" Facebook ပေါ်က ကျွန်တော့် Status များ " ( ၁၇ )

+ကံသာတာလား..........ကံနာတာလား
နိုင်ငံခြားဆိုတဲ့ ကျွန်းကလေးမှာဆက်သောင်တင်နေဖို့
ငါ့ထီဂဏန်းတွေက တေ့တေ့ဆိုင်ဆိုင်လွဲတယ်။ ( ဧပြီလ ၈ ရက်၊ ၂၀၁၃ ခုနှစ် )

+"အတာကူးသောလ၊ထန်းခူးသောလ၊တန်ခူးလရယ်လို့သတ်မှတ်ဆိုမှုပြုကြရတဲ့နွေလမှာ မဟာသင်္ကြန်မင်္ဂလာပွဲသဘင်ကိုဆင်ယင်ကျင်းပခဲ့ကြတာဟာဖြင့် ပုဂံခေတ်ကစတင်ခဲ့တယ်လို့ယူဆလို့ရပါတယ်ရှင်။အင်းဝခေတ်ကိုကူးပြောင်းလာတဲ့အခါမှာလည်းသင်္ကြန်ရေပွဲသဘင်ကိုစဉ်လာမပျက်ဆက်လက်ကျင်းပခဲ့ကြပါတယ်။မဟာသင်္ကြန်ပွဲတော်ဟာဖြင့်မြန်မာတို့ရဲ့၁၂လ ရာသီပွဲတော်တွေထဲမှာပျော်ရွှင်စရာအကောင်းဆုံးပွဲတော် လို့လည်းပြောလို့ရနိုင်ပါတယ်ရှင်။
ကုန်းဘောင်ခေတ်မှာလည်းသင်္ကြန်မင်္ဂလာရေသဘင်ပွဲကိုဆက်လက် ကျင်းပခဲ့ကြပါတယ်။အများပြည်သူ 
တို့တစ်ခဲနက်ဆင်နွှဲလေ့ရှိကြတဲ့ရေပွဲ သဘင်မှာဂီတသုခုမအနုပညာရှင်များဟာအနုပညာ ၀န်တာကျေပွန်စွာနဲ့ ပါဝင်ဆင်နွှဲကြတယ်လို့အဆိုရှိခဲ့ပါတယ်။
အဲဒီလိုနဲ့ရတနာပုံခေတ်ရောက်တဲ့တိုင်ရေပွဲသဘင်ကိုခြိမ့်ခြိမ့်သဲသဲ ကျင်းပခဲ့ကြရာမှာ 
ကျွန်မတို့ရဲ့အောင်ကျော်ချမ်းအေးမန္တလေးနေပြည်တော်မှာတော့သင်္ကြန်ချိန်ရောက်လေတိုင်းသင်္ကြန် ပွဲတော်ရေပွဲတော်ကိုပြည်သူချစ်တဲ့အနုပညာသည်များရဲ့သင်္ကြန်တေးသံများနဲ့ဝေလွင်နေအောင် ဆင်ယင်ကျင်းပခဲ့ကြတာဟာဖြင့်ယနေ့ထက်တိုင်ပါပဲရှင်။"
(တင်တင်မြ-သင်္ကြန်မိုးဇာတ်ကားအဖွင့်စကားပြော)
နှာဘူးသောလ၊အရမ်းမူးသောလ၊လှန်မြူးသောလရယ်လို့သတ်မှတ် ဆိုမှုပြုကြရတဲ့နွေလမှာ"အဖော်အချွတ် မတော်တရော်ဝတ်ချင်တာဝတ် မူးယစ်ရမ်းကားသောပွဲသဘင်"ကိုဆင်ယင်ကျင်းပခဲ့ကြတာဟာဖြင့် 
ဂျပန်ခေတ်ကစတင်ခဲ့တယ်လို့ယူဆလို့ရပါတယ်ခင်ဗျာ။
ဗျင်းကြတဲ့ခေတ်ကိုကူးပြောင်းလာတဲ့အခါမှာလည်း"အဖော်အချွတ် မတော်တရော်ဝတ်ချင်တာဝတ်မူးယစ် ရမ်းကားသောပွဲသဘင်"ကို စဉ်လာမပျက်ဆက်လက်ကျင်းပခဲ့ကြပါတယ်။အဖော်အချွတ် မတော်တရော်ဝတ်ချင်တာဝတ်မူးယစ်ရမ်းကားသောပွဲတော်ဟာဖြင့်မြန်မာတို့ရဲ့၁၂လရာသီပွဲတော်တွေ ထဲမှာဖော်ချင်စရာအကောင်းဆုံး ပွဲတော်လို့လည်းပြောလို့ရနိုင်ပါတယ်ခင်ဗျာ။
ကုန်းပြောင်ခေတ်မှာလည်း"အဖော်အချွတ်မတော်တရော်ဝတ်ချင်တာဝတ်မူးယစ်ရမ်းကားသော ပွဲသဘင်"ကိုဆက်လက်ကျင်းပခဲ့ကြပါတယ်။အများပြည်သူတို့တစ်ခဲနက်ဆင်နွှဲလေ့ရှိကြတဲ့"အဖော်အချွတ် မတော်တရော်ဝတ်ချင်တာဝတ်မူးယစ်ရမ်းကားသောပွဲသဘင်"မှာဂီတသုခုမရုပ်ရှင်အနုပညာရှင်များဟာ
လည်းအနုပညာတာဝန်ကျေပွန်စွာနဲ့ပါဝင်ဖော်ချွတ်ကြတယ်လို့ အဆိုရှိခဲ့ပါတယ်။
အဲဒီလိုနဲ့ရတနာအကုန်ဖော်တဲ့ခေတ်ကိုရောက်တဲ့တိုင်"အဖော်အချွတ်မတော်တရော်ဝတ်ချင်တာဝတ် မူးယစ်ရမ်းကားသောပွဲသဘင်"ကိုခြိမ့်ခြိမ့်သဲသဲကျင်းပခဲ့ကြရာမှာကျွန်တော်တို့ရဲ့ပေါင်ကျော်လှန်အစုံမြို့ 
ရန်ကုန်မှာတော့"အဖော် အချွတ်မတော်တရော်ဝတ်ချင်တာဝတ်မူးယစ်ရမ်းကားသောပွဲသဘင်" ကိုရောက်လေတိုင်းအနုပညာသည်များရဲ့သင်္ကြန်တေးသံ များနဲ့ဝေလွင်နေအောင်ဆင်ယင်ကျင်းပခဲ့ကြ တာဟာဖြင့် ယနေ့ထက်တိုင်ပါပဲခင်ဗျာ။
( သားလတ်-မဟာသင်္ကြန်အကျနေ့အဖွင့်စကားပြော)
( ဧပြီလ ၁၄ ရက်၊ ၂၀၁၃ ခုနှစ် )

+မနေ့ကသူငယ်ချင်းတစ်ယောက်၏အိမ်တက်ရှိ၍သွားခဲ့သည်။ဟိုရောက်တော့သူငယ်ချင်းများ၏ မဟေသီများ၊မျိုးဆက်သစ်များပါတစ်စုတဝေးတွေ့ရ၏။ ကျွန်တော်ကတော့တစ်ယောက်တည်းဖြစ်နေရင်းသူတို့နှင့်စကားစမြည်ပြောကာနောက်တော့သူငယ်ချင်းယောကျာ်းလေးများချည်းတစ်ဝိုင်းဖြစ် သွားတော့သည်။အပြန်ကျတော့ကိုယ့်ဘာသာပြန်စဉ်းစားနေမိသည်။စိတ်ကနည်းနည်းလန်းနေသလိုရှိ၏။
အကြောင်းကရှိသည်။ကျွန်တော်ဇနီးသည်နှင့်ရော၊မိသားစုနှင့်ရော အဝေးမှာနေလာခဲ့သည်မှာ မသိမသာနှင့်အချိန်ကာလတစ်ခုကိုရောက် ခဲ့လေပြီ။အလုပ်နှင့်အိမ်၊အိမ်နှင့်အလုပ်သည်လိုသာ လည်ပတ်ရင်းအားလျှင် ကွန်ပျူတာရှေ့မှာသာအချိန်ကုန်ခဲ့သောဘ၀ကမိသားစုဆိုသောအ၀န်း အ၀ိုင်းလေးကိုခဏမျှပြန်ထိတွေ့ရစဉ်မှာအပြောင်းအလဲဖြစ်ကာ လန်းသွားခြင်းပင်။
ဪ-မိသားစုဆိုသည်ကားအင်အားကြီးမားသောအရာတစ်ခုပါလားဟု ကျွန်တော်သိခွင့်၊ခံစားခွင့် 
ရခဲ့ပြန်လေသည်။ ( မေလ ၅ ရက်၊ ၂၀၁၃ ခုနှစ် )

+သည်နေ့အမေနေ့ဟုFacebookကိုဖတ်ရင်းသိရသည်။သူငယ်ချင်းအသိ မိတ်ဆွေများ၏ အမေ့ကို တမ်းချင်းများ၊အမေ့မေတ္တာချီးမွမ်းခန်းများ စသည်ဖြင့်မြင်ရသဖြင့်ကျွန်တော့်စိတ်ထဲကြည်နူးစိတ်ဖြစ် မိသည်။အမှန် အတိုင်းဝန်ခံရလျှင်ကျွန်တော်လည်းသားတစ်ယောက်ဖြစ်၍အမေကိုပို ခင်တွယ်ပါသည်။ ယခုတစ်ခေါက်စင်ကာပူပြန်လာခါနီးအမေတစ်ယောက် ကျွန်တော်ပြန်မှာသိ၍ကျိတ်ငိုခဲ့သည်ဟု အဖေကပြောခဲ့ဖူးသည်။အမေ့ ကိုပြန်ပေးမသိစေချင်၍အဖေကတိုးတိုးတိတ်တိတ်ကလေး ကျွန်တော့်ကိုအသိပေးခဲ့ခြင်းပါ။ကျွန်တော်ကဟန်လုပ်ပြီးအမေ့ကိုနှစ်သိမ့်ခဲ့ပါသည်။လေဆိပ်လိုက်ပို့ဖို့ ကိုတော့အဖေကအမေ့အကြောင်းသိ၍သည်တစ်ခေါက်မှာလိုက် မပို့စေတော့ပါ။ကျွန်တော်ကလည်း အမေစိတ်မကောင်းဖြစ်နေမှာစိုး၍လိုက်မပို့ခိုင်းတော့ပါ။အမေကထိုသို့ခံစားနေရသောအခါအဖေ ဘာမျှမဖြစ်ဘူးဟုများထင်ပါ သလား။ကျွန်တော့်အတွက်လိုအပ်သောစာအုပ်အဖေနှင့်အမေ့အိမ်မှာ ကျန်ခဲ့သောကြောင့်ကျွန်တော်ကလူကြုံရှိမှယူပါမည်ဆိုသည်ကိုအမေကကျန်ခဲ့လျှင်စိတ် မကောင်းဖြစ်နေသောကြောင့်ယူသွားစေရန်အဖေကသူ့အလုပ်ကအပြန်ကားငှား၍ကျွန်တော့်အိမ်သို့ လာပို့ခဲ့ပါသည်။တကယ်တော့လေဆိပ်သွားမည့်နေ့မှာအဖေသည်နယ်သို့ခရီးထွက်ရမှာဖြစ်၍ကျွန်တော့်ကို လိုက်မပို့နိုင်တော့ပါ။အဖေမပါသောလေဆိပ်သို့အမေ့ကိုမလိုက်စေချင်သည်မှာအဖေကအမေ့ကို ပိုနားလည်၍ပါ။ကျွန်တော့်အပြန်ခရီးကိုကြည့်ကာ အမေစိတ်မကောင်းဖြစ်ပြီးဝမ်းနည်းကာငိုမှာစိုး၍ပါ။ သို့သော်ကျွန်တော်ကျန်ခဲ့သောစာအုပ်လာပေးသောညကအဖေကကျွန်တော့်ကိုကားပေါ်ကမဆင်းဘဲ စာအုပ်လှမ်းပေးရင်းကျွန်တော့်လက်ကိုဖမ်းကိုင်ကာနမ်းရှုပ်၍အားရပါးရငိုပါသည်။အဖေ့စိတ်ထဲမှာလည်း ကျွန်တော်အဝေးတစ်နေရာကိုပြန်ရခြင်းကိုစိတ်မကောင်းကြောင်းထိုအခါမှာကျွန်တော်ကောင်းကောင်း သိခဲ့ရပါတော့သည်။ အဖေနှင့်အမေအသက်ကြီးပြီဆိုသည်ကိုကျွန်တော့်ရော၊သူတို့ပါသိနေသည်ပဲ။ အဖေမည်မျှခံစားရကြောင်းကျွန်တော့်ကိုထုတ်ပြောပါသည်။ကျွန်တော်စိတ်မကောင်းနိုင်တော့ပါ။ သို့သော်ကျွန်တော်မငိုခဲ့ပါ။ကျွန်တော့်ကြောင့်မိဘများထပ်မံစိတ်မကောင်းမဖြစ်စေချင်တော့၍ပါ။သို့သော် ကျွန်တော်သူတို့ကွယ်ရာမှာတစ်ယောက်တည်းကျိတ်ငိုပါသည်။ယခုစာရိုက်နေစဉ်မှာကျွန်တော့်ပါးမှာ မျက်ရည်စများစီးကျနေပါသည်။အဖေနှင့်အမေ၏မေတ္တာများကိုတွေးမိ၍ပါ။
သည်နေ့အမေနေ့ဖြစ်ပါလိမ့်မည်။သို့သော်ကျွန်တော်သည်အမေ့ကိုရော၊အဖေ့ကိုပါသတိရနေပါသည်။ အဖေရော၊အမေပါတူညီသောမေတ္တာများဖြင့် ကျွန်တော့်ကိုချစ်သည်ဟုကျွန်တော်ခံစားနေမိပါသည်။
( ဇန်န၀ါရီ ၂၆ ရက်၊ ၂၀၁၃ ခုနှစ် )

ဆူးသစ်

၁၆း၁၇ နာရီ ( စင်ကာပူစံတော်ချိန် )

၃၀.၁၁.၂၀၁၄ 

Photo Ref: www.clipartpanda.com 

" ချို မြိန်သော ပန်းသီးများ "

ကျွန်တော်မိုဘိုင်းဖုန်းများကိုအမျိုးအစားကောင်းကောင်းစတင်ရွေးချယ်ခွင့်ရခဲ့သည့်အချိန်မှာ iPhoneကိုရွေးချယ်ခဲ့သည်။ဖုန်းကောင်းကောင်းမကိုင်နိုင်ခင်ကNokiaသေးသေးလေးကိုသာကိုင်ခဲ့ပြီး iPhoneပေါ်စဉ်မှာလည်း ထွက်ထွက်ချင်းမကိုင်နိုင်ခဲ့။ iPhone4ကျမှစကိုင်ခဲ့ပြီးကျွန်တော်နှင့်ကျွန်တော့်ဇနီးပါအတူသုံးခဲ့ကြသည်။Touch Screen ကောင်းခြင်း၊ ဖုန်းဘက်ထရီဘာမျှမဖြစ်ခြင်း၊ ဖုန်းသုံးသူများစကားနှင့်ပြောရလျှင်ယောင်၍ပင် မဟမ်းခြင်းနှင့်အခြားသုံးစွဲရလွယ်ကူအဆင်ပြေသည့်အချက်များကြောင့်iPhoneကကျွန်တော့်အသည်းစွဲဖြစ်လာ သည်။

ထို့ကြောင့်စာချုပ်သက်တမ်းပြည့်စဉ်မှာတော့iPhone5ပြောင်းခဲ့ပြီးထိုiPhone5မှာတော့ကျွန်တော့်ဖုန်း ဘက်ထရီမှာပြဿဿဿ      နာရှိလာခဲ့သည်။ဘက်ထရီက အားသွင်းပြီး ၁၀၀ပြည့်နေလည်း သုံးလိုက်လျှင် ချက်ချင်းကိုကုန်သလိုဖြစ်နေသည်။ပြီးတော့၁၂ရာခိုင်နှုန်းသာ ကျန်တော့လျှင် ဘက်ထရီလုံးဝကုန်သွားသလို ရုတ်တရက်ပြုတ်ထွက်သွားသည်။စက်ပိတ်သွားသည်။ ညဘက်အားအပြည့်နှင့်မသုံးဘဲထားလျှင်လည်း အားပြည့်နေသည့်တိုင်မနက်မိုးလင်းလျှင် ဘက်ထရီကတစ်ဝက်ကျော်မျှလျော့နေတတ်သည်။ ထိုအတိုင်းနှစ်နှစ်ပြည့်သည်အထိသည်းခံသုံးကြည့်သည်။ လုံးဝထူးခြားမသွား။

နောက်ဆုံးiPhone6 နှင့် 6 Plus မပေါ်လာခင်လေးမှာတင်Appleကသူတို့၏အစီအစဉ်တစ်ခုကိုကြေငြာသည်။ လွန်ခဲ့သောနှစ်နှစ်ခန့်လောက်ကစ၍၀ယ်ခဲ့သောiPhone5များမှဘက်ထရီမကောင်းသည့်အလုံးများကို ဘက်ထရီအခမဲ့လဲလှယ်ပေးသောအစီအစဉ်ဖြစ်သည်။တကယ်ကိုမထင်ပါ။သို့သော်သူတို့သည်သုံးစွဲသူ အတွက် အမြဲနားစွင့်နေပုံရသည်။ယခုနောက်ဖုန်းအမျိုးအစားတစ်လုံးမထွက်ခင် ယခင်ရှိပြီးသား သုံးစွဲသူများကိုဈေးကွက် သဘောအရပြန်ပြီးမြှူ ဆွယ်တာလည်းဖြစ်နိုင်သည်။ 

သို့သော်ဒါကိုကပင်ထူးခြားနေသည်။မည်သူလုပ်ပေးဖူးပါသလဲ။ ရောင်းပြီးမေ့ထားလိုက်၍ရသည့် ကိစ္စများဖြစ်သည်။ စားပြီးနားမလည်လုပ်ထား၍ရသည်ဟုဆိုရမည်။ သည်လိုနှင့်ကျွန်တော်နှင့်ကျွန်တော့် ဇနီးစင်ကာပူရှိAppleအသိအမှတ်ပြုဆိုင်မှာသွားလဲသည်။ ဆိုင်ဝန်ထမ်းစလုံးကောင်လေးက ဘက်ထရီကို အရင်စစ်ကြည့်သည်။ ဘက်ထရီကကောင်းသည်တဲ့။ ကောင်းလျှင်လဲမပေးပါတဲ့။ ကျွန်တော်တို့က တကယ်မကောင်းတာဖြစ်ကြောင်းရှင်းပြလည်းသူတို့စစ်ကြည့်သည့် အခါကောင်းသည်ဟုပြနေသည်တဲ့။ သည်လိုနှင့်တစ်ကြိမ်လှည့်ပြန်ခဲ့ရသည်။ သေသေချာချာပြန်ဆန်းစစ်တော့ကျွန်တော်တို့ကဖုန်းကိုသူတို့ဆိုင်

မသွားခင်Back up လုပ်ရုံမက Reset ပါချသွားသည်။ဒါကြောင့်ဖြစ်နိုင်သည်ဟုတွေးကာနောက်တစ် လလောက်နေပြီးထပ်သွားသည်။ Back upပဲလုပ်သည်။ Resetလုံးဝမလုပ်။ ဆိုင်က၀န်ထမ်းကောင်မလေး ကပြောသည်။ ဘက်ထရီကသူ့ကိုအားသွင်းတာ၊ သုံးတာသက်တမ်းကုန်သွား၍ထိုအတွက် ဘက်ထရီအသစ်လဲပေးပါမည်တဲ့။ နောက်ထပ်ဘာတစ်ပြားမျှပေး စရာမလိုပါဘူးဟုဆိုသည်။ ကျွန်တော့်Sim Card ကိုထုတ်ပေးသည်။ Pass code ကိုဖြုတ်ချပေးရသည်။ပြီးတော့သူတို့ဘက်ကစည်းကမ်းချက် ကိုပြောပြသည်။ ဖုန်းအတွင်းပိုင်းကိုတစ်ခုခုပြန်လည်ပြု ပြင်ထားလျှင်တော့၄၅ဒေါ်လာပေးရမည်တဲ့။ ကျွန်တော်ကတစ်ခါမျှပြင်မထားဖူးကြောင်းရှင်းပြသည်။ လုံးဝပြု ပြင်ထားခြင်းမရှိလျှင်လုံးဝမပေးရပါတဲ့။ ပြီးတော့ကျွန်တော့်ဖုန်းကိုအစင်း၊ အပေါက်၊ အနာအဆာစစ်ပြီးလက်မှတ်ထိုးပေးပြီးထားခဲ့ရသည်။

နောက်နှစ်ရက်မြောက်မနက်မှာပြန်ရသည်။ တကယ်လည်းဘာမျှမပေးရ။ ဘက်ထရီကိုသိပ်စိတ်မချ၍တစ်ရက်၊ နှစ်ရက်စောင့်ကြည့်သည်။ ဘာမျှမဖြစ်တော့။ တကယ့်အသစ်အတိုင်း။

ညဘက်အားသွင်းထားပြီးမနက်စောင့်ကြည့်လည်း၁၀၀အပြည့်ဆို၁၀၀အတိုင်း။ စိတ်တိုင်းကျသွားလေပြီ။

ယခုတော့iPhone 6 plus ကိုကျွန်တော့်ဇနီးကိုင်ခွင့်ရသည့်တိုင်ကျွန်တော့်လက်မှာ iPhone5သာကျန်ခဲ့သည်။ ကျွန်တော့်အတွက်အဆင်ပြေနေပါသည်။အကယ်၍များiPhone5ဘက်ထရီအရင် အတိုင်းသာဖြစ်နေလျှင်တော့တစ်မျိုးစဉ်းစားရပါမည်။

ယခုဘက်ထရီအသစ်နှင့်ဆက်ကိုင်ခွင့်ရနေသောအခါ Apple ကိုကိုယ့်ပိုက်ဆံနှင့်ကိုယ်သုံးသော်ငြားကျေးဇူး တင်ပါသည်။ iPhone4မှသည် 5 နှင့် 6plus များတိုင်၊ Toshiba ကွန်ပျူ တာအစုတ်ကလေးမှသည် Mac Book Pro ကိုပြောင်းဝယ်ခဲ့သည့်တိုင်၊ The New  iPad မှသည် iPad Air2 အထိတိုင်Appleကိုအားပေးလာသူ တစ်ဦးအနေနှင့် ထိုမျှသောဝန်ဆောင်မှုကိုပေးသည်ကိုပင်ကျွန်တော်ကျေနပ်ပါသည်။ Apple ကိုသုံး၍ငွေကုန်ကျိုးနပ်သည်ဟုယခင်ကတည်းကထင်ခဲ့သည့်အတိုင်းယခုလိုဝန်ဆောင်မှုမျိုးသည် ကျွန်တော့်လိုApple ထုတ်ကုန်များကိုသာမန်သုံးစွဲသူတစ်ဦးအတွက်ယခင်ကငွေကုန်ခဲ့သမျှ ကုန်ရကျိုးနပ်သည်ဟုပင် ထင်မြင်မိပါသည်။ တစ်နည်းအားဖြင့်ဆိုရလျှင်ပန်းသီးများစားခဲ့သည်မှာကြာပြီဖြစ်သော်လည်း ချိုမြိန်ခြင်း၏ရသကိုယခင်ကခံစားခဲ့သလိုယခုလည်းထပ်မံခံစားမိသလိုပင်။               ။

ဆူးသစ်

၂၂း၂၄ နာရီ ( စင်ကာပူစံတော်ချိန် )

၂၈.၁၁.၂၀၁၄

[ ပုံမူရင်း-အဖြူ ရောင်လမ်းကလေးဘလော့]

