Sunday, September 4, 2011

" မပြည့်အိုး "


ကျွန်တော့်ဇနီးသည်၏ အလုပ်မှာ တစ်ခါတစ်ရံ၌ မြန်မာပြည်နှင့် ဆက်သွယ်ရသည့်ကိစ္စများ ရှိပါသည်။ သူတို့အလုပ်တွင် မြန်မာကလည်း သူတစ်ယောက်ပင်ရှိရာ ထိုသို့မြန်မာပြည်နှင့် ဆက်သွယ်ရသည့် ကိစ္စမှန်သမျှ ကျွန်တော့်ဇနီးကသာ လုပ်ရပါသည်။

ထိုသို့လုပ်ရာ၌ မြန်မာပြည်ဘက်မှ ကုမ္ပဏီမှဝန်ထမ်းတစ်ဦးနှင့် အီးမေးလ်များအပြန်အလှန် ဆက်သွယ် ရသလို ဖုန်းဖြင့်ပြောရသည့်အခါလည်း ရှိပါသည်။ ထိုဝန်ထမ်းမှာ မိန်းကလေးတစ်ဦးဖြစ်၍ သူဌေး၏ အတွင်းရေးမှူးမ ဖြစ်ပါသည်။

ကျွန်တော့်ဇနီးသည် ရုံးရှိသူ့ကွန်ပျူတာတွင် မြန်မာစာလုံးတင်မထားပါ။ ဒါလည်း သူ့သူဌေးက တခြားဆော့ဖ်ဝဲလ်များ တင်လျှင် ကွန်ပျူတာပျက်မှာစိုး၍ ကြိုပြောထားသောကြောင့်ပါ။ သို့သော် မြန်မာပြည်နှင့် အလုပ်လုပ်သောအခါ မြန်မာစာလုံးလိုမည်ထင်၍ ကျွန်တော့်ဇနီးကို မြန်မာစာ သုံးခိုင်းပါသည်။ ကျွန်တော့် ဇနီးကလည်း အီးမေးလ်ပို့ရုံမျှမက ကိုယ့်မြန်မာချင်းမို့ ပို၍အဆင်ပြေရန် ဂျီတော့အကောင့်တစ်ခုကို အလုပ်ကိစ္စအတွက် မြန်မာပြည်ကုမ္ပဏီနှင့် ဆက်သွယ်ရန်၊ အထူးသဖြင့် ထိုအတွင်းရေးမှူးမလေးနှင့် ဆက်သွယ်ရာ၌သုံးရန် ဖွင့်လိုက်ပါသည်။

ထို့နောက် ထိုအတွင်းရေးမှူးမလေးနှင့် အွန်လိုင်းမှာတွေ့သောအခါ အလုပ်ကိစ္စကို သူ့ဘက်ကိုယ့်ဘက် ဖုန်းမသုံးရဘဲ လွယ်လွယ်ကူကူသုံးနိုင်ပါသည်။ သည်သို့ဖြင့် စသုံးသည်ပဲ ဆိုပါတော့။ သည်မှာပဲ ပြဿနာက တက်တော့သည်။

ကျွန်တော့်ဇနီးသည် မြန်မာပြည်ပြန်စဉ်က ထိုကုမ္ပဏီသို့ ရောက်ခဲ့သလို ထိုအတွင်းရေးမှူး မလေးနှင့်လည်း တွေ့ခဲ့ဖူးပါသည်။ အလုပ်ကိစ္စ ပြောကြဆိုကြစဉ်ကတည်းက ထိုအတွင်းရေးမှူးမလေး၏ မသွက်လက်ပုံနှင့် အနည်းငယ်ထိုင်းပုံကို အကဲခတ်မိပါသည်။

သည်သို့ဖြင့် အွန်လိုင်းမှာ အလုပ်ကိစ္စပြောကြသည့် အခါ တော်တော် များများက သင်္ဘောကိစ္စ၊ ပို့ကုန်ကိစ္စ စသည်ဖြင့် ပြောရသောကြောင့် မြန်မာနှစ်ယောက် ပြောသည့်ဂျီတော့မှာ ကျွန်တော့်ဇနီးက မြန်မာလိုသာ ရိုက်လေသည်။ ထိုအတွင်းရေးမှူးမလေး၏ အခြေအနေကို ရိပ်စားမိ၍ လူမှုရေးအရ နားလည်ကာ ထိုသို့ရိုက်ခြင်းပါ။ သို့သော်တစ်ဖက်က တုန့်ပြန်သောအခါတွင်တော့ အင်္ဂလိပ်လိုသာ ရိုက်နေတော့သည်။

