနေကရှိသေးတာကိုးကွ။ငါလည်းသာဂိကို ယုံပေမယ့်အများယုံအောင်တော့ပြရသေးတာ။ဒါနဲ့သာဂိ။ မင်းညကဘာစားလိုက်ရသေးလဲ "

" ဘုန်းဘုန်းရယ်။ ဟင်းအိုးကလေးကိုအဖုံးကလေးလှပ်ကြည့်ရုံလေးပါ။ စားတောင်မစားရသေးပါဘူး။ လက်နဲ့လည်းနှိုက်တာမဟုတ်ပါဘူး။ခိုးလည်းမခိုးပါဘူး။ တကယ့်ကိုလှပ်ကြည့်ရုံကလေးပဲလှပ်ကြည့်တာပါ။ နောက်ကအော်သံကြားလို့ပြေးရတာပါပဲ "

သာဂိစကားအဆုံးဆရာတော်နှင့်ရွာသားများရယ်ကြ၏။

" ကဲ...ကဲ။ မောင်သာဂိသည်ဟင်းအိုးကိုအဖုံးလှပ်ရုံ လှပ်၍နှိုက်လည်းမစားခဲ့ရပေ။ ထို့ပြင်အများ၏ယုံကြည်မှုမှာလည်းမောင်သာဂိသည်သူများပစ္စည်းကို အချောင်ခိုးယူလိုသောသဘောမပါဘဲဗိုက်ဆာသောကြောင့်သာပိုင်ရှင်၏သားဖြစ်သူမောင်လတ်ကို ခွင့်တောင်း၍သွားရောက် စားသောက်ခြင်းကြောင့်.."

" အဖုံးလှပ်ရုံကလေးပါဗျာ။ ခိုးမစားရသေးပါဘူး "

သာဂိဖြတ်ပြော၍ရွာလူကြီးကမျက်စောင်းလှမ်းထိုး၏။

" သွားရာက်မစားသောက်မီအဖုံးကိုလှပ်မိသောကြောင့် ယခုကဲ့သို့ဖြစ်ရခြင်းဖြစ်ရာမောင်သာဂိတွင်အပြစ်မရှိဟု ယုံကြည်သောကြောင့်ဤကိစ္စကိုဤနေရာတွင်ပင်အပြီးသတ်လိုက်ပါသည်။ အားလုံးကိုကျေးဇူးတင်ရှိပါကြောင်းခင်ဗျား။"

ရွှေပန်းတောရွာဘုန်းကြီးကျောင်းတွင်ထိုနေ့ကလက်ခုပ်သံများစည်ကားနေ၏။

အမှားကိုအမှန်ကနိုင်သောနေ့ဟုလည်းဆိုကြ၏။

အဖုံးကိုလှပ်သောညဟုလည်းယခင်ညကအဖြစ်အပျက်ကိုဆိုကြ၏။

နှစ်သီးစားစပါးစိုက်၍ရသောမဲရေတွက်သည့်နေ့ဟုလည်းဆိုကြ၏။

မည်သို့ဆိုစေထိုအဖြစ်အပျက်၏နောက်မှာတော့ကျွန်တော့်အချစ်တော်သာဂိကားရွှေပန်းတောရွာတင် သာမကရွာနီးချုပ်စပ်အထိနာမည်တော်တော်ပေါက်၍နာမည်ကြီးလေတော့သတည်း။              ။

 သားလတ်
 ၂၂း၄၀ နာရီ( စင်ကာပူစံတော်ချိန် )
 ၁၃.၁၁.၂၀၁၅

" ကျွန်တော်နှင့် အင်တာနက်အလန်းများ " ( ၅ )

" အစ်ကို စင်ကာပူကိုလူကြုံ ရှိတုန်း ကျွန်တော်တို့ရွာမှာ ဘုရားထီးတင်ပွဲရှိလို့ ပြဇာတ်ကတာ ဗွီဒီယိုရိုက်ထားတာထည့်ပေး လိုက်တယ်။ အစ်ကိုအလုပ်အားရင် အပျင်းပြေကြည့်ဖို့ပေါ့ "

ကျွန်တော့်အိမ်က လူကြုံလာ၍ ပစ္စည်းသွားယူပြီး အိမ်ရောက်မှဖောက်ကြည့်စဉ် ဗွီစီဒီတစ်ချပ်နှင့် စာတစ်စောင်ကိုတွေ့သည်။ ကျွန်တော့်ကိုခင်သော၊ ကျွန်တော်ကခင်သော သာဂိ။

သည်သို့နှင့် အချိန်အားရသည့်အချိန်မှာ သူပေးသော ဗွီစီဒီကို ကျွန်တော်ဖွင့်ကြည့်မိသည်။ ရွာပြဇာတ်ဆိုသည့်အတိုင်း ဇာတ်စင်ကတော့ ၀ါးတိုင်နှင့် ထရံကာကိုမြင်ရသည်။ လိုက်ကာစများကတော့ ဘယ်ကငှားထားသည်မသိ။ တော်တော်ပြောင်ပြောင်လက်လက်နှင့်။ နေ့ဘက်သာဆိုမျက်လုံးပါကျိန်းမည်။

သည်လိုနှင့် ပြဇာတ်ကသည်။ သာဂိကအဓိကဇာတ်လိုက် နေရာ။ ပြဇာတ်က အိမ်ထောင်ရေးဖောက်ပြန်၍ သာဂိကို နယ်ကနှင်ထုတ်ခန်း။ သာဂိက ရွာမှာငယ်ရည်းစားရှိသည်။ ငယ်ရည်းစားကိုထားခဲ့ပြီးမြို့မှာ သွားအလုပ်လုပ်သည်။ သာဂိကမြို့မှာရည်းစား အသစ်ရသည်။ ငယ်ရည်းစားကိုမေ့သည်။ သို့သော်ရွာကိုခဏ ပြန်စဉ်မှာ ငယ်ရည်းစားကိုပြန်မြင်ပြီး မြို့က ရည်းစားကိုမေ့ပြန်သည်။ ငယ်ရည်းစားနှင့် လက်ထပ်သည်။ သို့သော် မြို့ကိုအလုပ်ပြန်လုပ်တော့ မြို့က ရည်းစားကို အိမ်ထောင်ကျပြီးပြီဟု မပြောဘဲ တွဲသည်။ သာဂိသူငယ်ချင်းက ဆုံးမသည်။ သို့သော် သာဂိကို တားမရ။ သည်သို့နှင့် ရွာက အမျိုးတစ်ယောက်က ပြန်မြင်ပြီး သူ့မိန်းမကို ပြန်သတင်းပို့သည်။ သာဂိ ဟက်တက်ကွဲကာ နယ်ကိုပြန်လာ တောင်းပန်စဉ် ရွာကလက်မခံဘဲ နှင်ထုတ်ခံရသည်။ ပညာပေး ပါသည်။ ဇာတ်လမ်းက မဆိုး။ ရွာပြဇာတ်ကို ရွာသူရွာသားများနှင့် က၍ သူ့အရပ်နှင့် သူ့ဇာတ်ကတော့ အံကျနေသည်။

ကျွန်တော်က ပြဇာတ်ပြီးလျှင် သရုပ်ဆောင်သူများ နာမည်ကိုထိုးမှာ ဖြစ်၍ စီဒီဆုံးအောင် စောင့်ကြည့် စဉ်မှာ ပြဇာတ်ကသူများကို ဆုပေးပွဲပါ ပါလာသည်။ စိတ်ဝင်စားသွား၏။ သာဂိ ရထိုက်သည်ဟု ကျွန်တော်မြင်သည်။

သည်လိုနှင့် သူတို့ဆုပေးပွဲ ကြေညာသည်။ ဆုပေးပွဲမှာ ကြေညာသူက နှစ်ယောက်။ တစ်ယောက်က အမျိုးသား၊ နောက်တစ်ယောက်က အမျိုးသမီး။ ၀တ်ထားတာတော့ ကျကျနန။ မိတ်ကပ်များကိုလည်း အထင်းသား မြင်ရသည်။

" ဟုတ်ကဲ့ပါရှင်။ ကျွန်မတို့ နှစ်စဉ်ကျင်းပနေကျ ........"

" ဟဲ့ ခင်မှုန်။ ထီးတင်တာ နှစ်တိုင်းမတင်ဘူးဟ။ ဘာတွေပြောနေတာလဲ "

ဘုရားလူကြီးဖြစ်ဟန်တူသော အဘိုးကြီးတစ်ယောက်က စင်ရှေ့ကနေထပြောတော့ အားလုံးဝါးခနဲ ရယ်သည်။ အသံကြီးက ကင်မရာနားကပ်နေ၍ ဗွီစီဒီထဲပါလာသည်။ ကျွန်တော်လည်း ပြုံးမိ၏။

" ဪ-ဟုတ်ပါတယ်နော်။ ဒါပေမဲ့ ကျွန်မက နှစ်တိုင်းဒီလိုပွဲမျိုး ပုံမှန်လုပ်စေချင်တာရှင့် "

ခင်မှုန်သည် ပါးနပ်ပုံရသည်။ ချော်လဲရောထိုင် လုပ်လိုက်သည်။

" ဟုတ်ပါတယ် ခင်ဗျာ။ ကျွန်တော်တို့ ဒီနှစ် ဘုရားထီးတင်ပွဲမှာ......."

"ကွယ်-ကျော်သောင်း။ မင်းနှယ် ။ ခက်ပြန်ပြီ။ ဘုရားမှန်းမသိ။ စေတီမှန်းမသိ။ စေတီထီးတင်တာကွာ။ ဟုတ်ပြီလား "

" ဪ-ကိုကျော်သောင်းက အခုမှ စင်ပေါ်တက်တာဆိုတော့ အမှားမကင်းဘူးပေါ့ အဘရယ်။ အဲဒါ ဘုရားပဲဖြစ်ဖြစ်၊ စေတီပဲဖြစ်ဖြစ် ထီးတင်တာကိုပဲ သူကသိတာကိုး။ ဒါကခွင့်လွှတ်လို့ရတဲ့အမှားလေးပါ အဘရယ်။ တစ်နည်းအားဖြင့် ချစ်ဖို့ကောင်းပါတယ် "

လူပျို ကြီးကိုကျော်သောင်းကို အပျိုကလေး ခင်မှုန်က စောင်းပါးရိပ်ခြည် ပြောသောအခါ ကိုကျော်သောင်းက ပြုံး၏။ ခင်မှုန်ကလှသည်။ အစီအစဉ်တင်ဆက်သူနေရာ ရွေးထားကတည်းက ကျွန်တော့်အထင် ရွာမှာကွမ်းတောင်၊ ပန်းတောင်ကိုင်လောက်ဖြစ်မည်။ ပရိသတ်ကတော့ လက်ခုပ်တွေတီးနေ၏။ ရွာမှာက အသားကျနေသလား မဆိုနိုင်။ ဘာပြောပြော၊ ဘာလုပ်လုပ် လက်ခုပ်တီးကြ၏။ ကောင်းလေစွ။

" အခု ပထမဆုံး ဆုချမှာကတော့ တေးဂီတဆုပါ ခင်ဗျာ "

" ဟုတ်ပါတယ်ရှင်။ ဒီဆုဟာ ဒီပြဇာတ်ရဲ့ အဓိက ကျောရိုးမှာပါနေတဲ့ နောက်ခံတီးလုံးတွေကိုဖန်တီး ပေးသူ အတွက်ပါ။ "

တကယ်တော့ ကိုကျော်သောင်း ပြောရမှာကို ခင်မှုန်က လုပြောနေတာဖြစ်သည်။ ခင်မှုန်သည် သူအာသွက်လျှာသွက် ဖြစ်ကြောင်းကို ကိုကျော်သောင်းရှေ့မှာ ပြနေလေသည်။

" အဲဒီဆုအတွက် ကြေညာပါမယ်။ ဟုတ်ကဲ့။ 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ဆိုတဲ့ ပြဇာတ်ကြီးမှာ နောက်ခံတီးလုံးများကို အားတက်သရော တီးပေးသွားတဲ့ ရွှေပန်းတော အုန်းမောင် ကြွပါရှင် "

" ဖြောင်း.......ဖြောင်း.......ဖြောင်း.......ရွှီ......ရွှီ.......ရွှီ "

ပရိသတ်ကား သောသောညံလှသည်။ ကိုအုန်းမောင်သည် ချွေးများရွှဲကာ ဆိုင်းဝိုင်းထဲက ထလာသည်။ ပြီးတော့ ရွာလူကြီးပေးသော ဆုကိုယူသည်။ ပြန်ဆင်းမည်ကြံကာမှ ခင်မှုန်က တားသည်။

" ကိုအုန်းမောင်ကြီး။ ကျေးဇူးတင်စကားလေး ဘာလေးပြောဦးလေ "

" ငါမပြောတတ်ဘူးဟ "

" နည်းနည်းတော့ ပြောရှင် "

ကိုအုန်းမောင် တွေဝေသွားသည်။ ပြီးတော့ မိုက်ကိုလှမ်းယူသည်။

" ကျွန်တော် တိုတိုနဲ့ ထိအောင်ပြောပါမယ်။ ကျွန်တော် ဆိုင်းတီးလာတာ ကြာပါပြီ။ ဒီရွှေပန်းတောရွာမှာသာ ကျွန်တော့်ကို မသိတာ။ ဟိုဘက် အလယ်ကုန်း၊ လယ်ဦးစု၊ ကျောင်းကုန်း၊ ဗွက်ရိုး တစ်ကြောမှာတော့ အားလုံး အုန်းမောင် ဆိုရင် သိနေကြပါပြီ။ ရွာကလူတွေ မျက်စိလျှမ်းနေတာပေါ့ခင်ဗျာ "

ထိုသို့ပြောတော့ ရွာလူကြီးများက မျက်စောင်းထိုးသည်။ ကင်မရာမင်းကလည်း လျင်လှ၏။ လူကြီးများ၏ မျက်စောင်းကို မိအောင် ရိုက်ထားသေးသည်။

" အဲဒါ အခုကြုံတုန်း လက်စွမ်းပြတာပါ။ ဒါဘာမှမဟုတ်သေးပါဘူး။ ကျွန်တော် စင်ကာပူ ရောက်တုန်းကဆို..."

" အမယ်-ကိုအုန်းမောင်ကြီးက ဘယ်တုန်းက စင်ကာပူရောက်တာလဲ "

" ပြီးခဲ့တဲ့ နှစ်ကလေ။ ရန်ကုန်က ပုဇွန်တောင်မှာ စင်ကာပူ ဘုန်းကြီးကျောင်းရောက်တုန်းက..."

" အာ.........."

ပရိသတ်၏ အာ........ဆိုသည့် အသံကြီးက ထွက်လာသည်။ ကျွန်တော်ပြုံးမိ၏။

" အဲဒီမှာ ကျွန်တော်စာတွေဖတ်တာပေါ့။ အများကြီးပဲဗျာ။ ကျွန်တော်က ငွေလည်းသုံးနိုင်တော့ အိုင်စီ ကိုပါသွားတွေ့တာ "

" ဟင်-အိုင်စီဆိုတာ Iron Cross မဟုတ်လား။ ကိုအုန်းမောင်က ဆိုင်းတီးတာလေ။ ဘာဆိုင်လို့လဲ "

" သိပ်ဆိုင်တယ် ခင်မှုန်။ ချစ်စမ်းမောင်ဆိုတဲ့ကောင်လေးက ခြောက်ကြိုးကဝေဆိုလို့ ငါ့ခြောက်လုံးပတ်နဲ့ တီးလုံးချင်း၊ အသံချင်းကိုက်အောင် ဘယ်လိုလုပ်မလဲ သွားညှိတာ "

" ဪ-ဟုတ်လား။ အဲဒီတော့....."

" သူကပြောပါတယ်။ လောလောဆယ် မအားသေးလို့တဲ့။ ခြောက်ရက်နေ့ ညနေခြောက်နာရီ လာမယ် ပြောတာပဲ။ အစ်ကို့ခြောက်လုံးပတ်ကိုစမ်းနေပါတဲ့။ "

" အစ်ကို ကိုအုန်းမောင်။ ကျေးဇူးတင်စကားလေးပြန်ဆက်ဦးလေ "

ကိုကျော်သောင်းက စကားပြန်ထောက်ပေးသည်။ ထိုသို့မှမဟုတ်လျှင် ကိုအုန်းမောင်၏ ကျေးဇူးတင် စကားသည် စီဒီနောက်တစ်ချပ် ကူးတော့မည်။

" အဲဒါပဲ ပြောမလို့လေဗျာ။ ဟိုဘက်ရွာက သိန်းဦးတို့၊ လှငွေတို့ကို သူတို့ရွာကလူတွေက တီးခိုင်းတာ ကျွန်တော်သွားမတီးခင်က။ အခုကျွန်တော်သွားတီးပြီးနောက်ပိုင်း သူတို့လူတောင် သူတို့မသုံးတော့ဘူး။ ကျွန်တော့်ခေါ် တီးတာ။ အဲဒါ သုဝဏ္ဏသာမဇာတ်ကိုသိတယ်မဟုတ်လား "

ကိုကျော်သောင်းနှင့် ခင်မှုန်တစ်ယောက်မျက်နှာတစ်ယောက်ကြည့်သည်။ သူဆုရတာ ဘယ်က ဘုရားအလောင်း ဇာတ်ထုပ်က ပါလာသည်မသိ။ ပြဇာတ်ကတော့ သာဂိ၏ မိန်းမပွေဇာတ်ထုပ်။ 

" သားရွှေအိုးထမ်းလာတဲ့ကိန်းဗျာ။ ရွာတွေမှာတီးရသလို ကိုယ့်ရွာမှာတီးရရင်း အခုလိုဆုလည်းရ။ ဒါကိုပြောချင်တာပါ။ ကျွန်တော့်ကို မတတ်ဘူးမထင်နဲ့။ အားရင် တစ်ခုခုတီးနေရမှ ကျေနပ်တာ။ အဲဒီတော့..."

ကိုအုန်းမောင် ပြောနေတုန်း ဗြုန်းဆို လူတစ်ယောက်စင်ပေါ်တက်လာပြီး သောက်ရေထည့်ထားသည့် သဲအိုး၊ ရေအိုးတစ်အိုးထိုးပေးသည်။ ကိုအုန်းမောင် ပြူးကြောင်ကြောင်ကြည့်ကာ သောက်ရေတစ်ခွက် ခပ်သောက်၏။ အားလုံးက ရယ်သည်။ ကိုကျော်သောင်းနှင့် ခင်မှုန်ကား မျက်နှာပျက်နေလေ၏။

" အဲဒါ ရွာလူကြီး မကောင်းလို့ ကျွန်တော်ဆုမရတာ။ ကြာပြီ။ ဒီလိုဘုရားပွဲလုပ်ရင် နှစ်တိုင်းကျွန်တော်ချည်း ရမှာပေါ့။ တခြားရွာကကောင် ခေါ်တီးခိုင်းလေ။ လက်တောင် ယှဉ်လို့ရတယ် "

" ဟုတ်ကဲ့။ အခုလို ကျေးဇူးတင်စကား ပြောကြားပေးတဲ့ ဆိုင်းဆရာ ရွှေပန်းတော ကိုအုန်းမောင်ကို ကျေးဇူးအထူးတင်ရှိပါတယ် "

ကိုကျော်သောင်းသည် ကိုအုန်းမောင်လက်က မိုက်ကို ဆွဲလုပြီး ထိုစကားကိုပြောလိုက်ရာ ကိုအုန်းမောင်ခမျာ ဆန့် ငင်ဆန့်ငင်နှင့် စင်ပေါ်မှ ဆင်းသွားရလေသည်။

" အခုဆက်လက်ပြီး ပြဇာတ်အတွက် အရေးကြီး ဆုတစ်ဆုကို ကြေညာပါဦးမယ်။ 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်မှာ အမျိုးသမီးဇာတ်ပို့နေရာက တကယ်ကို အရေးပါပါတယ်။ ကျွန်တော်တို့ ပြဇာတ်တွေကြည့်လာတာ ကြာပါပြီ။ "

" ဟေ့ကောင် ကျော်သောင်း။ မရွှီးနဲ့။ ပြဇာတ်က ဒီနှစ်မှ စကတာ။ ခွီးတဲ့မှ။ မင်းကြည့်ဖူးတဲ့ ပြဇာတ်က အရင်ဘ၀က ပြဇာတ်လား "

လူကြီးတစ်ယောက်က ကိုကျော်သောင်းကို စင်ရှေ့ကနေ ထဟောက်ပြန်သည်။ အားလုံး ၀ါးခနဲရယ်၏။ ကိုကျော်သောင်း ခေါင်းကုတ်နေသည်။

" သူက အနုပညာဝါသနာ တအားပါသူပါ။ စိုးမိုးမေတ္တာတို့၊ ထွေးညို တို့ကိုသေသေချာချာ နားထောင်ခဲ့ဖူးသလို ဘီးအီးဒီအောင်သိုက်ရဲ့ ပြဇာတ်တွေကိုလည်း ကျေညက်နေပါပြီ။ စိတ်လှုပ်ရှားလွန်းလို့ စကားတွေ မှားရင်တောင်းပန်ပါတယ်။ ဒါမျိုးလေးတွေက ဖြစ်တတ်ပါတယ် "

ခင်မှုန်သည် ကိုကျော်သောင်းအစား ရှေ့နေလိုက်နေ၏။ ပရိသတ်ကားကြေညာပါ ဟု သာ အော်နေသည်။

" ဟုတ်ကဲ့ပါရှင်။ ဒီနှစ်အတွက် 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်မှာ အကောင်းဆုံးဇာတ်ပို့ ဆုကို ပြိုင်ဘက်မရှိတစ်ယောက်တည်း ယူသွားနိုင်သူကတော့...."