" Facebook ပေါ်က ကျွန်တော့် Status များ " (၁၆)

+မနက်ဖြန်သည်ကျွန်တော်တို့မြန်မာနိုင်ငံကြီး၏လွတ်လပ်ရေးနေ့ဖြစ်သည်။အချိန်ကာလအားဖြင့်(၆၅)နှစ်အတွင်း လူပေါင်းများစွာ၏အသက်၊သွေး၊ချွေးတို့ဖြင့်ရင်းနှီးထားခဲ့ရသလိုထိုအရာများဖြင့်ပင်ထိုလွတ်လပ်ရေးကြီးရေရှည် တည်တံ့စေရန်ကြိုးစားခဲ့ရသည်။ဗိုလ်ချုပ်အောင်ဆန်းဦးဆောင်ကြိုးပမ်း ခဲ့သောလွတ်လပ်ရေး၏ အသီးအပွင့်ကိုယနေ့ကျွန်တော်တို့ခံစားခွင့်ရရှိခဲ့သည်။ထိုသို့ရရှိခဲ့သော်ငြားလည်းယနေ့တိုင်မလွတ် လပ်နိုင်သေးသူများလည်းရှိနေကြသေးသည်။ကျွန်တော်သည်ပင် ကိုယ့်ကိုယ်ကိုလွတ်လပ်သည်ဟု ထင်နေမိသော်ငြားလည်းတကယ်တော့ပြင်ပဗဟိဒ္ဓကလွတ်လပ် သလောက် အတွင်းစိတ်အဇ္ဈတ္တကမူ ထင်သလောက်လွတ်လပ်ခြင်းမရှိ။ကိုယ့်စိတ်နှင့်ကိုယ့်ကိုယ် တွဲနေခွင့်အမြဲရှိနေဖို့ကမလွယ်။ တစ်ခါတစ်ခါတော့စိတ်သွားတိုင်းကိုယ်ပါနိုင်သောဘ၀ဆိုသည် ကိုတွေးရင်းအားကျမိသည်။ မည်သို့ဆိုစေကျွန်တော်ရပ်တည်နေရသောနေရာတစ်နေရာမှာ ကျွန်တော့်စိတ်သည်လွတ်လပ်စွာ ရှိမနေစေကာမူကျွန်တော်ရပ်တည်ရခြင်း၏အကျိုးဆက်မှာလူများစွာချမ်းသာမှုရရှိမည်ဆိုလျှင် ကျွန်တော့်စိတ်ကိုနောင်နှစ်ပေါင်းများစွာအထိသည်အတိုင်းသာဆက်ထားမိမှာအမှန်ပင်ဖြစ်သည်ကို မနက်ဖြန်ကျရောက်မည့်လွတ်လပ်ရေးနေ့ကိုတိုင်တည်၍ပြောပြချင်မိပါသည်။လွတ်လပ်ရေးဆိုသည့်သဘောကို ကကိုယ်တိုင်ကြိုးစားနေသူများအတွက်ပါချင်မှပါလိမ့်မည်။သေချာသည်ကတခြားသူများကသာလွတ်လပ်သည် ဆိုသည့်အရသာကိုပိုင်ဆိုင်နိုင်ခွင့်ရှိသည်ကို ကျွန်တော်တို့၏ခေါင်းဆောင်ကြီးဗိုလ်ချုပ်အောင်ဆန်းနှင့်တကွ တိုင်းရင်းသားများကသက်သေပြု ခဲ့ကြသည် မဟုတ်လား။ ( ဇန်န၀ါရီလ ၃ ရက်၊ ၂၀၁၃ ခုနှစ် )

+မနေ့ကကျွန်တော်နှင့်ရန်ကုန်စက်မှုတက္ကသိုလ်မှာတစ်မေဂျာတည်းအတူ တက်ခဲ့ပြီးသေပေါင်း ရှင်ပေါင်းပေါင်းခဲ့သောသူငယ်ချင်းများနှင့်ပြန်တွေ့ ရသည်။ အမှန်ကအင်္ဂလန်မှာအလုပ်လုပ်နေသော 
သူငယ်ချင်းကစင်ကာပူကိုဆွေးနွေးပွဲလာရင်းစင်ကာပူကသူငယ်ချင်းတစ်ယောက်ကထမင်းလိုက်ကျွေး၍ တစ်ညနေခင်းမှာဆုံကြရတာဖြစ်သည်။မည်သို့ပဲဖြစ်ဖြစ်စက်မှုအဓိကဘာသာရပ်ဖြင့် စက်မှုတက္ကသိုလ်ကကျောင်းပြီးခဲ့သောကျွန်တော်တို့ကို စင်ကာပူကဆက်လက် ရှင်သန်ခွင့်ပေးခဲ့သည့်အတွက်စင်ကာပူကိုကျေးဇူးတင်မိသည်။ အင်္ဂလန်ကသူငယ်ချင်းသည်လည်း 
စင်ကာပူမှာဘွဲ့လွန်ပြီးသွားခဲ့တာဖြစ်သည်။ကျွန်တော်အပါအ၀င်ကျန်သူများကလည်းစင်ကာပူမှာအလုပ်လုပ်နေတာဖြစ်သည်။ သည်တော့စင်ကာပူကိုကျေးဇူးတင်ပါသည်။
သည်နေ့ကျတော့ယခင်ပရောဂျက်ကမန်နေဂျာကညနေစာခေါ်ကျွေးသည်။ မြန်မာ၊ တရုတ်၊ အိန္ဒိယ၊ မလေး၊ စလုံး စသည်ဖြင့်လူမျိုးစုံပါသည်။ ကျွန်တော်တို့အားလုံးလည်း စင်ကာပူမှာအလုပ်လုပ်နေတာဖြစ်သည်။ သည်တော့စင်ကာပူကိုကျေးဇူးတင်ရပြန်သည်။ လူပေါင်းစုံရပ်တည်ခွင့်ရနေသည့်အတွက်ပါ။
တစ်ခုပဲရှိသည်။သူငယ်ချင်းများနှင့်ဆုံသောအခါရယ်စရာ၊မောစရာများကပြောမကုန်။  ပြန်ခါနီးသည်အထိ အားလုံးသည်နွေးနွေးထွေးထွေး။ ယခင်ကကျောင်းသားဘ၀ကာလများလိုနုပျိုသည်။ အိမ်ပြန်ချိန်မှာတောင်အတူတူ။ အိမ်အထိအရောက်ပြန်ဖို့ကားဆိုသည်ကိုပူစရာမလို။ အလုပ်ကလူများနှင့်စကားပြောတော့အားလုံးကဟန်လုပ်နေတာသိသာသည်။တချို့ကမိမိဂုဏ်ပုဒ်များကို သူဋ္ဌေးရှေ့မှာပုံမပေါ်ပေါ်အောင်မရမကဖော်နေကြသည်။ အပြန်ကျတော့လမ်းကြုံလိုက်မိသောမိမိအမှား ကိုတွေးရင်းနောင်တရ ချင်သည်။ အတူပါရုံးဝန်ထမ်းအမျိုးသမီးများကိုနှာဘူးကျ၍အရင်လိုက်ပို့သော 
တခြားနိုင်ငံသားတစ်ယောက်ကြောင့်အနီးဆုံးကျွန်တော်ကနောက်ဆုံးမှ အိမ်သို့ရောက်တော့သည်။ ဒါကတော့ အရင်းနှီးဆုံးသူငယ်ချင်းများနှင့်တွေ့ခဲ့ရသောညနေစာနှင့် နိုင်ငံတကာကလာသော လုပ်ဖော်ကိုင်ဖက်များနှင့်စားခဲ့ရသောညနေစာ၏အဓိက ကွာခြားချက် ပင်ဖြစ်ပေမည်။ မည်သို့ဖြစ်စေစင်ကာပူကိုတော့ကျေးဇူးတင်နေပါဦးမည်။ သူစိမ်းများအကြောင်းကိုပိုသိခွင့်ရသည့်အတွက်ပါ။ (ဇန်န၀ါရီလ ၁၉ ရက်၊ ၂၀၁၃ ခုနှစ် )
 
+သည်နေ့မိုးတဖွဲဖွဲမှာအိမ်ကိုပြန်စဉ်ကားမှတ်တိုင်ရောက်ခိုက်ဘတ်စ်ကားတန်းရသည်။ ကားကလူနည်းနည်းနှင့်ရှင်းနေသည်မို့ချောင်သားပဲဟုတွေးကာ အပေါ်ထပ်ကိုတက်ခဲ့သည်။ဖြစ်ချင်တော့ အပေါ်ထပ်တက်တက်ချင်း လူကရှင်းနေ၍မျက်လုံးကစားပြီးကြည့်လိုက်စဉ်နောက်နားခပ်လှမ်းလှမ်း မှာကောင်မလေးတစ်ယောက်ထိုင်နေသည်ကိုတွေ့ရသည်။ဦးထုပ် ကလေးဆောင်းထား၍စလုံးမပဲနေမှာ ဟုတွေးကာနိုင်ငံခြားသားကြည့်သည်ကိုသိပ်ကြိုက်လေ့မရှိသောစလုံးမများအကြောင်း ကြားဖူးနေ၍သေသေချာချာမကြည့်တော့ဘဲရှေ့နားမှာသာထိုင်ဖြစ်ခဲ့သည်။သို့သော်လူ၏သဘာဝ၊ ကားစီးတာကြာလာသည့်အခါကိုယ့်ဘာသာနောက်ကျောမလုံသလိုဖြစ်လာသည်။ တခြားလူအများကြီးပါလာလျှင်သည်လိုဖြစ်မှာမဟုတ်။သည်ကြားထဲမောင်မျိုးမင်း(ရင်တွင်းဖြစ်)၏'ကားပေါ်မှာ ပါလာတယ်'ဆိုသောသရဲကားကိုလည်းစိတ် ကပြန်မှတ်မိလာသည်။ပိုပြီးမလုံမလဲဖြစ်လာ၏။ယာဉ်မောင်း၏ ကင်မရာရှိနေတာပဲလေဆိုပြီးငြိမ်နေလိုက်သည်။သို့သော်ကင်မရာထဲမှာဟိုဟာတွေကပေါ်တာမပေါ်တာ မကျိန်းသေ။အတွေးတွေကလည်းမြန်သည်။ရန်ကုန်မှာကားတစ်စီးသူ့ဘာသာမောင်းထွက်သွားပြီးနောက် တစ်စီးကိုဝင်တိုက်သည်ဆိုသောသတင်းကိုလည်းဖတ်ထားတာပူပူနွေးနွေးရှိသေးသည်ကိုမှတ်မိနေသည်။ အပြင်မှာမိုးအေးနေ၍ချွေးတော့မပြန်မိ။ ကိုယ့်ဘာသာဖုန်းသုံးနေရင်းထိုကောင်မလေး၏ငြိမ်သက်မှုကို အံ့အားသင့်နေ မိသည်။ဖုန်းလည်းမပြော။သီချင်းသံလည်းသဲ့သဲ့ကိုမကြားရ။ကျွန်တော့်ဇနီးကဖုန်းခေါ်တော့ ဖုန်းပြောရင်းအာရုံကတစ်ဖက်မှာရောက်နေ၍သာ သက်သာတော့သည်။နောက်တော့ကားမှတ်တိုင် တစ်တိုင်အရောက်မှာနောက်ကနေဖျတ်ဖျတ် ဖျတ်ဖျတ်အသံကြားတော့ကျွန်တော်နေလို့မရတော့။ လှည့်ကြည့်မည်ကြံစဉ်မှာပင်သူ့နှုတ်ကအသံထွက်လာသည်။ I arrive ..............စသည်ဖြင့် စလုံးမအင်္ဂလိပ်သံ။ တော်သေးသည်။ လူစစ်စစ်ပဲဟုတွေး၍ရသွားသည်။ကျေးဇူးရှင်မဟုစိတ်ထဲက တိုးတိုးရေရွတ်မိသည်။ (ဇန်န၀ါရီလ ၁၉ ရက်၊ ၂၀၁၃ ခုနှစ် )

+မနေ့ကပင်နီဆူလာပလာဇာရောက်သည်။မြန်မာပြည်ခေါ်ရန် ဖုန်းကတ်နှစ်ကတ်ဝယ်သည်။ကျွန်တော်က Pagodaဆိုသောရွှေတိဂုံပုံပါသည့်ဖုန်းကတ်ကိုဝယ်သည်။ဆိုင်ကအန်တီကြီးကဖုန်းကတ်နှစ်ကတ်ကိုထိုးပေးရင်းHello Panda ဆိုသည့်မုန့်ဘူးလေးတစ်ဘူးကို ဖုန်းကတ်ချပေးသည့် မှန်ဗီရိုပေါ်တင်လိုက်သည်။ 
ကျွန်တော့်ကိုပေးသည်ဟုမထင်။ ဖုန်းဖိုးငွေချေပေးပြီးလှည့်ထွက်မည်အပြု' ယူသွားပါ ' ဆိုမှ ကျွန်တော့် ကိုပေးမှန်းသိသည်။မုန့်တစ်ဘူးအပိုရလာခဲ့၏။
သည်နေ့မနက်ကျတော့Sheng Siong မှာအအေးဝယ်စဉ် ကျွန်တော်သောက်နေကျအအေးဘူးနှစ်ဘူး ၀ယ်ဖြစ်၏။ ထိုစဉ်မှာပင်အရောင်းမြှင့်တင်ရေးဝန်ထမ်းကောင်မလေးက အချိုရည်ဘူးလေးနှစ်ဘူးကိုသီးခြား အပိုအဖြစ်လက်ဆောင်ပေးလေ၏။ သည်လိုနှင့်အချိုရည်ဘူးလေးနှစ်ဘူးအပိုရလာခဲ့ပြန်၏။
ဈေးဝယ်ပြီးငွေရှင်းရန်ကောင်တာကိုသွားတော့လူတစ်ဦးကဈေးဝယ် တွန်းလှည်းလေးပေါ်မှာ ကလေးနှစ်ယောက်ကိုတင်ကာ တွန်းလာသည်ကိုတွေ့သည်။နောက်တော့ထိုကလေးနှစ်ယောက်၊ တစ်ယောက်ကိုတစ်ယောက်စကြနောက်ကြရင်း ထငိုမှသေသေချာချာကြည့်စဉ်အမြွှာဖြစ်နေ သည်ကိုတွေ့ရသည်။
ကျွန်တော်တွေးမိသည်။ကုန်ပစ္စည်းတင်အပိုရတာမဟုတ်။လူလည်းကံကောင်းလျှင်အပိုလေး ရတတ်ပါလားဟု။ ( မတ်လ ၂ ရက်၊ ၂၀၁၃ ခုနှစ် )

ဆူးသစ်

၂၁း၃၉ နာရီ ( စင်ကာပူစံတော်ချိန် )

၂၇.၁၁.၂၀၁၄ 

Photo Ref: fatenfafa.blogspot.com

" Facebook ပေါ်က ကျွန်တော့် Status များ " ( ၁၅ )

+ ၁၂.၁၂.၁၂

ဂဏန်းလေးတွေလှတော့လူတွေကအစွဲတွေအများကြီးနဲ့ပြောကြတယ်။ အမှန်ကတော့ဘာမျှမဟုတ်ပါဘူး။မနက်ဖြန်မှာလည်း၁၂ရက်၁၂လရှိနေမှာပဲ။၁၂နာရီ၁၂မိနစ်၁၂စက္ကန့် ဆိုတာလည်းရှိဦးမှာပဲ။အကောင်းဆုံးကဘယ်အချိန်၊ဘယ်နေရာရောက်ရောက်ကိုယ်လုပ်သမျှကောင်းနေဖို့ပဲ လိုအပ်တာပါ။ဂဏန်းလှတာကြိုက်တော့ဒီလိုဆုံနေတာလေးတွေကစိတ်ဝင်စားဖို့တော့ကောင်းပါတယ်။ လိုတာထက်မပိုဖို့ပဲအရေးကြီးတာ။ ( ဒီဇင်ဘာလ ၁၂ ရက်၊ ၂၀၁၂ ခုနှစ် )

+လူတချို့ကကမ္ဘာပျက်မည်ဆိုပြီးအော်နေကြသည်။ဘာတွေသိ၍ဘယ်လိုယုံကြည်ချက် များနှင့်အော်နေ၊ပြောနေသည်မသိ။သေတာကတော့အားလုံးသေမျိုးချည်းသာ။ကမ္ဘာမပျက်လည်း တစ်နေ့သေကြမှာပင်။ပြီးတော့ထိုကမ္ဘာပျက်ခြင်းကိစ္စကလွန်ခဲ့သောကာလများမှာလည်းပွက်လော ရိုက်ခဲ့ဖူးသည်။နောက်တော့ဘာမျှလည်းမဟုတ်။ဟုတ်ခဲ့သည်ထားဦး။ဘယ်သူမျှလည်းတား၍မရ။ ကျွန်တော်ကတော့ရှင်သန်နေချိန်လေးမှာအကောင်းဆုံးများသာပေးဆပ်သွားချင်သည်။သေခြင်း၊ ရှင်ခြင်းကိုကျွန်တော်စီရင်ခွင့်မရှိ။သို့သော်ကျွန်တော်ကိုယ်တိုင်၏ကောင်းခြင်း၊ဆိုးခြင်းကိုတော့ ကျွန်တော်ဖန်တီး၍ရနေသည်မဟုတ်လား။သည်လိုသာယုံကြည်မိသည်။ ( ဒီဇင်ဘာလ ၂၀ ရက်၊ ၂၀၁၂ ခုနှစ် )

+ကမ္ဘာကြီးရေ-
မင်းကဘာမျှမဖြစ်ဘူး။လူတွေကဖြစ်နေတယ်။
မင်းကဘာမျှမပျက်ဘူး။လူတွေကမင်းပျက်မယ်ပြောနေတယ်။
ကဲ-မင်းရဲ့ရပ်တည်မှုကိုမင်းသိတယ်။
မင်းရဲ့ဖြစ်ပျက်မှုကိုလည်းမင်းရိပ်မိမယ်။
သေချာတာကတော့-
သူတို့ပြောတဲ့မင်းပျက်မယ်ဆိုတဲ့မနက်ဖြန်မှာ
ငါဟာမိဘတွေနဲ့အတူရှိနေမယ်။
ငါဟာငါ့ချစ်သူလက်ကိုတွဲထားမယ်။
ငါဟာငါ့ညီအစ်ကိုတွေနဲ့ဘောပွဲအကြောင်းပြောနေမယ်။
ငါဟာငါ့သူငယ်ချင်းတွေနဲ့ဖေ့စ်ဘွတ်ခ်ပေါ်မှာသတင်းတွေဝေမျှနေမယ်။
ပြီးတော့ငါဟာ......ငါရေးချင်တဲ့စာတွေအကြောင်းတွေးနေ၊ရေးနေမယ်။
ကဲ-ဒီတော့မင်းပျက်ချင်တဲ့အချိန်ပျက်တော့။
ငါစောင့်နေမယ်။  ( ဒီဇင်ဘာလ ၂၀ ရက်၊ ၂၀၁၂ ခုနှစ် )

+မင်္ဂလာပါသူငယ်ချင်းတို့။လူတချို့ရဲ့ကောလဟလအောက်မှာကမ္ဘာကခဏခဏပျက်နေရတာအခုတော့

ဘာမျှမဟုတ်ဘူးဆိုတာကိုငါတို့ရဲ့မင်္ဂလာရှိတဲ့နံနက်ခင်းတစ်ခုမှာမင်္ဂလာပါလို့နှုတ်ဆက်ရင်း သက်သေပြုနိုင်ခဲ့ပါပြီ။တိုးတက်နေတဲ့ခေတ်ကြီးထဲမှာကျက်သရေမရှိ၊မင်္ဂလာမရှိ၊ဘယ်သူမျှအတည်မပြုနိုင်တဲ့

သတင်းမှားတွေကိုမမျှဝေမိစေဖို့သတိပြုသင့်တယ်ဆိုတဲ့အကြောင်းအခုလိုဖြစ်ရပ်မျိုးတွေကသက်သေပြနေ

တယ်ဆိုတာကိုဒီနေရာကနေအသိပေးပါရစေ။ ( ဒီဇင်ဘာလ ၂၂ ရက်၊ ၂၀၁၂ ခုနှစ် )

+မြန်မာပြည်မှာအင်တာနက်သုံးရသည်ကအရူးမလင်လုပ်ရသည်ထက်ဆိုးသည်ဟုကျွန်တော်ထင် သည်။အခုတစ်မျိုး၊တော်ကြာတစ်မျိုးမဟုတ်လား။သည်လောက်တောက်လျှောက်သုံးလာသောFacebookကို ဖွင့်သောအခါဖွင့်နေရင်းမှာပင်ကျွန်တော့်ကိုပြန်မေးသည်။ကိုယ်လိုချင်သောစာမျက်နှာက တက်မလာ။စာလုံးပေါင်းမှန်မမှန်ပြန်စစ်ပါတဲ့။စာလုံးပေါင်းမှားနေလားတဲ့။အင်တာနက်မို့လို့သာပေါ့။ လူဆိုလျှင်ကျွန်တော်နားရင်းပါးရင်းထရိုက်ပစ်လိုက်သည်။သူ့ဘာသာကြောင်နေသည်ကိုထည့် မပြော။ ကိုယ်ကပဲFacebookကိုစာလုံးပေါင်းမှားနေသလိုလိုလာလုပ်နေသည်။သူငယ်ချင်းများ ကိုတော့ပြောပြဖြစ်သည်။စင်ကာပူတုန်းကအင်္ဂလိပ်စာသိပ်မတတ်လို့မြန်မာပြည်ပြန်လာပြီး Facebookကိုဘယ်လိုစာလုံးပေါင်းသလဲပြန်လာသင်နေသည်ဟု။ ( ဒီဇင်ဘာလ ၂၄ ရက်၊ ၂၀၁၂ ခုနှစ် )

ဆူးသစ်

၂၂း၅၃ နာရီ ( စင်ကာပူစံတော်ချိန် )

၂၅.၁၁.၂၀၁၄

" Facebook ပေါ်က ကျွန်တော့် Status များ " ( ၁၄ )

+ဗွီအိုင်ပီဆိုသောပုဂ္ဂိုလ်များကိုကျွန်တော်ခဏခဏကြုံခဲ့ဖူးသည်။ဝန်ထမ်းလုပ်စဉ်ကာလကတည်းက အကြိမ်ပေါင်းမရေမတွက်နိုင်။သူတို့လာရခြင်း၏အကြောင်းကိုသေသေချာချာမသိခဲ့သော်ငြားသူတို့လာသည့် အတွက်တော့ဆက်စပ်ပတ်သက်နေသူများတစ်ယောက်မျှအငြိမ်မနေရ။ထိုသို့သောသူများနှင့်ပတ်သက်၍ လည်းနိုင်ငံတိုင်းကအတူတူပင်ဖြစ်မည်။ယခုကျွန်တော်လုပ်နေသောအလုပ်မှာအနှီဗွီအိုင်ပီဆိုသောပုဂ္ဂိုလ်များ အင်မတန်လာ၏။သူတို့လာသည်ကဘာမျှမဖြစ်သော်လည်းမလာခင်မှာကြိုပြီးသန့်ရှင်းရေးလုပ်၊စည်းရိုးကာ၊ လမ်းရှင်းနှင့်ကျွန်တော်တို့အလုပ်တစ်ခုလုံးဘယ်သူမျှမနားရတော့။သူတို့ကလည်းလာသည်။ပြန်သွားသည်။ ပြီးတော့မှတ်ချက်ပေးသွားသည်။ဒါကပဲဗွီအိုင်ပီတို့၏အလုပ်ဖြစ်မည်။ကျွန်တော်တို့လုပ်ကွက်၏ဘေးကင်းရေး ၀န်ထမ်းအကြီးဆုံးကတော့ ကျွန်တော်တို့ကိုပြောဖူးသည်။သူတို့လည်းသည်လိုလေးအကြောင်းပြလာမှ စင်ကာပူခဏခဏလာလို့ရမှာလေတဲ့။ဟုတ်လည်းဟုတ်သည်။လုပ်ကွက်လာကြည့်သည်ကတစ်မနက်ဆိုလျှင် အကုန်ပြီးသည်။သည်တော့တခြားနိုင်ငံကတောင်တကူးတကလာကြည့်သည်ဆိုသောရည်ရွယ်ချက် ကိုသေသေချာချာပြန်စစ်လျှင်စင်ကာပူကိုခဏခဏလာ၍ရသည်ကအမြတ်ဖြစ်မည်ထင်သည်။ သို့သော်ကျွန်တော်ဝန်ထမ်းဘ၀ကအရာရှိကြီးပြောခဲ့ဖူးသောစကားလေးကိုလည်းမှတ်မိနေသေး သည်။'တပ်ရင်းမှူးဆယ်နာရီ၊တပ်သားငါးနာရီ'ဟုဆို၏။ဘယ်အချိန်လာမည်မှန်းမသိသောပုဂ္ဂိုလ်အတွက် ကျွန်တော်တို့စပြင်ရသည်ကဘယ်နှစ်ရက်မှန်းပင်သိမှမသိနိုင်တာ။လာခဲ့ကြပါဦး၊ဗွီအိုင်ပီတို့ရေဟုသာအော် လိုက်ချင်တော့သည်။ ( အောက်တိုဘာလ ၃၀ ရက်၊ ၂၀၁၂ ခုနှစ် )

