Thursday, March 21, 2013

" ရန်ကုန်ကို ပြန်ဆုံရတဲ့အခါ " ( ၅ )


 ရန်ကုန်ပြန်ရောက်ပြီး နောက်တစ်နေ့ညနေမှာ ကျွန်တော်ဖျားခဲ့သေးသည်။ ခဏဖျားခြင်းပါ။ ပန်းဖျားလား၊ ဘာလား မသိ။ မအူပင်က ပြန်ရောက်သည့်ညမှာ မဖျားသေး။ စင်ကာပူက သူငယ်ချင်း မိသားစု ကို နောက်နေ့ညနေ အိမ်မှာ ထမင်းခေါ်ကျွေးတော့ သူတို့ထမင်းစားပြီး ဧည့်ခန်းမှာ စကားပြောနေ ကတည်းက ပန်ကာလေမိပြီး ချမ်းနေသည်။ သူငယ်ချင်းမိသားစု ပြန်သွားတော့ ကျွန်တော်ဖျားနေသည်ကို ဇနီးက သိသည်။ ချမ်းသည်ဟု ပြောလိုက်တော့ သူစမ်းကြည့်စဉ် ကိုယ်ကပူနေလေပြီ။

သူလည်း ကျွန်တော် ရန်ကုန်ပြန်ရောက်ကတည်းက ကျွန်တော်စားချင်တာ မှန်သမျှ ချက်ကျွေးရှာသည်။ အမေလည်း ထို့အတူ။ ကျွန်တော်စားချင်သမျှ မေးပြီး ချက်ကျွေးသည်။ ကျွန်တော်ကလည်း စင်ကာပူမှာ ကိုယ့်ဘာသာ စားရေး၊ သောက်ရေး အဆင်မပြေခဲ့သမျှ ရန်ကုန်မှာ အမေနှင့် ဇနီးလက်ရာကို အတိုးချ၍ စားလေတော့သည်။

ဖျားသည့်ညကတော့ ဆေးသောက်အိပ်လိုက်သည့်အခါ တစ်ရေးနိုးတော့ ချွေးထွက်ပြီး တော်တော်ပေါ့ သွားသည်။ မနက်ကျတော့ သက်သာသွားသည်။ အမှန်က မအူပင်မှာ ညလုံးပေါက်နီးပါး အပြင်မှာ အအေးခံခဲ့သည့်ဒဏ်နှင့် ပန်ကာလေ ထပ်မိသည့်ဒဏ် ဖြစ်မည်ထင်ပါသည်။ ပြီးတော့ ဇနီးမယားနှင့် မိသားစု အနား ရောက်နေ၍များလား မသိ။ ဂရုစိုက်တာ ခံချင်သည့် အဖျားမျိုးလည်း ဖြစ်နိုင်သည်။ ဆေးသောက် တာနှင့်ပင် ချွေးထွက်၍ ပျောက်လေသည်။ 

နောက်ရက်များမှာ ကျွန်တော့်ဇနီးသည် ရုံးကို လိုက်လည်စဉ်မှာ ကျွန်တော်စီးနေကျ All Star ဖိနပ်တစ်ရံ ပျောက်သွားခဲ့သည်။ ထိုအကြောင်းကို ကျွန်တော်နှင့် All Star က ဟောကြားသော တရားတော် ဆိုပြီး ပို့စ်တင်ခဲ့ပါသည်။ စူပါမတ်ကက် အကြီးကြီး တစ်ခု၏ ၀င်ပေါက်က ၀င်ပြီးမှ ဓာတ်လှေကားဖြင့် တက်ရသော၊ ရုံးခန်းများစွာ ရှိသော၊ လုံခြုံရေးနှင့် သန့်ရှင်းရေးဝန်ထမ်း များစွာရှိသော ထိုအဆောက် အအုံမှာ ကျွန်တော့်ဖိနပ် တစ်ရံ ပျောက်သွားခြင်းကို နှမြောမိသလို လူနေမှုစနစ်၏ မပြောင်းလဲသေးသော အကျင့်စရိုက်များကိုလည်း သုံးသပ်မိပါသည်။

ဒါကတော့ ရန်ကုန်မှာမှ မဟုတ်။ စင်ကာပူမှာ နေနေတုန်းကတည်းက အိမ်ရှေ့က ဖိနပ်ကို မသွားစဉ် ကတည်းက လူတချို့မှာ ငွေရှိသည်၊ မရှိသည်မဟုတ်။ အကျင့်က အကျင့်ဖြစ်လို့ နေတတ်တာ ကျွန်တော်သိသည်။ သို့သော် ရန်ကုန်မှာ ဖိနပ်ပျောက်သည့်ကိစ္စကတော့ ၀တ်ဖို့ထက် ရောင်းဖို့ဖြစ်မည်။ အနော်ရထာလမ်းမှာ ဖိနပ်အဟောင်း ဈေးကွက်က တော်တော်ကောင်းသည်ဟု ဆို၏။ ကျွန်တော့် All Star အတွက် နေရာတစ်နေရာတော့ ရကောင်းရနိုင်ပေလိမ့်မည်။ အရင်ဘ၀က ၀ဋ်ကြွေးများဟု တွေးကာ ကျွန်တော့်ဘာသာ ဖြေသိမ့်ခဲ့ရတော့သည်။

