"Site ထဲမှာ ထွက်ပြေးခြင်း"

ကျွန်တော်သည် Sub-contractor ကုမ္ပဏီတစ်ခု၏ Safety Supervisor တစ်ယောက်ဖြစ်၍ Main-contractor ကုမ္ပဏီမှ Safety များနှင့် ရင်းနှီးနေလေပြီ။ နှစ်နှစ်ကျော်ကြာ Project မှာ Safety မလိုက်နာသူများကို ဖမ်းလိုက်ကြ၊ Client က ဖမ်းလျှင်လည်း ရှင်းလိုက်ကြနှင့် တော်တော်လေး လက်တွဲမိနေလေသည်။

Main-Con Safety များက ကုလားများဖြစ်၍ စလုံးကုလား၊ အိန္ဒိယကုလား စသဖြင့်ရှိလေ၏။ ထိုကုလားများထဲတွင် စလုံးကုလား "ကူမာရန်" ကား ကျွန်တော်နှင့် တော်တော်ရင်းနှီး၏။

ဖြစ်ချင်တော့ တစ်ရက်မှာ ကျွန်တော်သည် ဘုရင့်နောင် ကျော်ထင်နော်ရထာနှင့် နန်းတော်ပုံပါသော တီရှပ်အဖြူကို အောက်ခံအင်္ကျီအဖြစ် ၀တ်ကာ အလုပ်သွားခဲ့လေသည်။ ကျွန်တော်တို့ Site မှာ FRC ဟု ခေါ်သည့် မီးလောင်ခံ အင်္ကျီဝတ်ရရာ ထို FRC ယူနီဖောင်းအောက်မှာ တီရှပ်ခံဝတ်ခြင်းအားဖြင့် ချွေးပါ စုပ်သကဲ့သို့ ခံစားရ၏။


တကယ်တော့ ထိုအင်္ကျီမှာ ကျွန်တော့်ဇနီး ပါရမီဖြည့်ဖက်လေး မြန်မာပြည်မှာ ပဲခူးရှိ ကမ္ဘောဇသာဒီ နန်းတော်သို့ သွားရောက်လေ့လာ လည်ပတ်စဉ်က စလုံးမှာရောက်နေသော ကျွန်တော် ၀တ်ရန် အမှတ်တရ ၀ယ်ခဲ့တာ ဖြစ်သည်။ ဘုရင့်နောင်ပုံနှင့် နန်းတော်ပုံပါ တွဲလျက်ပါ၏။

သို့သော် ထိုအင်္ကျီကို FRC အပေါ်မှ ထပ်ဝတ်လိုက်သောအခါ FRC အင်္ကျီ အပေါ်ကြယ်သီးတစ်လုံး မတပ်ဘဲ ထားသည့်နေရာမှ နန်းတော်၏ စုလစ်မွန်းချွန်ထိပ်ပိုင်းသည် ထင်ရှားစွာ ပေါ်နေလေ၏။



ကျွန်တော်နှင့် "ကူမာရန်"မှာ ကိုယ့်တာဝန်၊ သူ့တာဝန်ဖြင့် Site ထဲသွားနေရာမှ တစ်နေရာ၌ ဆုံကြ လေသောအခါ သူက ကျွန်တော့်ကို သေသေချာချာ ကြည့်၍ ခဏရပ်ခိုင်း၏။ ရုတ်တရက်မို့ ကျွန်တော်လည်း ကြောင်သွားသည်။ ထို့နောက် ကျွန်တော့်ဆီ တည့်တည့်တိုးလာပြီး FRC အင်္ကျီကို ကြယ်သီးတစ်လုံးချင်း ဖြုတ်လေတော့သည်။ ဖြုတ်ရုံမျှမက ဘေးနားခပ်လှမ်းလှမ်းမှာရှိသော တခြား ကုမ္ပဏီမှ Safety များကိုလည်း ခေါ်လိုက်သေး၏။ ကျွန်တော့်မှာ ဘုမသိ၊ ဘမသိဖြင့် လန့်နေ၏။

FRC အင်္ကျီကြယ်သီး အားလုံး ပြုတ်ပြီဆိုမှ "ကူမာရန်"က ဘေးက Safety များကို ကျွန်တော်သည် မြန်မာ Safety ဖြစ်၍ ဘေးကင်းအောင် ကျွန်တော်တို့ ကိုးကွယ်သည့်ဘာသာအရ ဤအင်္ကျီကို ၀တ်ထားပုံရကြောင်း စိန်ပြေနပြေရှင်းပြသောအခါ ကျွန်တော် မျက်လုံးပြူးရလေပြီ။ ထို့အပြင် ဘုရင့်နောင် ကျော်ထင်နော်ရထာ၏ နန်းတော်ကြီးကို ကြည့်ကာ သူကလက်အုပ်ချီပါတော့သည်။

သည်တော့မှ ကျွန်တော်သဘောပေါက်တော့သည်။ ကျွန်တော်တို့ မြန်မာများ စေတီကို အမြဲရှိခိုးနေတာ သူတွေ့ဖူးပါလိမ့်မည်။ သူက FRC ကြားမှ အစွန်းထွက်နေသော နန်းတော်၏ စုလစ်မွန်းချွန်ကို မြင်ကာ အင်္ကျီ ချွတ်ခိုင်းပြီး နန်းတော်ကို စေတီဟုထင်၍ လက်အုပ်ချီခြင်းဖြစ်သည်။ ဘေးက Safety များကလည်း သြော်-ဒါ မြန်မာတွေ ကိုးကွယ်တဲ့ Pagoda ဟုဆိုကာ ခေါင်းတွေ ညိတ်ကြသည်။ သူတို့ သည်လိုထင်တာ ကိစ္စမရှိ။ သို့သော် နေရင်းထိုင်ရင်း အချောင်လက်အုပ်ချီခံနေရသည့် ကျွန်တော်က ကိစ္စရှိသည်။ ကူမာရန်က ကျွန်တော့်ထက် ကြီး၏။ ဘာ ဘာသာကိုးကွယ်မှန်းတော့ မသိ။ စေတီမဟုတ်ဘဲ ကျွန်တော့်ဘက် လက်အုပ်တစ်ချီချီ လုပ်နေကတည်းက နေရထိုင်ရ ကျပ်လှ၏။ ထို့ကြောင့် ကျွန်တော် သုတ်ခြေ တင်ရတော့သည်။ ကိစ္စရှိလို့ကွာဟုဆိုကာ လစ်ရတော့၏။

နောက်တစ်ခါ ထိုအင်္ကျီဝတ်သည့်နေ့မှာ ကူမာရန်မမြင်စေရန် ကျွန်တော့်ဘာသာ Site ထဲမှာ ပတ်ပြေး နေရတော့၏။ သည်နေ့ပင် ထိုအင်္ကျီဝတ်မိသေးသည်။ သူ့ဘာသာ အလုပ် ရှုပ်နေ၍သာ တော်တော့၏။ ရှင်းပြလျှင်လည်း ပိုရှုပ်မှာစိုးရသည်။

သည်လိုနှင့်ပေါ့ဗျာ။ ဘုရင့်နောင် ကျော်ထင်နော်ရထာ၏ နန်းတော်ကြီးကို စေတီဟုထင်သော ကုလား တစ်ယောက်ကြောင့် ကျွန်တော်တစ်ယောက် Site ထဲမှာ ထွက်ပြေးခဲ့ရဖူးပါသည် ခင်ဗျား။ ။

ဆူးသစ်
၂၂း၅၀နာရီ
၃၀.၀၄.၁၁

"အပေါင်းအသင်းများအတွက် ကျောင်းသီချင်း"

အတိတ်ဆိုသည်က ဖျောက်ပစ်၍ ရကောင်းသော အရာမဟုတ်။ ထိုသို့သော အတိတ်များထဲမှာ ကျောင်းနှင့် ပတ်သက်သည့် အတိတ်ကပို၍ ဖျောက်ပစ်၍မရ။ တက္ကသိုလ်တက်ဖူးသူတိုင်း အထက်တန်းကျောင်းမှသည် တက္ကသိုလ်အထိ စွဲလန်းငြိတွယ်စရာများ ရှိခဲ့ကြပါလိမ့်မည်။ အထူးသဖြင့် ယောကျာ်းလေးတစ်ယောက်က မိန်းကလေးသူငယ်ချင်းရှိခဲ့လျှင် ပို၍ စွဲငြိနေမည့် အတိတ်များကား ယနေ့တိုင် ထင်ရှားနေလိမ့်မည်။

တစ်ချိန်တုန်းက တက္ကသိုလ်ဆိုသည့် ပရိဝုဏ်ထဲတွင် သူတို့အားလုံး အချိန်ဇယားအတိုင်း ကျင်လည်ခဲ့ရဖူးသည်။ ဘယ်အချိန် ဘယ်အတန်းဆိုသည့် နောက်ကွယ်တွင် ဘယ်အချိန် သံယောဇဉ်ဖြစ်၊ ဘယ်အချိန်ချစ်၍ ဘယ်အချိန် ကျန်ရစ်ခဲ့မည်ဟု အချိန်ဇယားများကလည်း ရှိနေလေသလား မပြောတတ်။

စာကြည့်တိုက်ထဲမှာ တွေ့ခဲ့စဉ်က တစ်ချိန်မှာ ခွဲခွာရမည့် နေ့ရက်တို့ကို တွေးရင်း မျက်ရည်စို့ခဲ့ရသည်ကို သူမြင်ခဲ့ရဖူးသည်ပဲ။ ယခုတော့ စာကြည့်စားပွဲမှတစ်ဆင့်၊ ထိုအချစ်များကို ရင်ဘတ်ဗီရိုထဲထည့်ကာ သိမ်းထားခဲ့ရလေပြီ။

သူ့ကိုလွမ်း၍ ဂစ်တာတီး သီချင်းဆိုသည့်အခါများတွင်တော့ ထိုအလွမ်းများက ပန်းလို ကြွေကျခဲ့သည်။ အခွင့်ရှိပါက သူနှင့် ပတ်သက်သမျှ ကဗျာရေး၍ ရင်းနှီးသော မဂ္ဂဇင်းတိုက်တချို့ကို ပို့ဖြစ်နေဦးမည် ဖြစ်သည်။ တစ်ချိန်က သူတို့အချင်းချင်း ' အချိန်တန်ရင် နင်လည်း အိမ်ပြန်၊ ငါလည်း ငါ့အိမ်ပြန်ရတော့မယ်' ဟု ကျောင်းထဲမှာ စကားမပြောဘဲ၊ ကြားခဲ့ရသည့် အကြိမ်ပေါင်း နည်းမှမနည်းခဲ့ဘဲလေ။

ဟိုတုန်းက ဘ၀မှာ ဖြစ်လာသော အဖုအထစ်လေးများကို တစ်ယောက်နှင့်တစ်ယောက် ကူညီ ဖြေရှင်းပေးခဲ့ဖူး၏။ ယုတ်စွအဆုံး သူလဲလျှင် ကိုယ်ထူ၊ ကိုယ်လဲလျှင် သူထူ စသဖြင့် နေလာခဲ့ကြသည်။ ချစ်သူ အဆောင်မှာရှိသည့်ည သူတို့ရောက်ခဲ့ကြဖူးသည်။ ချစ်သူဝယ်ထားသော မုန့်တို့ကို စားရင်း ရင်ထဲက ခံစားမှုတို့ကို မိုးလင်းသည့်တိုင် ဖွင့်ဟခဲ့ကြ၏။ အဆောင်မှူးသိသည့်အခါ အပြစ်တို့ကျလာသည့်တိုင် နှစ်ဦးစလုံး၏ အချစ်က ခိုင်မာခဲ့၏။

ကျောင်းတုန်းက ချစ်ခဲ့စဉ် အသက်ပေးမတတ် တူညီစွာ ခံစားခဲ့ရ၏။ ချစ်ခြင်းသည် သန့်စင်မွန်မြတ်လှသည်။ သို့သော် လောက၏သဘာဝအတိုင်း ချစ်တိုင်းညားသည်မဟုတ်။ မည်သို့ဆိုစေ တစ်နေရာစီ ဝေးကွာခဲ့သည့်တိုင် ဟိုးတုန်းက သန့်စင်စွာချစ်ခဲ့ခြင်းကို ယခုတိုင်တန်ဖိုးထားဆဲ။ ကျောင်းတုန်းက ချစ်သူကိုလွမ်းသည်။ ပြီးတော့ ကျောင်းနှင့်ပတ်သက်သည့် သတင်းမှန်သမျှ နားစွင့်ဆဲ။ ကျောင်းနှင့်ပတ်သက်သည့် သီချင်းကိုလည်း ရင်မှာတီးတိုး ရွတ်ဆိုဆဲ။ အဝေးမှာရောက်နေသည့်တိုင် သူတို့အားလုံး ကျောင်းဝင်းထဲမှာ အမြဲရှိသည်။

သည်လိုခံစားမှုမျိုးကို စောဘွဲ့မှူး ရေး၍ "ကျောင်းသီချင်း" ဆိုသော သီချင်းတစ်ပုဒ် ဖြစ်လာခဲ့သည်။ ကျောင်းနှင့် ပတ်သက်၍ ဇာတ်လမ်းဆန်ဆန် သီချင်းမျိုးရေးဖွဲ့လေ့ရှိကြရာ၊ ယခု ကျောင်းသီချင်းသည် ဇာတ်လမ်းတော့ ဆန်၏။ သို့သော် တကယ်ဇာတ်လမ်းပုံစံ ဖြစ်ခဲ့သလားဆိုလျှင် ထိုသို့လည်းမဟုတ်ပြန်။ သို့သော် တက္ကသိုလ်ကို ဖြတ်သန်းဖူးသူတိုင်းတော့ ခံစား၍ရမည်ထင်သည်။