+ဂျပန်ကုမ္ပဏီကြီးနှစ်ကုမ္ပဏီနှင့်ကျွန်တော်အလုပ်တွဲလုပ်ဖူးသည်။တစ်ကုမ္ပဏီက 

အီလက်ထရွန်းနစ်၊စက်မှုစသည်ဖြင့်စုံနေအောင်လုပ်သည်။ပထမကုမ္ပဏီဟုဆိုပါစို့။ ဒုတိယကုမ္ပဏီကတော့ဆောက်လုပ်ရေးတစ်ခုကိုပဲတွင်ကျယ်အောင်လုပ်သည်။ပထမကုမ္ပဏီ လည်းဆောက်လုပ်ရေးလုပ်သော်ငြားသူတို့ကနာမည်ကိုကအီလက်ထရောနစ်၊စက်မှုကိုစောင်းပေးတာ များသည်။ထိုကုမ္ပဏီနှစ်ခုယှဉ်လိုက်သောအခါပထမကုမ္ပဏီ၏Managementကတော်တော်သာသည်ကို သွားတွေ့ရသည်။Drawing၊Planစသည်ဖြင့်သူတို့လုပ်ပုံကတော်တော်သွက်သည်။ အမှားနည်းသည်။ဒုတိယကုမ္ပဏီကတော့တလွဲချည်းသာ။မည်မျှတလွဲသနည်းဆိုလျှင်လုပ်ပြီးသား များပြန်ဖြုတ်ရသည်ကခဏခဏ။လုပ်ကွက်တစ်ခုလုံးလည်းပြန်ဖြုတ်ရ၍တန်းလန်းဖြစ်နေသောပစ္စည်းများက မနည်း။လုပ်ပြီးသားပြန်ဖြုတ်ရသည်ဆိုတော့မလုပ်ခင်ကဆိုပိုဆိုးသည်။Drawingမရှိ။ရှိသည်၊အမှား။ သည်တော့ထိုကုမ္ပဏီနှစ်ခုကိုနှိုင်းယှဉ်ရင်းManagement၏အားသာချက်၊အားနည်းချက်သည်အလုပ် မှာတော်တော်တာသွားသည်ကိုသဘောပေါက်မိတော့၏။ထို့ပြင်ဂျပန်ကုမ္ပဏီဆိုတိုင်းလည်း

Managementကောင်းသည်ဟုမဆိုသာဆိုသည်ကိုနည်းနည်းတော့ရိပ်မိသွား၏။
( နိုဝင်ဘာလ ၁၂ ရက်၊ ၂၀၁၂ ခုနှစ် )

+မနက်မိုးလင်းလင်းချင်းဘတ်စ်ကားစီးသွားတော့ကားပေါ်မှာငိုက်သည်။ကားပေါ်ကဆင်း၍ သင်္ဘောပေါ်ရောက်တော့သင်္ဘောပေါ်မှာထပ်ငိုက်သည်။သင်္ဘောပေါ်ကနေတစ်ဖက်ကမ်းရောက်၊ယူနီဖောင်း လဲပြီးလုပ်ကွက်ထဲကိုဘတ်စ်ကားနှင့်သွားတော့ကားပေါ်မှာငိုက်လို့ရသမျှထပ်ငိုက်ပြန်သည်။သည်လိုနှင့် ဘ၀ကငိုက်လို့မဆုံးသောဘ၀ဖြစ်နေသည်။သည်လိုနေ့စဉ်နီးပါးငိုက်နေသော်ငြားထိုသို့ငိုက်မျဉ်းခြင်းကြား မှာရွေ့လျားနေသောမိမိဘ၀ကိုတော့ကျေနပ်နေမိသည်။အိပ်ရေးပျက်၍ငိုက်ခြင်း သာဖြစ်ပြီးတကယ့်ဘ၀ထဲမှာငိုက်နေခြင်းမဟုတ်။ဘ၀အတွက်သွားနေသောအလုပ်သွားရာလမ်းမှာ ငိုက်ခြင်းဟုတွေးရင်းငပျင်းစိတ်ဖြေဖြေမိသေး၏။ ( နိုဝင်ဘာလ ၂၅ ရက်၊ ၂၀၁၂ ခုနှစ် )

+တချို့ Decision Maker တွေကိုတော်တော်လေးလေးစားနေတယ်။ ဘယ်လိုမှသုံးမရဘဲ ထိခိုက်ဆုံးရှုံးမှု များမယ်ဆိုတဲ့ဆုံးဖြတ်ချက်တွေကိုပဲချချပေးနေလို့။ ရွေးချယ်စရာမရှိလို့လည်းမဟုတ်၊ မသိလို့လည်းမဟုတ်၊ အမှန်ကငါတစ်ဘို့တည်းကောင်းစားဖို့အတွက်သာချတဲ့ဆုံးဖြတ်ချက်တွေပဲ။ဘယ်လိုအတွေးအခေါ် ပညာတွေနဲ့ချပစ်လိုက်မှန်းကိုမသိဘူး။ဘယ်သူမှလိုက်လို့ကိုမမီဘူး။ပေါက်ကရနဲ့တလွဲချည်းပဲ။ ( နိုဝင်ဘာလ ၂၉ ရက်၊ ၂၀၁၂ ခုနှစ် )

+စီးပွားရေးဘာသာရပ်များသင်စဉ်ကစီးပွားရေးလုပ်သည့်ကုမ္ပဏီများသည်သူတို့ကုမ္ပဏီများ၏ပုံရိပ် တက်စေရန်လူမှုရေးလုပ်ငန်းများကိုပါတွဲဖက်လုပ်ကိုင်လေ့ရှိကြသည်ဟုမှတ်သားဖူးသည်။သူတို့ ကုမ္ပဏီပုံရိပ်တက်စေရန်နာမည်ဆိုးဖြင့်ကျော်ကြားသည့်အလုပ်များကိုလုပ်လေ့မရှိကြ။တစ်ခါမျှ မကြားဖူး။သို့သော်ယခုတော့စီးပွားရေးဘာသာရပ်များထဲမှာထပ်မံဖြည့်သွင်းရမည့်အချက်များရှိလာသည်ကို သတိထားမိသည်။ကုမ္ပဏီနာမည်ပျက်အောင်လုပ်သည့်လုပ်ရပ်မျိုး၊ပြည်သူနှင့်သုံးစွဲသူ ဒုက္ခရောက်အောင်လုပ်သည့်ကိစ္စမျိုးကတော့သူ့ဘာသာသေတွင်းတူးသည်ဟုကျွန်တော်တို့ နားလည်ရသည်။ထိုကဲ့သို့ကုမ္ပဏီမျိုးကိုမည်သူကအားပေးပါမည်နည်း။စက်ဆုပ်ရွံရှာဖွယ်ကောင်းလှသည် ကားအမှန်။ ( ဒီဇင်ဘာလ ၂ ရက်၊ ၂၀၁၂ ခုနှစ် )

ဆူးသစ်

၂၀း၁၅ နာရီ ( စင်ကာပူစံတော်ချိန် )

၂၃.၁၁.၂၀၁၄

Photo Ref: www.freepik.com

" Facebook ပေါ်က ကျွန်တော့် Status များ " ( ၁၃ )

+ကျွန်တော်အခုတလောသတိထားမိတာလေးတစ်ခုရှိသည်။ကိုယ်ကဘာရယ်မဟုတ်ပြောလိုက်မိတာလေးကို

ထပေါက်ကွဲပြသူများနှင့်ကြုံနေရခြင်းမှာကိုယ်မှားသလားဆိုသည်ကိုပြန်သုံးသပ်နေမိသည့်အခါကိုယ့် ဘာသာတော့လိပ်ပြာသန့်နေမိသည်။တစ်ဖက်လူကကိုယ့်စကားကိုသေသေချာချာခံစား၍သေသေချာချာ တုန့်ပြန်သည်ကိုကြုံရသောအခါမည်မျှလိပ်ပြာသန့်သည့်တိုင်ကိုယ်မှားသွားသလိုခံစားရ၍နောက်တစ်ခါ ထိုသို့မဖြစ်အောင်ကြိုးစားထိန်းမည်ဟုသံန္နိဋ္ဌာန်ချလိုက်မိသည်။သို့သော်တစ်ဖက်မှာလည်း သူတို့၏တုန့်ပြန်မှုများကနေသူတို့ဘာလဲဆိုသည်ကိုကျွန်တော်ဖမ်းမိသွား၍သူတို့ကိုပိုပြီးသိမိ သွားသည်။တစ်နည်းပြောရလျှင်အတန်းပညာကမသင်ပေးသောပညာတချို့ကိုသူတို့ဆီက ရလိုက်သလိုရှိသည်။ကျွန်တော်မှားသလိုဖြစ်နေသည့်တိုင်လူတချို့ဆီကရလိုက်သော ပညာများအတွက်တော့သူတို့မှန်သည်၊မှားသည်ထား။ကျေးဇူးတော့တင်နေမိပြန်သည်။ ( စက်တင်ဘာလ ၂၉ ရက်၊ ၂၀၁၂ ခုနှစ် )

+မိုးခြိမ်းသံများကိုစကြားရသည်။လေတိုက်သံများကိုအခန်းအပြင်မှာတရစပ်ကြားရ၏။ပြူ တင်းပေါက်ကလေကြောင့်လှုပ်ခတ်သံသည်အခန်းတွင်းမှကျွန်တော့်ကိုအာရုံအသစ်တစ်ခုဖြစ်စေ၏။ ခဏနေတော့မိုးစက်တို့၏ပုတ်ခတ်ကျရောက်သံကိုကြားသည်။အပြင်ထွက်ရင်းပြူတင်းပေါက် ကငေးသည့်အခါပတ်ဝန်းကျင်မှာမိုးရေစက်တို့တဖွဲဖွဲကျနေသည်ကိုတွေ့သည်။အိမ်အောက်က မီးတိုင်များသည်မိုးရေစက်တို့အောက်မှာငိုက်မျဉ်းနေကြ၏။စိမ်းသောသစ်ပင်တို့သည်မိုးရေကြောင့် ချမ်းသက်ကုန်သည်ထင်၏။အရာရာသည်အေးချမ်းနေသည့်အသွင်။သို့သော်ထိုမိုးကြောင့် လွမ်းရသောလူတစ်ယောက်အတွက်တော့မိုးကိုခံစားရင်းနာကျင်နေသလိုလို။ ( အောက်တိုဘာလ ၄ ရက်၊ ၂၀၁၂ ခုနှစ် )

+သည်နေ့သံရုံးသွားစဉ်မနက်စောစောမှာသံရုံးကလုံခြုံရေးဝန်ထမ်းအိန္ဒိယအဘိုးကြီးကကျွန်တော့်ကိုမြင်ပြီး Friendဟုနှုတ်ဆက်သည်။ဪ-ငါ့ကိုသူကFriendဆိုတော့ငါလည်းတော်တော်အိုနေပြီလားမသိဘူးဟု အတွေးဖြစ်သည်။နေ့လယ်ပင်နီဆူလာပလာဇာရောက်တော့ဆံပင်ညှပ်စဉ်ထုံးစံအတိုင်းဆံပင်ဖြူ များဖွေးနေ ၍ဆေးဆိုးမလားဟုညှပ်ပေးသည့်ဝန်ထမ်းကောင်မလေးကမေးတာခံရပြန်သည်။ ဇရာပေါ့ဟုဖြေတွေး၏။တိုက်ဆိုင်တာများသည့်အခါအရင်ကအဖြစ်များပြန်သတိရမိသေးသည်။ စင်ကာပူရောက်စကအလုပ်ဆင်းစဉ်ဘူတာသွားရာလမ်းမှာအဘိုးကြီးတစ်ဦးကသူ့ငယ်ပေါင်းကြီးဖော် တစ်ယောက်ကိုတွေ့သလိုကျွန်တော့်ကိုလှမ်းပြုံးပြတာကြုံဖူးသည်။နောက်ကိုကြည့်တော့လည်းဘယ်သူမျှမရှိ။ တည့်တည့်ကိုပြုံးနေတာဖြစ်သည်။ဪ-ငါ့ရုပ်ကအဘိုးကြီးပုံများပေါက်နေလားဟုတွေးကာ အလုပ်ထဲရောက်မှပြန်စဉ်းစားခဲ့ဖူးသည်။တလောကတော့ကလေးနှစ်ယောက်ကျွန်တော့်ကိုပြုံးပြီးနှုတ် ဆက်ပြန်သည်။ဒါကျတော့ရုပ်ကငယ်လို့မဟုတ်။တစ်ခုခုမှားနေသည်ဟုကျွန်တော်တွေးသည်။ အခန့်မသင့်လျှင်သူတို့အဖေကပင်ကျွန်တော့်ကိုလာသတ်နိုင်သောကိစ္စမျိုး။ ဘာပဲဖြစ်ဖြစ်ထိုကလေးနှစ်ယောက်ပြုံးခြင်းသည်အဘိုးအိုတစ်ယောက်ကိုတွေ့သလိုမျိုးဆိုလျှင်လည်း လက်ခံရပေမည်။ကလေးကိုး။ဒါကဖြေတွေး။သိပ်မကြာခင်ကတော့စားနေကျမြန်မာထမင်းဆိုင်ကဈေးသည် အမျိုးသမီးကမောင်လေးဟုခေါ်တာခံရသည်။တကယ်တော့သူမသည်ကျွန်တော့်ထက်ငယ်မည့်ပုံ။ သည်လိုအခေါ်ခံရတော့လည်းအင်း-ငါမအိုသေးပါလားတွေးရင်းထိုတစ်ခါကတော့ ကိုယ့်ဘာသာကျိတ်ပြုံးလေးပြံးလိုက်ခဲ့မိသေးသည်။ ( အောက်တိုဘာလ ၁၈ ရက်၊ ၂၀၁၂ ခုနှစ် )

+လူဆိုသောသတ္တ၀ါကားနားလည်ရခက်လှချေ၏။မှန်တာကိုပြောလျှင်မကြိုက်။

မမှန်တာပြောကလိမ်သည်ဟုဆိုကာထိုအရာကိုလည်းမကြိုက်။ ( အောက်တိုဘာလ ၂၅ ရက်၊ ၂၀၁၂ ခုနှစ် )

+Facebookတွင်တင်လာသောStatusများ၊ပုံများကိုကြည့်ရှုခံစား၍ကြိုက်နှစ်သက်သောအခါLike လုပ်သောအခါရှိသလိုပြန်၍Shareသည့်အခါလည်းရှိပါသည်။မည်သူကမျှခိုင်း၍မဟုတ်။ကိုယ့်ခံစားချက်နှင့် ကိုယ်လုပ်ကြတာဖြစ်သည်။သို့သော်တချို့သောသူများ၏Statusများ၊ပုံများတွင်ကြိုက်လျှင် Likeပါ၊Shareပါဆိုသည့်စာများပါလာလျှင်တော့ကျွန်တော်ဘယ်တော့မျှLikeလည်းမလုပ်ပါ။ Shareလည်းမShareတတ်ပါ။ကျွန်တော့်ရင်ထဲကခံစားမှုကိုလာ၍အမိန့်ပေးသလိုခံစားရ၍ဖြစ်ပါသည်။ လွတ်လပ်စွာသဘောထားကွဲလွဲခွင့်ကျွန်တော့်မှာရှိသည်လေ။ ( အောက်တိုဘာလ ၂၅ ရက်၊ ၂၀၁၂ ခုနှစ် )

ဆူးသစ်

၁၄း၄၇ နာရီ ( စင်ကာပူစံတော်ချိန် )

၂၃.၁၁.၂၀၁၄

Photo Ref: webneel.com

" Facebook ပေါ်ကကျွန်တော့်Statusများ " ( ၁၂ )

+  မြန်မာပြည်မှာဆိုရင်လျှင်ညဆယ်နာရီသည်သူငယ်ချင်းများနှင့်လက်ဖက်ရည်ဆိုင်ထိုင်ပြီးပြန်ချိန်

(သို့မဟုတ်)လေကန်ဝေဖန်နေတုန်းအချိန်ဖြစ်နိုင်သည်။ယခုတော့စင်ကာပူမှာညဆယ်နာရီကား

ကျွန်တော့်အဖို့အလုပ်ကအပြန်ကားမှတ်တိုင်မှာကားစောင့်နေဆဲရှိသေးသည်။ထိုအရာကပင်မြန်မာပြည်နှင့်

စင်ကာပူ၏ကွာခြားချက်လား။ထိုအရာကပင်မြန်မာပြည်မှာစိတ်ချမ်းသာပြီးစင်ကာပူမှာဘ၀ပျောက်နေ

သည်လား။ထိုအရာကပင်မြန်မာပြည်မှာဝင်ငွေနည်းပြီးစင်ကာပူမှာငွေရှာ၍ကောင်းသည်လား။

မည်သည့်အရာကအမှန်လည်းဆိုသည်ကိုစဉ်းစားရခက်နေဆဲပင်။ ( စက်တင်ဘာ ၁၇၊ ၂၀၁၂ ခုနှစ် )

+ ကျွန်တော်သည်ဘေးအန္တရယ်ကင်းရှင်းရေး၊ကျန်းမာရေးနှင့်ပတ်ဝန်းကျင်ဆိုင်ရာကြီးကြပ်ရေးမှူးဖြစ်သည့်

အတွက်လုပ်ငန်းခွင်မှာကိစ္စတော်တော်များများကိုသတိထား၍လေ့လာလေ့ရှိသလိုကိုယ်ကိုယ်တိုင်လည်း

ဂရုစိုက်နေလေ့ရှိသည်။အထူးသဖြင့်ကျွန်တော့်သောက်ရေဘူးကိုမျှ၍သောက်လေ့မရှိ။သို့ သော်တစ်နေ့မှာ

ကျွန်တော့်ရေဘူးကိုတောင်းသောက်သည့်လူရှိလာခဲ့သည်။တကယ်တော့ကျွန် တော့်အတွက်တော်တော်

စိတ်ကျဉ်းကျပ်စေသည့်ကိစ္စဖြစ်သည်။သို့သော်သူဘယ်လိုသောက်မလဲဆိုသည်ကိုသိချင်၍ရော၊

တကယ်ရေဆာနေသူဖြစ်၍ရောသူ့ကိုကြည့်ပြီးသနားစိတ်နှင့်ပေးသောက် ခွင့်ပြုလိုက်သည်။သူကားနှုတ်ခမ်းနှင့်မထိဘဲရေဘူးကိုခွာ၍မော့ပြီးပါးစပ်ထဲသို့တန်း၍လောင်းချ သည့်သောက်နည်းမျိုးနှင့်သောက်သွားသည်။ကျေးဇူးတင်မိသည်။နို့မို့ဆိုကျွန်တော့်ရေဘူးကို ကျွန်တော်သွားဆေးရပေဦးမည်။သို့သော်သူသောက်ပုံသောက်နည်းကိုကြည့်ပြီးကျွန်တော်ကျေနပ်၍

မဆေးဖြစ်တော့။သူရေ၀သွားတာကြည့်ရင်းကြည်နူးမိသည်။လုပ်ကွက်ထဲမှာရေတစ်ခါသောက်ဖို့

မခက်သော်ငြားရေဘူးမပါလျှင်သောက်ရတာနည်းနည်းတော့ကသီသည်။နောက်တစ်ခုကိုယ့်ဘာသာ ကြည်နူးမိတာရှိသေးသည်။ထိုရေတောင်းသောက်သူသည်ကျွန်တော်အလုပ်လုပ်နေသောကုမ္ပဏီနှင့်

ပတ်သက်လျှင်စစ်ဆေးရေးဝင်တိုင်းဘေးအန္တရာယ်ကင်းရှင်းရေးနှင့်ပတ်သက်ပြီးမည်သည့်အခါမျှ

အကောင်းပြောသူမဟုတ်။ထိုလိုလူကိုဘေးအန္တရာယ်ကင်းရှင်းရေးတာဝန်ယူထားရသောကျွန်တော်က

ကျွန်တော့်ရေဘူးထဲကရေကိုတိုက်လိုက်ရသောအခါပို၍ကြည်နူးမိပါသည်ဆိုလျှင်ကျွန်တော်လွန်မည်လား။

( စက်တင်ဘာ ၁၉၊ ၂၀၁၂ ခုနှစ် )

+  အလုပ်ထဲမှာလက်ဆေးနေရင်းဆပ်ပြာအမြှုပ်များနှင့်အဆီများဝေ့ပြီးအဖြူရောင်နှင့်ဆီအနီရောင်ရောကာ

အရည်ပျော်နေသောရေခဲမုန့်မျိုးဖြစ်နေသည်ကိုကျွန်တော်သတိထားမိသည်။တကယ်တော့ရေခဲမုန့်နှင့်

လက်ဆေးရာကကျလာသောအရည်များသည်လားလားမျှမဆိုင်။ခွက်တစ်ခုထဲထည့်၍ လက်ဆေးရေကိုသွားပေးကြည့်ပါကမည်သူကစားမည်နည်း။ထိုအခါအပေါ်ယံကြည့်ပြီးသဘောကျမိလျှင် တချို့ကိစ္စများ၌ဒုက္ခရောက်သွားနိုင်သည်ဆိုသောအတွေးတစ်ခုကကျွန်တော့်ခေါင်းထဲသို့ တည့်တည့်ကြီးဝင်ချလာတော့သည်။ ( စက်တင်ဘာ ၂၁ ၊ ၂၀၁၂ ခုနှစ် )

+  တိုင်းပြည်ကဒီမိုကရေစီလမ်းကိုသွားနေရင်းမှာပင်စိတ်ပျက်စရာများကိုတစ်ပုံကြီးမြင်နေရသည်။ပြည်တွင်း စစ်ကမရပ်သေး။လူများစွာ၏ဒုက္ခကတစ်ပုံတစ်ပင်။နောက်ဆုံးမြင်ရသည်ကကျူးကျော်သည်ဆိုသော အိမ်များအဖျက်ခံရခြင်း။လူများစွာ၏ငိုယိုနေမှုကိုကြည့်ကာကျွန်တော့်စိတ်ကသိပ်မခိုင်။ လက်အုပ်ချီတောင်းပန်နေသောသူတို့မျက်နှာများကကျွန်တော့်နှလုံးသားကိုဆုပ်ချေနေသည့်နှယ်။ ကျွန်တော်မှန်သောစကားပြောပါမည်။မျက်ရည်ဝဲမိသည်အထိခံစားရပါသည်။အားလုံးငြိမ်းချမ်းကြပါစေဟု သာဆုတောင်းနေမိသည်။ကျွန်တော်လုပ်နိုင်သည်ကထိုတစ်ခုတည်းသာရှိသည်မဟုတ်လား။ ( စက်တင်ဘာ ၂၁ ၊ ၂၀၁၂ ခုနှစ် )

