Tuesday, May 31, 2011

"SMS စိတ်ထား"


၂၉.၅.၂၀၁၁ နံနက်မှာ ဥရောပချန်ပီယံလိဂ်ဘောလုံးပွဲ နောက်ဆုံး ဗိုလ်လုပွဲ ပြီးသွားသည်။ စပိန်က ဘာစီလိုနာ နှင့် အင်္ဂလန်က မန်ချက်စတာယူနိုက်တက် တို့ ဆုံခဲ့ကြရာ ဘာစီလိုနာ က ၃-၁ ဖြင့် နိုင် သွားလေသည်။ ထကြည့်မည်ဟု ရည်ရွယ်ပြီးမှ နှိုးစက်က ဘယ်အချိန် မြည်မှန်းမသိအောင် အိပ်ပျော်သွား၍ မနက်မိုးလင်းမှ ရလဒ်ကိုသာ သိရတော့သည်။

တကယ်တော့ ကျွန်တော်က အာဆင်နယ်(အာကြီး) ပရိသတ်။ ထို့ကြောင့် ချန်ပီယံလိဂ် ဗိုလ်လုပွဲသည် ကျွန်တော်နှင့် ဘာမျှမဆိုင်။ သို့သော် ဘာစီလိုနာ ကောင်းတာတော့ ကျွန်တော်လက်ခံသည်။ အာကြီးကိုတောင် ကြိတ်သွားသေးသည်ပဲ။ ဘယ်လိုပဲ နိုင်သွား၊ နိုင်သွား သူတို့ အသင်း၏ ကစားဟန် ကိုက ကောင်းလွန်းသည်ဟု ကျွန်တော် လက်ခံသည်။

ထို့ကြောင့် ဗိုလ်လုပွဲ ကန်မည်ဆိုတော့ မကန်ခင်ကပင် ဘာစီလိုနာ အားသာသည်ဟု ထင်ခဲ့မိ၏။ သူတို့ကန်ပြီးသည့် မနက်မှာ ရလဒ်ကိုသိရတော့ မန်ယူ ပရိသတ်ရော၊ အာကြီးပရိသတ်များဆီပါ SMS ပို့ဖြစ်ခဲ့သည်။ ကျွန်တော်နှင့်သိသူများမှာ ဘာစီလိုနာ ပရိသတ်မရှိသောကြောင့်သာ။ ရှိခဲ့လျှင် သူတို့ကို Congratulation လုပ်ရပေဦးမည်။ သည်သဘောနှင့် SMS ကို လွှတ်ဖြစ်ခဲ့သည်။

"နောက်ဆုံးတော့ ဘာစီလိုနာသာ အကောင်းဆုံး အသင်းဖြစ်တယ်။ သူတို့ ဖလားရသင့်တယ်"

ကျွန်တော် English လို မတောက်တခေါက်နှင့် ရိုက်ပြီးပို့လိုက်သည်။ မည်သူသာစေ၊ နာစေဟု ဆိုလိုခြင်းမဟုတ်။ ဘာစီလိုနာသည် နဂိုကပင် ကောင်းလွန်း၍ ဖလားရစေချင်တာဖြစ်သည်။ တိုက်စစ်ကို အပြည့်ကစားသည်။ ကစားဟန်က လှသည်။ အာကြီးနှင့် မကန်ခင်ကဆိုလျှင် မလွယ်ဘူးဟု ထင်ခဲ့မိသည်။ ထင်သည့်အတိုင်းလည်း အာကြီး ရှုံးသွားခဲ့သည်။

ခုလည်း ကျွန်တော်ပြောချင်သည့် သဘောက မန်ယူကို ချိုးနှိမ်ချင်၍ ပြောတာမဟုတ်။ ဘာစီလိုနာ ကောင်းလွန်း၍ သူတို့ဖလားရတာ ရသင့်သည့်သဘော ရေးလိုက်တာ ဖြစ်သည်။ ဘယ်အသင်းစွဲမှ မရှိသူများပင် ဘာစီလိုနာ ကောင်းလွန်း၍ ဖလားရစေချင်ကြ၏။ သည်သဘောကို ရေး တာဖြစ်သည်။

သည်လိုနှင့် ကျွန်တော့် SMS ထွက်သွားပြီး ခဏကြာတော့ SMS တွေ ပြန်ဝင်လာသည်။ မန်ယူ ပရိသတ်တစ်ဦးက' တော်တော်လေးကို ကောင်းသောအသင်း' တဲ့။ နောက်ထပ်မန်ယူ ပရိသတ်တစ်ဦး ကလည်း 'ဟုတ်ပါတယ်' တဲ့။ ရီးယဲမက်ဒရစ် ကြိုက်သူတစ်ဦးက 'ဟုတ်တယ်' တဲ့။ တချို့လူတွေက မအားသောကြောင့်လားမသိ။ ဘာမှပြန်မလာ။

သို့သော်နောက်ဆုံးပြန်ဝင်လာသော SMS ကတော့ မန်ယူပရိသတ်ဆီက ဖြစ်ပြီး သူ့Message ကြောင့်လည်း စိတ်ထဲ စနိုးစနောင့် ဖြစ်ရသည်။ သူ့ ပထမဆုံး Message က သည်လို လာသည်။

" ကိစ္စမရှိပါဘူး။ ပရီးမီးယားလိဂ် ချန်ပီယံဟာ မန်ယူပါ။ အဲဒီ အသင်းဟာ အင်္ဂလန်မှာ အကောင်းဆုံးဖြစ်ပြီး အာဆင်နယ်ထက် ကောင်းတယ်"

သူ့ Message ကို ဖတ်တော့ ကျွန်တော် ပြုံးချင်မိသည်။ ကျွန်တော်တွေးတာနှင့် သူတွေးတာ ကွာနေပြီကိုး။ ကျွန်တော်က မန်ယူကို ဖဲ့ချင်၍ ပို့လိုက်တာမဟုတ်။ သို့သော် သူက မန်ယူကိုဖဲ့သည်ဟု ထင်နေသည်။ မန်ယူ (၁၉) ကြိမ်မြောက် ဖလားရတော့ ကျွန်တော် မန်ယူပရိသတ်ကို လှမ်း၍ Congratulation လုပ်ခဲ့သေး၏။ သည်တော့ ကျွန်တော့် သဘောထားက ရှင်းနေသည်။ ပြီးတော့ သူ့စာမှာ ဒေါသသံပါနေ၏။ ထို့ကြောင့် ကျွန်တော်သူ့ကို ပြန်စချင်သွားသည်။ သူက ကျွန်တော့်ထက်လည်း ငယ်သောကြောင့်ပင်။

"ရယ်စရာပဲ"

သူ့ဆီပြန်ပို့လိုက်၏။

"အတူတူပါပဲ"

သည်လို ပြန်လာသည်။ ထို့နောက် အပြန်အလှန် အောက်ပါအတိုင်း ပို့ကြပါလေတော့သည်။ ကျွန်တော့်ဘက်က ပြန်စပို့ပါသည်။

"ပြီးခဲ့တဲ့ ပရီးမီးယားလိဂ်မှာ မင်းတို့ အသင်းက အိမ်ကွင်းမှာ နိုင်တယ်။ ငါတို့ အသင်းက ငါတို့ အိမ်ကွင်းမှာ နိုင်တယ်။ အဲဒီတော့ အတူတူပါပဲ။ တကယ်လို့ မင်းတို့လည်း ဘာစီလိုနာကို စောစောတွေ့ရင် ချန်ပီယံလိဂ်မှာ အာဆင်နယ်လိုဖြစ်ပြီး ဗိုလ်လုပွဲတောင် ရောက်မှာ မဟုတ်ဘူး။ ဒါပေမဲ့ မင်းတို့ အသင်းဟာ ဒီနှစ်မှာ တော်တော် ကံကောင်းတယ်"

"ကံတင်မဟုတ်ဘူး။ စွမ်းရည်ပါ ကောင်းတယ်"

"ဟား-ဟား"

"စွမ်းရည်ဆိုတာ အောင်မြင်မှု အတွက် အဓိကပဲ"

"အဲဒီလို ပြောရင် ဘာစီလိုနာ တစ်သင်းသာ မှန်နိုင်တယ်။ လက်ရှိကာလမှာ ဘာစီလိုနာ တစ်သင်းသာ ကမ္ဘာပေါ်မှာ အကောင်းဆုံးအသင်းပဲ"

"ဟုတ်တာပေါ့။ အာဆင်နယ်ပါ ဘာစီလိုနာရဲ့စွမ်းရည်ကြောင့် ထွက်ခဲ့ရတာပဲ"

သည် Message က နောက်ဆုံး သူ့ဆီက ပြန်လာတာပါ။ ကျွန်တော်က ထိုအချိန်တွင် ဇနီးနှင့် ဈေးသွားချိန်မို့ သိပ်အကြာကြီး မပြန်နိုင်။ ရပ်ပစ်လိုက်တော့သည်။ မရပ်လျှင်လည်း ဆုံးမှာ မဟုတ်။

နောက်တော့ Message များကို ပြန်ဖတ်ရင်း လူတချို့၏ စိတ်ကို ပြန်သုံးသပ်မိသည်။ တချို့က အမှန်ကို အမှန်အတိုင်း လက်ခံသည်။ တစ်ဖက်လူပို့လိုက်သော အချက်ကို မိအောင်ဖမ်း၍ မိမိလည်း ထိုသို့ လက်ခံကြောင်း ၀န်ခံသည်။ တချို့က အစွဲများနှင့်မို့ အမှန်ကို မမြင်။ တစ်ဖက်လူပေးသော Message ကို တလွဲ ဘာသာပြန်သည်။ ထို့နောက် ရင်ထဲက မခံမရပ်နိုင်တာတွေပါ ဖွင့်ထုတ်သည်။ နောက်ဆုံး Message စပို့သော ကျွန်တော်ပင် အမှားဖြစ်လို့နေတော့သည်။

သည်တော့ ပြန်ကောက်ချက်ချလိုက်လျှင် လူတစ်ယောက်သည် သူကိုယ်တိုင် အမှန်ကို လက်ခံထားမှ တစ်ဖက်လူ၏ အမှန်ကို မြင်နိုင်မည်ဖြစ်သည် ဆိုသော အချက်ကို တွေ့လိုက်ရပါသည်။ ထိုသို့ အမှန်ကို မမြင်နိုင်ပါက ထိုလူသည် တစ်ဖက်လူက မည်သို့သော စိတ်သဘောထားမျိုးဖြင့် ၀င်လာသည်ဖြစ်စေ၊ အဆိုးတွေချည်းသာ မြင်နေလေတော့သည်။ အမှန်မှာ တစ်ဖက်လူသည် ထိုသို့ ဆိုးနေပါသလားဟု ဆိုလျှင် မဟုတ်။ ကာယကံရှင်က အမှန်ကိုမမြင်(သို့မဟုတ်) အမှန်ကို လက်မခံသောကြောင့်သာ တစ်ဖက်လူကို ဘာလုပ်လုပ်၊ ဘာပြောပြော အကောင်းဟု မထင်တော့ခြင်းပင်။

ပြီးတော့ အမှန်ကို မြင်ခြင်း၊ မမြင်ခြင်းမှာ အရွယ်နှင့်လည်း ဆိုင်ပါသည်။ မန်ယူ ပရိသတ်ချင်းအတူတူ ကျွန်တော်ပို့လိုက်သော Message သည် အမှန်ဖြစ်သည်ဟု လက်ခံနိုင်သူများသည်လည်း မန်ယူ ခရေဇီများပင်။ သို့သော် သူတို့က ဘောလုံးပွဲ တစ်ပွဲကို ဘောလုံးပွဲတစ်ပွဲလိုသာ လက်ခံကြည့်တတ် သူများ ဖြစ်ကြသည်။ ငါ့အသင်းဆိုသော အစွဲနှင့် ကြည့်တာမဟုတ်။ အရွယ်အရ၊ အတွေ့အကြုံအရ ဘာစီလိုနာ သာသည်ဟု လက်ခံနိုင်စွမ်းရှိသူများပင်။ သူတို့က ဘောလုံးပွဲပေါင်းများစွာကို ကြည့်ဖူးသူ များဖြစ်၍ ကျွန်တော်စာလေး နည်းနည်းပို့သည်နှင့်ပင် သဘောပေါက်ကာ ဘာစီလိုနာကိုပင် ချီးကျူးနေကြ ပါသေးသည်။

ကျွန်တော့်ကို ပြန်ခံငြင်းရင်း မဆီမဆိုင် အာကြီးကိုပါ နှက်ချင်သည့် ကောင်လေးမှာ သူတို့နှင့် နှိုင်းယှဉ်လျှင် ငယ်လွန်းပါသည်။ ထိုအချက်ကလည်း အမှန်ကို အမှန်အတိုင်း လက်မခံနိုင်ခြင်း၏ အကြောင်း တစ်ချက် ဖြစ်နိုင် ပါသေးသည်။ ထို့ကြောင့်လည်း စပြောသည်က ဘာစီလိုနာ ကောင်းကြောင်းဖြစ်ပြီး တကယ်ဆုံးတော့ အာကြီးညံ့တာ ဖြစ်သွားလေတော့သည်။

သည်တော့ လူ့လောကထဲမှာ လူတွေနှင့်နေစဉ် သည်လို အဖြစ်အပျက်မျိုးတွေ များစွာ ကြုံနိုင်ပါသေးလားဟု သုံးသပ်မိပါသည်။ ကိုယ်မှန်နေပါလျှက် အမှန်မမြင်နိုင်သူတွေကြောင့် ကိုယ်ကနေရင်းထိုင်ရင်း အပြစ် လုပ်မိသူ ဖြစ်သွားတတ်သည်ကို ဆင်ခြင်ဖို့ကောင်းလှပါတော့သည်။ ထိုသို့ ကိုယ့်ကို အမှန်မမြင်နိုင် သူများသည် ကိုယ့်ထက် အရွယ်အရ ကြီးနေသည့်တိုင် အမှန်မမြင်နိုင်သေးပါက အသက်ကြီး၍ အချိန်မစီး သူများဖြစ်သည်ကိုလည်း မမေ့သင့်ပေ။ အချိန်တန်၍မှ မရင့်ကျက်သေးသူများ ဖြစ်နေသေးသည်ကိုး။

ဘယ်လိုပဲဖြစ်ဖြစ် ကျွန်တော်ကတော့ အားလပ်ရက်တစ်ရက်၏ မနက်ခင်းတစ်ခုမှာ ပို့လိုက်မိသော SMS တစ်ခုမှတစ်ဆင့် လူတချို့၏ စိတ်ထားကို ကောက်ချက်ချနိုင်သလောက် ချခဲ့မိ၍ ကျေနပ်နေမိသည်ကတော့ အမှန်ပင်။ ။

ဆူးသစ်
၂၃:၀၉ နာရီ
၃၁.၅.၂၀၁၁


Sunday, May 29, 2011

"အစိမ်းရောင် အတွေးများ"


မနေ့က ( ၂၈.၀၅.၂၀၁၁) မှာ ကျွန်တော့်အလုပ်က အချိန်ပိုဆင်းရသည်။ Project နောက်အသစ်တစ်ခု ကူးပြီမို့ နည်းနည်းတော့ အားထည့်ရ၏။ ရာသီဥတုကလည်း ပူလွန်းသည်မို့ အားလုံးပင်ပန်းကြသည်။

အိမ်ပြန်တော့ Jurong East MRT မှာ ကားက ချပေးနေကျမို့ Jurong East မှာ ဆင်းပြီး MRT ထဲမှာ ရထားအလာ စောင့်နေခဲ့သည်။ ထိုအချိန်မှာပင် ကျွန်တော်နှင့် အတူ စောင့်နေသူများကြား တိုက်တိုက်ဆိုင်ဆိုင် Sport Shirt အစိမ်းရောင်ဝတ်သူတစ်ဦးက ကျွန်တော့်အနားမှာ ရပ်လို့နေသည်။ ကျွန်တော်လည်း သူ့လို Sport Shirt အစိမ်းရောင်ဝတ်ထားသည်မို့ အရောင်ကို သွားသတိထားမိသည်။ ကျွန်တော့်အင်္ကျီ အရောင်က သူ့အင်္ကျီအရောင်ထက် ဖျော့လို့နေပါရော့လား။