" ထွေးထွေးရီ.........ထွေးထွေးရီ....ထွေးထွေးရီ "

ပရိသတ်ကား အော်ဟစ်အားပေးနေလေသည်။

" ဟုတ်ပါတယ်ရှင်။ ထွေးထွေးရီပါ။ မထွေးထွေးရီ။ ဆုလက်ခံယူပေးဖို့ စင်ပေါ်ကို ကြွပါရှင် "

ခင်မှုန်၏စကားအဆုံး ထွေးထွေးရီသည် တက်ကြွသော ခြေလှမ်းများဖြင့် စင်ပေါ်ကိုရောက်လာလေသည်။ ရွာလူကြီးသည် ထွေးထွေးရီလက်ကိုကိုင်ကာ စကားအနည်းငယ်ပြောသည်။ ထို့နောက် ကိုကျော်သောင်းသည် မိုက်ကို ထွေးထွေးရီကို ထိုးပေးသည်။

" ကျွန်မ အခုလို ဆုရတာမှာ တကယ်ကျေးဇူးတင်ရမှာက ရွာထဲကလူတွေပါ "

" ဟေး "

ရွာသူ၊ ရွာသားများ ထအော်သည်။ ထွေးထွေးရီသည် ရည်းစားအပြိုင်အခန်းက ပါရသော်လည်း ရွာသူရွာသားတို့၏ မေတ္တာကို ရထားပုံရသည်။ သူကလည်း ပြောတတ်သည်။

" ကျွန်မတို့ ရွာသူရွာသားတွေက ကျွန်မကို လမ်းမှာတွေ့ရင်တစ်မျိုး၊ လယ်ထဲမှာတွေ့ရင်တစ်ဖုံ၊ အမျိုးမျိုး ကျွန်မကို မေးကြပါတယ်။ ဇာတ်ကရင် ပါဖို့။ ကျွန်မကလည်း ငယ်ငယ်ကတည်းက ပိုးထိုးနေတာ။ "

" ဟေး "

ရွာသူ၊ ရွာသားများ အော်ကြပြန်သည်။ အထူးသဖြင့် ကာလသားများ။ ဘာပိုးလဲဟု အော်ကြသေး၏။

" ဟုတ်ပါတယ်။ အနုပညာကိုဝါသနာပါလို့ အခွင့်အရေးကို စောင့်နေတာ။ ကိုယ့်ရွာသူ၊ ရွာသားများကလည်း အားပေးကြတာရှင်။ ကျွန်မ သူတို့ကြောင့် ကပြဖြစ်တာပါ။ နောက်မို့ဆို ကျွန်မဘာသာ ကျွန်မကောက်စိုက်၊ ပျိုးနုတ်ပဲနေမှာ။ အဲဒီအတွက် သူတို့ကို ကျေးဇူးတင်ပါတယ်။ သူတို့အတွက် နောက်နှစ်တွေ ထပ်ကပါမယ်။ အိုရှင်-အမြဲကပါမယ် "

" အေး.အေး။ နင်တို့ကလို့ရအောင် ရွာမှာ တစ်နှစ်တစ်ခါ ထီးတင်မယ်ဟေ့။ သိပြီလား "

ရွာလူကြီးကား ထွေးထွေးရီကို ရွဲ့လေပြီ။ ကျွန်တော်ပြုံးမိပြန်၏။ ထွေးထွေးရီက သူ့သဘောနှင့်မဟုတ်ဘဲ ပရိသတ်ကြောင့် ကရသည်ဟု အပြောက များနေလေသည်။ ဒါကြောင့်ပင်ဖြစ်မည်ဟု ကောက်ချက် ချ၏။ ထွေးထွေးရီကား ရှက်ရှက်နှင့် ဆင်းပြေးလေသည်။

" ဟုတ်ကဲ့ပါ ခင်ဗျာ။ 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်ကြီးရဲ့အဓိက ဇာတ်ပို့ အမျိုးသားဆုကို ကြေညာပါမယ်။ ဒီပြဇာတ်မှာ တကယ့် အရုပ်မှန်........အဲ......သရုပ်မှန်ပေါ်အောင် လုပ်ပြသွားနိုင်တဲ့ ဇာတ်လိုက်မင်းသားရဲ့ သူငယ်ချင်းအဖြစ် ကပြသွားတဲ့ ကိုအောင်ထွေး ကိုဖိတ်ခေါ်ပါတယ်ခင်ဗျား "

ကိုအောင်ထွေးကား ပြုံးပြုံး ပြုံးပြုံးနှင့်။ ဆုယူအပြီး ကျေးဇူးတင်စကား ပြောသည်။

" ကျွန်တော်..........ဒီဆုကိုရတာ............အားလုံးကို ကျေးဇူးတင်ပါတယ်.................ကျွန်တော့်ရဲ့ မိဘနှစ်ပါးလည်း ကြည့်ရင်း ကြည်နူးနေမှာပါ...............ကျွန်တော်ဆက်လက် ကြိုးစားပါမယ် "

ကိုအောင်ထွေးသည် စကားကို တိုတိုပဲ ပြောသည်။ ကိုအုန်းမောင်လို တိုတိုပဲ ပြောမည်ဆိုပြီး ရှည်မနေ။ သို့သော် ကိုအောင်ထွေးမှာပြောစရာ တစ်ခုပဲ ရှိသည်။ ဘာဖြစ်လို့မှန်းမသိ။ သူ့အသံက တော်တော်မောနေသည်။ စိတ်လှုပ်ရှားသည်ထင်၏။ ဒါကို ခင်မှုန်တို့ မရိပ်မိ။ ရိပ်မိလည်း ပြောမှာမဟုတ်။ သို့သော် ရွာလူကြီးတစ်ဦးက ရိပ်မိသည်။

" ဟေ့ကောင် ကျော်သောင်းနဲ့ အောင်ထွေး။ မင်းတို့ဒီပွဲပြီးရင် ငါ့ဆီလာခဲ့။ ထန်းရည်လက်ကျန်လေးဆွဲရအောင်။ ခွီးတဲ့မှ ကျားတွေဖြစ်ပြီး စင်ပေါ်ရောက်တော့ စကားထစ်တဲ့ကောင်နဲ့။ အမောဖောက်နေတဲ့ကောင်နဲ့ "

ထိုသို့ပြောလိုက်မှ ပရိသတ်ကား တ၀ါးဝါးနှင့် ရယ်တော့သည်။ ကိုအောင်ထွေးသည် စင်ပေါ်ကိုလှည့်မကြည့်ဘဲ လစ်လေတော့သည်။

" အခုဆက်လက်ပြီး 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်အတွက် အဓိကဇာတ်ဆောင် အမျိုးသမီးဆုကို ကြေညာပါမယ်။ "

ပရိသတ်ကား ဟေး ဟုအော်ကြလေသည်။ တကယ်တော့တစ်ဇာတ်တည်းသောပြဇာတ်မှာ ပါဝင်သရုပ်ဆောင်သူအားလုံး ရမှာကကျိန်းသေနေသည်မဟုတ်လား။

" ဟုတ်ကဲ့ပါရှင်။ 'ကိုယ့်မိန်းမကို သေအောင်မေ့၊ တစ်နေ့တွေ့မယ်'  ပြဇာတ်ရဲ့ အဓိက အမျိုးသမီးဇာတ်ဆောင်ဆုကို ခင်ခင်အေး ကရသွားပါတယ်ရှင် "

ဟေး ဟု ပရိသတ်ကြီးအော်လိုက်စဉ်မှာပင် ခင်ခင်အေးဆိုသောအမျိုးသမီးသရုပ်ဆောင်ကိုရှာသည်။ စင်ပေါ်တက်ရန် စောင့်နေကြ၏။ မတွေ့။

" ဪ-ဟိုမှာ ဟိုမှာ။ ဟဲ့-ခင်ခင်အေး။ ဘယ်သွားနေတာလဲ။ စင်ပေါ်လာလေ။ ဪ-ငါသိပြီ။ ချုံတိုးနေတာမဟုတ်လား "

ကိုကျော်သောင်းကား လူပါးမလည်။ စင်ပေါ်ကနေအော်ချင်တိုင်း အော်နေ၏။ သူ့မိုက်သံကား ကျယ်လောင်လှကာ တစ်ရွာလုံး ကြားရမည်ထင်သည်။ သည်မှာပဲ ကာလသားများ စချင်စိတ်ကပေါ်လာလေရာ ပြဇာတ်သရုပ်ဆောင် ခင်ခင်အေးမှာ ချက်ချင်း နာမည်သစ်ရလာလေသည်။

" ချုံတိုးခင်.....ချုံတိုးခင်.......ချုံတိုးခင် "

ကျွန်တော့်မှာ သူတို့ဆုပေးပွဲကို စိတ်ဝင်စားနေရင်းမှပင် ရယ်လည်းရယ်နေရ၏။ ခင်ခင်အေးသည် စင်ပေါ်ကိုရှက်ရှက်နှင့်တက်ပြီး ဆုတက်ယူသည်။ ပြီးတော့ ကျေးဇူးတင်စကားကို ပြော၏။

" သမီး အရမ်းဝမ်းသာပါတယ်။ အရမ်းဝမ်းသာလို့ ဘာပြောရမှန်းမသိတော့ပါဘူး။ အဟင့်.....အဟင့် "

ခင်ခင်အေးနှင့် ကိုအောင်ထွေး သည် အမျိုးတော်သည်ဟု ယူဆရမလားမသိ။ ယခုခင်ခင်အေးပြောစဉ်မှာ အမောဖောက်သံက ပါနေပြန်သည်။ ငိုလည်းငိုနေသေး၏။ ၀မ်းသာ၍ ငိုလေသလား၊ ချုံတိုးခင်ဟူသော နာမည်အသစ်ကြောင့် ငိုလေသလားတော့ မပြောတတ်။ ခင်ခင်အေးကား ချုံတိုးခင်ဟူသော ဘွဲ့ကို ကိုကျော်သောင်းကြောင့် ရပြီး သကာလ စင်ပေါ်မှာ သိပ်အကြာကြီးမနေတော့။ မြန်မြန်ပြန်ဆင်းလေသည်။

" ဟုတ်ကဲ့။ အခုတစ်ခါ ပြဇာတ်အတွက် အရေးကြီးဆုတစ်ဆုကို ဆက်ကြေညာပါမယ် "

ပရိသတ်ကား စိတ်ဝင်စားစွာ စောင့်နေ၏။ တစ်ခုတည်းသောပြဇာတ်မှ ဘာတွေများ ဆက်ပေးဦး မည်နည်းဟု သိချင်နေပုံပင်။ သူတို့မပြောနှင့်။ ကျွန်တော်ပင် သည်တစ်ခါကဘာဆုလဲဟု တွေးနေမိ၏။

" ပြဇာတ် ဒါရိုက်တာဆုပါခင်ဗျား။ 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်ကြီးရဲ့ ပြဇာတ် ဒါရိုက်တာ လူငယ်ဒါရိုက်တာ ကိုပြည့်ဝင်း .....................ဆုယူရန်ကြွပါခင်ဗျား "

ဟေး ဟုအသံကြီးကြားပြီး ကိုပြည့်ဝင်းသည် အားမာန်အပြည့်နှင့် စင်ပေါ်ကိုတက်လာလေသည်။ ဆုယူပြီး မိုက်ကို ကိုကျော်သောင်းဆီက လှမ်းယူသည်။

" ဟုတ်ကဲ့။ ကျွန်တော်အနှစ်နှစ်အလလက ကြိုးစားခဲ့သမျှ အခုလိုရတာ ၀မ်းသာပါတယ်။ ရွာဦးကျောင်းက ဆရာတော်ပြောသလို ပြောရရင် ကိုယ်ကောင်းရင် ခေါင်းဘယ်တော့မှ မရွေ့ပါဘူး။ 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်ဟာ အိမ်ထောင်ရေး ပညာပေးပါ။ ကျွန်တော့်ရဲ့ မူလတန်းပြ ဆရာပြောသလို ကကြီးကနေအအထိသေသေချာချာလေ့လာရပါမယ်။ အိမ်ထောင်ရေးဟာ အဲဒီလိုပါ။ ကျွန်တော့်ရဲ့ အထက်တန်းပြဆရာပြောသလိုပြောရရင် သက်ရောက်မှုတိုင်းမှာ တန်ပြန် သက်ရောက်မှုရှိပါတယ်။ အခုကျွန်တော့် ကြိုးစားမှု အရာထင်ပါပြီ။ အားလုံးကို ကျေးဇူးပါ "

ကိုပြည့်ဝင်းကား သူ့စကားဟုတ်တိပတ်တိမပါ။ ရှိသမျှဆရာအားလုံး၏ စကားများကိုပြောကာ ကျေးဇူးတင် သွားသည်။

" ဒီတစ်ခါ အလှည့်ကျသူကတော့ 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်တစ်ခုလုံးရဲ့ အဓိက အမျုိးသားဇာတ်ဆောင်ပါ။ အဲဒီဆုကိုတော့.........."

" သာဂိ.........သာဂိ........သာဂိ "

ပရိသတ်ကား ကြိုသိနှင့်နေ၍ သာဂိနာမည်ကို ကုန်းအော်နေလေပြီ။ သာဂိကား စင်ကာပူကပေးလိုက်သော နာမည်နှင့် အောင်မြင်နေလေရာ သူ့သူငယ်ချင်းများကလည်း သာဂိ၊ သူ့ရွာသားများကလည်း သာဂိနှင့်။ အောင်မြင်နေတော့၏။

" ဟုတ်ပါတယ်ခင်ဗျာ။ သာဂိပါ။ ကိုသာဂိ ဆုယူပေးပါခင်ဗျာ "

" ဟေ့ကောင် ကျော်သောင်း။ သာဂိက ဆုလက်ခံယူရမှာ။ ဆုက မင်းတို့ကယူပြီး လူကြီးလက်ထဲထည့် ပေးရမှာ။ ငတုံးရဲ့ "

လူကြီးတစ်ဦးကား ကိုကျော်သောင်းကို ဖုနေလေရာ ဘုသာတောနေတော့၏။ ကိုကျော်သောင်းမှာ မျက်နှာငယ်လေးနှင့် ပြန်ကြည့်၏။

သာဂိကား တိုက်ပုံကို သားသားနားနား ၀တ်ကာ စင်ပေါ်တက်လာ၏။ သူ့သီချင်းခွေတုန်းက ပြဿ      နာတက်ခဲ့ဖူးသော သာဂိသည် ယခုတော့ တော်တော်လေး ငြိမ်သားကျနေ၏။ ဆုယူပြီး သာဂိကျေးဇူးတင်စကား ပြောသည်။

" ကျွန်တော် အခုလို 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်မှာ အဓိကဇာတ်ဆောင်နေရာက ပါဝင်ခွင့် ရတဲ့အတွက် ပွင့်တော်မူပြီး ဖြစ်တဲ့ဘုရားအဆူဆူနဲ့တကွ ပစ္စေကဗုဒ္ဓါ၊ ရဟန္တာအပေါင်းနဲ့ သံဃာအပေါင်း၊ ကျွန်တော့်ကိုမွေးဖွားပေးတဲ့ မိဘနှစ်ပါး၊ ကျွန်တော့်အမေကို ကျွန်တော်ကိုယ်ဝန်ရှိစဉ်ကတည်းက စပြီး စမ်းပေးတဲ့ ကျွန်တော်တို့ ရွှေပန်းတောရွာက လက်သည် ဒေါ်စိန်ကြည် "

" ဟေ့ကောင် သာဂိ။ ငါ့အမေ ဒေါ်စိန်ကြည်ဆုံးတာကြာပဟ။ ငါပဲ ရှိတော့တယ် "

" ဪ-အေး........အေး။ ဒေါ်စိန်ကြည်ရဲ့ သား။ ငပွ။ ပြီးတော့ ကျွန်တော့်အနှီးကို ကူလျှော်ပေးခဲ့ကြတဲ့ ရွာက အမျိုးအားလုံး၊ ငယ်ငယ်ကတည်းက ထိန်းကျောင်းပေးလာတဲ့ အဒေါ်များ၊ ရွာဦးကျောင်းက ဆရာတော်ဘုရား၊ မူလတန်း၊ အလယ်တန်းနဲ့ အထက်တန်းကျောင်းက ဆရာများ "

" ဟေ့ကောင် သာဂိ။ အပိုတွေ မလုပ်နဲ့။ မင်းပြဇာတ်ကတာဆုရတာ မင်းကျောင်းက ဆရာတွေနဲ့ ဆိုင်လို့လား။ မင်းလည်း အပြန် ထန်းရည်လာသောက် "

" ဟား.......ဟား "

ကိုကျော်သောင်း နှင့် ကိုအောင်ထွေးကို ထန်းရည်ခေါ်တိုက်နေသော လူကြီးပင် ထအော်လေရာ ရွာကကာလသားတို့မှာ ပွဲကျလေ၏။ သာဂိကား အပြုံး မပျက်။ အရင်က အထိုးအကြိတ်ပင် ခံထားရလေရာ ထိုမျှကတော့ အပျော့ဟု ဆိုလေမည်လား မသိ။

" ကျွန်တော်ညှော်မိပြီး အနာရင်းတုန်းက အိမ်ကရှိသမျှဆေးနဲ့ ဆေးရွက်တွေရှာပြီး လာကုပေးတဲ့ အဘွားလေး ဒေါ်တင်ကြည်။ ကျွန်တော်ဖေ့စ်ဘွတ်မှာ ဓာတ်ပုံတင်ဖို့ အရိုက်ခံနေတုန်း ခွေးလိုက်ဆွဲတုန်းက ၀င်ကယ်ပေးတဲ့ ကျွန်တော့်ညီဝမ်းကွဲ ကောက်ရိုး၊ ကျွန်တော်နဲ့ ဆိုးဖော်ဆိုးဖက်၊ တေဖော်တေဖက် ရွာကကာလသားများ "

" ဟေး "

" ကျွန်တော့်ရဲ့ အနွံအတာကို ခံခဲ့တဲ့........."