+ လူတိုင်းမှာနားလည်မှုလိုအပ်သည်ဟုကျွန်တော်ထင်ပါသည်။မိဘနှင့်သားသမီးကြား၊လင်နှင့် မယားကြား၊ချစ်သူသမီးရည်းစားကြား၊သူငယ်ချင်းအချင်းချင်းကြား၊ဆရာနှင့်တပည့်ကြား၊လုပ်ငန်းရှင်နှင့် ၀န်ထမ်းကြား၊အစိုးရနှင့်ပြည်သူကြား  စသည်ဖြင့်များပြားလှစွာသော လူမှုကွန်ယက် အတွင်းတွင်
နားလည်မှုသည်သေသေချာချာလိုအပ်လျှက်ရှိသည်ဟုကျွန်တော်ထင်သည်။
ထိုသို့မဟုတ်ပါကတစ်ဦးနှင့်တစ်ဦးကြားတွင်စကားလုံးတစ်လုံးကပင်ဒေါသကိုဖြစ်စေပြီးစကားလုံးတစ်လုံးက
ပင်နာကျင်ခြင်းကိုဖြစ်စေလိမ့်မည်ဖြစ်သည်။စကားလုံးတစ်လုံးကပင်တစ်သက်လုံးအတူလက်တွဲလာသမျှ လမ်းခွဲခြင်းကိုဖြစ်စေပြီးစကားလုံးတစ်လုံးကပင်စစ်ပွဲများအသွင်ဖြစ်သွားစေနိုင်သည်မဟုတ်လား။ 

( စက်တင်ဘာ ၂၃ ၊ ၂၀၁၂ ခုနှစ် )

ဆူးသစ်

၂၂း၂၁ နာရီ ( စင်ကာပူစံတော်ချိန် )

၂၀.၁၁.၂၀၁၄

( Photo Ref: keepingthefarm.blogspot.com)

Make Money at : http://bit.ly/copy_win

"ငယ်ဖော်စိတ်ဖြင့်စွယ်တော်ရိပ်တွင်တကယ်ပျော်၍ အိပ်မိသည်" အပိုင်း ( ၂ )

 ကျွန်တော်ယခု စွယ်တော်ရိပ်သင်္ကြန်အကြောင်း၊ တစ်နည်းအားဖြင့် စွယ်တော်ရိပ် အနုပညာပြပွဲများ အကြောင်း ဆောင်းပါးရေးနေစဉ်မှာပင် ၀မ်းသာစရာ သတင်းတစ်ခုကို ကြားသိရသည်။ ကျွန်တော်တို့ အမိ ရန်ကုန်စက်မှုတက္ကသိုလ်မှ စက်မှုအင်ဂျင်နီယာ ကျောင်းဆင်းတစ်ဦးဖြစ်သူ ဆရာ မောင်စိန်ဝင်း( ပုတီးကုန်း) သည် အရှေ့တောင်အာရှအဆင့် ကဗျာဆရာဆုကို ရရှိသည်ဆိုသော သတင်းပင်။ စက်မှုတက္ကသိုလ် က ပေါက်ဖွားလာသော အနုပညာရှင် တစ်ဦး၏ အောင်မြင်မှုကို ကျွန်တော် ၀မ်းသာကြည်နူးမိပါသည်။

ထို့အတူ ရန်ကုန်စက်မှုတက္ကသိုလ်မှ မွေးထုတ်ပေးလိုက်သော အနုပညာရှင်များ များစွာရှိနေပါသေးသည်။ ယခုနှစ်စဉ်လို ကျင်းပနေသော စွယ်တော်ရိပ်သင်္ကြန်နှင့် စွယ်တော်ရိပ် အငြိမ့်တို့မှလည်း အောင်မြင်သော အနုပညာရှင်များစွာ ပေါ်ထွက်မလာနိုင်ဘူးဟု မည်သူဆိုနိုင်ပါမည်နည်း။ ကျွန်တော်ကတော့ ကြည်နူး ၀မ်းသာစိတ်တို့နှင့်အတူ စွယ်တော်ရိပ်သင်္ကြန် ၂၀၀၉ ကို ခံစားမိပါတော့သည်။

စွယ်တော်ရိပ်  သင်္ကြန် ( ၂၀၀၉ ) ခုနှစ် .............

စွယ်တော်ရိပ် သင်္ကြန် ၂၀၀၉ ကို အစီအစဉ်တင်ဆက်သူ နှစ်ဦးဖြင့် စတင်ခင်းကျင်းသည်။ အမျိုးသား တစ်ဦးနှင့် အမျိုးသမီးတစ်ဦး။ အမျိုးသားသည် နောက်မှသိရသည်မှာ ကိုဘကျော်( မြို့ပြ ) ဖြစ်သည်။ သူသည် သီချင်းရေးသည်။ လူရွှင်တော်ဟောင်း ဖြစ်သည်ဟုဆိုသည်။ စွယ်တော်ရိပ်၂၀၀၆ က သာ စကြည့်ခဲ့ရသော ကျွန်တော့်အတွက်တော့ ရှေ့ပိုင်းစွယ်တော်ရိပ်ပွဲများမှာ ကိုဘကျော် လူရွှင်တော် လုပ်ခဲ့သည်ကို မကြည့်ရသေး။ သို့သော် အနုပညာ အရည်အသွေးကတော့ သေးမည်မထင်။ ၀ါသနာ ပိုးလည်း ကြီးသည်ဟု မြင်မိသည်။ အစီအစဉ် တင်ဆက်သူ အမျိုးသမီးကတော့ ကျွန်တော်တို့နှင့် တစ် Batch ထဲက သူငယ်ချင်းဟု ထင်သည်။ သူက လေသံတော်တော်အေးသည်။

ပထမဆုံးက အဖွင့်သီချင်း။ သင်္ကြန်သံချပ်ထိုးပုံမျိုးဖြင့် တင်ဆက်သွားသည်။ ရေးသူက ကိုဘကျော်။ ဇာတ်တိုက်သည်မှာ မနာသောအခါ သီချင်းအ၀င်များ Timing လွဲသည်။ သံချပ်ပုံစံဖြစ်၍ မြိုင်တော့မြိုင်သည်။ ကျားနှင့်မတို့ အားပြိုင်ပုံမျိုးကို အကလေးများနှင့် တွဲထားသည်။ ထူးခြားချက်က စင်အပြင်အဆင်။ ရှေ့နှစ်များထက် ပိုထူးခြားလာသည်။ ရောင်စုံမီးများကလည်း ပို၍စုံလာသလိုပင်။ စာတန်းက "စွယ်တော်ရိပ် သင်္ကြန် ၂၀၀၉ Organized by Ex-RIT" ဟု စင်နောက်ခံမှာ ထိုးထားသည်။ ကျွန်တော် ရင်အခုန်ဆုံးက Ex-RIT ဆိုသော စာသား။ RIT ဟု မြင်လျှင်၊ ကြားလျှင်ကို ရန်ကုန်စက်မှုတက္ကသိုလ်ကျောင်းသား ပီသစွာ ရင်ကထထခုန်သည်။ ကျွန်တော်ကတော့ YIT ဆိုသော စကားလုံးအောက်မှာ ကြီးပြင်းခဲ့ရသော ရန်ကုန်စက်မှုတက္ကသိုလ်ကျောင်းသား။ နောက်ဆုံးနှစ်ကျမှ YTU ဆိုပြီး ထဖြစ်သော်ငြား ကျွန်တော်တို့နှလုံးသားက RIT ဆိုသော စာလုံးကိုကြားလျှင် ရင်ခုန်မြဲ။ ထားတော့။

နောက်အစီအစဉ်က ဘုရားရှင်ကို ပုဂံခေတ်က ဆီမီးဖြင့် ပူဇော်သောအကပုံစံဖြင့် ဖျော်ဖြေသည်ဟု ဆိုသော " မဟာဝီရ အို-ဗုဒ္ဓ " သီချင်း။ အကလေးများကို မိန်းကလေးသုံးယောက်က ကြိုးစားကသွားသည်။ မီးအလင်းအမှောင် ကောင်းသည်။ လက်ထဲက ဆီမီးခွက်များသည် တကယ့်ဆီမီးခွက်များအလား။ သို့သော် ဇာတ်ဆရာတို့ မျက်စိလျှမ်းသည် ထင်၏။ တကယ်တော့ ထိုသီချင်းသည် ပုဂံခေတ်ကို ကိုယ်စားမပြု။ မြတ်စွာဘုရား ပွင့်တော်မူရာ အိန္ဒိယကို အခြေခံ၍ သီချင်းကို အိန္ဒိယပုံစံ သံစဉ်တည်ဆောက်ထားတာ ဖြစ်သည်။ ဒါလည်း ကျွန်တော် နားလည်ပေးနိုင်သေးသည်။ ပရိသတ်လည်း ဘာမျှမဖြစ်။ အဓိကက ဘုရားကို ဆီမီးပူဇော်တာသာ အဓိက ဖြစ်သည်။

သို့သော် တည့်တည့်ဝေဖန်ရလျှင် ကျွန်တော့်အတွက် အင်မတန် စိတ်မကျေနပ်စရာ ကောင်းသော အချက်တစ်ချက်ကို ထိုသီချင်းမှာ တွေ့ရသည်။ တခြားတော့ မဟုတ်။ ဇာတ်ဆရာတို့က မသိလေသလား။ အရေးမထားလေသလား။ အစီအစဉ် ကြေငြာသူတို့ကပဲ မေ့လျော့ခဲ့လေသလား မသိ။ သီချင်းရေးသူ နှင့် သီဆိုသူကို လုံးဝ( လုံးဝ ) မကြေငြာဘဲ သီချင်းတစ်ပုဒ်လုံး ပြီးသွားခြင်းပင်။ ရှေ့ကကိုဘကျော် သီချင်းမှာတော့ ရေးသူက မည်သူမည်ဝါဟု လုပ်သွားပြီး တေးရေး မောင်မောင်ဇော်လတ်က သံစဉ်ရှာကာ အဆိုတော် ထူးအိမ်သင် ကိုယ်တိုင်ရေး၊ ကိုယ်တိုင်ဆိုထားသော ထိုသီချင်းကို ဘုရားကန်တော့ရုံသက်သက် လုပ်သွားခြင်းကတော့ စွယ်တော်ရိပ် ဇာတ်ဆရာတို့အတွက် နောက်နောင် သတိပြုစရာ ဖြစ်သည်ဟု ဆိုချင်သည်။

နောက်အစီအစဉ်တစ်ခုက " သူတို့ခေတ်နဲ့ သူတို့အချစ် " ဆိုသော အချစ်အကြောင်းကို ခေတ်အမျိုးမျိုး တင်ဆက်သည့် တေးသရုပ်ဖော် ပုံစံမျိုး။ ဒေါ်မာမာရီ စီစဉ်သည်ဟု သိရသည်။ အောင်ပြည့်နှင့် ဟာသမယ် မွန်ရီအောင်တို့က သားအဖအဖြစ် သရုပ်ဆောင်ကာ တေးသရုပ်ဖော်ကို ဖွင့်သည်။ သူတို့နှစ်ဦးကား ဟာသသရုပ်ဆောင်ရသည်ကို ယဉ်ပါးနေလေရာ ပွဲကိုထိန်းတတ်လေသည်။ သူတို့က အစပြု၍ ခေတ် အဆက်ဆက် အချစ်များကို သီချင်းနောက်ခံထားကာ ဖျော်ဖြေသွား၏။

ပထမဦးစွာ ဘုရင်ခေတ်၊ ထို့နောက် အဘိုးအဘွားခေတ်၊ ထို့နောက် အဖေအမေခေတ်၊ နောက်ဆုံးကျမှ ယခုလက်ရှိ သားသမီးများခေတ်။ အဖေအမေခေတ်ကိုတော့ စွယ်တော်ရိပ်၏ ကျောင်းကပွဲမှာတွေ့ သည်ဟု ပြောသွားသောအခါ အမိစက်မှုတက္ကသိုလ်ကို လွမ်းချင်မိတော့သည်။ အခန်းတိုင်းမှာ အ၀တ်အစားကို သတိထားသွားတာတော့ ကျွန်တော်သတိပြုမိသည်။

ထိုတေးသရုပ်ဖော်ပြီးတော့ " မူယာကြော့ "  သီချင်းကို အဆို၊ အကနှင့် ဖျော်ဖြေသည်။ ထို သီချင်းပြီးတော့  "  ဘီလူးပန်းစိုက် " အက။ ဒဿဂီရိမှ သီတာဒေ၀ီ၏ ဦးခေါင်းတွင် ပန်းစိုက်ရန် ကြိုးစားသည့် အကဖြစ်သည်။ အစီအစဉ်တင်ဆက်သူများက ခက်ခဲနက်နဲသည်ဟု ဆိုသည်။ တကယ်လည်း ခက်ခဲနက်နဲသည်။ ဟိုးတုန်းက ယဉ်ကျေးမှုဝန်ကြီးဋ္ဌာနက ကပြလျှင် ကျွန်တော် ကြည့်ခဲ့ရသည်။ ငယ်ငယ်က ပြည်ထောင်စုနေ့ကပွဲများမှာ ယဉ်ကျေးမှုက ဇာတ်ရှိသည်။ ယခုတော့ စွယ်တော်ရိပ်၏ စင်ကာပူကပွဲမှာ ကြည့်ရလေပြီ။ ကျွန်တော်ကြားဖူးနားဝ ရှိသည်မှာ ရာမယဏကလျှင် ဦးခေါင်းခေါင်းစွပ် စွပ်ဖို့ကိုပင် သက်သတ်လွတ်စားရ သည်ဟု ဆိုသည်။ စွယ်တော်ရိပ် ဇာတ်ဆရာတို့ မည်သို့ ကသည်မသိ။

ထိုအကမှာ ဒဿဂီရိနေရာကနေ လူရွှင်တော် ဩဘာက တင်ဆက်သည်။ ပြောရလျှင် ဩဘာ၏ ခန္ဓာကိုယ်က ဒဿဂီရိအဖြစ် ကဖို့အခွင့်အရေး ပေးထားပုံရသည်။ ထို့ပြင်ကျွန်တော် သတိထားမိသည်က ဩဘာသည် ကိုကြီးကျော်လည်း ကခဲ့သည်။ သည်တော့ သူ့အနုပညာအရည်အသွေးကို လျှော့တွက်၍ မရ။ ဗီဇကြီးသည်ဟု ဆိုရမည်။ ပိုးလည်း ထ၏။ သူ့ကို အပြင်မှာ ကျွန်တော် မသိပါ။ သို့သော် သူ့ကို ဇာတ်မျိုးရိုးများ ရှိလေသလားဟုပင် တွေးမိ၏။ သူ့အနုပညာ အရည်အသွေး ကောင်းသည်ကိုတော့ ၀န်ခံရပေမည်။ ရန်ကုန်နည်းပညာ တက္ကသိုလ်ကျောင်းသား တစ်ယောက်၏ အနုပညာစွမ်းအားကို ကျွန်တော် ဘယ်တော့မျှ လျှော့မတွက်ခဲ့။ ကျွန်တော်တို့ ကျောင်းထွက်များသည် နယ်ပယ်စုံမှာ အနုပညာသမားများအဖြစ် များစွာရှိနေလေသည်။

" ဒဿဂီရိ ပန်းစိုက်အက " ပြီးတော့ သင်္ကြန်ယိမ်းအက။ ဒါလည်း စွယ်တော်ရိပ် ဇာတ်ဆရာတို့ အကွက်ချထားပုံ ရသည်။ သင်္ကြန်အကလည်း မကျန်အောင် ထည့်ရင်း အဓိကအစီအစဉ်များ ကြားမှာ ခင်းကျင်းထားသည်။

ထို့နောက်မှာတော့ " ခင့်ဆုတောင်း "  ဆိုသည့် မင်းသားအက။ မည်သူ့သီချင်းမှန်း ကျွန်တော်မသိ။ ဇာတ်မင်းသား အသံဖြစ်သည်။ ချမ်းသာ ( သို့မဟုတ် ) တင်မိုးဝင်းဟု ကျွန်တော် ထင်မိသေးသည်။ သီချင်းကကောင်းသလို အကကလည်း ကောင်းသည်။ တစ်ယောက်တည်းကသည် ဆိုသော်ငြား ထိုမင်းသား အစ်ကိုကြီးသည် ခွင်ကျအောင် ကနိုင်သည်။ အချိုးအချနှင့် ဆိုင်းကို သူအလွတ်မပေး။ ခွင်ကျအောင် လိုက်ကသည်။ ဒါကို ကျွန်တော် သတိထားမိသည်။ တကယ်ဆို စွယ်တော်ရိပ်ပွဲမို့ သူခိုလိုက်လျှင် ရသည်။ သို့သော် သူသည် တကယ့်အနုပညာသမားလို သူ့အကကိုသူ တန်ဖိုးထားသည်။ ကျွန်တော် လေးစား မိသည်။

ထိုအကပြီးတော့ စွယ်တော်ရိပ်ဇာတ်ဆရာတို့ ပရိသတ်ကို ထပ်လှုပ်နှိုးဖို့ ကြိုးစားသည်။ သင်္ကြန်သံချပ်ကို ခင်းသည်။ သံချပ်ဆိုသည်က Timing ကိုက်မှ ပိုလှသည်။ သူတို့ကြိုးစားသည်။ သို့သော် ရသည့်အချိန်ကို လုပြီး ဇာတ်တိုက်ထားရသောအခါ ဇာတ်မနာ၍ Timing တချို့လွဲသည်။ ပိုဆိုးသည်က စာရွက်များကိုင်၍ လွဲနေကြခြင်းပင်။ သို့သော် ပရိသတ်များအနေနှင့်ကတော့ သံချပ်အာသာပြေမည်ဟု ကျွန်တော်ထင်သည်။

သံချပ်ထဲတွင် အေးဂျင့်နှင့် အိမ်ဖော်၊ ပင်နယ်ဆူလာက မြန်မာများ အရက်သောက် ၀ိုင်းဖွဲ့သည့် ကိစ္စ၊ ကုန်ဈေးနှုန်း၊ လမ်း၊ မီးမလာသည့်ကိစ္စ စသည့် မြန်မာပြည်က ကိစ္စများကို စွယ်တော်ရိပ်လူရွှင်တော်များဖြင့် ၀ိုင်းဝန်းကာ သီချင်းများဖြင့် တင်ဆက်သွားသောအခါ Timing လွဲလွဲသွားသော်ငြား သံချပ်သည် မြူးကြွ သွားလေသည်။

ထို့နောက်မှာတော့ " နန်းဆန်တဲ့ မန်းသင်္ကြန် " သီချင်းဖြင့် ယိမ်းအကကို ဖျော်ဖြေသည်။ ကိုဘကျော် အဆိုကောင်းသည်။ သီချင်းကလည်း ကောင်းသည်။ အကကတော့ ကျွန်တော်တို့နှင့် တစ်Batchတည်း ရွှေစင်မက ဦးဆောင်၍ ကသည်။ ကြည့်လို့တော့ လှ၏။ သူလည်း ၀ါသနာက သေးမှမသေးတာ။

နောက်တော့ တီးဝိုင်းနှင့် သီချင်းများဖြင့် ဖျော်ဖြေသည်။ တီးဝိုင်းနာမည်ကို ကြေညာတော့ ကျွန်တော် နားမလည်။ နောက်မှ သိရသည်က Alternate Crunch ဟုဆိုသည်။ တီးသူများကို မကြေညာခင်ကတည်းက တီးသူတချို့က ကျွန်တော်နှင့် တစ်တန်းတည်း သူငယ်ချင်းများ ဖြစ်နေသည်ကို သိရသည်။ တစ်ယောက်က မင်းမင်းထွန်း။ သူကတော့ ကျောင်းတုန်းကတည်းက အဆောင်မှာ လက်စွမ်းပြနေသူဟု ကျွန်တော် ကြားဖူးသည်။ လိဒ်ဂစ်တာသမား။ ယခုမှ ထတီးသူမဟုတ်။ ကြာခဲ့ပြီ ဖြစ်သည်။ သူတို့ကို ကျွန်တော် ယုံသည်။ တကယ်တီးတော့လည်း ၀ိုင်းကောင်းတစ်ဝိုင်းကို သူကထိန်းကျောင်းသွားသည်။

နောက်တစ်ယောက်က ငါငူး။ တကယ်တော့ သူ့နာမည်က စောကပြူးထူးငါငူး။ သူက ယခုဝိုင်းမှာ ကီးဘုတ်တီးနေသည်။ တကယ်တော့ သူက အဆိုတော် ရတနာဦးတို့နှင့် Kenosis မှာ ဟာမိုနီလိုက်သူ။ သူတို့အဖွဲ့ နာမည်ကြီးသော သီချင်းကို ပြောဆိုလျှင် " ဒါဆိုချစ်လို့ရပြီ " ဆိုသောသီချင်း။ ဒါဆို ချစ်လို့ရပြီ ကလေးလေးရယ် ဆိုသော အသံကို နေရာတော်တော်များများမှာ ကျွန်တော်တို့ကြားခဲ့ဖူးသည်။ ဂီတဆိုသည်က နဂိုကတည်းက သူ့အတွက် အဖော်။ သူတို့အဖွဲ့ပင် The Bees ဆိုပြီး အခွေထွက်ခဲ့သေးသည်။ Westlife အဖွဲ့၏ သီချင်းများကို ဆိုသူများထဲမှာ သူတို့က တော်တော်စောသည်။ ကျွန်တော့်အိမ်မှာ ငါငူးတို့ အခွေရှိသေးသည်။ ကျွန်တော်ကတော့ ကြိုက်၏။ မင်းမင်းထွန်းရော၊ ငါငူးပါ ကျွန်တော်နှင့် တစ်တန်းတည်း။ Mechanical ကျောင်းသားများ။

သူတို့ဝိုင်းမှာ အစီအစဉ်ကြေညာနေသူကလည်း ကျွန်တော်တို့နှင့် တစ်တန်းတည်းဟု ကျွန်တော် သိနေသည်။ နာမည်ကို မမှတ်မိတော့။ သူတို့ဝိုင်းကတော့ ပရိသတ်ကို မြိုင်မြိုင် ဆိုင်ဆိုင်နှင့် ဖျော်ဖြေသွားသည်။ သင်္ကြန်သီချင်းများကို ဆိုသလို တခြားသီချင်းများကိုပါ ရွေး၍ဆိုသွားသည်။ မိန်းကလေးအဆိုရှင်ထဲမှာ ပိုးရည်ကတော့ သမ္ဘာသမားမို့ ဆိုဟန်ဆိုပေါက် ကောင်းသည်။

သူတို့တီးဝိုင်းပြီးမှ ပရိသတ်မျှော်လင့် တောင့်တနေသော စွယ်တော်ရိပ် အငြိမ့် စကသည်။ ရှေ့ထွက် မင်းသမီး နန်းဝေယံမြင့်၊ ခေါင်းဆောင် မင်းသမီး နှင်းဝေေ၀၊ လူရွှင်တော်များက ဩဘာ၊ ချိန်သီး၊ ပူလီနှင့် ဓာတ်ကြိုးတို့ ဖြစ်သည်။ ဇာတ်ဆရာက ဩဘာဖြစ်၏။