စိတ်ထဲကတော့ ဪ-ငါ့အင်္ကျီအရောင် လွင့်နေပြီပဲ။ Project တစ်ခုပြီးလို့ နောက်တစ်ခု ကူးသွားတဲ့အချိန် အင်္ကျီတွေလည်း အရောင်တွေတောင် လွင့်ကုန်ပြီဟု အတွေးဖြစ်သည်။

နောက်တော့ ရထားလာ၍ တက်လိုက်လာပြီး Clementi MRT ရောက်တော့ ဆင်းလိုက်သည်။ Jurong East မှ ကျွန်တော်တက်စီးနေကျ ရထားနေရာသည် Clementi ရောက်လျှင် Escalator နှင့် တည့်တည့် ကျသော နေရာဖြစ်ရာ ရထားရပ်၍ တံခါးဖွင့်သည်နှင့် တန်းထွက်လိုက်ရာ ထိုအစိမ်းရောင် အင်္ကျီနှင့် လူသည် ဘယ်ကထွက်လာမှန်း မသိဘဲ ကျွန်တော့်ရှေ့က ဖြတ်ကာ Escalator မှ ဆင်းလေသည်။

ထိုအချိန်မှာပင် နောက်ထပ်လူတစ်ယောက်သည် ကျွန်တော်နှင့် အင်္ကျီအရောင်တူလူကြား ၀င်လာရာ ကျွန်တော့် ရှေ့မှနေ၍ Escalator ဖြင့် ဆင်းလေသည်။ သို့သော် တိုက်ဆိုင်စွာပင် ထိုလူဝတ်ထားသော အင်္ကျီမှာ ကျွန်တော်တို့လို အစိမ်းရောင် Sport Shirt ပင်ဖြစ်ရာ ကျွန်တော့်မှာ အံ့အားသင့်စွာ ငေးမောရင်း လိုက်ကြည့်မိလေ၏။

ထိုလူ၏ အင်္ကျီအစိမ်းရောင်မှာ ကျွန်တော့်အင်္ကျီ အရောင်ထက် ပိုဖျော့၏။ ထိုအခါ Escalator ပေါ်မှာ စီးနေသော ကျွန်တော်တို့ သုံးယောက်သည် အစိမ်းရောင် Sport Shirt အားလုံးတူညီစွာ ၀တ်ဆင်ထားသော်ငြား ရှေ့ဆုံးက လူသည် အရောင် အတောက်ဆုံး၊ အလယ်က လူသည် အရောင် အဖျော့ဆုံး နှင့် နောက်ဆုံးက ကျွန်တော်သည် အရောင် အသင့်အတင့်ကျန်သော အင်္ကျီများကို ၀တ်ဆင်ထားသည်ကို သွားတွေ့ရလေသည်။

ထိုအခါ၌ ကျွန်တော့်ခေါင်းထဲသို့ အတွေးတွေ ၀င်လာလေသည်။ မူလက Jurong East MRT မှာ ကျွန်တော့်ထက် အင်္ကျီအရောင် တောက်သူကိုတွေ့တော့ စိတ်ထဲမှာ သိမ်ငယ်သလို ခံစားရသည်။ ကိုယ့်အင်္ကျီလေး အရောင်နွမ်းနေပြီကိုး။ ဟော- ဗြုန်းဆို နောက်တစ်ဘူတာ ဖြစ်သည့် Clementi MRT ရောက်တော့ ဓါတ်လှေကား စီးနေရင်းမှာပင် ကိုယ့်ထက် အင်္ကျီအရောင် ဖျော့သည့်လူနှင့် တွေ့တော့ မပျော်မိသော်ငြား ဪ- ငါ့ထက် ပိုဆိုးတဲ့လူ ရှိပါသေးလားဟု ဖြေသိမ့်တွေးလေး တွေးမိ၏။

နောက်တော့ အတွေးက ထပ်ဆံ့သည်။ ရထားဘူတာ တစ်ဘူတာနှင့် တစ်ဘူတာကြားမှာပင် လူ့ဘ၀၏ အပြောင်းအလဲကို မြင်ရ၏။ လောကမှာ ကိုယ့်ထက်သာသူ ရှိ၍ စိတ်အားငယ်စရာ မရှိသလို ကိုယ့်ထက်နိမ့်ကျသူ ရှိ၍လည်း ၀မ်းသာနေစရာမလို။ လူတိုင်းမှာ သူ့နေရာနှင့်သူ ရပ်တည်မှုဆိုတာ ရှိနေပေလိမ့်မည်။ စိတ်အားငယ်ချင်လျှင် ကိုယ့်ထက်အားနည်းသူများ ရှိနေသည်ကို သုံးသပ်ပြီး ဘ၀င်မြင့်ချင်လျှင် ကိုယ့်ထက်သာသူတွေ ရှိနေသည်ကို မမေ့သင့်ကြောင်း အတွေးတွေ ၀င်လာသည်။

ပြီးတော့ ကျွန်တော်တို့ လုပ်ကွက်ထဲမှာ Project Manager က Container ထဲမှာ Computer ဖြင့်၊ Air Con ဖြင့် အလုပ်လုပ်နေချိန်မှာ Safety Supervisor ဖြစ်သည့် ကျွန်တော်က Site ထဲ၊ နေပူကြီးထဲ အလုပ်သမားများ၏ ဘေးကင်းရေးအတွက် လိုက်ပတ်ကြည့်နေရသည်ကို ပင်ပန်းသည်ဟု ထင်ပြီး PM လို သက်သက်သာသာ နေရလျှင် ကောင်းမည်ဟု ထင်နေသော အတွေးက ထိုနေပူကြီးထဲ Cable အကြီးကြီးများကို မနိုင်မနင်း ဆွဲနေရသော အလုပ်သမားများလောက် မပင်ပန်းသေးပါလားဟု သေသေ ချာချာ ပြန်တွေးမိသွား၏။

ရထားဘူတာ တစ်ဘူတာနှင့် တစ်ဘူတာကြားမှာပင် လူ့ဘ၀၏ အပြောင်းအလဲ၊ အတက် အကျကို မြင်ရသေးရာ သံသရာဆိုလျှင် သည်ထက်များစွာ မြင်ရ၊ ကြုံရပေတော့မည်။ ကျွန်တော်တွေ့ဖူး၊ ကြုံဖူး သော်ငြား မေ့သလောက်ရှိနေ၍ သည်တစ်ခါ အတွေးသည် စိမ်းသလိုရှိနေသည်။ အင်္ကျီအစိမ်းများမှ ဖြစ်တည်လာပြီး မရတာ ကြာပြီဖြစ်၍ စိမ်းသလို ဖြစ်နေသော ထိုအတွေးများကို 'အစိမ်းရောင် အတွေးများ' ဟု ကျွန်တော် ဆိုချင်မိသည်။ ပြီးတော့ ကျွန်တော့် အစိမ်းရောင် အတွေးများကို တစိမ့်စိမ့်နှင့် ပြန်လည်သုံးသပ် နေမိပါသေးသည်။ ။

ဆူးသစ်
၁၁:၄၉ နာရီ
၂၉.၅.၂၀၁၁

Friday, May 27, 2011

"ရွှေထဲက ရွှေ"


ကျွန်တော့် လုပ်ကွက်ထဲမှာ မြန်မာများ၍ တစ်ခါတစ်ရံ၌ ထူးထူးဆန်းဆန်းလေးတွေ၊ ရယ်စရာလေးတွေ ကြားရတတ်သည်။ ယခု ကျွန်တော် ပြောမည့် အကြောင်းအရာသည်လည်း သူတို့ပြောနေသည်ကို ကြားမိ၍ ရယ်စရာတစ်ခု အနေနှင့် မျှဝေချင်သောကြောင့် ချရေးပြလိုက်ခြင်းသာ ဖြစ်ပါသည်။ မည်သူမည်ဝါကို ထိခိုက်စေဟု မရည်ရွယ်ရိုး အမှန်ဖြစ်ကြောင်း ကြိုတင် စကားခံထားချင်ပါသည်။

ဖြစ်ပုံက သည်လိုပါ။ စင်ကာပူမှာ နေသူ တော်တော်များများကတော့ သိပြီးသား ဖြစ်ပါလိမ့်မည်။ ကျွန်တော်တို့ ရွှေမြန်မာ ယောကျာ်းလေးများ တော်တော် စွံကြပါသည်။ ဖားဟုခေါ်ကြသော ဖိလစ်ပိုင်လူမျိုးများ၊ 'အ' ဟု ခေါ်ကြသော အင်ဒိုနီးရှားလူမျိုးများ နှင့် တော်တော်ကို ချစ်ချစ်ခင်ခင် ရှိကြပါသည်။

ကျွန်တော့် လုပ်ကွက်ထဲမှာ ရှိသော ယောကျာ်းလေးတော်တော်များများသည် ဖားမများနှင့် ပျော်မြူးကြရာ ဇာတ်လမ်းတွေလည်း စုံလှပါသည်။ တချို့ဆို လကုန်လျှင် လစာပြန်မပို့နိုင် ဖြစ်ကာ ဖုန်းဖိုး၊ တည်းခိုခန်းဖိုးနှင့်ပင် မွဲနေလေတော့သည်။ 'အ'မ နှင့်တော့ နည်းလှပါသည်။

သည်ကြားထဲမှာမှ ကိုယ့်မြန်မာ လူမျိုးချင်းလည်း တွဲကြပါသည်။ တချို့က တစ်ဘ၀လုံးအတွက်ဖြစ်ကာ တချို့ကတော့ တစ်ရွာ တစ်ကျီ ဆောက်သည့် သဘောမျိုးဖြစ်ရာ ဆင်ခြင်စရာကောင်းလှပါတော့သည်။

သည်လို ပြောတော့ ယောကျာ်းလေးများကသာ အပြစ်လုပ်နေသည့် သဘော သက်ရောက်နေလေသည်။ တကယ်တမ်း ပြန်တွေးကြည့်တော့ လက်ခုပ်ဆိုသည်က နှစ်ဖက်တီးမှ မြည်သည့်သဘော ရှိရာ ချင့်ချိန်ကြည့်လျှင် ဖားမ၊ 'အ' မ တို့သည်လည်း သူ့သဘော သူဆောင်နေကြသည်ဟု ဆိုရပေမည်။

ထိုသို့ သူ့သဘောသူ ဆောင်နေသည့်ကြားတွင် ကျွန်တော်တို့ မြန်မာ မိန်းကလေး တချို့ကား ကန့်လန့်၊ ကန့်လန့် နှင့် ပါနေလေရာ ရင်မောရတော့သည်။ ထိုအကြောင်းနှင့် ပတ်သက်၍ ကျွန်တော်တို့ လုပ်ကွက်ထဲက အလုပ်သမားလေးများ စကားစုဖွဲ့ ပြောနေသည်ကို ဤသို့ ကြားရလေသည်။

"တချို့ကောင်မလေးတွေက မြန်မာနဲ့ မတွဲဘူးကွ။ တော်တော်ရင်နာဖို့ကောင်းတယ်"

"ဟုတ်လား၊ ဘယ်သူတွေနဲ့ တွဲတာလဲ"

"ကုလားနဲ့ဟေ့။ ကုလားနဲ့။ ဘယ်လောက် စိတ်နာဖို့ကောင်းလဲ။ စလုံးမှာ ဒီလောက် ရွှေတွေပေါတာ"

"မင်းတို့တောင် ဖားတွေ၊ အ တွေနဲ့ တွဲနေတာပဲ။ သူတို့တွေလည်း တွဲချင်တွဲမှာပေါ့"

"ဟ- ငါတို့က ယောကျာ်းလေးတွေကွ။ ဘာမှ မဖြစ်ဘူး။ သူတို့က နာမှာ"

"ဘ ကုန်းနဲ့ တွဲတာတောင် ကျွန်တော် မြင်ဖူးတယ်"

"ဟာကွာ- စိတ်နာဖို့ ကောင်းလိုက်တာ"

"အေး- အဲဒီလို စိတ်နာလို့ City Hall မှာ ကြုံရတာလေး ပြောပြဦးမယ်"

"အင်း- လုပ်ပါဦး"

"ငါနဲ့ ငါ့ဘော်ဒါတွေ တစ်ရက်မှာ ဘီယာ သောက်နေတုန်း ဆိုင်ထဲကို အတွဲ တစ်တွဲ ၀င်လာတယ်ကွ။ ကောင်မလေးက ရွှေမ။ ဘဲက ကုလားကွ။ ဒါနဲ့ သောက်နေတဲ့ ငါ့ဘော်ဒါတွေက တင်းလာပြီး ထတုတ်ပါလေရော။"

"ဟာ- ကောင်မလေးက ရဲလှချည်လားကွ။ မျက်နှာပြောင်လှချည်လား"

"အေး-မင်းတို့လိုပဲ ငါနဲ့ ငါ့ဘော်ဒါတွေလည်း တော်တော်တင်းတော့ ပြောကြတာပေါ့ကွာ။ အားရပါးရ။ လူတွေက အရှိန်ကလည်း တက်နေပြီဆိုတော့။ သေနာမ၊ အရှက်မရှိဘူး။ ကုလားနဲ့တွဲပြီး မြန်မာတွေ အများကြီး ရှိတဲ့နေရာ လာရဲသေးတယ်။ ဘာညာပေါ့ကွာ"

"အဲဒါ မျက်နှာတွေ၊ ဘာတွေ မပျက်ဘူးလား"

"နေဦး၊ ဆုံးအောင် နားထောင်။ အဲဒီကောင်မလေးက မျက်နှာမပျက်ဘူး။ သူနဲ့တွဲတဲ့ ကုလားက ဆိုင်ထဲက ငါတို့ရှိတဲ့နေရာ ၀င်လာတယ်။"

"ဟေ"

"ပြီးတော့ ငါတို့ကို လာပြောတယ်။ ငါတို့လည်း ရုတ်တရက်ဆိုတော့ ကြောင်ပြီး ကြည့်နေတာ။ ပြီးမှ သူက ဘာပြောတယ် မှတ်လဲ"

"ဘာပြောလို့လဲ"

"အစ်ကို - ကျွန်တော်က ရွှေကုလားပါဗျာ တဲ့"

"ဟား--ဟား--ဟား"

"ဒါနဲ့ ငါတို့လည်း အေး-ဒါဆိုလည်း ပြီးရောဆိုပြီး ပြောထည့်လိုက်ရတယ်"

သူတို့ဆီက ရယ်သံများကြားတော့ ကျွန်တော်လည်း လိုက်ရယ်ရင်း နေရာက ခွာခဲ့လေတော့သည်။

တကယ်တော့ သူတို့တစ်တွေ ရယ်စရာ အဖြစ်သာ ပြောနေကြတာ၊ သူတို့ ရင်ထဲမှာ ကိုယ့်မြန်မာ မိန်းကလေးတွေ နိုင်ငံခြားသား ကုလားတွေ၊ ဘကုန်းတွေနှင့် တွဲနေသည်ကို မလိုလားသော စိတ်ကလေးတွေ ရှိနေသည်ကို အမှတ်မထင် ကျွန်တော်မြင်မိလိုက်သလို သူတို့ ကိုယ်တိုင်ကသာ ဖားတွေ၊ 'အ' မတွေနှင့် တွဲနေသော်ငြား ကိုယ့်လူမျိုးဆိုသည့် အမျိုးချစ်စိတ်တွေ ရှိနေသည်ကို ရယ်စရာလေးများကြားမှ သေသေချာချာ သိခဲ့ရရာ စိတ်ထဲက ကျိတ်၍ ကျေနပ်မိပါသေးသည်။ ။