သာဂိက စကားကို ခဏနားသည်။ ကျွန်တော်ပင် သာဂိတောင် ရည်းစားတွေ၊ ဘာတွေရပြီပဲဟု တွေးနေခိုက် သာဂိပြောတာ ကြည့်ပါဦး။

" ရွာက နွားနှစ်ရှဉ်း။ သူတို့က ကျွန်တော်ဆဲဆဲ၊ ရိုက်ရိုက်ခံတယ်ဗျ။ "

" ဟေး "

" ပြီးတော့ ရွာက လူကြီးမင်းများ "

" သာဂိ။ မင်းက နွားတွေကို ကျေးဇူးတင်ပြီး ငါတို့ကို ကျေးဇူးတင်တယ်။ မင်းကတော့လေ။
လုပ်ချ လိုက်ပြန်ပြီ "

အားလုံးရယ်ကြပြန်သည်။ သာဂိကား ပြုံးနေပြန်၏။

" ပြီးတော့ စင်ကာပူက ကျွန်တော့်သူငယ်ချင်းများနဲ့ ကျွန်တော့်ကိုညီအရင်းလို ဆုံးမတတ်တဲ့ အစ်ကိုတစ်ယောက်။ အားလုံးကို ကျေးဇူးတင်ပါတယ်။ ကျန်ခဲ့ရင် ခွင့်လွှတ်ပါ "

" ဟေး "

သာဂိကား အပေါင်းအသင်းများရကား သူ့ကျေးဇူးတင်စကားမှာ တဟေးဟေးနှင့် ပွဲကျနေတော့သည်။ သာဂိကား ပြောပြီး စင်ပေါ်မှ ဆင်းပြေးလေသည်။

" ဟုတ်ကဲ့။ အခု ဆုပေးပွဲ အပြီးမှာ ဖျော်ဖြေရေး ရှိပါသေးတယ်။ မပြန်ပါနဲ့ဦး ခင်ဗျာ "

" ဟေ့ကောင် ကျော်သောင်း။ တော်တော် ဟိုဟာရှည်တဲ့ကောင်။ ငါတို့က ပြဇာတ်ကြည့်ဖို့လာတာ။ မင်းတို့ ဆုပေးပြီး ပြီးပြီ။ ကျေးဇူးတင်စကားတောင် မလွှဲသာလို့ နားထောင်နေတာ။ ငါဟိုအမောဖောက်နေတဲ့ ကောင်တွေကို ထန်းရည်တိုက် ဂုဏ်ပြု လိုက်ဦးမယ်။ မကြည့်တော့ဘူး "

" ကျွန်တော်တို့ ကောက်စိုက်အက၊ ဒန့်သလွန်သီး အကတို့၊ ပန်းဦးဆွတ်ခြွေ လမိုက်ကြွေ အကတို့ ကမှာ အဘ။ အားပေးပါဦး "

" မင်းနဲ့ ခင်မှုန်ပဲ ကြည့်ကျန်ခဲ့တော့ဟေ့။ သွားပြီ "

အားလုံးကား ရုတ်ရုတ်၊ ရုတ်ရုတ်နှင့် ထပြန်လေသောအခါ ကိုကျော်သောင်းနှင့် ခင်မှုန်မှာ ဘာလုပ်ရမှန်းမသိဘဲ ပွဲကို သိမ်းရလေတော့၏။ ထိုအချိန်မှာပဲ အသံတစ်သံက ပေါ်လာပြန်လေသည်။

" ဟေ့ကောင် သာဂိ။ ယီးတဲ့မှပဲ။ မင်းရတဲ့ဆုက ငါရရမှာကွ။ ဟဲ......ဟဲ "

သာဂိ သူငယ်ချင်း ဖြစ်ဟန်တူသော လူတစ်ယောက်က သာဂိကို လှမ်းဆဲပြီး ပုခုံးလှမ်းဖက်နေသည်။ ဗွီဒီယို ရိုက်နေသည်ကို မသိဘူးထင်၏။

နောက်ဆုံးပွဲသိမ်းမှာ ရွှေမန်းတင်မောင်၏ အောင်ပါစေ ကို ဟွန်းကြီးနှင့်ဖွင့်ကာ သိမ်း၏။ ကောင်းလေစွ။

ကျွန်တော်ကား သာဂိတို့ရွှေပန်းတောရွာက ကပြသော 'ကိုယ့်မိန်းမကို သေအောင်မေ့၊ တစ်နေ့တွေ့မယ်' ပြဇာတ်ကို ကြည့်ကာ ရယ်မောပြုံးရွှင်လျှက် စိတ်လက်ပေါ့ပါးသွားလေရာ ဗွီစီဒီကိုထုတ်ကာ တစိမ့်စိမ့်ပြန်တွေးနေမိသေးတော့သည်။              ။

သားလတ်

၂၁း၂၇ နာရီ ( စင်ကာပူစံတော်ချိန် )

၁.၁.၂၀၁၅

Photo Reference: art.phillipmartin.info

" ကျွန်တော်နှင့် အင်တာနက် အလန်းများ " (၄)

" မျောနေတဲ့ လေပြည်ကြားမှာ.........မတ်တတ်ရပ်ရင်း အပေါ့တွေသွား......

မိုးတိမ်ကို မော့ကြည့်တော့.........စာကလေးက ချီးပါချ

ကမ်းခြေက အမှိုက်တွေပွ........အမှိုက်ကားကို လွမ်းနေရ

အနံ့ဆိုးများ ခုန်ပေါက်ပြေးဆော့........ပတ်ဝန်းကျင်မှာ အကျည်းတန်သွား

အရင်ကဆို ဒီညလို......မီးက ခဏခဏ မပျက်ပါဘူး

သိပ်ဝမ်းနည်းစရာ ကောင်းတာတစ်ခုက......ငါ့မှာ ဖယောင်းတိုင် မရှိတော့ဘူး

မလာတော့ဘူး ဆိုရင်လည်း မင်းစိတ်ကြိုက်သာ လုပ်ပါ လုပ်ပါ

ဒီလိုနဲ့ ညတွေအားလုံး လွတ်ခဲ့ရတဲ့ တရုတ်ကား များစွာ........"

ကျွန်တော် သည်သီချင်းကို ကြားဖူးသည်။ တော်တော် ရင်းရင်းနှီးနှီး ရှိနေသည်။ နောက်မှ သတိရသည်။ စိုင်းစိုင်းခမ်းလှိုင်၏ 'အချစ်သို့ရှုံးနိမ့်ခြင်း' ဆိုသောသီချင်း။ ကျွန်တော်လည်း ကြိုက်သည်။ ယခုက စိုင်းစိုင်းခမ်းလှိုင် မဟုတ်။ စိုင်းစိုင်းခမ်းလှိုင်ကို တုပြီး ဆိုနေသည့် သာဂိ။ ကျွန်တော့် အချစ်တော် သာဂိ။

ရွာက ရွာဦးစေတီ ထီးတော်တင်ပွဲမှာ သာဂိ မိုက်ကိုင်ပြီး မိုက်ခဲလုပ်နေသည်ကို ဗွီဒီယိုမှတ်တမ်း တင်ထားပြီး Facebook မှာ ပြန်တင်ထားတာ ဖြစ်သည်။ သူက Rapper တွေလို စတိုင်ကျကျ ၀တ်ထားသေးသည်။ ပြီးတော့ ဘောင်းဘီခွကိုလည်း တကိုင်ကိုင် လုပ်နေသေး၏။ မောလျှင် ရေဘူးကြီး အကြီးကြီး တစ်ဘူးကို ကိုင်ကာ ရေသောက်သေးသည်။ အောက်က ရွာသူရွာသားများက သူ့ကို ကြည့်ပြီး ပြုံးကြသည်။

" မဟုတ်ပါဘူး.....မရှုပ်ပါဘူး......မယုတ်မာဘူး........မင်းထင်သလို မလုပ်ပါဘူး.......ရှိတာတစ်ခုကို ထုတ်ကာပြမယ်.........ခြောက်လက်မလောက် မကပါဘူး......"

စိုင်းစိုင်းခမ်းလှိုင် ကြားလျှင် ကိုယ့်ကိုယ်ကို သတ်သေ သွားနိုင်သည်။ " ကောင်မလေး ကြိုက်တယ် ဆိုပြီးတော့ " သီချင်းထဲက စာသားသည် သာဂိနှင့် အတွေ့မှာ အဓိပ္ပါယ်တွေက လွဲကုန်သည်။ " ခြောက်လက်မလောက် မကပါဘူး " ဆိုပြီး ကြံချောင်းတစ်ချောင်းကို ထုတ်ပြသည်။ ရွာသားများ လက်ခုပ်တီးကြ၏။

ပြီးတော့ စိုင်းစိုင်းခမ်းလှိုင်၏ နာမည်ကြီး သီချင်း " ၀မ်းနည်းမှတ်တမ်း " ကို ဆိုထားပုံက လန်းသည်။

" အဲဒီနေ့က မိုးမရွာ........ငါ့မှာလည်း ပုဆိုးမပါ " တဲ့။

ကျွန်တော် မနေနိုင်တော့။ သာဂိ အွန်လိုင်းတက်လာလျှင် တွေ့လျှင်ခေါ်ပါဟု မှာထားလိုက်သည်။ သိပ်မကြာလိုက်။ သာဂိ ကျွန်တော့်ကို အွန်လိုင်းကနေ တွေ့ချင်ကြောင်း စာပြန်လာသည်။ သည်လိုနှင့် G-talk မှာ ကျွန်တော်တို့ ဆုံကြ၏။

" အစ်ကို-ဘာပြောစရာရှိလို့လဲဟင် "

" မင်း သီချင်းဆိုတာ သဘောကျလို့ပါ။ အဲဒါ စိုင်းစိုင်းခမ်းလှိုင် သီချင်းတွေ မဟုတ်လား။ မင်းပြန်ခံစား တာလား "

" ဟုတ်တယ် အစ်ကို။ ကျွန်တော် ကြိုက်လို့။ ဘာလဲ။ မကောင်းလို့လား "

" မဟုတ်ပါဘူးကွာ။ မင်းထည့်ထားတဲ့ စာသားတွေ လန်းလွန်းလို့ပါ "

" ကျေးဇူးတင်ပါတယ် အစ်ကိုရာ။ အစ်ကိုကသာ လန်းတယ် ပြောနေတာ။ ကျွန်တော် ဆိုနေတုန်း ကျွန်တော့်ရွာက လူတွေက စင်အောက်ကနေ သောက်ရေအိုးကြီး ထိုးပေးလိုပေးနဲ့ "

ကျွန်တော် နားမလည်။

" ဘာဖြစ်လို့လဲ "

" ကျွန်တော်က Rapper တွေလို ရေဘူးနဲ့ ရေသောက်တာ။ အဲဒီနေ့က ဘူးသေးဝယ်တာ ကုန်နေလို့ မထူးဘူး ဆိုပြီး နှစ်ဆယ်လီတာ ဘူးကို ရေလျှော့ပြီး စင်ပေါ်တင်ထားတာ။ အဲဒါ ရွာသူရွာသားတွေက ရေ အဲဒီလောက် ဆာနေရင် ဒီမှာဟေ့ ဆိုပြီး ဘုန်းကြီးကျောင်းက သောက်ရေအိုး၊ သဲအိုးဗျာ။ အဲဒါကြီး စင်အောက်ကနေ လှမ်းပေးလို့။ သီချင်း မြန်မြန် ရပ်လိုက်ရတယ် "

ကျွန်တော် ရယ်နေမိ၏။ သာဂိလည်း လိုက်ရယ်သည်။ မင်းကတော့ လုပ်တော့မယ် ဟု ကျွန်တော်ပြောတော့ သူဆက်ရယ်နေသည်။

" ဒါနဲ့ မင်းက သီချင်း စာသားထည့်တာတော့ ရသားပဲ။ မင်း အဆိုတော်ပိုး ၀င်နေပြီလား "

" ဒီဘက်ခေတ်က ပိုက်ဆံရှိရင် အကုန်လုပ်လို့ ရတဲ့ခေတ်ကို အစ်ကိုရ။ ကျွန်တော် စဉ်းစားနေတာ။ ခွေထုတ် မလားလို့ "

ဒါတော့ သာဂိ အတင့်ရဲလွန်းသည် ထင်သည်။ သည်ဘက်ခေတ်မှာ စီးရီး အခွေတစ်ခွေ ထွက်ဖို့ ဆိုသည်မှာ တော်ရုံ သတ္တိနှင့် မရ။ ခိုးကူးတွေက ပေါမှပေါ။ သီချင်းကလည်း ပေါက်ဦးမှ။

" မင်းတကယ် ၀ါသနာပါရင်တော့ မတားပါဘူးကွာ။ မင်းအိမ်ကရော၊ ဘာပြောလဲ "

" အိမ်ကတော့ ကျွန်တော်ဝါသနာ ပါရင် လုပ်တဲ့။ ငွေက သူတို့ရှာနိုင်တယ်လေ "

သာဂိ ကံကောင်းလေစွ ဟု ကျွန်တော်ထင်သည်။ ဘာမျှတော့ မဝေဖန်ဖြစ်။

" ကျွန်တော် လုပ်ဖြစ်ရင် အစ်ကို့ကို သတင်းပေးမယ်လေ။ ဘာပဲဖြစ်ဖြစ် အစ်ကိုက ကျွန်တော့်ကို ကောင်းတာလေးတွေ ထောက်ပြနေကျ ဆိုတော့ ကျွန်တော် မသင့်တော်တာ လုပ်ရင်လည်း ပြောပြပေးနော် အစ်ကို "

" အေးပါကွာ။ စိတ်ချပါ သာဂိရာ။ ငါလည်း မင်းကို ခင်နေတော့ မင်းကို မကောင်းတာတွေ မဖြစ်စေချင်လို့ပါ"

" ကျွန်တော် နားလည်ပါတယ် အစ်ကို "

သည်လိုနှင့် သာဂိနှင့် ကျွန်တော် စကားစဖြတ်ကာ ရပ်ခဲ့ကြ၏။

xxxxxxxxxxxxxxxxxxxxxxxxxxxxxxx

" လင်းတ အတောင်ကျိုး "

ဟိုက်-ဘာကြီးလဲဟ ဟုတွေးပြီး Facebook ပေါ်က သီချင်းခွေ ကြော်ငြာကို ကျွန်တော် ဖတ်မိသည်။ အဆိုတော် နာမည်ကြည့်တော့ ဖန်ဂေါ်လီ တဲ့။ သီချင်းအခွေနှင့် သီချင်းဆိုသူ နာမည်များက ကျွန်တော့်အတွက် ဆန်းလွန်းနေသည်။ တော်တော်ကို ဆန်းသည်ဟုကို ဆိုရမည်။ တစ်ခါမှကို မကြားဖူးသော နာမည်များ။

" အစ်ကို-ကျွန်တော် သီချင်းခွေထွက်ပြီ။ အခွေနာမည်က 'လင်းတ အတောင်ကျိုး' တဲ့။ ကျွန်တော့်ရဲ့ အဆိုတော် နာမည်က 'ဖန်ဂေါ်လီ' ပါ။ အစ်ကို နားထောင်ပြီး ဝေဖန်ပေးပါဦး။ ကျွန်တော် လူကြုံရှိရင် စင်ကာပူကို စီဒီ လှမ်းပို့လိုက်မယ်နော် "

ကျွန်တော့် G-talk မှာ မက်ဆေ့ခ်ျ လာထားသွားသည်က သာဂိ။ ကျွန်တော် မျက်လုံးပြူးသွားသည်။ ဘာတွေမှန်းကို မသိ။ စတွေ့စက အံ့အားသင့်ခဲ့ရသော အခွေနှင့် အဆိုတော် နာမည်သည်ကား ကျွန်တော့်ညီငယ်လို ခင်သည့် သာဂိ ဖြစ်နေပါတကား။

" လင်းစမ်းပါဦး မင်းနာမည် နဲ့ အခွေ "

အွန်လိုင်းမှာ တစ်ရက်ဆုံတော့ သာဂိကို ကျွန်တော် မေးရသည်။

" ကျွန်တော် ထင်ပါတယ်။ အစ်ကို မေးတော့မယ် ဆိုတာ။ ကျွန်တော် စာနယ်ဇင်း ရှင်းလင်းပွဲ လုပ်မလို့ အစ်ကို။ အဲဒီကျရင် အကုန် ထုတ်ပြောပါမယ် "

သာဂိသည်ကား ကျွန်တော့်ကိုပင် အခွေ လျှို့ဝှက်ချက် ပြောချင်ပုံမရ။ စာနယ်ဇင်းကို ပေးသိပြီးမှ သိစေဆိုသော သဘောနှင့် ထိန်ချန်ထားသည်။ ကျွန်တော်နားလည်ပါသည်။ သူက ငွေနှင့် ရင်းထားရသည်ကိုး။

သည်လိုနှင့် သာဂိ၏ အခွေ စာနယ်ဇင်း ရှင်းလင်းပွဲ လုပ်ပါတော့သည်။

" ကျွန်တော်တို့က မော်ဒန်ခေတ်ထဲမှာတောင် မကတော့ပါဘူး။ ပို့စ်မော်ဒန်ခေတ်ကို ရောက်လာပါပြီ။ ကျွန်တော်တို့ရဲ့ ဂီတအမျိုးအစားတွေကလည်း ပြောင်းလဲလာပြီဆိုတော့ အခွေနာမည်နဲ့ အဆိုတော် နာမည်တွေကို ဆန်းသစ်အောင် ပေးခဲ့တာပါ။ အခွေနာမည်ကို အရင် ရှင်းပြပါမယ်။ လင်းတ ဆိုတာ လူသေမှ စားဖို့စောင့်တဲ့ငှက်မျိုးတွေပါ။ အဲဒီလိုပဲ ချစ်သူဆီက အချစ်ကို သူသေတဲ့အထိ မရမချင်း စောင့်မယ်၊ အဲဒီလို စောင့်နေရင်းမှာတောင် သူ့ဘ၀က သေတဲ့အထိ ချစ်သူရဲ့ အကြင်နာကို မရလိုက်ဘူး ဆိုတဲ့ သဘောကို အတောင်ကျိုးတယ်လို့ တင်စားရင်း အဲဒီ အကြောင်းတွေကို ရေးဖွဲ့ထားတဲ့ သီချင်းကို ' လင်းတ အတောင်ကျိုး ' လို့ ပေးထားတာပါ။ ကျွန်တော် ကိုယ်တိုင် ရေးထားတာပါ ခင်ဗျာ "

စာနယ်ဇင်းများက သဘောကျသွားဟန်ဖြင့် လက်ခုပ်တီးကြသည်။

" အဆိုတော် နာမည်ကိုရော ဘယ်လိုရွေးပါသလဲခင်ဗျာ "

" ဒါက ဒီလိုပါ။ ဖန်ဂေါ်လီ ဆိုတော့ လိမ့်တယ်ပေါ့ခင်ဗျာ။ ဘယ်ကို လိမ့်မှာလဲ ဆိုတော့ လူကြားထဲကို လိမ့်မယ် ဆိုတဲ့ အဓိပ္ပါယ်ပေါ့ ခင်ဗျာ။ ကျွန်တော့်သီချင်းခွေကို ပေါက်စေချင်တဲ့ သဘောနဲ့ ပေးထားတာပါ။ ကျွန်တော်တို့ ရွာဦးကျောင်းက ဆရာတော် သေသေချာချာ တွက်ချက်ပြီးကို ပေးထားတာပါ ခင်ဗျာ "

သာဂိကား သဘောရိုးလှ၏။ သူပြောချင်တာ စွတ်ရွတ်ပြောနေတော့သည်။ လူရှေ့သူရှေ့ ဟန်ဆောင် ဖုံးကွယ်ရခြင်းကို သာဂိ မသိ။

သည်လိုနှင့် သာဂိ အခွေထွက်လို့လာ၏။ သီချင်းက စုံသည်။ မြူးသည်။ လင်းတ အတောင်ကျိုး သီချင်းက တော်တော် ပေါက်သည်။ ဟစ်ထနေ၏။ ဖန်ဂေါ်လီ သည် ပရိသတ်ကြားသို့ တကယ်လိမ့်ချေပြီ။ ကျွန်တော် ၀မ်းသာမိသည်။ အင်တာနက်မှာ သူ့သီချင်းများက ပျံ့နှံ့လွန်းနေသည်။ သာဂိတို့ တကယ်လန်းချေပြီ။

သို့သော် တစ်ခုတော့ ကျွန်တော် သတိထားမိသည်။ သာဂိ သီချင်းများကို အမျိုးအစား ခွဲခြားရခက်သည်။ သူက မြန်မာ့ဆိုင်းလို အသံတွေကို ရောချင်ရောသည်။ ရက်ပ်ပါတွေလို ရက်ပ်စစ်စစ်တွေလည်း မဟုတ်။ ပေါ့ပ်လား ဆိုလည်း ပေါ့ပ်စစ်စစ်တွေ မဟုတ်ပြန်။ သည်ကြားထဲ သူ့သီချင်းများကို နောက်ကနေ ကြားဖြတ် လိုက်ဆိုပေးသည့် ချာတိတ်တစ်ယောက်က တစ်မျိုး။ သူတို့အခေါ် Featuring ဟု ဆိုသည်။

ထိုချာတိတ်က အဆိုတော် ထူးအိမ်သင်ကိုပင် လုံးဝ သုံးမရသည့် အဆိုတော်လို စာနယ်ဇင်းတွေ ရှေ့မှာ ပြောသေးသည်။ ဒါကို သာဂိ မသိသည်ပဲလား။ သိသိနှင့် တမင်လွှတ်ပေး သည်ပဲလား မပြောတတ်။ သို့သော် ဖန်ဂေါ်လီကတော့ တော်တော် အောင်မြင်၏။