ထိုသီချင်းကို မူလက ကဗျာဘွဲ့မှူး ဆိုထားသည်။ နားထောင်ပြီး သီချင်းကို ကြိုက်လွန်း၍ ယောကျာ်းလေး တစ်ယောက်ဆို၍ရအောင် ကျွန်တော့်ဘာသာ စာသားတချို့ ပြင်ဆိုရင်း ဂစ်တာတီးဖြစ်သည်။ အထက်တန်း ကျောင်းသားလေးတွေပင် လိုက်ဆိုဖြစ်ကြ၏။ နောက်တော့ ကျွန်တော့်စိတ်ကူးနှင့် ထပ်တူညီစွာ စာသားများကို ပြောင်းရင်း 'ရာစု' က ဆိုထားတာတွေ့လိုက်ရသည်။ MP3 ထက်You Tube က အရုပ်ပါပါသော သီချင်းများ တင်ရသည်က ပိုလွယ်၍ ရာစု ဆိုသည်ကိုသာ တင်လိုက်ပါသည်။ ကဗျာဘွဲ့မှူး ဆိုထားသည်ကို ရှာမရ၍ ချန်ထားခဲ့ရပါ၏။

မည်သို့ဖြစ်စေ ဇာတ်လမ်းဆန်သော သီချင်းများကို ရေးရာ၌နိုင်နင်းသော ဆရာစောဘွဲ့မှူးအား 'ကျောင်းသီချင်း' အတွက် ကျွန်တော် ကျေးဇူးတင်နေမိပါသည်။ နားထောင်ပြီးတိုင်း ရင်မှာ ထိရှလွန်းသည်လေ။ သူငယ်ချင်းများလည်း ခံစား၍ ရမည်ထင်ပါသည်။ ။

ဆူးသစ်
၁၉:၃၀နာရီ
ီ ၂၅.၀၄.၂၀၁၁

"ကျွန်တော်တို့သည်" (၁၅)

သည်တစ်ခါတော့ ကိုယ့်ပေါင်ကိုယ်လှန်ထောင်းရဦးမည်။ တခြားတော့မဟုတ်။ ဒုတိယနှစ် စက်မှု တက္ကသိုလ်မှာ စာမေးပွဲအောင်ပြီးလျှင် အမှတ်နှင့် မေဂျာခွဲမှာမို့ ဆယ်တန်းလို အပြိုင်အဆိုင် ကြိုးစားရင်း၊ တစ်ယောက်နှင့် တစ်ယောက် စာတွေ လျှိုကြ၊ ၀န်တိုစိတ်များ များကြနှင့် ဖြစ်ကြရသည့်ကိစ္စပါ။

ထိုစဉ်က အားလုံးရင်ထဲမှာ ကိုယ်စီကိုယ်စီ၊ ကိုယ်ယူမည့် ဘာသာရပ်အတွက် ရှိနေကြပါလိမ့်မည်။ ကျွန်တော်တို့နှစ် (၁၉၉၄) မှာတော့ အီးစီဟုခေါ်သည့် Electronics ကတော့ အဟော့ဆုံး။ ကျောင်းသား တစ်ရာမှာ ရှစ်ဆယ်လောက် မေးကြည့်၊ အီးစီ အီးစီဟု အော်နေသည်။ ထိုအချိန်မှာ ဘုမသိ၊ ဘမသိ ကျွန်တော်က Civil (မြို့ပြ)နှင့် Mechanical (စက်မှု)ကို ယူဖို့ စဉ်းစားပြီး အိမ်နှင့်တိုင်ပင်နေရသည်။ အလုပ်အကိုင် အခွင့်အလမ်း၊ တည့်တည့်ပြောရလျှင် ငွေရှာဖို့ ပိုလွယ်သော ဘာသာရပ်များဖြစ်၍ ယူရန်စဉ်းစားခြင်းပင်။

ထိုအချိန်မှာ ကျောင်းသူ၊ ကျောင်းသားများ အားလုံးရင်ထဲမှာ မည်မျှ ပူလောင်ဆူပွက်နေသနည်း ဆိုလျှင် မိမိတက်နေသော ကျူရှင်ဘယ်သူသင်၍၊ ဘယ်မှာ သင်နေသည်ဆိုသည်ကိုပင် မပြောချင်လောက်အောင် တစ်ယောက်နှင့် တစ်ယောက် အမှတ်သာသွားမည်ကို စိုးရိမ်နေကြ၏။ ကျောင်းစာအုပ် ငှားရန် ကိုလည်း ပြန်မရတော့မည့် အလား စိုးရိမ်ကြ၏။

ကျွန်တော်ဆိုလျှင် ရှေ့မှာဆိုခဲ့သလို ကဗျာ၏ စကားပြေ၊ စကားပြေ၏ စကားပြေများ ရေးနေသည့်ကြားမှပင် စာများ၍ မရေးနိုင်သည့်အခါ သူငယ်ချင်းများက လျှိုသည်ဟု အထင်ခံခဲ့ရ၏။ တစ်ယောက်တည်း ကျိတ်၍ စာတွေလုပ်သည်တဲ့။ မြန်မာစာကို လျှိုသည်ဟု ဆိုချင်သည့်သဘော။ အမှန်က ခြောက်ဘာသာ စလုံး နိုင်အောင်လုပ်ဖို့ မလွယ်တော့၍ပင်။ ဒါတောင် အပြင်ဆောင်မှာ နေခဲ့၍သာ။

သည်ကြားထဲမှာ မျိုးခိုင်ဆိုသော သူငယ်ချင်းကြောင့် Engineering Mechanics (ME) ကျူရှင်ကို တက်ခွင့်ရပြီး အောင်ကျော်သက်ဆိုသော သူငယ်ချင်းကြောင့် သင်္ချာကို ကျူရှင်တက်ခွင့်ရလေသည်။ တက်ခွင့်ရသည်ဟု သုံးရခြင်းမှာ သူတို့က ပွင့်လင်းစွာဖြင့်မေးလာပြီး ကျွန်တော်မလိုက်နိုင်မှန်းသိ၍ သူငယ်ချင်းပီသစွာ ကျွန်တော့်ကို လာတက်ရန် ခေါ်သောကြောင့်ပင်။

အမှတ်(၂၀)ဖိုး ဖြေရသည့်အခါနှင့် စာမေးပွဲကြီး ဖြေသည့်အခါတွင်လည်း ကျောင်းသားတချို့၏ ဘာမှန်း မသိသော အပြုအမူများကို ဒုတိယနှစ်တွင် တွေ့ရသေးသည်။ စာဖြေချိန်မှ မစေ့သေး၊ စာရွက်ကို အပ်ပြီး "တောက်" ခေါက်၊ မေးခွန်းစာရွက်ကို လုံးချေချင်ချေ။ ဆွဲဖြဲချင်ဖြဲ လုပ်ချင်လုပ်၏။ အမှန်ကတော့ မဖြေနိုင်ဘူးဟု အထင်ခံရစေရန်ဖြစ်သည်။ ပြီးတော့ အောင်စာရင်း ထွက်သည့်အခါ Roll လည်း အောက်မှာ မရောက်၊ ထိပ်လည်း မရောက်၊ အလယ်လောက်သာ တန်းနေ၏။ သည်တော့ သူတို့ထိုသို့ လုပ်ခြင်းကို ဘာကြောင့် လုပ်သလဲ စဉ်းစား၍ မရ။

ဒါလည်း စာလျှိုသည့် နည်းထဲက တစ်ခု ဖြစ်ပုံရသည်။ အခြားသူများက သူမဖြေနိုင်ဘူးထင်၍ ၀မ်းသာရမည်လား။ လူတိုင်း ကိုယ့်အပူနှင့် ကိုယ်ချည်းသာ။ သူ့ကိုကြည့်ကာ ၀မ်းသာ၍ မိမိဖြေလက်စ ကို လျှော့ဖြေရမည်လား။ လုံးဝ အဓိပ္ပါယ်မရှိ။ ထိုသူများကား Roll ထိပ်ဆုံးက လူများလည်း မဟုတ်။ ထို့ကြောင့် နောက်ဆုံး ကောက်ချက် ချရလျှင် ထိုသူများ၏ အပြုအမူများကား ခပ်ကြောင်ကြောင် အပြုအမူများဟုသာ ဆိုရပေတော့မည်။ ကျွန်တော်တို့ကို အာရုံထွေပြားအောင်လုပ်၍ ဖြေလက်စ ကျွန်တော်တို့မှာ တော်တော် အနှောင့်အယှက် ဖြစ်ရသည်မဟုတ်လား။

ထိုသို့ကြုံတွေ့ရသည့်ကြားမှ ME အမှတ်(၂၀)ဖိုးမှာ ပုစ္ဆာတစ်ပုဒ်၌ ဂဏန်းတစ်လုံးကျန်ခဲ့၍ စာမေးပွဲခန်းထဲမှ အထွက် ပွက်လောရိုက်ကုန်သည်။ ME ကား နှစ်တိုင်း ကျောင်းသားများ ကြေကွဲရ စမြဲဖြစ်၍ ကြောက်ကြသည်။ တချို့ မိန်းကလေးများဆို ME (၂၀)ဖိုး ဖြေသည့်နေ့ ငိုပြီး ထွက်လာတာတောင် တွေ့ရသည်။ ကျွန်တော်ကတော့ ဘယ်ဂဏန်းကျန်ခဲ့သည်ပင် မသိ။ တွေ့သမျှ ဂဏန်းနှင့် ရသမျှကို ချတွက်ခဲ့သည်သာ။ တော်တော် တော်လှ၏။ နောက်မှ Roll ကောင်းသော သူငယ်ချင်းများက ပုစ္ဆာကို ထောက်ပြပြီး ပြောမှ သဘောပေါက်တော့သည်။ ငိုသည့်သူများက ကျန်သောပုစ္ဆာများပါ မရ၍ ငိုခြင်းဖြစ်သည်။ တစ်မှတ်နှင့်ပင် မေဂျာတစ်ခု လွဲသွားနိုင်သည်ဟု ကျွန်တော်တို့သာ သိသည်လေ။

ထိုအချိန်တွင် ထောက်ပြချင်စရာ ကောင်းသည်က ပုစ္ဆာ၏ မပြည့်စုံမှုကြောင့် တွက်မရမှန်း သိနေလျှက် ဘာမျှ တောက်မခေါက်၊ မေးခွန်းစာရွက်မဖြဲသော Roll ကောင်းသည့် သူငယ်ချင်းများ၏ စိတ်ဓါတ်နှင့် အထက်က ကျွန်တော် ပြောခဲ့သော ဘာမျှမဟုတ်ဘဲ အော်ကြက် ထထလုပ်သူများ၏ စိတ်ဓါတ် ကွာခြားမှုပင်။ ပြည့်ခြင်းနှင့် မပြည့်ခြင်းက သိသာစွာကွဲလွဲသွား၏။ ခုတော့လည်း သူတို့တစ်တွေ ရင့်ကျက်လောက်ကြပြီဟု ထင်မိပါသည်။ ရှိစေတော့။

ME ပြဿနာကား ဆရာဦးသန်းဌေးက စာမေးပွဲအပြီး ဒုတိယနှစ်၏ အခန်းတိုင်းမှာ လိုက်ရှင်းမှ အဆင်ပြေတော့ သည်။ အမှတ်ဖြည့်ပေးပါမည်တဲ့။ ဘာကျန်ခဲ့မှန်းပင် မသိသော ကျွန်တော့်အတွက်လည်း ok ပါသည်ပေါ့ ခင်ဗျာ။

ကျွန်တော်တို့သည် ရန်ကုန်စက်မှုတက္ကသိုလ်၏ စာမေးပွဲများစွာကို ဖြတ်သန်းခဲ့ရ၏။ ဒုတိယနှစ် စက်မှု တက္ကသိုလ်သည်ကား ကျွန်တော်တို့ အချင်းချင်းကြားမှာ ပူလောင်လွန်းလှ၏။ ကျွန်တော်တို့သည် ကျွန်တော်တို့ ရလိုမှုများအတွက် ၀န်တိုစိတ်၊ ဒိုင်လျှိုစိတ်များ ပိတ်လှောင်ခဲ့သူများ ဖြစ်ကြ၏။ ကျွန်တော်တို့သည် အမှတ် တစ်မှတ်ကြောင့် ဘ၀ တစ်ခုလုံး ပွန်းပဲ့ သွားမည်ကို ကြောက်ရွံ့ သူများလည်း ဖြစ်ခဲ့ကြ၏။ ဆယ်တန်းသည် ဘ၀အတွက် ပထမစစ်ပွဲဟု ဆိုလျှင် ဒုတိယနှစ် ရန်ကုန်စက်မှု တက္ကသိုလ်သည်လည်း ဘ၀အတွက် ဒုတိယစစ်ပွဲဟု ဆို၍ ရနိုင်၏။ ကျွန်တော် တို့သည် လောဘ၊ ဒေါသ၊ မောဟကြားမှ ထိုဒုတိယစစ်ပွဲကို ကြိုးစား ဖြတ်သန်းခဲ့ရ၏။ ။

ဆူးသစ်
၂၂း၂၀နာရီ
၂၂.၀၄.၂၀၁၁

"ကျွန်တော်တို့ မြန်မာဖြစ်ရခြင်းသည်"