သားလတ်
၂၁း၄၄ နာရီ
၂၇.၀၅.၂၀၁၁





Monday, May 23, 2011

"ကျွန်တော့်မှတ်စု" (၂)


+ အသိပညာစွမ်းအားသည် ထက်မြက်လွန်းလှသည် မှန်၏။ သို့သော် ပညာ၊ ဗဟုသုတ မည်မျှပင် ထွန်းကားသော်လည်း ပိုင်းခြားဝေဖန် သိမြင် နိုင်သော အသိတရား မရှိပါက ဤကဲ့သို့ အသိပညာ ဗဟုသုတ တိုးပွားခြင်းသည် ပူဆွေး ဒုက္ခများ တိုးပွားလာမှု ရလဒ်ကိုသာ ရရှိပေမည်။

[ကမ္ဘာကျော်တွေးခေါ် ပညာရှင်ကြီး ဘာထရန် ရပ်ဆယ်]

+ လူနှင့်လူချင်း အဖက်မတန်ဟု ထင်ရလောက်အောင် အလုပ်ခံရခြင်းထက် ဆိုးရွားသည်မှာ အတော် ရှားပေလိမ့်မည်။ ၀ိဋဋူပ မင်းသား သာကီဝင်များကို အူသေးအူမွှားမကျန် လိုက်၍ သတ်လောက်အောင် ရန်ငြိုးထားမိသည်မှာ ထိုကဲ့သို့ မတူမတန် အဆက်ဆံ၊ ရိုင်းပြမှု၏ မီးပွားကလေးကြောင့်ပင် မဟုတ်ပါလော။

[မိန်းမ က္ကုနြေ္ဒ - သုခ - ၀တ္ထုတိုပေါင်းချုပ်]

+ ဘာကြောင့် စာခိုးချရသလဲ ဆိုတဲ့ ပြဿနာကို စိတ်ပိုင်းဆိုင်ရာ ရှုထောင့်ကကြည့်ရင် ကိုယ်နဲ့ မထိုက်တန်တဲ့ဂုဏ်ကို မတရားသောနည်းနဲ့ အချောင်ရချင်လို့ ဆိုတာ သွားတွေ့မိတယ်။

[အထက်တန်းကျတဲ့စိတ်နဲ့ စာခိုးသူ ပြဿနာများ]
[စာ-၁၇၊ သင့်ဘ၀၊ ဇန်န၀ါရီ၊ ၁၉၉၆] [ဖေမြိုင် - ပြောလိုရာပြောခွင့်ကဏ္ဍ] (စာမေးပွဲနှင့် ပတ်သက်၍ ရေးသော ဆောင်းပါးဖြစ်)

+ ကောင်းမြတ်သော အတွေးအခေါ်များ၊ ကောင်းမြတ်သော အမူအကျင့်များ၏ သာဓကများသည် အစစ်အမှန်ဖြစ်၍ အမြဲကျင့်သုံးနိုင်ငြားလည်း လူကြိုက်နည်း၍ မသုံးတော့ဘဲ 'တိုးတက်မှု' (ထွန်သွား) အောက်မှာ ထွန်ယက်ခြင်းခံရသည့် အလျှောက် လွယ်ကူစွာ မေ့ပျောက်ခြင်း ခံရနိုင်ချေသည်။

['စရဏ ၀တ္ထု' ကျမ်းရေးသူ - အမေရိကန် စာရေးဆရာ ဂျိမ်းစ် ဂါဒနာ]

+ မိမိစိတ်ကို ချိုးနှိမ် ဆုံးမသောသူ၏ ကံတရားသည် လုံခြုံ စိတ်ချရ၏။

[ဂေါတမ ဗုဒ္ဓ - အဂုင်္တ္တရနိကာယ်၊ ကူဋသုတ်]

Sunday, May 22, 2011

"မိန်းမ ညီမျှခြင်း"


ကြာတော့ကြာခဲ့ပြီ ဖြစ်သည်။ ကျွန်တော် မြန်မာပြည်မှာ ရှိစဉ်က ကျွန်တော့်ငယ်သူငယ်ချင်းတစ်ယောက်က E mail တစ်စောင်လှမ်းပို့ပေးခဲ့သည်။ စက်မှုတက္ကသိုလ်တက်နေစဉ် ကျောင်းသားဘ၀မို့ သူ့စာကို စိတ်ဝင်စားခဲ့သည်။ သူ့စာက ရိုးရိုးစာမဟုတ်။ ညီမျှခြင်းတစ်ကြောင်း။ Equation တစ်ကြောင်း ကို ဖော်ထုတ်ထားတာဖြစ်သည်။ ကျောင်းမှာလည်း Equation တွေချည်းသာ ရှင်းနေရသည်မို့ ထို Equation ကိုလည်း စိတ်ဝင်စားမိသည်။ ညီမျှခြင်း၏ အစက သည်လိုစ၏။

မိန်းမတစ်ယောက်ကို ရရန် အချိန်နှင့်ငွေ လိုပါသည်တဲ့။ လိုသည်မှ ရိုးရိုးလိုသည်မဟုတ်။ အဆပေါင်းများစွာ လိုသည်ဟု ဆို၏။ ထို့ကြောင့် ညီမျှခြင်းသည် အောက်ပါအတိုင်း စခဲ့လေသည်။

Woman = Time x Money



သို့သော် အချိန် သည်လည်း ငွေ (အချိန်=ငွေ) ဟု ဆိုကြလေရာ ညီမျှခြင်းသည် အောက်ပါအတိုင်း ထပ်ဖြစ်လာပြန်ပါသည်။

(Time = Money)

Woman = Money x Money = Money2


ထို့ပြင် ငွေဆိုသည်မှာ ပြဿနာ အားလုံးတို့၏ အရင်းအမြစ် ဖြစ်သည်ဟု ဆိုကြပါသည်။ အရင်းအမြစ် ဆိုသည်မှာ English လို ပြောလျှင် Square Root ပင်ဖြစ်ရာ ညီမျှခြင်းသည် အောက်ပါအတိုင်း ထပ်ဖြစ် လာပြန် ပါလေသည်။

(Money = √Problem)

Woman = (
√Problem )2

ထို့နောက် Square Root ကို ၂ ထပ်ကိန်းနှင့် ချေလိုက်ရာ နောက်ဆုံး ညီမျှခြင်းမှာ ရှင်းလင်းစွာ ထွက်လာ ပါတော့သည်။

Woman = Problem

သည်တုန်းက ထိုညီမျှခြင်းကို ကြည့်ပြီး ဟုတ်နိုင်လားဟု စဉ်းစားကြည့်မိခဲ့သည်။ ရန်ကုန်မှာ အလုပ်လုပ်တုန်းက သင်တန်းပေးစဉ်မှာ သင်တန်းသားတွေ အိပ်ငိုက်မည်စိုး၍ ထို ညီမျှခြင်းလေးအကြောင်း ရှင်းပြခဲ့ဖူးသည်။ သင်တန်းမှာ ကောင်မလေးတွေပါ၍ အားတော့ နာရ၏။ အတူတူ လုပ်ဖော်ကိုင်ဖက် တစ်ယောက်ကတော့ "ခင်ဗျားကတော့ လုပ်ပြီ၊ အိမ်ထောင်တောင် မကျသေးဘူး။ လူပျိုကြီး ဖြစ်နေဦးမယ်" ဟု ဆိုကာ ထို ညီမျှခြင်း ရှင်းသည့် ကိစ္စ နှင့် ပတ်သက်၍ သတိ ပေးခဲ့ဖူး၏။ ဗဟုသုတ ရစေရန်အလို့ငှာ ရှင်းပြခဲ့ခြင်းသာ။ ကျန် ဘာရည်ရွယ်ချက်မျှ မရှိ။

ခုတော့ ကျွန်တော်လည်း အိမ်ထောင်ကျ၊ သူငယ်ချင်းတွေလည်း အိမ်ထောင်ကျလေပြီ။ ညီမျှုခြင်း မှန်မမှန်တော့ ကိုယ့်ဘာသာ သိကြပေလိမ့်မည်။ သည်စာဖတ်ပြီး လာတော့ မမေးပါနှင့်။ ထို ညီမျှခြင်း မှန်မမှန် ကျွန်တော်လည်း မပြော။ သူငယ်ချင်းတွေလည်း ပြောမည်မဟုတ်။ သူတို့ကလည်း ကျွန်တော် မေးလျှင် ပြောမည် မထင်။ အားလုံး အရူးသိုင်း နင်းကြပေလိမ့်မည်။

သို့သော် တစ်ခုတော့ ဖြေနိုင်ပါသည်။ မိန်းမဆိုတာ ရှိကိုရှိရမည်။ ပြီးတော့ လိုလည်းလိုအပ်ပါသည် ဟုသာ။ ။

သားလတ်
၁၈:၅၆ နာရီ

၂၁.၀၅.၂၀၁၁


Thursday, May 19, 2011

"မုန်တိုင်းကြားက သစ်ပင်"


ပင်မမျိုးဆက်မှန်မှန်နဲ့
သစ်ပင်တို့ရဲ့ ဗီဇသဏ္ဌာန်ကအတူတူ
အကိုင်းအခက်ဝေဆာတာလည်း အတူတူ
ဖူးငုံပွင့်သီးတာလည်း အတူတူပေမယ့်
မတူတာက ရပ်တည်မှု
ဘယ်သူမှ တုပမရဘူး။

ကြမ်းလိုက်တဲ့လေ
သရမ်းလိုက်တဲ့နေ
ခြွေလိုက်တဲ့မိုး
ဆိုးလိုက်တဲ့ဆောင်း
သက္ကရာဇ်ပြောင်းရင် အကြောင်းတွေသိ
သူက ပကတိပဲရှိနေတယ်။

လောကဓံဆိုတာက သူ့အတွက်လေညင်း
ကံကြမ္မာဆိုတာက သူ့အတွက်မိတ်ဆွေ
နိဂုံးဆိုတာက သူ့အတွက်အိပ်မက်
ပင့်သက်ဆိုတာက သူ့အတွက်စိတ်ကူး
ဒါတွေက သူ့ကိုထူးခြားမှု မဖြစ်စေခဲ့ဘူး။

သူ့ရာသီဒဏ်ကို အံခဲတဲ့စိတ်
သူ့ရေသောက်မြစ်ကို အားမွေးတိုးဝင်စေတဲ့စိတ်
သူ့ပင်စည်ပင်မကို ကြံ့ကြံ့ခံအောင်တင်းထားတဲ့စိတ်
သူ့နေရောင်ခြည်ကို အရိပ်ဖြစ်အောင်လုပ်တဲ့စိတ်တွေနဲ့
သိပ်ချစ်စရာကောင်းတဲ့ မြင့်မြတ်ဆဲ နှလုံးသားကတော့
ဆင်ခြင်မှုနဲ့ သံဝေဂပွားကြည့်ရင်
အသိတွေအများကြီး ရလောက်ပါရဲ့။

ကျောက်စာတိုင်တစ်ခုရဲ့ ၀ိညာဉ်ခိုအောင်းနေသလို
သက္ကရာဇ်အားလုံးရဲ့ မုန်တိုင်းတွေကို အံတုခံခဲ့ပုံများ
ဟောဒီမှာ သဘာဝတရားရေ...
သူ့သမိုင်းမှာ ဒဏ်ရာဆိုတာ ရယ်ပွဲဖွဲ့စရာချည်းပဲတဲ့လေ။ ။

သားလတ်
၁၉:၁၁နာရီ

၁၇.၀၄.၉၆


(အထက်ပါကဗျာကို မဟေသီမဂ္ဂဇင်းသို့ ၁၉၉၆ ၀န်းကျင်က ကျွန်တော်ပို့ခဲ့ဖူးပါသည်။ ရွေးကဗျာအဆင့် အထိပါခဲ့ပြီး၊ ဒီဇိုင်းအပ်ပြီးမှ ပြန်ပြုတ်သွားပါသည်။ ဆင်ဆာမိသွားသည်ဟု ပြန်သိရပါသည်။ ကျွန်တော့်ဘာသာ မိုးတွေသဲသဲမဲမဲရွာနေချိန်မှာ လေတိုက်ခံနေရသော သစ်ပင်တစ်ပင်ကို ကြည့်၍ ရေးထားခြင်းအား မည်သို့ အနက်ပြန်လိုက်သည်မသိ။ တော်တော်တော့ ခံစားလိုက်ရပါသည်။ ပိုဆိုးသည်က ထိုကဗျာသည် မဟေသီမဂ္ဂဇင်းတွင် အရွေးခံရပြီးမှ ဖော်ပြမခံရသော ဒုတိယ ကဗျာဖြစ်ခဲ့သောကြောင့် ပို၍ စိတ်မကောင်းဖြစ်ရပါသည်။ ပထမကဗျာတုန်းကလည်း အရွေးခံရပြီးမှ ရတနာသစ်မဂ္ဂဇင်းကို တွဲကိုင်သော မဟေသီအယ်ဒီတာ အဖွဲ့ စာမူလိုနေ၍ ကျွန်တော့်ကဗျာကို ကလောင်သစ်ဖြစ်၍ လွှဲပေးခဲ့ရာ ထိုစဉ်က စာပေနယ်သို့ စခြေချရန် မဟေသီနှင့် စချင်သော ကျွန်တော့် စိတ်ကူးသည် ရတနာသစ်နှင့် စခဲ့ရလေသည်။ မဟေသီက ထိုစဉ်က တော်တော် ဟစ်ထနေခဲ့သောကြောင့် ကျွန်တော့်ပထမဆုံး စာမူကို ပါစေချင်ခဲ့ခြင်းပင်။ ပထမဆုံးကဗျာ" စက်ပါဖို့လိုသည် "ကို ဖော်ပြပြီးဖြစ်၍ ယခု ကဗျာကို ဖော်ပြလိုက်ပါသည်။)

"အသက်ရာကျော်ရှည်ပါစေ"


မနေ့က ကဆုန်လပြည့်နေ့တွင် စင်ကာပူမှာလည်း Vesak Day ဖြစ်၍ ပိတ်ရက်ရသည်မို့ ကျွန်တော့်ဇနီး ပါရမီဖြည့်ဖက်လေးက ရန်ကုန်ရှိ သူ့အိမ်ကို ဖုန်းဆက်သည်။ သည်လထဲမှာ ဇနီး၏ အဘိုးက အသက်(၈၂) နှစ် နှင့် အဘွားက (၇၉) နှစ်ပြည့်၍ မွေးနေ့အထိမ်းအမှတ်အဖြစ် ကဆုန်လပြည့်နေ့တွင် အိမ်မှာ ဆွမ်းကပ်၍ အလှု လုပ်သည်တဲ့။ ဇနီးကတော့ လူစုံနေချိန်မှ အိမ်ကို ဖုန်းခေါ်မိ၍ အိမ်အလွမ်းမိကာ မျက်ရည်လေး စို့စို့ ဖြစ်နေလေတော့သည်။

လွန်ခဲ့သော တနင်္ဂနွေနေ့ကတော့ ကျွန်တော့်အိမ်ကို ဖုန်းခေါ်စဉ် အမေက အိမ်မှာရှိသော အဖေ့ဘက်က အဘိုး၊ ကျွန်တော်တို့အဘ နေမကောင်းဖြစ်သည့် အကြောင်းပြောပြသည်။ နယ်ခဏပြန်စဉ်မှာ ငံပြာရည်ကြော်စားမိပြီး သီးရာမှ ဘာမှမစားနိုင်တော့ဘဲ ရန်ကုန်ပြန်ခေါ်ခဲ့ရသည်တဲ့။ ဆရာဝန်နှင့် သွားပြတော့ အမေက လိုက်သွားသည်။ စစ်ဆေးပြီး အဖြေထွက်လာတော့ အစာရေမျိုလမ်းကြောင်းကင်ဆာ တဲ့။ ဆရာဝန်ကတော့ အစာစားမရတော့တာသိ၍ ပိုက်တွေ၊ ဘာတွေနှင့် အစာသွင်းကာ ဓာတ်ကင်ဖို့ ဘာညာ ကြိုးစားဖို့ မေးသေးသည်တဲ့။ သို့သော် အဘ အသက်က ထိုသို့ ခံနိုင်စွမ်းရှိမှာ မဟုတ်တော့။ (၈၄) နှစ် ရှိချေပြီ။