ထိုသို့ ဇနီးသည်ရုံးကို လိုက်လည်လိုက်၊ အိမ်မှာနေလိုက် လုပ်နေရင်းမှာပင် ဘတ်စ်ကားများ၊ လူများနှင့် ပတ်သက်၍ ကျွန်တော်လေ့လာမိပါသည်။ တချို့က စီးလာသော ဘတ်စ်ကားပေါ်မှ အမှိုက်များ၊ လိမ္မော်ခွံများကို ပစ်ချသွားသည်။ အမှန်အတိုင်း ၀န်ခံရလျှင် ကျွန်တော် ဘ၀င်မြင့်၍ ပြောနေခြင်း မဟုတ်သည်ကို ရိုးသားစွာ ပြောချင်ပါသည်။ သေချာသည်ကတော့ အမှိုက်မှန်သမျှ အမှိုက်ပုံးထဲသို့သာ ပစ်တတ်သော ဓလေ့တစ်ခုကို မြင်ခဲ့ရတာ ကြာ၍ဖြစ်နိုင်ပါသည်။ ထိုသို့ အမှိုက်ကို ကြုံသလို ပစ်ချသည်ကို မြင်လိုက် ရသောအခါ နည်းနည်းတော့ အံ့ဩမိပါသည်။ ရန်ကုန်မှာ ထိုသို့သော သူများ မည်မျှကျန်ပါသေးသနည်း။ အမှိုက်ဆိုတာ ကြုံသလို ပစ်ချလို့ရတာပဲ ဆိုသည့်အသိ လွှမ်းမိုးနေသူများ ရန်ကုန်မှာ များစွာရှိပါလိမ့်မည်။

ကျွန်တော် ဖျတ်ခနဲစဉ်းစားမိသည်။ ကျွန်တော်တို့ ငယ်ငယ်က စာသင်ကျောင်းတွေမှာ ဆရာ၊ ဆရာမ တစ်ခွန်းပြောလျှင် တစ်ခါတည်းနှင့် ပြီးသည်။ ဆရာ၊ ဆရာမသာ အမှန်။ ယခုလည်း စည်းကမ်းဆိုသည်ကို ဆရာ၊ ဆရာမအားကိုးနှင့် သေသေချာချာ လုပ်ဆောင်ကြည့်သင့်သည်ဟု ထင်သည်။ ငယ်ငယ်ကတည်းက စ၍ ပျိုးထောင်ခဲ့မှ ကြီးသည်အထိ သေချာမည်ဟု ကျွန်တော်ယုံကြည်မိသည်။

ဘတ်စ်ကားများကို ကြည့်တော့ သိပ်ထူးထူးခြားခြား မရှိ။ အထူးတွေကလည်း ကျပ်မြဲ။ အဲကွန်းလည်း မပါ။ သည်ကြားထဲ သုံးယောက်ထိုင် ထိုင်ခုံများကို နှစ်ယောက်ထိုင် မလုပ်ဘဲ အလယ်မှာ လူတစ်ကိုယ်စာသာ မတ်တတ်ရပ်နိုင်အောင် လုပ်ထားသည့် ဘတ်စ်ကားများလည်း ရှိသေးသည်။ ဘယ်လိုမျှ လှုပ်လို့မရ။ လူလည်းတင်ချင်သေးသည်။ အလယ်လမ်းက တစ်ယောက်နှင့် တစ်ယောက် မရှောင်သာ။ ကျွန်တော်ဆို ထိုကဲ့သို့ ဘတ်စ်ကားတစ်စီးကို မသိဘဲ တက်စီးမိ၍ ဒုက္ခရောက်လိုက်သည်မှာ မပြောပါနှင့်တော့။ ကန်တော့ပါရဲ့။ လေလည်ချင်လျှင်တောင် ချုပ်ထားရမည့် ဘ၀။ တစ်ဖက်လူ၏ မျက်နှာနားမှာ အလယ်ကရပ်နေသူ၏ တင်ပါးက တ၀ဲလည်လည်ကိုး။

သွားရင်းလာရင်း ထပ်မြင်မိတာ တစ်ခုက ဆန္ဒပြခြင်း။ ယုဇနပလာဇာနားမှာ ကြုံခဲ့ရတာလေးပါ။ Banner များကို ကိုင်ထားသော လူတစ်စုက မျက်နှာမှာ Mask များကာပြီး လမ်းလျှောက်နေသည်။ ထိုအရာကို ဆန္ဒပြသည်ဟု သတ်မှတ်မည်ဆိုလျှင်လည်း ဆန္ဒပြသည်ပေါ့။ အဘယ့်ကြောင့်ဆိုသော် ထို လမ်းလျှောက်နေသော လူတစ်စု၏ ရှေ့မှာ ဆိုက်ကားနောက်မြီးက ထိုင်လျှက် ကင်မရာကိုင်ထားသော ဂျာနယ်သတင်းထောက်များက  တဖျတ်ဖျတ် ရိုက်၍  တောက်လျှောက်လိုက်နေသည်။ ထိုလူ အုပ်ကို ကျော်သောအခါ ရဲကားတစ်စီးက ခပ်လှမ်းလှမ်းက ပါလာသည်။ ဒါကိုကြည့်ပြီး ဪ-ဒါဆန္ဒပြတာ ပါလားဟု ကျွန်တော်နားလည်ရသည်။

ကျွန်တော်တစ်ယောက်တည်း သဘောထားနှင့် ပြောရလျှင် နည်းနည်းတော့ ပြဇာတ်ဆန်နေသည်။ ယခင်က မြင်ခဲ့ဖူးသော အခြား ဆန္ဒပြပုံများနှင့် နည်းနည်းတော့ ကွဲလွဲနေ၏။ ဆန္ဒပြအဖွဲ့၏ ရှေ့ဆုံးက လမ်းလျှောက်နေသော ကောင်မလေးများက ဘာခံစားချက်မျှ မပါသော မျက်လုံးများနှင့် မျက်နှာကို သူများမြင်မှာစိုး၍ ကာထားသော Mask ကိုလည်း ပါးစပ်နှင့် နှာခေါင်းများ ပေါ်မှာ ကျကျနနတပ်ထားပြီး Banner ကိုင်ကာ လျှောက်နေသည့်ပုံမှာ ၀တ္တရားအရ လုပ်နေသလို ဖြစ်နေသည်။ သတင်းထောက်များ ကလည်း ခွင်တစ်ခွင် တွေ့သည့်အလား ဆိုက်ကားငှား၍ နောက်ဘက်က ကျကျနန ထိုင်ကာ ဓာတ်ပုံ မှတ်တမ်းတင်နေသည်မှာ အံ့အားသင့်စရာ ကောင်းလှ၏။ ခပ်လှမ်းလှမ်းက ရဲကား တစ်စီးကတော့ လုံခြုံရေး တာဝန်အရ လိုက်လာသည်ပဲ ထင်ပါသည်။ သို့သော် ထိုသို့ ဆန္ဒပြ စီတန်းလှည့်လည်နေသူများကြောင့် ကားလမ်းသည်လည်း ပို၍ ကျပ်နေလေတော့သည်။