တလောက ကျွန်တော်တို့လုပ်ကွက်ထဲက ကောင်လေးတစ်ယောက် သူ့အဖေ အသည်းအသန်ဖြစ်သည်ဟု ဖုန်းရသည်။ ကင်ဆာရောဂါမို့ အခြေအနေမကောင်းတော့။ သူပြန်ချင်၍ Project Manager ပြည်ကြီး တရုတ်ကို ခွင့်သွားတောင်းသည်။ တစ်လ ပြန်ခွင့်ရ၏။

သို့သော် ကျွန်တော်တို့ ကုမ္ပဏီစည်းမျဉ်းအရ တစ်ကြိမ်ပြန်ပြီး နောက်တစ်ကြိမ် နှစ်နှစ်မပြည့်ဘဲ ပြန်ချင်လျှင် စလုံးငွေ ငါးထောင် စပေါ်တင်ရမည်။ တစ်လ လေးငါးရာသာ ရနေသည့် အလုပ်သမားတစ်ယောက် အတွက် ငွေငါးထောင် ဘယ်မှာ ရှိပါမည်နည်း။ ဖြစ်ချင်တော့ ပထမဖုန်းလာပြီး သိပ်မကြာခင်မှာပင် ထိုကောင်လေး အဖေဆုံးသွားသည်တဲ့။ ပြန်ကိုပြန်ရတော့မည်။

သည်မှာပဲ PM ပြည်ကြီးတရုတ်က စလုံးငွေ ၃၀၀၀ စစိုက်သည်။ မြန်မာဆန်သောစိတ်ဟု ကျွန်တော် မှတ်ချက်ချမိသည်။ ကောင်လေးနှင့် ပတ်သက်ရာ ပတ်သက်ကြောင်းတွေ ၀ိုင်းပြီး ပိုက်ဆံစုကြ၏။ အမှန်တော့ PM ကြောင့် မဟုတ်ပါ။ မြန်မာဖြစ်၍ ကူညီရမည်ဆိုသည့် စိတ်ကလေးတွေ ကိုယ်စီကိုယ်ငှ ရှိပြီးသား မဟုတ်လား။

ကောင်လေးအဖေဆုံးပြီဟု သိပြီး နောက်နေ့မနက်မှာ TBM ၌ ကျွန်တော်က ထိုကောင်လေးအဖေ ဆုံးပြီဖြစ်၍ မြန်မာများ ကူကြရန်နှင့် မည်သူ့ထံတွင်ပေးနိုင်ကြောင်း ကြေညာပေးလိုက်သည်။ တစ်ယောက်တစ်ဆယ်စီ၊ ငါးကျပ်စီ ၀ိုင်းလိုက်ရာမှ အသုဘအတွက်အကူငွေ အသင့်အတင့်တော့ ရသွား၏။ ပြန်ဖို့စပေါ်ငွေကိုတော့ သူ့သူငယ်ချင်းအချို့နှင့် ကျွန်တော်အပါအ၀င် မြန်မာကြီးကြပ်ရေးမှူးများ ၀ိုင်းစုလိုက်ကြရာမှ PM ၏ ငွေ ၃၀၀၀ နှင့် ပေါင်းကာ ငါးထောင်ပြည့်သွားတော့၏။ ထိုငွေ သည် ကောင်လေးပြန်ရန် ရုံးချုပ်သို့ သွင်းပြီး၊ သူပြန်လာပါကပြန်ရမည် ဖြစ်လေသည်။

ကောင်လေးကတော့ ကျွန်တော်တို့ကို ကျေးဇူးတင်စွာဖြင့် အပြန်တွင်အိမ်မှ လူကြုံပစ္စည်းထည့်ပေးချင်စရာ ရှိက ထည့်ပေးရန်ပြောလေ၏။ သည်သို့ဖြင့် သူပြန်လာချိန်တွင် ကျွန်တော့်အိမ်နှင့် ဇနီးသည်၏အိမ်မှ စားစရာများ ထည့်ပေးလိုက်၏။ ကောင်လေး မိတ်ဆွေအပေါင်းအသင်းများ၏ ပစ္စည်းများနှင့် ကျွန်တော်တို့ ပစ္စည်းများ ပေါင်းကာ သတ်မှတ်အလေးချိန်ပိုသွား၏။ ရန်ကုန်လေဆိပ်မှာ ကီလိုကြေး ပေးလိုက်ရသည်တဲ့။ စင်ကာပူမှာ သူ့ဆီလူကြုံပစ္စည်းသွားယူခိုက် ကျွန်တော့်ပစ္စည်းများက အတန်အသင့်ပါလာ၍ ကျေးဇူးတင်ပြီး သူ့ကို ကီလိုကြေး ကာမိစေရန် ပိုက်ဆံပေးတော့ သူကမယူ။

ကျွန်တော်တကယ်ကျေးဇူးတင်မိပါသည်။ သူ့အဖေနာရေးမီဖို့ စပေါ်ငွေ ကူလိုက်ခြင်းက ဘာတုန့်ပြန်မှုမျှ မမျှော်လင့်သောငြား၊ သူကလည်း သူလုပ်ပေးနိုင်သမျှ ပြန်လုပ်ပေးရှာပါသည်။ ဒါကပင် ကျွန်တော် တို့ မြန်မာဖြစ်ရခြင်း၏ အကြောင်းတစ်ချက်ဖြစ်မည် ထင်ပါ၏။

တလောက အသိတစ်ယောက် အိမ်ငှားဖို့ရှာရင်း ဖုန်းတွေ ဆက်မေးသည်တဲ့။ အိမ်ရှင် ယောင်္ကျားလေး တစ်ယောက်ကို အိမ်နေရာ၊ အခန်းခ၊ ဘယ်နှစ်ယောက်နေလဲ၊ ဘယ်နှစ်ခန်းရှိလဲ စသဖြင့် မေးသောအခါ အိမ်ရှင်က ညီလေး မင်းမေးတာ အရမ်းများနေပြီ၊ မကြိုက်ရင် တခြားအိမ်ပြောင်းငှားဟု ဆိုသည်တဲ့။ ကျွန်တော့်အသိ ဒေါကန်ပြီး ကျွန်တော်ကငှားမယ့်လူပဲ၊ မေးရမှာပေါ့ဟု ပြော၍ Ok, No Problem ဟု ဆိုကာ ချပစ်လိုက်သည်။ ဒေါလည်း တော်တော်ကန်သွားသည်တဲ့။

သူပြန်ပြောပြတော့ နားထောင်ရင်း ကျွန်တော်လည်း ထိုအိမ်ရှင်ကို အံ့သြရသည်။ ကြော်ငြာစဉ်က ဖုန်းနံပါတ် ထည့်ခြင်းသည် ဘာအတွက်ပါလိမ့်ဟု စဉ်းစားရ၏။ ကျွန်တော့်အသိကတော့ ပြောသည်။ သူ့ကိုယ်သူ အိမ်ရှင်ဆိုပြီး မာန်တက်နေလားမသိဘူး၊ တော်သေးတယ်၊ ငှားမနေခင် ဘယ်လိုသဘောထားလဲ သိရတာ ကံကောင်းတယ်ဟု ဆို၏။ သူများနိုင်ငံမှာနေတုန်း ကိုယ့်အချင်းချင်း သည်လိုလုပ်ရတာ အရသာဟု ထင်သလား မပြောတတ်။ ကျွန်တော်တို့ မြန်မာဖြစ်ရခြင်းက ထိုကဲ့သို့ ပြုမူဖို့မှ မဟုတ်တာ။

နောက်တစ်ခုက ကျွန်တော်နေသည့် အိမ်နားက မြန်မာဆိုင်များနှင့် ပတ်သက်သည်။ စတိုး ဆိုင်ပါ။ နှစ်ဆိုင်တောင် ရှိ၏။ တစ်ဆိုင်က မနက်မိုးလင်း၍ ၁၀နာရီကျော်သည့်တိုင် မဖွင့်။ နောက်တစ်ဆိုင် ကတော့ မိုးလင်းကတည်းက ဖွင့်သည်။ သို့သော် စိတ်ကူးတည့်လျှင် မောင်လေး၊ ညီမလေး။ စိတ်ကူးမတည့်လျှင် နင်တွေ ငါတွေနှင့် လွှတ်တော့၏။ တချို့ပစ္စည်းရှာမရ၍ မေးလျှင်၊ ဖြေချင်သလိုလို၊ မဖြေချင်သလိုလို။ ယခုတော့ ပြုတ်သွားသည်လား၊ ရွှေ့သွားသည်လား မပြောတတ်။ မရှိတော့။ "မြန်မာစော ကျောနေပူ" ဟူသည့် ရှေးဆိုရိုးစကားကို သက်သေပြနေသည့်ဆိုင်သာ ကျန်တော့သည်။ သူကတော့ ပေါင်းသင်းဆက်ဆံရေး ကောင်း၍ ကျန်နေတာဖြစ်နိုင်သည်။ အချိန်ကြောင့် ကျန်နေတာတော့ မဖြစ်နိုင်။ ကျွန်တော်တို့ မြန်မာဖြစ်ရခြင်းမှာ အမြဲနောက်ကျရမည်၊ အပေါက်ဆိုးရမည် ဆိုသော ပညတ်ချက်တွေများ ရှိခဲ့သလား မပြောတတ်။

ထပ်တော့ ကြုံရပေဦးမည်။ မြန်မာဖြစ်ရခြင်းမှာ ဖော်ရွေသောအပြုံး၊ သည်းခံခွင့်လွှတ်မှု၊ ကူညီဖေးမမှု၊ ယဉ်ကျေးမှုစသော ကောင်းသည့်အရာလေးများကို ပိုမိုဖော်ဆောင်ရမည့်အစား ဆန့်ကျင်ဘက် အပြုအမူများသာ များလာနေသည်ဟု စင်ကာပူမှာ ခံစားနေမိသည်။


မြန်မာသက္ကရာဇ် ၁၃၇၂ မှသည် ၁၃၇၃ သို့ ကူးပြောင်းသွားသည်။ အတာရေနှင့် အညစ် အကြေးများ ဆေးကြောခဲ့ကြ၏။ စိတ်ရောကိုယ်ပါ သန့်စင်သွားကြပြီဟု ထင်မြင်မိပါသည်။ ခန္ဓာကိုယ်မှာ ညစ်ထေးသော အရာများ ကျန်နေပါကလည်း တန်ခူးလေအသုတ်မှာ ဖြုတ်ခနဲ ကြွေပြုတ်နိုင်ပါစေကြောင်း ဆုတောင်းအပ် ပါသည်။ ။

ဆူးသစ်
၂၀.၀၄.၂၀၁၁
၂၂း၁၄နာရီ

"သဘာဝကိုဆက်ခံသူများ"

ပြားပြားဝပ်သွားခဲ့တဲ့ ကမ္ဘာမြေ

အဲဒီ့ထက် ဦးညွှတ်လိုက်ပါလေ။

ကိုင်းညွှတ်နေတဲ့ ပိတောက်တွေ
ဟောဒီမြေပြင်တစ်လျှောက် အောက်ကျို့ခဲ့ပါလေ။

အုံ့မှိုင်းနေတဲ့ ဖက်ဆွတ်မိုးရေ
နှလုံးသားတွေဆီ တိုးလျှိုးလှည့်ပါလေ။

ငြင်သာပျော့ပျောင်းတဲ့ သင်္ကြန်သံတွေ
ခြေဖ၀ါးဆီမှာ ၀ပ်ဆင်းခံပါလေ။

ဟိုးရှေ့မှာ.............
သဘာဝကို ဆက်ခံသူများ
နို့ဆီခွက်၊ ရေပြွတ်တွေနဲ့ ရေကစားနေရဲ့
သူတို့အပြုံးများနဲ့ မြန်မာပြည်နှစ်သစ်
အညစ်အကြေးတကယ်ကင်းလို့ ချစ်စရာဖြစ်တော့မယ်
အိပ်မက်သစ်သင်္ကြန်တွေမွေးဖွားဖို့
သူတို့နှလုံးသားကို တလေးတစား
ကဲ - အပြေးအလွှားသာ ယုယလိုက်ပါတော့လေ။ ။

သားလတ်

"လူနာများ" အပိုင်း (၃)

"မောင်သက်စံ၊ မင်းညကသောက်တာ ဘာဆေးထင်လို့လဲ။ အဲဒါ ဘာမီတွန်တွေ။ မင်းက ဘာထင်လို့လဲ။"

သူနာပြု ဆရာမ(ထဘီအနီ) တစ်ယောက်က ကိုသက်စံကို မေးနေခိုက် ကျန်သူတွေ ၀ိုင်းငေးကြ၏။

"ကျွန်တော်လည်း ဘာမီတွန်လို့ ထင်တာပါပဲ ဆရာမ"

အားလုံးဝိုင်းရယ်ကြသည်။ ဆရာမ တစ်ချက်လှည့်ကြည့်တော့ ငြိမ်သွား၏။

"ဘာမီတွန်တွေ စွတ်ရွတ်သောက်တော့ အိပ်ချင်တာပေါ့။ အဲဒါ ငါ့ကိုဘာလို့ပြောနေရတာလဲ။"

"ညက အနာ နည်းနည်းကိုက်နေလို့၊ အိပ်မပျော်လို့ သောက်လိုက်မိတာပါဆရာမ"