ဗွီစီဒီ ထွက်လာတော့ သာဂိကို ကျွန်တော် မျက်စိနောက်အောင် မြင်ရသည်။ သာဂိသည်ကား တချို့သီချင်းများမှာ မလိုအပ်ဘဲ ကောင်မလေးများနှင့် တွဲကာ နိုင်ငံခြားက လိင်ဖော်ပြမှု အသားပေးကားများလို သရုပ်ဆောင်သေးသည်။ သာဂိ၏ ခန္ဓာကိုယ်မှာ နဂိုကပင် ပုကွကွနှင့် ဖြစ်ကာ လူက ပိုလည်း ပိန်လာရာ ကြည့်ရသည်မှာ ဖန်ဂေါ်လီသည် ဖန်ဂေါ်လီနှင့် မတူ။ ခွေးပစ်သည့် တုတ်ပုံ ပေါက်နေသည်ဟု သူ့အခွေကြည့်ဖူးသူများက ဆိုကြ၏။ ပြီးတော့ နိုင်ငံခြား ပုံစံ အကမျိုးနှင့် သာဂိက ကောင်မလေး တစ်ယောက်၊ နှစ်ယောက်နှင့် ကသည်။ အုပ်စုလိုက် ကသည်။

သာဂိက ရံဖန်ရံခါ၌ ပဲများသေးသည်။ သူက စိုင်းစိုင်းခမ်းလှိုင်ကိုလည်း သဘောကျသည် ထင်သည်။ စိုင်းစိုင်းခမ်းလှိုင်က " စိတ်ကူးယဉ် အနမ်းများနဲ့"  သီချင်းကို ရှိုးဆိုသည့်အခါ မဆိုခင် " ကျွန်တော် ......ကျွန်တော်....ကျွန်တော်....ကျောင်း...ကျောင်း...ဟို...ကျွန်တော် UFLဆိုတဲ့ ကျောင်းကို သွားတက်တယ်။ အဲဒီတုန်းက အတန်းထဲမှာ ရေးထားတဲ့ သီချင်းလေးတစ်ပုဒ်ကို ကျွန်တော် ဆိုပြချင်ပါတယ်" ဆိုပြီး ပရိသတ်ကို ပြောသည်။ ဒါကို သာဂိက အတုခိုးကာ ပြောသည်က ကြည့်ဦး။

"ကျွန်တော်......ကျွန်တော်......ကျွန်တော်.....ကျောင်း....ကျောင်း........ဟို.....ကျွန်တော်........ခေမာသီဝံဆိုတဲ့ ဘုန်းကြီးကျောင်းကို သွားတက်တယ်။ အဲဒီတုန်းက ဘုန်းကြီးကျောင်းဝင်းထဲက ငှက်ပျောပင်တွေ ကြားမှာ ရေးထားတဲ့ သီချင်းလေး တစ်ပုဒ်ကို ကျွန်တော် ဆိုပြချင်ပါတယ် " ဆိုပြီး စင်ပေါ်ကနေ ဆိုပါတော့သည်။ သူ့ပရိသတ်ကလည်း လက်ခုပ်တီး၏။ ဟုတ်တော့လည်း ဟုတ်သည်။ သာဂိက UFL ကို သိတာမှ မဟုတ်တာ။ ရွာက ဘုန်းကြီးကျောင်းသာ သိသည်လေ။ ဘာပဲဖြစ်ဖြစ် စင်အောက် က ကောင်မလေးများက ဟေးဆိုပြီး လက်ခုပ်တီးသည်။ ပြီးရော။

ကျွန်တော်ကတော့ ကိုယ်နှင့် ခင်သူတစ်ဦး အောင်မြင်နေသည်ကို ၀မ်းသာမိသည်။ အချိန်တန်လျှင် ပရိသတ်က အဆုံးအဖြတ် ပေးသွားလိမ့်မည်ဟုသာ တွက်ထားလိုက်၏။

xxxxxxxxxxxxxxxxxxxxxxxxxxx

" စောက်ရမ်း မိုက်တယ်ဗျာ "

ဟာ-ခနဲ ကျွန်တော့်နှုတ်က လွှတ်ခနဲ ထွက်သွားသည်။ မထွက်ခံနိုင်ရိုးလား။ သာဂိတစ်ယောက် စင်ပေါ်မှာ ပရိသတ်ကို ဖျော်ဖြေနေစဉ် ပရိသတ်ကို ပြောလိုက်သည့် စကားက စလုံးကြီး ထည့်သုံးထားသည့် စကား။ ကျွန်တော်တို့တစ်တွေ သူငယ်ချင်း အချင်းချင်းကြားပြောလျှင် အရမ်းမိုက်တယ်၊ နည်းနည်း ကြမ်းမှ သောက်ရမ်းမိုက်တယ် စသည်ဖြင့် ပြောလေ့ ရှိသည့် စကားကို သာဂိက စင်ပေါ်တက်တက်ချင်း ပရိသတ်က သူ့နာမည်အော်သည်နှင့် ထိုသို့ ပြောချလိုက်တာဖြစ်သည်။

အောင်မြင်မှုမှာ သာဂိ ယစ်မူးသွားသည်လား။ သူကိုယ်တိုင် အမှန်နှင့် အမှားကို မသိလေသလား။ ထို စောက်ရမ်း မိုက်တယ် ဆိုသော စကားကို သာဂိ ခဏခဏ သုံးနေလေတော့သည်။ သူ့ အခွေကို ကြည့်ပြီး ကျွန်တော် သူ့ကို အကြံပြုသင့်သည်ဟု တွေးမိလာစေသည်။

သာဂိက သင်္ကြန်မှာလည်း တစ်နိုင်ငံလုံး လွှင့်နေသည့် ရုပ်သံလိုင်းပေါ်မှာ ပရိသတ်ကို ဖျော်ဖြေနေသည့် စတိတ်ရှိုးတွင် အားရပါးရနှင့် ' စောက်ရမ်းမိုက်တယ် '  ဆိုသော စကားကို ပရိသတ်ထံ တရဟော လွှတ်နေပြန်သည်။ ပြီးတော့ လက်ခုပ်သံလေး ကြားချင်တယ်ဗျာ ဆိုကာ ပရိသတ်ဆီက လက်ခုပ်သံကို တောင်းယူလေသည်။ ပရိသတ်ကလည်း သာဂိ လုပ်သမျှ လောလောဆယ်မှာ အကောင်းချည်းသာ။ စန်းပေကိုး။ ကျွန်တော်ကတော့ အင်တာနက်ကနေ သာဂိ၏ လှုပ်ရှားမှု မှန်သမျှ သိနေ၊ မြင်နေ၊ ကြားနေရပေသည်။

" မင်းအားတဲ့ အချိန် ငါနဲ့ စကားပြောရအောင် အွန်လိုင်းမှာ ချိန်းလိုက်ကွာ "

ကျွန်တော် သူ့ကို မက်ဆေ့ခ်ျ ၀င်ရေးထားခဲ့ပြီး သိပ်မကြာခင်မှာ သာဂိ ကျွန်တော့်ကို ဆက်သွယ်လာလေသည်။

" အစ်ကို့မှာ ပြောစရာ ရှိလာပြီထင်တယ် "

" သိပ်ရှိတာပေါ့ကွာ။ မင်း စင်ပေါ်မှာ အောင်မြင်နေတာ ငါတော်တော် ၀မ်းသာတယ် သာဂိ။ ဒါပေမဲ့ မင်းပြောဆိုနေတဲ့ တချို့စကားလုံးတွေက လူရှေ့သူရှေ့မှာဆို အရမ်းရိုင်းနေလို့ မင်းပြင်ရအောင် ငါပြောပြ ချင်လို့ပါ "

" ခင်ဗျာ- ကျွန်တော် ပြောတဲ့အထဲမှာ။ ဟုတ်လို့လား အစ်ကို။ ကျွန်တော် ဘာများ မှားပြောမိလို့လဲဟင်။ ပြီးတော့ ဘယ်စကားလုံးက ရိုင်းတာလဲ အစ်ကို "

သွားပြီ။ သာဂိ တကယ်မသိသော စကားလုံး တစ်လုံးကို သုံးနေလေပြီ။ သူ့ဘာသာ ခင်ရာမင်ရာလူများ၊ သူငယ်ချင်းများရှေ့ သုံးသည်က ပြဿနာ မရှိသော်လည်း ယခု သာဂိသုံးနေသည်က သူ့ကို ထမင်းကျွေးနေသော ပရိသတ်ရှေ့မှာ။

" အစ်ကို မင်းကို အပြစ်တင်တာတော့ မဟုတ်ပါဘူး။ ဒါပေမဲ့ ပြောသင့်တာတော့ ပြောရမယ်။ နာတော့ မနာနဲ့ကွာ။ မင်းတို့ ဒီဘက်ခေတ် လူငယ်တော်တော်များများက လုပ်ချင်တာတော့ လုပ်ကြတယ်။ ဒါပေမဲ့ မလေ့လာဘူး။ နာမည်ကြီးဖို့ပဲ စိတ်ဝင်စားတယ်။ စာမဖတ်ဘူး။ ယဉ်ကျေးမှုဆိုတာကို နားမလည်ဘူး။ လူ့စည်းကမ်းဆိုတာကို မသိဘူး "

" အစ်ကို ပြောရင်လည်း ခံရမှာပါပဲ အစ်ကိုရာ။ ကျွန်တော်ဆိုလည်း သီချင်းဆိုပြီး နာမည်ကြီးချင်တာပဲ သိတာ။ ဒါနဲ့ ကျွန်တော် ဘာမှားနေတာလဲ အစ်ကို "

သာဂိကို ကျွန်တော်ခင်ပါသည်။ သူသည် အရိုးခံ ဖြစ်သည်။ သူပျော်ချင်တာ၊ သူလုပ်ချင်တာပဲ သိသည်။ မှားသည်၊ မှန်သည်ကို မသိ။ သာဂိသည် ယနေ့ခေတ် လူငယ်များ၏ ပုံရိပ်တစ်ခုလို ဖြစ်နေသည်ဟု ကျွန်တော် တွေးမိသည်။

" မင်း ယဉ်ကျေးမှု ဆိုတဲ့ စကားလုံးကို သိလား "

" ကျွန်တော် ကြားရုံပဲ ကြားဖူးတာလေ အစ်ကိုရာ။ အဓိပ္ပါယ်တော့ အတိအကျကြီး မသိပါဘူး "

"အစ်ကို ဖတ်ဖူးတာ ပြောပြမယ်။ မြန်မာ အဘိဓာန်မှာပါတာပါ။ ယဉ်ကျေးမှု ဆိုတာ သိမ်မွေ့ပြေပြစ်သော တတ်သိလိမ္မာမှု၊ တိုးတက်ထွန်းကားလာသော လူမှု အဆင့်အတန်း၊ အစဉ်အလာအားဖြင့် ထိန်းသိမ်း တည်ရှိလာသော ဓလေ့ထုံးတမ်း လို့ ဆိုထားတယ်။ အဲဒီတော့ အစ်ကိုတို့ မြန်မာတွေ အစဉ်အဆက် ထိန်းသိမ်းခဲ့တဲ့ ဓလေ့ထုံးတမ်းကို အစ်ကိုတို့ ဆက်ထိန်းမှ ယဉ်ကျေးမှု မြောက်တယ် "

" ဟုတ်ကဲ့ အစ်ကို။ အခုမှ ယဉ်ကျေးမှုဆိုတာ ဘာလဲ သိတော့တယ်။ ဟဲ........ဟဲ "

" ဆိုလိုတာကကွာ၊ တို့မြန်မာလူမျိုးဆိုတာ လုံလုံခြုံခြုံ ၀တ်တတ်တယ်။ မောင်နဲ့နှမ၊ သားနဲ့ အမိ သင့်တော်ပြီး ကြည့်ကောင်းတာမျိုး ၀တ်တတ်၊ နေတတ်၊ စားတတ်ကြတယ်။ အဲဒီလို ထိန်းသိမ်းလာရာကနေ ၀တ်ချင်တာဝတ်၊ လုပ်ချင်တာလုပ်၊ မိဘမောင်နှမချင်းတောင် မျက်စိရှက်စရာ လုပ်လာပြီဆို အဲဒါ ယဉ်ကျေးမှု ပျက်လာတာပဲကွ "

သာဂိ ငြိမ်၍ နားထောင်နေသည်။

" ပြီးတော့ သူများ ထမင်းစားတဲ့နားမှာ အိမ်သာတက်တာ၊ အပေါ့သွားတာ အဲဒီစကားမျိုးတွေ ခဏခဏ မပြောမိဖို့ လိုတယ်။ အဲဒါလည်း ယဉ်ကျေးမှုပဲ။ အဲဒါနဲ့ ပတ်သက်လို့ ဆရာကြီး ပီမိုးနင်း ပြောထားတာ မှတ်သားစရာ ကောင်းတယ် "

" ဘာပြောထားတာလဲ အစ်ကို "

" လူရှေ့သူရှေ့ ကုန်းသွားတာ၊ ကွသွားတာ၊ လက်အုပ်ချီတာ၊ ဖိနပ်ချွတ်တာ အဲဒါတွေက ယဉ်ကျေးတယ်လို့ မဆိုလိုပါဘူးတဲ့။ လူအချင်းချင်း စိတ်မချမ်းသာအောင်၊ မခံချိအောင်၊ အခံသာအောင် မလုပ်တာ၊ မိမိအတွက် တစ်ပါးသူမှာ ၀န်လေးမှု မဖြစ်စေတာ၊ သူတစ်ပါးကို အနှောင့်အယှက် မပြုတာ၊ ကိုယ်ချင်းစာစိတ်ရှိတာကိုပဲ ယဉ်ကျေးခြင်းလို့ ခေါ်တာတဲ့။ ဘယ်လောက် မှတ်သားဖို့ကောင်းလဲ "

" ဟာ-အဲဒါတော့ မှန်တယ်ဗျ။ နော်-အစ်ကို "

" အေးလေ-မင်းစဉ်းစားကြည့်။ ကိုယ်ထင်တာ ကိုယ်လုပ်ပြီး ပတ်ဝန်းကျင် စိတ်ဆင်းရဲနေရင် အဲဒီလူကို မယဉ်ကျေးဘူးလို့ လူတွေ ပြောတတ်ကြတယ်။ အဲဒီ အဓိပ္ပါယ်ပဲ "

" အစ်ကို။ ကျွန်တော် ဘာများ မှားနေသလဲဗျာ။ ရင်ထိတ်လိုက်တာ "

ဒါတွေကြောင့် သာဂိကို ကျွန်တော် မဆိုးဘူးဟု သိနေတာ ဖြစ်သည်။ သာဂိမှာ နားဝင် လွယ်သောစိတ်၊ ကောင်းတာကို ယူလိုသောစိတ်၊ အမှားကို အမှားဟု မြင်သောစိတ်၊ ပြင်လိုသောစိတ် များ ရှိနေသည်ကို ကျွန်တော် သိသည်။

" မင်းက ပရိသတ်ကို စင်ပေါ်ကနေ ဘယ်လိုပြောလဲ။ သူတို့ မင်းသီချင်းကို လိုက်ဆို၊ အားပေး၊ လက်ခုပ်တီးကြရင်လေ "

သာဂိ စဉ်းစားနေသည်။ ပြီးမှ တစ်လုံးချင်းပြော၏။

" ဟား......ကျွန်တော် သိပြီ။ စောက်ရမ်းမိုက်တယ် လို့ပြောတာ။ အဲဒါ မှားလား အစ်ကို "

" ရိုင်းတာ။ မှားရုံတင် မကဘူး။ ရိုင်းတာ။ မင်းနားလည်လား။ စောက် ဆိုတာ ဘာလဲလို့။ မင်းသိလား "

" မသိဘူး အစ်ကို။ ကျွန်တော့်လို အဆိုတော် တချို့လည်း သုံးနေတာပဲ။ မိန်းကလေး အဆိုတော်တွေတောင် သုံးကြတယ် "

" အေးလေ။ အဲဒါကြောင့် မင်းတို့ နောက်လူငယ်တွေ စာမဖတ်ဘူးပြောတာ။ မနာနဲ့ဦး။ မင်းတို့၊ သူတို့ရဲ့ မိဘတွေကလည်း မဆုံးမကြတာလား၊ မင်းတို့ကပဲ ငါထင်သလို ပြောရင်ရတယ်လို့ ထင်နေတာလားတော့ မသိဘူး "

" ကျွန်တော်က မသိတာပါ အစ်ကိုရာ။ အစ်ကိုပြောမှ ကျွန်တော့် မိဘတွေတောင် အားနာသွားပါပြီ "

" အမှန်က မင်းတို့ လေ့လာသင့်တယ်။ မသိရင် မသုံးနဲ့ပေါ့။ ဘာဖြစ်လဲ။ ပရိသတ် ချစ်အောင် ပြောတာလည်း ဒီပါးစပ်ပဲ။ မုန်းအောင် ပြောတာလည်း ဒီပါးစပ်ပဲ။ အခုဟာက ပရိသတ်က ဘယ်လိုဖြစ်နေသလဲဆိုတော့ မင်းတို့ကို အားလည်းပေးရသေး။ မင်းတို့ ပြောသမျှ၊ ဆိုသမျှလည်း ခံရသေး။ အဲဒါကြာရင် မင်းတို့ ကျရှုံးတဲ့နေ့ အမြန်ရောက်လာမှာပဲ "

" ကျွန်တော် ပြင်ပါ့မယ် အစ်ကို။ အဲဒီ စောက်က ဘာကိုပြောတာလဲ အစ်ကို "

" မသေမချင်း မှတ်ထား။ စောက် ဆိုတာ မိန်းကလေးတွေရဲ့ မအပ်မရာကို ခေါ်တာ "

" ဟာဗျာ။ ကျွန်တော် တကယ်မသိလို့ပါ။ သွားပါပြီဗျာ။ ကျွန်တော့် ပရိသတ်ကို ကျွန်တော် ပြန်တောင်းပန် ပါ့မယ် "

" မင်းစဉ်းစားကြည့် သာဂိ။ မင်းတို့က စင်ပေါ်တက်ပြီး စောက်ရမ်းမိုက်တယ်၊ စောက်ရမ်းမိုက်တယ်နဲ့။ ပရိသတ်ကို ဆဲနေသလိုပဲ။ ဒီကြားထဲ အဆိုတော် ကောင်မလေးတွေကပါ ပါးစပ်အရသာခံ သုံးနေတယ်။ စဉ်းစားဦး။ သူတို့ဆို ပိုဆိုးသွားပြီ။ စင်ပေါ်တက်ပြီး ကျွန်မကတော့ ဒီလိုပါ။ ကျွန်မအနေအထားက ဒီလိုရှိပါတယ်လို့ ဘယ်သူမှ မမေးဘဲ တက်ကြေညာနေသလိုပဲ "

" ဟုတ်ပ အစ်ကိုရာ။ အစ်ကိုပြောမှ သူတို့က ပိုဆိုးတာပေါ့နော်။ ဟဲ.......ဟဲ "

သာဂိက သူ့အပြစ်သူ ကာသလို ပြောနေသေးသည်။ နောက်က ရယ်သံက ခပ်အဲ့အဲ့ ပါလာသေး၏။

" ဟို နယ်လှည့်ကနေတဲ့ လူရွှင်တော်တချို့လည်း ပါသေးတယ်။ သူတို့ ဗွီစီဒီထွက်လာတော့ ကြည့်လိုက်တာ စောက်ကျိုးနည်းတို့၊ စောက်ရူးတို့ကို တွင်တွင်သုံးတာ။ အခုဟာက အဲဒီလို ပြောရတာကိုပဲ တော်တော် အားရတယ်၊ ကောင်းတယ်လို့ ထင်နေကြတာကိုး။ တကယ်တော့ အရမ်း ဆိုတဲ့ စကားလုံးကိုတောင် သုံးတဲ့နေရာမှာ အဓိပ္ပါယ်ရှိတယ် "

" ဟာ-အဲဒီလိုလား။ ဘယ်လို အဓိပ္ပါယ်လဲ အစ်ကို "

" အရမ်း ဆိုတာ နောက်က မင်းပြောချင်တဲ့ အကြောင်းအရာက မကောင်းတဲ့ အကြောင်းအရာဖြစ်ရမယ်။ အဲဒီလို နေရာမှာ သုံးတာလို့ သံဃာတော်တစ်ပါး ရေးထားတာ ငါဖတ်ဖူးတယ်။ ဥပမာကွာ-ထမင်းက အရမ်းသိုးနေပြီတို့၊ အရမ်း ညစ်ပတ်တာပဲတို့။ အဲဒါမျိုးမှာ သုံးတာ။ စွတ်ရွတ် မသုံးရဘူး။ တို့မြန်မာစကားက တချို့နေရာတွေမှာ အဓိပ္ပါယ်က တော်တော် လေးနက်တယ် "

" ကျွန်တော် နားလည်ပြီအစ်ကို။ ဆင်ခြင်ပါ့မယ်ဗျာ "