ပထမတော့ ကျွန်တော့် ဇနီးသည်လည်း ထိုအတွင်းရေးမှူးမလေး မြန်မာလိုပြန်ရိုက်လေ မလားဟု စောင့်နေသော်လည်း အကြောင်းအရာတော်တော်များများ ပြောနေသည်အထိ ဘာမျှ ထူးခြားမလာ။ ကြာတော့ ကျွန်တော့်ဇနီးသည်က အင်္ဂလိပ်စာမကောင်း၍ သူ့ကို မြန်မာလို ရိုက်ရသည့်ပုံ ခံစားလာရသည်။

ထိုအကြောင်းကို ကျွန်တော့်ကို ပြန်ပြောပြတော့ ကျွန်တော်က ဇနီးသည်ကို ပြန်ရှင်းပြ ခဲ့သည်။ ကောင်းပြီ-နောက်တစ်ခါဆို သူနှင့် ဂျီတော့မှာ ပြောလျှင် အင်္ဂလိပ်လိုသာ ရိုက်ပါဟု။ ကိုယ်က သူ့ဘက်ကိုငဲ့၍ ညှာကာ မြန်မာလိုရိုက်သည့်တိုင် သူ့ဘက်က ကိုယ့်ကို လေးစားမှုမရှိ။ သူ့ကိုယ်သူ အင်္ဂလိပ်စာတတ်ပါတယ် ဆိုသည့်ပုံစံလုပ်လာ၍ ကိုယ့်ဘက်က အတတ်နိုင်ဆုံး တုန့်ပြန်ဖို့သာ ရှိတော့သည်။ ပြီးတော့ ကျွန်တော့်ဇနီးက စင်ကာပူက ကုမ္ပဏီမှာ လုပ်နေသူဖြစ်၍ မြန်မာတစ်ယောက်က အင်္ဂလိပ်လို တုန့်ပြန်လာခြင်းကို ဂရုစိုက်စရာမရှိဟု ကျွန်တော်ထင်သည်။ ကောင်းကောင်း တုန့်ပြန်နိုင်သည်ဟု ကျွန်တော့်ဇနီးကို ယုံကြည်သည်။

သည်လိုနှင့် နောက်တစ်ကြိမ်မှာ အွန်လိုင်းမှာ ထပ်ဆုံသည်။ ကျွန်တော့်ဇနီးက အင်္ဂလိပ်လိုသာ လွှတ်ပါတော့သည်။ ထိုအကြိမ်မှာ အမေရိကားမှ သင်္ဘောနောက်ကျသည့်ကိစ္စ၊ ပစ္စည်းလွှဲရန် စီစဉ်ထားစဉ်မှာပင် ယခင်မှာထားသူက ယူသွား၍ မူလကပို့မည့်ပစ္စည်းများ မပို့နိုင်ဘဲ နောက်ကျမည့် အကြောင်း စသည်ဖြင့် စုံနေ၏။ ရိုက်ရင်းရိုက်ရင်း ကြာလာသောအခါ သူ့ဘက်က တောင်းဆိုမှုတစ်ခု တက်လာသည်။ မြန်မာလို ရိုက်ပေး၍ ရမလားဟု မေးလာ၏။

ကျွန်တော့်ဇနီးက မရပါဟု ပြန်ဖြေလိုက်သည်။ တစ်ဖက်က ဆက်ပြော၏။ Myanglish ( Burglish ) နှင့် ရိုက်၍ ရမလားဟု ဆိုလာသည်။ ကျွန်တော့်ဇနီးကား အိုကေဟု ဆိုကာ သူပြောသမျှ နားလည်စွာ လွှတ်ထားပေးလိုက်၏။