ဆေးရုံမှာ လူနာတွေကို သောက်ဆေးပေးချိန်ရှိသည်။ အနာကိုက်သက်သာစေသည့် ဆေးလည်းပါ၏။ အိပ်ဆေး လည်း ထည့်ပေး တတ်သည်။ တချို့က အနာကိုက်၍ အိပ်မပျော်သောအခါ ကိုသက်စံလို၊ လိုသည်ထက်ပို၍ အိပ်ဆေးကိုသောက်ကြသည်။ အိပ်ဆေးရှာမရလျှင် ဘာမီတွန်လည်း ဖြစ်တာပဲ ဆိုကာ သောက်ကြ၏။ ယခု ကြည့်ရသည်က ကိုသက်စံက မနက်မိုးလင်းချိန် အိပ်ချင်မူးတူး ဖြစ်နေသည်ကို ဆရာမ လာတုန်း ပြောတာ နေလိမ့်မည်။ ဆရာမက ညက ဘာဆေးသောက်လဲ မေးလိမ့်မည်။ ထိုအခါ ဘာမီတွန်တွေ ထုတ်ပြသည်ထင်၏။

အားလုံးကတော့ ကိုသက်စံ အနာကိုက်လို့၊ အိပ်မပျော်လို့ ဆေးသောက်တာသာ သိကြလိမ့်မည်။ အိပ်မပျော်တာ လက်က အနာကြောင့်လား၊ ပိုက်ဆံမရှိလို့ ရင်ထဲက ကိုက်တဲ့အနာကြောင့်လားဆိုတာ မည်သူမျှ မသိကြ။ ဒါကိုတော့ ကိုသက်စံသာ သိလိမ့်မည်။

"ဒါနဲ့ နေစမ်းပါဦး မောင်သက်စံ။ မင်းမနေ့က အရက်သောက်တယ်မဟုတ်လား။"

ဆရာမက ဘယ်က ဘယ်လိုသိလာသလဲ မပြောတတ်။ ကိုသက်စံကို စကားဖြတ်၍မေးသည်။ ဧကန္တ ဂျူတီ ချိန်းသည့် ဆရာမပြောသွားတာထင်သည်။

"ဟုတ်ကဲ့"

ကိုသက်စံက ဆရာမစကားကိုမငြင်း။ ခေါင်းကိုတော့ငုံ့ထားသည်။

"ဒီဆေးရုံမှာ အရက်မသောက်ရ၊ ဖဲမရိုက်ရ တားမြစ်ထားတာ မင်းတို့မသိဘူးလား။ သိလည်းလုပ်နေတာပဲ မဟုတ်လား။ ဒီတစ်ခါတော့ ရှိပါစေ။ နောက်တစ်ခါဆို ဆေးရုံကဆင်းရမယ်။ ငါဆရာဝန်ကြီးကို တိုင်ပြောမှာ၊ နားလည်လား"

"ဟုတ်ကဲ့။ ကျွန်တော် မသောက်တော့ပါဘူး"

"မင်းတို့ လက်အဆောင်က ဒီဆေးရုံမှာ အဆိုးဆုံးပဲ။ ခြေထောက်ကလည်း ကောင်းတော့ လူတွေက ကိုယ့်နေရာမှာ ကိုယ်မရှိဘူး။ အဝေးပြေးဂိတ်ထဲသွားရတာနဲ့။ ဆေးဝယ်သလိုလိုနဲ့ အရက်ဝယ် ရတာနဲ့။ ဘောလုံးပွဲ သွားကြည့်ရတာနဲ့။ လက်တစ်ဖက်က မအားတာတောင် ဖဲရိုက်နိုင်သေးတယ်။ အံ့ရော... ဒီမှာ.... အားလုံးပဲ သတိထားပါ။ လူနာတွေမို့ သိပ်မပြောချင်ဘူး။ ဖဲရိုက်တဲ့လူ၊ အရက်သောက်တဲ့ လူဆို ဆေးရုံက ဆင်းရမယ်။ ဒါပဲ"

ပြောပြီး ဆရာမလေး ထွက်သွားသည်။ အခန်းထဲက လူတွေ သက်ဝင်လှုပ်ရှားလာကြ၏။

"ဟေ့ကောင် သက်စံ။ မင်းက နုံအအနဲ့မို့ ဆရာမ ပြောတာခံရမှာပေါ့။ တို့ ကိုစိုးဝင်းကြီးလို ခွက်ထဲထည့်။ ရေသောက်သလို သောက်ရင် ဘယ်သိမှာလဲ"

ကိုဂျော်နီက အနာသက်သာနေ၍ လှမ်းအော်ပြီးနောက်သည်။ ကိုစိုးဝင်းက ဟုတ်သားပဲဟု ဆိုသည့်အခါ အားလုံးက ပြုံး၏။ ထိုစဉ်မှာပင် နောင်နောင်က သီချင်းတစ်ပုဒ်ကို ခပ်တိုးတိုးညည်းပြ၏။

"အရက်မသောက်ရဘူးxxxxချစ်သူကပြောတယ်xxxxxxဖဲမရိုက်ရဘူးxxxxxxxချစ်သူကပြောတယ်xxxxxx"

နောင်နောင်ဆိုလိုက်သော အဆိုတော် ဇော်ဝင်းထွဋ်၏ "ပညတ်တော်ဆယ်ပါး" သီချင်းသံကြောင့် အားလုံး ဝေါခနဲထရယ်သည်။ ခုန ဆရာမဆူ၍ ဆရာမရှေ့မှာ ကုပ်နေသော ကိုသက်စံပင် ပြုံး လိုက်တာ တွေ့၏။ သြော်-သူတို့မှာလည်း စိတ်ညစ်စရာ ကြားက ပျော်စရာကို ရအောင် ယူတတ်ကြ သားပဲဟု ကျွန်တော် တွေးလိုက် မိသေး၏။

*********************

ဆရာမတွေ တားမြစ်မည်ဆိုလျှင်လည်း တားမြစ်ချင်စရာ။ ထိုအချိန်က တစ်ဆယ့်ရှစ်ကြိမ်မြောက် အရှေ့တောင် အာရှဘောလုံးပွဲနှင့် တိုက်နေချိန်မို့၊ ဘောလုံးပွဲရှိသည့်နေ့ဆိုလျှင် လက်ကိုတစ်ခုခုနှင့် အုပ်ပြီး ဆေးရုံအပြင်သို့ အစီအရီထွက်ကြသည်က ကျွန်တော့်အဖို့ မြင်ကွင်းဆန်းတစ်ခု ဖြစ်ခဲ့ ရသေးသည်။ ဆေးရုံရှေ့မှာ အဝေးပြေး ဂိတ်မို့ ကားဂိတ်ကဆိုင်တွေမှာ လက်ဖက်ရည်သောက်ရင်း တီဗွီ ကြည့်ခွင့်ရ၍ ကိုယ့်အုပ်စုနှင့်ကိုယ် သွား၍ အဆင်ပြေရာမှာ ထိုင်ကြည့်ကြသည်။

အောင်ကျော်ကျော်အထုတ်ခံရသည့်ပွဲ( မြန်မာ၊ ဗီယက်နမ်) နေ့ပြီး၍ နောက်နေ့မှာ ခွဲခန်းဝင်သောအခါ ခွဲခန်းအထွက် "အောင်ကျော်ကျော်ကို မထုတ်ပါနဲ့၊ သန်းတိုးအောင်က မျိုးလှိုင်ဝင်းကိုပေးလေ"ဟု ယောင်သူ က ယောင်သည်။ သည်တော့ ဆရာမတွေက ဆူပြီပေါ့။

တစ်ခါ ညနေ ထမင်းပို့ချိန်မှာ အ၀င်အထွက်တွေများနေ၍ ထမင်းပို့သူတွေနှင့် ရောနှောပြီး အပြင်ထွက်၊ ပြီးလျှင် ဖဲထုပ်တို့၊ အရက်တို့ ၀ယ်ပြီး ပြန်ဝင်လာတတ်ကြ၏။ သူတို့အပြောကျတော့လည်း အချောသား။ စာအုပ် ငှားတဲ့လူတော့ ရှိပါရဲ့။ စာအုပ်က ဖတ်ပြီး ပြီးတာပဲတဲ့။ ခွဲခန်းခဏခဏ၀င်ရ၊ ဆေးရုံကို လနဲ့ချီပြီး တက်ရနဲ့၊ ကြာတော့ပျင်းလာ ရောတဲ့လေ။ ဆရာမတွေက ခြေထောက်ဆောင်က လူနာတွေထက် လက်အဆောင်က လူတွေကိုထိန်းရခက်၍ ပြဿနာဆောင်တဲ့။ ဟုတ်နိုင်သည်။ ခြေထောက်ဆောင်က လူတွေက ခုတင်ပေါ်မှာပဲ လှဲနေရသည်ကိုး။ လက်အဆောင်က လူနာများကတော့ လက်တစ်ဖက်ပဲ အနာရှိ၍ သွားသွားလာလာ လုပ်နိုင်သည့်အခါ ဆေးရုံမှာ တာဝန်ပိုကြီးမည်ကို ကျွန်တော် ခန့်မှန်း၍ရ၏။

ဆေးရုံက ၀န်ထမ်းနှင့် လူနာဆိုသည်က ပြဿနာပေါင်းစုံအောင်တွေ့ရမည် ဆိုသည်ကို ကျွန်တော် နားလည် သည်လေ။

*********************

နောင်နောင်ဆေးရုံက မဆင်းခင် ကိုစိုးဝင်း ဆင်းသွားသည်။ ဆေးရုံကို အလွမ်းပြေဟုဆိုကာ ကျွန်တော်တို့ကို တစ်ခေါက် လာတွေ့သည်။ ရင်းနှီးနေသူအားလုံးကို လက်ဖက်ရည်ခေါ်တိုက်သွားသည်။ ကျွန်တော်နှင့် နောင်နောင်က ရှင်းပါမည် ဆိုတာတောင် သူက ဆေးရုံမှာ ခင်ခဲ့ရသော နားလည်မှုများစွာနဲ့ ဘော်ဒါချင်းတွေမို့ တိုက်ပါရစေဟုဆိုကာ သူပဲ ရှင်းသွားသည်။ မှတ်မှတ်ရရ သူ၏ ကောင်းသော လက်တစ်ဖက်တည်းနှင့် အိတ်ထဲက ပိုက်ဆံ ထုတ်ခဲ့တာတွေ မြင်ရင်း ကျွန်တော်စိတ်မကောင်း။

နောင်နောင်ဆေးရုံကဆင်းခါနီးသောအခါ ကျွန်တော်သူတို့ကို အားရပါးရ နှုတ်ဆက်ခဲ့သည်။ သူတို့အားလုံးက သူတို့ မဆင်းမချင်း လာလည်ဖို့မှာသည်။ ကျွန်တော် စာမေးပွဲ နီး၍ မသွားဖြစ်တော့။ နောင်နောင်ကတော့ ဆေးရုံကဆင်းပြီးမှ ရောက်ခဲ့သည်တဲ့။ နောင်နောင်ဆေးရုံက မဆင်းခင် ခရစ္စမတ်နေ့နီးနေ၍ ခရစ်ယာန် ဘာသာဝင်များ ဆေးရုံထဲလာ၍ တစ်ခန်းချင်းလိုက်ပြီး ဆုတောင်းပေးကြသောအခါ သူတို့လက်အဆောင်မှ လူများကို တစ်ဦးချင်း လက်ဆွဲ နှုတ်ဆက်သည့် အခါ ကောင်းသည့်လက်တစ်ဖက်နှင့် နှုတ်ဆက်လိုက်ရကြောင်း နောင်နောင်ပြောပြ၍ ကျွန်တော်သိရသည်။ လက်တစ်ဖက်က ပတ်တီးနှင့်၊ လက်တစ်ဖက်က အားအပြည့်နှင့် ဖက်လှဲတကင်း နှုတ်ဆက်နေမည့် သူတို့ကို ဆေးရုံနှင့်ဝေးသွားသောအခါ ကျွန်တော်ပြန်မြင်ယောင်နေမိသည်။

သူတို့အားလုံးသည် လူနာများဖြစ်ကြ၏။ လက်မှာဒဏ်ရာအနာတရဖြစ်၍ ဆေးလာကုကြသူများဖြစ်ကြ၏။ တချို့က ငွေကြေးတတ်နိုင်သော၊ အနီးကပ် စောင်ရှောက်မည့် ဆွေမျိုးပါရှိသော၊ နောင်နောင်တို့လို လူမျိုးပါသည်။ ဒါက လူနည်းစု။ တချို့က ကိုသက်စံတို့၊ ကိုဂျော်နီတို့၊ ကိုစိုးဝင်းတို့လို ငွေကြေးက မရှိ။ ပြုစု စောင့်ရှောက်မည့် ဆွေမျိုးကလည်းမရှိ။ ဆေးရုံက ကျွေးသလောက်၊ ကုပေးသလောက်နှင့် နေနိုင် သမျှ နေကြသည်။ ထိုလိုလူတွေက ခပ်များများ။ ထို့ပြင် နယ်ကလာသူတွေလည်းရှိသေး၏။ တချို့ကတော့ ကိုနိုင်ဝင်းနှင့် မျိုးအေးတို့လို ငွေကြေး သင့်တင့်ရုံ ရှိသော်လည်း ဆွေနှင့်မျိုးနှင့်။

မည်သို့ဖြစ်ဖြစ် သူတို့အားလုံးမှာ ဒုက္ခ အနည်းနှင့်အများ ရှိကြသည်။ ပြည့်စုံသူများက သူတို့ဒဏ်ရာကြောင့်၊ မပြည့်စုံသူများက ဒဏ်ရာနှင့် ထိုမပြည့်စုံမှုကြောင့်။ အကြောင်းကြောင်းကြောင့်ပင် ဒုက္ခတွေရှိနေ ကြသေးသည်။