" မင်းစဉ်းစားကြည့်။ တစ်ခါက ဂျပန်နိုင်ငံမှာ လုပ်တဲ့ စတိတ်ရှိုးပွဲ တစ်ပွဲမှာ Guns and Roses အဖွဲ့လို့ အစ်ကိုထင်တယ်။ တိုကျိုမှာ လုပ်တဲ့ စတိတ်ရှိုးမှာ စစချင်း Fuck You Tokyo လို့ အော်ပြီး နှုတ်ဆက်လိုက်တယ်။ ဘာလဲတော့ မသိဘူး။ သူတို့ကတော့ ဆန်းအောင် လုပ်တာနေမှာ။ ဒါပေမဲ့ ပရိသတ်က ကြောင်သွားတယ်။ ဟုတ်တယ်လေ။ အရှေ့တိုင်းနဲ့ အနောက်တိုင်း တူမှမတူတာ။ အဲဒါက နှုတ်ဆက်တာ ဆိုရင်တောင် ပရိသတ်ကို နှုတ်ဆက်တဲ့ အဲဒီနှုတ်ဆက်ပုံမျိုးကတော့ ဆင်ခြင်သင့်တယ်။ အစ်ကိုတို့ဆီမှာဆိုရင်တော့ ဘယ်လိုဖြစ်မယ် မပြောတတ်ဘူး။ အစ်ကို ပြောချင်တာက စကားဆိုတာ လူရှေ့သူရှေ့ပြောရင် ဆင်ခြင်သင့်တယ် ဆိုတာပါ။ Rocker ကြီးတွေဆို ဗန်းစကားလောက်ပဲ သုံးတယ်။ မင်း သတိထားကြည့်။ ရေရေလည်လည် မိုက်တယ်ဗျာတို့၊ ဘာတို့ လောက်ပဲ။ သောက်ရမ်း မိုက်တယ်လို့တောင် မပြောဘူး။ အစ်ကိုတို့ စာရေးသူတွေ ဆိုလည်း စလုံးနေရာမှာ သောက်ပဲ ထည့်ရေးကြရတာ။ အဲဒီလောက်အထိကို အဲဒီစကားလုံးက ကြမ်းတမ်းပါတယ်။ ဒါပေမဲ့ ဒီဘက်ခေတ် ကောင်မလေးတချို့ပါ အဲဒီ စလုံးကို ပြောရတာ တော်တော် ကြိုက်နေပြီလေ။ အစ်ကိုဆို ဖြတ်သွားဖြတ်လာ နေရာတွေမှာ ကောင်မလေး ငယ်ငယ်လေးတွေ ပြောနေတဲ့ စောက်ရေး မပါဘူး ဆိုတာကိုပါ ခဏခဏ ကြားနေရတယ်။ စိတ်မကောင်း စရာပဲကွာ။ ယဉ်ကျေးမှု အဆင့်နိမ့်လာတဲ့ သဘောပဲ ထင်ပါရဲ့ "

" ကျွန်တော် တော်တော် သဘောပေါက်ပါပြီ အစ်ကိုရယ်။ အစ်ကို ပြောပြလို့သာ ဒါတွေက ဒီလို ရှိပါလား သိတာ။ နောက်မို့ဆိုလည်း သိမှာ မဟုတ်ပါဘူး။ အစ်ကို့ကို ကျေးဇူးတင်ပါတယ်။ ရှေ့လထဲ ကျွန်တော် ရွာပြန်ဦးမယ် အစ်ကို။ ကျွန်တော်တို့ရွာ ဘုရားပွဲမှာ ဆရာတော်က ကျွန်တော့်ကို သီချင်းလာဆိုပါ ဆိုလို့ ကျွန်တော့်ရွာကို ကျေးဇူးဆပ်တဲ့ အနေနဲ့ သွားဆိုမလို့ပါ "

" ကောင်းတယ်။ ၀မ်းသာတယ်ကွာ။ မင်းတို့ အနုပညာသမားဆိုတာ နေတတ်၊ ထိုင်တတ်ရင် ငွေရသလို ကုသိုလ်လည်း ရပါတယ်ကွာ။ မနေတတ်၊ မထိုင်တတ်ရင်တော့ ငွေရပေမယ့် အကုသိုလ်လည်း များသားလား။ ကြည့်နေပေါ့ကွာ။ အစ်ကို ပြောတာတွေလည်း မင်းကြိုက်မှလုပ်၊ လက်ခံမှ လုပ်ပါ။ မင်းလည်း ဆင်ခြင်တတ်တာပဲလေ "

ပြောပြီး ကျွန်တော် စကားစ ဖြတ်တော့ သာဂိ ကျွန်တော့်ကို နှုတ်ဆက်၍ Log out လုပ်သွားလေသည်။

xxxxxxxxxxxxxxxxxxxxxxxxxxx

နောက်တစ်လလောက် အကြာတွင် Facebook ပေါ်မှာ သာဂိ၏ ဓာတ်ပုံများကို သတင်းထောက် တစ်ယောက် တင်ထားသည်ကို ကျွန်တော် တွေ့လိုက်ရသည်။ မျက်နှာ တစ်ခုလုံး ဖူးယောင်နေ၏။ ဆရာတော်တစ်ပါးက ကြိမ်လုံး အကြီးကြီးဖြင့် ချိန်ရွယ်နေပုံလည်း ပါ၏။ ကျွန်တော် သာဂိကို အမြန်ဆက်သွယ်ရန် ကြိုးစားရလေတော့သည်။

" သာဂိ......မင်း ဘာဖြစ်နေတာလဲ "

" အစ်ကို။ ကျွန်တော့် ပုံတွေ ကြည့်ပြီးပြီထင်တယ် "

" အေးလေ။ ကြည့်မကောင်းဘူးကွာ။ ဘာတွေလဲ "

" ကျွန်တော် ရွာမှာ သီချင်း သွားဆိုတယ်လေ။ ဘုရားပွဲမှာ "

" ဪ-အေး။ မင်းငါ့ကို ပြောခဲ့တာလေ "

" အဲဒီမှာ ကျွန်တော်နဲ့အတူ ဆိုဖို့ အဆိုတော် ကောင်မလေးတွေလည်း လိုက်လာတယ်။ သူတို့က စင်ပေါ်မှာဗျာ။ အစ်ကိုပြောတဲ့စကားနဲ့ ပြောရရင် ပရိသတ်ရှေ့ မပြောသင့်တာတွေ ထုတ်ပြောတာ "

" ဘာတွေ ပြောလို့လဲ "

" သူတို့ သီချင်းထဲမှာကို ပါနေတာ အစ်ကိုရ။ အမေပေးတဲ့ လယ်တစ်ကွက်တို့။ ပြည့်တန်ဆာမကို အရပ်ထဲမှာ ခေါ်တဲ့ အခေါ်တို့။ အဲဒါတွေကို သူတို့က သီချင်းထဲ ထည့်ဆိုတာ။ ပထမ သူတို့ကကြေညာတယ်။ သီချင်း အသစ်ပါတဲ့။ ကျွန်တော်လည်း နားမထောင်ဖူးတော့ အဲဒီ စာသားတွေ ပါမယ်ဆိုတာ မသိဘူးလေ။ ဖြစ်ချင်တော့ သူတို့ သီချင်းမှာ အဲဒီစာသားတွေ ပါလာရော။ အဲဒီမှာ ကျွန်တော်တို့ ရွာက လူတွေက ဘုန်းကြီးကျောင်းက ဘုရားပွဲမှာ ဒါတွေ ဆိုရမလားဆိုပြီး တင်းလာရော။ ကျွန်တော် ထိန်းထားသေးတယ်။ ပိုဆိုးတာက သူတို့က ဆိုပြီးတော့ သူတို့ကို ရိုင်းတယ်လို့ ထင်ချင်ထင်နိုင်ပါတယ်တဲ့။ ဒါပေမဲ့ အဲဒါတွေက အမှန်တွေပါတဲ့။ ပရိသတ်က ပိုပြီး တင်းနေပြီ။ ဖြစ်ချင်တော့ နောက်တက်လာတဲ့ အဆိုတော် ကောင်မလေးတွေက နားမလည်၊ ပါးမလည်နဲ့ ပရိသတ်ကြီး ချစ်ဖို့ကောင်းတယ် ဆိုပြီး ချုပ်ပါလေရော။ ဒါပေမဲ့ အဲဒီလို ချုပ်တာက တော်သေးတယ်။ သူတို့က သူတို့ အရှိန် သူတို့ မရပ်နိုင်ဘူး။ ပရိသတ်ကြီးက စောက်ရမ်းမိုက်တယ်လည်း လုပ်ရော ခဲနဲ့ထုတာဗျာ။ ကျွန်တော် ထွက်တားတော့ ကျွန်တော့်ကိုပါ မှန်တာပေါ့။ နောက်ဆုံး ကျွန်တော့် အမျိုးတွေ ၀င်တားမှ ရတော့တာ "

" တော်သေးတာပေါ့။ အဲဒီလောက်နဲ့ ပြီးသွားလို့ "

" မပြီးဘူး အစ်ကို။ ပွဲက နောက်နေ့မှာ ပိုရှုပ်ကုန်တာ "

" ဟာ-ဘယ်လို ဖြစ်ကုန်တာလဲ "

" ကျွန်တော့် သီချင်းတစ်ပုဒ် ဗွီစီဒီ ရိုက်မယ့်ဟာ ကျွန်တော်လည်း အရင်နေ့က ခဲနဲ့ထုတာ ခံထားရလို့ မျက်နှာက ဖူးယောင်နေပြီ။ မျက်နှာက မလှတော့ မရိုက်ချင်ဘူး။ ဒါနဲ့ ဒါရိုက်တာက အကအဖွဲ့ပဲ ရိုက်မယ်ဆိုပြီး ဘုန်းဘုန်းကို ခွင့်တောင်းတယ်။ ဘုန်းဘုန်းကလည်း ရိုက်ဆိုပြီး ခွင့်ပြုလိုက်တာ ဘယ်ဟုတ်မလဲဗျာ။ သူတို့က Sexy အကတွေကို ဘုန်းကြီးကျောင်းထဲ ရိုက်တော့တာကိုး။ အဲဒီတော့မှ ဆရာတော်လည်း ဒေါကန်ပြီး ကျွန်တော့်ကို ခေါ်။ မင်း အဖွဲ့ပြန်ခေါ်သွား။ မင်းတာဝန် မင်းရှင်း ဆိုပြီး ကြိမ်နဲ့ဆော်တာဗျာ။ ဒီကြားထဲ ကျွန်တော့်အဖေကပါ ၀င်ကျွေးလိုက်တာ ကျွန်တော့်မျက်နှာ ထပ်ပြီး ဖူးယောင်ကုန်တော့တာပဲ အစ်ကိုရာ "

" မင်းဟာကလည်းကွာ။ ဆိုးလိုက်တာ "

" ဆိုးတာတော့ မပြောပါနဲ့ အစ်ကိုရာ။ ကျွန်တော်ဆို အဆိုတော် ဘ၀ပါ စိတ်ကုန်သွားတာ။ ပြီးတော့ တရားလည်း ရတယ်။ တစ်ခါတစ်ခါ ကိုယ်မှန်တယ်ထင်တာ လုပ်ပေမယ့် လက်ခံနိုင်သူတွေ လက်ခံကြသလို လက်မခံနိုင်ရင် အခုလို ကွဲပါလားလို့ သင်ခန်းစာရတယ် "

" နောက်ဆို ဆင်ခြင်ပေါ့ကွာ "

" အခုဆို အွန်လိုင်းမှာ ကျွန်တော့်ပုံတွေ တော်တော်ပျံ့နေပြီနော်။ ကျွန်တော်လည်း သိပါတယ်။ တချို့ဆို ဓာတ်ပုံနဲ့ပို့စ်တင်တာ မြောက်ကိုးရီယားက နိုင်ငံ့ခေါင်းဆောင်ပုံနဲ့လေ။ ဒီပို့စ်မှာ Like ၁၀၀၀ ပြည့်ရင် မြောက်ကိုးရီးယားက အမေရိကားကို ပစ်မယ့် ဒုံးကျည်၊ ရော့ကက်အားလုံးကို ကျွန်တော့်အိမ်ကို ပြောင်းလွှတ်မယ်တို့ ဘာတို့"

" အနုပညာရှင်နဲ့ ပရိသတ်ဆိုတာ လူနဲ့ ကြည့်မှန်လိုပဲကွ။ အပြင်ကလူက ပြုံးပြရင် မှန်ထဲကလူကလည်း ပြုံးနေမှာပဲ။ အပြင်ကလူက မဲ့ရင် မှန်ထဲကလူကလည်း မဲ့မှာပဲ။ ဖျော်ဖြေတာနဲ့ တန်ဖိုးမထားတာက သတ်သတ်စီပဲ။ ကိုယ့်ဘာသာ ဖျော်ဖြေတယ်ထင်ပြီး ပရိသတ်ကို စော်ကားသလို မဖြစ်မိအောင် ထိန်းဖို့က မင်းတို့ အနုပညာရှင်တွေရဲ့ တာဝန်ပဲ။ ပြီးတော့ မင်းတို့ခေတ်က အနုပညာ အရည်အသွေး ကျလာတယ်လို့ အစ်ကို ထင်တယ်။ အထင်ရှားဆုံး ဥပမာ တစ်ခုပေးမယ်။ မင်းစိတ်တော့ မဆိုးနဲ့ "

" ဘာများလဲ အစ်ကို "

" မင်းတို့ ဒီဘက်ခေတ် အဆိုတော်ပဲဖြစ်ဖြစ်၊ တခြား အနုပညာရှင်ပဲ ဖြစ်ဖြစ် ပရိသတ်ဆီက လက်ခုပ်သံကို တောင်းယူရတယ်။ လက်ခုပ်သံလေး ချီးမြှင့်ပါဦးတို့၊ အဆင်ပြေရင် လက်ခုပ်သံလေး ကြားချင်ပါတယ်တို့။ အဲဒါဘာလို့လဲ ဆိုတော့ ရှင်းပါတယ်။ မင်းတို့ကို နှစ်နှစ်ခြိုက်ခြိုက် လက်ခုပ်တီးမယ့်လူ ရှားလာတာကိုး။ တချို့တကယ်တီးပါတယ်။ တကယ်ကောင်းရင်၊ တကယ် ကြိုက်ရင်။ တကယ် အားပေးတာကိုး။ ဒါပေမဲ့ တော်တော် များများကတော့ ဒီနေ့အထိ လက်ခုပ်သံကို တောင်းယူနေရတုန်းပဲ။ ဘယ်လိုပဲ ဖြစ်ဖြစ်ပါ။ ပရိသတ်ဆိုတာ အနုပညာရှင် ဘာလုပ်လုပ် များသောအားဖြင့် ကောင်းတယ် ထင်တာကိုး။ ဒီတော့ မင်းစိတ်မှာ နှလုံးသွင်းထားပေါ့ကွာ။ ပရိသတ်ကို စေတနာ တကယ်ထားပြီး အကောင်းဆုံး ပေးဆပ်မယ်လို့။ ပရိသတ်ကို မစော်ကားမိအောင် ၀တ်တာ၊ စားတာ၊ ပြောတာဆိုတာက အစ ဂရုစိုက်ပေါ့ကွာ။ ပရိသတ်ဆိုတာ မင်းတို့ အနုပညာ ဖြေဖျော်မှုကို နှစ်သက်လို့ အားပေးနေပေမယ့် မင်းတို့ လုပ်သမျှကို အကောင်းထင်ပြီး ကြည့်နေသူတွေ မဟုတ်ဘူးဆိုတာကိုတော့ အမြဲ နှလုံး သွင်းထားပေါ့။ အစ်ကိုကတော့ ဒီလောက်ပဲ ပြောချင်တယ်ကွာ "

ကျွန်တော့်စကားအဆုံး သာဂိ တစ်ယောက် ငြိမ်ကျသွားလေသည်။

xxxxxxxxxxxxxxxxxxxxxxxx

ထိုကာလကလေးများ၏ နောက်ပိုင်းတွင်တော့ ပြည်သူ့အချစ်တော် အဆိုတော် ဖန်ဂေါ်လီ ( သို့မဟုတ် ) ကျွန်တော်ချစ်သော သာဂိ၏ သီချင်း အလန်းများနှင့် ဖျော်ဖြေနေမှု၊ ပရိသတ်ကို လေးစားစွာ စကားဆိုမှုနှင့် ခေတ်ကို ထင်ဟပ်သော်လည်း မရိုင်းသည့် အလန်းများကို အင်တာနက်ပေါ်တွင် ကျွန်တော် ဆက်လက် တွေ့မြင်လာရသည့်အတွက် သာဂိတစ်ယောက် ပြည်သူချစ်သော အနုပညာရှင် တစ်ဦးအဖြစ် ဆက်လက် ရပ်တည်နိုင်သွားပြီဟု ကျွန်တော် ယုံကြည်နေမိပါတော့သည်။          ။

သားလတ်

၁၃း၀၃ နာရီ

၁.၅.၂၀၁၃

[ ကျွန်တော့်စာ၏ ဆိုလိုရင်း ထင်ရှားစေရန် မူရင်းစကားလုံး စလုံးနှင့် သုံးသည့်အတိုင်းသုံးရသည်ကို လေးစားစွာဖြင့် အနူးအညွတ် တောင်းပန်အပ်ပါသည်။]

" ကျွန်တော်နှင့် အင်တာနက်အလန်းများ " ( ၃ ) [ သို့မဟုတ်] " သာဂိပြောသော Fuck You"

" Fuck You, Fuck You"

ဟ-ဘာလဲဟ ဆိုပြီး ကျွန်တော့်မျက်လုံး ပြူးသွားခဲ့သည်။ သာဂိ၏ Facebook Status မှာ ခပ်ကြမ်းကြမ်းတက်လာသော စာသားများ။

" သာဂိ........သာဂိ "

ကျွန်တော် g talk မှာ သာဂိကို ခပ်ကြမ်းကြမ်းခေါ်လိုက်သည်။ ဗျာ-အစ်ကို ဆိုပြီး ပြန်တက်လာသည်။ g talk ဖုန်းခေါ်လိုက်၏။

" သာဂိ ညီလေး။ မင်းဘာတွေလျှောက်လုပ်နေတာလဲ "

" ဘာဖြစ်လို့လဲ အစ်ကို "

" ဘာဖြစ်ရမှာလဲ။ မင်းအခုတင်လိုက်တဲ့ Status ကို မင်းနားလည်လား "

" ဆဲတာလေ အစ်ကို "

" ဟာ-ပြောင်လှချည်လား။ ဆဲတယ်ဆိုမှတော့ လူရှေ့သူရှေ့ မင်းက Status တင်မလို့လား "

" တင်းပြီးတင်လိုက်တာပါ အစ်ကို။ ကျွန်တော့်သူငယ်ချင်း ကောင်မလေးတွေ အဲဒါမျိုးကို အားရပါးရ တင်နေလို့ သူတို့မိန်းကလေးတွေတောင် တင်သေးတာ ငါလည်း ဘာဖြစ်လို့မတင်နိုင်ရမှာလဲ ဆိုပြီး တင်ချလိုက်တာ "

သာဂိကတော့ လုပ်ချလိုက်ပြန်ပြီ ဟု ကျွန်တော်တွေးသည်။ ပိုဆိုးသည်က သူ့သူငယ်ချင်းကောင်မလေး များက အားရပါးရတင်နေသောကြောင့်ဟု ဆိုသောစကားက ကျွန်တော့်ကို ပိုအံ့အားသင့်စေသည်။

" မင်းသူငယ်ချင်း ကောင်မလေးတွေက တင်တာ "

" ဟုတ်တယ် အစ်ကို "

ဘာတွေဖြစ်ကုန်ပြီလဲဟု ကျွန်တော်တွေးသည်။ ယောကျာ်းလေးများပင် တော်ရုံပြောမထွက်သော စကားကို မိန်းကလေးများက အားပါးတရသုံးနေသည်တဲ့လား။ ကျွန်တော့်မှာ ပြောစရာ စကားများ ရှိလာခဲ့သည်။

" သာဂိ။ မင်းကို ငါ ပြောပြမယ်။ တစ်ခါက ငါ့သူငယ်ချင်း တစ်ယောက်ပြောတာလေး ပြန်ပြောပြချင်တာပါ "

" ဟုတ်ကဲ့ အစ်ကို "

