Monday, May 28, 2012

" လမ်းလျှောက်ရင်း လမ်းပျောက်နေသူ "


အမေ........

ကျွန်တော် လူ့လောကထဲဖြတ်သန်းလာတာ လူ့သက်တမ်း တစ်ဝက်လောက်ကိုတောင် ကျော်လွန် သွားသလို ဖြစ်နေပြီ အမေ။ ကျွန်တော်ဖြတ်သန်းခဲ့ရတဲ့လမ်းမှာ ဘ၀ဆိုတာ ဘာလဲလို့ စမ်းတ၀ါးဝါး တီးခေါက်ရင်း ဟိုတိုးဒီတိုး လျှောက်ခဲ့ဖူးတာပေါ့အမေ။

တကယ်တော့ ကျွန်တော့်မှာ ရည်မှန်းချက်အပြည့်ရှိခဲ့ဖူးတယ် အမေ။ ဆယ်တန်းအောင်ရင် ဆရာဝန်ဖြစ်ရမယ်ပေါ့။ ဒါပေမဲ့ ဆရာဝန်တော့ မဖြစ်ခဲ့ဘူး အမေ။ ကျွန်တော် အင်ဂျင်နီယာတစ်ယောက်တော့ ဖြစ်လာခဲ့တယ်။ အဲဒီမတိုင်ခင်တုန်းက အချိန်ကာလ တစ်ခုမှာ ကျွန်တော်ဟာ ဘာမျှ မသိသူတစ်ယောက်ပေါ့ အမေ။ ကျွန်တော်ကိုးတန်းနှစ်မှာ အဖေ့အလုပ် အပြောင်းအလဲ ဖြစ်ခဲ့တယ်။ ကျွန်တော် မသိခဲ့ဘူးအမေ။ လူတွေရဲ့ အကြောင်းကိုပါ။ အဲဒီရဲ့ နောက်ပိုင်းမှာတော့ ကျွန်တော်လူတွေကို ကောင်းကောင်းသိလာတယ်အမေ။ လောကကို စပြီး နည်းနည်းနားလည်လာတယ် အမေ။ ရာထူး၊ ဂုဏ်ပကာသန၊ အဆောင်အယောင်တွေကြောင့် ဟန်ဆောင်မှုတွေကို မျက်နှာဖုံးတတ်ထားခဲ့တဲ့ လူတွေကို ကျွန်တော်ကိုးတန်းနှစ် မှာပဲ သေသေချာချာ မြင်ခွင့်ရခဲ့တယ်အမေ။ အဲဒီအချိန်မှာ ကျွန်တော့်ကို နားလည်ပေးနိုင်ခဲ့တာ ကျွန်တော့်ငယ်သူငယ်ချင်းတွေနဲ့ သူတို့ရဲ့ မိသားစုတွေပေါ့ အမေ။

ဆယ်တန်း အောင်စာရင်းကတော့ ကျွန်တော့်ကို လောကမှာ ရည်မှန်းထားတိုင်းလည်း ရည်ရွယ်တာတွေ မဖြစ်တတ်ဘူးဆိုတဲ့ နိယာမတစ်ခုကို သေသေချာချာ ရိုက်သွင်းပေးခဲ့တာပေါ့။ ကျွန်တော် ဆရာဝန်တော့ မဖြစ်ခဲ့ဘူးအမေ။ ဒါပေမဲ့ အင်ဂျင်နီယာ တစ်ယောက်တော့ ဖြစ်ခွင့်ရခဲ့တယ်။ သေသေချာချာ စဉ်းစားတော့ ကျွန်တော့်အတွက် သင့်တော်တဲ့နေရာ တစ်နေရာကို ကံကြမ္မာက ဖန်တီးပေးခဲ့ပါလားလို့တော့ ထင်မိတယ်အမေ။ ကျွန်တော် လောကကို အလိုက်သင့် လိုက်ပြောင်းဖို့ ကြိုးစားမိတာလား မသိပါဘူး အမေ။

တစ်ခါတစ်ခါကျတော့လည်း ကံကြမ္မာကို အံ့ဩမိတယ် အမေ။ ခြောက်နှစ်တက်ရတဲ့ ကျွန်တော်တို့ကျောင်းမှာ တစ်တန်းမှ မကျဘဲ ကျွန်တော်အပါအ၀င် သူငယ်ချင်းတွေ ခုနစ်နှစ် နေခဲ့ရတယ် အမေ။ တကယ်အလုပ်လုပ်ရမယ် ဆိုတဲ့အချိန်မှာ ကျွန်တော်တို့အားလုံးဟာ ကျောင်းပရိဝုဏ်ထဲမှာပဲ ရှိနေခဲ့သေးတယ်။ လောကရဲ့ အံချော်မှုတွေလို့ပဲ ကျွန်တော်ပြောမယ် အမေ။

