ဖလှယ်ကျနံနက်ခင်းတွေထဲ
မျက်ရွဲလေးတစ်စုံကို
ကျွန်တော်ငုံသောက်ခဲ့တယ်။
တောင်ကုန်းတွေပေါ်က ပြေလျှောသွား
မြောင်းချောင်းရေတွေသွန်စီးငြားလည်း
ရင်ထဲခရီးများကိုမမီနိုင်ခဲ့
နှာတံလေးတစ်ခုရဲ့ရေတံခွန်
နှလုံးသားတောင်မွှန်သွားတယ်။
မှိုင်းညို့တောတန်းသစ်ရိပ်
စစ်သိပ်ပြီးလွမ်းစရာ
နှုတ်ခမ်းနှစ်လွှာမှာအချစ်စိတ်ဖြစ်ထွန်း
နစ်မွန်းသွားတဲ့နေ့တွေများခဲ့ပြီ။
ကဗျာတွေဝင်လာတယ်
မမြင်သာတဲ့ဆက်သွယ်မှုတွေကြား
ရင်ခုန်လှိုင်းများချိတ်မိတဲ့အခါ
ကျွန်တော့်ကမ္ဘာမှာငလျင်တစ်ခါလှုပ်ပြန်ပြီ။ ။
သားလတ်
(၂၀၀၃-စက်တင်ဘာလ၊ မှုခင်းရှုထောင့်မဂ္ဂဇင်း)
0 comments:
Post a Comment