မမြင်ခဲ့ဖူးတဲ့ ကိုယ့်ရုပ်ကို
မှန်ထဲထည့်ကြည့်ဖူးတယ်
ဘယ်တော့မှမတူခဲ့ဘူး
ထူးခြားစွာ ကျုံ့ခြင်း ကျယ်ခြင်း
ရှင်းရှင်း ကြီးပဲတွေ့ခဲ့ရတယ် ။
နားမလည်နိုင်တဲ့ ဘ၀ရဲ့ဘာသာရပ်
တရစပ်သင်ကြားခဲ့ရတဲ့ တောင်တက်နေ့တွေ
ရှုပ်ထွေးပွေလီ သောကဇာတ်ခင်းခဲ့
လောကရဲ့ချောက်နက်ထဲ အားပါးတရ ခုန်ဆင်းပြီးမှ
ကတုန်ကရင်နဲ့ ဖက်တက်နေရချိန်
ဘ၀အဓိပ္ပါယ်တွေက မှေးမှိန်တုန်းပေါ့ ။
ရာသီနွေလမ်းကြမ်းကြမ်းကနေ ခေါ်ဆောင်လာ
ပလာကကြိုးတန်ဆာနဲ့ အထိန်းတော်နှစ်ပါး
ငါ့အနားမှာ ခစားအမှုထမ်း
အဲဒီ့မှာ ငြိမ်းချမ်းခြင်းလမ်းစ
အဲဒီ့မှာ တရားဆိုတာတွေရဲ့လမ်းစ
အဲဒီ့မှာ တည်ငြိမ်ခြင်းရဲ့လမ်းစ
အဲဒီ့မှာ မှန်ထဲကမရခဲ့တဲ့ကိုယ့်ရုပ်
နှလုံးသားစက်ရုံက ထုတ်လုပ်တည်ဆောက်
'ကာရန်' လမ်းသစ်အောက်
'သံစဉ်' ကမ်းမြစ်ရောက်
ကွန်းထောက်ခိုနားရာနေရာသစ်
အောင်မြင်ရေးတံခါးဖွင့်လှစ်ကာ
ရင်ထဲကခက်ဆစ်တွေရှင်းပြနေပြီ
အရှေ့ဆီမှာ ရာသီဆောင်းနဲ့မိုးပဲ ကျန်တော့တယ် ။ ။
သားလတ်
( ' သင်းကွဲငှက်တစ်ကောင်ရဲ့ဒိုင်ယာရီ ' ကဗျာစာအုပ်မှ )
0 comments:
Post a Comment