ဘာပဲဖြစ်ဖြစ် အဲဒီအချိန်၊ အဲဒီကာလမှာ ကျွန်တော့်သူငယ်ချင်းတွေနဲ့ ကျွန်တော်တစ်သားတည်း ဖြစ်ခဲ့တယ် အမေ။ ပြီးတော့ အမေလေ........။ ကျွန်တော့်ကို စိတ်ရှည်ခဲ့တယ်။ ကျွန်တော့်ကို နားလည်ခဲ့တယ်။ ကျွန်တော့်ကို သည်းခံခဲ့တယ်။ ကျွန်တော့်ကို မျှော်လင့်ခဲ့တယ်။ ကျွန်တော်ဟာ အင်ဂျင်နီယာ အလောင်းအလျာပေါ့။

ဒီလိုနဲ့ ကျောင်းပြီးလို့ ဘွဲ့မရခင်မှာပဲ အလုပ်တန်းရခဲ့တော့ ကုမ္ပဏီတစ်ခုမှာ။ အမေ ကျွန်တော့်အတွက် ၀မ်းသာလို့ပေါ့။ အမေ ကျွန်တော့်အတွက် ပျော်လို့မော်လို့ပေါ့။ ကျွန်တော့်ဘ၀ရဲ့ ပထမဆုံး အင်တာဗျူးမှာ အလုပ်တန်းရခဲ့တာကိုး။

ဒါပေမဲ့ သိပ်မကြာပါဘူး။ လစာနဲ့ အလုပ်ချိန် မမျှတဘူးဆိုတဲ့ အသိနဲ့ ကျွန်တော်အလုပ်ကထွက်ပြီး ၀န်ထမ်းလောကထဲကို ကူးဖို့ကြိုးစားခဲ့ပါရော။ ဒါပေမဲ့ အမေ မကန့်ကွက်ခဲ့ဘူး။ အမေ ဘာမှမပြောခဲ့ဘူး။ အမေ သဘောမတူကြောင်း မျက်နှာမှာတောင် ရိပ်ခနဲ မပြခဲ့ဘူး။ မိုက်လိုက်တဲ့သားလို့ ကင်ပွန်းမတတ်ခဲ့ဘူး။ ကျွန်တော်ဟာ အမေ့သား ဖြစ်မြဲပေါ့ အမေ။

တကယ်တမ်းကျတော့ ကျွန်တော်က ငမိုက်ပါ အမေ။  ငယ်စဉ်ဘ၀၊ ကျောင်းသားဘ၀ ကတည်းက ရူးသွပ်ခဲ့တဲ့ စာရေးတဲ့သူတစ်ယောက်ရဲ့ ဘ၀ကို တမ်းမက်ရင်း ကျွန်တော်ပိုလိုချင်ခဲ့တဲ့ အချိန်ဆိုတာကို လိုက်ဖမ်းရင်း ၀န်ထမ်းလုပ်မယ် စိတ်ကူးခဲ့တာ အချိန်ပိုမရတဲ့ အပြင် အမေ့အနားမှာ နေခွင့်တွေပါ လက်လွှတ်ခဲ့ရတာပေါ့ အမေ။

ကျွန်တော်သိလာခဲ့ပြီ အမေ။ အမေနဲ့ အဝေးကို ရောက်နေချိန်မှာ အမေ့လို နွေးထွေးမှု ဘယ်သူမျှ မပေးနိုင်ခဲ့ဘူး။ အမေ့လို ဂရုစိုက်မှု ဘယ်သူမျှ မထားနိုင်ခဲ့ဘူး။ အမေ့အိမ်ရဲ့ အေးမြမှု ဘယ်မှာမျှ မရနိုင်ခဲ့ဘူး။

ခရီးတွေရဲ့ လမ်းခုလတ်မှာ ကျွန်တော်သောင်တင်နေခဲ့ဖူးတယ် အမေ။ ကျွန်တော်လမ်းပျောက်နေခဲ့ဖူးတယ် အမေ။ လူတချို့ ကျွန်တော့်ကို နောက်ကျောက ဓားနဲ့ထိုးတယ်။ သူတို့ ရာထူးတည်မြဲဖို့အတွက်ပေါ့။ လူတချို့ ကျွန်တော့်နေရာကို လုတယ်။ သူတို့ မလုပ်နိုင်တာတွေ ကျွန်တော်လုပ်ပြတာ မကြိုက်လို့ပေါ့။ လူတချို့ ကျွန်တော့်ကို ချုပ်ကိုင်ဖို့ ကြိုးစားတယ်။ သူတို့နားမလည်ဘဲ ကျွန်တော့်ကို အမိန့်ပေးဖို့ပေါ့။