ထုံးစံအတိုင်း လူရွှင်တော်များက ပိတ်ကားအဖွင့်မှာ မထွက်။ ဇာတ်စင်ဘေးက ထွက်လာသည်။ ဩဘာ၏ အစီအစဉ်ဖြစ်မည်။ ပရိသတ်ကို မျက်စိဆွဲခေါ်၏။ သို့သော်ခွန်းထောက်ဆိုမည် ဆိုသောအခါ မိုက်ကစဒုက္ခ ပေးလေသည်။ အသံမထွက်။ ခွန်းထောက်ဆိုဖို့ အချိန်ပြန်စောင့်ရ၏။ ၂၀၀၉ စွယ်တော်ရိပ်၏ လူရွှင်တော် အသစ်က ဓာတ်ကြိုးဟု ဆိုသည်။ လူရွှင်တော်အဖြစ်သာ သူကသစ်သည်။ အရင်နှစ်မှာ ကိုကြီးကျော်ကတော့ သူကအရန်နတ်။ ဆရာမ စာသင်ခန်းမှာ သူကကျောင်းသား။ ကျန်သုံးယောက်က ယခင်နှစ်ကတည်းက။

ခွန်းထောက်အပြီးမှာ သူတို့တစ်တွေ အတိုင်အဖောက်ညီသည်။ ထုံးစံအတိုင်း ဩဘာကို အထိုင်ချကာ ကျန်သူတွေနှင့် ၀ိုင်းသည်။ ၀ိုင်းသည် ဆိုသော်ငြား သူတို့၏ အခန်းကဏ္ဍက မသေး။ ကိုယ့်တာဝန် ကိုယ်ကျေသည်ဟု ဆိုရမည်။ ဩဘာကတော့ စွယ်တော်ရိပ် အငြိမ့်၏ ဇာတ်ဆရာဖြစ်၍ သူ့ပြက်လုံးများက ဆိုဖွယ်ရာ မရှိတော့။ မြန်မာလူမျိုးများ သိပ်မသေချာလျှင် ဓာတ်ဆိုသော စကားလုံးကို သုံးသည်ဆိုကာ သူပြက်သွားသည်မှာ အများကြီး။ သူက ပရိသတ်ကို မည်သို့ပြောပြလျှင် ရယ်မည်ဆိုသော အချက်ကို ကောင်းကောင်းသိနေပေပြီ။ ဥပမာ-ဓာတ်ဆိုသော စကားလုံးကို သူရှင်းပြနေပြီး အဆုံးသတ်မှာ စကားတစ်ခွန်းနှင့် ပိတ်သတ်လိုက်သည်။ "အဲဒါဘာလုပ်မှန်းမသိရင် ဓာတ်နဲ့ချလိုက်တာပဲ" တဲ့။ ထိုအခါ ပရိသတ်ရယ်သည်။ မှန်သည်။ ထိုစကားသည် ဓာတ်နှင့်ပတ်သက်၍ သူပြောခဲ့သမျှကို သူ့ဘာသာပြန်ပိတ်လိုက်ခြင်းဖြစ်ပြီး ပရိသတ်ရယ်အောင် တစ်ချက်တည်း ရိုက်လိုက်သော ရိုက်ချက်ဖြစ်သည်။

နောက်တော့ သူတို့ပြက်လုံးက သင်္ကြန်ကိုကူးသည်။ ချိန်သီးက မုန့်လုံးရေပေါ်၊ ထန်းလျက်၊ အုန်းသီး၊ ငရုတ်သီးနှင့် မြန်မာဘီယာတို့ တွဲစား၊သောက်မိ၍ အိမ်ရောက်မှ ဒုက္ခဖြစ်ပုံကို ပြက်သည်။ တကယ်တော့ ထိုပြက်လုံးကို ကျွန်တော်ကြားဖူးသည်။ သို့သော် ချိန်သီးသည် သရုပ်ပါ၏။ ထိုပြက်လုံးမျိုးက စကားထက် သရုပ်ကလည်း အရေးပါသည်ဟု ကျွန်တော်ထင်သည်။ ချိန်သီး၏ သရုပ်ဆောင်မှုကြောင့် ပြက်လုံး ပိုအသက်ဝင်သည်။ ပရိသတ်ကား တ၀ါးဝါး။

ချိန်သီးပြီးတော့ ဓာတ်ကြိုး။ သူကား လူရွှင်တော်အသစ်ဟု ဆိုသော်ငြား ဇာတ်ပါးဝချက်က မသေး။ စင်ကာပူရောက် မြန်မာများ၏ City Hall ဆိုင်ခန်းများကို ကာရန်များနှင့် ရန်ဖြစ်ပြသွားသည်မှာ ပရိသတ်လက်ခုပ်သံ ညံတော့၏။ သူလည်း အပိတ်ကလေးကလှသည်။ ရန်ဖြစ်နေသည့် ဆိုင်ခန်းနာမည်များကို တောက်လျှောက်ပြောနေရင်းမှ မော်လမြိုင်မမကြီး၏ " မောင်လေးရေ .....လျှော်မလား၊ ညှပ်မလား " ဆိုကာ တကယ့် မမကြီးပုံစံ ပြောလိုက်ပုံမှာ ပရိသတ်ရင်ကို ထိတော့၏။

ပူလီအလှည့်ရောက်တော့ သူကထိုဆိုင်ခန်းများကို ဒိုးပတ်သံနှင့် ကြော်ငြာသီချင်းဆိုသည်။ ပူလီကလည်း သူ့အဆင်နှင့် သူ ကောင်း၏။ နောက်ဆုံးကျမှ က မလိုလုပ်နေစဉ် သီချင်းက ပြီးသွား၍ တစ်ဝက်တစ်ပျက်ကြီး ကျန်စဉ်မှာ ပူလီက ဩဘာကို သီချင်းမြန်ကြောင်း ပြောခိုက် ဩဘာက ပြောသည်။   " ရွာစား ဆရာတွေက အသက်ကြီးပြီ၊ မြန်တယ် " တဲ့။ ပရိသတ်ကား ညှိမထားရ။ ရယ်ကြပြန်သည်။

ထိုပြက်လုံးများ၏ နောက်မှာ ဩဘာပြောသွားတာကို ကျွန်တော် သေသေချာချာ နားထောင်လိုက်ပါသည်။  " ကဲ- တော်ကြပါတော့။ ပွဲလိပ်ပြာ သွင်းတဲ့သဘောတွေပါ " ဟုသူကပြောသည်။ ထိုအချက်တွေကြောင့်ပင် ဩဘာသည် ဇာတ်အထာကို နပ်သူ( သို့မဟုတ် ) ဇာတ်နှင့် ရင်းနှီးကျွမ်းဝင်သူဟု ကျွန်တော် ကောက်ချက် ချချင်သည်။ အင်ဂျင်နီယာတစ်ဦး၏ ဇာတ်အထာနပ်မှုကို ကျွန်တော် ချီးကျူးမိသည်။

နောက်တော့ ရှေ့ထွက်မင်းသမီး နန်းဝေယံမြင့် ကသည်။ သီချင်းက မြူးသည်။ အကတွေလည်း ကောင်း လာသည်။ အကအပြီး လူရွှင်တော်ထွက်ခါနီးမှာ Timing ကလွဲသည်။ ဆိုင်းဆရာတို့ ဒိုးဝင်ရမည်ကို မေ့နေ၍ လူရွှင်တော်များက သတိပေးရသည်။ သည်တော့ ပြက်လုံးအစ ၀င်ရမည့် ပူလီ ဒုက္ခရောက်တော့သည်။ ၀င်ရမည့်နေရာမှာ မ၀င်ဖြစ်သေးဘဲ မ၀င်ရမည့်နေရာမှာ ၀င်ချလိုက်သည်။ ဩဘာသည် သူ့ခွင် ပျက်မည်ကို လိုက်ထိန်းနေသည်။

ပြက်လုံးကတော့ World Crisis နှင့်တိုး၍ အဆင်မပြေသည့်အခါ ပြန်ပေတော့ဟု ဆိုသည့်သဘော။ ကျွန်တော့်သဘောဆိုလျှင် ပြက်လုံးအစသည် ပျင်းဖို့ကောင်း၏။ သို့သော် နောက်ဆုံးအပိတ်မှာ ရွာ(မြန်မာပြည်)ပြန်လျှင် အလုပ်တွေရှိသည်။ သတင်းစာ မဖတ်ဘူးလား ဆိုသော ပြက်လုံးကျမှ တက်ဆောင့်တော့သည်။ ပြီးတော့ သူတို့ကလုပ်သေးသည်။ မေခလာသီချင်း ပြန်ပေတော့ ကို " ရွာပြန်စပါး စိုက်မယ်၊ ရာဘာ အစေးကြိတ်မယ် " ဟုဆိုကာ ပြန်ပေတော့လုပ်သွားသည့်အခါ ပရိသတ်လည်း ထိုပြက်လုံး အစက မှေးနေသမျှ နောက်ဆုံးကျမှ လိပ်ပြာနိုးတော့သည်။ ဒါတောင် ဆိုင်းဆရာတို့ အ၀င်တစ်ချက်လွဲ၍ ဩဘာ မျက်မှောင်ကြီး ကျုံ့သွားသေးသည်။ ဇာတ်ဆရာ သူပြင်ထားသမျှ အလွဲမခံချင်သည်ကို နားလည်ပါသည်။ ပြက်လုံးက အရှိန်နှင့် တင်နေသည့် အချိန်ဖြစ်နေသည်ကိုး။

ရှေ့ထွက်မင်းသမီးလေး နန်းဝေယံမြင့်ကတော့ အာသွက်လျှာသွက် ရှိသည်။ မင်းသမီးက လူရွှင်တော်ကို နာမည်ခေါ် နှုတ်ဆက်သည့်အခန်းကတော့ အားလုံးသဘောကျကြသည်။ ထိုအထဲကမှ ဩဘာပြက်သွားသည့် ရှဲရှဲ.....ရှဲရှဲဆို ငရဲကြီးသည်ဆိုသော ပြက်လုံးကတော့ လူရွှင်တော်ကြီး များဖြစ်ကြသည့် ဦးမိုးဒီနှင့် ဦးမော့စ်တို့၏ ပြက်လုံးများ ဖြစ်သည်။ ဇာတ်၊ အငြိမ့်တို့ သဘောသဘာဝအရ ပြက်လုံးများ ကူးသန်းသည် ဆိုလျှင် ထိုအချက်ကို အတတ်နိုင်ဆုံး ရှောင်စေ ချင်ကြောင်း ဩဘာတို့ အုပ်စုကို ကျွန်တော်ပြောချင်သည်။ အဘယ့်ကြောင့်ဆိုသော် သူတို့အားလုံး ကိုယ့်မူကိုယ့်ဟန်နှင့် ပြက်နိုင်သူများ ဖြစ်သည်ဟု ကျွန်တော် ယုံကြည်၍ပင်။

နန်းဝေယံမြင့်အလှည့်အပြီး ပြက်သော ပြက်လုံးကတော့ ခေတ်ကိုထင်ဟပ်စေသည်။ ရုပ်မြင်သံကြားမှာ အမျိုးသမီးငယ်လေးများနှင့် တွေ့ဆုံခန်းဖြစ်သည်။ ထိုပြက်လုံးကြည့်တော့မှ ချိန်သီးသည် မိုးဒီကဲ့သို့ လူရွှင်တော်မျိုးဟု ကျွန်တော် မှတ်ချက်ပေးချင်သည်။ လိုက်တုတာမျိုးမဟုတ်။ သူ့ဟန်ပန်၊ သူ့သရုပ်ဆောင်မှုများပေါ်မှာ ကောက်ချက်ချခြင်းပင်။ ဦးမိုးဒီသည် သူ့ပြက်လုံးတော်တော်များများမှာ ခပ်တည်တည်နှင့် ရယ်စရာကောင်းအောင် လုပ်နိုင်သလို ချိန်သီးသည်လည်း ထိုသဘောတရားမျိုးကို ပိုင်ဆိုင်နေသည်။ ထပ်ပြောပါဦးမည်။ တုခြင်းမဟုတ်သော အရည်အချင်းကို ဆိုလိုခြင်းပါ။

ထို့အတူ ပူလီသည်လည်း တကယ့်လူရွှင်တော် အစစ်ဟု ဆိုရလောက်အောင် မျက်နှာနှင့် သူ့အသံတို့က ရယ်ရအောင် လုပ်နိုင်သူပင်။ သည်လိုနှင့် သူတို့ပြက်လုံးများက လှပနေတော့သည်။

ကျွန်တော့်ဆောင်းပါးရှည်မည်စိုး၍ ပြက်လုံးများကို အတိုချုံးပါမည်။ ထိုတွေ့ဆုံခန်းကတော့ အင်မတန် ရယ်ရသော ပြက်လုံးများဖြစ်သည်။ စင်ကာပူက အိမ်ဖော်အခန်းဆိုလျှင် ဘယ်လိုမျှ ထိန်း၍မရ။ မရယ်ရလျှင် ငွေပေးမည်ဆိုသည့် ပြက်လုံးမျိုး။ နောက်တစ်ခုကလည်း ထိုသို့အတူတူ။ စင်ကာပူမှာ အလုပ်လုပ်၍ ပြန်လာသူကို ဗျုးခြင်း။ ပြည်တွင်းမှာ အောင်မြင်နေသူကို ဗျုးခြင်းများကလည်း ပွဲကျစေသည်။

ထို့နောက် ခေါင်းဆောင်မင်းသမီးအလှည့်။ နှင်းဝေေ၀ ဟုဆိုသည်။ သူကလေးက မိုက်ကိုပုခုံးမှာ ချိတ်၍ ကသည်။ သူဆိုသည့်သဘော။ သို့သော် ကျွန်တော့်အထင် နောက်က ဆိုပေးနေသည်ဟု ထင်သည်။  တစ်ခုဖြစ်နိုင်တာက သူကိုယ်တိုင်ဆို၊ အသံသွင်းထားပြီးမှ ပြန်ဖွင့်တာလည်း ဖြစ်နိုင်သည်။ ထိုသို့ သူကိုယ်တိုင်ဆိုသည်ဆိုလျှင် ကျွန်တော်ကတော့ မင်းသမီးကလေးကို ချီးကျူးလိုက်ချင်သည်။ အဆိုကောင်း၊ အကကောင်းသူ ဖြစ်၍ပင်။ ပရိသတ်ကို နှုတ်ခွန်းဆက်တော့လည်း သူက သီချင်းလေးပင်ဆိုလိုက်သေးသည် မဟုတ်လား။

နောက်ဆုံး ပြက်လုံးခွင်ကလည်း ခေတ်ကိုထင်ဟပ်စေသည်။ ကယ်ဆယ်ရေးစခန်းမှ လာဘ်စားပုံများကို သရော်ထားတာဖြစ်သည်။ ခွင်အရ လူရွှင်တော်များ ပြက်ခဲ့ဖူးသော်လည်း သူတို့က သူတို့နည်း သူတို့ဟန်ဖြင့် ပရိသတ်ကို ဟာဒယရွှင်စေသည်။

သည်မျှနှင့်ဆိုလျှင် စွယ်တော်ရိပ် ၂၀၀၉ ပြီးပြီဟု ဆို၍ရနေပေပြီ။ သို့သော် မထင်မှတ်ဘဲ အခွေထဲ မပါ လာသော ပြဇာတ်တစ်ပုဒ်ကို YouTube မှာ ကျွန်တော် အမှတ်မထင် သွားတွေ့သည်။ " ထူးဆန်းထွေ လာ ခွေးတို့ရွာ " ဟု နာမည်ပေးထားသည်။ ဇာတ်ဆရာက ဓာတ်ကြိုး။ ထိုပြဇာတ်ကို ကြည့်ခြင်းဖြင့် ဓာတ်ကြိုးသည် လျှော့တွက်မရသော အနုပညာ ဖန်တီးမှု အားကောင်းသူဆိုသည်ကို ကျွန်တော် ကောက်ချက်ချမိတော့သည်။ ထိုပြဇာတ်ကိုတော့ YouTube ကအတိုင်း ကျွန်တော် ပြန်ရှယ် လိုက်ပါသည်။ မကြည့်ရသေးသူများ ကြည့်နိုင်ရန်နှင့် စွယ်တော်ရိပ်၏ အနုပညာခွန်အားကို မှန်းဆနိုင်ရန် အတွက်ပါ။




သည်တော့ ပြန်၍ အနှစ်ချုပ်ရလျှင် စွယ်တော်ရိပ်ကို ကြည့်လျှင် အငြိမ့်သည် ပထမဦးစားပေး ဖြစ်ပါသည်။ ယခုတော့ ပြဇာတ်သည်လည်း ဦးစားပေးထဲ ကျွန်တော် ထည့်လိုက်ပါသည်။ စွယ်တော်ရိပ်သည် လူရွှင်တော်များကြောင့် လှပ၍ မြိုင်ဆိုင်သွားသည်ဆိုလျှင် ကျန်သူများ၏ အနုပညာ စုစည်းအား နှင့် စွမ်းအားများကိုပါ မေ့ဖျောက်၍ မရပါ။                   

ကျွန်တော့်အမြင် ပြောရလျှင် ကျွန်တော်ကြည့်ရသော စွယ်တော်ရိပ်သည် ၂၀၀၆ မှသည် ၂၀၀၈တွင် တိုးတက်ခဲ့ပြီး ယခု ၂၀၀၉တွင်တော့ အဆမတန် ပို၍တိုးတက်သော၊ အောင်မြင်သော ပွဲတစ်ပွဲဖြစ်ခဲ့ သည်ကတော့ အမှန်ပင်။ အကယ်၍ စင်ကာပူသည် မြန်မာ အင်ဂျင်နီယာများ ခြေချရာ တိုင်းပြည်တစ်ပြည်ဆိုလျှင် စွယ်တော်ရိပ်သည် မြန်မာ အင်ဂျင်နီယာတို့ အနုပညာစွမ်းအားဖြင့် စင်ကာပူရောက် မြန်မာများကို ဖျော်ဖြေမှုပေးရာ၊ အနုပညာရသ တင်ဆက်ရာ မဟာပွဲတော်ကြီးတစ်ခု အသွင် ဖြစ်လာခဲ့ပြီဟု ဆိုချင်သည်။

စွယ်တော်ရိပ်ကို ကြည့်၍ စိတ်ချမ်းမြေ့မိသည်။ စွယ်တော်ရိပ်ကို ခံစား၍ ငယ်ဖော်များကို လွမ်းမိသည်။ စွယ်တော်ရိပ်တွင် နစ်မျော၍ အလုပ်ပင်ပန်းမှု မှန်သမျှ လျှော့ချနိုင်ခဲ့သည်။ ဆိုရလျှင် စွယ်တော်ရိပ်တွင် ကျွန်တော် တကယ်ပျော်၍ အိပ်မိပြန်လေသည်။          ။

ဆူးသစ်

၁၆း၂၁ နာရီ

၁၉.၁၀.၂၀၁၃

[ ဆက်ပါဦးမည်။ ]

[ တကယ်တော့ ယခုဆောင်းပါးများကို ရေးနေစဉ် ကျွန်တော် အလုပ်တစ်ဖက်၊ ကျောင်းတစ်ဖက်ဖြစ်နေ၍ အပိုင်းပိုင်း ကြိုးစားရေးခဲ့ရပါသည်။ ထိုအတွက် အချိန်အတော်ကြာခဲ့ရပြီး ကျွန်တော့်ဘလော့ကိုပင် ပစ်ထားခဲ့ရသည့် အနေအထားမျိုး ဖြစ်ခဲ့ပါသည်။ ယခုလည်း မအားသည့်ကြားမှ ကြိုးစားရေးခဲ့ပါသည်။ ဤဆောင်းပါးများကို ရေးသားရန် တိုက်တွန်းခဲ့သော သူငယ်ချင်း နိုင်ဝင်းလှိုင်အား ကျွန်တော့်ကို အချိန်ပေး၍ စောင့်ပေးခဲ့သည့်အတွက် ကျေးဇူးမှတ်တမ်းတင်ချင်ပါသည်။ ]

"ငယ်ဖော်စိတ်ဖြင့်စွယ်တော်ရိပ်တွင်တကယ်ပျော်၍ အိပ်မိသည်" အပိုင်း ( ၁ )

စွယ်တော်ရိပ်................။

သည်နာမည်ကို ကျွန်တော်ကြားဖူးနေသည်။ ရန်ကုန်မှာရှိစဉ်က စွယ်တော်ရိပ်ဆိုသော Web Site တစ်ခုကို ရန်ကုန်စက်မှုတက္ကသိုလ်က ကျွန်တော့်စီနီယာ အင်ဂျင်နီယာတစ်ယောက်က ပြော၍ ကျွန်တော်သိခဲ့ ရသည်။ စင်ကာပူက သူ့သူငယ်ချင်းများ ဖန်တီးတာဖြစ်ကြောင်းနှင့် စာရေးချင်လျှင် လှမ်းပို့၍ရသည် ဆို၍ ကျွန်တော်ပင် ရန်ကုန်စက်မှုတက္ကသိုလ်အတွက် ပထမဆုံးရေးဖြစ်ခဲ့သော ကဗျာအကြောင်းကို ပို့ဖြစ်ခဲ့ပြီး သူတို့ ဖော်ပြခဲ့သည်။

တလောကတော့ ရန်ကုန်စက်မှုတက္ကသိုလ်မှ ကျွန်တော့်သူငယ်ချင်းများ၏ Status များတက်လာသောအခါ စွယ်တော်ရိပ်ဆိုသော နာမည်တစ်ခုကို ထပ်တွေ့ရသည်။ ကျွန်တော့်အထင် စွယ်တော်ရိပ် Web Site ကိုဖန်တီးသူတို့ပဲ ဆက်လက်ဖန်တီးလေသလား မသိ။ သို့သော် သည်တစ်ခါ စွယ်တော်ရိပ်ကတော့ဖြင့် Web Site မဟုတ်တော့ပြီ။ အနုပညာအားကောင်းကောင်းဖြင့် ဖန်တီးနေသော ကပွဲတစ်ခုဖြစ်နေလေသည်။

သည်လိုနှင့် တစ်နေ့မှာ မထင်မှတ်ဘဲ ကျောင်း ( ရန်ကုန်စက်မှုတက္ကသိုလ် ) တုန်းက ကျွန်တော်တို့ သူငယ်ချင်း နိုင်ဝင်းလှိုင် ကျွန်တော့်ဆီ ရောက်လာပြီး စွယ်တော်ရိပ်သင်္ကြန် အခွေများလာပေးသည်။ ကျွန်တော်နှင့်သူ Facebook မှာ အမြဲတွေ့နေပြီး ကျွန်တော်စိတ်ဝင်စား၍ စာရေးချင်မှန်းသိနေသောကြောင့် စွယ်တော်ရိပ်ကို သိစေရန်လာပေးခြင်းဖြစ်ပါသည်။

သည်လိုနှင့် ကျွန်တော်အချိန်အား ရလျှင်ရသလို စွယ်တော်ရိပ်ကို စတင်ခံစားခဲ့တော့သည်။ ပထမဦးဆုံး ခံစားမိသည်က စွယ်တော်ရိပ်အငြိမ့် ( ၂၀၀၆ ) ခုနှစ် ဖြစ်သည်။

စွယ်တော်ရိပ် အငြိမ့် ( ၂၀၀၆ ) ခုနှစ်...........

