Monday, December 13, 2010

“နစ်ကျွံကဗျာခရီး”

နေ့ရက်လေးတွေရဲ့ကြားက
ကဗျာသမားတစ်ယောက်ရဲ့ အသက်ရှင်ခွင့်
ဒါဟာပစ္စုပ္ပန်ရဲ့ပင့်သက်တွေကို ဖြတ်သန်းမှုဖြစ်တယ်။



ရုရှားကဗျာဆရာပေါက်စ 'ယက်စနင်'
သူ့လည်ပင်းကို ငင်ခဲ့တဲ့ကြိုးတစ်စ
ဓါတ်ငွေ့ပိုက်လိုင်းမှာ နွားလို ဆောင့်ရုန်းရင်း
ကိုယ့်ကိုယ်ကိုလုပ်ကြံလို့ ဆုံးခဲ့တဲ့ ဘ၀တစ်ခု
ဒါဟာကဗျာတစ်ပုဒ်ကို ပြုစုခြင်းလား။



'ယက်စနင်'လို ကဗျာဆရာ 'ဟဲမင်းဝေး'
ပင်လယ်ကမ်းခြေမှာမြည်ခဲ့တဲ့ သေနတ်သံများ
ကဗျာတေးသွားတွေလိုထားခဲ့
ဒါလည်းကဗျာတစ်ပုဒ်ရဲ့တပ်မက်ခြင်းပဲထင်ရဲ့။



ရုရှားက ကဗျာဆရာ၊ စာရေးဆရာ 'ဘောရစ်ပတ်စတာနတ်'
ဖိနပ်ကြီးများရဲ့နင်းခြေမှု
မတူညီတဲ့လေပြင်းများရဲ့တိုက်ခတ်မှု
ပြိုယိုင်လဲလုနိုဗယ်ဆုကြီး
ဒေါက်တာဇီဗားဂိုးတစ်ယောက် ကြက်သီးမထ
အသက်ရှုကျပ်ခဲ့ရသောကာလများစွာ
ဒါဟာ ကဗျာသများ၊ စာသမားရဲ့ရုန်းကန်မှုတစ်ခုပေါ့။



'အနုပညာဟောင်းကိုရိုက်ချိုး'လို့ ကြွေးကြော်ခဲ့တဲ့
ရုရှားက ကဗျာဆရာ 'ဗလာဒီမာ မာယာကော့ဗ်စကီး'
နှစ်တွေရဲ့ကြားမှာ ကျဆုံးခဲ့ပြီးမှ
လူတွေရဲ့ဝင်စားမှုလျော့ပါးပျက်ပြယ်ခဲ့ပြီးမှ
ခါးသီးစွာဝေဖန်ပစ်တင်ခံခဲ့ပြီးမှ
'ငါ့အသံရဲ့တစ်ဆုံးမှာ' ဆိုတဲ့ သူ့ကဗျာလို
သန်းပေါင်းများစွာသော ပြည်သူတွေထဲက သူ့ကဗျာအသံတွေ
မှန်ကန်စွာနှင်းခြေဖြတ်သန်းခဲ့ကြလို့
ကဗျာကို အနာနဲ့ရင်းစားတဲ့ တိုးဝှေ့မှုတစ်ခုဖြစ်တည်စေခဲ့တယ်လေ။



'လူတွေဟာအချုပ်အချယ်၊ အနှောင်အဖွဲ့တွေကို အာခံချင်တယ်' ဆိုတဲ့
အမေရိကန်က ကဗျာဆရာ 'အီးမာဆင်'
ညီမျှစွာအသက်ရှင်နေထိုင်မှုကို ပြုစုရင်း
သူ့ကို မလိုလားအပ်သူတွေက
'စာပေပါရဂူဘွဲ့' ချီးမြှင့်တာခံခဲ့ရ
ဒါဟာမြင့်မြတ်တဲ့ အသက်ရှင်ခြင်းအဖြစ်
ကဗျာတွေနဲ့ မော်ကွန်းတစ်ရစ်သူတစ်ယောက်ဘ၀ ဖြစ်ပြန်ရော။

တကယ်တော့ နေ့ရက်တွေဆိုတာ
အုတ်မြက်တစ်လွှာ၊ သဲတစ်ဖျာလို့ ဘယ်သူသိခဲ့သလဲ
အမြဲတမ်း အက်ဆစ်နဲ့ပက်ခဲ့သူတွေသာ
မညှာမတာနဲ့လေတွေ တစ်ဝရှူရှိုက်နေတုန်း
ပွတ်တိုက်စားမှုကြောင့် ပါးလွှာသွားတဲ့အရာတွေ ရှိခဲ့တာ သိဖို့ကောင်းခဲ့
(တကယ်တမ်းကျတော့ .......................)
ကိုယ့်မျက်ရည်ကျဖူးမှ သူများငိုတာသိကြမှာပဲလေ။ ။


သားလတ်
၆.၈.၁၉၉၄

2 comments:

Anonymous said...

ကိုယ်မျက်ရည်ကျဖူးမှ သူများငိုတာ သိတယ်
ဟုတ်ပ..ကဗျာလေးတွေလဲ ခုလိုလေး မကြာမကြာ ဖန်ဆင်းပေးပါ

blackကော်ဖီ said...

အားပါး ကဗျာတွေ စာတွေ တော်တော်ဖတ်ထားတယ် ထင်တယ်... ရေးတတ်ပါ့ဗျာ...

Related Posts Plugin for WordPress, Blogger...