ထိုကိစ္စအပေါ် ကျွန်တော်သုံးသပ်ကြည့်သည်။ ပထမတော့ သူ့အကြောင်းရိပ်စားမိ၍ ကျွန်တော့်ဇနီးက လူမှုရေးအရ ကိုယ့်မြန်မာချင်းလည်း ဖြစ်နေ၍ တစ်ဖက်နှင့်တစ်ဖက် ငဲ့ညှာကာ မြန်မာလိုရိုက်သည်ကို မလေးမခန့် သူ့ဘက်က အင်္ဂလိပ်လိုတွေရိုက်ကာ ဆရာမကြီး အထာနှင့် တုန့်ပြန်သည်။ တကယ်တော့ ကျွန်တော့်ဇနီး အင်္ဂလိပ်စာက ယခင်က သည်လောက်ကောင်းတာ မဟုတ်။ သို့သော် စလုံးမှာ အလုပ်လုပ်နေပြီး တစ်ရုံးလုံးမှာ သူတစ်ယောက်တည်း မြန်မာဖြစ်နေခြင်းနှင့် အမေရိကားနှင့် ဆက်သွယ် အလုပ်လုပ်နေသည့်အခါ ကြာတော့ သူ့အီးမေးလ် အရေးအသားတွေက တော်တော်ချောလာတာ ကျွန်တော် သတိထားမိသည်။

ထိုအချိန်မှာ တစ်ဖက်က တုန့်ပြန်သည်က ကိုးရိုးကားယားဖြစ်လာသောအခါ ကျွန်တော်က မှာလိုက်သည့်အတိုင်း ဇနီးသည်က တုန့်ပြန်လေမှ တစ်ဖက်က အတွင်းရေးမှူးမလည်း ကိုယ့်အခြေအနေ ကိုယ် သဘောပေါက်သွားလေတော့သည်။

ထိုကိစ္စကို ကျွန်တော်သုံးသပ်ကြည့်မိသည်။ တချို့က တစ်ဖက်သားကို လျှော့တွက်ကြသည်။ ကိုယ့်လောက် သူမသိနိုင်ဟု ထင်ကာ မလေးမခန့် လုပ်ကြသည်။ နောက်တော့ တကယ်ကွဲသူက ကိုယ်ပြန်ဖြစ်နေ သည်။ လျှော့တွက်ခြင်း၏ အကျိုးပင်။ ဒါဖြင့် ဘာလို့လျှော့တွက်ပါသနည်း။ ကိုယ်ကိုယ်တိုင်က မပြည့်၍သာ ဖြစ်သည်ဟု ကျွန်တော်နားလည်ရသည်။

တကယ်သာ ပြည့်နေသူဖြစ်က တစ်ဖက်က မြန်မာလိုပြောနေလျှင် ဪ-ငါ အခက်အခဲ ဖြစ်မှာစိုးလို့ သူက မြန်မာလိုရိုက်နေတာပါလားဟု စကတည်းက နားလည်နေလိမ့်မည်။ နိုင်ငံခြားမှာတောင် အလုပ်လုပ်နေမှတော့ သည်လိုအင်္ဂလိပ်စာ သုံးတာ ခက်ပါတော့မည်လား။ ထိုသို့လည်း နည်းနည်းမှ မစဉ်းစား။ သည်တော့ မပြည့်၍ ဟုသာ ကောက်ချက်ဆွဲရပေမည်။

ငါက အတွင်းရေးမှူးမပဲ။ ဘာအရေးလဲ ဆိုလျှင်တော့ ကျွန်တော့်ဇနီး တုန့်ပြန်သည့်အခါ ခံလိုက်ရပုံမျိုး ခံရဖို့ပဲရှိသည်။ သူတင်ကိုယ်တင် ပြိုင်ရိုက်သောအခါ ဘယ်လိုမှ မရတော့၍ မြန်မာလို ရိုက်ပေးပါလား ဟု ပြောရသည့်အဆင့်ကို ရောက်ရတော့သည်။ သည်တော့ ကောင်းပါဦးမလား။ ကိုယ့်ဘာသာ မာန်တက်တုန်းကတက်ပြီး ကိုယ့်မာန်နှင့်ကိုယ် ခံရတော့သည်။