ဘကျော်( မြို့ပြ ) စီစဉ်၍ ရှေ့ထွက် မင်းသမီး ခင်ဖြူကြည်၊ ခေါင်းဆောင် မင်းသမီး ရွှေစင်မတို့နှင့် အတူ လူရွှင်တော်များ အဖြစ် တက်လူ၊ အောင်ပြည့်၊ သာလှနှင့် အာဘွားတို့ ပါဝင်သည့် အငြိမ့် ဖြစ်သည်။

ထိုစဉ်က သူတို့သည် Informatics Myanmar Water Festival ဆိုသော ခေါင်းစဉ်အောက်တွင် ကျင်းပသွားခဲ့ပြီး စင်မှာ သေးသေးပင်ဖြစ်သည်။ ဆိုင်းဝိုင်းကိုပင် စင်ပေါ်တင်ပြီး ကသွားခြင်းဖြစ်သည်။ လူရွှင်တော်ထဲတွင် တက်လူနှင့် အောင်ပြည့်မှာ လူရွှင်တော်သမ္ဘာရှိနေပုံရသည်။ သူတို့နှစ်ဦးက ထိန်းခေါ်သွား၏။

သူတို့မှာ အခက်အခဲများ များစွာရှိသည်ဟု ကြည့်နေရင်း ကျွန်တော်ခံစားနေရသည်။ အဘယ့်ကြောင့် ဆိုသော် မိုက်ကရိုဖုန်းက မကောင်း။ အသံကမထွက်။ မင်းသမီးအဆိုမှာ တချို့နေရာမှာ နောက်ခံအဆိုက ကီးမ၀င်။ ထို့ပြင် လူရွှင်တော် တက်လူသည် လူရွှင်တော် တာဝန်ကို ထမ်းပြီး ပတ္တလား သွားတီးနေရသည်။ လူမရှိ၍ တာဝန်မျှထမ်းနေရခြင်း ဖြစ်သည်။ သို့သော် ရှိသည့်လူနှင့် သူတို့နိုင်သလောက် ထမ်းနေခြင်းဖြစ်သည်။ ဗွီဒီယိုမှတ်တမ်းကိုပင် ရသည့်ထောင့်ကနေ အဆင်ပြေသလို မှတ်တမ်းတင် ထားခြင်း ဖြစ်သည်။

အားနည်းချက်ကတော့ ရှိနေသည်။ သူတို့ကလည်း ကြိုတင်တောင်းပန်ရှာပါသည်။ ပညာသည်များ မဟုတ်ကြ၍ နားလည်ပေးကြပါရန်။ လူရွှင်တော်ပညာဆိုသည်ကလည်း မသေး။ တချို့လူရွှင်တော်များက အသစ်များ ဖြစ်နေ၍ လူရွှင်တော် အထာကို မသိ။ လူရွှင်တော်က လေသံကအစ အေးနေသည်။ ရှိသည့်လူကို ရွေးထားရတာလည်း ဖြစ်နိုင်သည်။ 

အမှန်က ကျွန်တော့်အမြင်အရဆို လူရွှင်တော်ဆိုသည်မှာ ပွဲကို တစ်ချိန်လုံး လှုပ်အောင် လုပ်နေရသည်။ လူရွှင်တော်ချင်း အထောင်၊ အပို့၊ အပင့်၊ အမြှောက်၊ အထောက် အားလုံးချက်ကျနေရသည်။ ကျွန်တော် ကြည့်ဖူးသော အငြိမ့်၊ ဇာတ်များကို အခြေခံ၍ ပြောခြင်းဖြစ်ပါသည်။ သို့သော် သူတို့သည် ပညာရှင်များ မဟုတ်၍ သူတို့အထာနှင့် သူတို့ကနေသည်ကိုပင် ကျွန်တော် အားရမိသည်။ သူတို့က မည်သည့်လူရွှင်တော်၏ စတိုင်ကိုမျှ မခိုး။ သူတို့လမ်းကို သူတို့ဖောက်၍ သူတို့ဘာသာ သွားနေသည်။ 

လူရွှင်တော်သဘာဝအရ သံချပ်ထိုးသည်ကိုလည်း သူတို့နိုင်သည်။ ကျန်သည့် မင်းသမီးနှင့် အပေးအယူကိုလည်း သူတို့ထိန်းသွားနိုင်သည်။ အဓိကက တက်လူနှင့် အောင်ပြည့်ဖြစ်သည်။ လူကြီးနှစ်ယောက်ကြားမှာ သာလှနှင့် အာဘွားက မျှောလိုက်သွား၍ အငြိမ့်က လှသွားသည်။ 

မိုက်ကရိုဖုန်းကတော့ သူတို့ဝန်ခံသွားသည်ကို နားထောင်ရသည်မှာ စင်ပေါ်မှာ သုံးခုသာရှိသည်တဲ့။ ပြီးတော့ သူတို့ဇာတ်တိုက်ချိန် လေးပတ်သာရသည်ဟု သိရသည်။ သည်တော့ ထိုမျှ ဖြစ်လာသည်ကိုပင် ကျွန်တော် အံ့ဩမိသေးသည်။ သူတို့သည်ထက် ပစ္စည်းစုံလျှင်၊ သည်ထက် အချိန်ရလျှင် သည်ထက် ပိုလုပ်နိုင်သည်ဟု ကျွန်တော်ယုံသည်။ သူတို့မှာ အနုပညာ အစွမ်းက မသေး။ လျှော့တွက်လို့မရ။

တစ်ခုတော့ ကျွန်တော် သိချင်သေးသည်။ မေးချင်သည်ဟု ဆိုကလည်း မမှား။ စင်ပေါ်မှာ ဆိုင်းဘုတ်လေး အသေးလေးတင်ထားတာ တွေ့သည်။ စွယ်တော်ရိပ် အငြိမ့်ဆိုတာကို ရေးထားသည်။ ပြီးတော့ ဒါရိုက်တာ ဆိုသည့် စကားလုံးကို ရေးထားတာ ဒါရိုတ်တာ ဟု ရေးထားသည်။ တ၀မ်းပူနှင့် သတ်ထားသည်။ ကျွန်တော် တစ်ခါမျှ မဖတ်ဖူးခဲ့။ လက်ရေးပန်းချီသမားက မှားတာပဲလား မသိ။

သူတို့ဟာသများမှာ ခေတ်ကိုတော့ ထင်ဟပ်သည်ဟု ကျွန်တော်ထင်သည်။ အခွန်ဆောင်ရသည့် အကြောင်းလည်း ပါသည်။ နှစ်လုံးရောဂါအကြောင်း၊ လာဘ်ပေးရသည့်အကြောင်း စသည်ဖြင့်ပါသည်။ ပြီးတော့ မပါမဖြစ် စင်ကာပူ၏ ပင်နီဆူလာပလာဇာကဆိုင်များအကြောင်း၊ ကာရန်တွေချိတ်သွားသည်။ အဓိကက တင်ပြပုံသာ ဖြစ်သည်။ လူရွှင်တော်ဆိုသည်မှာ အာသွက်ရသည်။ နည်းနည်းလေး လေးသွား လျှင်ပင် တကယ်ရယ်ရသော ပြက်လုံးသည် ရယ်ဖို့သိပ်မကောင်းတော့။

ကျွန်တော်က အားနည်းချက်များကို ထုတ်ပြနေသည် မဟုတ်။ စွယ်တော်ရိပ်၏ အစက ၂၀၀၁ ဟု ကျွန်တော် ကြားဖူးသည်။ အရင်က ကတာကို မကြည့်ဖူးခဲ့။ ယခု ၂၀၀၆ နောက်ပိုင်းကို ကြည့်ဖူးတာဖြစ်သည်။ ၂၀၀၆ က စပြီးလျှင် နောက်ကနှစ်တွေမှာ တိုးတက်မှု ရှိမရှိကို ချိန်ဆစေချင်၍ ဖြစ်သည်။ ၂၀၀၆ ခုနှစ်ကိုတော့ ကျွန်တော် သည်မျှနှင့် ရပ်ထားချင်သည်။

တကယ်တော့ ကျွန်တော်ရသည့်အခွေထဲမှာ ၂၀၀၇ ခုနှစ်ပါသည်။ ကျွန်တော့်ကွန်ပျူတာက ၂၀၀၇ ခုနှစ်အခွေကို လုံးဝ မဖတ်။ ထို့ကြောင့် ၂၀၀၈ ကို ကျွန်တော် ကျော်၍ကြည့်မိသည်။ ထိုသို့ကြည့်မိခြင်းကပင် ကျွန်တော့်အဖို့ တော်တော်ကောင်းသွားသည်ဟု ဆိုရမည်ဖြစ်သည်။ အကြောင်းမှာ ၂၀၀၈ သည် ၂၀၀၆ စွယ်တော်ရိပ်နှင့် ဘာမျှ မဆိုင်အောင် ကွာခြားသွားကြောင်း ပြနိုင် ခဲ့သည့် ပွဲဖြစ်နေ၍ပင်။

စွယ်တော်ရိပ် သင်္ကြန် ( ၂၀၀၈ ) ခုနှစ်.............

စင်က ကြီးလာသည်။ ၂၀၀၆ ကစင်မျိုးမဟုတ်တော့။ တကယ့်စင်ကြီးဖြစ်သည်။ ပြီးတော့ RIT ဆိုသော စကားလုံးကို သုံးလာသည်။ ကျွန်တော်သိသလောက် စွယ်တော်ရိပ်သည် RIT ကျောင်းသူ၊ ကျောင်း သား ဟောင်းများကပင် စခဲ့တာဖြစ်သည်။ ထို့ကြောင့် ထိုစကားလုံးက ပိုအသက်ဝင်သည်ဟု ကျွန်တော် ခံစားရသည်။

အဖွင့်ကိုကြည့်။ ဘုရားကန်တော့ခန်းနှင့် စသည်။ ပြီးတော့အဖွင့်သီချင်းကို လူငယ်အတွဲ သုံးတွဲက ဆိုသည်။ ထို့နောက် အစီအစဉ်တင်ဆက်သူများက စင်ရှေ့မှာ သူတို့တင်ဆက်သော အစီအစဉ်၏ အဓိက အကြောင်းကို ပြောသွားသည်။ " နှစ်စဉ် နှစ်တိုင်း RIT မျိုးဆက်ဟောင်းများက စီစဉ်ခဲ့ပြီးတော့ ဒီနှစ်မှာတော့ YTU မျိုးဆက်သစ် လူငယ်များကို လက်တွဲခေါ်ယူ ခဲ့ခြင်းလည်း ဖြစ်ပါတယ် " ဟုဆိုသည်။ တခြားတစ်ယောက်က ပြောပါသေးသည်။ " ဟုတ်ပါတယ်။ မျိုးဆက်ဟောင်းများက ကြည်ကြည်ဖြူဖြူ လက်ဆင့်ကမ်းပေးခဲ့တဲ့ အနုပညာအမွေကို မျိုးဆက်သစ်များကလည်း အားကြိုးမာန်တက် လက်ခံရယူခဲ့ကြပါတယ်။ ဒါကြောင့် ဒီနေ့ပွဲလေးဟာ သင်္ကြန်ဆိုတဲ့ အထိမ်းအမှတ်တစ်ခုတည်း မဟုတ်ဘဲ RIT, YIT, YTU, MTU, PTU ကျောင်းတော်ကြီးများရဲ့ မျိုးဆက်ဟောင်း၊ မျိုးဆက်သစ် မောင်နှမအားလုံး လက်တွဲစည်းလုံးမှု ပြယုဂ်တစ်ခုလို့ ဆိုချင်ပါတယ်ရှင် " ဟု ပြောကြားသွားသည်။

ထိုစကားလုံးများကိုတော့ ကျွန်တော် သဘောကျမိသည်။ ကျွန်တော်ကိုယ်တိုင် YIT ဟုဆိုကြသည့် ပထမနှစ်မှသည် ပဉ္စမနှစ်အထိ နှင့် YTU ဖြစ်ခဲ့သော နောက်ဆုံးနှစ် ကြားမှာ ကျင်လည်ခဲ့ရတာဖြစ်သည်။ နာမည်ပြောင်းလိုက်၍ ကျွန်တော်တို့ ပြောင်းလဲမသွား။ ကျွန်တော်တို့သည် အင်ဂျင်နီယာ ကျောင်းသား များသာ ဖြစ်ကြသည်။ ကျွန်တော်တို့၏ နောင်တော်ကြီးများ ဖြစ်ကြသည့် RIT ကျောင်းသူ၊ ကျောင်းသား များက လက်ဆင့်ကမ်းလျှင် ကောင်းမွေသော်လည်းကောင်း၊ ဆိုးမွေသော်လည်းကောင်း ကျွန်တော်တို့ ယူမည်ဖြစ်သည်။ ကျွန်တော်တို့၏ နောင်တော်ကြီးများ ကလည်း ကောင်းမွေများကိုသာ လက်ဆင့် ကမ်းနေသည်မှာ မလွဲ။

ထို့အတူ ကျွန်တော်တို့ နောက်က လိုက်တက်လာမည့် ညီငယ်၊ ညီမငယ်များကလည်း ကျွန်တော်တို့ ထားခဲ့ဦးမည့် ကောင်းမွေ၊ ဆိုးမွေကို လက်ခံမှာမလွဲ။ ကျွန်တော်တို့သည်လည်း ကောင်းမွေကိုသာ ပေးဖို့ ကြိုးစားနေမှာ အမှန်ဖြစ်လေသည်။ သည်သို့ခံစားမိရင်း RIT သင်္ကြန်တွေ့ဆုံပွဲလေးကို ခံစားမိပြန်သည်။

အစီအစဉ် တင်ဆက်သူများပြီးတော့ ပုဂံအက၊ သင်္ကြန်အက၊ သင်္ကြန်သီချင်းများနှင့် ဖျော်ဖြေမှု။ ခေတ်ပေါ် သင်္ကြန်သီချင်းနှင့် အကများလည်းပါသည်။ ထို့နောက် တီစကွဲယိမ်း။ YIT ကျောင်းသားများက ကပြဖျော်ဖြေသည်။ သီချင်းကောင်းသလို အကလည်း ကောင်း၏။ သေသေချာချာ၊ သေသေသပ်သပ် လုပ်ထားတာ သိသာသည်။ ကျွန်တော်တို့လို စက်မှုတက္ကသိုလ် ကျောင်းသားများ ကျောင်းကို လွမ်းသည့် ရေငတ်ကလေး ပြေသွားသည်။ ထိုကဲ့သို့ သီချင်းမျိုး၊ ကျောင်းနှင့် ဆိုင်သော ဇာတ်လမ်းမျိုးကို များများလုပ်စေချင်သည်။ အဘယ့်ကြောင့်ဆိုသော် ထိုတွေ့ဆုံပွဲ၊ ကပွဲသည် စွယ်တော်ရိပ် ဆိုသည့်ခေါင်းစဉ်အောက်မှာ ရှိနေသည် မဟုတ်လား။

တီစကွဲယိမ်းပြီးတော့ ကိုကြီးကျော် ပျော်တဲ့ ဒိုး။ လူရွှင်တော် ဩဘာနှင့် အဖွဲ့ဟု ဆိုသည်။ သူတို့လည်း ကြိုးကြိုးစားစားလေး တင်ဆက်ထားသည်။ ကိုကြီးကျော်ကို အပျိုတော်များ ထိန်းလျက်ထွက်သည်။ ဩဘာသည် လူရွှင်တော်ဟု ဆိုသော်ငြား ကိုကြီးကျော်ကိုလည်း သူကနိုင်သည်။

ကိုကြီးကျော်ပြီးတော့ ဒါရိုက်တာ ဒေါ်မာမာရီနှင့် ဇာတ်ညွှန်း ရေးဖွဲ့မှု ရွှေဇင်မတို့၏ မင်းကုသနှင့် ပပ၀တီ တေးသရုပ်ဖော် ဇာတ်လမ်းတိုဖြစ်သည်။ Ex-RIT, YIT ကျောင်းသား၊ ကျောင်းသူများနှင့် ၀ါသနာရှင် မောင်မယ်များ ပူးပေါင်းတင်ဆက်သည် ဟု ဆိုသည်။ ပပ၀တီ၏ နန်းတွင်း အပျိုတော်နှစ်ယောက် အဖြစ် သရုပ်ဆောင်သော ဟာသ သရုပ်ဆောင် အောင်ပြည့်နှင့် ဟာသမယ် မွန်ရီအောင် တို့နှစ်ယောက်မှာ ပရိသတ်ပွဲကျအောင်ကို ပြောနိုင်၊ ဆိုနိုင်၊ သရုပ်ဆောင်နိုင်ကြသည်။

" ပပ၀တီ မင်းသမီးကလေးကို မြန်မာပြည် ပို့လိုက်ရရင် မကောင်းဘူးလား " ဆိုသော စကားလုံးမှာ ပရိသတ် လက်ခုပ်သံက လျှံတက်သည်။ မြန်မာပြည်မှာ မီးက ခဏခဏ ပျက်နေသည်ကိုး။ ဟာသမယ်မှာ မျက်နှာသစ်ဖြစ်သော်ငြား သူမ၏ ပျက်လုံးလေးများကို သရုပ်ဆောင်မှုမှာ မရှက်မကြောက် သရုပ်ဆောင်နိုင်သည်။ ပပ၀တီကို မပို့ဘဲ သူ့ကိုပို့ရန် ပြောပြီး သူလည်း မီးလင်းကြောင်း၊ ဘာမီးလဲဟု ဆိုသောအခါ နောက်မီး ဟု ပြောလိုက်ပုံမှာ ပရိသတ်က ပွဲကျသွားလေ၏။

မင်းကုသနှင့် ပပ၀တီပြီးသောအခါ သင်္ကြန်သီချင်းအုပ်စုလိုက် ကကြသည်။ ထို့နောက် " မင်္ဂလာရှိသော မင်္ဂလာ " ဆိုသောပြဇာတ်ကို ကသည်။ ခေတ်ကိုထင်ဟပ်စေသော ဟာသလေးများပါသည်။ ဆရာမနှင့် ကျောင်းသူ၊ ကျောင်းသားလေးများ စာသင်ခန်းကား အင်မတန် ရယ်စရာကောင်း၏။ နောက်မှ ကျွန်တော်သိရသည်မှာ ထိုအထဲက နှစ်ယောက်ကား နောက်ပိုင်းတွင် စွယ်တော်ရိပ်အငြိမ့်၏ ထင်ရှားမည့် လူရွှင်တော်နှစ်ယောက် ဖြစ်လာလေသည်။

ကျောင်းသားတစ်ယောက်က ကျောင်းသူတစ်ယောက်ကို ပြောသည်။  ၀တ်လာတာလည်း ကြည့်ဦး။ နိုက် ကလပ် တက်မှာလား၊ ကျောင်းတက်မှာလား ဆိုတော့ ထိုကျောင်းသူက ပြောပါသည်။ ဟယ်-နင်ကလည်း ခေတ်ရဲ့ သမီးပျိုဟဲ့။ မဟုတ်ဘူးဟဲ့။ ငါ့မာမီက နေ့တိုင်းကြက်သား ချက်တယ်ဟဲ့။ နေ့တိုင်း ကြက်သားချက်တော့ ငါကနေ့တိုင်း ကြက်သား စားတာပေါ့ဟယ်။ ငါဘယ်လို ၀တ်ဝတ် နိုက်ကလပ်ပုံ ပေါက်နေတော့တာပေါ့ဟယ် ဟုဆိုသည်။ ပရိသတ်ကား တ၀ါးဝါး။

ဆရာမက လူမိုက်အကြောင်း သင်သည်။ ဆရာမက မေး၏။ လူမိုက်ဆိုသည်မှာ မည်သို့ လူမျိုးဖြစ်ကြောင်း မေး၏။  ကျောင်းသူပုံစံ သရုပ်ဆောင်သည့် လူရွှင်တော်က ဖြေသည်။ လူမိုက်ဆိုသည်မှာ အာဖရိကကလာသူကို ပြောတာတဲ့။ နောက်ကျောင်းသား တစ်ယောက်က ဖြေသည်။ သူသည်လည်း နောင်တစ်ချိန် စွယ်တော်ရိပ်၏ အဓိက လူရွှင်တော်ဖြစ်လာမည့်သူပင်။ သူက ဖြေပါသည်။ လူမိုက်ဆိုသည်မှာ ရပ်ကွက်ထဲမှာ တုတ်ကိုင်ပြီး လိုက်ရိုက်တဲ့သူကို ပြောတာတဲ့။ ပရိသတ်ကား လက်ခုပ်သံ တဖြောင်းဖြောင်း။

နောက်ကျောင်းသား တစ်ယောက်က ထပ်ဖြေသည်။ သေနတ်တွေကိုင်ထားတဲ့သူကို လူမိုက်လို့ ခေါ်ပါတယ် ဆရာမတဲ့။ သူ့စကားနှင့်သူ ပြန်တော့ဖြည်ပါသည်။ ရုပ်ရှင်ထဲမှာ သေနတ်ကိုင်ပြီး လူသတ်နေတဲ့ သူတွေကို ပြောပါသည်တဲ့။ ပရိသတ်ကား သဘောများ ကျကြ၏။ ဟာသတို့၏ သဘော၊ သရော်ခြင်းတို့၏ သဘောမှာ အဖြည်ဆိုသည့်  ကိုယ့်စကားကို ပြန်ပြီး ဖြည်ရသော စကားမျိုး ရှိရ၏။ သူတို့ကား ထိုသဘောတရားကို ကျေညက်နေသည်။

ထိုပြဇာတ်အပြီးမှာတော့ စွယ်တော်ရိပ် အငြိမ့်ကို တင်ဆက်သည်။ ဒါရိုက်တာက ရဲမြင့် ဟုဆိုသည်။ ထိုမှာလည်း စာတမ်းထိုးသည့်အခါ ဒါရိုတ်တာဟု ဆိုကာ တ၀မ်းပူဖြင့်ပင် သတ်နေပြန်သည်။ ရဲမြင့်မှာပင် အောက်ကမြင့်ပါနေပြီး ညွှန်ကြားသည်မှာလည်း ညွန့်ကြားသည်ဟု ဆိုကာ အောက်ကမြင့်တွေ ပါနေပြန်သည်။ ဒါကတော့ အခွေကြည့်မှ မြင်ရမည့် အမှားဖြစ်၍ နားလည်ပေးနိုင်သော်ငြား ကျွန်တော် သိသလောက် စွယ်တော်ရိပ်သည် ယနေ့အထိ ပွဲပြီးတိုင်း အခွေထွက်နေဆဲပင်။ နောက်ဆုံး သတင်းများအရ ယခုနှစ်မှာ Sky Net က စပွန်ဆာပေး၍ မြန်မာပြည်မှာပင် ပြန်လွှင့်မည်ဟု ဆိုနေရာ အခွေကြည့်သူတို့ အမြင်မှာ တင့်စေရန်လည်း စဉ်းစားသင့်လှပေသည်။

အငြိမ့်မှာ လူရွှင်တော်က လေးယောက်။ ဩဘာ၊ ချိန်သီး၊ ပူလီ နှင့် ဒိုင်အုပ်ဟု ဆိုသည်။ ကျွန်တော့်အတွက် ကတော့ ၂၀၀၇ ကို မကြည့်လိုက်ရ၍ စွယ်တော်ရိပ်အငြိမ့်ကို ၂၀၀၆ ခုနှစ်နှင့်သာ အာသာဖြေထား ရသူ ဖြစ်သည်။ လူရွှင်တော်လေးယောက်သည် YTU ကဟု သိရသည်။ ၂၀၀၈ ကို ပိုမျှော်လင့်မိသည်။ မျှော်လင့်သည့်အတိုင်း သူတို့ကား အတိုင်အဖောက် ညီလှပါပေသည်။

ဩဘာသည် ခွန်းထောက်ကို နိုင်နင်းစွာဆိုသည်။ ထိုမျှဆိုလျှင်ပင် ကျွန်တော်က အမှတ်ကောင်းကောင်း ပေးချင်နေသည်။ အဘယ့်ကြောင့်ဆိုသော် သည်ဘက်ခေတ် လူရွှင်တော်များမှာ ခွန်းထောက်ကို ကောင်းကောင်း ဆိုသူ နည်းသွားလေပြီ။ ပြီးပြီးရော ရောချလာသူတွေ များလာသည်။ ယခုက အနုပညာရှင် စစ်စစ်များ မဟုတ်ကြ။ အင်ဂျင်နီယာများ ဖြစ်သည်။ သူတို့ကလေးတွေ ကိုယ်စွမ်း၊ ဥာဏ်စွမ်း ရှိသမျှ ၀ိုင်းကြ၊ ၀န်းကြသည်။