ကျွန်တော် ဘာလုပ်ရမလဲ။ ကျွန်တော် ရွေးခဲ့တဲ့လမ်းမှာ ကျွန်တော့်ကို ခုတုံးလုပ်တဲ့သူ၊ ကျွန်တော့်ကို မနာလို မရှုစိမ့်တဲ့သူ၊ ကျွန်တော့်ကို လုပ်ကြံတဲ့သူ၊ စုံလို့ပါပဲ အမေ။ အဲဒီအချိန်မှာ ကျွန်တော်တွေးနေတာ အမေ့ရင်ခွင်ပါ။ ကျွန်တော်ငယ်ငယ်က မသိခဲ့တဲ့ အမှားရယ်၊ အမှန်ရယ် ဆိုတာကို နည်းနည်း သိလာချိန်မှာ အပူအပင်ဆိုတာ လုံးဝမရှိတဲ့ အမေ့ရင်ခွင်ကို ကျွန်တော်တောင့်တမိပြန်ပါတယ် အမေ။ ငြိမ်းငြိမ်း ချမ်းချမ်းလေး မှေးစက်နေဖို့ပါ။ ကျွန်တော်ဟာ အမေ့ရင်ခွင်ထဲမှာ အပြစ်ကင်းတဲ့ ကလေးလေး တစ်ယောက်လို အမြဲရှိနေမှာ သေချာလို့ပါ အမေ။

ဒီလိုနဲ့ပဲ ဖြစ်ချင်တာတွေ ဖြစ်မလာခဲ့တဲ့အခါ ကျွန်တော်ဟာ ဒီထက်ကြီးမားတဲ့ ရည်မှန်းချက်တွေ ချပြီး အမေနဲ့ အဝေးကို ထွက်ခဲ့ပြန်ပါရောလား။ ဒီတစ်ခါတော့ ပိုဆိုးတယ် အမေ။ သူစိမ်းတွေကြားထဲကို ရောက်သွားတာပါ။ သူတို့ကတော့ မြန်မာစကားလည်း မပြောတတ်တော့ ပိုပြီး ရက်စက်ပါတယ် အမေ။ ပိုပြီး ကရုဏာမဲ့ပါတယ် အမေ။ ဒါပေမဲ့ သူတို့နှိပ်စက်နေတာမဟုတ်ပါဘူး။ ပညာပြရုံ ကလေးပါ။ အလုပ်တွေ ပေးရုံကလေးပါ။ သိပ်လှတဲ့ ကစားကွက်တွေကြားမှာ ကျွန်တော်ဟာ ခံစစ်သက်သက် ကစားနေရတယ် အမေ။ ဒါပေမဲ့ ဒီတစ်ခါက ကျွန်တော့်ရဲ့အနာဂတ်နဲ့ ဆိုင်လို့ အချိန်ကာလ တစ်ခုအထိတော့ ကျွန်တော် သည်းခံနေဦးမယ် အမေ။

သေချာတာတော့ အမေနဲ့ ဝေးတဲ့အခါ အရာရာဟာ မငြိမ်းချမ်းဘူး အမေ။ ကျွန်တော်ဟာ လမ်းပေါ်မှာ လျှောက်ရင်း လမ်းပျောက်နေတယ်အမေ။ ကျွန်တော့်ရဲ့စိတ်မှာ အမေ့ရဲ့ နွေးထွေးတဲ့ ရင်ခွင်ကိုပဲ အမြဲလို တမ်းတနေတယ် အမေ။ ကျွန်တော့်ဘ၀အတွက် ပန်းတိုင်ကို လှမ်းနေတုန်းမှာ အနေဝေးနေပေမယ့် ကျွန်တော် ဘယ်တော့မှ မမေ့ဘူး အမေ။

အသက်အရ ကျွန်တော်ကြီးလာခဲ့ပြီ အမေ။ ဒါပေမဲ့ ကျွန်တော်ဟာ အမေ့အတွက် ကလေးလေးပါ။ ကျွန်တော် လမ်းတွေ အများကြီး ဖြတ်ခဲ့ဖူးပြီ အမေ။ ဒါပေမဲ့ ကျွန်တော်ဟာ လမ်းပျောက်နေဆဲပါ။ အရွယ်အရ ကျွန်တော်ဟာ ရင့်ကျက်သင့်ပြီ အမေ။ ဒါပေမဲ့ ကျွန်တော်ဟာ သင်ယူနေဆဲပါ။