အဘကလည်း သူ့ကိုယ်သူ သူသိသည်ထင်၏။ မရလျှင်တော့ နယ်ပြန်မည်ဟုဆိုကာ ပြန်လိုက်ပို့ခိုင်းသည်။ သူ့ဇာတိပေကိုး။ သည်တော့ အဖေလည်း မနေသာတော့။ အဘစိတ်ချမ်းသာအောင် နယ်မှပါလာသော သူ့ညီနှင့် ပြန်ထည့်လိုက်ရသည်။ အဘ သတင်း ကြားကြားချင်းညက အဖေ ငိုသည်ဟု ကျွန်တော့်ကို အမေက ဖုန်းထဲမှာ ပြောပြသည်။ အဖေ ငိုမှာပေါ့ ဟု ကျွန်တော်တွေးရင်း ကျွန်တော်လည်း အမေနှင့် ဖုန်းအပြတ်မှာ ငိုမိသေးသည်။

အဖေက သူ့အဖေ ဆုံးတော့မှာမို့ ငိုခြင်းဖြစ်သည်။ ကျွန်တော်ကတော့ တခြားအကြောင်းတွေရှိနေသည်။ အဘအိမ်မှာနေစဉ်က ကျွန်တော့်အလုပ်အကိုင် သိပ်အဆင်ပြေလှသည် မဟုတ်။ သည်တော့ အဖေတို့ အိမ်မှာ တင်ကျွေးထားရုံနှင့် ကျွန်တော်တို့ အနေသာကြီး ဆိုသည့် သဘောမျိုးဖြင့် စကားပြောရုံသာ တတ်နိုင်ခဲ့သည်။ သည်တုန်းက အဘကျန်းမာရေးကလည်း ဒေါင်ဒေါင်မြည်။ လှစ်ခနဲဆို ဘယ်ရောက် သွားမှန်းမသိအောင် လမ်းကလည်းလျှောက်လိုက်သေး၏။

ယခု ကျွန်တော် အဝေးရောက်၊ ၀င်ငွေလေး နည်းနည်းရပြီဆိုမှ အဘက ကောက်ကာ ငင်ကာ ရောဂါက ကြီးနေတော့သည်။ ပထမတစ်ကြိမ် အိမ်ပြန်စဉ်က အဘ ၀တ်ဖို့ စပို့ရှပ်တစ်ထည် ၀ယ်သွားပေးဖူးသည်။ ပက်လက်ကုလားထိုင်မှာထိုင်ရင်း သဘောတွေကျနေတာမြင်တော့ ကျွန်တော်ပြုံးမိသေးသည်။ ပြီးလျှင် သူဝတ်မှာမဟုတ်။ သပ်သပ်ရပ်ရပ်ခေါက်ကာ တစ်နေရာရာမှာ သိမ်းတော့မည်ကို သိနေ၍ပင်။

ပြန်စဉ်းစားတော့ အဘခုလိုဖြစ်ချိန်မှာ ကျွန်တော်က အဝေးမှာ။ ပြီးတော့ နှစ်ဖက်မိဘများမှာ အဘသည် နောက်ဆုံး အဘဖြစ်၏။ ကျွန်တော်တင်ခဲ့သော 'ရာဇ၀င်ထဲက စလွယ်ဝင်အိုး' ဆိုသည့် သီချင်းခံစားမှု ပို့စ်ထဲမှာ ပဲခူးရိုးမ တောင်ခြေက ရွာလေးတစ်ရွာမှာ အဘတို့ အိမ်ထောင်ကျ ခဲ့သည်ဟု ရေးခဲ့ဖူးသည်။ ထိုကစခဲ့သည့် ဘ၀များစွာ။ ယခု ကျွန်တော် စင်ကာပူ ရောက်နေလေပြီ။ အဘသည် စင်ကာပူကို ဘာမှန်းသိမှာမဟုတ်။ သူသိသည်က ပဲခူးရိုးမတောင်ခြေက ရွာကလေးကိုဖြစ်သည်။

သို့သော် ထိုရွာကလေးကနေ အဖေတစ်ယောက် ပညာတတ်ကြီးဖြစ်ခဲ့သည်။ ယခု အဖေ့သား၊ အဘမြေး ကျွန်တော်သည် နိုင်ငံခြား ဆိုတာကြီးကို ရောက်ပြီး ငွေရှာနေသည်။ အဘသည် အဖေတို့ ပြုစု စောင့်ရှောက် မှုကို ကျေနပ်စွာ ရရှိ နေ၏။ ကျွန်တော်သည် အဖေတို့ကို စောင့်ရှောက်ရင်း အဘကို သွယ် ၀ိုက် စောင့်ရှောက် နေမိသလို ခံစားရ၏။

ထိုအချိန်ပိုင်းလေးမှာပင် အဘသည် လူ့လောကကြီးကို နှုတ်ဆက်ရတော့မည်တဲ့လား။ ကျွန်တော် သူ့အနားကို ရုတ်တရက် မပြန်နိုင်ခဲ့။ ကျွန်တော်တို့အတွက် ကျေးဇူးရှိသော၊ ကျွန်တော်တို့၏ နောက်ဆုံး အဘ အတွက် ကျွန်တော် တတ်နိုင်တာလေး တစ်ခုတော့ လုပ်ပေးခဲ့သည်။ အဘ လှူချင်တာ လှူ၍ ရအောင် ငွေလှမ်းပို့ပေးခဲ့ပြီး ကျောင်းဆောက်သည့်အထဲ၊ ဘုရားတည်သည့် အထဲ ဒါမှမဟုတ် အဘ စိတ်တိုင်းကျ ဘုန်းကြီး ဆွမ်းကပ်၍ လှူချင်လည်းလှူပါဟု ဆိုကာ လှမ်းပြောခဲ့သည်။ ငယ်သူငယ်ချင်း ဆရာဝန်တစ်ယောက်ကို လှမ်းမေးတော့ Oesophageal CA ဟု ပြောသည်။ တခြားနည်းတွေ ကြိုးစား ဖို့ပြောတော့ မူလကုပေးသည့် ဆရာဝန် ပြောသလို ရှင်းပြခဲ့သည်။ သူ့ကို စိတ်ချမ်းသာသလို ထားဖို့ပဲ ရှိတော့တယ်ဟု ဆိုသည်။ ကျွန်တော်လုပ်ပေးခဲ့သည် ကိုလည်း ကောင်းတာပေါ့ဟု ဆိုသည်။ မည်သို့ဆိုစေ စိတ်ထဲမှာတော့ မကောင်းနိုင်တာ အသေအချာ။

သည်ကြားထဲ တိုက်တိုက်ဆိုင်ဆိုင် မနေ့က ဇနီးသည်၏ အဘိုးနှင့် အဘွား မွေးနေ့ အလှူလုပ်သည်ဟု ကြားတော့ အဘကို ပိုလို့ သတိရမိသေးသည်။ ဇနီးက သူ့အိမ်လွမ်းလို့ ငိုတာတစ်မျိုး။ ကျွန်တော်က အဘကို သတိရပြီး စိတ်မကောင်း ဖြစ်တာက တစ်မျိုးနှင့်။ မနေ့က နေရထိုင်ရ တော်တော်ခက်လှသည်။

နောက်ဆုံးတော့ မနေ့က ကဆုန်လပြည့်နေ့မို့ နေ့ထူးနေ့မြတ်ပါလား ဟုတွေးရင်း စိတ်ဖြေရတော့သည်။ ဟုတ်သည်လေ။ ဂေါတမဘုရား ဗျာဒိတ်ခံသောနေ့၊ ဘုရားဖွားတော်မူသောနေ့၊ ဘုရားဖြစ်တော် မူသောနေ့ နှင့် ဘုရား ပရိနိဗ္ဗာန်စံတော်မူသောနေ့ တို့သည် ထို ကဆုန်လပြည့် တစ်နေ့ထဲမှာ ဖြစ်သည်။ သည်လို ဆင်ခြင်မိတော့ သြော်-ဘုရားရှင်တောင်မှ မွေးဖွားပြီး ပရိနိဗ္ဗာန်ပြုရသေးတာပဲဟု တွေးကာ အဘတို့၊ ငါတို့လို ပုထုဇဉ်တွေ အဖို့ကတော့ ပြောစရာကိုမရှိတော့ပါလား ဟု သုံးသပ်မိတော့၏။

သည်လိုနှင့်ပဲ ဇနီးသည် ဘက်က အဘိုး၊ အဘွားများအတွက်ရော၊ ကျွန်တော့်ဘက်က အဘအတွက်ရော ရည်စူးကာ ကဆုန်လပြည့်နေ့၌ ဆုတစ်ဆု တောင်းခဲ့မိလေသည်။ တခြားတော့မဟုတ်။ ကျွန်တော်တို့ အပေါ်တင်ရှိနေသော ကျေးဇူးတရားများကို ပြန်လည်ပေးဆပ်နိုင်စေဖို့ အဘိုးအဘွားတို့ အားလုံး "အသက်ရာကျော် ရှည်ပါစေ" ဆိုသော ဆုတောင်းလေးပင်။

ကျွန်တော်ကတော့ မြေးတစ်ယောက် အနေနှင့် ရရာ ကောက်ရိုးတစ်မျှင်ကို ဆွဲကြည့်သည့် သဘောပါ။ သို့သော် ကုမရတော့သည့် အဘ အတွက်တော့ ကျွန်တော့် ဆုတောင်းကို မကြားနိုင်တော့သလို အသက်ရာကျော်ဖို့ မပြောနှင့်။ ရှစ်ဆယ့်လေးမှသည် ရှစ်ဆယ့်ငါးတိုင်အောင် ကူးနိုင်တော့မည် မထင်တော့ပါ။

ဘယ်လိုပဲဖြစ်ဖြစ် အဘ လူ့လောကကို မစွန့်ခွာမချင်း၊ ထိုဆုတောင်းလေးကို အမြဲတောင်းနေမိမည်ကတော့ အသေအချာပင်။

"အသက်ရာကျော် ရှည်ပါစေ အဘရေ"

ဆူးသစ်
၂၃:၄၃ နာရီ
၁၈.၀၅.၂၀၁၁

Sunday, May 15, 2011

"အချစ်အတွက် အဓိပ္ပါယ်တစ်ခု"

အချစ်ဆိုသောအရာကို ဘယ်လိုအဓိပ္ပါယ် ဖွင့်ကြပါသနည်း။ စုံနေအောင် ကြားခဲ့ရဖူးသည်။ တကယ်တော့ အားလုံး ကိုယ်ခံစားရသလိုသာ ပြောကြပေလိမ့်မည်။

မည်သို့ပြောပြော ချစ်သူတိုင်းက ချစ်သူတိုင်းကိုတော့ အဆင်ပြေစေချင်ကြပေလိမ့်မည်။ အရာရာသည် ချစ်သူ၏ သဘောထား အတိုင်းသာရှိစေချင်ပေလိမ့်မည်။ သွားလိုကသွား၊ ထားလိုကထားခဲ့နိုင်သည်။ တားချင်သော်လည်း ချစ်သူစိတ်ချမ်းသာမည်ဆိုပါကမတားချင်တော့။သို့သော်ချစ်သူစွန့်ခွာချိန်တွင် သူ့မျက်နှာကို နောက်ဆုံး ဖြစ်ဖြစ် တစ်ခေါက်လောက်တော့ ကြည့်ချင်နေမိသည်။

တကယ်တော့ အချစ်ဆိုသည့်အရာက အချစ်အတွက် သက်သက်သာ ရပ်တည်ခဲ့လေသလား။ တစ်ခါတစ်ရံ၌ အချစ်၏နောက်မှာ ငွေကြေးဆိုသည့်အရာက ကပ်၍ လိုက်ပါလာတတ်သည်ပဲ။ သို့သော် ထိုသို့ သိလိုက်ရချိန်သည် ရင်ကွဲပြီးချိန်ဖြစ်နေသည့်အခါ အရာရာသည် နောက်ကျခဲ့ရလေပြီ။ ထိုအချိန်မျိုး၌ ချစ်သူ၏ စိတ်ချမ်းသာမှုကိုငဲ့၍ ဘာဆိုဘာမှမတောင်းဆိုချင်တော့။ သူစိတ်ချမ်းသာမည်ဆိုပါက ကိုယ့်ဘ၀တစ်ခုလုံးသည် သူ့အတွက်အမြဲရှိနေဦးမည်ပဲ။

အကယ်၍ ချစ်သူအဆင်မပြေသည့်အခါ သူ့ဆီပြန်လာချင်ပါက ပြန်လာနိုင်သေး၏။ ထိုအချိန်တွင်လည်း ချစ်သူအတွက် သူ့ရင်ခွင်က အမြဲအဆင်သင့်ဖြစ်လို့နေဦးမည်။ သို့သော်ချစ်သူမပျော်၍ ထွက်သွားချင်သည့် အခါတွင်လည်း နာကျင်မှုများကိုထား၍ ထွက်သွားနိုင်ပါသေးသည်။ ဘယ်လိုပဲဖြစ်ဖြစ် နောက်ဆုံး သူနားလည်သည်က အချစ်သည် အချစ်အတွက်သာ ဖြစ်၏။ ချစ်သူအတွက် အချစ်သည် အဓိပ္ပါယ် များစွာ ရှိနိုင်သော်ငြား သူ့အတွက်တော့ အချစ်=အချစ်သာဖြစ်၏။

ထိုခံစားမှုမျိုးပါသည့် သီချင်းတစ်ပုဒ်ကို "အစိုင်း" ကရေး၍ "Black Hole " က ဆိုထားသည်။ သီချင်းနာမည်ကိုက "အချစ်=အချစ်" တဲ့။ သူတို့ အဖွဲ့ နာမည်ကြီးခဲ့သော "သနပ်ခါး" သီချင်းထက်ပင် ထိုသီချင်းကို ကျွန်တော်ပိုကြိုက်ခဲ့သည်။ Melody ကိုက မြန်မာကိုယ်ပိုင်သံစဉ်သီချင်းစစ်စစ်ဖြစ်ကြောင်း ၀န်ခံထားသလို ရှိသော်ငြား လှပနေသည်။ စာသားတို့က အချစ်ကိုခံစားတတ်သူတိုင်း ကြိုက်ကြပေမည်။ ကျွန်တော်တို့လို Rhythm ဂစ်တာလေးတီး၍ ညဘက် စိတ်ဖြေတတ်သူများကြားမှာ ထိုသီချင်းလေးက အော်ဟစ် သီဆို၍ ကောင်းလှသည်။ သူတို့ဖွင့်ဆိုချင်သည့် အချစ်၏ အဓိပ္ပါယ်က ကျွန်တော်တို့၏ ရင်ဘတ်များနှင့်ပဲ လာငြိနေသည်လား မပြောတတ်။

မည်သို့ဖြစ်ဖြစ် တေးရေးသူနှင့် တေးဆိုသူများကို ကျေးဇူးတင်မိပြန်ပါ၏။ ။

ဆူးသစ်
၁၂:၀၄နာရီ
၁၅.၀၅.၂၀၁၁


Wednesday, May 11, 2011

"ကျွန်တော်တို့သည်" (၁၆)

ဒုတိယနှစ်၊ ရန်ကုန်စက်မှုတက္ကသိုလ် အကြောင်းပြောလျှင် ဆရာ ဦးအောင်မြင့် ကို ချန်ထား၍ မရ။ ဆရာသည် Chemistry သင်သည်။ Section-C ၏ ပင်တိုင်ဆရာ။ သို့သော် ဒုတိယနှစ် အတန်းအားလုံးမှာ အသင်အပြ ကောင်း၍ နာမည်ကြီး၏။ ထို့ကြောင့် Section-B မှာ တက်သော ကျွန်တော်သည်လည်း ရံဖန်ရံခါ အတန်းအားလျှင် သွားတက်၏။

