စိန်ခေါ်သံတွေနဲ့လျှောက်လာ
နွေကိုတံခါးပိတ်ကာထားခဲ့တဲ့အတိုင်း
ခပ်ရိုင်းရိုင်းပဲဝင်လာတယ်။
လက်ဖြူဖြူနဲ့ဆွဲနှုတ်ဆက်
မြစိမ်းရောင်လက်ကောက်တွေယိမ်းနွဲ့ရင်း
ခပ်ပြင်းပြင်းစကားတွေဆိုပုံများ
သူ့တံတွေးတွေနဲ့ ရွှဲသွားကြတယ်လေ။
အချိန်လွှဲတာနှစ်ခါရှိခဲ့
စောပြီးရေခဲစိမ်ခံရတဲ့နွေ
ကဆုန်ဟန်ပျောက် နယုန်မာန်မောက်
သဘာဝသရဲခြောက်ခံရပြီလား
ဆန်းလက်တဲ့ထုဆစ်မှုတွေအောက်မှာ
မျက်ကြည်လွှာပျောက်စပြုနေတဲ့ရွာကလေးရဲ့ဇရာ
လေးစားစွာသနားဖို့ကောင်းပြီ။
ဖြည်းဖြည်းလေးရွေ့ပါ
ညင်သာစွာပြုံးပါ
သက်သက်သာသာနှုတ်ဆက်ပါ
အချိန်တန်မှလာပါ
သက်ရှိနေရာလေးကကျဉ်းလို့ပါ။ ။
သားလတ်
(၂၀၀၂ခုနှစ်-ဒီဇင်ဘာလ၊ ရနံ့သစ်မဂ္ဂဇင်း)
0 comments:
Post a Comment