သည်တစ်ခါ ရန်ကုန်ကို ပြန်ဆုံရခြင်းမှာ ကျွန်တော့်အတွက် မမြင်တာကြာသည့် မြင်ကွင်းဆန်း များကို ပြန်မြင်ရသလို ရှိနေလေတော့သည်။

ဆူးသစ်
၂၁း၂၇ နာရီ
၂၁.၃.၂၀၁၃

( ဆက်ပါဦးမည် )

Sunday, March 10, 2013

" ရန်ကုန်ကို ပြန်ဆုံရတဲ့အခါ " (၄)


 သူငယ်ချင်းများနှင့် မအူပင်ကို ညနေဘက်လိုက်သွားသော ကျွန်တော်နှင့် ကျွန်တော့်ဇနီးအတွက် ထိုခရီးသည် အပန်းဖြေ ခရီးတစ်ခု ဖြစ်ခဲ့ပါသည်။ ကျွန်တော်တို့ လှိုင်သာယာ ဘုရင့်နောင် တံတားက ဖြတ်ပြီး ဧရာဝတီတိုင်းကို ခြေဆန့်ခဲ့ခြင်းပင်။ ဘုရင့်နောင်တံတား အ၀င်လမ်းမှာ လမ်းပြင်၍ တံတားထိုးနေသည်ကို တွေ့ရပြီး ထိုအချိန်ကတော့ လမ်းကပွင့်နေပြီး တံတားပေါ်ကို အမြန်ရောက်ခဲ့၏။

မအူပင်ကို တစ်နာရီလောက်သာ ကျွန်တော့်သူငယ်ချင်း မောင်းလိုက်ရသည်။ လမ်းများက ကောင်း ပြီး ဖြူးနေတာလည်းပါသည်။ တချို့နေရာများမှာ လမ်းပြင်နေသော်လည်း အနည်း အကျဉ်းသာ။ နိုင်ငံတော် ၏ စပါးကျီဆိုသော ဧရာဝတီတိုင်း တိုးတက်ဖို့လိုသည်ကို ကျွန်တော်သိသည်။

ယခင်က နာဂစ်ဖြစ်တုန်းက ထိုလမ်းအတိုင်းပင် ကော့မှူး၊ တွံတေး၊ ကွမ်းခြံကုန်းသို့ ကျွန်တော်ရောက် ခဲ့ဖူးသည်။ နောက်တစ်ခေါက်ကျတော့ ဖျာပုံဘက်။ ရွာတွေအထိ ကျွန်တော်နှင့် စီးပွားရေးတက္ကသိုလ်မှာ ဘွဲ့လွန်ဒီပလိုမာတက်နေသော သူငယ်ချင်းများစု၍ အလှူဒါန ပြုခဲ့ကြသည်။ ဧရာဝတီသည် နာဂစ်ကြောင့် ပြိုဆင်းခဲ့ရဖူးသည်။ ထိုကမှ နာလန်ထစရှိသေး၊ မြစ်ဆုံ ကိစ္စပေါ်လာပြန်လာသောအခါ ဧရာဝတီမြစ်ကို တည်၍ ရပ်တည်နေသော တိုင်းဧရာဝတီသည်လည်း မလူးသာ မလွန့်သာ၊ မထိတ်သာ မလန့်သာ။ သို့သော် ဧရာဝတီ၏ တိုးတက်မှုတချို့ကို ကျွန်တော်မြင်ရသော အခါ ၀မ်းသာမိသည်ကတော့ အမှန်။

ပြီးတော့ မအူပင်။ ကျွန်တော်ပြည်သူ့ဝန်ထမ်း အရာရှိပေါက်စလေး လုပ်နေချိန်တုန်းက မအူပင်ကို ရောက် ဖူးသည်။ ရုံးက ကျွန်တော့်ဆရာ ဒုညွှန်မှူး၏ မာဇဒါဂျစ်ကို ရန်ကုန်တိုင်း၊ တိုင်း ဦးစီးမှူးမောင်းကာ အတူ တက်ခဲ့ကြခြင်းပင်။ ထိုစဉ်က မအူပင်တံတားပေါ်က ညဘက်မြင်ကွင်းကို ကျွန်တော်မမေ့။ စက်ဘီး၊ ဆိုင်ကယ်များက အလျှိုလျှို လမ်းဘေးမှာ ရပ်ထားသည်ကို တွေ့သည်။ ကျွန်တော်က နားမလည်တော့ ဒေသခံ ဇနီးသည်ပါ ရှိသော ရန်ကုန်တိုင်း၊ တိုင်းဦးစီးကို မေးမှ အတွဲများ တံတားပေါ်မှာ ချိန်းတွေ့ကြတာဟု သိရသည်။ ထိုအချိန်က မအူပင်မှာ ဂျီတီစီလည်း ရှိနေပြီဖြစ်ရာ ကျောင်း သူ၊ ကျောင်းသားများအတွက် အပန်းဖြေစရာ နေရာတစ်နေရာ သဖွယ် ဖြစ်လို့နေ ခဲ့လေသည်။

ယခုတစ်ခေါက် မအူပင်ကို ၀င်စဉ်မှာတော့ နေမ၀င်သေး။ မအူပင် တံတားသည် လှပသာယာလို့နေ၏။ မြို့ထဲက ဈေးမှာ လိုအပ်သော ပစ္စည်းများဝယ်ပြီး သူငယ်ချင်း ဆရာဝန်၏ အိမ်သို့ ချီတက်ကြသည်။ ဟိုရောက်တော့ သူငယ်ချင်းများ၏ မိန်းမများက ညနေစာကိုပင် ပြင်ဆင်ပြီးနေလေပြီ။ ကျွန်တော်တို့ ညနေစာ စားပြီး သူငယ်ချင်းအိမ်၏ ခေါင်မိုးပေါ်တက်၍ စကားပြောကြသည်။ ညရောက်တော့ အကင်လုပ်စားကြရင်း ဘောလုံးပွဲကြည့်၊ တီဗွီကြည့်ကာ စကားတပြောပြောနှင့် မနက် သုံးနာရီ ကို ရောက်တော့၏။