ဆရာက သင်ရင်းရယ်စရာတွေလည်း ပြောတတ်သည်။ ထို့ကြောင့်လည်း သူ့အတန်းမှာ လူများ တာဖြစ်နိုင်၏။ တစ်ခါတော့ ကျွန်တော် သွားတက် နေစဉ် လူများ၍ အတန်း နောက်က ကျောင်းသားများက "ဆရာ-မကြား ရဘူး " ဟု အော်ကြ၏။ ဆရာက "ဟုတ်လား၊ မကြားရဘူးလား "ဟု ပုံမှန် အသံဖြင့် ပြန်မေး၏။ ကျောင်းသား များကလည်း "ဟုတ်တယ်၊ မကြားရဘူး" ဟု ပြန်ဖြေပြန်၏။ ထိုအခါ ဆရာက "အဲဒါ ကြားရလို့ ဖြေတာ မဟုတ်ဘူးလား "ဆိုမှ ကျွန်တော်တို့အားလုံး ရယ်ရတော့သည်။ သူမေးသည်က စမ်း၍မေးခြင်းဖြစ်သည်။ ကြားမကြားဖြေတာကို နားထောင်ချင်၍ မဟုတ်။ ဆရာသည် တင်္ခဏုပ္ပတိဥာဏ်ရွှင်သည်ဟု ဆို၍ ရသည်။ ထို့ကြောင့်လည်း သူ့အတန်းမှာ လူများ၍ မပျင်းကြခြင်းဖြစ်သည်။

ဆရာကပြောသေးသည်။ "မင်းတို့ Chemistry ကိုသင်ရင် သတိထား။ လျှော့မတွက်နဲ့။ Chemistry မှာ မိုင်းတွေ အများကြီးပဲကွ" တဲ့။ "ဘာမိုင်းလဲ ဆရာ" ဆိုတော့ "အီးမိုင်းတွေကွ "တဲ့။ ကျွန်တော်တို့ရယ်ကြသည်။ ဆရာက "မရယ်နဲ့" တဲ့။ "အကောင်းပြောတာ။ Chemistry မှာ Electron ဆိုတဲ့ အီးမိုင်းတွေကို ရှင်းနိုင်မှ အောင်မယ်" ဟု ဆိုသည်။ ဟုတ်သည်။ ထိုအချိန်က Electron၊ Proton၊ Neutron ဆိုတာတွေ Chemistry မှာ သင်နေရ သေးသည်။ ထိုအရာကို ဆရာက သတိပေးစကားဆို၏။

ပြီးတော့ ဆရာ ပြောသည့်အထဲက မှတ်မိတာ နောက်တစ်ခုရှိသေးသည်။ " မင်းတို့ သတိထားနော်။ စာမေးပွဲ နီးပြီ။ တက္ကသိုလ်တွေအားလုံးထဲမှာ ၄၄ ရောက်တာ မင်းတို့ ကျောင်းတစ်ကျောင်းပဲ ရှိတယ်" တဲ့။ ဒါကိုတော့ ကျွန်တော်တို့ ကျောင်းမှာ တက်ဖူးသူတွေသာ သိကြမည်။ ဟိုစဉ်က စိတ္တဇဆေးရုံ(ယခု စိတ်ကျန်းမာရေးဆေးရုံ)သည်န၀ဒေးလမ်းဆုံမှာရှိ၏။ ထိုနေရာကို ကျွန်တော်တို့ ကျောင်းရှေ့(BPI မှတ်တိုင်)ကိုဖြတ်သော(၄၄)ဒိုင်နာများဖြတ်၏။ကျွန်တော်တို့ ကျောင်းသည် ကျောင်းတက်ရင်း ဂေါက်သည့်
(ရူးသည့်) နေရာတွင် တော်တော် နာမည်ကြီး၏။ စာမေးပွဲနီးလျှင် ထိုသို့ဖြစ်တတ်သည့် အသံတွေ ကြားရစမြဲ။ ထိုအရာကို ဆရာက ရည်ရွယ်၍ ပြောခြင်းဖြစ်သည်။ ထို့ကြောင့် ဆရာပြောပြီးပြီးချင်း ကျွန်တော်တို့ ရယ်ဖြစ်ခဲ့သည်။ (ကျွန်တော်ပို့စ်အဖြစ် တင်ထားသော "ဆေးမမီတဲ့အင်ဂျင်နီယာ" ၀တ္ထုတိုသည် ကျွန်တော်တို့၏ ကျောင်းသားဘ၀ တကယ့် အဖြစ်အပျက်များကို အခြေခံ၍ ရေးထားခြင်းဖြစ်ပါသည်။)

မှတ်မှတ်ရရရှိတာတစ်ခု ထပ်ပြောရလျှင် ပထမနှစ်စာမေးပွဲ ဖြေခါနီး၌ ကျောင်းဝင်းထဲက အဆောင် တစ်ဆောင်မှာ ကျွန်တော်သွားအိပ်ခဲ့ဖူးပါသည်။ ကျွန်တော်နှင့် အတန်းထဲမှာခင်သော ကိုမြင့်ကျော် ဆိုသည့် သူငယ်ချင်းက အဆောင်၏ ကျောင်းသားခန်းမဟုတ်သော အခန်းတစ်ခန်းကို ရခဲ့၍ ထိုအခန်းမှာပင် စာစုကျက်ခဲ့၏။ သည်မှာပဲ ညနေ ထမင်းဆင်းစားစဉ်မှာ တချို့ အစ်ကိုကြီးများ အုတ်ကန်ထဲ ခေါင်းထိုး စိမ်သည်ကိုမြင်ရရာ ဘာလုပ်တာပါလိမ့်ဟု အတွေးပွားခဲ့ဖူး၏။ ကိုမြင့်ကျော်က ဦးနှောက်ဆေးတာလေဆိုမှ စာမေးပွဲနီးရင် သည်လိုလားဟု စဉ်းစားဖြစ်ခဲ့သေးသည်။

တကယ်တော့ ကျောင်းထဲက အဆောင်ဆိုသည်က ပဉ္စမနှစ် နှင့် နောက်ဆုံးနှစ်နှစ်တန်းသာ ထားခြင်းဖြစ်ရာ အတန်းထဲမှာခင်သော ကိုမြင့်ကျော်ကြောင့်သာ သည်လို အတွေ့အကြုံကို ပထမနှစ်မှာပင် သိခဲ့ ရခြင်း ဖြစ်သည်။ ပြီးတော့ စာကြည့်နေရင်း မီးပျက်သွားသောအခါ "မီးဗျို့ ....မီး.......မီး" ဆိုပြီး ထအော်ကာ အခန်းရှေ့က သံတိုင်ကို တဒေါင်ဒေါင်နှင့် ခေါက်ကြသည်ကို ကျွန်တော် မှတ်မိသေး၏။ ကျွန်တော်တို့၏ နောင်တော်များကား ဤသို့ဤနှယ်ပါတကားဟု သိရပေ၏။

ထိုစဉ်က ကျောင်းသားသက်နုသည့် ကျွန်တော်တို့မှာ လန့်လည်းလန့်၊ နောက်မှ အပျော်အော်မှန်းသိ၍ ရယ်ခဲ့ရသေး၏။ ထိုမျှမက သူတို့ရေးထားသော ပေါက်ကရ စာများမှာလည်း ပြုံးချင်စရာ။ မနက်အိပ်ရာထချိန် အခန်းပေါက်မှာ တစ်ယောက်နှင့်တစ်ယောက်မှာခဲ့ပုံများကား သင်းလှ၏။ "ယောက်ဖရေ-ညနေကျ ဂိတ်ပေါက်မှာစောင့်နေနော် " တဲ့။ သည်လိုဖတ်ရလျှင်တော့ အကောင်းသား။ သို့သော် ထိုမျှနှင့် မပြီး။ နောက်က ဆက်ထားတာကြည့်။ "ငုတ်နဲ့ မင်း...နဲ့" တဲ့။

ဆရာ ဦးအောင်မြင့်ပြောသည့် (၄၄) လိုင်းကား အကြောင်းပြန်ပြောရလျှင် ထိုအချိန်က (၄၄) မှာ ဒိုင်နာ ကားများသာ ဖြစ်သည်။ ယခု ကျွန်တော်တို့ တွေ့ရသော အဲကွန်းဘတ်စ်များ မဟုတ်။ န၀ဒေး လမ်းဆုံ မှ တက်လျှင် လူ မနည်းရအောင် တွယ်တက်၍ လိုက်ရ၏။ များသောအားဖြင့် နောက်မြီးမှာ အတွယ်တွေချည်းသာ။ ပထမနှစ်မှာ ဒဂုံက လာသော ကျွန်တော်သည် ကားမရ၍ ရံဖန်ရံခါ အတန်းနောက်ကျရတော့၏။ ထို့ကြောင့် (၄၄) လာလျှင် ထမင်းဘူးကို အရင်ထိုးထည့်၊ ထိုင်နေသူကို လှမ်းပေးပြီး၊ ကားထွက်သည်နှင့် ငါ့ထမင်းဘူးတော့ ပါသွားပြီ၊ လိုက်မှရတော့မည် ဟု တွေးကာ ရရာလူကို ဖက်လိုက်ရတော့သည်။ သည်လိုကျောင်းတက်ခဲ့ရ၏။

ဆရာဦးအောင်မြင့်က ကားမှာ အတွယ်တွေ နောက်မြီးမှာ ပါလာတာများသည်ကို နောက်ဖူးတာလည်း ရှိသေး၏။ "ရန်ကင်း (၁၂) လုံးတန်းဘက်မှာကွ။ စပယ်ယာက အော်တယ်။ ဆရာရေ၊ (၁၂)လုံးတန်း၊ အတွယ် (၆) ယောက်ပါတယ်တဲ့။ ကားပေါ်ကလူတွေက ရယ်တယ်။ ဆရာ သဘောမပေါက်ဘူး။ နောက်မှ ကားနောက်က တွယ်နေတဲ့ ယောကျာ်းလေးတွေ တွေ့ပြီး ရယ်မိတော့တယ်" တဲ့။ စာသင်ရင်း ကျွန်တော်တို့ စိတ်ရွှင်လန်းအောင် အရွှန်းဖောက်ခြင်းပင်။

ကျွန်တော်တို့သည် ဆရာ၊ ဆရာမ တို့၏ စေတနာများဖြင့် ခက်ခဲသော စာများကို ရွှင်လန်းစွာ သင်ယူနိုင်ခဲ့၏။ ကျွန်တော်တို့သည် ထိုခက်ခဲသော စာများကို သင်ယူရင်းမှာပင် တစ်နှစ်ကို တစ်ယောက် ဂေါက်သည်ဟူသော ဘယ်က စထွက်လာမှန်းမသိသည့် အဆို မမှန်စေရေးကိုလည်း အလေးထားခဲ့သူများ ဖြစ်ကြ၏။ ထိုသို့ အလေးထားရာမှ ကျွန်တော်တို့သည် လူနောက်၊ လူပြောင်များ ဖြစ်လာသလား( သို့မဟုတ်) နဂိုကပင် အစအနောက် သန်သူများလား ဆိုသည်ကိုတော့ ကျွန်တော်တို့၏ နောင်တော်ကြီးများက သက်သေထူနိုင်သလို ကျွန်တော်တို့ကိုယ်တိုင်လည်း ကျွန်တော်တို့၏ မှတ်တမ်းများဖြင့် သက်သေထူပြဦးမည် ဖြစ်ပါ၏။ ။

ဆူးသစ်
၂၂:၀၈နာရီ

၁၁.၀၅.၂၀၁၁



Monday, May 9, 2011

"ကျွန်တော့် မှတ်စု" (၁)


+ အလင်းရောင်၏ အမြန်နှုန်းသည် တစ်စက္ကန့်တွင် မိုင်ပေါင်း ၁၈၆၀၀၀မျှ ရှိသည်။ ဤမြန်နှုန်းဖြင့် တစ်နှစ်ခန့်ကြာအောင် သွားရသောခရီးကို အလင်းနှစ်တစ်နှစ်ဟု သတ်မှတ်ကြ၏။ တစ်နာရီတွင် စက္ကန့်ပေါင်း ၃၆၀၀၊ တစ်နေ့တွင် ၂၄ နာရီ၊ တစ်နှစ်လျှင် ၃၆၅ ရက်။ မိုင်ပေါင်း မည်မျှရှိမည်ကို တွက်ကြည့်ကြပါတော့။ ကမ္ဘာနှင့် အနီးဆုံး ကြယ်ပင်လျှင် အလင်းနှစ်ပေါင်းများစွာ ဝေးသေး၏။

အချို့သောကြယ်များသည် ကမ္ဘာမှ အလင်းနှစ်ပေါင်း ၁၀၀ ခန့်မျှဝေး၏။ အချို့က အလင်းနှစ် ၁၀၀၀ခန့် ဝေး၏။ အချို့က အလင်းနှစ် ၃၀၀၀ခန့် ဝေး၏။

[ ဟက်ကာ- အပေါ်စီးက ကြည့်တော့။ ရွှေမြန်မာ ဂျာနယ် (၆၅)၊ ၈.၃.၁၉၉၉]

+ လူတွေကိုးကားလေ့ရှိတဲ့ စကားတစ်ရပ်က လူတိုင်းလူတိုင်းဟာ လူ့ဘ၀သက်တမ်းမှာ ကိုယ်နှစ်သက် စွဲလမ်းခဲ့တဲ့ အသက်အရွယ် အချိန်တစ်ခုမှာ တွယ်ကပ်ခိုအောင်းပြီး အဲဒီအရွယ်မှာ ဆက်လက် နေထိုင်လေ့ရှိတယ်တဲ့။ စိတ်ပညာ ဆရာတို့ရဲ့ လက်စွဲစကားပေါ့ရှင်။

[ကြည်အေး- အင်္ဂလန်၌ကားအမြန်မောင်းခြင်း ဆောင်းပါးမှ]၊ ရွှေအမြုတေမဂ္ဂဇင်း၊ ဇန်န၀ါရီ၊ ၁၉၉၉

+ လူမိုက်သည် သူလုပ်နေသော ယခုအကုသိုလ် အကျိုးမပေးသေးခင် ရှေးကုသိုလ်ကံအရ ကြီးပွား ချမ်းသာနေသည်။ ထိုအကုသိုလ် အကျိုးပေးသောအခါ လွန်စွာ ဆင်းရဲရ၏။ သူတော်ကောင်းသည်လည်း ယခုပြုသော ကုသိုလ်ကံ အကျိုးမပေးသေးမီ ရှေးကုသိုလ်ကြောင့်ဆင်းရဲနေရ၏။ ထိုကုသိုလ် အကျိုး ပေးသောအခါ များစွာ ချမ်းသာရသည်။

ဂေါတမ ဗုဒ္ဓ ( ဓမ္မပဒ )


Saturday, May 7, 2011

" နိုင်ငံခြားသား..... နိုင်ငံခြားသား"


သည်နေ့ ၇.၅.၂၀၁၁ သည် စင်ကာပူ၌ Polling Day ( လူထုသဘောထားမေးမြန်းခံယူသည့်နေ့) ဖြစ်သည်။ တည့်တည့်ဆိုရလျှင် ဆန္ဒမဲပေးသည့်နေ့ဖြစ်သည်။