ဒဏ်ရာအနာတရရှိထား၍ သူတို့ကို လူနာဟု ခေါ်ကြသည်ဆိုလျှင် လက်ကဒဏ်ရာအနာကြောင့် လူနာဟု ခေါ်လေသလား။ သူတို့ဘ၀တွေက မပြည့်စုံ၍ ရင်ထဲကနာရသော အနာကြောင့်ပဲ လူနာဟုခေါ်ရလေသလား။ ဒါကိုလည်း သူတို့သာသိပေလိမ့်မည်။

ကျွန်တော်ကတော့ သူတို့ကိုတွေ့ပြီးချိန်မှစ၍ ကျွန်တော်မသိသေးသော၊ ကျွန်တော်မမြင်နိုင်သော၊ ကျွန်တော် မခံစားဖူးသော အရာများစွာကို သိမြင်ခံစားခဲ့ရ၍ သူတို့ကိုနားလည်ပေးနိုင်ခဲ့ပြီ။ သူတို့ကို သိတတ်ခဲ့ရပြီ။ သူတို့နှင့် ထပ်တူခံထားတတ်ခဲ့ရသည်။ သူတို့ကို ကိုယ်ချင်းစာမိခဲ့သည်။

ထိုအခါ ကျွန်တော့်ရင်ထဲမှာ သူတို့လို လူနာတွေအတွက် ပေးဆပ်ချင်သော စိတ်တွေ တဖွားဖွား ပေါ်လာ၏။ သူတို့ကို ပြည့်စုံစေချင်သည်။ စိတ်ချမ်းသာစေချင်သည်။ ဒဏ်ရာအတွက်ပဲ စိတ်ဆင်းရဲမှု ရှိစေချင်သည်။ သို့သော် ကျွန်တော်က တက္ကသိုလ်ကျောင်းသား အဆင့်သာ။ ပြီးတော့ သည်လိုကိစ္စမျိုးတွေက တစ်ဦးတစ်ယောက်တည်းလုပ်၍ မရ။ အများက ၀ိုင်းလုပ်မှရမည့် ကိစ္စမျိုးဖြစ်သည်။ ခုတော့ ကျွန်တော့်ဆန္ဒများကသာ ကျွန်တော့်ကို ပိတ်ဖုံးလှောင်အုပ်ထားသည်ပဲ ရှိ၏။

ဤသို့ဖြင့် အရိုးဆေးရုံမှာလူနာသွားစောင့်ပြီးနောက်မှာ၊ ကျွန်တော့်ဘ၀၌ တစ်ခါမျှမရဖူးသော ဒဏ်ရာ အနာတစ်ခု ရလာသလို ကျွန်တော်ခံစားလာရ၏။ ဟုတ်သည်။ ထိုအချိန်မှစ၍ ကျွန်တော့်မှာ ဒဏ်ရာအနာတစ်ခု သန္ဓေတည်သွားသည်။ တစ်နည်းအားဖြင့်ဆိုရလျှင် ဒဏ်ရာအနာရှိ၍ လူနာဟု အမည်တပ်ထားသော သူတို့လို ကျွန်တော်လည်း လူနာတစ်ယောက်လုံးလုံး ဖြစ်သွားပြီဟု ဆိုရတော့မည်။

သို့သော်-

ကျွန်တော်လူနာတစ်ယောက် ဖြစ်သွားသည်ကိုတော့ ကျွန်တော့်မိသားစု၊ ဆွေမျိုး၊ ဆရာသမား၊ သူငယ်ချင်း၊ အသိမိတ်ဆွေများ သိမည်မဟုတ်။ အရိုးဆေးရုံက ကျွန်တော့်မိတ်ဆွေ လူနာများလည်း သိမည်မဟုတ်။ ။

(၁၉၉၅၊ ဒီဇင်ဘာလ၊ အရိုးဆေးရုံ (ကြည့်မြင်တိုင်) လက်အဆောင်မှ မိတ်ဆွေများသို့)

သားလတ်

(ဤ၀တ္ထုတိုသည် မြတ်မိခင်စာပေဆုပြိုင်ပွဲတွင် အထူးဆုရရှိခဲ့ပြီး၊ ကံကြမ္မာပဉ္စလက်နှင့်အခြားဝတ္ထုတိုများ စာအုပ်တွင် ဖော်ပြခဲ့ပြီး ဖြစ်ပါသည်)

"လူနာများ" အပိုင်း (၂)

"ငါက နယ်မှာ ဟိုင်းလပ်မောင်းရင်း ကားချင်းတိုက်မိတာကွ။ အရှောင်ကောင်းလို့ လူမထိဘဲ လက်ပဲညပ်သွားတာ။ လက်မနဲ့ လက်ညှိုးကြားက ပြန်ဆက်မရတော့ဘူးတောင်ထင်တာ။ ခုတော့ အသားကျက်ရင်ဗိုက်က အသား ပြန်ထည့်ရမယ်တဲ့"

ကိုနိုင်ဝင်းစကား။ သူကနယ်က။ ရန်ကုန်မှာလည်း အမျိုးတွေရှိသည်။

"ငါ့အရင်ရောက်နေတဲ့ကောင်တွေ ညည်းတာမခံနိုင်လို့ကွာ။ အဲဒါ ဒီကောင်တွေ ငါ့ထက်ငယ်တာရော၊ ခင်နေတာနဲ့ရောပြီး ဓားနဲ့ ခြောက်ကြည့်တာ။ အရင်က တချို့ကောင်တွေ ငြိမ်သွားတယ်ကွ။ ညက ဂျော်နီကြီး တော်တော်ဆိုးတယ်ကွာ။ ငါ့ဓားတောင် မကြောက်တော့ဘူး"

"ကိုနိုင်ဝင်းကြီး အလှည့်ကျမှ တွေ့မယ်။ ၀ဋ်လည်မယ်"

ကိုနိုင်ဝင်း ခုတင်ဘေးက မျိုးအေး ဆိုသည့် ကောင်လေး၏ စကား။ သူကတော့ ခုံပေါ်ကပြုတ်ကျကာ လက်ကျိုးပြီး အရိုးပဲ့သွား၍ ခွဲပြီး အရိုးကိုပြန်ဆက်ရသည်တဲ့။ သူလည်း လက်အနည်းငယ် တိုနေသည်။

"ဒီဆေးရုံကိုရောက်လာရင် အနည်းဆုံး ခွဲခန်း နှစ်ခေါက်ဝင်ရတာ ငါသိပြီးသားပါကွာ.....ဟဲ..ဟဲ။ ငါ့ကျတော့ မကိုက်အောင် ကြိုပြီးဆေးနိုင်အောင် ထိုးထားမှာပေါ့"

ကိုနိုင်ဝင်းက စပ်ဖြဲဖြဲနှင့် ပြောသည်။

"ဟိုညက ကိုဂျော်နီ ညဘက်ကြီးငိုသေးတယ်။ လက်စသတ်တော့ ခွဲခန်းဝင်ခါနီး ပိုက်ဆံမရှိလို့ကိုး"

မျိုးအေးက တွေးတွေးဆဆပြောသည်။ နယ်ကလာသူတွေမို့ လူနာစောင့်မရှိ။ လူနာစောင့် ငှားရန်လည်း ငွေကမရှိ။ ဒါကြောင့်ကိုးဟု ကျွန်တော်တွေးလို့ရသည်။ ကျွန်တော်က စနေ၊ တနင်္ဂနွေသာ ဆေးရုံကိုရောက်သူမို့ တစ်ပတ်အတွင်း ဘာတွေဖြစ်နေသည်ကိုမသိ။ မျိုးအေးပြောမှ ကိုဂျော်နီ့ ခုတင်ဘက်လှမ်းကြည့်မိသည်။ ကိုဂျော်နီက ကျွန်တော်တို့စကားဝိုင်းကို ငြိမ်သက်စွာ ငေးနေ တာတွေ့၏။

"နိုင်ငံတော်လာပြီ၊ နိုင်ငံတော်လာပြီ"

စကားကောင်းနေစဉ်မှာပင် ထမင်းပေးချိန်မို့ အော်သံကြားလိုက်ရ၏။ နိုင်ငံတော် ဆိုတာ ဆေးရုံ ကကျွေးသော ထမင်း နှင့် ပဲဟင်းကိုပြောတာဖြစ်သည်။

အိမ်က ထမင်းဟင်း လာမပို့သူတွေ၊ နယ်ကလာပြီး ဆေးကုသသူတွေက ခွက်တွေ၊ ပန်းကန်တွေနှင့် သွားယူတာတွေ့သည်။ ကိုဂျော်နီလို ခွဲခန်းဝင်ထားသူတွေ အတွက်တော့ ဘေးနီးရာ လူ၊ ထနိုင်သည့်လူက ယူပေးလိုက်သည်။

"ဒီဆေးရုံက ပဲဟင်းတော်တော်ကောင်းတာ။ အာလူးတို့၊ ဘာတို့လည်းပါတယ်။ စားကြည့်ပါလား"

ကိုဂျော်နီက ကျွန်တော့်ကို လှမ်းပြောသည်။

"ရတယ် ကိုဂျော်နီ။ ကျွန်တော် နောင်နောင်တို့အိမ် ပြန်မှာ" လို့ပြောလိုက်၏။

ကိုနိုင်ဝင်းတို့၊ မျိုးအေးတို့က အိမ်မှ ထမင်းလာပို့သူတွေ ရှိသော်လည်း၊ သူတို့လည်း ပဲဟင်းကြိုက်၍ သွားယူကြ၏။ နောင်နောင်ကတော့ အိမ်မှလာပို့သော ထမင်းချိုင့်ကိုသာ စား၍ ကျွန်တော်လည်း ထမင်းယူနေသူတို့ကိုသာ ငေးနေမိတော့သည်။

**********************

"ကျွန်တော့်ကို စာလေးနည်းနည်းရေးပေးပါလားခင်ဗျာ။"

"ဟာ...ရပါတယ်၊ လာပါ၊ ထိုင်ပါ။"

ကျောင်းစာတွေကို ဆေးရုံယူသွားပြီး ကျက်နေစဉ် ကိုစိုးဝင်းခုတင်ဘေးကလူက စာရေးပေးရန် အကူအညီ တောင်း၍ ကျွန်တော်နေရာပေးလိုက်သည်။

"ပြော ဘာရေးပေးရမှာလဲ"

သည်အဆောင်က ယောက်ျားလေးလက်အဆောင် (လက်မှာဒဏ်ရာရရှိသူချည်း) မို့ လက်ကောင်းသူတွေက ကူညီရတာများသည်။ ပုဆိုးဝတ်တာ၊ အလေးအပေါ့သွားတာတော့ သူတို့ဘာသာ အလေ့အကျင့်ရနေ၍ ဘယ်သူမျှ မလုပ်ပေးရ။ သူတို့ကလည်း ထိုနှစ်ခုကို ဘယ်သူမျှ လုပ်မပေးစေချင်။

"ကျွန်တော့်အမေကို ငွေမှာချင်လို့ပါဗျာ။ အဲဒါ လူမလာပါနဲ့။ ငွေသာအမြန်ရောက်အောင်ပို့ပေးပါလို့"

ကျွန်တော့်ရင်ထဲ နင့်ခနဲဖြစ်သွားသည်။ ငွေကလည်းလိုချင်၊ အမေလိုက်လာလျှင် ပင်ပန်းမှာရော၊ ငွေကုန် မှာရောစိုး၍ ငွေသာပို့ခိုင်းခြင်းဟု ကျွန်တော်နားလည်လိုက်၏။ အမြန်ပို့ပါဆို၍ ခွဲခန်းဝင်ခါနီး၍လားဟု ကျွန်တော်တွေးမိသည်။

သူ့အသံက တုန်တုန်ချိချိ။ ပုံကနယ်ကလာသည့်ပုံ။ ကျွန်တော့်ကို ရှက်ကိုးရှက်ကန်း ဖြစ်နေသေးသည်။ သူ့မှာငွေမရှိတာ ဘေးလူတစ်ယောက်ကို အသိပေးရ၍လားမဆိုနိုင်။ သို့သော် ငွေတကယ်ပြတ်နေချိန်၊ လက်ကလည်း ရေးမရသောအခါ မရှက်တော့ပါဟုလည်း ခံယူထားပုံရသည့်ပုံ။ ကျွန်တော်နားလည်စွာ စာကို ရေးပေးလိုက်သည်။ ငွေကို ဆက်ဆက်မြန်မြန်ပို့ပါဆိုသော စကားလုံးများကို သူပြောသည်ထက် ပို၍ ကျွန်တော်ထည့်ရေးလိုက်သည်။ စာအဆုံးမှာတော့ သူ့နာမည် သက်စံဆိုတာ ကျွန်တော် သိလိုက်ရ၏။

"လိပ်စာပြောလေ။ စာအိတ်ပေါ်မှာ ရေးပေးလိုက်မယ်"

သူ့လိပ်စာမေးတော့ ပဲခူးကလိပ်စာ ဖြစ်နေသည်။ ပဲခူးဆိုတော့ မြန်မြန်ရောက်နိုင်သားပဲဟု တွေးရင်း စာမြန်မြန် ရောက်ပါစေဟုလည်း ကျွန်တော် ဆုတောင်းနေမိသည်။ သူ့စာကို ပိတ်ပေးလိုက် ပြီးမှ ပေးလိုက်တော့ ကျေးဇူးစကားဆိုပြီး ထွက်သွားသည်။ သူ့ကျောပြင်ကို ငေးရင်း ကျွန်တော် လိုက်ကြည့်နေမိ၏။

*******************

သားလတ်

(ဆက်ပါဦးမည်။)