" တစ်ခါက စင်ကာပူက အလုပ်တစ်ခုမှာ အိန္ဒိယလူမျိုးတစ်ယောက်နဲ့ မလေးတစ်ယောက်နဲ့ ရန်ဖြစ်ရော။ ဖြစ်တော့ ထိုးတာကြိတ်တာ မဖြစ်ခင်ဘဲ ရုံးကို ရောက်သွားတယ်တဲ့။ ရုံးက HR က မန်နေဂျာ အမျိုးသမီးဆီမှာ သွားပြီးရှင်းရတာပေါ့။ အဲဒီမှာ နှစ်ဖက်စလုံးက သူမှားတယ်၊ ငါမှန်တယ် ရှင်းကြတာပေါ့ကွာ။ အဲဒီမှာပဲ မန်နေဂျာမက မလေးကို နှစ်သိမ့်ပြီး လွှတ်လိုက်တယ်။ ဆုံးမတော့ ဆုံးမလိုက်တာပေါ့ကွာ။ ဒါပေမဲ့ အိန္ဒိယလူမျိုးက မကျေနပ်ဘူး။ အမှန်က သူက မမှားဘူး။ ဒါပေမဲ့ သူကစထိုးသလို ဖြစ်သွားတာ။ အဲဒါကို သိတဲ့ မန်နေဂျာမက သူ့ကိုချည်း လှိမ့်ဆူတော့တာပေါ့။ ရန်ဖြစ်ရင် စင်ကာပူက ပြန်ရတာကိုး။ မင်းလည်း သိတဲ့အတိုင်းပဲ။ စလုံးမှာက ဆူတာဆဲတာကို Fuck You လို့ပဲ သုံးတာလေ။ ဒါပေမဲ့ တစ်ဖက်မှာ အဓိပ္ပါယ်က Fuck ဆိုတာ ခပ်ရိုင်းရိုင်း ပြောရရင် ယောကျာ်းနဲ့ မိန်းမ ဟိုဒင်းဟိုဟာလုပ်တာ။ ယဉ်ယဉ်ကျေးကျေး ပြောရရင်တော့ သံဝါသ ပြုတာပေါ့ကွာ။ အဲဒါကို အခြေအနေနဲ့ အချိန်အခါ နားမလည်တဲ့ အိန္ဒိယလူမျိုးက မန်နေဂျာ အမျိုးသမီးကို ဘာပြောလိုက်တယ် မှတ်လဲ "

" ဘာပြောလိုက်လို့လဲ အစ်ကို "

သာဂိကား စိတ်ဝင်တစား မေးရှာသည်။

" နင်က ငါ့ကိုတော့ Fuck ပြီး ဟိုကောင့်ကိုပါ Fuck လေတဲ့။ ငါ့ကိုချည်း Fuck တာတော့ ဘယ်တရားမလဲ။ ဟိုကောင်လည်း ငါနဲ့ဖြစ်တာ။ ဟိုကောင်စလို့ ငါက ပြန်လုပ်တာ။ အဲဒါကို ဟိုကောင့်ကို မ Fuck ဘဲ ငါ့ကို Fuck တယ်ဆိုတာ နင်တို့ မတရားဘူးတဲ့။ Fuck တယ်ဆိုတာ နှစ်ဦးနှစ်ဖက်စလုံးက မျှတမှ ကောင်းမှာပေါ့ တဲ့။ ဟာ-ဘာပြောကောင်းမလဲ သူက ဆက်တိုက်ချည်းပဲ တစ် Fuck Fuck နဲ့ ပြောတာ။ ဟိုဘက်က HR မန်နေဂျာမ ခမျာ အမျိုးသမီးဆိုတော့ နေစရာကို မရှိတော့ဘူး။ မျက်နှာကို နီရဲပြီး ထွက်ပြေးရတဲ့ အဆင့်ရောက်ရော။ သူ့လက်အောက်က ဒုမန်နေဂျာခေါ်ပြီး ရှင်းခိုင်းလိုက်ရရောတဲ့။ ဒုမန်နေဂျာက ယောကျာ်းလေးလေ "

" ဟား....ဟား....ဟား "

သာဂိကား အော်ကြီးဟစ်ကျယ် ရယ်ပါတော့သည်။ ကျွန်တော်က စကားစကို ခဏရပ်၏။

" တကယ်တော့ အဲဒီ အိန္ဒိယလူမျိုးပြောတာ ဆူတာကို ပြောတာပါ။ စလုံးမှာ ဆူတာက မင်းလည်း သိတဲ့အတိုင်းပဲ။ Fuck တယ်လို့ပြောတာကိုး။ ဒါပေမဲ့ အဲဒါက ယောကျာ်းလေးချင်းကြားမှာလေကွာ။ မိန်းမတစ်ယောက်ရဲ့ ရှေ့မှာ အဲဒီလို သွားပြောရင်တော့ စဉ်းစားသာကြည့်တော့။ အဲဒါဆူတယ် ဆိုတဲ့ အဓိပ္ပါယ်ထက် တခြား ဟိုဒင်းဟိုဟာ ပြုတယ် ဆိုတဲ့ အဓိပ္ပါယ်က ပိုများနေတယ်။ ဒီတော့ စလုံးမ ခမျာ အဲဒီ အိန္ဒိယလုပ်တာနဲ့ ထွက်ပြေးရပါလေရော။ ဒီ Fuck ဆိုတဲ့ စကားက နေရာနဲ့ လူကိုကြည့်ပြီး သုံးရတာမျိုးကွ။ တချို့ကလည်း စိတ်အရမ်းတိုလို့ ဆဲတာဆိုပြီး သုံးကြတာ။ ဒါပေမဲ့ ဒီလိုစကားမျိုးတွေက လူရှေ့သူရှေ့ကို သယ်မလာသင့်ဘူး။ အထူးသဖြင့် အစ်ကိုတို့လို ယောကျာ်းလေးတွေတောင် အချင်းချင်းကြားမှာပဲ အလုပ်ကိစ္စတို့၊ ဘာတို့မှာ တင်းပြီးပြောမှ သုံးတာ။ လူရှေ့သူရှေ့ အော်ကြီးဟစ်ကျယ် သုံးလေ့မရှိဘူး။ တော်တော်စိတ်ဆိုးလို့ သုံးကြတာ။ အဲဒါကို မိန်းကလေးတွေ သုံးတယ်ဆိုတော့ အစ်ကို စဉ်းစားလို့တောင် မရဘူး "

ကျွန်တော်ခဏ နားသည်။ ပြီးတော့ ဆက်ပြောနေမိ၏။

" မင်းမှတ်မိမလားတော့ မသိဘူး။ မာနော့ပ်လေ။ Mr. Who Say လေ" ( သူနှင့် ပတ်သက်ပြီး ကျွန်တော် Mr. Who Say ဆိုသော ပို့စ်တစ်ပုဒ် ရေးခဲ့ဖူးပါသည် )

" ဟာ- သိတယ် အစ်ကို။ ဘာဖြစ်လို့လဲ "

" အစ်ကိုတို့ အခုလုပ်နေတဲ့ ပရောဂျက်မှာ မနက်ဖက်မှာ ရွတ်ရတဲ့ Take 5 ဆိုတာရှိတယ်။ Safety နဲ့ပတ်သက်တာပေါ့ကွာ။ အဲဒါ အလုပ်သမားတွေ အလှည့်ကျ ရွတ်ရတယ်။ တစ်ရက်ကို တစ်ယောက် ဦးဆောင်ပြီး ရွတ်ရတာ။ တရုတ်၊ အိန္ဒိယ၊ မြန်မာ စုံအောင်ပေါ့။ ခက်တာက မင်းသိတဲ့ အတိုင်းပဲ။ မာနော့ပ်က ထိုင်း။ နဂိုကတည်းက အင်္ဂလိပ်စာ သိပ်မရဘူး။ ဒါနဲ့ မာနော့ပ်ကို ရွတ်ခိုင်းရင် သူက အင်္ဂလိပ်စာ မကောင်းလို့ မရွတ်ပါရစေနဲ့လို့ ငြင်းတယ်။ ဒါနဲ့ တစ်ရက်မှာ အစ်ကို Site ထဲသွားတုန်း ဘကုန်းလေးတစ်ယောက်က မာနော့ပ်နားမှာ အလုပ်လုပ်နေတော့ သူက မာနော့ပ်ကို စချင်တာနဲ့ အစ်ကို့ကို Safety မာနော့ပ်ကို Take 5 ရွတ်ခိုင်းလေလည်း ဆိုရော မာနော့ပ်က ဘာပြောတယ်ထင်လဲ "

" ဘာပြောလဲ အစ်ကို "

" သူက အားရပါးရကို ထပြောတာနော်။ အဲဒီ ဘကုန်းလေးကို Fuck You တဲ့။ အကျယ်ကြီးပဲ "

သာဂိရယ်သည်။

" အစ်ကိုလည်း မင်းလိုပဲ ရယ်မိတယ်။ သူက တကယ်ကို စိတ်တိုသွားတာကိုးကွ။ သူမနိုင်တဲ့ အင်္ဂလိပ်စာကို ချောက်တွန်းပြီး ပြောခိုင်းတယ်လို့ သူထင်သွားတော့ ချွန်တဲ့ကောင်ကို ဆဲတာပေါ့။ အစ်ကို ပြောချင်တာက မာနော့ပ်ဟာ အလုပ်သမားလေးပါကွာ။ သူက Site ထဲမှာ ဆဲတာ သူမကျေနပ်တာ ရှိလို့လေ။ သူဆဲတာ၊ သူ Fuck You လို့ပြောတာ သူ့အဆင့်နဲ့ဆို ပြောစရာ မရှိပါဘူး။ အခုဟာက မင်းသူငယ်ချင်း ကောင်မလေးတွေက ပညာတတ်တွေ မဟုတ်ဘူးလား "

" ကျွန်တော် သဘောပေါက်ပြီ အစ်ကို။ အစ်ကို့ကို ကျေးဇူးတင်ပါတယ်။ ကျွန်တော့် သူငယ်ချင်း ကောင်မလေးတွေကို ကျွန်တော် ကြည့်ပြီး ဆုံးမလိုက်ပါမယ် "

" ဆုံးမတယ်ဆိုတာက နည်းနည်းပြင်းပါတယ်ကွာ။ သူတို့ အမှန်မြင်အောင် ကိုယ်က ရှင်းပြတယ်ဆို လုံလောက်ပါတယ်ကွာ "

" ဟုတ်ကဲ့ အစ်ကို။ ဒါဆို ဒါပဲနော်။ ကျွန်တော်လည်း Status မှာ Fuck You ကိုတင်တာ မလုပ်တော့ပါဘူး "

" အေးပါကွာ။ မကောင်းပါဘူး။ မလုပ်ကြပါနဲ့။ အားလုံးက ပညာတတ်တွေပဲ "

ပြောပြီး ကျွန်တော် g talk ကို ပိတ်လိုက်ပါတော့သည်။

xxxxxxxxxxxxxxx

" Fuck You လား။ လုံးဝ မကျေနပ်ဘူး "

သာဂိ သူငယ်ချင်းမိန်းကလေး တစ်ယောက်က Facebook မှာ တင်ထားသည်။ သာဂိက Like ပေးထားတာ တွေ့၏။ သည်ကောင် တော်တော် ပြောင်တဲ့ကောင် ဟု တွေးသည်။ ပြောတော့ ကျွန်တော့်ကို သူက သူ့သူငယ်ချင်း ကောင်မလေးများကို ဆုံးမလိုက်မည် ဟု ဆိုခဲ့သည့်ကောင်။ ခုတော့ သူက ကြိုက်လွန်းမက ကြိုက်နေသည်။ တစ်ယောက်က Fuck You လုပ်လိုက် သာဂိက Like လုပ်လိုက်ဖြင့် Facebook ပေါ်မှာ Fuck You နှင့် Like လုပ်သည့် ပွဲတော်ကြီး ဖြစ်ထွန်းနေလေသည်။

ကျွန်တော် ဘာမျှမပြောဖြစ်။ ကြည့်ရုံသာ ကြည့်နေသည်။ ခက်တာက ကျွန်တော်နှင့် ခင်သော သာဂိက Like လုပ်တိုင်း ကျွန်တော့် Facebook စာမျက်နှာမှာ အနှီကောင်မလေးများ၏ Fuck You ကြီးက လာလာပေါ်နေသောအခါ နည်းနည်းတော့ နင်ရ၏။ ဖြစ်နိုင်လျှင် ကျွန်တော့် Facebook စာမျက်နှာကို Refresh လုပ်ပြီး သန့်စင်လိုက်ချင်တော့သည်။

သာဂိ သူငယ်ချင်း ကောင်မလေးများမှာလည်း အဘယ်ကဲ့သို့သော စိတ်ခံစားချက်ကြောင့် မသိ။ အားတိုင်းကို ထိုစကားကို တွင်တွင်ကျယ်ကျယ်ကို သုံးနေတော့သည်။

နိုင်ငံရေး၊ တိုင်းပြည်ရေးကို သတင်းဖတ်၍ ဝေဖန်သည်။ မကျေနပ်လျှင် Fuck ပြန်သည် တစ်ခါ။ သူတို့ အလုပ်ကိစ္စကို ရင်ဖွင့်သည်။ မကျေနပ်လျှင် Fuck ပြန်သည်တစ်ခါ။ သူတို့ သူငယ်ချင်း မိန်းကလေးများနှင့် ယောကျာ်းလေးများ အချေအတင် ငြင်းကြ၊ ခုံကြသည်။ မကျေနပ်လျှင် Fuck ပြန်သည်တစ်ခါ။ ဘယ်နှစ်ကြိမ်၊ ဘယ်နှစ်ခါမှန်း မသိအောင် Fuck နေသည်မှာ ကျွန်တော်ဖြင့် မြင်ရ၊ ကြားရကြာလေ ရင်နာလေ ဖြစ်လာ၏။ စလုံးမများလို အင်္ဂလိပ်စကား ယဉ်ပါးနေသူများပင် ရိုင်းသည်ထင်၍ ထွက်ပြေးရသော စကားလုံးကို ကျွန်တော်တို့ မြန်မာမလေးများ အဘယ်ကြောင့် တွင်တွင်ကျယ်ကျယ် သုံးနေသည်ကို ကျွန်တော် အဖြေရှာ၍ပင် မရ။

ပိုဆိုးသည်က သကောင့်သား သာဂိကား Facebook ပေါ်မှ သူ့သူငယ်ချင်း ကောင်မလေးများ၏ Fuck You ကို တစ်ချိန်လုံး ထိုင်၍ Like နေသလား ထင်ရအောင် စိတ်ရှိတိုင်း Like ၍သာ နေတော့သည်။ ကျွန်တော် လိုက်လို့မမီတော့။ တစ်ခါတစ်ခါတော့ သည်ကောင် သူ Status မတင်ရတိုင်း သူများတင်သမျှ Like နေသည်လားဟုတောင် ကျွန်တော်ထင်မိသည်။ သူနားလည်နေတာပဲလေဟု ကျွန်တော် စိတ်ကို ပြန်လျှော့ရ၏။

တစ်ခါတော့ သူ့ကို g talk မှာ တွေ့၍ ကျွန်တော်မေးကြည့်သည်။ မင်းဘာလုပ်တာလဲ ဆိုတော့ အစ်ကို မသိပါဘူး ဆိုပြီး စကားစ ဖြတ်ထားခဲ့ရာ ကျွန်တော်လည်း မေးမနေတော့။ သူ့သဘောသူဆောင်လေတော့ ဟုသာ တွေးရလေတော့သည်။ ထို့ပြင် သည်ဘက်ခေတ် လူငယ်များ မသိသော လောကနီတိ ဆိုသည်ကိုလည်း ပေးဖတ်ချင်မိသေးသည်။

" ကိုယ်ရိုင်းလျှင် အဖ ယုတ်သည်။ နှုတ်ရိုင်းလျှင် အမိ ယုတ်သည် " ဆိုသော လောကနီတိ စကားကို သူတို့မသိတော့။ သိလည်း မျက်ကွယ် ပြုကြလေပြီဟု ကျွန်တော်တွေးမိသည်။ မတတ်နိုင်တော့။

xxxxxxxxxxxxxxxxx

ထိုကာလလေးများ၏ နောက်၊ သိပ်မကြာခင် အချိန်အတောအတွင်းမှာ သာဂိ၏ Status တစ်ခုသည် Facebook ပေါ်ရှိ သူနှင့်ခင်သူများကြားမှာ ပေါ်ပေါ်ထင်ထင်၊ ကြီးကြီးမားမား၊ လှုပ်လှုပ် ခတ်ခတ် ဖြစ်အောင် ကို တက်လာလေသည်။

ကျွန်တော်ကား သာဂိ ဘာလုပ်လိုက်သနည်း ဆိုသည်ကို တွေးရင်း ပြုံးရ၏။ သာဂိ၏ Status ကို ဖတ်၍ သည်ကောင် သည်လိုလားဟု တွေးကာ ရယ်ရ၏။ သာဂိ၏ အကြံကို ပြန်သုံးသပ်ရင်း ဒါကြောင့် သည်ကောင် တစ်ချိန်လုံး သူ့သူငယ်ချင်း မိန်းကလေးများ၏ Fuck You ကို Like နေတာကိုးဟု ဆိုကာ ခုမှ ပြန်စဉ်းစားရင်း သာဂိကို ချီးကျူးရတော့၏။ သာဂိကား အချဉ်မဟုတ်ပါချေ တကား။ ကြည့်ပါဦးလေ။ သာဂိ၏ Status ကို။

" သူငယ်ချင်းတို့- ကျွန်ုပ်သာဂိသည်ကား အသင်တို့၏ Fuck You စကားလုံးပါသော Status များ၊ Comment များ၊ အားလုံးကို အားရပါးရ Like လုပ်ခဲ့ပါ၏။ အထူးသဖြင့် ကျွန်ုပ်၏ ချစ်လှစွာသော သူငယ်ချင်း မိန်းကလေးများက Fuck You ဟု သူတို့ဘာသာ လုပ်လျှင်သော်လည်းကောင်း၊ သူတို့က အခြားယောကျာ်းလေးများကို Fuck You ဟု Comment မှာ ရေးသွားလျှင်သော်လည်းကောင်း၊ ကျွန်ုပ်မှာ နှစ်ခြိုက်လွန်းသောကြောင့် Like လုပ်ရလေ၏။ အသင်တို့ကား မည်သည့်အဓိပ္ပါယ်နှင့် ရေးသည်ကို မသိသော်လည်း ကျွန်ုပ် သာဂိအဖို့မှာကား ထိုသို့ အသင်သူငယ်ချင်း မိန်းကလေးများ၏ Fuck You စာလုံးကို မြင်တိုင်း ရင်ခုန်ရ၏။ ရင်တုန်ရ၏။ တုန်၍ ရသမျှ အကုန်တုန်၏။ ကောင်းလှပေသည်တကား။ အသင်တို့သည် မကျေနပ်ချက်များကို ပေါက်ကွဲမည် ဆိုပါက နောင်အချိန်တွင် တခြားနေရာသို့ မသွားပါနှင့်။ ကျွန်ုပ်သာဂိ၏ Facebook စာမျက်နှာသို့သာ လာ၍ Fuck You ဟု အော်ပါလေ။ ကျွန်ုပ်သာဂိသည်ကား အသင်တို့၏ မကျေနပ်ချက်များကို နားလည်သော်ငြား မပြောသင့်သော စကားကို ပြောသည်ဟု ထင်၍ Fuck You ၏ အဓိပ္ပါယ်ကို ကျွန်ုပ်လူပျိုသာဂိနှင့် သံဝါသပြုချင်၍ ထိုသို့ဆိုသည်ဟု မှတ်ယူမည် ဖြစ်ပါကြောင်းနှင့် အကယ်၍ ကိုယ့်စာမျက်နှာတွင် ကိုယ့်ဘာသာ Fuck You ဟုပြောလျှင်လည်း လာဖတ်သူများနှင့် သံဝါသပြုချင်၍ ထိုသို့အော်ဟစ်နေသည်ဟု ထင်မြင်ကာ ထိုသို့ လူအများသိအောင် မိမိစိတ်ကို မထိန်းနိုင်၊ မသိမ်းနိုင် ဖြစ်သူများကို ဂုဏ်ပြုချင်၍ အားရပါးရ လာ၍ Like မည် ဖြစ်ပါကြောင်း "

ထို Status ၏ နောက်တွင် နောက်ထပ် နောက်ဆက်တွဲက လိုက်လာသည်မှာ......