ခွန်းထောက်မှာ ပညာများစွာ ရှိသည်။ တချို့က လေးချိုးကြီးများကို ဆိုကြသည်။ တချို့က သံချိုလေးချိုးဒွေးချိုး များကို ဆိုကြသည်။ ခွန်းထောက်ကို နားထောင်ရုံနှင့်ပင် လူရွှင်တော်ပါး ၀မ၀ မှန်း၍ ရပြီး လူရွှင်တော်အဆင့်ကို မှန်း၍ ရနေသည်။ ထိုအတွက် ကြည့်နေရင်းမှာပင် ကျွန်တော်က ဩဘာကို အမှတ်ပေးလိုက်မိသည်။ သူ့မှာ လူရွှင်တော် သမ္ဘာမျိုး ရှိနေသည်ဟု ခံစားရသည်။ ရှေ့ပိုင်း ပြဇာတ် မှာလည်း သူကမိန်းကလေးလို လုပ်၍ ဟာသအရွှန်းဖောက်သွားသည် မဟုတ်လား။

သည်လိုနှင့် သူတို့ အငြိမ့်မှာ ကျွန်တော် မျောတော့သည်။ တစ်ခုတော့ ပြောချင်သည်။ အပြော၊ အဆိုကောင်းလာပြီဆို မိုက်က သံရှည်ကြီး ထထမြည်သည်။ အာရုံတော့ ထွေပြားလှ၏။ ပရိသတ်ကား စွယ်တော်ရိပ်အဖွဲ့သားများကို နားလည်ပေးလေသည်။ စိတ်ရှည်လှ၏။

လူရွှင်တော်များ ပြောစကားအရ သူတို့သည် ရှေ့ကလူရွှင်တော်များ နေရာကို ထိုအငြိမ့်ကမှစ၍ တာဝန်ယူ ရသည့်ပုံ ပေါ်သည်။ ရှေ့ကအငြိမ့်ထဲမှာ ၂၀၀၆ ကိုသာ ကြည့်ခဲ့ရသည့် ကျွန်တော့်အတွက်တော့ တည့်တည့် ပြောရလျှင် ၂၀၀၆ ထက် အပြတ်သာ နေသည်။ ထိုအချက်မှာ ကောင်းသော အချက်ဖြစ်သည်။ ကျွန်တော်တို့နောက်လူများက ရှေ့လူထက် မသာလျှင် ကြာလျှင် ဆုတ်ယုတ်သွားပေလိမ့်မည်။ ထို့အတူ စွယ်တော်ရိပ်ကို လူများ စိတ်ဝင်စားမှု လျော့သွားနိုင်သည်။ သည်တော့ လူငယ်များ လွှဲပြောင်း ယူချိန်မှာ ပိုကောင်းမှသာ စွယ်တော်ရိပ်ဝိုင်းတော်သားများ ကြည်နူးနိုင်ပေလိမ့်မည်ဟု ကျွန်တော် ယူဆပါသည်။

လူရွှင်တော်များ အကြောင်းပြန်ဆက်ရလျှင် သူတို့မှာ ဟန်ချက်ကို ထိန်းတတ်သော သဘောကို သွားတွေ့ရသည်။ ပရိသတ်နားရော၊ အမြင်ရောမှာ လုံးဝ အာရုံမပျက်အောင် ဖမ်းစားထားနိုင်သည်။ ထိုအတွက် လေးယောက်စလုံးကို ချီးကျူးမိသည်။

သူတို့ပျက်လုံး တစ်လုံးကို ကြည့်ပါ။ တစ်ယောက်က ပြောသည်။ နိုင်ငံရေးနှင့် နွယ်သော ဟာသတစ်ခုကို ပျက်ပြီး၍ ပူလီကို ဒိုင်အုပ်က ပြောသည်။ ဟေ့ကောင် ပူလီ။ မင်းပြက်လုံး ထုတ်တာကြည့်ထုတ်နော်။  ငါပတ်စ်ပို့ သက်တမ်းကုန်ခါနီးပြီဟ။ တော်ကြာ ငါ့ကို အခွန်မဆောင်ဘဲ သက်တမ်းတိုးပေးရင် ဘယ်လိုလုပ်မလဲဟတဲ့။ ထိုအခါ ဩဘာက ကြားဝင်သည်။ အမလေး။ မဖြစ်နိုင်တဲ့ ကိစ္စတွေ လျှောက်ပြောနေတယ်။ မြန်မာ့ အားကစားသာ ကမ္ဘာကို လွှမ်းချင်လွှမ်းသွားမယ်။ ဒီကိစ္စ မဖြစ်နိ်ုင်ဘူး ဟု မျက်နှာပေးနှင့် ဆိုသည်။ ပရိသတ်ကား တ၀ါးဝါး။

အကြောင်းကလည်း ရှိသည်။ စင်ကာပူမှာ အလုပ်လုပ်သူတို့မှာ အခွန်ကို နှစ်ခါပေးရသည်။ မြန်မာ သံရုံးသို့တစ်ခါ၊ စင်ကာပူ အစိုးရသို့တစ်ခါ။ ထို့ကြောင့်လည်း ပရိသတ်ကား လူရွှင်တော်များ၏ ပြက်လုံးကြားမှာ တ၀ါးဝါး ဖြစ်ရလေတော့သည်။

နောက်ဟာသတစ်လုံးကတော့ ကျွန်တော်တို့လို ရန်ကုန်စက်မှုတက္ကသိုလ် ကျောင်းသားဟောင်းတွေပါ ဟတ်ထိသည်။ ဩဘာက ပြက်သည်။ သူအ၀တ်အစားလဲနေတုန်း အဒေါ်ကြီး တစ်ယောက်က မေးသည်တဲ့။ မင်းတို့ပွဲကတာ ဘာပွဲတုန်းဆိုတော့ သူက ပြန်ရှင်းပါသည်တဲ့။ RIT သင်္ကြန်ပွဲတဲ့။ သို့သော် အားလုံးပါသည့်အကြောင်း၊ ဆိုလိုသည်မှာ YTU, MTU, MIT, PTU စသည်ဖြင့် ကျောင်းအားလုံး ပါသည့်အကြောင်း ရှင်းပြသည့်အခါ ထိုအဒေါ်ကြီးမှ တစ်ခွန်းသာ ပြောပါသည်တဲ့။

" မင်းနှယ့်ကွယ်။ လျှာရှည်လိုက်တာ။ ပြောလိုက်စမ်းပါတဲ့။ ပြောလိုက်စမ်းပါတဲ့။ ( ဩဘာကား မျက်နှာပေးပါ ချီထား၏။ ကျွန်တော်အပါအ၀င် ပရိသတ်ကား ကြားချင်လှနေပြီ။ )ကျောင်းတွေ ပိတ်ရင် ရှေ့ဆုံးက၊ မြို့ပြင်ထွက်ရင် ရှေ့ဆုံးကပါလို့ ပြောလိုက်။ မင်းတို့ကျောင်းမှန်းသိတယ်တဲ့ "။ ပရိသတ်သည်ကား တ၀ါးဝါး၊ လက်ခုပ် တဖြောင်းဖြောင်းနှင့်။ ကျွန်တော်သည်လည်း အခွေကြည့်ရင်း သဘောကျ၍ အားရစွာ ရယ်မောခဲ့ရသေးသည်။

ရှေ့ထွက် မင်းသမီးကတော့ မာမာအေးသီချင်း နောက်ခံ ထားကာ ကပြ ဖျော်ဖြေသည်။ ကျွန်တော်က လေဘာတီ မမြရင် သီချင်းဟု ထင်နေတုန်း နောက်မှ မှားမှန်းသိရသည်။ အမှန်က ဥဩမယ်တင်၏ သီချင်း။ ကျွန်တော်တို့ အိမ်မှာ ကက်ဆက်ခွေခေတ်က ရှိခဲ့သည့် သီချင်းများ။ စင်ကာပူ ပရိသတ် အတွက် ကျေနပ်ဖို့ကောင်းသည်။ ကျွန်တော်ကတော့ အလိုက်ကလေးတွေ ရသူဖြစ်၍ လိုက်ပင် ညည်းကြည့်မိသေးသည်။ အာယားမ တဲ့။ သီချင်းက။

နောက်တော့ လူရွှင်တော်တို့ ထုံးစံ သံချပ်က စသည်။ သင်္ကြန်လည်း ဖြစ်နေ၍ သံချပ်သည် အငြိမ့်နှင့် လိုက်၏။ သည်ဘက်ခေတ် လူရွှင်တော်များ၏ ပုံစံထဲမှာ သူတို့ မျက်ခြည်မပြတ်လိုက်နေသည်ဟု ကျွန်တော် အကဲခတ်မိသည်။ သံချပ်ကလေး ကောင်းနေစဉ်မှာ မိုက်ကြီးကတော့ ထထအော်နေသေးသည်။ ထိုအချက်ကို နောက်ပိုင်းမှာ တော်တော်ပြုပြင် ပြောင်းလဲရလိမ့်မည်ဟု ထိုစဉ်က ကျွန်တော် တွေးနေ မိသေးသည်။ သံချပ်မှာလည်း စင်ကာပူနိုင်ငံဆိုင်ရာ မြန်မာသံရုံးမှာ ကျွန်တော်တို့ ပတ်စ်ပို့သက်တမ်းတိုးဖို့ အခွန်ဆောင်ရသည့် အကြောင်းက မပါမဖြစ်။ သူတို့သည် ခေတ်ကို လုံးဝ မပြတ်စေရ။ မီသလောက် ပြက်နေသည်ဟု ဆိုရမည်။ ဒါကပင် လူငယ်တို့၏ အသစ်ဟု ဆိုရမည်။

ပြီးတော့ ဩဘာ ကလေး ပြောသွားတာရှိသေးသည်။ သူတို့သည် အလုပ်မအားသည့်ကြားမှ ကျောင်းက လူများ စုစုစည်းစည်း ဖြစ်ချင်၍ ကပြခြင်းဖြစ်ကြောင်းနှင့် RIT ပွဲမှလွဲ၍ မည်သည့် နိုင်ငံရေး အသင်းအဖွဲ့၊ စီးပွားရေး အသင်းအဖွဲ့တို့အတွက် ကပြမည် မဟုတ်ကြောင်း ကြေငြာသွားတာလေးပါ။ သူတို့၏ အနုပညာဖြင့် RIT အတွက် ကပြမည်ဖြစ်ပြီး ကျန်မည်သည့်ပွဲအတွက်မျှ မကဖူး၊ ကရန်အစီအစဉ်လည်း မရှိကြောင်း ပြောသွားရာ ပရိသတ်ကား လက်ခုပ်တဖြောင်းဖြောင်း။

ဒါကတော့ မှန်သည်။ စွယ်တော်ရိပ်က မွေးဖွားလိုက်သူသည် စွယ်တော်ရိပ်အတွက်ဆို အမြဲတမ်း အဆင်သင့် ဖြစ်ရပေမည်။ စွယ်တော်ရိပ်က လွဲလျှင် ဖွဲနှင့်ဆန်ကွဲ။ ကျွန်တော်တို့သည်လည်း ထိုစိတ်က အမြဲ ရှိသည်။ ကျွန်တော်တို့ အင်ဂျင်နီယာများကို မွေးဖွားပေးရာ စွယ်တော်ရိပ် မဟုတ်လား။

ရှေ့ထွက် မင်းသမီးကလေး နှုတ်ခွန်းဆက်တော့ အသံကနည်းနည်းတော့ ကီးကြောင်နေသည်။ သူက အသစ်ကလေးဖြစ်ပြီး သီချင်းလေးနှင့် နှုတ်ဆက်သည်ကိုး။ ကီးကြောင်လို့ အဆင်မပြေတုန်း မိုက်က အသံမထွက်။ မင်းသမီးလေးက အသစ်မို့ ထိုသို့ဖြစ်သောအခါ ပို၍ ခက်တော့သည်။ သို့သော် ဩဘာသည် တင်္ခဏုပ္ပတိဥာဏ်ရွှင်သူ ဖြစ်သည်။ သူတို့မှာပါသော ကြိုးမဲ့မိုက်က ရင်ဘတ်နားမှာ ဖြစ်၍ မင်းသမီးကို သူ့ရင်ဘတ်နား ကပ်ကာ ပြောခိုင်းပြီး မိုက်ကအသံမထွက်ဘူး။ ဒီကိစ္စ နင်နဲ့ငါနီးဖို့ ဖြစ်လာတာပဲ ဟုဆိုရာ ပရိသတ်မှာ မိုက်ပျက်သွားသည်ကို နားလည်မှု ပေးနေတုန်း ဩဘာ ပြက်လုံးကြောင့် ပြုံးရတော့သည်။ လူရွှင်တော်ပီသပါပေသည်။

မင်းသမီးလေးများ၏ အကကိုတော့ ကျွန်တော် မဆန်းစစ်လို။ သင်ပြသည့်အတိုင်း ကကြရသည်ဖြစ်ပြီး အကလေးတွေလည်း မဆိုး။ သူတို့ကလေးတွေ ကြိုးစားကြသည်။ ခေါင်းဆောင်မင်းသမီးကျတော့ ၂၀၀၆ မှာ ရှေ့ထွက်လုပ်ခဲ့သည့် ခင်ဖြူကြည်။ သူကကျတော့ လေဘာတီမမြရင် သီချင်းနှင့် ကသည်။ သူကတော့ ပထမပွဲတွေ အတွေ့အကြုံ ရှိနေပေပြီ။ သို့သော် သူ့အလှည့်မှာလည်း မိုက်က ပျက်နေသေးသည်။

ကျွန်တော်က တချို့အချက်များကို မကောင်းမြင်သည်ဟု မထင်ပါရန် ကြိုတောင်းပန်ချင်သည်။ ကျွန်တော်တို့ ကျောင်းက ညီအစ်ကိုများ လုပ်သည့်ပွဲဖြစ်၍ အကောင်းချည်းသာ ဖြစ်စေချင်သည်။ အနုပညာရှင်များ မဟုတ်၍ အပြစ်မမြင်စေချင်ဘဲ အချစ်ဝင်စေချင်သည်ဟု သူတို့ဆိုသည့်အတိုင်း ကျွန်တော့် အမြင်က အပြစ်မြင်၍ မဟုတ် အချစ်ဝင်၍သာ တစ်နှစ်ပြီး တစ်နှစ် ပိုကောင်းစေချင်သည့် ဆန္ဒကြောင့်သာ ဖြစ်သည်။ ထို့ပြင် စာဖတ်သူများ တစ်နှစ်ပြီး တစ်နှစ် နှိုင်းယှဉ်၍ ရကောင်းနိုင်ပါသည်။ နှိုင်းယှဉ်ပြီးလျှင်ဖြင့် စွယ်တော်ရိပ်အပေါ် ပို၍ အချစ်ဝင်မှာ အသေအချာပင်။ ထိုသို့ ကျွန်တော် ရည်ရွယ်ပါသည်။

ပြက်လုံးများကိုတော့ ဆောင်းပါးရှည်မှာ စိုး၍ ချန်ခဲ့ပါမည်။ ၂၀၀၈ ကို သုံးသပ်ရလျှင် ၂၀၀၆ ထက် စွယ်တော်ရိပ်အငြိမ့်သည် သိသာစွာ တိုးတက်သည့်ဘက်ကို ရောက်သည်နှင့်အညီ များစွာ ကွာသွားခဲ့သလို ကျန်အက၊ ပြဇာတ်များသည်လည်း RIT သင်္ကြန်ကို ပိုလှ၊ ပိုအသက်ဝင်စေပါတော့သည်။

ကျွန်တော်ကတော့ သူတို့၏ အနုပညာ ပြပွဲကို ကြည့်ရင်း ရန်ကုန်စက်မှုတက္ကသိုလ်က သူငယ်ချင်းများကို သတိရမိသလို ငယ်ငယ်တုန်းက သူငယ်ချင်း အဖော်များနှင့် ကျောင်းသားဘ၀ ငယ်ဖော်စိတ် ကလေးများဖြင့် နေခဲ့ရသည်ကို သတိရပြီး စွယ်တော်ရိပ်တွင် တစ်ရေးအိပ်ခဲ့ရသည်ကို ကြည်နူးနေမိပါတော့သည်။                 ။

ဆူးသစ်

၂၁း၁၉ နာရီ

၁၈.၈.၂၀၁၃

 [ ဆက်ပါဦးမည်။ ]

" ကျွန်တော်သိသော တက္ကစီဒရိုင်ဘာ "

ကျွန်တော်ရန်ကုန်ကို ခေတ္တပြန်စဉ်က တက္ကစီကို တော်တော်စီးခဲ့ရသည်။ သည်သို့နှင့် တက္ကစီဒရိုင်ဘာ တချို့ကို သိခွင့်ရခဲ့သည်။ တချို့သဘောကောင်း၏။ တချို့ကား စိတ်ဓာတ်မကောင်း။ လူအမျိုးမျိုး စိတ်အထွေထွေဟု ဆိုခဲ့ကြသည့်တိုင် အများနှင့်ဆက်ဆံရသော လုပ်ငန်းများမှာ ဆက်ဆံရေးမကောင်း၊ စာရိတ္တမကောင်းသူများ ရှိနေလျှင် လူအများဒုက္ခရောက်ကြရပေမည်။

တစ်ရက်မှာ ကျွန်တော်နှင့်ဇနီးသည် ကားငှားစီးသည်။ ညနေဘက်ဖြစ်၍ ဇနီးသည် ရုံးက အပြန်မို့ ဈေးဝယ်ပြီး ပစ္စည်းများလည်း မနိုင်သောကြောင့် ကားငှားရခြင်းပါ။ ဦးလေးကြီးတစ်ယောက် ကျွန်တော်တို့နား ကားလာရပ်ပြီး လမ်းကိုမေးသည်။ ဈေးညှိသည်။ အဆင်ပြေသွားသည်။

ကျွန်တော်တို့တက်ပြီး လမ်းပေါ်ရောက်တော့ သူကသူ့မှာလူကြုံ ပစ္စည်းဝင်ပေးစရာရှိ၍ ခဏ သည်းခံပေးပါရန် ပြောသည်။ သူပေးရမည့်နေရာက ကျွန်တော်တို့ သွားမည့်လမ်းပေါ်မှာပဲဖြစ်၍ ကိစ္စမရှိ။ သူကလည်း ကျေးဇူးများတင်လို့။ သူသည် ၀န်ထမ်းဖြစ်ပြီး ညနေဘက် ကားမောင်းထွက်ကြောင်း၊ ညဘက်အတွက် စပေါ်မည်မျှ ပေးရကြောင်း၊ ယခုပေးရမည့် ပစ္စည်းသည်လည်း ရုံးကိစ္စဖြစ်၍ ယခုမှမပေးလျှင် မမီနိုင်ကြောင်းပြောသည်။ ကျွန်တော်တို့ မမေးဘဲ ပြောသောကိစ္စမျိုးမို့ ကျွန်တော် ကတော့ သိပ်စိတ်ဝင်စားလေ့မရှိ။ သို့သော် ဟုတ်ကဲ့သာ လိုက်နေလိုက်သည်။

သည်သို့ဖြင့် သူ့ပစ္စည်းဝင်ပေးပြီး ကျွန်တော်တို့ အိမ်ဘက်မောင်းသည်။ အိမ်နားရောက်တော့ ကားမှတ်တိုင်မှာ ချပေးရန်ပြင်သည်။ ကျွန်တော်က လမ်းထဲဝင်ပေးရန်ပြောတော့ လမ်းထဲဝင်ပေးရ မှာလား မေးသည်။ ပြီးတော့ လမ်းညွှန်သည့်အခါ စိတ်မရှည်ချင်။ ကျွန်တော်တို့လမ်းကို ၀င်ဖို့ သူစရပ်လိုက်သော ကားမှတ်တိုင်ဘက်ကိုက အမှား။ သို့သော် မတတ်နိုင်။ သူကလည်း သူ့ဘာသာအမှန်ထင်ပြီး ကျွန်တော်တို့ကို ကားမှတ်တိုင်ပဲ ချပေးရမည်ထင်ပြီး လမ်းကြောင်း ယူခဲ့တာ ဖြစ်သည်။

လမ်းထဲဝင်ဖို့ တစ်ကွေ့နှစ်ကွေ့ ကွေ့ပြီးသည့်နောက်မှာ သူပါးစပ်က စကားထွက်လာသည်။ လမ်းထဲဝင်ရတာကတင် နောက်ထပ်ခရီးတစ်ခုလောက် ဖြစ်နေပြီ။ တက္ကစီခတောင် ပိုပေးသင့်နေပြီ ဟုဆိုသည်။ ကျွန်တော် ဘာမျှမပြောသေး။ အိမ်ရှေ့ရောက်၊ ကားပေါ်ကဆင်းခါနီးမှာတော့ တက္ကစီစီးတာ အိမ်ရှေ့အရောက်စီးချင်လို့ ငှားတာပေါ့ဦးလေးရယ် ဟုသာ ပြောခဲ့တော့သည်။

ဟုတ်သည်လေ။ ကျွန်တော်တို့ ခရီးသည်ဆိုသည်က လမ်းနာမည်အတိအကျ ပြောလျှင်ရော သူတို့ကသိမှာလား။ သည်တော့ အနီးဆုံး ဘတ်စ်ကားမှတ်တိုင်ကို ပြောပြတော့ မှတ်တိုင်မှာသာ ချပေးရန် ကြိုးစားသည်။ မှတ်တိုင်မှာဆင်းပြီး အိမ်အထိလမ်းလျှောက်မည် ဆိုပါက ကျွန်တော်တို့က ဘာအတွက် တက္ကစီငှားစီးနေတော့မည်နည်း။ ဘတ်စ်ကားစီးလိုက်ရုံသာ။ ယခုတော့ သူ့လူကြုံပစ္စည်းချတော့အကောင်း၊ ကိုယ့်အိမ်ရှေ့ပို့ဖို့ကျတော့ ပါးစပ်က ဆီမန်းမန်းနေသည်။ မတတ်နိုင်။ ကျွန်တော်တို့လည်း သည်းခံနိုင် သလောက် သည်းခံပေမည်။ တန်ရာတန်ကြေးကို ဈေးညှိငှားထားတာဖြစ်သည်။

တချို့တက္ကစီဒရိုင်ဘာများဆို လူမိုက်များလား ထင်ရသည်။ ကားငှားဖို့ လက်တားသည်။ လာရပ်သည်။ ဈေးညှိသည်။ မကိုက်။ မကိုက်လျှင် သွားတော့ပေါ့။ ထိုသို့မဟုတ်။ ဘယ်ကားမှ မလိုက်ဘူးဟု ဆိုတာမျိုး ရှိသေးသည်။ လူတိုင်း ထိုစကားမျိုး ခဏခဏ ကြားရပေလိမ့်မည်။ သူ့တစ်စီးတည်း မလိုက်တာနှင့် ကျန်သောကားများ မလိုက်ဟု ထင်ပုံရသည်။ မသိလျှင် ခရီးသည်က သည်လိုမေး၍ ဆင်းတောင်ရိုက်ချင်သည့်ပုံ။ သူထွက်သွားသောအခါ နောက်တစ်စီးမှာ ထိုဈေးနှင့်လိုက်တာ သူမသိ။ သူက ရမလားဟု စမ်းတာဖြစ်သည်။ သူ့ကားမလိုက်ချင်နေ။ ဘယ်ကားမှ မလိုက်ဟု ဆိုရအောင် သူက ဘာမို့လို့ပါလိမ့်ဟု ကျွန်တော်ကတော့ တွေးသည်။