"လူနာများ" အပိုင်း (၁)

"အား ........ကျွတ်....ကျွတ်"

ညည်းသံတစ်ချက်ကြောင့် ကျွန်တော် လန့်နိုးသွားသည်။ အပြင်ဘက်မှနေ၍ အခန်းထဲသို့ ဖြာကျနေသော မှိန်လဲ့လဲ့ မီးအလင်းရောင်အောက်မှာ အိပ်မောကျနေသည့် နောင်နောင့်ကိုတွေ့မှ ကျွန်တော် သက်ပြင်း ချမိသည်။ နောင်နောင် ညည်းတာမဟုတ်။ ဒါဆို တခြားခုတင်က ဖြစ်နိုင်သည်။

နောင်နောင်ဆိုတာ ကျွန်တော်နှင့် ညီအစ်ကိုလို ခင်သော ချာတိတ်တစ်ယောက်။ သူတို့မိသားစုက ကျွန်တော်တို့နှင့် ဆွေမျိုးလိုရင်းနှီးသည်။ အိမ်ချင်းကပ်လျက် နေဖူးသူ။ ကျွန်တော်တို့ အိမ်ပြောင်း ပြီးတော့လည်း သူတို့ဆီပဲ ခဏခဏ သွားလည်ဖြစ်သည်။ နောင်နောင့်အဖေက တွင်ခုံတစ်ခုံရှိသည်။ ကားပြင်အလုပ်ရုံ ရှိသည်။ နောင်နောင်တို့ ညီအစ်ကိုတစ်တွေက သူ့အဖေကို ကျောင်းအားချိန်တိုင်း လိုက်ကူရသည်။ သည်လိုနှင့် တစ်ရက်မှာ နောင်နောင့်လက်ကို တူထုမိ၏။ ဘယ်လက်ညှိုး အလယ်သား ပဲ့သွား၏။ မြို့ထဲက ဆေးခန်းတစ်ခုကို သွားပြသည်။ ဆရာဝန်က ပဲ့သွားသောအသားကို ပြန်ကပ်ပြီး ချုပ်ပေးလိုက်သည်တဲ့။

ရက်အနည်းငယ်ကြာသောအခါ အနာက ကိုက်ပြီး ပြည်ထွက်လာသည်။ တခြားဆရာဝန်ကို ပြပြီး ချုပ်ရိုးဖြေမှ အထဲက အနာက လှောင်ပြီး ပြည်တွေလှိုက်စားနေတာတွေ့သည်။ အရိုးအကြော အထူးကုဆရာဝန်နှင့်ပြဖို့ ပြောသည်။ သည့်နောက်မှာ အထူးကုဆရာဝန်ကြီး တစ်ယောက်နှင့် ပြကြည့်တော့ မှ လက်ညှိုးက အကြော တစ်ချောင်းကိုပါ ပြည်က စားသွားသည်တဲ့။ ဆေးရုံတင်ပြီး ခွဲစိတ်ရမည်ဆိုသည့်အခါ ကြည့်မြင်တိုင်က အရိုးဆေးရုံမှာ တင်ခဲ့ရ၏။

ကျွန်တော်က ကျောင်းတစ်ဖက်နှင့် သူတို့ဆီမရောက်သည့်အခါ သူတို့ဖုန်းဆက်မှသိရသည်။ ဤသို့နှင့် စနေ၊ တနင်္ဂနွေ ကျောင်းပိတ်ရက်မှာ နောင်နောင့်ကို ညအိပ်စောင့်ဖို့ အရိုးဆေးရုံကို ရောက်ခဲ့ရခြင်းဖြစ်၏။

"ဟီး.......ဟီး............ဟီး....ဟီး"

ဒုတိယအကြိမ် ညည်းသံတစ်ချက် ကြားလိုက်ရ၍ သည်တစ်ခါ မနေနိုင်တော့။ သည်အသံ ဘယ်ကလာသလဲဆိုတာ လိုက်ရှာနေမိသည်။

"ကိုကြီးဇော်......ဘာလုပ်မလို့လဲ"

နောင်နောင်က တစ်ရေးနိုးပြီး ကျွန်တော့်ကို မေးသည်။

"လူနာညည်းသံ ကြားသလားလို့။ ငါသွားကြည့်မလို့"

"မကြည့်နဲ့ ကိုကြီးဇော်၊ ရတယ်။ ဒါတွေက ဒီလိုပဲ။ ခွဲခန်းဝင်ထားတော့ နည်းနည်းတော့ နာမှာပေါ့။ အေး ကလည်း အေးတာကိုး "

နောင်နောင့် စကားကြောင့် နေရာမှာပြန်ထိုင်ရင်း စောင်ခြုံ၍ အိပ်ဖို့ကြိုးစားသည်။ သည်အဆောင်က လက်မှာ ဒဏ်ရာရသူတွေချည်းသာ ထားသောအဆောင်ဖြစ်ပြီး ကျွန်တော်သိသလောက် သူတို့မှာ လူနာစောင့် သိပ်မရှိကြ။ အမျိုးမရှိကြလို့လား။ အသိမိတ်ဆွေ မရှိကြလို့လား။ ဘာလို့ လူနာစောင့် မငှားတာလဲ။ ခွဲခန်းက ထွက်တဲ့နေ့မှာ အဖော်အစောင့်အရှောက် တစ်ယောက်လောက်တော့ ရှိသင့်တာပေါ့လို့ တွေးရင်း ကျွန်တော် မကျေနပ်ပြန်။

ညည်းသံတွေ ထပ်ပြီးကြားရချိန်မှာတော့ ကျွန်တော်အိပ်မပျော်နိုင်တော့။

*******************

"ဒီလိုပါပဲ ညီလေးရာ။ ညီလေးက ဒီကိုရောက်တာ ဘာမှမကြာသေးလို့။ နောင်နောင်ဆို သိသွားပြီ"

မနက်မိုးလင်းတော့ ကျွန်တော်က ဘေးခုတင်က အစ်ကိုကြီးကို ညကညည်းသံတွေ ပြောပြလိုက်သည်။ သူတို့ကတော့ ဘာမျှမထူးဆန်းသလို။ အေးလေ၊ ငါသာ ဆေးရုံတွေကို ဟုတ်တိပတ်တိ မရောက်ဖူးသေးလို့ နေမှာပေါ့ ဟု ကျွန်တော့ဘာသာဖော့ပြီးတွေးသည်။

သည်လိုနှင့် နောင်နောင့်ကိုစောင့်ပေးခဲ့သည့် ရက်သတ္တပတ်အနည်းငယ်အတွင်းမှာ ကျွန်တော်နှင့် 'လက်' အဆောင်က လူတွေ ရင်းနှီးကုန်ကြပြီ။

နောင်နောင့်ခုတင်က ထောင့်စွန်း။ နောင်နောင့် ခုတင်ဘေးက ကိုစိုးဝင်း။

သူက မီးရထားက ၀န်ထမ်း။ ရထားလမ်းအောက်မှာရှိသည့် မြောင်းထဲမှာဝင်ပြီး လက်တစ်ဖက်က ရထား သံလမ်းပေါ်မှာတင်လျက် ရထားအောက်မှာပြင်နေစဉ် သူပြင်နေသောတွဲကို တခြားတွဲတစ်တွဲက အရှိန် မထိန်းနိုင်ဘဲ ၀င်ဆောင့်သည်တဲ့။ လက်ဖျံရိုးတစ်လျှောက်က အသားတွေပဲ့ပြီးပါသွားသည်။ အရိုးလည်း ကျိုးသွား၏။ သည်လိုနှင့် ဆေးရုံရောက်ခဲ့သည်တဲ့။

"အစ်ကို ဆေးရုံရောက်တာ လေးငါးခါရှိပြီ"

"ဟာ...ဘာဖြစ်လို့လဲ"

"အစ်ကို့ဟာက တစ်ခါတည်းမှ မပြီးတာ။ ပေါင်ကအသားကိုလှီးပြီး လက်မှာပြန်ပြန် ကပ်ရတယ်။ အသား ပြည့်အောင်လေ။ တစ်ခါ ပေါင်ကအသားလည်း အသားတက်အောင် စောင့်ရသေးတာကိုး။ အရိုးလည်း ပြန်ဆက်ရသေးတယ်။"

ကိုစိုးဝင်း၏ လက် အနည်းငယ်တိုနေတာ ကျွန်တော် သတိထားမိလိုက်၏။

"လက်ထဲမှာ ငွေကမရှိတော့ ခွဲစိတ်ပြီး အနာကျက်ပြီဆို ပြန်ဆင်း၊ ခွဲဖို့လိုရင် ပြန်တက်နဲ့၊ ဆေးရုံနဲ့ ခွဲခန်း ဆိုတာကွာ ငါ့အိမ်လိုတောင်ဖြစ်နေပြီ"

"ဟုတ်တယ် ကိုကြီးဇော်ရ။ ကိုစိုးဝင်းကို ကျွန်တော် စတက်ကတည်းက တွေ့တာ။ သူခွဲခန်းဝင်တာ ကျွန်တော့် ထက်တောင်များတယ်။ ကျွန်တော်က လက်ညှိုးကို လက်ခလယ်က အသားကူးတာ တစ်ခါ။ အဲဒီတုန်းက လက်နှစ်ချောင်းကို ပူးထားရတယ်။ အခု အဲဒါလုပ်ပြီးတော့ အဲဒါကိုပြန်ခွာပြီး လက်ခလယ်မှာ ပေါင်က အသား ဖြည့်ရမှာတစ်ခါ။ အဲဒါ မလုပ်ရသေးဘူး။ ဒီဆေးရုံတက်ပြီး လူတိုင်းနှစ်ခါလောက်တော့ ခွဲခန်းဝင်ရတာ။ ကိုစိုးဝင်းဆို လေးခါလောက်ရှိနေပြီ။ ကျွန်တော်ရှိနေတုန်းနော်။ အရင်အခေါက်တွေပါဆို စဉ်းစားသာ ကြည့်တော့။"

သူတို့စကားကြောင့် ကျွန်တော် အံ့သြရသည်။ သူတို့ကတော့ ခွဲခန်းဝင်ရတာ ဘာမျှမထူးဆန်းသလို။

"ဒါနဲ့ ကိုစိုးဝင်းကို အလုပ်က လျော်ကြေးမပေးဘူးလား"

"ပေးတာပေါ့ ညီလေးရာ။ ဒါပေမဲ့ ခွဲခန်းဝင်တဲ့စရိတ် ဘယ်လောက်ကြီးတယ်ဆိုတာ ညီလေးလည်း သိသားပဲ။ တစ်ခေါက်က နှစ်ခေါက်ဖြစ်လာတော့ အစ်ကို့ အိတ်စိုက်ပဲပေါ့။ လိုအပ်တဲ့ ဆေးတွေကလည်း အပြင်မှာပဲ ရတယ်။ ဈေးကလည်း ကြီးတယ်လေ။"

ကျွန်တော်သက်ပြင်းချမိသည်။ ကိုစိုးဝင်းကတော့ မော၍လားမသိ။ သူ့ခုတင်ဘေးက ပစ္စည်းတွေတင်သည့် ခုံလေးပေါ်က မတ်ခွက်ကို ယူ၍ ရေသောက်တာတွေ့သည်။

" အနာမကိုက်အောင်တော့ ဆေးကောင်းကောင်းလေးဘာလေး ခုလို မှီဝဲရတာပေါ့"

ကျွန်တော်နားမလည်။ ကိုစိုးဝင်း ရေသောက်တာပဲတွေ့၍ ဘာမှန်းမသိ။

"ကိုကြီးဇော်က နားမလည်ဘူး ကိုစိုးဝင်းရ။ နားလည်အောင် ရှင်းပြလိုက်ဦး။"

"သြော်-ငါ့ညီက သဘောမပေါက်ဘူးကိုး။ ဒါတွေက ရေတွေမဟုတ်ဘူး။ အရက်တွေ။"

သူ့အတွက် စိတ်ဖြေရာက ဒါလားလို့တွေးရင်း ကျွန်တော်သူ့ကို မဝေဖန်ခဲ့။ ဆေးရုံပေါ်က လူနာ တစ်ယောက် အဖြစ်တော့ စိတ်ဝင်စားခဲ့တာအမှန်။

************************

"ရှီး.......ရှီး.........ရှီး.........ဟီး........ဟီး.........ရှီး........ရှီး"

"ဟေ့ကောင် ဂျော်နီ။ ဒီမှာ တွေ့လား။ ဒါဘာလဲ ကြည့်စမ်း။"

"ရှီး.....ရှီး.......ရှီး....ရှီး၊ ကိုနိုင်ဝင်းကလည်းဗျာ၊ ကိုက်ရတဲ့အထဲ။"

"ဟေ့ကောင်-ငါတကယ် ထိုးထည့်လိုက်မှာနော်။ တွေ့လား။"

ညည်းသံနှင့် စကားသံအကြား ကျွန်တော်အိပ်မရ။ ဖျတ်ခနဲ လန့်နိုးသည်။ နောင်နောင့်ခုတင် ခြေရင်း တည့်တည့်က ကိုနိုင်ဝင်းက သူ့ခုတင် တစ်ခုကျော်က ကိုဂျော်နီ့ခုတင်မှာ ခြင်ထောင်ဟ၍ ဘာလုပ်နေသည်မသိ။ ကျွန်တော်သွားကြည့်သည်။

"ကိုနိုင်ဝင်း-ဘာဖြစ်တာလဲဗျ"