သူတို့တစ်တွေ သည်နေ့မတိုင်ခင်ကတည်းက မဲတွေဆွယ်နေကြသည်။ မဲဆွယ်တာက ပြဿနာမရှိ။ ဆွယ်သည့် သူတိုင်း၏ ပါးစပ်ဖျားမှာ မပါမဖြစ် အကြောင်းအရာက နိုင်ငံခြားသား(Foreigner) ကိစ္စ။ ပါတီတွေကလည်း များသား။ PAP, Reform, Worker စသဖြင့်ရှိကြ၏။ ကျွန်တော် အကုန်တော့မသိ။ လမ်းထောင့်တွေ၊ တိုင်တွေမှာတော့ PAP နှင့် Reform ပါတီတို့၏ ကြော်ငြာဆိုင်းဘုတ်များက နေရာယူထားတာ များ၏။ ကျွန်တော်နှင့် ဇနီး ပါရမီဖြည့်ဖက်လေး ဈေးသွားချိန်တွင်ပင် Reform ပါတီမှ ကားနှင့် လှည့်နေတာတိုးပြီး တရုတ်မကြီးက ကားရှေ့ခန်းက လက်တွေ၊ ဘာတွေ ပြသွားသည်။ ကျွန်တော်တို့လင်မယားက မျက်မှန်သမားတွေမို့ စလုံးတွေဟု ထင်သွားပုံရသည်။ သူ့နိုင်ငံနှင့် သူ့နိုင်ငံသားဆိုလျှင်တော့ ဟုတ်မည်ပေါ့။ ကျွန်တော်တို့ကတော့ ရယ်နေမိသည်။

Singaporean ခံပြီးသား ငယ်သူငယ်ချင်းနှင့် တွေ့တော့ သည်နှစ် ပြိုင်ဆိုင်မှုက ပို၍ ပြင်းထန်ကြောင်း သိရသည်။ (၈၇) နေရာကို အပြည့် ၀င်ပြိုင်မည်တဲ့။ သူတို့နေသည့် နေရာမှာပင် ဒုဝန်ကြီးချုပ် ကိုယ်တိုင် ဆင်းပြိုင်မှာဖြစ်သည်တဲ့။ ဒုဝန်ကြီးချုပ်အရင် ပြိုင်နေကျနေရာကို သူ့မိန်းမကို ထားခဲ့ရသည်တဲ့။

မည်သို့ဖြစ်ဖြစ် ကျွန်တော်စိတ်ဝင်စားမိသည်က သူတို့မဲဆွယ်သည့်အခါ ပြောနေသည့် နိုင်ငံခြားသားကိစ္စ။ ကျွန်တော်တို့နှင့် တိုက်ရိုက်ကြီးဆိုင်နေသည်ကိုး။ သည်လိုမဲဆွယ်သည့်သူများကြား အသက်(၂၄)နှစ် အရွယ် Nicole Seah ဆိုသည့် ကောင်မလေး ပြောတာတွေ msn မှာ ဖတ်ရတာ ရင်မောရသည်။ သူက သူနိုင်လျှင် နိုင်ငံခြားသား ကိစ္စ ကိုင်မည်တဲ့။ ဟုတ်ကဲ့-ကိုင်ပါခင်ဗျာ။ သူငယ်ငယ်က MRT စီးလျှင် အားလုံး Singaporean တွေချည်းတွေ့ရသည်တဲ့။ ယခုတော့ ရထားပေါ်မှာ နိုင်ငံခြားသားတွေချည်းသာ တွေ့ရပြီး သူ့ကိုယ်သူ ပတ်စ်ပို့ မပါဘဲ သွားနေရသည့် နိုင်ငံခြားသားလို ခံစားရသည်တဲ့။ ကျွန်တော်တော်တော်သနားသွားသည်။ သူ့နိုင်ငံဆိုတော့ တော်တော် ခံစားရပေမည်။

ပြီးတော့ နောက်တစ်ယောက်က ပြောသေးသည်။ သူတို့နိုင်ငံသားတွေ အလုပ်လက်မဲ့တွေများလာတာ နိုင်ငံခြားသားတွေများလာလို့တဲ့။ ညောင်ဦးကမ်းပါးပြိုတာနဲ့ စမ္ပာနဂိုက နွားမကြီးပေါင်ကျိုးတဲ့သဘောလားဟု ကျွန်တော်တွေးမိသည်။ သူပြောသည်က အလုပ်သုံးနေရာမှာ တစ်နေရာက နိုင်ငံခြားသားဖြစ်လို့နေသည်တဲ့။ ကျွန်တော်နှင့် ငယ်သူငယ်ချင်းဆွေးနွေးမိသလို ပြောရလျှင် ကျွန်တော်တို့နှင့် သူတို့ ပြိုင်မတိုးနိုင်လျှင် သူတို့ညံ့လို့ပဲ ဖြစ်လိမ့်မည်။ ဒါတောင် သူတို့က မွေးကတည်းက E ကို ပြောလာကြသူများ ဖြစ်သည်။

(၂၄)နှစ် သမီးလေးကိုလည်း အခွင့်ရလျှင် ရှင်းပြချင်မိသည်။ သူတို့ စင်ကာပူဆိုသည်က Immigrant ဆိုသော နိုင်ငံခြားတိုင်းပြည်မှ ရွှေ့ပြောင်းလာရောက်နေထိုင်သူများနှင့် စခဲ့ရတာဟုတ်မဟုတ် မေးချင်မိသည်။ သူ မတွေးတတ်လို့သာ ရှိမည်။ သူ့ရှေ့က လီကွမ်ယူ၊ ဂိုချောက်တောင် နှင့် လီရှန်လွန်း တို့ Foreigner တွေ အဘယ်ကြောင့် လက်ခံခဲ့ရသနည်း။ တစ်ခုပဲရှိသည်။ ပမာဏ များလာတာမကြိုက်လျှင် လျှော့ပစ်ချင် လျှော့ပစ်နိုင်သည်။ နိုင်ငံခြားသားလက်ခံတာခြင်း အတူတူ ဥရောပတို့၊ အမေရိကတို့သာ လက်ခံမည် ဟုလည်းကြားရသည်။ သည်လိုဆိုလျှင်လည်း ထိုအဖြူကောင်များ တကယ်လုပ်မလုပ် မေးကြည့်ချင်မိသည်။

အရှေ့တောင်အာရှနိုင်ငံတွေက လူတွေသာ ဆောက်လုပ်ရေးမှာ အောက်ခြေအလုပ်လုပ်နိုင်တာဖြစ်သည်။ စလုံးမှာ တည်ဆောက်ရေးတွေရှိနေသမျှ အရှေ့တောင်အာရှ၊ တောင်အာရှနိုင်ငံတွေ အလုပ်ရနေမှာမလွဲ။ စလုံးနိုင်ငံသားမှန်လျှင် နေပူထဲမထွက်၊ အချိန်ပို မလုပ်၊ စနေမဆင်းဟု ခံယူထားသလား ဆိုရလောက်အောင် ကျွန်တော်တွေ့ဖူးနေသည်ပဲ။ အဖြူကောင်တွေက မြေပေါက်ပါ့မလား။ သည်တော့ (၂၄)နှစ် သမီးလေး မဲရဖို့ ဆွယ်သည်က ကျွန်တော့်အတွက်ရယ်စရာ ကောင်းနေသည်။ ကျွန်တော်တို့လုပ်ငန်းခွင်မှာပင် စလုံး ဆိုသည်က လက်ချိုးရေတွက်၍ ရနေသည်လေ။ လုပ်ကွက်တစ်ခုလုံးမှာ ကျွန်တော်တို့လို အာရှက နိုင်ငံခြားသားတွေသာ များလှ၏။ ကျွန်တော်ရှေ့ကရေးခဲ့သော ပို့စ်များ ဖတ်ကြည့်လျှင်ပင် နိုင်ငံခြားသား မည်မျှ များကြောင်းသိနိုင်သည်။

သို့သော်ဘယ်လိုပဲဖြစ်ဖြစ် မဲဆွယ်ကောင်းသောသူမက Face Book မှာ လီကွမ်ယူ နောက်က ပြည်သူကြိုက် ဒုတိယ နိုင်ငံရေးသမားဖြစ်လို့နေသည်။ သည်နေ့ သူနိုင်ခဲ့လျှင် နိုင်ငံခြားသားတွေတော့ မျက်ခုံးလှုပ်ရပေမည်။ ကျွန်တော်ကတော့ ငယ်သူငယ်ချင်းနှင့် ရယ်ပွဲဖွဲ့ရင်း ပြောခဲ့မိသေးသည်။ ပြန်ဆိုလျှင်တော့ ပြန်ရမည်ပေါ့။ သူတို့က တစ်စိတ်ရှိ နိုင်ငံခြားသားသာ မျက်စောင်းထိုးနေသည်ကိုး။

ပြန်ရမှာကိုတော့ ကျွန်တော် မကြောက်။ ကိုယ့်ပြည်ကိုယ့်ရွာ ပြန်ရသည်က ပျော်စရာ။ ငွေအရတော့ နည်းသွားပေမည်။ သို့သော် သူများနိုင်ငံမှာ သူများမျက်စောင်းထိုးတာနှင့် ပြာကျရမလို ဖြစ်နေသည့် ဘ၀ထက်စာလျှင် ကိုယ့်နေရာ ကိုယ့်ဒေသက ပိုကောင်းပေမည်။ သူတို့မဲဆွယ်သည့် အဓိက အကြောင်းက နိုင်ငံခြားသား ကိစ္စဖြစ်နေသရွေ့ ကျွန်တော်တို့နေရတာ မျက်နှာတော့ တော်တော်ငယ်ရသည်။ ကိုယ့်အရပ် ကိုယ့်ဌာနေဆို ဘယ်သူ့မှ ဂရုစိုက်စရာမရှိ။ သည်တော့ နေခွင့်ရသရွေ့နေပြီး အချိန်တန် အိမ်ပြန်ရမည်ဟုသာ စိတ်ပိုင်းဖြတ်ထားမိသည်။

ကျွန်တော့်ထက် စိတ်ပြတ်သူတွေကတော့ စလုံး နိုင်ငံသားခံ၍ နေနိုင်ကြသည်။ ကျွန်တော်ကတော့ ဘယ်တော့မျှ သူတို့ နိုင်ငံသားခံမည်မဟုတ်။

သူတို့ကလည်း မဲသာဆွယ်နေသည်။ ရယ်တော့ ရယ်ရသည်။ စင်ပေါ်က လူက နိုင်ငံခြားသား အကြောင်း ပြောနေချိန်၊ အောက်မှာ စာရွက်ဝေဖို့ ကူနေသည်က ကုလားတွေ။ သည်တော့ သူတို့၏ နိုင်ငံခြားသား ဓာတ်ပြားကလည်း ဘယ်တော့ဆုံးမည်မသိ။ ယခု ဤစာရေးနေချိန်မှာ မဲရုံတွေ ပိတ်လောက်ပြီ။ ဘယ်သူနိုင်နိုင် နိုင်ငံခြားသားဆိုသည်က သူတို့မဲဆွယ်ဖို့အတွက် သားကောင်ဖြစ်လို့နေဦးမည်ဖြစ်သည်။ ကျွန်တော့် အတွက်တော့ သူတို့ရွေးကောက်ပွဲ ရလဒ်က မနက်ဖြန်ကန်မည့် မန်ယူ-ချယ်လ်ဆီး ပွဲလောက် စိတ်ဝင်စားဖို့မကောင်း။

သို့သော် သူတို့ထိုသို့ ပြောကြ၊ ဆိုကြသည့်အခါ၌ မခံချင်စိတ်ကတော့ ဖြစ်လာသည်။ ထို့ကြောင့်လည်း သည်လိုစာကို ချရေးဖြစ်တာဖြစ်သည်။ ကျေးဇူးတော့တင်မိ၏။ သူတို့က နိုင်ငံခြားသားအကြောင်း ပြောလေ၊ ကိုယ့်နိုင်ငံကိုယ် ပိုချစ်လေဆိုတာမျိုး ဖြစ်ဖြစ်သွားသည်။ ပြီးတော့ သည်နေ့ သူတို့ ဆန္ဒခံယူသည့်နေ့မို့ ကျွန်တော်တို့ အလုပ်နားရသည်။ စနေကို ရုံးပိတ်ရက် သတ်မှတ်၍ နောက်ထပ်ပိတ်ရက် တစ်ရက်ကလည်း အစားပြန်ရလိုက်သေးသည်။ ထိုအတွက် သူတို့ ဘာတွေပြောပြော ခုလို ပိတ်ရက်ကလေး ဆက်တိုက်ကြုံရ၍ နိုင်ငံခြားသား.......နိုင်ငံခြားသားဟု သူတို့ အော်နေသည့်ကြား စိတ်ပျက်ရင်း ကျေးဇူးလည်း တင်နေမိပြန် သေးသည်။ ။

သားလတ်
၂၀:၂၅နာရီ
၇.၅.၂၀၁၁


Wednesday, May 4, 2011

"ဘာကြောင့်စာဖတ်သလဲ"


ကျွန်တော်လူမှန်းသိတတ်စအရွယ်မှာ စာအုပ်တွေ နည်းနည်းဖတ်ခဲ့ဖူးပါသည်။ ငယ်စဉ်ကာလ ကလေးဘ၀ အရွယ်တုန်းက ရွှေသွေး၊ တေဇ၊ မိုးသောက်ပန်း စသည့် ကလေးစာပေတွေဖတ်ပြီး ကြီးပြင်းခဲ့ရာမှ လူပျိုပေါက်အရွယ်ရောက်တော့ အချစ်ဝတ္ထုတွေ ဖတ်ရတာ အရသာတွေ့လာသည်။ အိမ်မှာ အချစ်ဝတ္ထုတွေများစွာရှိ၍ အချိန်ရလျှင်ရသလို ဖတ်ခဲ့သည်။ တက္ကသိုလ်တက်ပြီး ပထမနှစ်၊ ဒုတိယနှစ်တိုင်အောင် အချစ်ဝတ္ထုတွေကို ဖြတ်မရခဲ့။

ရံဖန်ရံခါ၌ အချစ်ဝတ္ထုတွေဖတ်ရင်း တခြား သုတစာအုပ်များ၊ တက်ကျမ်းများကို ရသလောက် ဖတ်မိခဲ့ပြန်သည်။ နောက်ပိုင်းကျတော့ လုံးချင်းဝတ္ထုတွေမှာ စိတ်ကမပါတော့ဘဲ တက်ကျမ်းများ၊ သုတစာအုပ်များသာ ဖတ်ချင်လာတော့သည်။ သို့သော် ရှေးခေတ်စာရေးဆရာကြီးများ၏ နာမည်ကျော် ၀တ္ထုရှည်များ၊ ၀တ္ထုတိုများ၊ ဆောင်းပါးများကိုတော့ တွေ့သည့်အခါတိုင်း သေသေချာချာကို ဖတ်ခဲ့မိသည်။

ယခု ဘွဲ့ရ၍ အလုပ်ပင်ဝင်လေပြီ။ အရွယ်အရ လူငယ်သာရှိသေးသည်။ စာဖတ်အားကောင်းသူ မဟုတ်သော်ငြား စုံသင့်သလောက်တော့ စုံအောင်ဖတ်ခဲ့ပြီးပြီဟု နားလည်နေမိသည်။ ထိုအခါ ကျွန်တော့်ခေါင်းထဲ အတွေးတစ်ခု ၀င်လာ၏။ "ဘာကြောင့် စာဖတ်သလဲ" ဆိုသော အတွေး။ အမှန်က မေးခွန်းတစ်ခုဖြစ်သည်။

တွေးကြည့်ပါ။ ကကြီး ခခွေး ရေးတတ်၊ဖတ်တတ်ပြီဆိုသည့် အချိန်ကတည်းက ကျွန်တော်တို့ အသက်ရှင် ရပ်တည်နေချိန် သည်နေ့အထိ စာတွေဖတ်ခဲ့ကြသည်။ ကျောင်းဖတ်စာအုပ်ထဲက စာတွေ၊ ပြင်ပက စာတွေကို စာဖတ်တတ်ချိန်ကတည်းက နည်းနည်းချင်းစီတော့ ဖတ်ခဲ့ပြီးကြပြီ။ ဘာကြောင့် စာဖတ်သလဲ။