နောက်တစ်ခါကျတော့ ကျွန်တော်တို့ လင်မယား ဒဂုံ(မြောက်)ပိုင်းက အမေတို့ အိမ်ကို သွားချင်၍ ကားငှားတာမှာ ဖြစ်သည်။ မှတ်မှတ်ရရ သျှင်ပါကူ ရှေ့ကငှားတာဖြစ်သည်။ ဈေးညှိသည်။ အဆင်ပြေသည်။ ကားသမားက လူငယ်။ သူလည်း ဒဂုံဘက်ကမို့ အိမ်ပြန်ထမင်းစားရင်း တင်သွားချင်၍ အဆင်ပြေကြောင်း သူ့ဂိတ်ကလူတွေကိုပင် ပြောနေသံကြားသည်။

လမ်းရောက်တော့ သူကနေရာကို မေးသည်။ ကျွန်တော် ကားစငှားကတည်းက နေရာ၊ ရပ်ကွက်၊ လမ်း အကုန်ပြောပြီးသား။ ထပ်ပြောပြသည်။ သို့သော် သူက အဲဒီဘက်ဆို ကျွန်တော့်ကို နောက်ထပ်ပိုက်ဆံ ထပ်ပေးရမည်ဟု ဆိုသည်။ ကားပေါ်ရောက်မှ အခက်တွေ့အောင် ဆိုသည်။ ကျွန်တော်က ဘာဖြစ်လို့ ပေးရမှာလဲဟု မေးတော့ ပထမသူထင်သော နေရာမဟုတ်၍တဲ့။ ကျွန်တော်က ဒါဖြင့် ခုနကားစငှားကတည်းက မသိရင် မသိဘူး မပြောဘဲ တင်လာပြီး လမ်းခုလတ်ရောက်မှ ထိုသို့ပြောသည့် အတွက် ပိုက်ဆံထပ်မပေးနိုင်ကြောင်း၊ ခင်ဗျား ဘာလုပ်မလဲ ဟုမေးတော့ ကားပြောင်းပေးမယ်ဟု ဆိုသည်။ သဘောကတော့ မပေးနိုင်လျှင် ကားပေါ်က ဆင်းဆိုသည့် သဘော။

ကျွန်တော်မငြင်း။ ကျွန်တော်လည်း ဇနီးသည်ပါလာ၍ စကားက သိပ်မများချင်တော့။ သို့သော် သူ့ကို သေချာအောင်တော့ မေးသည်။ မသိဘဲ ဘာလို့ကားငှားလိုက်သနည်းဟု။ သူက သူသိသောနေရာဟု ထင်၍ပါတဲ့။ ကျွန်တော့်ကို သူစပြောတော့ သူဘယ်မှာနေသည် ဆိုတာပါ၍ ခင်ဗျားအိမ်ကို သွားချင်ရင် အဲဒီရပ်ကွက်ကို ဖြတ်ရတယ်၊ အဲဒါကို ခင်ဗျားမသိဘူး ဘာလို့ပြောတာလဲ ဆိုတော့ အင်း....အဲနှင့် စကားကို ပေါက်ကရတွေ လျှောက်ပြောတော့သည်။ 

အမှန်က ဒဂုံပြန်မှာဖြစ်၍ ကားပေါ်ရောက်ပြီးမှ အပိုင်ရိုက်ခြင်းဖြစ်သည်။ နောက်တစ်စီး အဆင် မပြေလျှင် တောင်းသည့်ဈေးပေးမည်ဟု ထင်ပုံရသည်။ ကျွန်တော် တစ်ပြားမှမပေး။ နောက်တစ်စီး ငှားတော့ ကျွန်တော်မဆစ်တော့။ လမ်းခုလတ် ဖြစ်နေ၍ တောင်းသည့်ဈေးသာ ပေးစီးခဲ့သည်။

ပထမကားသမား မရိုးသားပုံများကတော့ သူထမင်းစားပြန်သည်ကိုပင် ကျွန်တော်တို့က အမြတ်ပေးရ ဦးမည့်ပုံ။ ကျွန်တော့်သူငယ်ချင်း တချို့ကတော့ ထိုသို့ပြောသည်ကို ပြန်သိပြီး ဆင်းမပေးရန်ပင် ပြောခဲ့ သည်။ သေချာသည်က သူတို့ပါလျှင် ပွဲကပိုရှုပ်ကုန်မည်။

ကျွန်တော့်အစ်ကိုတစ်တွေတုန်းကလည်း တက္ကစီဒရိုင်ဘာနှင့် ရိုက်မလို ဖြစ်ခဲ့သေးသည်။ သူနှင့် သူ့တပည့်မိသားစု ရပ်ကွက်ထိပ်ကနေ ရပ်ကွက်ထဲဝင်ဖို့ လမ်းက တော်တော်လှမ်းသေးသည်မို့ ဟိုနားသည်နား ငှားတာဖြစ်သည်။ စငှားတော့ ဈေးကလည်း အဆင်ပြေသည်။ သို့သော် ရပ်ကွက်ထဲ စ၀င်တော့ နည်းနည်းလောက် ကွေ့လာရလျှင် မရောက်သေးဘူးလား၊ ဘာလား၊ ညာလား စလာသည်။ အစ်ကိုက နားထောင်နေသေးသည်။ သူ့တပည့်က ခင်ဗျားကို စငှားကတည်းက လမ်းထဲဝင်မယ်ဆိုပြီး ရပ်ကွက်ထဲ ငှားလာတာ၊ အခု စထွက်တာမှ မကြာသေးဘူး၊ စကားကများလာပြီ ဟု ထဘုတောတော့သည်။

သည်တော့ တက္ကစီဒရိုင်ဘာကလည်း ခွန်းတုန့်ပြန်သည်။ ကျွန်တော့်အစ်ကိုက ကားရပ်ခိုင်းသည်။ မရပ်။ ရပါတယ်၊ ဆက်မောင်းပို့ပေးပါမယ် လုပ်သည်။ အစ်ကိုက တစ်ခွန်းတည်းပြောရတော့သည်။ ခင်ဗျားကား၊ ခင်ဗျားနဲ့အတူ ဒီရပ်ကွက်ထဲက ပြန်ထွက်သွားချင်လား ဆိုသည်။ သည်တော့မှ ရပ်တော့သည်။ အကြောင်းက ရှိသည်။ အစ်ကိုနှင့်သိသူများက ကားလာမည့်နေရာမှာ စောင့်နေသည်။ ကားပေါ်မှာ ခွန်းတုန့်ပြန်လာတာသိလျှင် ရပ်ကွက်ကလူများသည်။ ကားသမား အဆင်မပြေနိုင်။ သည်တော့ စောလွှတ် လိုက်မှ ကောင်းမည်ဆိုပြီး လွှတ်လိုက်တော့သည်။

နောက်ကားသမား တစ်ယောက်ကျတော့ လူမှုရေးနှင့် ဆိုင်သည်။ ကျွန်တော်တို့ အသိတစ်ယောက်၏ ညီမလေး ကားငှားစီးသည်။ အိမ်က အိမ်ဖော်ကောင်မလေးပါပါသည်။ လမ်းမှာ သူသွားမည့်အိမ်အတွက် စားစရာဆင်းဝယ်သည်။ သူကားပေါ်ပြန်ရောက်တော့ ကားသမားက အမျိုးသားက ဘယ်မှာလဲ။ တခြားနေရာမှာ အလုပ်လုပ်နေလား ဘာလား စမေးသည်။ အခုသွားမယ့်အိမ်က ဘာတော်လဲ၊ ဘာညာမေးပြီး ကျွန်တော့်မှာ ကတ်ရှိတယ်၊ ယူထားပါလား ဘာညာပြောသည်။ ထိုညီမလေးက အရောမ၀င်တတ်သူမို့ ငြိမ်နေလိုက်သည်။ ပိုဆိုးသည်က သူ့ယောကျာ်းရှိသည်ဆိုသော နေရာကို အတိအကျသိပြီး မေးလာခြင်းဖြစ်သည်။ ထိုညီမလေးက ဘယ်လိုသိတာလဲဟု အံ့ဩရင်း ငြိမ်နေလိုက်၏။ သူ့မှာ အိမ်ဖော်မလေးပါလာသော်ငြား ကလေးမို့ အရေးအကြောင်းဆို အားမကိုးရမှာစိုး၍ သူ့အိမ်ကို ဟမ်းဖုန်းနှင့် လှမ်းဆက်ရင်း လူကြီးများနှင့် အဆက်အသွယ် မပြတ်ကြောင်းပြလိုက်၏။

တက္ကစီဒရိုင်ဘာကလည်း ဘယ်ကမှ ဖုန်းမမြည်ပါဘဲ သူသည် တစ်ဦးတည်းသောသားဖြစ်ကြောင်း၊ သူ့ကားကို သူ့အမေက ၀ယ်ပေးထားတာ ဖြစ်ကြောင်း စသည်ဖြင့် မိန်းကလေးကို မြှူဆွယ်မှုဆန်သည့် စကားများကို ကြားအောင် ကားပေါ်မှာ ဖုန်းဖြေသလိုနှင့် ပြောနေလေတော့သည်။ 

သည်လိုနှင့် ထိုညီမလေးဆင်းသည့်နေရာရောက်ပြီး ထိုကပြန်၊ သူ့အိမ်ပြန်ရောက်တော့မှ သေသေချာချာ စဉ်းစားပြီး အိမ်နားက ကားသမားမဟုတ်ဘဲ သူ့ယောကျာ်း တခြားနေရာမှာ အလုပ်လုပ်နေတာ ဘယ်လိုသိသလဲဟု သံသယပွားပြီး နောက်ဆုံး အိမ်ဖော်ကောင်မလေးကို မေးတော့မှ ထိုညီမလေး စားစရာဆင်းဝယ်နေစဉ် တက္ကစီဒရိုင်ဘာက ထိုညီမလေးနှင့် ဘာတော်သလဲ၊ ဘာလုပ်လဲ၊ အိမ်ထောင်ရှိလား စသည်ဖြင့် စုံအောင်မေးသည်ကို အိမ်ဖော်မလေးက နားမလည်ဘဲ ဖြေလိုက်ရာမှ သိသွားခြင်းဖြစ်ကြောင်း ပေါ်တော့သည်။ ထိုမှစ၍ သူ့အိမ်ဖော်မလေးကို ဆူပူပြီး သတိထားခိုင်းသကဲ့သို့ တက္ကစီကို မလွှဲသာမှသာ စီးတော့လေသည်။ စီးလျှင်လည်း အဖော်ပါမှ စီးတော့သည်။ သွားလေရာ ဟမ်းဖုန်းကိုလည်း သတိထားပြီး အမြဲကိုင်ထားခဲ့တော့၏။

ကျွန်တော်ဆိုလိုသည်မှာ တက္ကစီဒရိုင်ဘာတိုင်း မကောင်းပါဟု ပြောနေခြင်းမဟုတ်သည်ကို နားလည်စေ လိုပါသည်။ သို့သော် တချို့သောတက္ကစီဒရိုင်ဘာများမှာ ထိုသို့ရှိနေပါသည်ဟု မီးမောင်း ထိုးပြချင်မိပါသည်။ အထက်က ကျွန်တော့်အသိ၏ ညီမလေး ကိစ္စမျိုးဆိုလျှင် လူမှုရေး ဖောက်ပြန်အောင် စည်းရုံးသည့်သဘော၊ ထိုတက္ကစီဒရိုင်ဘာ ကိုယ်တိုင်က လူမှုရေး ဖောက်ပြန်မည့် သဘောမျိုး ဖြစ်နေ ပါသည်။ အိမ်ထောင်ရှိသည်ဟု သိပါလျက် ထိုသို့ ကြိုးစားခြင်းမှာ စိတ်ဓာတ်အောက်တန်းကျခြင်း တစ်မျိုးဟု ကျွန်တော်မြင်ပါသည်။

ကျွန်တော့်အသိက ကားသမားနာမည်ကို လိုက်ဖို့ ကြိုးစားသော်လည်း သူ့ကား ဒက်ရ်ှဘုတ်ပေါ်မှာ တက္ကစီဒရိုင်ဘာ နာမည်ဘုတ် မရှိပါတဲ့။ ထို့ကြောင့် တက္ကစီများကို မည်သို့မှတ်ပုံတင်၍ မည်သူက မောင်းသနည်းဆိုသည်ကို မည်သို့သိအောင် လုပ်မည်နည်း။ မှတ်ပုံတင်ထားသော ဓာတ်ပုံထဲက တက္ကစီဒရိုင်ဘာက တစ်ယောက်။ မောင်းနေသူက တခြားတစ်ယောက် ဖြစ်နေတာလည်း ကြုံရပေါင်းများလှချေပြီ။ သိသူများရှိက ကျယ်ကျယ်ပြန့်ပြန့် ဆောင်းပါးရေးစေလိုပါသည်။ မီးမောင်း ထိုးပြစေလိုပါသည်။

ကျွန်တော် Facebook ထဲမှာ၊ ဂျာနယ်ထဲမှာ တက္ကစီဒရိုင်ဘာတို့၏ အပြုအမူကောင်းများ၊ စေတနာကောင်း များကို ခဏခဏ ဖတ်ဖူးပါသည်။ သို့သော် ဆွမ်းဆန်ထဲ ကြွက်ချေးရော ဆိုသလို အပေါ်က ကျွန်တော် ပြောပြခဲ့သည့် တက္ကစီဒရိုင်ဘာများလည်း ရှိနေပါသေးသည်။ 

စင်ကာပူမှာ၊ မလေးရှားမှာ၊ အိန္ဒိယမှာ ကျွန်တော် တက္ကစီများစီးဖူးပါသည်။ မည်သူမျှ မူလခရီးသည် တင်ပြီးလျှင် နောက်ထပ် လမ်းကြောသင့်၍ ခရီးသည်ထပ်တင်ခြင်းများ မရှိပါ။ ကျွန်တော်တို့ မြန်မာနိုင်ငံ မှာပဲ ရှိပါသည်။ မြန်မာချင်းဖြစ်၍ တချို့ခရီးသည်က ခွင့်ပြုလျှင်တောင် ထိုခွင့်ပြုသည့် ခရီးသည်၏ ခရီးက အရင်မရောက်ဘဲ နောက်မှတက်လိုက်လာသည့် ခရီးသည်၏ ခရီးကို အရင်လိုက်ပို့ခြင်းများ ကြုံရသောကြောင့် စကားများ၊ ရန်ဖြစ်တတ်တာမျိုးလည်း ခဏခဏ ကြားရပါသည်။

ပြီးတော့ မြန်မာချင်းမို့ ကားပေါ်မှာ အလ္လာပ၊ သလ္လာပ ပြောခြင်းကိုလည်း မရှိမဟုတ်။ ရှိပါသည်။ ကျွန်တော် မလေး သွားတုန်းက တက္ကစီသမား မလေးတစ်ယောက်က ကျွန်တော့်ကို စင်ကာပူက လာသူမို့ မေးခွန်း တချို့ မေးပါသည်။ ကျွန်တော်လည်း ဖြေချင်မှ ဖြေပါသည်။ တမင်မှားဖြေတာလည်း ရှိပါသည်။ ယခုမှ စသိသော လူတစ်ယောက်က ကိုယ့်ကို မဆိုင်သော မေးခွန်းမျိုး မေးလာခြင်းကို ကျွန်တော် သိပ်မကြိုက်ပါ။ စပ်စုသည်ဟု ထင်သည့် အပြင် ကိုယ့်ကိုယ်ရေးကိုယ်တာများကို ပေးမသိချင်ခြင်းပါ။ မိန်းကလေးများလည်း တက္ကစီငှားစီးလျှင် အထူးသတိထားစေချင်ပါသည်။

ခရီးနှင့် ဆိုင်သော လမ်းကြောင်းကို ပြောပြီးလျှင် ပြီးသော်ငြား အထက်က ဥပမာလို မဆီမဆိုင် ယောကျာ်း က နယ်မှာ အလုပ်လုပ်နေသလား၊ ဘာညာ ပြောပြီး လိပ်စာ၊ ဖုန်းကတ်များ ယူရန် ပေးလာပါက ငြင်းပစ် လိုက်ပါ။ ငှားစီးစရာ တက္ကစီများ များစွာရှိ၍ ရန်ကုန်လိုနေရာမျိုးမှာ ဖုန်းခေါ်ပြီး ကားငှားစီးရလောက်အောင် မလိုအပ်သေးပါ။ သူစိမ်းဖြစ်၍ အလွယ်တကူ မယုံပါနှင့်။ 

စင်ကာပူက ယာဉ်မောင်းများကျတော့ ရှင်းပါသည်။ မီတာနှင့်ဖြစ်၍ သွားချင်သည့်နေရာပြော၊ ကျသင့်ငွေပေး၊ သူတို့ဘာသာ သီချင်းဖွင့် နားထောင်ပြီး အားလုံး အဆင်ပြေပါသည်။ ခရီးသည်ကို ထိကပါး၊ ရိကပါး မလုပ်ရဲ။ သူတို့ကတော့ ရဲကို ကြောက်ကြသည်ကိုး။ မကြောက်လို့လည်း မရ။ တစ်ခုခုဖြစ်တာနှင့် ထောင်နှင့် ဒဏ်ငွေ။ အခန့်မသင့်လျှင် ကြိမ်ဒဏ်။ ကျွန်တော်တို့ဆီမှာက လုံခြုံစိတ်ချရသော ၀န်းကျင်ဆိုသည်ကို ရောက်ဖို့ လိုသေးသည်။ ထိုသို့ ယုံကြည်နိုင်ဖို့က မည်မျှ ကြာမည်မသိ။

တစ်ခုရှိသေးသည်။ ကျွန်တော့်သူငယ်ချင်း တစ်ယောက် တက္ကစီငှားစီးသည်။ ဈေးလည်း အဆင်ပြေသည်။ လမ်းရောက်မှ လမ်းကြောပိတ်နေ၍ တက္ကစီဒရိုင်ဘာက ထိုသို့ လမ်းများကျပ်သောကြောင့် ထိုလမ်းကြောင်း ကို သူမလိုက်ချင်ကြောင်း၊ လမ်းကပိတ်နေကြောင်း တဖျစ်တောက်တောက် ပြောသည်။ ကျွန်တော့် သူငယ်ချင်းကလည်း တော်တော်သည်းခံပြီး လိုက်လာခဲ့ရသည်။ ကျွန်တော်တို့ကိုတော့ ပြန်ပြောပါသည်။ အစကတည်းက လမ်းကျပ်၍ မလိုက်ချင်လျှင် ဘာလို့လိုက်လာရသနည်း။ သေနတ်ထောက်၍ ခေါ်ခြင်း မျိုးလည်း မဟုတ်။ ကြိုက်ဈေးရ၍ လိုက်လာတာဖြစ်သည်။ ကျွန်တော်လည်း သည်သို့သာ မြင်သည်။

စင်ကာပူ၊ အိန္ဒိယ၊ မလေးရှားမှာ ကြုံခဲ့သော ယာဉ်မောင်းများဆို လမ်းကျပ်၍ ချောင်သည့်ဘက်တောင် လှည့်မောင်းပေးသေးသည်။ ကျပ်လျှင်လည်း ရပ်စောင့်နေခဲ့သည်သာ။ ဘယ်သူမျှ လမ်းကျပ်၍ ညည်းညူမပြ။ ကျွန်တော်တို့ မြန်မာတက္ကစီဒရိုင်ဘာများကတော့ ခရီးသည် သဘောကောင်းလျှင် ဘုတောနေတော့သည်။

ကျွန်တော်က မကောင်းသော တက္ကစီဒရိုင်ဘာများ အကြောင်းပြော၍ အားလုံး ထိုသို့ဖြစ်နေသည်ဟု မဆိုလိုကြောင်း နားလည်မှု မလွဲစေရန် ကြိုပြောထားချင်သည်။ လူတိုင်းမှာ အကောင်းနှင့်အဆိုး ဒွန်တွဲနေစမြဲဟု ကျွန်တော် နားလည်ပါသည်။ တက္ကစီဒရိုင်ဘာများထဲမှာ ပစ္စည်းကျန်၊ ဖုန်းကျန်ကို ပြန်လိုက်ပေးသော ယာဉ်မောင်း၊ သံဃာတော်များကို အခမဲ့စီးခွင့်ပေးသော ယာဉ်မောင်း၊ လေဆိပ်မှာ မလေးကပြန်လာသော လူငယ်လေးကို လမ်းစရိတ်မရှိ၍ အဝေးပြေးဂိတ်ကို ပို့ကာ လမ်းစရိတ်ပါထောက်ပေးလိုက်သော ယာဉ်မောင်းများ စသည်ဖြင့် အင်မတန်မှ စိတ်ထား မွန်မြတ်သော ယာဉ်မောင်းများလည်း ရှိနေပါသေးသည်။

ကျွန်တော်နှင့်ခင်သော စင်ကာပူနိုင်ငံသား တရုတ်ကြီး မြန်မာပြည်သွားလည်စဉ်က သူငှားစီးသော တက္ကစီဒရိုင်ဘာအကြောင်း ပြောပြခဲ့ပါသည်။ သူက အမေရိကန်ဒေါ်လာများ ပါလာ၍ သုံးဖို့ ငွေလိုသော အခါ ငွေရောင်းသည့်နေရာကို တက္ကစီဒရိုင်ဘာက ခေါ်သွားပြီး ထိုတရုတ်ကြီး၏ငွေကို လဲပေးခဲ့ပါသည်။ တရုတ်ကြီးကို ကားပေါ်ထိုင်စောင့်ထားခဲ့သည်ဟု ကျွန်တော့်ကို ပြောနေစဉ် ကျွန်တော် ရင်ထိတ်မိ ပါသေးသည်။ လိမ်သွားသည်ဟုများ ပြောလေမလားဟု နားစွင့်နေတုန်း တရုတ်ကြီးက သူပြန်လာတော့ ငွေတွေအများကြီးပါလာလို့ ငါဘာနဲ့ ကိုင်ရမလဲ မေးခဲ့သေးသည်ဟု ရယ်ရယ်မောမောနှင့် ဆိုမှ ကျွန်တော် သက်ပြင်းချရပါသည်။ ရိုးသားသော ထိုတက္ကစီဒရိုင်ဘာကိုလည်း ကျေးဇူးတင်မိရ ပါသေးသည်။

ကျွန်တော် နားလည်ပါသည်။ လူတိုင်း အမှားနှင့်တော့ မကင်းကြပါ။ တက္ကစီဒရိုင်ဘာသည်လည်း လူထဲကလူ ဖြစ်ပါသည်။ ထို့အတူ ခရီးသည်ဆိုသည်မှာလည်း လူသားများပင် ဖြစ်ပါသည်။ တက္ကစီဒရိုင်ဘာမှားသလို ခရီးသည်ဆိုးသည့် ဥပမာများလည်း များစွာ ရှိပါသည်။ လူသားချင်း ရိုးသားသော မေတ္တာစိတ်ရင်းကို အခြေခံလျှက် ရိုင်းပင်းခြင်းဖြင့် ခရီးတိုကလေးတစ်ခုအတွင်း ဘေးကင်း စိတ်ချမ်းသာစွာ သွားနိုင်ကြပါသည်။

 မိမိဘာသာ ရှိနေသော၊ သို့မဟုတ် အိမ်ကပါလာသော ဒေါသ၊ မိမိ၏ပင်ကိုယ် ကိလေသာ၊ တဏှာတို့ဖြင့် တက္ကစီဒရိုင်ဘာက ခရီးသည်ကို ဆက်ဆံခြင်းမှာ မလုပ်ကောင်းသော အရာဟု သိစေချင်ပါသည်။ မိမိစီးပွားကို မိမိဖျက်သည်နှင့် အတူဟု နားလည်စေချင်ပါသည်။ ယခုတော့ ကျွန်တော့်လို ခရီးသည် တချို့လည်း အဆိုပါ စိတ်ဓာတ်ညံ့ဖျင်းသော တက္ကစီဒရိုင်ဘာမျိုးနှင့် မဆုံရပါစေကြောင်း ဆုတောင်းနေရပါတော့သည်။           ။

ဆူးသစ်

၁၇း၁၀ နာရီ

၁၀.၈.၂၀၁၃