နယ်မို့လို့လား မသိ။ အအေးဓာတ်သည် စိမ့်နေ၏။ အိမ်ခေါင်မိုးပေါ်မှာမို့ ပို၍ ချမ်းနေလေသည်။ ကျွန်တော်တို့ထိုင်နေသော အခင်းများ၊ ထိုင်ခုံများသည် ခဏတာအတွင်း နှင်းရည်တို့ စိုကုန်၏။ ဇနီးများကား အိပ်မောကျနေလေပြီ။ ကျွန်တော်တို့ကတော့ သူငယ်ချင်းများ အားလုံး ထိုကဲ့သို့ တစ်ကြိမ်ဆုံရန် မလွယ်သောကြောင့် အချိန်များကို မရအရယူကာ ဖြုန်းလေတော့သည်။ ဒါတောင် အမေရိကားက သူငယ်ချင်းနှင့် မလေးရှားက သူငယ်ချင်းတို့ ကျန်ခဲ့သေး၏။

အချိန်ကြာလာတော့ ခေါင်းဆောင်းများ စွပ်ထားသည့်တိုင် မခံနိုင်၍ အိမ်အောက်သို့ဆင်းကာ အားလုံး မနက် သုံးနာရီ အကျော်မှာ အိပ်ပျော်ခဲ့ကြလေတော့သည်။

မနက်ရောက်တော့ ဇနီးများက ဈေးသွားပြီး ကျွန်တော်တို့က လက်ဖက်ရည်ဆိုင် ထွက်ခဲ့ကြ၏။ တစ်ဆိုင်နှင့် အားမရသောအခါ ကမ်းနားဘက်ကျသော လက်ဖက်ရည်ဆိုင်ကို ထပ်ထိုင်ရင်း အလုပ်ကိစ္စများ ပြောဖြစ် ခဲ့၏။ ပြီးတော့ မြို့တစ်ပတ်ပတ်ကြည့်ပြီး အိမ်ပြန်ကာ ရေမိုးချိုး၊ နေ့လယ်စာစား၍ ကားဂိတ်ကို ဆင်းကြ၏။ ကားဂိတ်မှာ ကျွန်တော်တို့ တစ်ဖွဲ့လုံးစီးရန် မီနီဘတ်စ်တစ်စီးလုံး လက်မှတ်ဖြတ်၍ ကျွန်တော်တို့ သူငယ်ချင်း အုပ်စုနှင့် ဇနီးများသာ ရန်ကုန်ကို ပြန်ခဲ့ကြလေတော့သည်။ မအူပင်ရှိ သူငယ်ချင်းကား ကားဂိတ်မှာ လက်ပြ၍ ကျန်ခဲ့လေတော့သည်။

မအူပင်မှ လှိုင်သာယာကားဂိတ်ကို ရောက်စဉ် ကျွန်တော်တို့ လူခွဲ၍ ကားငှားကြ၏။ ထိုစဉ်မှစကာ ကျွန်တော် စတင်သတိထားမိသည်က တက္ကစီသမားများ အကြောင်း ဖြစ်သည်။ ရန်ကုန်၏ လမ်းများအကြောင်း ဖြစ်သည်။ ရန်ကုန်ကို ပြန်ဆုံရသည့် အခိုက်အတန့် မှတ်သားစရာ များပင်တည်း။

ကျွန်တော်တို့ အားလုံးသည် လှိုင်သာယာမှနေ၍ မြို့ထဲဘက် ပြန်မည့်သူများ ဖြစ်ရာ သေချာသည်မှာ ဘုရင့်နောင်တံတားကို ကျိန်းသေဖြတ်ရပါမည်။ ထိုအတွက် ဆိုကာ ပထမကားသမားက ကျွန်တော်တို့ ဇနီးမောင်နှံကို ၇၅၀၀ တောင်းပါသည်။ ကျွန်တော်ပြန်စဉ်းစားပါသည်။ မအူပင်ကနေ တစ်ယောက် ၁၅၀၀၊ ၂၀၀၀လောက် ပေးစီးခဲ့ရပြီး ရန်ကုန်ရောက်မှ တက္ကစီက သည်လောက် ကျသည်လား။ လက်ခံနိုင်ပါသည်။ အဝေးပြေးကားခထက် တက္ကစီခက ပိုပေးရမည်ကို။ တူမှမတူဘဲလေ။

သို့သော်ထိုမျှတော့ မကျနိုင်ရာ။ လှိုင်သာယာကနေ တာမွေဘက်သွားသည်ကို လွန်ရောကျွံရော လေး ငါးထောင်ဟု ကျွန်တော်နားလည်မိသည်။ ဇနီးသည်ကလည်း သိသည်။ သည်တော့ မလိုက်ပါဟု ပြော လိုက်သည်။ ကားသမားက နည်းနည်းတော့ အထွန့်တက်လာ၏။ လမ်းက အရမ်းကျပ်နေတာ၊ အဲဒီလောက်မှ မရရင် ဘယ်ကားမှ လိုက်မှာမဟုတ်ဘူးဟု ဆိုသည်။ ဆူပုပ် ပုပ်နှင့် ဆောင့်တောင့်တောင့် ပြောသွားခြင်းပါ။ ကိစ္စမရှိ။ မတန်တစ်ရာတော့ ကျွန်တော်စီးမှာမဟုတ်။ မအူပင်က မောင်းလာသော မီနီဘတ်စ် ကားယာဉ်မောင်းက ကျွန်တော်တို့ကို ဘယ်လောက်တောင်းသလဲ လာမေးသည်။ သူက ကျွန်တော့်သူငယ်ချင်း ဆရာဝန်ကို သိနေ၍ ကျွန်တော်တို့ ကားငှားတာ အဆင်မပြေမှာ စိုးသည်ထင်ပါသည်။ ကျွန်တော်က ရပါတယ်၊ အဆင်ပြေပါတယ် ပြောကာ နောက်တစ်စီး ဆက်စောင့်သည်။