အတန်းထဲက စာတွေက ကျွန်တော်တို့ အသိဥာဏ်တွေကို တစ်ဆင့်ချင်းမြှင့်တင်ပေးပြီး ဘ၀မှာ အသက်မွေးဖို့ လမ်းကြောင်းလေးတွေ ချပေးခဲ့သည်။ အပြင်ဘက်က စာတွေကတော့ အတန်းထဲက မရနိုင်သော ရသများ၊ ဗဟုသုတများကို ထပ်လောင်းဖြည့်ဆည်းပေးတာမျိုး ဖြစ်သည်။ ဒါဖြင့် ကျွန်တော်တို့ စာဖတ်သည်က ဦးနှောက်ထဲမှာ အသိဥာဏ်တွေ ပြည့်နေဖို့ ဖြစ်နေသည်။ စင်စစ် ထိုအရာသည် လက်တွေ့ကျသောအဖြေ မဟုတ်ပါ။ သူ့နောက်ကွယ်မှာ အဖြေတစ်ခု ရှိပါသေးသည်။

ဤနေရာ၌ အလျဉ်းသင့်၍ ကျွန်တော် စာဖတ်ရင်း တွေ့ကြုံခံစားရတာတွေကို ဖောက်သည်ချချင်ပါသည်။

ကျွန်တော် အပြင်စာတွေ စဖတ်စက ကိုယ်မသိသေးတာ တစ်ခုကို စာထဲက သိလိုက်ရလျှင် အလွန်ပျော်တတ် ပါသည်။ Iron Cross တီးဝိုင်းကို ဘာကြောင့် သူရဲကောင်းလေးများဟု ခေါ်ရသလဲဟု စဉ်းစားမရခင်က "ဆရာ လင်းယုန်မောင်မောင်"၏ "ဟစ်တလာ"စာအုပ်မှာ ဟစ်တလာ ရသော ဆုများသည် Iron Cross Second Class (တပ်သားကျော် ဒုတိယအဆင့်)၊ Iron Cross First Class (တပ်သားကျော် ပထမအဆင့်) ဖြစ်ပြီး ထိုဆုများသည် သာမန် တပ်သား၊ တပ်ကြပ်များ ရခဲ၍ မြေပြင်မှာ ထူးချွန်စွာ စွမ်းဆောင်နိုင်မှ ရသည်ဖြစ်ရာ သူရဲကောင်းသဖွယ် ပေးအပ်ခြင်းဖြစ်သည်ကို ဖတ်ရှုလိုက်ရတော့မှ Iron Cross တီးဝိုင်းကို သူရဲကောင်းလေးများဟု ခေါ်တာ နားလည်ရင်း ၀မ်းသာခဲ့ရလေသည်။

ထို့ပြင် "မာရဇ္ဇ" ဆိုသော အဆိုတော်နာမည်ကို ဘယ်မှာတွေ့ဖူးပါလိမ့်ဟု စဉ်းစားရင်း ရာမ၊ လက္ခဏ ဇာတ်တော် ထဲက ဒဿဂီရိ၏ ဦးရီးတော် "မာရဇ္ဇ"ကို "ဆရာချစ်ဦးညို"၏ "လင်္ကာဒီပချစ်သူ" ၀တ္ထုပြန်ဖတ်ရင်း တွေ့မိမှ အသံအမျိုးမျိုး ပြောင်းလဲတတ်သော ပညာရှင်ဦးရီးတော် မာရဇ္ဖ၏ အမည်ကို အစွဲပြု၍ မှည့်ဖွယ်ရှိသည်ဟု ကောက်ချက်ချကာ နားလည် ကျေနပ်ခဲ့မိသည်။ မာရဇ္ဖကိုယ်တိုင်ကလည်း ၀န်ခံခဲ့သည်ဟု သိရပါသည်။

တစ်ဖန် ဆရာစိုင်းခမ်းလိတ်ရေး၍ စိုင်းထီးဆိုင် ဆိုထားသော "ခြင်္သေ့လည်ပြန်" သီချင်းခေါင်းစဉ်ကို ယခု နောက်ပိုင်း ထုတ်သော သီချင်းစာအုပ်တွေမှာ "ခြင်္သေ့လည်ပြန်"ဟုသာ တွေ့ရပြီး ဟိုစဉ်က စာအုပ်ဟောင်းတွေမှာ "ခြင်္သေ့လည်ပြန်" (သို့) "ပြန်ညှိရမယ့်ကာရန်" ဟု ဖော်ပြထားရာ ဘာအဓိပ္ပာယ်နှင့် သည်ခေါင်းစဉ်ကြီးတွေ ပေးပါလိမ့်ဟု စဉ်းစားမရ ဖြစ်ခဲ့ဖူး၏။ နောက်မှ ဖျာပုံမြို့၊ နိုင်ငံတော် တန်းမြင့်ကျောင်း အထက်တန်း မြန်မာစာပြ ဆရာကြီး ဦးဘိုးငွေ ရေးသည့် တန်းမြင့် ကဗျာဖွဲ့နည်း ကျမ်းတွင် "လွမ်းချင်းစပ်နည်း"၌ "ပြန်ဂဟပ်" ကာရန်ယူပုံကို "ခြင်္သေ့လည်ပြန်"ဟု ခေါ်ကြောင်း၊ ပြန်ဂဟပ် ကာရန်ယူပုံ ဆိုသည်မှာ ကာရန်တစ်ခုကို ခံထားပြီးနောက် ထိုကာရန်နှင့် မတူသော ကာရန်သစ်တစ်မျိုးကို ထပ်ယူ၍ မူလက ခံခဲ့သော ကာရန်ကို ပြန်အုပ်ခြင်း ဖြစ်ကြောင်း ဖွင့်ဆိုထားရာ ဆရာစိုင်းခမ်းလိတ်ရေးသော သီချင်းစာသားပါ အိမ်ထောင်ရေးမှာ လင်ယောင်္ကျားက မှားနေ၍ အမှန်မြင်ကာ ပြန်လည်ညှိနှိုင်း ပြုပြင်၍ ကြင်နာတော့မည် ဆိုသည့် အကြောင်းနှင့် "ခြင်္သေ့လည်ပြန်" (သို့) "ပြန်ညှိရမယ့်ကာရန်"ဟု ခေါင်းစဉ် တပ်ထားပုံတို့ ဆက်စပ်၍ ရသွား၏။

အမှန်အတိုင်း ၀န်ခံရလျှင် စကားလုံးတို့၏အဖြေကို မသိခင်က ကိုယ့်ဘာသာ ထင်ရာ မြင်ရာ အဓိပ္ပာယ် ယူခဲ့ဖူး၏။ Iron Cross ကို ဘယ်လိုအဓိပ္ပာယ်ယူရမှန်း မသိသော်လည်း အချင်းချင်းနောက်ပြောင်ကာ Iron က သံ၊ Cross က ကြက်ခြေခတ်၊ သံကြက်ခြေခတ်ဟု ဆိုရင်း ရယ်စရာ လုပ်ခဲ့ကြသည်။ မာရဇ္ဖ ကိုတော့ ဗေဒင်မေး၍ ပေးတာပဲနေမှာဟု တွေးခဲ့ပြီး၊ ခြင်္သေ့လည်ပြန်ကိုတော့ ဆရာစိုင်းခမ်းလိတ်နှင့် စိုင်းထီးဆိုင်က သူတို့ကိုယ်သူတို့ ခြင်္သေ့ကြီးတွေဟု တင်စားကာ သူတို့ဖြတ်သန်းခဲ့ရသည့် ခရီးကို လည်ပြန်လှည့်ကြည့်တာ နေမည်ဟု ပေါ့ပေါ့ပဲ တွေးခဲ့၏။

သည်တော့ စာမဖတ်ခင်က ရှိ်သည့်အသိနှင့် စာဖတ်ပြီးမှ ရလာသောအသိက ရယ်စရာကောင်းလောက်အောင် ကွာခြားနေတာ တွေ့ရသည်။ သို့သော် သည်စကားလုံးတွေ က လောလောဆယ် လူသိများနေသော စကားလုံးတွေ ဖြစ်ပြီး နောက်ကွယ်မှာ အဓိပ္ပာယ် တစ်ခု ရှိသည်ဟု ထင်မြင်ခဲ့ရာမှ သိရှိလာရသော စကားလုံးတွေ ဖြစ်သည်။ ယခု နောက်ပိုင်း အသုံးနည်း လာပြီး နောက်ကွယ်မှာ အဓိပ္ပာယ်မရှိဘူးဟု ထင်ခဲ့ပြီးမှ စာဖတ်ရင်း အဓိပ္ပာယ်တွေ သိလာရသည့် စကားလုံးတွေလည်း ရှိပါသေးသည်။ ဥပမာ "အလွန်ချာသူ"၊ "ဗိုင်းနာမ" စသည့် စကားလုံးတို့သည် ကျွန်တော်တို့ သည်ဘက်ခေတ်မှာ ရံဖန်ရံခါ၌ "တော်တော်ချာတဲ့ကောင်ကွာ"ဟု လူကြီးတွေ ပြောသည့်အခါ၊ "ဗိုင်းနာမ"ဟု အရပ်ထဲမှာ ဆိုကြသည့် အခါမှသာ ကြားရသည့် စကားလုံးများ ဖြစ်သည်။

ရှေးခေတ်မြန်မာယောင်္ကျားများ ဆေးမင်ကြောင် အထိုးခံစဉ်၊ အော်သည်၊ သည်းသည်၊ အံကြိတ်ခံသည်ဆိုလျှင် အပျိုတွေက ကွမ်းပေး၍ အနားမှာရှိသော အတီးသမားများကို မျောက်မင်းအူသံ ကဲ့သို့သော ငိုညည်းသံအစစ်ကို တီးပေးခိုင်းရာ မျောက်မင်းအူသံ အစစ်အစား "အချာပ၀ရ" ချီသော ဘုန်းတော်ဘွဲ့ကို တမင်ဖျက်၍ တီးပေးရ၏။ ခဏခဏ စုတ်ထိုးတတ်သူ၊ သည်းတတ်သူဖြစ်က အတီးသမားများ ခဏခဏ "အချာပ၀ရ" လုပ်ရရာ၊ ခဏခဏ ချာရသူ၊ အလွန်ချာသူ ဖြစ်လာ၏။ ဒါကိုပင် အစွဲပြုကာ အလွန်ချာသူဟု ဆိုခဲ့ကြောင်း ဆရာကြီး "ရန်ကုန်ဘဆွေ"၏ "မြန်မာပြည်သား" စာအုပ်ထဲမှာ ဖတ်ဖူးပြီး သတ္တိနည်းသူကို ဆိုခဲ့ရာမှ ယခုအခါ အရည်အသွေးညံ့သူကို ချာသည့်လူဟု ဆိုနေကြကြောင်း တွေးတော မှတ်ချက်ချနိုင်ခဲ့လေသည်။

တစ်ဖန် ရှေးခေတ် အပျိုလေးတို့ ၀ဲလင်းဆောင် (အိမ်မ၏ရှေ့၌ အမိုးတစ်ဆင့်ပြု၍ ထုတ်ထားသော ဘေးနှစ်ဖက်အကာနှင့် ခေါင်ပါသည့် မြေစိုက်အဆောင်၊ အိမ်သုံးပစ္စည်း၊ လယ်ယာသုံးပစ္စည်းများလည်း ထားသည့် အဆောင်)၌ ဗိုင်းငင်ရင်း လူပျိုကလေးတွေကို ဧည့်ခံ၍ စကားထာဝှက်ဥာဏ်စမ်းကြရာမှ ထူလွန်း၊ ထိုင်းလွန်း၊ အလွန်း၊ ညံ့ဖျင်းလွန်းသောကြောင့် မည်သည့် ကာလသားကမှ မကြိုက်နိုင်ကြဘဲ စွန့်ပစ်သွားကြ သဖြင့် ဗိုင်းငင်သောအလုပ်ခွင်၌ နာခဲ့ရ၍ "ဗိုင်းနာမ" ဖြစ်တော့မည်ဟု မိမိဘာသာ ရည်ညွှန်းကာ ထိုဘ၀မှ လွတ်မြောက်ရန် စကားထာဝှက်ပါတော့မည်ဆို၍ စကားထာဝှက်ခဲ့ရသည်ဟု ထို "မြန်မာပြည်သား" စာအုပ်မှာပင် ဖတ်ခဲ့ရပြန်ရာ သည်ဘက်ခေတ်၌ ဆဲရေးသည်ဟု ယူဆသော အယူမှာ မှားယွင်းနေကြောင်း နားလည်ခဲ့ရပြန်သည်။

အလျဉ်းသင့်၍ ကျွန်တော်သိထားသော စကားလုံးလေးတွေကို ဖောက်သည်ချရခြင်း ဖြစ်ပါသည်။ ကျွန်တော် အဓိက ဆိုလိုချင်သည်က စာနည်းနည်းဖတ်လျှင် နည်းနည်းသိသည်။ များများဖတ်လျှင် များများသိသည်ဟု နားလည်စေရန် ဖြစ်သည်။ ထိုသို့သိရာ၌ မိမိဗဟုသုတ တိုးပွားလာသလို၊ ရမ်းသန်း၍ ထင်နေသော အထင်များလည်းေ၀၀ါးရာမှ ကြည်လင်ပြတ်သားလာ၏။ အသိဥာဏ်မြင့်မားလာသည်ဟုဆိုလျှင်လည်း ရသည်။ ပြီးတော့ မိမိသိထားသော အသိတစ်ခုကို ပြန်လည် အသုံးချနိုင်လာ၏။ များများဖတ်သူက များများသိထားရာ ရှေ့က သူတို့သိခဲ့သမျှ အသုံးချပြထားသည်ကို ကျွန်တော်တို့လို နည်းနည်းသိသူများက ရှာဖွေလေ့လာရ၏။ သူတို့နည်းတူ သိလာရသောအခါ ကျေနပ်ပျော်ရွှင်ရ၏။

သို့သော် စာဖတ်ခြင်းသည် သိနိုင်သမျှ သိအောင်၊ သိလာသမျှကို ကျေနပ်ပျော်ရွှင်မှု ခံစားရအောင် ဖတ်ခြင်းမျိုး မဟုတ်တာလည်း စာဖတ်သူ ကျွန်တော်တို့ သိနားလည်လာပြန်ပါသည်။ ဒါဖြင့် ဘာကြောင့် စာဖတ်သလဲ။

စာတွေက မျိုးစုံရှိသည်။ အကြောင်းအရာ မျိုးစုံပါသည်။ ကဏ္ဍ များစွာရှိသည်။ ငယ်စဉ်မှ သေသည့် တိုင်အောင်လည်း စာတွေဖတ်ခဲ့ ၊ဖတ်ဆ၊ဲ ဖတ်ကြရဦးမည်။ သေချာသည်ကတော့ စာထဲက တစ်ခုခုကို လိုချင်၍ ဖတ်တာ ထင်ရှားသည်။ အပျင်းပြေဖတ်ဖတ်၊ ရည်ရွယ်၍ ဖတ်ဖတ် တစ်ခုခုကို လိုချင်၍ ဖတ်တာဖြစ်သည်။ ဘာခံစားရမလဲ၊ ဘာတွေ ဗဟုသုတ ရမလဲ၊ ဘယ်သူ့အကြောင်းတွေ သိရမလဲဆိုသည့် အတွေးမျိုးနှင့် ဖတ်တာဖြစ်သည်။ မဖတ်ခင်နှင့် ဖတ်နေဆဲမှာတော့ သည်အတွေးမရှိ။ ရှိလျှင်လည်း စာဖတ်ပြီး ဘာမှမရ။ အဘယ်ကြောင့်ဆိုသော် ဘာရမလဲဆိုသော အတွေးကြီးက လွှမ်းမိုးနေလျှင် တကယ်ဖတ်လျှင် ဘာမှမရတော့တာ ကျွန်တော့်ကိုယ်တွေ့ သိခဲ့ဖူးသည်။

