Tuesday, October 12, 2010

"သြဘာလမ်း"


ပြောကာလွမ်းချင်ရဲ့
သြဘာလမ်းရဲ့အကြောင်းပါ။

စိမ်းစိုစိုမြက်ခင်းပြင်နဲ့
ဘေးဘက်တစ်ခွင်အလှဆင်ထားပါလို့
မြင်ကြသူများရှုမငြီးစရာ။

စာသင်ဆောင်လေးခုကြားက
အလှစုရာထီးတည်းလမ်းပေမို့
' ဖြတ်သန်းသွားလာခြင်းမပြုရ ' ဆိုင်းဘုတ်နဲ့
(စက်မှုတက္ကသိုလ်ရဲ့)တစ်ခုတည်းသောအလှကြော်ငြာ
ပျော်စရာတွေကပြည့်ကာလွှမ်း။

ပထမနှစ်ပေမို့
အစဖြစ်ကာမလည်ပတ်သူများ
အကြောင်းမသိသူမို့
ကျောင်းရှိရာအလည်လာသူများခမျာလည်း
ဆိုင်းဘုတ်ကစာမမြင်သာအောင်တစ်ဘက်လှည့်ထားတာကြောင့်
ယောင်တောင်တောင်ဖြတ်အကူးမှာဖြင့်
ပြည့်ကျပ်ကာပူးနေတဲ့စာသင်ဆောင်လေးခုဆီက
တေးစုတွေသံပြိုင်ထုတ်ပါတော့
လက်ခုပ်သံကတဖြောင်းဖြောင်းနဲ့ညီညီညာ
လက်ခေါက်မှုတ်သံကတသောင်းသောင်းနဲ့တရွှီရွှီမြည်ကာညံလှပါလို့
ဖြတ်မိသူခေါင်းနားပန်းကြီးကာ
ဘယ်လမ်းတာဘယ်လိုလေဆက်ရပါ့မလဲရယ်လို့
ပင်ပန်းကာတစ်ကိုယ်လုံးချွေးတွေလွှမ်းပါတော့
အရှက်အမှုအခက်ပိုလို့မောကာနွမ်းကြပါသတဲ့
(ကဲ - အဲဒါ ကျွန်တော်တို့ရဲ့)
စက်မှုတက္ကသိုလ်က သြဘာလမ်း ။ ။

သားလတ်


( ' သင်းကွဲငှက်တစ်ကောင်ရဲ့ဒိုင်ယာရီ ' ကဗျာစာအုပ်မှ )


2 comments:

Cameron said...

ပထမနှစ် ကြည့်မြင်တိုင်မှာတက်တုန်းက အဲဒီကျောင်းကို ရောက်ဖူးတယ် သြဘာလမ်းကိုလဲ ဖြတ်ဖူးခဲ့တယ်...လက်ခုပ်သံတွေဘယ်လိုထွက်လာသလဲ သိချင်တဲ့စိတ်နဲ့ ဖြတ်လျှောက်ကြည့်လိုက်တာ... ဒီကဗျာလေးထဲက အတိုင်းပါပဲ...။

ခင်တဲ့
မိုးငွေ့

Unknown said...

Thi page is remind me 1986 to 1996 RIT.
ko myo aung(bamarpyithar68@gmail.com)

Related Posts Plugin for WordPress, Blogger...