နောက်တစ်စီးလာသည်။ ဦးလေးကြီးတစ်ယောက်ပါ။ သွားချင်သည့် နေရာပြောသည်။ ကားခ တန်းမေးသည်။ လေးထောင်တဲ့။ ကျွန်တော်သဘောတူ ပါသည်။ ကျေကျေနပ်နပ်ကို လက်ခံသည်။ ဖြစ်သင့်သည့် ဈေး။ ကားသမားတွေမှာ အချိန်ဆိုတာလည်း ရှိသည်။ ကျွန်တော်တို့ ငှားနေသည့် အချိန်က ညနေစောင်းနေပြီ မဟုတ်လား။ ကျွန်တော် ဈေးမဆစ်ပါ။ ကျွန်တော်တို့ ဇနီးမောင်နှံ တက်လိုက်ကြသည်။

အပြန်ခရီးကျမှ ဘုရင့်နောင်တံတား အကြောင်း ကောင်းကောင်း သိရပါတော့သည်။ ကျွန်တော်တို့စီးသည့် ကားမောင်းသည့် ဦးလေးကြီးက ကားကြော ကျွမ်းသည်။ ဘုရင့်နောင် လမ်းဆုံမှာ ကားများက တော်တော် ပိတ်မိနေလေပြီ။ ကြားစကားအရ အခန့်မသင့်လျှင် လေးငါးခြောက်နာရီ ပိတ်မိတတ်သည်ဆိုသော ဘုရင့်နောင်လမ်းဆုံ မီးပွိုင့်ပင်။ အမှန်ကတော့ တံတားထိုးနေ၍ ဖြစ်သည်။

ကျွန်တော်တို့ စီးလာသောကားက တံတားဘက်က ဆင်းလာပြီး ညာဘက်ကို ချိုးသည်။ ထိုအခါ ညာဘက်ခြမ်းရှိ ပွဲရုံများ၊ ဆိုင်ခန်းများဆီမှ တိုးထွက်လာသော ကားများနှင့် ရင်ဆိုင်တိုးရတော့သည်။ သူတို့ကလည်း လမ်းမကြီးပေါ်ရောက်ရေး၊ ကျွန်တော်တို့ ကားကလည်း လမ်းမကြီးပေါ်မှာ တည့်တည့် အမြန်သွားနိုင်ရေး။ ကံကောင်း၍ လွတ်သွားသည်။ ထိုလမ်းမကြီး တစ်လျှောက်မှာတော့ ကားများက ဘုရင့်နောင်လမ်းဆုံကို ရောက်ဖို့ရန် ဟိုးအဝေးကြီးမှသည် စီ၍ စောင့်နေသည်ကို တွေ့ကာ ရင်မောမိပါသေးသည်။ ပါးစပ်စကားများ မှန်နေလေမလားဟု တွေးမိသည်။

အိမ်နားရောက်တော့ ဦးလေးကြီးက ' ငါးရာလောက်တော့ ပိုပေးပါ။ လမ်းမှာ တော်တော် ကြာခဲ့လို့ပါ။ မပေးနိုင်လည်း ကိစ္စမရှိပါဘူး ' ဟု ရိုးသားစွာ ပြောသည်။ ကျွန်တော် လက်ခံမိပါသည်။ ယဉ်ကြောပိတ်၍ အချိန်ကြာသောအခါ သူ့ခရီးစဉ်က ပိုကြာသည်။ သို့သော် သူတောင်းထားသော ဈေးကို ပြောပြီးဖြစ်၍ ထိုအတိုင်းပေးလည်း သူယူပါမည်ဟု ဆိုသည်။ ကျွန်တော် ငါးရာပိုပေးလိုက်ပါသည်။

တစ်ခုတော့ စဉ်းစားကြည့်သည်။ ကျွန်တော်တို့ မြန်မာပြည်မှာ တက္ကစီများအားလုံးကို မီတာစနစ် သုံးလျှင် ပိုကောင်းပေလိမ့်မည်။ သို့သော် အဲဒါလည်း ဘယ်လောက်ခံမည်လဲ မသိ။ အိန္ဒိယမှာ သုံးဘီးများမှာ မီတာစနစ် ရှိသည်။ သို့သော် ကျွန်တော်တို့ စီးသည့်အခါ မီတာပျက်နေ၍ ပါးစပ်နှင့်သာ ညှိရတော့သည်။

စင်ကာပူမှာတော့ ရှင်းသည်။ စီးချင်သည့် တက္ကစီကို အားနေလျှင် တားစီး၊ သွားချင်သည့် နေရာသွား၊ ကျချင်သလောက်ကျ၊ မီတာက ဖတ်ပေးနေသည်။ ပြီးလျှင် ကျသလောက်ရှင်း။ ဘာမျှ လမ်းကြပ်တာ၊ ပိတ်နေတာ လာပြောမနေနှင့်။ ဘာမျှလည်း မေးစရာကို မလို။

ကျွန်တော်တို့ မြန်မာပြည်မှာတော့ ပါးစပ်ထဲက ဈေးဖြစ်လို့နေသည်။ မဆီမဆိုင် လမ်းပိတ်၍ ကားကြပ်လျှင် စီးသည့်ခရီးသည်က ကားခပိုပေးရမည်တဲ့။ ကားခပင် လမ်းကြပ်လျှင် အပိုဆောင်ထားရမည့်ကိန်း။ ပြီးတော့ တချို့ကားသမားများက ကားခလည်း ယူသေး၊ ဗျစ်တောက်ဗျစ်တောက်ကလည်း လုပ်သေးဟု စင်ကာပူက ကျွန်တော့်သူငယ်ချင်းက ပြောသည်။