" မှတ်ချက်- ကျွန်ုပ်၏ ချစ်လှစွာသော ယောကျာ်းလေး သူငယ်ချင်းများကတော့ ထိုသို့ မိမိတို့၏ မကျေနပ်ချက်များကို ရင်ဖွင့်ချင်လျှင် Fuck You ဟု ခဏခဏ ပြောသော မိန်းကလေး သူငယ်ချင်းများ၏ စာမျက်နှာသို့ သွား၍ Fuck You ဟု ရင်ဖွင့်သင့်ပါကြောင်း နှင့် သို့မှသာ နှစ်ဦးနှစ်ဖက် မကျေနပ်ချက်များကို ကျေကျေနပ်နပ်ကြီး ဖွင့်ဟကာ Fuck You ဟု နှစ်ဦးနှစ်ဖက် အဆင်ပြေပြေဖြင့် အာသာဖြေနိုင်မည် ဖြစ်ပါကြောင်း ကျွန်ုပ်သာဂိက မေတ္တာရပ်ခံ ပန်ကြားအပ်ပါသည်။ "

အာဂ သာဂိပါတကား။ သူ့ကိုယ်သူ သူငယ်ချင်းများ အမုန်းခံ၍ Fuck You ဆိုသည့် ရုန့်ရင်း ကြမ်းတမ်းသော စကားလုံးကို သူငယ်ချင်းများကြား ရပ်တန့်စေရန် ကြိုးစားခဲ့လေသည်။

သူ့သူငယ်ချင်း ကောင်မလေးများ အမြင်မှန်ရမရတော့ မသိ။ ကျွန်တော်ကတော့ သူ့သူငယ်ချင်း ကောင်မလေးများ လူပျို သာဂိကိုတော့ဖြင့် နေရင်းထိုင်ရင်း အလုပ်အကျွေး မပြုတန်ကောင်းရာဟု တွေးမိနေသေးတော့သည်။ ။

သားလတ်

၂၀း၁၀ နာရီ

၂၄.၆.၂၀၁၂

[ ကျွန်တော် သည်ပို့စ်ကို ရေးမည်ကြံတော့ ထို Fuck You ဆိုသော စကားလုံးကို တော်တော် ချင့်ချိန်၍ မည်သို့ချပြရပါမည်နည်းဟု တွေးခဲ့သည်။ သို့သော်နောက်ဆုံး ကျွန်တော့်စာကို ပို၍ ထင်ရှားအောင် ပြုချင်၍ ထိုမူရင်း စကားလုံးအတိုင်း သုံးခြင်းကသာ ပိုသင့်တော်သည်ဟု ဆုံးဖြတ်၍ သုံးလိုက်ပါသည်။ ထိုစကားလုံး၏ ရိုင်းပြမှုမှာ ကျွန်တော်ပြောချင်သော ဆိုလိုရင်းကို ပိုမိအောင် ရည်ရွယ်ရင်း ဖြစ်ပြီး ထိုအတွက် စာဖတ်သူများကို အနူးအညွတ် တောင်းပန်အပ်ပါသည်။ ကျွန်တော့်ကို နားလည်လိမ့်မည်ဟု မျှော်လင့်မိပါသည်။ ]

" ကျွန်တော်နှင့် အင်တာနက်အလန်းများ " (၂)

" အားလုံးကို စွန့်လွှတ်ရရင်တောင်မှ သတိရခြင်းကို ငါပိုင်တယ်။ ( တာရာမင်းဝေ)"
" အိမ်သာတက်ရင်း ၀မ်းချုပ်တယ်ဆိုရင်တောင်မှ ဗိုက်နာခြင်းကို ငါပိုင်တယ်။ ( ကြယ်စင်သာဂိ)"

စာသားများကို ဖတ်ရင်း ဟ-ဘာလဲဟ ဟု ကျွန်တော့်ဘာသာ နှုတ်က လွှတ်ခနဲထွက်သွားသည်။ ရန်ကုန်ပြန်ရောက်နေသော သာဂိ၏ Facebook ပေါ်မှ စာသားပါ။ လက်စွမ်းကား ထက်လှ၏။

ကျွန်တော် ရန်ကုန်ကို ခဏပြန်သွားချိန်မှာ သာဂိက ကျွန်တော့်ကို လာတွေ့သည်။ သူနှင့်ကျွန်တော် အွန်လိုင်းမှာ မေးလ် အဆက်အသွယ်ရှိနေသေး၍ သူက ကျွန်တော် ရန်ကုန်လာမည်ကို သိနေသည်။ ထိုစဉ်က သူပြောခဲ့သည်ကို ကြည့်ပါ။

" အစ်ကို သူများတွေ ဘလော့ရေးနေတယ်။ ကျွန်တော်လည်း လုပ်ချင်တယ်။ အဲဒါ ဘယ်လိုလုပ်ရမလဲ။ အစ်ကိုလာတုန်း ရှင်းပြပါဦး "

သည်တော့ ကျွန်တော်တတ်သလောက်၊ မှတ်သလောက် ရှင်းပြခဲ့သည်။ ကလောင်ကိုလည်း သူ့စိတ်ကြိုက်ရွေးဖို့ အကြံပေးခဲ့၏။ 'မိမိရွေးချယ်သော ကလောင်သည် မိမိ၏ စာကို ညွှန်းနိုင်သည်' ဟူသော ရှေးဆရာကြီးများ၏ အယူအဆတစ်ခုကိုလည်း သူ့ကို ပြောပြခဲ့သေး၏။

သည်လိုနှင့် သကောင့်သားမှာ ဘလော့ဖြစ်မဖြစ်တော့ မသိ။ ကလောင်နာမည်ကိုတော့ ကျွန်တော် စင်ကာပူပြန်ရောက်ပြီး သိပ်မကြာခင်မှာ Facebook မှာ တွေ့ရလေတော့သည်။ ကြည့်လေ။ ' ကြယ်စင်သာဂိ' တဲ့။ ဘာကြီးမှန်းကို မသိ။ သည်လိုနှင့် သာဂိကို ဂျီတော့မှာတွေ့တော့ မေးရတော့သည်။

" ညီလေး။ မင်းရဲ့ ကလောင်နာမည်လေး ရှင်းပြပါဦးကွာ။ ငါတော့ သိပ်နားမလည်ဘူး "

" ကျွန်တော်က တာရာမင်းဝေ ကြိုက်တယ်လေ အစ်ကို။ ဒီတော့ သူ့လို ခပ်ဆင်ဆင်လေး ပေးထားတာ။ သူက တာရာ။ ကျွန်တော်က ကြယ်စင်။ မကောင်းဘူးလား။ ဟဲ...ဟဲ "

" မကောင်းဘူး။ ဟိုက တာရာနောက်မှာ မင်းဝေပါတော့ ခေါ်ရတာလည်း ကောင်းတယ်။ နာမည်လည်း လှတယ်။ မင်းကျတော့ ရှေ့က ကြယ်စင်က ဟုတ်သလိုလိုနဲ့ နောက်က မင်းနာမည် သာဂိထည့်လိုက်တော့ နာမည်က ပြရော "

"ကျွန်တော့်ကို စင်ကာပူမှာတုန်းက အမှတ်တရ ပေးထားတဲ့နာမည်မို့လို့ပါ အစ်ကိုရာ။ ဒါဖြင့် ကျွန်တော် နောက်တစ်ခု ရွေးထားတာ ရှိသေးတယ်။ ကျွန်တော်က မောင်စိန်ဝင်း(ပုတီးကုန်း) လည်း ကြိုက်တော့ သာဂိ( ရွှေပန်းတော) ဆို ကောင်းမလား အစ်ကို "

ရွှေပန်းတောသည် သာဂိ၏ ရွာဆိုသည်ကို Facebook မှာ သာဂိတင်ခဲ့သော ' ဇာတိမြေ ခရီးစဉ် ' ဆိုသည့် ခေါင်းစဉ်အောက်မှ ပုံတွေကို ကြည့်ပြီးသိခဲ့ဖူးသည်။

" မင်းက ဘာစာတွေ ရေးမှာလဲ။ သူများကို ကြိုက်တာနဲ့ သူများနာမည်တွေ ယူစရာ မလိုပါဘူး။ မင်းနာမည် မင်းရွေးပေါ့။ ဘာကောင်းလဲလို့ မမေးနဲ့။ သူများကို မတုရင် ပြီးရော။ ကြိုက်တာ အကုန်ပေးလို့ရတယ်။ "

" ကျွန်တော်က ရေးလို့ရတာ အကုန်ရေးမှာ အစ်ကို။ သူများတွေလည်း ဒီလိုပဲ ရေးနေကြတာ "

ကျွန်တော်ကတော့ သာဂိစိတ်ချမ်းသာလျှင် ပြီးရော သဘောထားကာ လွှတ်ပေးလိုက်တော့သည်။ စာရေးချင်သူတစ်ဦးအတွက် စာရေးစရာ နေရာတစ်နေရာ ရှိလျှင် လုံလောက်ပေလိမ့်မည်။ စာရေးဆရာ တစ်ယောက်သည် သည်လိုသာ အစပျိုးရင်း တဖြည်းဖြည်းနှင့် လှမ်းခဲ့ရသည် မဟုတ်လား။

****************

တကယ်တော့ သာဂိထံမှ ဘာဘလော့မှ ထွက်မလာ။ အဘယ့်ကြောင့်ဆိုသော် သာဂိကား Facebook ပေါ်တွင် Status များသာ လျှောက်ရေးနေသောကြောင့်ပင်။ ကြည့်ဦးလေ။ သာဂိ၏ Facebook ပေါ်မှ Status အလန်းများ။

" ရွှေဖိနပ်မှာ အစိမ်းရောင် ကြက်ခြေခတ်နဲ့ ကောင်မလေး " ( တာရာမင်းဝေ)
" ခုံဖိနပ်မှာ အ၀ါရောင် ခွေးချေးနဲ့ ကောင်မလေး " ( ကြယ်စင်သာဂိ)

မိုက်သည်။ ကျွန်တော်လည်း ဖတ်ပြီး ရယ်မိ၏။ ဘာတွေမှန်းကို မသိ။ သူ တာရာမင်းဝေ ကြိုက်ခြင်းသည် တာရာမင်းဝေ အတွက်တော့မလွယ်။ ကွယ်လွန်သွားရှာပြီမို့သာ တော်တော့၏။ နို့မို့ဆို သာဂိလက်ချက်နှင့်ပင် တာရာမင်းဝေ အခါခါ သေလောက်သည်။

" သာဂိ၊ မင်းဟာက Status မှ မဟုတ်တာ။ သူများစာတွေ အတုခိုးပြီး လိုက်တင်နေတာပဲကွ "

" မဟုတ်ဘူးအစ်ကို။ ကျွန်တော် လက်ရည်သွေးနေတာ။ ခေါင်းစဉ်လှလှလေးတွေကို တာရာ မင်းဝေရဲ့ မော်ဒန် သီအိုရီ သုံးပြီး ရှာနေတာလေ။ အစ်ကို အခု ဖတ်ရတာတွေက ကျွန်တော် ပွားပြီး တွေးယူထားတာ အစ်ကိုရ။ နောက်ထပ် ရှိသေးတယ်။ မောင်စိန်ဝင်း (ပုတီးကုန်း) သီအိုရီလေ။ ကျွန်တော်ရေးထားတာလေး အစ်ကို ဖတ်ကြည့် "

ပြောလည်းပြော၊ ဂျီတော့မှ တဗြုန်းဗြုန်းနှင့် မြန်မာလို တက်လာသော သာဂိ Message ကို ကြည့်ပါဦး။

" အနုသယလမ်းမှာ
သမုဒယ ပန်းကို ကြိုက်မိတော့
ဘုကျကျနဲ့ ကန်းမိုက်နေတုန်းမှာပဲ
( အချစ်ရယ်...ငါလေ )
ပုကွကွနဲ့ လွမ်းလိုက်တော့မယ်။ ။"

ပြီးရော။ ဆရာမောင်စိန်ဝင်း(ပုတီးကုန်း)နှင့် တွေ့လျှင် ကဗျာစာအုပ် ဆက်မထုတ်ဖို့ ပြောရဦးမည်။ သာဂိ (ရွှေပန်းတော) ၏ စာအုပ်များက အရောင်းပိုသွက်သွားနိုင်သည် မဟုတ်လား။ သူ့ကဗျာကို ဖတ်ရင်း အရပ်ပုကွကွနှင့် သာဂိကို မြင်ယောင်မိသေးသည်။

" သာဂိရေ-လန်းတယ်ကွာ"

ပြောရင်း သည်ဘက်မှာ ကျွန်တော်ပြုံးနေမိသေးသည်။ သာဂိကား ကျွန်တော်မမြင်နိုင်သော တစ်ဖက်မှာ သဘောကျနေလေမလား မသိ။

*****************

" ဆီဒိုးနားဟိုတယ်တွင် ညစာစားနေသည် "

ခုတလော သာဂိ၏ Status များကား အစားအသောက်ကိစ္စများ ပါလာသည်။ ယောက်ျားလေးတစ်ယောက်က ထိုသို့ အစားအသောက်များကို Status အဖြစ် တင်နေသည်ကို ကျွန်တော်အံ့ဩမိ၏။ သာဂိကို အွန်လိုင်းမှာတွေ့တော့ မေးကြည့်ရသည်။

" သာဂိ။ မင်းအဲဒါတွေ ဘာလို့တင်နေတာလဲ။ အရည်မရ၊ အဖတ်မရ။ အဲဒါမိန်းကလေးတွေမှ လုပ်တာ "

"အစ်ကို ပြောလို့ ကျွန်တော်က ပြောရဦးမယ်။ ကျွန်တော့်သူငယ်ချင်းတွေလေ။ အစ်ကို့ကို တစ်ခါ ပြောခဲ့ဖူးတယ်။ ရွာမှာနေတုန်းက အေးပုတို့၊ ထွေးငယ်တို့၊ ဘုတ်မတို့ဆိုတာလေ "

" ဪ-အေး။ မှတ်မိပြီ။ သူတို့က ဘာဖြစ်လို့လဲ "

"ဟာဗျာ-စလုံးရောက်ပြီး မလုပ်ဖူးတာတွေလုပ်၊ မစားဖူးတာတွေစား။ ပြီးတော့ စကား အကြီးကြီးတွေ ပြော။ တော်ကြာနေရင်း ဘယ်နားမှာ ဘယ်သူနဲ့ ဘာစားနေပြန်ပြီတို့။ ဘယ်သူနဲ့ ဘယ်နားမှာ ဘာလုပ်နေပြန်ပြီတို့။ အဲဒါတွေ မြင်ပြီး ကျွန်တော်လည်း မြင်ပြင်းကတ်တာနဲ့ ရွဲ့ပြီး အဲဒါတွေ တင်နေတာ "

"သူတို့က မိန်းကလေးပဲကွာ။ သူတို့မှာ တင်စရာမရှိတော့လည်း ဒီလိုပဲ စိတ်ထဲ ရှိတာလေးတွေ လျှောက် တင်တာ နေမှာပါ။ မင်းက နားလည်ပေးရမှာပေါ့။ သူတို့လည်း ကိုယ့်ပိုက်ဆံ ကိုယ်သုံးပြီး တင်နေတာပဲ။ မင်းပိုက်ဆံ ယူသုံးနေတာမှ မဟုတ်တာ "

" ဒါပေမဲ့ အစ်ကိုရာ၊ အစ်ကိုပဲ စဉ်းစားကြည့်။ သူတို့လိုသာ တင်မယ်ဆိုရင် တင်နိုင်တဲ့သူတွေ အများကြီး မဟုတ်ဘူးလား။ သူတို့ထက်ကောင်းတဲ့ နေရာတွေမှာ စားနေသူတွေ စလုံးမှာ တစ်ပုံကြီး။ အဲဒီလို သူတွေတောင်မှ မတင်တာ။ သူတို့သိဖို့ကောင်းတယ်။ သူတို့က မနေ့တစ်နေ့ ကမှ ရောက်ပြီး တောင် တင်၊ မြောက်တင်နဲ့။ ကျွန်တော့်အယူအဆကတော့ သူတို့ သက်သက်ကို ကြွားနေတယ် လို့ကို ယူဆတာ "

" မိန်းကလေးဆိုတော့လည်း ဒီလိုပဲပေါ့ကွာ။ မင်းကနားလည် ပေးရမှာပေါ့။ သူတို့ရဲ့ စရိုက်ကိုက အဲဒီလိုလေးတွေ ရှိပါလားလို့ မင်းနားလည်ပေးလိုက်ရင် အိုကေပါတယ်ကွ "

" ကျွန်တော်လည်း ရွဲ့ပြီး တင်နေတာပါ အစ်ကိုရာ။ စိတ်နဲ့ကိုယ် အခန့်မသင့်ရင် ဒီလိုပါပဲ "

" ဒါနဲ့ မင်းက တကယ်ရော အဲဒီနေရာတွေမှာ သွားစားနေတာလား။ မင်းတင်လိုက်တဲ့ နေရာတွေမှာလေ။ အခုဆိုငါတွေ့တာ ဆီဒိုးနားမှာတဲ့။ အဲဒါဟုတ်လား "

" သွားစားတာတော့ တကယ်ပါ။ ကျွန်တော့်သူငယ်ချင်းတစ်ယောက် ဒင်နာလေ။ ဖုန်းကတော့ တင်လို့မရဘူး။ အင်တာနက်ဆိုင်ရောက်မှ ကောက်တင်လိုက်တာ "

ကောင်းကွာ ဟု ဆိုကာ ကျွန်တော် သဘောကျစွာဖြင့် သူနှင့် စကားပြောခြင်းကို ရပ်တန့်လိုက်ပါသည်။ သာဂိသည် လူတစ်မျိုးဟု ကျွန်တော်နားလည်လိုက်ရပြန်ပါသည်။ သိပ်မကြာခင်မှာပင် သာဂိ၏ လန်းနေသော Status များကို ဆက်တွေ့ရပါတော့သည်။

" ဆာကူရာတာဝါ၏ ထိပ်တွင် ကော်ဖီသောက်နေသည်။ ( သူငယ်ချင်းများနှင့်။ နိုင်ငံခြားက ပြန်လာသော သူငယ်ချင်းတစ်ယောက် လိုက်တိုက်သောကြောင့်)"

" ထရိတ်ဒါးဟိုတယ်တွင် နေ့လယ်စာ စားနေသည်။ ( Myanmar Time မှ Sudoku ဖြေရာတွင် မှန်သွားသောကြောင့် )"

ဟုတ်တော့ ဟုတ်နေသည်။ သာဂိသူငယ်ချင်း ယောက်ျားလေးများက မှတ်ချက်ပေးရာတွင် ငကြွားဟု လာရေးသွားတာ တွေ့ရသည်။ ကျွန်တော် ပြုံးမိပြန်၏။ သာဂိသူငယ်ချင်း မိန်းကလေးများကလည်း စင်ကာပူကနေ ဘာတွေဆက်တင်နေလဲ မသိ။ သာဂိကလည်း Non stop လွှတ်နေသည်။

သူ့ကိုယ်သူ ငကြွားဟု အထင်ခံရသည့်တိုင် သာဂိ၏ Status များက ပြောင်းမသွားခဲ့။ သူတင်တာတွေ ဖတ်ကြည့်သည့်အခါတိုင်းလည်း ပြုံးရ၏။ တစ်ခုမျှ သူ့ဘာသာ လုပ်တာမပါ။ ဖရီးကစ်ချည်းသာ။ သူ့ဘာသာသူတော့ အဆင်ပြေနေ၏။

****************

" စိတ်တွေရှုပ်နေတယ်။ စကားလာမပြောကြပါနဲ့။ လူတွေကို စိတ်ကုန်တယ် "

"ငါ့မနက်ခင်းတွေကို ဘယ်သူယူထားလဲ "

" လဲလို့ရမယ်ဆို အားလုံးကို ငါလဲပစ်မယ်။ ပြီးတော့ တစ်ယောက်တည်း ငါနေမယ်"

" ဟိုးမှာ အစိမ်းရောင်တောင်တွေ။ ငါတို့ စိမ်းလန်းခဲ့တယ်။ အခုတော့ ခြောက်သွေ့နေခဲ့တာ ကြာပြီ"

လာပြန်ပြီ။ သာဂိ၏ မရိုးနိုင်သော အလန်းများ။ အသစ်များ။

" ဟေ့ကောင်။ ဘာဖြစ်ပြန်ပြီလဲ "

" ဘာရယ်မဟုတ်ဘူး အစ်ကို။ ပျင်းတာနဲ့ လက်ဆော့နေတာ "

" မင်းလက်ဆော့တာ ငါတို့လို Facebook က အသိတွေက တစ်မျိုးထင်မိတယ်ကွ။ မင်းများ ပြဿနာတွေ တက်နေလားလို့တောင် ထင်နေတာ"