စာကို စာလိုဖတ်၊ ပြီးမှ တွေးတောဆင်ခြင်၊ သည်လိုလုပ်မှ စာရေးသူ၏ အာဘော်ကို ကျက်မိကာ နောက်ဆို သူ့စာပဲ ဖတ်တော့မည်ဆိုပြီး စာကို ရွေးဖတ်ကာ၊ ဘာမရလဲဆိုသည့် မေးခွန်းကို ဖြေပြီးသားဖြစ် သွားတတ်သည်။ စာရေးသူပေးတာနှင့် မိမိလိုချင်တာ ကိုက်ပြီဆိုလျှင် ဘယ်သူက ဘာကို ဖတ်ပါဟု ပြောစရာမလိုတော့။ စာကို စုံအောင် ဖတ်ပါတို့၊ ရွေးဖတ်ပါတို့ ဆိုသော စကားတွေကို နားမ၀င်တော့။ ကိုယ့်ဘာသာ သိလာသည်။ ဘယ်သူက ဘာတွေရေး၍ ဘာတွေပေးနေသည်။ ဘယ်စာအုပ်ဖတ်လျှင် အကျိုးမရှိ။ သည်လိုသိသွားပြီး စာထဲက ဘာရမလဲဆိုသော အတွေးက အလိုလိုပျောက်သွားသည်။ တကယ်ရတာကိုတောင် ခံစားမိနေပြီမဟုတ်လား။ ဒါဖြင့် စာဖတ်ခြင်းသည် သိချင်၊ တတ်ချင်၍ ဖတ်သည်၊ တစ်နည်းအားဖြင့်ဆိုရလျှင် ကျွန်တော်ရှေ့မှာ ဆိုခဲ့သလို ဦးနှောက်ထဲမှာ အသိဥာဏ်တွေ ပြည့်နေဖို့ ဖတ်တာမျိုးဖြစ်သည်ဟု ဆိုရဦးမည်။ သို့သော် အသိ ဥာဏ်တွေ ဖြည်းဖြည်းချင်း ဖြည့်နေတာ ဘာလုပ်ဖို့လဲ တွေးကြည့်ပါ။ စာရေးဆရာဆိုလျှင်တော့ ဗဟုသုတ ပြည့်လေ ကောင်းလေမို့ သူ့ဘာသာ သူတော့ အကျိုးရှိပေလိမ့်မည်။ တခြားလူအတွက်ကျတော့ ထိုသို့မဟုတ်။ ဗဟုသုတတွေရ၊ အသိဥာဏ်တွေရင့်ကျက်နေခြင်းသည် စာရေးဖို့မဟုတ်။ ပညာရှိ သုခမိန်ကြီးလုပ်ဖို့လည်း မဟုတ်။ ငါတတ်တယ်ကွဟု မော်ကြွားကာ လူရှေ့သူရှေ့ ဟောင်ဖွာဟောင်ဖွာ လုပ်ဖို့လည်း မဟုတ်။ စာအုပ်ဘယ်နှစ်အုပ် ဖတ်ပြီးပါပြီဟု ကြွားချင်၍ စာဖတ်တာလည်းမဟုတ်။

အဓိက က စာဖတ်ပြီး ရလာသော ဗဟုသုတတွေ၊ ရင့်ကျက်လာသော အသိဥာဏ်တွေက ထိုသူကို ပြန်အုပ်ချုပ်ကာ ကိုယ့်ကိုယ်ကို ထိန်းကျောင်းမောင်းနှင်ဖို့ဆိုတာ သွားတွေ့ရသည်။

လူတောထဲမှာ လူတွေနှင့် နေသည်။ အမှားနည်းအောင် ထိန်းကျောင်းသွန်သင်ဖို့ မိဘ၊ ဆရာသမားနှင့် ရဟန်းသံဃာတွေ ရှိသည်။ စာအုပ် ဖတ်လျှင်တော့ ထိုသူတွေက ဘာမျှမပြောလည်း ကိုယ့်ဘာသာ နားလည်သွားသည်။ ဘယ်သူနှင့်ဆို၊ ဘယ်လို နေရမည်။ ဘယ်လို ဆက်ဆံရမည်။ ဘ၀ကို တိုးတက်အောင် ဘယ်လို ကြိုးစားရမည်။ နောက်ဘ၀ကူး ကောင်းစေချင်သည်။ စသည်ဖြင့် စာစုံလျှင် စုံသလို ကိုယ့်ကိုယ်ကို အနည်းနှင့် အများ ထိန်းကျောင်းသွားနိုင်သည်။ တစ်ခုတော့ရှိသည်။ ထိုသို့ဖြစ်ဖို့ စာအုပ်ကောင်းတွေ ပိုဖတ်ဖို့တော့ လိုမည်။ ဒါလည်း ထူးထူးထွေထွေ ဘာမျှ မလုပ်ရ။ စားများများဖတ်လာလျှင် စာအုပ်တွေကပင် မိမိကို လမ်းညွှန်သွားလိမ့်မည်။ "ငါ့ကိုဖတ်ရင် မင်းအချိန်ကုန်တာပေါ့"၊ "ငါ့ကိုဖတ်ပါ၊ မင်းအသိဥာဏ်တွေ ထပ်ပြီး ပွင့်သွားလိမ့်မယ်" ဟု စာအုပ်တွေကပင် ပြောလိမ့်မည်။

နောက်တစ်ခုက ကိုယ့်ကိုယ်ကို အမြဲထိန်းကျောင်းနေနိုင်ရန် စာအုပ်များကို ဖတ်ရင်းနှင့် ရပ်မပစ်ပါနှင့်။ ဖယ်ရှားမပစ်ပါနှင့်ဟု ဆိုချင်သည်။ ပြတ်တောင်း ပြတ်တောင်း ဖြစ်ချင်ဖြစ်ပါစေ။ စာအုပ်ကောင်းတွေကို ကြုံလျှင် ကြုံသလို စာစုံအောင်ဖတ်ပါဟု ကျွန်တော်က ဆိုပါဦးမည်။ တချို့က သူတို့ကိုယ်သူတို့ စာတော်တော်ဖတ်သည်ဟု အထင်ရောက်ကာ တချို့ စာတွေကို ဖတ်သင့်ပါလျက် ကိုယ့်ဥာဏ်နှင့် ယှဉ်လျှင် နိမ့်သည်ဆိုကာ ဖတ်စာရာမလိုဟု ဖယ်ရှားတတ်သည်။ ထိုသူတွေမှာ ဘာသွားတွေ့ရသလဲဆိုလျှင် ရံဖန်ရံခါ၌ လူအများက လက်မခံနိုင်လောက်သော အမှားမျိုးကို သူတို့က အမှန်ဟု ထင်ကာ လမ်းလွဲနေတာ တွေ့ရလေသည်။

လူတိုင်းကတော့ မှားကြပေလိမ့်မည်။ သို့သော် စာဖတ်သည့်သူ မှားပြီဆိုလျှင် သူများထက် ထူးခြားသည်ဟု ဆိုရလောက်အောင် မှားတတ်ပြန်သည်။ သည်တော့ စာဖတ်သည့်သူ မှားရခြင်းမှာ သူ့အတွက် နောက်ထပ် အသိဥာဏ်တွေ ဖွင့်ပေးမည့်စာ (သို့မဟုတ်) ရှိနေသည့် အသိဥာဏ်ကို လှုပ်နှိုးသည့်စာမျိုးကို ရှောင်ကာ ထပ်မဖတ်ဘဲ ကိုယ့်ဘာသာ လူတတ်ကြီးလုပ်နေ၍သာ မှားခြင်းဖြစ်သည်ဟု ကောက်ချက်ချနိုင်ပေသည်။

သည်မျှဆိုလျှင် "ဘာကြောင့်စာဖတ်သလဲ" ဆိုသော မေးခွန်းကလေး ရှင်းလောက်ပေပြီ။ ကျွန်တော်တို့ ဖြတ်သန်းရသော ဘ၀မှာ ကိုယ့်ကိုယ်ကို ထိန်းကျောင်းမောင်းနှင်ဖို့ စာတွေဖတ်ရသည်ဟု နားလည်နိုင်ပြီ ထင်ပါသည်။ ထပ်ဆိုပါရစေ။ စာကောင်းတွေကို များများဖတ်ပါ။ ကိုယ့်ကိုယ်ကို တွန်းအားပေးရန်၊ သတိပေးရန် အတွက်လည်း အဆက်မပြတ်အောင် ဖတ်ပါ။ ထိုသို့ဖတ်မှလည်း စာဖတ်သည်ဆိုသော အလုပ်နှင့်အညီ ရလဒ်ကောင်းတွေ ရလာမည်ဖြစ်သည်။

အသေချာဆုံးကတော့ စာကောင်းတွေကို အနည်းနှင့် အများ ဖတ်သူသည် သူ၏ အသိဥာဏ် အနည်းနှင့် အများ ပွင့်လင်းတိုးတက်နေမည် ဖြစ်ပြီး လောကထဲမှာ နေထိုင်ရာ၌ တခြားသူတွေထက် အဆင်ပြေချောမွေ့မှု၊ တိုးတက်အောင်မြင်မှုတွေ အနည်းနှင့် အများ သာလွန်နေမှာဖြစ်ကြောင်း လေ့လာ သုံးသပ်မိပါတော့သည်။ ။


ဆူးသစ်
မှုခင်းရှုထောင့်မဂ္ဂဇင်း

၂၀၀၂ခုနှစ်၊ ဖေဖော်ဝါရီလ


Monday, May 2, 2011

"ချစ်သူအဖြေ"

မြန်မာသက္ကရာဇ် ၁၃၄၀ခုနှစ် တန်ခူးလဆုတ်(၁၃)ရက်နေ့တွင် သူ့ကိုမွေးသည်။ အိမ်ဘေးမှ ဒေါ်ဘုမ ဆိုသော အဒေါ်ကြီးက လက်သည်ဖြစ်၏။ ထူးခြားချက်မှာ သူ့ကိုမွေးစဉ်က အချင်းစလွယ်သိုင်းလျက်သား။ တစ်မိပေါက် တစ်ယောက်ထွန်း၊ စွမ်းမည့်ကလေးဟု ဆိုခဲ့ကြသည်။ တကယ်စွမ်း မစွမ်းတော့ မသိ။ သူမနှင့် တွေ့သည့်အချိန်တွင် သူ့အစွမ်းများက ကပြောင်းကပြန်။

သူမနှင့် မတွေ့ခင်ညက အိပ်မက်ဆိုးများ မက်သည်။ မနက်ရောက်သောအခါ မျက်ခုံးများပင် လှုပ်လာ၏။ အခန်းထဲက တင်ထားသော ဖန်ခွက်ပင် လေမတိုက်ဘဲ ကျကွဲ၍ အတိတ်နိမိတ်လားဟု တွေးကာ တုန်လှုပ်သည်။ အိမ်မြောင်ဥကို ကိုင်တွယ်မိသလို တကိုယ်လုံး တုန်ယင်နေ၏။

သည်သို့ဖြင့် သူမနှင့် တွေ့သည့်နေ့မှာ ဖွင့်ပြောလိုက်၏။ ဂြိုဟ်စီး ဂြိုဟ်နင်း ကောင်းမကောင်းတော့မသိ။ ဆရာကြီးများကို တွက်ချက်ခိုင်းကြည့်ချင်သည်။ လိုအပ်လျှင် အချစ်ရေးမှာ ယတြာချေကြည့်ချင်မိ၏။ တစ်ခုပဲ ရှိသည်။ သူမ ဘာဖြေမှာလဲ။ Yes or No တစ်ခုခုတော့ ဖြစ်လိမ့်မည်။ သူမ ဘယ်လိုဖြေမှာပါလိမ့်။

No ဆိုလျှင် ပွဲကပြီးသွားပြီ ဖြစ်သည်။ အင်မတန် ၀မ်းနည်းစရာ ကောင်းမည့်အဖြစ်။ သူ့ကို မကျီစားပါနဲ့ ကောင်မလေးရယ်ဟု ဆုတောင်းမိ၏။

သူ့အတွက် နောက်ဆုံး ကောက်ရိုးတစ်မျှင် ဖြစ်သွားနိုင်သည့် သူမ၏ အဖြေမှာ မျှော်လင့်ချက်၏ တန်ဖိုးများ ရှိသည်။ အိပ်မက်နှင့် စိုက်ခဲ့ရသော သစ်ပင်လေး ကြီးလာပါက ချစ်ခြင်းဖြင့် အရိပ်ရနိုင်ကောင်း၏ဟု ထင်မိသည်။ စိတ်ထဲမှာရှိသော သူမသည် မည်သည့်အခါမျှ ပြောင်းလဲမည်မဟုတ်။ သူမသည် သူ့အတွက် အဖြေတစ်ခုတော့ စဉ်းစားပေးလိမ့်မည်။ ထိုအဖြေသည် ဘာလဲ သူသိချင်လှ၏။

သူမ ဘယ်လိုဖြေမှာပါလိမ့်။

သည်လိုခံစားချက်များကို အယ်နှောင်း ရေး၍ Yes or No ဆိုသော သီချင်းတစ်ပုဒ် ဖြစ်လာခဲ့သည်။ မင်းမော်ကွန်း ဆိုထား၏။ ကျော်သူစိုး က Rap အပိုဒ်ဆိုထားသည်။ မင်းမော်ကွန်းနှင့် အိန္ဒြာကျော်ဇင် ကားမှာ အိန္ဒြာကျော်ဇင်အိမ်ရှေ့၌ ထိုသီချင်းကို ဂစ်တာတီး၍ မင်းမော်ကွန်းက ဆိုပြသည်။ မူလသီချင်း။ ကျော်သူစိုး ၀င်ဆိုသည့် Rap အပိုဒ်မပါ။ ထိုကားကြည့်ပြီး ထိုသီချင်းကို ကျွန်တော်ကြိုက်ခဲ့ဖူးသည်။ မင်းမော်ကွန်းဆို၍ ဘယ်သူရေးမှန်းမသိ။

ကောင်မလေးတစ်ယောက်ကို ကြိုက်သည့်အကြောင်း ရည်းစားစကားပြောပြီး အဖြေမရခင် ရင်ခုန်ရပုံလေးကို တင်ပြပုံဆန်းဆန်း၊ မယ်လိုဒီ လှလှဖြင့် တင်ပြထားတာဖြစ်သည်။ မြန်မာ လို မွေးနေ့နှင့် မြန်မာအယူအဆများကို ရောညှပ်ထည့်ထားပုံက သီချင်း၏အတွေးကို ဆန်းသွားစေသည်။ သက္ကရာဇ်တွက်လိုက်တော့ သြော် - သီချင်းထဲက လူတောင် (၃၃)နှစ်ရှိပြီပဲဟု သည်နေ့ တန်ခူးလဆုတ် (၁၃)ရက် ၁၃၇၃ခုနှစ်မှာ တွေးမိလိုက်သည်။

ကျွန်တော်က သည်သီချင်းအကြောင်းပြောပြပြီး ချာတိတ်တွေကို သီချင်းရှာခိုင်းတော့ မင်းမော်ကွန်း နောက် ထွက်သည့် အခွေထဲမှာ ပါသည်တဲ့။ ဘယ်အခွေမှန်းမသိ။ Chord ရှာပြီး ကိုယ့်ဘာသာတီး၍ တော်တော် ကြာမှ သီချင်းကို ရှာ၍ရသည်။ Yes or No ဆိုသော Chorus အပိုဒ်ကို ချာတိတ်တွေ လိုက်အော်ကြသည်။ ယခု YouTube မှာ သရုပ်ဆောင်မပါဘဲ ဓါတ်ပုံနှင့် သီချင်းကိုသာ တင်ထားသည်ကိုတွေ့၍ တင်လိုက်ရပါသည်။

ကျေးဇူးတင်ပါသည် အယ်နှောင်းနှင့် မင်းမော်ကွန်း ခင်ဗျား။ ။

ဆူးသစ်
တန်ခူးလဆုတ်(၁၃)ရက်၊ ၁၃၇၃ ခုနှစ်။

Related Posts Plugin for WordPress, Blogger...