သူဟဲဟိုးဘက်က ပြန်လာသည်။ မင်္ဂလာဒုံလေဆိပ်ကနေ စမ်းချောင်းဘက်ကို တက္ကစီငှားသည်။ ငှားစဉ်က အကောင်း။ လမ်းရောက်မှ ဘယ်နေရာ ကားကျပ်ကျပ်၊ ဗျစ်တောက်ဗျစ်တောက် လုပ်နေသည်တဲ့။ ဘယ်အထိ သွားမည်ကို သူသိပြီးသား။ လမ်းကြောင်းကိုလည်း သူရွေးပြီးသား။ မည်သည့်အတွက်ကြောင့် ဗျစ်နေရသနည်း။ ခရီးသည်က ထိုလမ်းရှုပ်မှု၊ ပိတ်မှုများအတွက် ကားပေါ်ကဆင်းပြီး ရှင်းပေးရမည်တဲ့လား။ ကျွန်တော့်သူငယ်ချင်းက ထိုသို့ခံစားနေခဲ့ရသည်။

ကျွန်တော်ကတော့ မအူပင်ခရီးက အပြန်မှာ ရန်ကုန်ကို ၀င်စဉ်ကပင် ခုံးကျော်တံတားထိုးမှု၏ လက်ရှိရင်ဆိုင်နေရသော အခက်အခဲကို နားလည်မိသလို ထိုအခက်အခဲပေါ်မှာ အမြတ်ထုတ်ချင်သော လူတချို့ကိုလည်း မျက်ဝါးထင်ထင် တွေ့ခဲ့ရလေသည်။ ရန်ကုန်ကို ပြန်ဆုံရခြင်းမှာ ခုံးကျော်တံတားကိစ္စနှင့် တက္ကစီသမားတို့ အကြောင်းက ကျွန်တော့်စိတ်ထဲ စွဲထင်ပါလာခဲ့သည်ဟု ဆိုရတော့မည်။

ဆူးသစ်
၂၀း၁၀ နာရီ
၁၀.၃.၂၀၁၃
( ဆက်ပါဦးမည်)

Wednesday, March 6, 2013

" ရန်ကုန်ကို ပြန်ဆုံရတဲ့အခါ " ( ၃ )


ရန်ကုန်မှာ ရှိနေခိုက် ရှေ့မှာဆိုခဲ့သလို ပထမပတ်မှာ ကျွန်တော့်ဇနီးက ခွင့်သုံးရက်ခန့်ယူထား၍ ကျွန်တော်တို့ အိမ်အတွက် လိုအပ်သော အိမ်ထောင်ပရိဘောဂများ လိုက်ဝယ်ဖြစ်သည်။ ထို့နောက် ဇနီးသည် ရုံးပြန်တက်တော့ ကျွန်တော်ပါ သူတို့ရုံးသို့ လိုက်လည်ပြီး စနေနေ့တွင် ဇနီးသည်၏ အဒေါ် အကြီးဆုံး ကိုးကွယ်သော အမေရိကားမှ ဘုန်းဘုန်း မြန်မာပြည် ရောက်နေခိုက်နှင့် ကြုံ၍ အိမ်ကို ပင့်ပြီး ဆွမ်းကပ်သည်။ ဇနီး၏ အဒေါ် အကြီးဆုံးမှာ အမေရိကားတွင် နေ၍ သူတို့ကိုးကွယ်သော ဘုန်းကြီး မြန်မာပြည်ခေတ္တပြန်လာစဉ် သေသေချာချာ စောင့်ရှောက်ရန် မှာလိုက်သောကြောင့် ဇနီးသည်၏ အဒေါ်ငယ်များမှာ ဘုန်းဘုန်း ပြန်လာ သည့် လေယာဉ်ဆိုက်ကတည်းက အတတ်နိုင်ဆုံး ဂရုစိုက်ကြလေ သည်။

ဖြစ်ချင်တော့ ဘုန်းဘုန်းမှာ ကျွန်တော်နှင့် စင်ကာပူမှာကတည်းက လေယာဉ်တစ်စီးတည်း။ ကျွန်တော်က စင်ကာပူ ချန်ဂီ လေဆိပ်ထဲအ၀င် Boarding Pass ဖြတ်ခါနီးမှာ ဘုန်းဘုန်းကို သတိထားမိသည်။ ဘုန်းဘုန်းသည် တစ်ပါးတည်း ဆိတ်ဆိတ်နေကာ မည်သူနှင့်မျှ စကားမပြော။ မင်္ဂလာဒုံလေဆိပ် ကို ရောက်ပြီး ဇနီးသည်တို့ အဒေါ်များနှင့် တွေ့မှ အမေရိကားကတောင် လာရပါလားဟု သိရတာဖြစ် သည်။

ဘုန်းဘုန်းသည် အမေရိကားကဖြစ်၍ ခေတ်မီလှသည်။ iPhone နှင့်ပင် ဆွမ်းကျွေးပုံများကို ဓာတ်ပုံ ရိုက်ပေးလိုက်ရသေး၏။ iPad လည်းပါသည်။ ဘုန်းဘုန်းက သူ့ဒေသကို ပြန်၍ အလှူလုပ်မှာဟု ဆိုသည်။ အမေရိကားမှာ သာသနာပြုနေသော ဘုန်းဘုန်းသည် ကိုယ့်ရပ်ကိုယ့်ဒေသကို မမေ့။ သူဘုဉ်းပေးနေသော ဆွမ်းကိုပင် မြန်မာအစားအစာ ဘုဉ်းပေးရသည်ကို နှစ်ခြိုက်ကြောင်း တဖွဖွ ပြောနေသည်။ အသီးအရွက်ကို ပို၍ ဘုဉ်းပေး၏။ ကျွန်တော်ကတော့ အမေရိကားလို နေရာမျိုးမှာ ဗုဒ္ဓသာသနာ ထွန်းကားစေရန် သာသနာပြုနေကြသော ဘုန်းဘုန်းတို့လို သံဃာများကို ကြည်ညိုလှသလို ကျွန်တော် အိန္ဒိယနိုင်ငံ၊ ဗုဒ္ဓဂယာကို ရောက်စဉ်က ကြုံခဲ့ဖူးသော ဘုန်းဘုန်းများကိုပါ သတိရမိ၏။