"ဒါဆို ကျွန်တော် အောင်မြင်တာပေါ့။ မော်ဒန်လေ အစ်ကို။ သစ်ကြည့်တာ။ လူတော်တော်များများက Facebook ထဲမှာဆို ဘယ်သူ့ကိုမှ မပြောတဲ့ ခံစားမှု ထူးထူးဆန်းဆန်းတွေ တင်တတ်လို့ ကျွန်တော်လည်း လန်းကြည့်လိုက်တာ။ မိုက်လား အစ်ကို "

ကျွန်တော် မဖြေ။ သူ့ Status ၏ အောက်မှာ ကျွန်တော်ဖတ်လိုက်ရသော သူ့သူငယ်ချင်းတစ်ယောက်၏ မှတ်ချက်ကို ကျွန်တော်တွေ့တော့ ပြုံးမိသေးသည်။ သာဂိကို ' မင်းတော့ ရူးနေပြီ' တဲ့။ ကျွန်တော်ကတော့ သူ့ကို ရူးသည်ဟု မနောက်ပါ။ တချို့တွေကလည်း Like ဟု လာလုပ်သွားသေးသည်။ သာဂိကို ရူးနေပြီဟု ပေးထားသော မှတ်ချက်ကို ကြည့်လိုက် Like လုပ်ထားသူတွေ၏ နာမည်များကို ကြည့်လိုက်ဖြင့် ကျွန်တော်ပြုံးရသေးသည်။ မပြုံး ခံနိုင်ရိုးလား။ တချို့က ထို Status များကို ရူးနေပြီဟု မှတ်ချက်ပေးထားသည့်တိုင် တချို့က ကြိုက်သည်ဆိုသောအခါ ထိုသူများသည်လည်း နည်းနည်းတော့ ထူးနေလေပြီ။

ကျွန်တော်ကတော့ သာဂိကို သဘောတရားတစ်ခုသာ ပြောပြလိုက်ပါသည်။ လုပ်သည်၊ မလုပ်သည်။ နားလည်သည်၊ နားမလည်သည်က သာဂိ၏ လက်ခံနိုင်မှု အပိုင်းဟု ကျွန်တော်ထင်သည်။

"လူတိုင်းမှာ စိတ်ခံစားချက်ဆိုတာတော့ ရှိကြတာပေါ့ကွာ။ အစ်ကိုလည်း နားလည်ပါတယ်။ အစ်ကိုဆိုလည်း အာဆင်နယ် တော်တော်ကြိုက်တော့ အာကြီးအကြောင်းတွေ လျှောက်တင်လေ့ရှိတယ်။ တစ်ခါတစ်ခါတော့ စဉ်းစားတယ်။ ငါတို့က စိတ်ထဲရှိတာတွေ အကုန်လုံးကို ဒီအထဲမှာ လျှောက်ရေးနေမလားလို့။ ဘယ်သူ့မှ ရိုက်စစ်စရာမလိုတဲ့ ငါတို့ Life က ဒီထဲမှာ အကုန်ရောက်နေပါပေါ့လား လို့လည်း တွေးမိတယ်။ နောင် တစ်ချိန် ကျရင်သာ အဲဒီလို သူများသိထားတဲ့ ကိုယ့်ဘ၀ကို တကယ်လက်ခံနိုင်မှာလား ဆိုတာကို စဉ်းစားသင့်တယ်။ ဘာဖြစ်လို့လဲဆိုတော့ Celebrity လို့ပြောကြတဲ့ နာမည်ကြီး အနုပညာရှင်တွေတောင် အင်တာနက်မှာ မဟုတ်တာတစ်ခါ ပါလာရင် ဖြေရှင်းဖို့ ခက်ကြတာလေ။ ဘာမှမဟုတ်တဲ့ ကိုယ်က အလကားနေရင်း ကိုယ့်ရဲ့ကိစ္စတွေ လျှောက်ပြောနေတာ နောင်တစ်ချိန်မှာတော့ နာမည်ကြီး တစ်ယောက်ရဲ့ ဒုက္ခမျိုး မခံရနိုင်ဘူးလို့ ဘယ်သူပြောနိုင်လဲ။ အဲဒါ မှန်လား၊ မမှန်လားဆိုတော့ မင်းလည်း စဉ်းစားတတ်တာပဲ သာဂိရာ။ စဉ်းစားကြည့်ပေါ့ "

" ပြီးတော့ ကိုယ်အောင်မြင်နေတုန်း Status တွေကို စုံနေအောင်တင်ပြီး ကိုယ် အဲဒီလို မလုပ်နိုင်တဲ့နေ့ကျရင်ရော။ အင်တာနက်ကနေ အသာလေး လျှိုထွက်သွားမှာလား။ ကိုယ့်အကြောင်း သိနေတဲ့ အပြင်ကလူတွေကြားမှာ ကိုယ်တစ်ချက်မှားတာနဲ့ ကွဲမှာပဲလေ။ အားလုံးဟာ ချင့်ချိန်ပြီး လုပ်သင့်တယ်လို့ အစ်ကိုတော့ ထင်မိတယ်။ မင်းလည်း သူများတွေ ဘာလုပ်လုပ် လိုက်ရိမနေပါနဲ့။ ပင်ပန်းတယ်။ အားလုံးက ကိုယ့်စရိတ် ကိုယ်စား၊ ကိုယ့်အလုပ်ကိုယ်လုပ်နေတာပဲကွာ။ ကိုယ့်သမိုင်း ကိုယ် ရေးကြပါလိမ့်မယ်"

ကျွန်တော့်စိတ်ထဲ ရှိသည်ကို သာဂိကို ချပြလိုက်သည်။ ဘာတုန့်ပြန်မှုမှ ပြန်မလာတော့။ သာဂိကျွန်တော့်ကို နှုတ်ဆက်၍ အွန်လိုင်းက ထွက်သွားသည်။

***************

အစ်ကို

ကျွန်တော် ဘလော့စရေးပါတော့မယ်။ အစ်ကို့စကားတွေ ပြန်စဉ်းစားပြီး ဘယ်ဟာက အမှန်လဲလို့ တွေးနေပါတယ်။ ကျွန်တော်လုပ်နိုင်တာတွေ ထဲက ကောင်းတာလေးတွေတော့ ပြန် လုပ်ကြည့်လိုက် ပါဦးမယ်။

တစ်ခါတစ်ခါ သူငယ်ချင်းတွေနဲ့ဆုံဖို့ရယ်၊ ကျွန်တော်ပေးချင်တဲ့ ကောင်းတဲ့ Message လေးတွေ ရှယ်ဖို့ရယ်၊ သူငယ်ချင်းတွေ ရှယ်ထားတဲ့ ကောင်းတဲ့ Message လေးတွေ ဖတ်ဖို့ရယ် အတွက်တော့ Facebook ကို ရံဖန်ရံခါ တက်ခဲ့ပါမယ်။

အမြင်ကတ်လို့ လျှောက်ရိနေတာတွေတော့ ရပ်ပစ်လိုက်ပါပြီ။ အစ်ကိုပြောသလို ကိုယ့်သမိုင်း ကိုယ်ရေးကြတာပေါ့ဗျာ။

အစ်ကို့ကို ကျေးဇူးတင်လျက်
သာဂိ

အီးမေးလ်ကို ဖတ်ပြီး ကျွန်တော် သဘောကျစွာ နောက်တစ်ခေါက်ပြန်ဖတ်သည်။ သာဂိထံမှ ပို့လိုက်သော မေးလ်ပါ။

နောက်ဆုံး အဆုံးသတ်ကိုတော့ အခေါက်ခေါက် ပြန်ဖတ်နေ၏။ ကြယ်စင်သာဂိလည်း မဟုတ်။ သာဂိ (ရွှေပန်းတော) လည်း မဟုတ်တော့။ သည်တစ်ခါတော့ သာဂိသည် သာဂိဖြစ်လို့နေတော့၏။ လူမှန်၊ နေရာမှန်ကို သာဂိတစ်ယောက် ရောက်သွားလေပြီဟု ကျွန်တော်နားလည်မိသလို နောက်ထပ်လည်း ဘယ်သူ့ကိုမျှ၊ ဘာစောင်းတရားတွေ ဟောနေတော့မှာ မဟုတ်တော့ဟု သာဂိကို ကျွန်တော် ယုံကြည်နေမိပါတော့သည်။ ။

သားလတ်
၁၀:၄၅နာရီ
၃.၁၁.၁၁

" အိပ်ခ်ျဇီးရိုး ( H 0) " ( ၂ )

နောက်နေ့နံနက် အိပ်ရာမှမနိုးခင် ဆူသံပူသံတွေကြားသည်။ လရောင် အိပ်ရာကထပြီး ပြတင်းပေါက် တံခါးဖွင့်၍ အိမ်ရှေ့ကိုကြည့်တော့ လူလေးငါးဆယ်လောက် သူ့ခြံတံခါးမှာ စုဝေးကာ အော်ဟစ်နေသည်။

" ဆရာလရောင်၊ ကျွန်တော်တို့ သတင်းထောက်တွေပါ။ တံခါးဖွင့်ပေးပါ "

ဒုက္ခပဲ။ ဘာဖြစ်လို့ သူ့ဆီလာရတာလဲ။ ဘာအကြောင်းရှိလို့လဲ။

" ဆရာ၊ ဆရာ့ရဲ့ အိပ်ခ်ျဇီးရိုးစက်အကြောင်း သတင်းယူမလို့ပါ "

" ဟာ "

ဒါ...ဒါ.......ရဲခေါင် လက်ချက်ပဲ။ သည်ကောင် ကတိမတည်တဲ့ကောင်ပဲ။

" ခင်ဗျားတို့ ပြန်ပါ။ ကျွန်တော့်စက်က လုံးဝမပြီးသေးပါဘူး။ အကြမ်းထည်ပဲ ရှိပါသေးတယ်။ စမ်းသပ်ရဦးမယ်။ စမ်းသပ်ပြီးအောင်မြင်ရင် ကျွန်တော်အားလုံးကို ဖိတ်ပြီး အသိပေးပါမယ် "

အိမ်ရှေ့တံခါးက ထွက်၍အော်တော့ မကျေနပ်သံတွေ ဆူပွက်လာသည်။ လရောင် တံခါးပိတ်ကာ အိမ်ထဲဝင်တော့ အသံတွေ တိတ်သွားသည်။ ဘာဖြစ်လို့လဲဟုတွေးပြီး ပြတင်းပေါက်ကကြည့်မှ အားလုံးလှည့်ပြန် သွားတာတွေ့သည်။

လူတွေကတော့ ခက်ပြီ။ သူ့စက်ကို စမ်းသပ်ပြီး မှတ်ပုံတင်ရဦးမည်။ ကမ္ဘာကို ချမပြခင်တော့ မြန်မာက လူတွေသိအောင် ပြရမှာပေါ့ဟုတွေးရင်း လရောင်က နှစ်ခြိုက်စွာပြုံးသည်။

" ကရင်.....ရင်......ရင် "

ဒါ လရောင်အိမ်က လျှို့ဝှက်ဘဲလ်မြည်သံ။ သည်ဘဲလ်ကို ရဲခေါင်ကလွဲ၍ ဘယ်သူမျှမသိ။

အတော်ပဲ။ သည်ကောင်နှင့် သူ့သတင်းထောက်တွေကိစ္စ ရှင်းစရာရှိ၍ လရောင်က တံခါးဆွဲဖွင့်လိုက်သည်။ ခြံစည်းရိုးတံခါးကိုကြည့်တော့ ရဲခေါင်မဟုတ်။ အဒေါ်ကြီးတစ်ယောက်ကို တွေ့သည်။

" ဘာလဲ အဒေါ်။ ဘာကိစ္စရှိလို့လဲ "

" အဒေါ့်ကို အိမ်ထဲဝင်ခွင့်ပေးပါလား။ နောက်မှရှင်းပြပါရစေ "

" ကျွန်တော့်လျှို့ဝှက်ဘဲလ်ကို သိတာ ရဲခေါင်ဆိုတဲ့ ကျွန်တော့်သူငယ်ချင်းပဲ ရှိတယ်။ အဒေါ်က ဘယ်က ဘယ်လိုသိတာလဲ "

" ရဲခေါင် ပြောပြလို့ပါကွယ်။ အဒေါ်က ရဲခေါင်ရဲ့အမျိုးပါ "

" ကျွန်တော်ဧည့်ခံဖို့ အချိန်မရှိလို့ပါ အဒေါ်။ အားနာပါတယ် "

" ဒီလိုပါကွယ်။ မောင်လရောင်နဲ့ စီးပွားရေးကိစ္စ ဆွေးနွေးချင်လို့ပါ "

" အဲဒါဆို သီးခံပါအဒေါ်။ ကျွန်တော်က စီးပွားရေး စိတ်မ၀င်စားလို့ ဘိုးဘွားပိုင် စီးပွားရေးလုပ်ငန်းတွေကို လူယုံတွေနဲ့ လွှဲထားတာ "

" အဒေါ့်ရဲ့ အစီအစဉ်တွေကို မောင်လရောင်စိတ်ဝင်စားမှာပါကွယ် "

" ဘာများမို့လို့လဲ "

" မောင်လရောင်ရဲ့ အသစ်ထွင်လိုက်တဲ့စက်ကို အဒေါ်တစ်ဦးတည်း ကိုယ်စားလှယ်ယူဖို့ စာချုပ်ချုပ်မယ်။ အဲဒီအတွက် မောင်လရောင် ကြိုက်သလောက် တောင်းပါ "

" ဟား-ဟား-ဟား။ ကျွန်တော်စိတ်မ၀င်စားပါဘူး အဒေါ်။ ကျွန်တော် ဒီစက်ကို ဘယ်သူ့ကိုမှ မရောင်းပါဘူး။ ပြီးတော့ ထပ်လည်းမထွင်ပါဘူး။ ဒီစက်က သူများကိုင်လို့ မဖြစ်ဘူး။ ဒီတော့ အဒေါ်ပြန်ပါတော့ "

လရောင်က ပြောပြီး အိမ်ထဲပြန်ဝင်သည်။ အဒေါ်ကြီး စိတ်ပျက်လက်ပျက်နှင့် ပြန်သွား၏။

****************

လရောင်သည် သူ့ ( H 0 ) စက်ကို စတင်စမ်းသပ်ရန် ပြင်ဆင်လေသည်။ သို့သော် အဓိကစမ်းသပ်ရမည်က ကိုယ်ဝန်ဆောင်မိခင်တစ်ဦး၏ ဗိုက်ထဲက သန္ဓေသားကလေး။

" တီ-တီ-တီ "

ရုတ်တရက် ဖုန်းမြည်လာ၍ လရောင် ထကိုင်လိုက်သည်။

" ဟဲလို- ဦးလရောင်နဲ့ စကားပြောချင်လို့ပါ "

သည်ဖုန်းနံပါတ်ကို ရဲခေါင်ဆီကပဲ ရတာဖြစ်လိမ့်မည်ဟု လရောင်တွေးမိသည်။

" ကျွန်တော်ပါပဲ "

" ဩော်- ဟုတ်ကဲ့။ ကျွန်မက ကိုယ်ဝန်ဆောင်မိခင် တစ်ဦးပါ။ ကျွန်မတို့ မျိုးရိုး အစဉ်အဆက် ပညာအရည်အချင်း တော်ခဲ့ကြပါတယ်။ ဘယ်လောက်တောင် တော်သလဲဆိုရင် ကျွန်မတို့အားလုံးဟာ တက္ကသိုလ်ဝင်တန်း စာမေးပွဲဖြေခဲ့ကြတဲ့ သက်တမ်းတစ်လျှောက် မြန်မာတစ်ပြည်လုံး ပထမကနေ ပဉ္စမကြား ၀င်ခဲ့သူတွေချည်းပါပဲ "

" ကျွန်တော် စိတ်မ၀င်စားပါဘူး။ ကျွန်တော့်မှာ အလုပ်တွေရှိပါသေးတယ် "

" အို - ဖုန်းမချလိုက်ပါနဲ့ဦး။ ဒီလိုပါ။ ကျွန်မအခုလွယ်ထားရတဲ့ သန္ဓေသားကလေးကို မြန်မာပြည်မှာသာမက ကမ္ဘာမှာပါ အိုင်ကျူအမြင့်ဆုံး ဖြစ်စေချင်တယ်ရှင်။ အဲဒါ........ဦးလရောင် လိုသလောက်တောင်းပါ။ အာဆီယံငွေကြေး၊ ယူရိုငွေကြေး၊ အမေရိကန် ဒေါ်လာ၊ ကြိုက်တဲ့ပုံစံနဲ့ တောင်းပါ။ ပေးပါ့မယ် "

" ကျေးဇူးတင်ပါတယ်။ တစ်ခုတော့ သီးခံပြီး နားထောင်ပေးပါဦး။ ကျွန်တော်တို့ ဘိုးဘေးတွေ ဒီစက်ကို တီထွင်ချင်တဲ့ အဓိကရည်ရွယ်ချက်က မြေပြင်ပေါ်မှာရှိတဲ့ လူတန်းစားတွေ အားလုံးကို ဆင်းရဲချမ်းသာ ကွာဟမှုနည်းအောင် ဥာဏ်ရည်က စညှိမယ်ဆိုတဲ့ သဘောနဲ့ ဖန်တီးချင်ကြတာပါ။ ချမ်းသာတဲ့လူတွေ ပိုပြီးချမ်းသာအောင်၊ ဆင်းရဲတဲ့လူတွေ ပိုပြီးဆင်းရဲသွားအောင် လုပ်ဖို့ စိတ်ကူး မရှိပါဘူး။ ဒီစက်ကို အများသုံးဖို့အတွက် ကျွန်တော်တီထွင်တာပါ။ တစ်ဦးချင်းအတွက် မဟုတ်ပါဘူး။ ဒီတော့ အချိန်တန်ရင် အများအတွက် ကျွန်တော်လှူခဲ့ပါမယ်။ ဒါပေမဲ့ လောလောဆယ် ကျွန်တော်ကြုံတွေ့ခဲ့ရတဲ့ အနေအထားအရ ဒီစက်နဲ့ပတ်သက်ပြီး ဘာလုပ်ရမလဲဆိုတာ ကျွန်တော်သိသွားပါပြီ။ ကျွန်တော့်ကို ဒီကိစ္စနဲ့ ပတ်သက်ပြီး နောက်ထပ်ဘယ်တော့မှ ဆက်မကြိုးစားပါနဲ့တော့ "

လရောင်က အေးဆေးစွာတုံ့ပြန်ပြီး ဖုန်းကိုချလိုက်သည်။

ထို့နောက်မှာတော့ တိတ်ဆိတ်သော ပတ်ဝန်းကျင်တွင် လရောင်၏အိမ်မှ အသံများ ပေါ်ထွက် လာသည်ကို ဘေးအိမ်နီးနားချင်းများ ကြားသိရပါတော့သည်။

" ဂွမ်း "

" ဒါက ယုံကြည်စိတ်ချရတဲ့ သူငယ်ချင်းတစ်ယောက်ရဲ့ ဖောက်ပြန်မှုအတွက် "

" ဒုန်း "

" ဒါက ဘယ်သူမဆို လေလည်တာနဲ့ အနံ့ခံ အနားရောက်လာတတ်ပြီး တွေ့ကရာ သတင်းလျှောက်လုပ်ချင်တဲ့ လူတချို့အတွက် "

" ဖုန်း "

" ဒါကတော့ ငွေရှိရင် အကုန်လုပ်လို့ရတယ် ထင်သူတွေအတွက် "

" ဂျွမ်း "

" ဒါကတော့ လောဘနဲ့ သူများထက် သာပြီးရင်းသာချင်တဲ့ လူတွေအတွက် "

အသံတွေကြားပြီး ပြန်တိတ်ဆိတ်သွားသည်။

အိမ်ထဲမှာတော့ နှစ်ရာပေါင်းများစွာ ကြိုးစားတီထွင်ခဲ့ပြီးမှ ဖြစ်ပေါ်လာသော Horizontal Zero ဆိုသည့် စက်တစ်လုံး၏ ပျက်စီးကျိုးပဲ့နေသော အပိုင်းအစများ။

ပြီးတော့ လူ့လောကကြီးကို စိတ်ပျက်နာကြည်းလျက် လွန်ခဲ့သည့် ခရစ်နှစ် ရာပေါင်းများစွာက လူများစွာ၏ ရိုးသားဖြူစင်သည့် စိတ်ဓာတ်များကို ပြန်လည်တပ်မက်နေသော မျက်နှာတစ်ခုနှင့် လရောင်ဆိုသော လူတစ်ဦး.........။ ။

သားလတ်

[ န၀ဒေးမဂ္ဂဇင်း၊ ဒီဇင်ဘာလ၊ ၂၀၀၂ ခုနှစ် ]