ကျွန်တော် တွေးနေပါတယ် အမေ။ ကျွန်တော်တို့ ရှင်သန်ရခြင်းရဲ့ အဓိပ္ပါယ်တွေကိုပါ။ ငွေရှာတာ တစ်ခုတည်းနဲ့ ကျွန်တော် မရှင်သန်နိုင်ဘူး အမေ။ မေတ္တာမရှိဘဲနဲ့ ကျွန်တော် မနေနိုင်ဘူး အမေ။ ကျွန်တော်ဟာ ကျွန်တော်တစ်ယောက်တည်း အတွက် မရှင်သန်ချင်ဘူး အမေ။ ကျွန်တော်က မေတ္တာရှိတဲ့ အရပ်မှာ ပျော်သူပါအမေ။ ကျွန်တော်တစ်နေ့မှာ အမေ့အနားမှာ ပြန်နေမယ် အမေ။ ကျွန်တော်ပျောက်နေတဲ့လမ်းက အဲဒီမှာ အဆုံးသတ်မှာ အမေ။ ကျွန်တော် ပိုက်ဆံရှာပြီး အမေ့ကို စောင့်ရှောက်ခဲ့တာက တစ်ပိုင်း၊ အမေ့အနားမှာ နေပြီး ခြေဆုပ်လက်နယ် ပြုစုရင်း အမေ့ရင်ခွင်ရိပ်မှာ နေချင်တာက တစ်ပိုင်းမို့ ကျွန်တော့်ရည်မှန်းချက် ပြည့်ပြီဆိုရင် အမေ့အနားကို ကျွန်တော် ပျောက်နေတဲ့လမ်းပေါ်ကနေ ပြန်လာခဲ့မယ် အမေ။

အခု လောလောဆယ်တော့ ကျွန်တော်ချစ်တဲ့ ကိုငှက်(ထူးအိမ်သင်) သီချင်းတစ်ပုဒ်ကို အမေ့ကို လွမ်းစိတ်နဲ့ ကျွန်တော်နားထောင် နေမိတယ်အမေ။ အမေနဲ့ ပတ်သက်ရင် ကျွန်တော်လည်း ကိုငှက်လိုပဲ အရမ်းခံစားရပါတယ် အမေ။ အခု ကျွန်တော်နားထောင်နေတဲ့ သီချင်းလေးဟာ ဖိုးဇော် ဆိုတဲ့ တေးရေးဆရာ တစ်ယောက်ရေးပေးထားတာကို ကိုငှက်ဆိုထားတာပါ။ ' လမ်းပျောက်တဲ့သား' တဲ့။

ပြောရရင် ကျွန်တော့်ဘ၀မှာ သီချင်းတွေ မရေမတွက်နိုင်အောင် နားထောင်ဖူးပေမယ့် သီချင်းတစ်ပုဒ်ကို ဘယ်အချိန်မှာ နားထောင်နားထောင် မျက်ရည်မ၀ဲဖူးပါဘူး။ ဒါပေမဲ့ ဒီသီချင်းကတော့ ကျွန်တော်အာရုံစူးစိုက်ပြီး နားထောင်မိတဲ့အချိန်၊ အရမ်းခံစားရပြီး မျက်ရည်ဝဲရသလို တစ်ခါတစ်ခါ စိတ်မထိန်းနိုင်ရင် မျက်ရည်တွေ ပါးပေါ်ကို စီးကျစေတဲ့ သီချင်းပါ အမေ။ အဲဒါကို ကျွန်တော်တစ်ယောက်ပဲ သိပါတယ်အမေ။ အဲဒီအခါ ကျွန်တော်တစ်ယောက်တည်းပဲ တိတ်တိတ်ကလေး မျက်ရည်သုတ်ပါတယ် အမေ။ အဲဒီသီချင်းကို ကျွန်တော့်ရင်နဲ့ အမြဲ နားထောင်ပါတယ်အမေ။ အမေခံစားနိုင်ပါစေ။

တေးရေး ဖိုးဇော်ကို ကျေးဇူးတင်သလို ကိုငှက်ကိုလည်း ကျေးဇူးတင်ပါတယ်။ အမေကို သတိရတဲ့သူတွေလည်း ကျွန်တော့်လို ခံစားတတ်မယ်လို့ ယူဆမိပါတယ်။ အမေ့ အတွက်ပါဗျာ။

သားလတ်
၃း၂၉ နာရီ
၂၇.၅.၁၂







3 comments:

သတိုး said...

ကျွန်တော်လည်း အမေနဲ့ ခွဲပြီး အကြာကြီး နေဖူးလို့ စာနာ နားလည်နိုင်ပါတယ် ကိုဆူးသစ်ရေ...။ မေတ္တာရှိတဲ့ အရပ်မှာ နေပျော်ခွင့် အမြန်ဆုံးရပါစေဗျာ။
ခင်မင်သော သတိုး

အမ်တီအန် said...

တုနှိုင်းမရတဲ့ အမေပါ..။
အမေနဲ့ဝေးနေရတဲ့အချိန်တွေက ရင်ခွင်ကန္တာရဖြစ်နေချိန်ပါပဲ..။

Candy said...

ဒီပိုစ့်လေးဖတ်ပြီး အမေ့ကို သတိရသွားတယ် :(

Related Posts Plugin for WordPress, Blogger...