ဟိုစဉ်က ကျွန်တော်တို့အတွက် လမ်းပြသဖွယ် လိုက်ကူညီပေးခဲ့ကြသော ဦးပဉ္စင်းများမှာ ဂယာရှိ သာသနာ့တက္ကသိုလ်တွင် ဘွဲ့လွန်နှင့် ဒေါက်တာဘွဲ့အတွက် ပညာဆည်းပူးနေကြသည်။ ထို့ကြောင့် ကျွန်တော်တို့ တတ်နိုင်သလောက် လှူခဲ့ပါသည်။ ရေခြားမြေခြားမှာ ဘုန်းဘုန်းတို့ ဗုဒ္ဓသာသနာအတွက် ကြိုးစားရုန်းကန်နေကြခြင်းကို ကျွန်တော်တို့ ပို၍ အားပေးရမည် မဟုတ်လား။

ကျွန်တော် ရန်ကုန်ရောက်နေခိုက် ထူးခြားမှုတစ်ခုနှင့် ဆုံရသည်မှာ ရေခြားမြေခြားက ကျွန်တော့် ငယ်သူငယ်ချင်း တချို့ ရန်ကုန်ကို ရောက်နေကြခြင်းပင်။ ထို့ကြောင့် စင်ကာပူက ကျွန်တော်အပါအ၀င် သုံးယောက်၊ သင်္ဘောလိုက်နေသော သင်္ဘောအရာရှိ တစ်ယောက်၊ ရန်ကုန်မှာ ရှိနေသော သူငယ်ချင်း ဆရာဝန် တစ်ယောက်နှင့် မအူပင်မှာ ရှိနေသော သူငယ်ချင်း ဆရာဝန်တစ်ယောက်တို့ ရန်ကုန်မှာ ပြန်ဆုံ ကြလေသည်။

သူတို့ထဲမှာ သုံးယောက်က ကျိုက်ထီးရိုးသွားမည့် သောကြာနေ့ညက ကျွန်တော့်အိမ်ကို ၀င်နှုတ် ဆက်လေသည်။ ညတွင်းချင်း ကျိုက်ထိုကိုတက်မည်တဲ့။ ကျွန်တော်က မလိုက်ဖြစ်။ အကြောင်းက ရှိသည်။ တနင်္ဂနွေမှာ ကျွန်တော့် မိဘများ အလှူရှိသည်။ ရန်ကုန်ကို အဓိက ပြန်ဖြစ်ခဲ့သည့် အကြောင်းထဲမှာ အဖေနှင့် အမေ၏ မွေးနေ့အလှူရှိ၍ ပြန်ခဲ့ခြင်းကလည်း တစ်ခုအပါအ၀င် ဖြစ်သည်။ ထို့ကြောင့် တနင်္ဂနွေမှာ ကျွန်တော် ဘယ်မျှမသွား။

စနေညမှာ ကျွန်တော့်မိဘများ ရှိရာမှာ သွားအိပ်သည်။ မနက်အလှူကျတော့ ၀ိုင်းကူ၏။ မိဘများအိမ်က ဒဂုံမှာမို့ ဒဂုံရောက်သည့်အခါ ဒီဇင်ဘာဆောင်းက နည်းနည်း အေးသလိုရှိသည်။ ညဘက် ကျွန်တော်တို့ မိသားစု စကားဝိုင်းဖွဲ့ပြောသည့်အခါ အချမ်းသည် အိမ်ထဲသို့ စိမ့်ဝင်၏။

ကျွန်တော့်အဖို့ အဖေနှင့်အမေ၊ ညီအစ်ကိုများ၊ ကျွန်တော်ချစ်သော တူနှင့်တူမလေးတို့ကို ပြန်ဆုံပြီး စကားလက်ဆုံ ကျရသည့်အခါ အချမ်းသည် လွင့်ပြယ်သလိုရှိ၏။ ကျွန်တော့်ဇနီး ပါရမီဖြည့်ဖက် ကလေးကတော့ ကျွန်တော်တို့ ပြောသမျှ ငြိမ်နားထောင်ကာ ကျွန်တော့် စိတ်ချမ်းသာမှုမှာ မျောပါ စီးလွင့် နေလေ၏။

ထိုကဲ့သို့ တွေ့ဆုံမှုမျိုးကို ကျွန်တော် တော်တော်တပ်မက်ပါသည်။ ကျွန်တော့်အတွက် မရတာကြာသော ခံစားမှုမျိုးမဟုတ်လား။ ရန်ကုန်ကို ပြန်ဆုံရခြင်းမှာ ထိုကဲ့သို့သော ညမျိုးကို ဆုံခဲ့ရခြင်းသည် ကျွန်တော့်ရင်ထဲက အလွမ်းကို နှစ်သိမ့်မိစေပါသည်။ ထိုကဲ့သို့ ခံစားမှုမျိုးကို အမြဲရနိုင်ပါတော့ မလားဟု ဆောင်းညမှာ ကျွန်တော်တွေးနေ မိခဲ့သေးသည်။

မနက်ကျတော့ ကျွန်တော်တို့ အမျိုးများပါ အလှူကို လာကြ၍ အားလုံးနှင့် ဆုံရပြန်သည်။ အဖေနှင့် အမေသည် အသက် ( ၆၅ )  နှစ် ပြည့်ပြီ ဖြစ်ပြီး ( ၆၆ ) နှစ်ထဲသို့ ၀င်ခဲ့လေပြီ။ အဖေ့မှာ စာပေတာဝန်များ များလှသဖြင့် အိမ်မှာ အကြာကြီး မနေနိုင်။ အလှူလူရှင်းသောအခါ အလုပ်ကိစ္စနှင့် အပြင်သို့ ထွက်လေသည်။