တစ်ခါတစ်ခါတော့လည်း လူတချို့နှင့် ဆက်ဆံရတာ ပညာရသည်ဟု ကျွန်တော်ထင်သည်။ ကိုယ်ကသာ ဘာမှမဟုတ်တာ။ တချို့ဆို လေက နာဂစ်အလုံးတစ်ထောင်စာလောက် ရှိသည်။ ကျွန်တော်ကတော့ နားမထောင်ချင်လျှင် ဝေးဝေးသာ နေလိုက်တော့သည်။ သူတို့ကတော့ ဆက်၍ ဆိုနေသေး သည်။ လောကကြီးမှာ သူတို့လောက်တော်တာပင် မရှိတော့သယောင်။ အတွင်းရေးမှူးမလေး ကိုယ့်ဘာသာ ၀ါးလုံးခေါင်းထဲ လသာနေတာမျိုးပဲ ဖြစ်မည်ထင်၏။

ထိုသူများကို ကျွန်တော်က မပြည့်အိုး ဟုသာ ဆိုချင်နေမိတော့သည်။ ကျွန်တော် လွန်ပါမည်လား။ ။

ဆူးသစ်
၀၀:၅၆ နာရီ
၎.၉.၂၀၁၁



5 comments:

Angelhlaing(May everybody be happy and healthy! said...

တစ်ကယ်ပဲ ဖတ်ရတာ အကျိုးကျေးဇူးရပါတယ်အကို...
ကျေးဇူးပါလို့ ...ကောင်းသောနေ့လေးဖြစ်ပါစေလို့ ဆန္ဒပြု၇င်း..

Anonymous said...

ဒီလိုပါပဲ အကိုကြီးရာ....
ကျွန်တော်ဆိုရင် ပြီးခဲ့သည့်နှစ်က
မြန်မာလူမျိုးမှန်းသိလို့ သွားပြီနှုတ်ဆက်လိုက်တာ
အဲဒီလူက ဘာပြန်ပြောသလဲ ဆိုတော့
(မင်းဘာတွေလာပြီးပြောနေတာလဲတဲ့ မင်းပြောတဲ့ ဘာသာ
စကားတွေကို နားမလည်ဘူးတဲ့)ဘယ်လောက်များ ခံရခက်သလဲ မကြာပါဘူးဗျာ နောက်တစ်ပတ်လောက်နေတော့
ကျွန်တော်အလုပ် လုပ်တဲ့ဆိုင်ကို ဆပ်ပြာ လာပြီးဝယ်မှ
ဒုက္ခ ရောက်တော့တာပဲ ဆပ်ပြာ ကို အီး လိုမပြောတတ်တော့မှ မြန်မာလိုပြောတော့တယ်
ကျွန်တော်တို့ လူမျိုးတွေက အဲသလို လေးတွေလည်း ရှိတတ်ပြန်ရောဗျာ။

စံပယ်ချို said...

အဲဒီလိုမျိုးတွေ အာရှနိုင်ငံတွေမှာ အများဆုံးတွေ့ရတတ်တယ်ထင်တာပဲ
မြန်မာပြည်ကနေ ထိုင်းလောက်ရောက်တာနဲ့
တစ်ချို့သောသူတွေ ဖြစ်တတ်တယ်
ကျွန်မလဲကြုံဖူးတယ် ၂ခါ။
ချမ်းမြေ့စွာနဲ့ သာတွေကဗျာတွေ
ရေးနိုင်ပါစေရှင်။

mstint said...

ဘဝအတွေ့အကြုံတစ်ချို့တစ်ဝက် ဖတ်သွားတယ် ဆူးသစ်ရေ။ အရည်အသွေးမပြည့်ဝပဲ ရာထူးနေရာ ရထားသူတို့ရဲ့ ဝန်းကျင်မှာ ဖြစ်လေ့ဖြစ်ထရှိတဲ့ ကိစ္စရပ်လေးတွေပေါ့ကွယ်။
စိတ်ဓာတ်အစဉ်ကြည်လင်အေးမြပါစေနော်။

မေတ္တာဖြင့်
အန်တီတင့်

မဒမ်ကိုး said...

အင်း..ဘယ်လိုပြောရမလဲ
အဲလိုလူတွေကလဲရှိနေသေးတယ်လေ..
ဖြစ်တတ်ပါတယ် ..ကြုံဖူးခဲ့ပါရဲ့း)

Related Posts Plugin for WordPress, Blogger...