Monday, May 23, 2011

"ကျွန်တော့်မှတ်စု" (၂)


+ အသိပညာစွမ်းအားသည် ထက်မြက်လွန်းလှသည် မှန်၏။ သို့သော် ပညာ၊ ဗဟုသုတ မည်မျှပင် ထွန်းကားသော်လည်း ပိုင်းခြားဝေဖန် သိမြင် နိုင်သော အသိတရား မရှိပါက ဤကဲ့သို့ အသိပညာ ဗဟုသုတ တိုးပွားခြင်းသည် ပူဆွေး ဒုက္ခများ တိုးပွားလာမှု ရလဒ်ကိုသာ ရရှိပေမည်။

[ကမ္ဘာကျော်တွေးခေါ် ပညာရှင်ကြီး ဘာထရန် ရပ်ဆယ်]

+ လူနှင့်လူချင်း အဖက်မတန်ဟု ထင်ရလောက်အောင် အလုပ်ခံရခြင်းထက် ဆိုးရွားသည်မှာ အတော် ရှားပေလိမ့်မည်။ ၀ိဋဋူပ မင်းသား သာကီဝင်များကို အူသေးအူမွှားမကျန် လိုက်၍ သတ်လောက်အောင် ရန်ငြိုးထားမိသည်မှာ ထိုကဲ့သို့ မတူမတန် အဆက်ဆံ၊ ရိုင်းပြမှု၏ မီးပွားကလေးကြောင့်ပင် မဟုတ်ပါလော။

[မိန်းမ က္ကုနြေ္ဒ - သုခ - ၀တ္ထုတိုပေါင်းချုပ်]

+ ဘာကြောင့် စာခိုးချရသလဲ ဆိုတဲ့ ပြဿနာကို စိတ်ပိုင်းဆိုင်ရာ ရှုထောင့်ကကြည့်ရင် ကိုယ်နဲ့ မထိုက်တန်တဲ့ဂုဏ်ကို မတရားသောနည်းနဲ့ အချောင်ရချင်လို့ ဆိုတာ သွားတွေ့မိတယ်။

[အထက်တန်းကျတဲ့စိတ်နဲ့ စာခိုးသူ ပြဿနာများ]
[စာ-၁၇၊ သင့်ဘ၀၊ ဇန်န၀ါရီ၊ ၁၉၉၆] [ဖေမြိုင် - ပြောလိုရာပြောခွင့်ကဏ္ဍ] (စာမေးပွဲနှင့် ပတ်သက်၍ ရေးသော ဆောင်းပါးဖြစ်)

+ ကောင်းမြတ်သော အတွေးအခေါ်များ၊ ကောင်းမြတ်သော အမူအကျင့်များ၏ သာဓကများသည် အစစ်အမှန်ဖြစ်၍ အမြဲကျင့်သုံးနိုင်ငြားလည်း လူကြိုက်နည်း၍ မသုံးတော့ဘဲ 'တိုးတက်မှု' (ထွန်သွား) အောက်မှာ ထွန်ယက်ခြင်းခံရသည့် အလျှောက် လွယ်ကူစွာ မေ့ပျောက်ခြင်း ခံရနိုင်ချေသည်။

['စရဏ ၀တ္ထု' ကျမ်းရေးသူ - အမေရိကန် စာရေးဆရာ ဂျိမ်းစ် ဂါဒနာ]

+ မိမိစိတ်ကို ချိုးနှိမ် ဆုံးမသောသူ၏ ကံတရားသည် လုံခြုံ စိတ်ချရ၏။

[ဂေါတမ ဗုဒ္ဓ - အဂုင်္တ္တရနိကာယ်၊ ကူဋသုတ်]

2 comments:

Angelhlaing(May everybody be happy and healthy! said...

ဖတ်၊မှတ်သွားတယ်အကို။ကျေးဇူးပါလို့..:)

မိုးယံ said...

မှတ်စုတွေကို စုပြီးမှတ်သွားပါတယ်..

Related Posts Plugin for WordPress, Blogger...