"ဒီကောင် ခွဲခန်းဝင်ထားလို့ညည်းတာကွာ။ ဘယ်လိုညည်းတာလဲ မသိဘူး။ မြက်ရိတ်စက်အသံ ကျနေတာပဲ။ ရှီးရှီး ရှီးရှီး နဲ့။ ငါအိပ်မရတော့ဘူး။ အဲဒါ ရပ်ရင်ရပ်၊ မရပ်ရင် သတ်ပစ်မယ်လို့ ဓားနဲ့ ခြောက်နေတာ"

ကိုနိုင်ဝင်းက ကျွန်တော့်ကို ပြောရင်း မျက်စိတစ်ဖက် မှိတ်ပြသည်။ ကျွန်တော်ပြုံးပြီး ကိုဂျော်နီကို ကြည့်လိုက်၏။

"ကိုဂျော်နီ ဘယ်လိုနေလဲ။ ညဦးပိုင်းက ဆရာမ လာတော့ ဆေးမထိုးခိုင်းဘူးလား"

"အဲဒီကောင်မှာ ပိုက်ဆံမရှိဘူးကွ။ အကိုက်အခဲ ပျောက်ဆေး ၀ယ်မထားဘူး။ ဒါကြောင့် ဒီကောင် ဒီလောက် ဖြစ်နေတာ။ ငါ့ဓားကို မကြောက်တာကြည့်။ အရင်က ငါ့ဓားပြတာနဲ့ ဒီကောင် ငြိမ်သွားပြီ"

"ကိုနိုင်ဝင်းကလည်းဗျာ။ သူကနေမကောင်းတဲ့ဟာ။ နောက်နိုင်သေးတယ်"

ကျွန်တော့်စကားကြောင့် ကိုဂျော်နီ ညည်းနေရင်း ပြုံးဖြစ်အောင်ပြုံးသည်။ ကျွန်တော်က ခဏနေဦး ဟုဆိုကာ နောင်နောင့်ခုတင်ကိုပြန်ပြီး နောင်နောင့်ကို ဆေးမေး၏။ ကုန်နေသည်တဲ့။ သွားပြီ။ သည် တစ်ညတော့ ကိုဂျော်နီ ခံရပေဦးမည်။ ဒီဇင်ဘာဆောင်းရာသီ၏ အအေးဒဏ်ကလည်း လူနာတွေအဖို့ မခံနိုင်စရာကောင်းအောင် စိမ့်ပြီး အေးနေပြန်၍ အနာခွဲသူတွေတော့ ပို၍ ကိုက်ပြီဟုတွေးရင်း ကျွန်တော့်နေရာမှာသာ ထိုင်နေမိတော့သည်။

ကိုနိုင်ဝင်းလည်း ခဏကြာတော့ သူ့ခုတင်ပြန်လာပြီး အိပ်တာတွေ့သည်။ ကိုဂျော်နီ့ ညည်းသံက ညလယ်မှာ လျှံထွက်နေဆဲ။ အိပ်ပျော်သူတွေက ပျော်ကြ၏။ ကျွန်တော်ကတော့ အိပ်မပျော်နိုင်ပြန်။

*********************

သားလတ်

(ဆက်ပါဦးမည်။)

"တစ်ရေးနိုး ဆူနာမီ"

၂၀၀၄ ခုနှစ်တုန်းက သင်တန်းတစ်တန်းတက်ရန် အိန္ဒိယနိုင်ငံ၊ နယူးဒေလီသို့ ခေတ္တရောက် ခဲ့သည်။ နောက်တော့ ဗုဒ္ဓဂယာသွားချင်၍ ကာလကတ္တားသို့ လေယာဉ်ဖြင့် ကူးပြီး၊ ဂယာကို ရထားဖြင့် ခရီးဆက်ခဲ့၏။ ဂယာခရီးကအပြန်၊ ရထားဖြင့် ကာလကတ္တားကိုအကူး တစ်ညလုံး ရထားစောင့်ရင်း အိပ်မရခဲ့၍ ရထားပေါ်မှာ အိပ်မောကျနေသော ကျွန်တော်သည် ရထား တုံ့ခနဲရပ်သွားပြီး တုန်ခါမှုများစွာ ကြုံရသောအခါ လန့်နိုးခဲ့ရ၏။ ထိုအချိန်သည် ညနေ သုံးနာရီခန့်။

နောက်နေ့မနက် ကာလကတ္တား ဘုန်းကြီးကျောင်းမှာ ဆရာတော်ကို နှုတ်ဆက်ခိုက် 'မနေ့ညနေက ငလျင်အကြီးကြီး လှုပ်တယ်၊ ဒကာတို့သိလား' ဟု မေးခိုက် အိပ်မောကျနေကြောင်း ရှင်းပြခဲ့၏။ ရန်ကုန်အပြန် လေယာဉ်ပေါ်ရောက်မှ ရှေ့ထိုင်ခုံ နောက်ကျောဘက်က အိတ်ထဲထည့်ထားသော သတင်းစာကို ထုတ်ကြည့်စဉ်မှာ ငလျင် အကြီးကြီးတစ်ခုကြောင့် အိမ်ခြေပေါင်းများစွာ၊ လူပေါင်းများစွာ ဒုက္ခရောက်၊ သေကြေပျက်စီး ပုံများကို မြင်ရ၏။ မြန်မာပြည်ပြန်ရောက်တော့ ထိုငလျင်ကြီးနှင့် ပတ်သက်မှုများကို နားနှင့်မဆံ့အောင် ကြားရသည်။ 'ဆူနာမီ' တဲ့။ ရေလှိုင်းများ။

၂၀၀၅ ခုနှစ် မတ်လမှာ ရခိုင်ပြည်နယ်ဘက် ရောက်သည်။ စစ်တွေရောက်ခိုက် ရာသီ ဥတုကြောင့် လေယာဉ်မလာနိုင်၍ သောင်တင်နေစဉ်၊ ကောလဟလတစ်ခု စရောက်လာသည်။ စစ်တွေကို ဆူနာမီ လာမည်တဲ့။ မိုးဆက်တိုက်ရွာ၊ လှိုင်းများကြီး၍ ကမ်းခြေနံရံများ ပဲ့ကျကုန်တာ သတိထားဖြစ်သည်။ ကျွန်တော်တည်းခိုနေရာ 'မြ' တည်းခိုခန်းသည် စစ်တွေတက္ကသိုလ်ရှေ့၊ ဆေးရုံနှင့်မလှမ်းမကမ်း။ ဆေးရုံ ဟိုဘက်ဆက်လျှောက်လိုက်လျှင် ကမ်းနားရှိသည်။ ပင်လယ်သည် ကျယ်ပြန့်စွာ တစ်ဖက်မှာရှိ၏။ လေနှင့် မိုးသည် မရပ်ခဲ့။

ဘာပဲပြောပြော ထိတ်လန့်မိသည်။ မလာတော့ဘူးထင်ပြီး တစ်ခါပြန်၍ တစ်ရေးနိုးလာသည်ထင်၏။ ရင်ထဲမှာ ခံစားမိသမျှ ကဗျာတစ်ပုဒ် ချရေးဖြစ်သည်။ ခေါင်းစဉ်ကို 'တစ်ရေးနိုး ဆူနာမီ' ဟု ပေးဖြစ်၏။

နောက်တော့ မိုးလေကင်းပြီး ဆူနာမီမလာတော့ဟု သိရ၍ ၀မ်းသာသွားသည်။ ရန်ကုန်က မိဘအိမ်ကို အမြန်ပြန်ရောက်မည်ထက် ဆူနာမီ မလာ၍ ပျော်ရသည်က ပိုမည်ထင်သည်။ ထိုအခါ၌ 'ဆူနာမီ မရှိတဲ့မြေ' ဆိုသော အောက်ပါ ကဗျာကို ချရေးဖြစ်ခဲ့ပြန်သေးသည်။

"ဆူနာမီ မရှိတဲ့မြေ"

ကမ်းခြေဟာ
အပန်းဖြေစရာပါ ဆူနာမီ။

ကလေးတွေက မင်းကိုမသိ
လူကြီးတွေသတိမှာ မင်းမရှိလို့
မင်းထိတဲ့ ကမ်းခြေမှာ
နွမ်းကြေတာ သူတို့ပါ ဆူနာမီ။

သူတို့ရဲ့ မျက်ရည်ကိုစားသုံး
လှိုင်းတွေနဲ့ မင်းဝုန်းတဲ့အခါ
ငါတို့က မင်းကိုမုန်းပေမယ့်
မင်းကတော့ အပြုံးမပျက်
တစ်ရေးနိုးတောင် ထထွက်လာရဲခဲ့တယ်။

ကြည့်ပါဦး ဆူနာမီ
မင်းကြောင့် ရယ်နိုင်သူမရှိတဲ့အခါ
ကမ္ဘာဟာ မင်းကိုမုန်း
ငါတို့က မင်းကို လုံးလုံးနာကြည်းတယ်လေ။

ဒါပေမဲ့ ဆူနာမီ
ငါနေတာက မြန်မာပြည်
ထေရ၀ါဒက အလွန်ပီလို့
ဗုဒ္ဓရဲ့ မေတ္တာဓာတ်အဆီအနှစ်
ငါတို့ဆီမှာ ကြွင်းကျန်ရစ်မှတော့
မင်းပြန်သစ်လာတောင် ဂရုမစိုက်
တခြားနိုင်ငံတွေအတွက် ၀မ်းနည်းခိုက်မှာခံစား
မင်းပြန်သွားတာပဲ စောင့်ကြည့်မယ်။

မင်းလာလို့မရတဲ့ တိုင်းပြည်
မင်းကျီစားလို့ မရတဲ့အရပ်
မင်းခတ်လို့မရတဲ့ ဘာသာတရား
မင်းဝါးလို့မရတဲ့ ကမ်းခြေတွေနဲ့
(ငါတို့မြန်မာပြည်ဆိုတာလေ)
မင်းလှမ်းခြေချင်တိုင်း ခြေလို့မရဘူး ဆူနာမီ။

ဆူနာမီရေ.....
ကမ်းခြေဆိုတာဟာ
(ငါတို့မြန်မာပြည် အတွက်တော့)
အပန်းဖြေစရာပါပဲ ဆူနာမီ။ ။

ယခု ၂၀၁၁ ခုနှစ် မတ်လတွင် ဂျပန်နိုင်ငံမှာ ဆူနာမီ ပြန်ဝင်သည်။ လူထောင်ချီ၍ သေပြီး၊ အဆောက်အအုံ များစွာ ပျက်စီးသည်။ နောက်ဆက်တွဲ ဆိုးကျိုးများက စောင့်နေသေး၏။ ကျွန်တော့်စိတ်ထဲ တော်တော် စိတ်မကောင်း ဖြစ်ရသည်။ နာဂစ်မုန်တိုင်းကျပြီး ဧရာဝတီတိုင်းမှာ သူငယ်ချင်းများနှင့် အလှူ သွားလုပ်စဉ် မြင်တွေ့ရသမျှ ရင်ဆို့ခဲ့ရသည်။ ဂီရိဖြစ်တော့ မြန်မာပြည်ကို လှမ်းပူမိပြန်၏။ ယခု ဆူနာမီဖြစ်သည်က ဂျပန်မှာ။

၂၀၀၃ခုနှစ်မှာ ဂျပန်နိုင်ငံ အိုဆာကာမြို့၊ တိုကျိုမြို့၊ အိုတမြို့တို့သို့ လေ့လာရေးခရီးအဖြစ် ကျွန်တော်ရောက်ခဲ့ ဖူးသည်။ အိုဆာကာသည် လှပလွန်းသောမြို့။ ကျွန်တော့်နှလုံးသားမှာ စွဲနေ၏။ ယခု ဆူနာမီဖြစ်သည်က အိုဆာကာမဟုတ်။ တခြားမြို့။ တိုကျိုမြို့ နှင့် ခပ်လှမ်းလှမ်းမှာ။ သို့သော် ကျွန်တော့်လုပ်ငန်းခွင်မှ Main Contractor သည် ဂျပန်ကုမ္ပဏီကြီး ဖြစ်သည်။ ယခု စင်ကာပူမှာ တာဝန်ထမ်းဆောင်နေသော ဂျပန်တချို့၏ အိမ်များ ထိုမြို့မှာရှိသည်။ တချို့ဆို အိမ်ပြန်သွားချိန်မှ ဒုက္ခနှင့်ကြုံရတော့သည်။

ကျွန်တော်တို့ Project ကလည်း ပြီးလုပြီးခင်မို့ သူတို့အားလုံး အင်တိုက်အားတိုက်လုပ်နေကြသည်။ တချို့လည်း မျက်နှာများက မသာယာတော့။ မနက်ဘက်လုပ်သည့် Tool Box Meeting မှာ ဂျပန် Safety တစ်ယောက်က သူတို့ဆီမှာ ကြီးမားသော ငလျင်ကြောင့် ပျက်စီးဆုံးရှုံမှုများစွာ ကြုံနေရကြောင်း ထည့်ပြောသွားသည်။ ကျွန်တော့်စိတ်ထဲမှာ ၀မ်းနည်းမှု အထိမ်းအမှတ် တစ်ခုခု လုပ်သင့်ကြောင်း တွေး မိသည်။ ကြုံမှ Main Con Safety Manager ကို ပြောဦးမည်ဟု တေးထားလိုက်၏။