ကျွန်တော်ကတော့ ကျိုက်ထီးရိုးက သူငယ်ချင်းများ မအူပင်ကို ပြန်ရောက်နေသည်ဟု ဖုန်းရ၍ သူတို့နှင့် ဆုံရန် ဆက်သွယ်လာသောကြောင့် အလှူပြီးသောအခါ ကျွန်တော်တို့အိမ်သို့ ပြန်ခဲ့ပြီး မအူပင်ကို သွားရန် ပြင်ရလေတော့သည်။ တကယ်တော့ သောကြာညကမှ ကျိုက်ထိုတက်သွားသော သူငယ်ချင်းများ တနင်္ဂနွေမနက်မှာ မအူပင်ရောက်နေကြသည်ကို ကျွန်တော်နည်းနည်းတော့ အံ့ဩသွား၏။ နောက်မှ သိရသည်က ဘုရားပေါ်မှာ လူများ၍ ဘုရားရင်ပြင်ကပင် ဘုရားလှမ်းဖူးပြီး ပြန်ခဲ့ရသည်တဲ့။ ရင်ပြင်တော်ပေါ်မှာပင် တိုး၍ မပေါက်တဲ့။ ဆက်နေလျှင် တည်းစရာလည်း မရှိ၍ ပြန်ဆင်းခဲ့သည်က အကောင်းဆုံးမို့ စနေမှာ ပြန်ဆင်းခဲ့ပြီး မအူပင်သို့ ဆက်တိုက်တက်ခဲ့သည်တဲ့။

နောက်တော့ ကျွန်တော်နှင့်ဆုံရန် မအူပင်က ဆရာဝန် သူငယ်ချင်းကိုယ်တိုင် ကားမောင်း၍ ရန်ကုန်က ဆရာဝန် သူငယ်ချင်းနှင့် စင်ကာပူက သူငယ်ချင်းတို့ပါ ပြန်လိုက်လာကာ ကျွန်တော့်ဆီ လာခေါ်သည်။ သူတို့ ဇနီးများကို မအူပင်က ဆရာဝန် သူငယ်ချင်းအိမ်မှာ ထား၍ လာခဲ့ကြခြင်းပင်။ ဖြစ်ချင်တော့ သင်္ဘောအရာရှိ သူငယ်ချင်းက သူ့အိမ်မှာ။ ပထမ မလိုက်နိုင်ကြောင်း အတင်းငြင်းနေ၏။ ဒါကို ကျွန်တော်က သိတော့ မရရအောင် ခေါ်မည်ဆိုကာ အတင်းဝင်ခေါ်ကြသည်။

အံ့ဩစရာကောင်းသည်က နှစ်ပေါင်းများစွာ မတွေ့တာကြာပြီ ဖြစ်သည့် ကျွန်တော့်သူငယ်ချင်း အမေက ကျွန်တော့်ကို မြင်တော့ ကျွန်တော်ငယ်ငယ်က သူငယ်ချင်းတို့အိမ်သွားလည်ရင်း ပြောခဲ့သည့် ကဗျာကို သတိရမိသည်တဲ့။ ကျွန်တော် မမှတ်မိတော့။ အမှန်က သူငယ်ချင်း၏ အဘွားက တဖွဖွပြောသည်ဆိုသော ကဗျာ။ တကယ်တော့ ကဗျာမဟုတ်ပါ။ စာချိုးလေးပါ။ သူငယ်ချင်း အဘွားက ' ကြက်မှာ အရိုး၊ လူမှာ အမျိုး ' ဟု ဆိုခဲ့ရာ ကျွန်တော်က ထိုစဉ်က ' ကြက်မှာအမြစ်၊ လူမှာ အချစ် ' ဟု ပြန်ပြောခဲ့သည်တဲ့။

ကျွန်တော် မမှတ်မိသည်ကို သူငယ်ချင်းနှင့် သူ့အမေက ပြန်အစဖော်၍ ပြောပြနေလေသည်။ သူငယ်ချင်း အဘွားပင် မရှိတော့။ ကာလများက ကြာညောင်းခဲ့ပြီ မဟုတ်လား။ သို့သော် ကျွန်တော်တို့ သူငယ်ချင်းများ၏ ခင်မင်မှုက ပျောက်ပျက်မသွား။ အိမ်ထောင်ကိုယ်စီ ကျခဲ့သည့်တိုင် မိသားစုချင်းပင် ခင်ခင်မင်မင်ဖြင့် နွေးထွေးစွာရှိဆဲ။

နောက်ဆုံးမှာ ဘယ်လိုမျှ မလိုက်နိုင်ဘူး ထင်ရသော သူငယ်ချင်း သင်္ဘောသားသည်လည်း ကျွန်တော်တို့ မျက်နှာနှင့် သူ့ဇနီးနှင့် မိဘများကပါ လိုက်သွားပါဟု ခွင့်ပြုလိုက်ရလေတော့သည်။ ငယ်သူငယ်ချင်းတို့၏ သံယောဇဉ်နှင့် ခင်မင်မှုသည် ကာလကြာရှည်စွာ ဖြတ်သန်းခဲ့သည့်တိုင် ပွန်းပဲ့မသွားသည်ကိုတော့ ကျွန်တော်ယုံကြည်နေမိသည်။

သည်တစ်ခေါက် ရန်ကုန်ကို ပြန်ဆုံရခြင်းမှာ တစ်နယ်စီ ဝေးကွာနေသော ငယ်သူငယ်ချင်းများ ခရီးတစ်ခုကို အတူတူ သွားခဲ့ရခြင်းက တကယ်ကို အမှတ်တရ ဖြစ်စေခဲ့သည်မှာ ကျွန်တော့်အတွက် မေ့နိုင်မည် မထင်တော့။

ဆူးသစ်
၂၀း၄၁ နာရီ
၆.၃.၂၀၁၃
(ဆက်ပါဦးမည်)
Related Posts Plugin for WordPress, Blogger...