တစ်ခုတော့တွေးမိပါသည်။ ဆူနာမီသည် ငြိမ်ချင်လျှင် ငြိမ်နေ၏။ ပြန်ထချင်လျှင် ထလာပြန်၏။ သူလာချင်သည့် နေရာလာ၊ သွားချင်သည့်နေရာ သွား၏။ အင်ဒိုနီးရှား၊ ဂျပန် ပြီးတော့ ဘယ်နိုင်ငံများပါလိမ့်။ ဘယ်လိုပဲ ဖြစ်ဖြစ် အိပ်ပျော်နေသော ဆူနာမီ၏ တစ်ရေးနိုးချိန်တိုင်းသည် ကြောက်ရွံ့ဖွယ် ကောင်း၏။ စက်ဆုပ် ရွံရှာဖွယ် ကောင်း၏။ ထိတ်လန့်ရ၏။ ကြေကွဲဝမ်းနည်းရ၏။ စာနာထောက်ထားမှုများ ခံစားရ၏။

သို့သော် ကျွန်တော်တို့ဘာတတ်နိုင်ပါမည်နည်း။ သဘာဝကို မည်သူလွန်ဆန်နိုင်ပါမည်နည်း။ တစ်ခုပဲ တတ်နိုင်တာရှိပါသည်။ လူတိုင်း ကိုးကွယ်စရာ ဘာသာတရား ရှိနေသည်မဟုတ်ပါလား။ ဗုဒ္ဓ ဘာသာဝင်ဖြစ်သော ကျွန်တော်ကတော့ ဖြစ်ချင်း ပျက်ခြင်းကြားမှာ မေတ္တာပို့ရင်း၊ အားလုံးသော လူသားများ ဆူနာမီ တစ်ရေးနိုးမည့် အချိန်နှင့် ဝေးစေကြောင်း ဆုတောင်း၍ တစ်ချိန်က ကျွန်တော်ရေးခဲ့သော ကဗျာလို 'ဆူနာမီ မရှိသောမြေ' ဖြစ်လာရေးကို မျှော်လင့်လျှက် 'တစ်ရေးနိုး ဆူနာမီ ' ဆိုသော ကဗျာတစ်ပုဒ်ကိုသာ ရေရွတ်နေမိပါတော့သည်။ ။

"တစ်ရေးနိုး ဆူနာမီ"

ဆူနာမီရေ....
ကမ္ဘာမြေက မင်းကို လက်မခံ
မင်းပြန်သင့်ပါပြီကွယ်။

မင်းတိုးလို့ ကျိုးတဲ့ကမ္ဘာ
မင်းမှာလို့ လာတဲ့ဒုက္ခ
မင်းဖွလို့ ပွတဲ့အမှိုက်
မင်းရိုက်လို့ ရှိုက်တဲ့ကမ်းခြေ
မင်းခြွေလို့ ကြွေတဲ့အသက်
မင်းဖျက်လို့ ပျက်တဲ့အိမ်
မင်းကျိန်လို့ မှိန်တဲ့ကံ
မင်းပြန်မှ အားလုံးငြိမ်း
ကမ္ဘာမြေလည်း စိမ်းလန်းလိမ့်မယ်။

တစ်ရေးနိုး ထထွက်မလာနဲ့
အတွေးရိုးရိုးနဲ့ ပင်လယ်မြေမှာအိပ်စက်ပြီး
မင်းစိတ်အပျက်က ငါတို့ကိုသနား
မင်းအဖျက်အားနဲ့ ငါတို့ကို မကစားရင်
(ဆူနာမီရေ...)
မနက်ဖြန်ရဲ့ ညလွင်ပြင်တိုင်းမှာ
ငါတို့ဟာ မင်းလိုတစ်ရေးမနိုး
ငြိမ်းချမ်းတဲ့ နေ့သစ်တွေ တိုးရင်းရှိနေမယ်။ ။

ဆူးသစ်
၁၅:၄၄နာရီ
၂၀.၀၃.၂၀၁၁

"ကျွန်တော်တို့သည်" (၁၄)

ရန်ကုန်စက်မှုတက္ကသိုလ်မတက်ခင် ကျောင်းအပ်ဖို့သွားတုန်းက စီနီယာအစ်ကိုက စက်မှုတက္ကသိုလ်၏ အထင်ကရ လမ်းတစ်ခုကို ပြခဲ့ဖူးသည်။ "သြဘာလမ်း"တဲ့။ ထို့အပြင် သူက ကျွန်တော့်ကို ရှင်းပြခဲ့ဖူး၏။

"ဒီလမ်းထဲက ယောင်လို့တောင်မဖြတ်နဲ့နော်ညီလေး၊ ဖြတ်မိတာနဲ့ လက်ခုပ်အတီးခံရလိမ့်မယ်"တဲ့။ ကျွန်တော် လည်း ယောင်တောင် ပေါင်တောင် ခေါင်းညိတ်ပြလိုက်၏။ ဘာမှန်းမျှ မသိတာ။

နောက်ပိုင်း ကျောင်းရောက်တော့မှ ထိုလမ်းအကြောင်း တဖြည်းဖြည်းချင်း သိလာခဲ့ရတော့သည်။ ထိုလမ်းသည် ကျောင်း၏ ပင်မဆောင်မှ စ၍ ကျောင်းနောက်ဘက်ထဲ ၀င်မည့်နေရာမှာ ဆုံးသွားသည်။ မြက်ခင်းပြင်များ ဘေးမှာ ရှိ၏။ ထိုလမ်းကို ဘေးပတ်ပတ်လည်မှာ စာသင်ဆောင်များ ၀န်းရံထား၏။ ကျွန်တော်တို့ ကျောင်းတက်စဉ်က ကျူတိုရီယယ် တန်းများကို ထိုစာသင်ဆောင်များမှာ တက်ရ၏။ EC , Civil တို့အတွက် စာသင်ခန်းများ၊ သီရေတာများသည် ထိုစာသင်ဆောင်များမှာ ရှိ၏။

ထိုလမ်းကလေး၏ ထူးခြားချက်ကား တစ်စုံတစ်ယောက်သည် ထိုလမ်းကို မည်သည့်နေရာက ဖြတ်ဖြတ် စာသင်နေသူ၊ စာမသင်ဘဲ အပြင်ရောက်နေသူများ မြင်ပါက ၀ိုင်းပြီး လက်ခုပ်သြဘာတီး ချီးမြှင့်ကြခြင်းပင်။ စာသင်နေသော ဆရာမပင် ကျွန်တော်တို့ကို ရပ်ပေးရသည် အထိ အတန်းထဲက ထွက်ကာ ၀ိုင်းပြီး အားပေးကြ၏။ "အရူး၊ ဘာကြောင်တာလဲ" ဟု အော်လည်း အော်ကြ၏။ မြန်မာ့လက်ရွေးစင် ဘောလုံးသမား ကိုသန်းတိုးအောင်တို့ တုန်းက လက်ဖက်ရည်တိုက်ကြေး အပျော်သဘောမျိုး တမင်ဖြတ်ခဲ့ကြသည်ဟု အင်တာဗျူးတစ်ခုမှာ ဖတ်ခဲ့ဖူးသည်။

ကျွန်တော်တို့ ကျောင်းမှာ တက်နေသူများက သြဘာလမ်းကို သိသော်လည်း တစ်ခါမျှမရောက်ဖူးဘဲ ကျွန်တော်တို့ကျောင်းမှာ သူငယ်ချင်း လာရှာသူများ၊ ပထမနှစ်မို့ အကြောင်းမသိသူများ ခမျာ သြဘာလမ်းကို ဘုမသိ၊ ဘမသိ ဖြတ်မိသောအခါ လက်ခုပ်သြဘာ ချီးမြှင့်ခံရတော့၏။ "ဖြတ်သန်းသွားလာခြင်းမပြုရန် တားမြစ်ပါသည်" ဆိုသည့် ဆိုင်းဘုတ်ကို တစ်ခါတွင် မြင်ဖူးခဲ့သော်လည်း လမ်းအလယ်မှာမဟုတ်။ ဘေးရောက်၍ တစ်ဖက်သို့ လှည့်ထားသောအခါ အကြောင်းမသိသူများမှာ ခပ်တည်တည်ပင် ဖြတ်ကြတော့၏။ တချို့ကလည်း မျက်နှာပြောင်တိုက်ကာ အပေါ်ကိုမော့၊ လက်တွေပင်ပြကာ ပြုံးဖြဲဖြဲနှင့် လမ်းဆုံးအောင် လျှောက်၏။ တချို့ကျတော့ စလျှောက်ရုံရှိသေး၊ လက်ခုပ်သံ မခံနိုင်၍ လှည့်ပင် ပြေးရလေတော့သည်။

ထိုအကြောင်းအရာများကို ထိတွေ့ခံစားနေရသည့် ကျွန်တော့်အဖို့ကား "သြဘာလမ်း" နှင့်ပတ်သက်သည့် ကဗျာတစ်ပုဒ် ရင်ထဲသို့ ရောက်လာခဲ့လေတော့သည်။

"သြဘာလမ်း"

ပြောကာလွမ်းချင်ရဲ့
သြဘာလမ်းရဲ့အကြောင်းပါ။

စိမ်းစိုစိုမြက်ခင်းပြင်နဲ့
ဘေးဘက်တစ်ခွင်အလှဆင်ထားပါလို့
မြင်ကြသူများရှုမငြီးစရာ။

စာသင်ဆောင်လေးခုကြားက
အလှစုရာထီးတည်းလမ်းပေမို့
' ဖြတ်သန်းသွားလာခြင်းမပြုရ ' ဆိုင်းဘုတ်နဲ့
(စက်မှုတက္ကသိုလ်ရဲ့)တစ်ခုတည်းသောအလှကြော်ငြာ
ပျော်စရာတွေကပြည့်ကာလွှမ်း။

ပထမနှစ်ပေမို့
အစဖြစ်ကာမလည်ပတ်သူများ
အကြောင်းမသိသူမို့
ကျောင်းရှိရာအလည်လာသူများခမျာလည်း
ဆိုင်းဘုတ်ကစာမမြင်သာအောင်တစ်ဖက်လှည့်ထားတာကြောင့်
ယောင်တောင်တောင်ဖြတ်အကူးမှာဖြင့်
ပြည့်ကျပ်ကာပူးနေတဲ့စာသင်ဆောင်လေးခုဆီက
တေးစုတွေသံပြိုင်ထုတ်ပါတော့
လက်ခုပ်သံကတဖြောင်းဖြောင်းနဲ့ညီညီညာ
လက်ခေါက်မှုတ်သံကတသောင်းသောင်းနဲ့တရွှီရွှီမြည်ကာညံလှပါလို့
ဖြတ်မိသူခေါင်းနားပန်းကြီးကာ
ဘယ်လမ်းတာဘယ်လိုလေဆက်ရပါ့မလဲရယ်လို့
ပင်ပန်းကာတစ်ကိုယ်လုံးချွေးတွေလွှမ်းပါတော့
အရှက်အမှုအခက်ပိုလို့မောကာနွမ်းကြပါသတဲ့
(ကဲ - အဲဒါ ကျွန်တော်တို့ရဲ့)
စက်မှုတက္ကသိုလ်က သြဘာလမ်း ။ ။

ဆရာမောင်စိန်ဝင်း(ပုတီးကုန်း)တို့၊ ဆရာနွမ်ဂျာသိုင်းတို့ ခေတ်မှာ "နွေးအေး"တို့၊ "ချစ်သူတို့လမ်းကလေး"တို့ ဆိုတာကို ကြားခဲ့ရဖူး၏။ ဆရာမ မစန္ဒာကတော့ ဂျီဟောကို အမှတ်တရရေးဖွဲ့ခဲ့၏။ ကျွန်တော်တို့ခေတ်၊ ကျွန်တော်တို့ လက်ထက်မှာ သြဘာလမ်းသည် အမှတ်တရဖြစ်နေမှာ မလွဲ။

ကျွန်တော်တို့သည် သြဘာလမ်းမှာ ဖြတ်ခဲ့သူများကို အားရပါးရ လက်ခုပ်သြဘာတီး၊ အားပေးခဲ့ကြ၏။ ကျောင်းသူ၊ ကျောင်းသား အချို့ကား သြဘာလမ်းကို မသိဘဲနှင့် ဖြတ်သလို၊ သိလျက်လည်း ဖြတ်ခဲ့ကြ၏။ ကျွန်တော်တို့သည် သြဘာလက်ခုပ်တီးရင်း ပျော်ရွှင်ခဲ့ကြရာမှ ထို သြဘာလမ်းသည် ကျွန်တော်တို့၏ နှလုံးသား၌ အစဉ်ထာဝရ တည်တော့၏။ ဆရာ၊ ဆရာမများသည် သြဘာလမ်းကြောင့် လက်ခုပ်ထွက်တီးရန်ပင် စာသင်ခြင်းကို ကျွန်တော်တို့အတွက် ရပ်ပေးခဲ့ရ၏။

ရန်ကုန်တက္ကသိုလ်ပင်မ ကျောင်းသူ၊ ကျောင်းသားများက သစ်ပုပ်ပင်သည် သူတို့အတွက် အမှတ်တရဟု ဆိုလျှင် ရန်ကုန်စက်မှုတက္ကသိုလ်ကျောင်းသူ၊ ကျောင်းသား ဖြစ်ခဲ့ဖူးသော ကျွန်တော်တို့အတွက်တော့ သြဘာလမ်းသည် ကျွန်တော်တို့ခေတ်၊ ကျွန်တော်တို့နှစ်၏ အမှတ်တရပင် ဖြစ်တော့၏။

ကျွန်တော်တို့သည် "သြဘာလမ်း"ကို ပိုင်ဆိုင်ကြသူများ ဖြစ်ခဲ့ကြ၏။ ။

ဆူးသစ်
၂၁း၃၁နာရီ

၁၁.၃.၂၀၁၁