Tuesday, January 18, 2011

"ဤအပြစ်မှလွဲ၍"


မခင်ငြိမ်းက ဈေးထဲမှာ ကုန်စိမ်းရောင်းသည်။ သူ့ယောက်ျား ကိုဘသောင်းက ဆိုက်ကားနင်းသည်။ ကိုယ်ပိုင် မဟုတ်။ အုံနာ ရှိ၏။ ကလေးက လေးယောက်ရှိသည်။ အကြီးဆုံးသမီးက ကိုးတန်းကျောင်းသူ၊ ဒုတိယ သမီးက ရှစ်တန်းကျောင်းသူ၊ တတိယသားက လေးတန်း၊ အငယ်ဆုံးက နှစ်တန်း ဖြစ်၏။ သည်သမီးတွေ သားတွေ ကျောင်းထားနိုင်ဖို့ မခင်ငြိမ်းတို့ လင်မယားနှစ်ယောက် အပြင်းအထန် ရုန်းကန်ရသည်။ ဒါတောင် အ၀တ်အစားက အစ ကျောင်းစာအုပ်များ အဆုံး အကြီးမှ အငယ် ရိုရိုသေသေ ပြောင်းသုံး ခဲ့၍သာ တော်တော့သည်။ သည်ပုံစံ နှင့်ပင် သူတို့ မိသားစုလေး လည်ပတ်နေ၏။

တစ်နေ့မှာတော့ သူ့သားသမီးများ သူ့နားကပ်လာ၏။ ပြီးတော့ သူတို့မှာ ပါလာသော ပညာရည် တိုးတက်မှု မှတ်တမ်းများကို ထုတ်ပြ၏။ လပတ်စာမေးပွဲအတွက်ဟု မခင်ငြိမ်း နားလည်၏။ တစ်ယောက်ချင်းစီ ယူကြည့် လိုက်သည်။ တစ်ယောက်ကို နှစ်ဘာသာ၊ သုံးဘာသာ စီလောက် ကျနေ၏။ သူ စိတ်မကောင်း၊ ထိုစဉ်မှာပင် သမီးကြီးက စပြော၏။

" အမေ - သမီးတို့ ဆရာမတွေက တစ်ဘာသာ ကျရင် နှစ်ဆယ် ပေးရမယ်တဲ့"

မခင်ငြိမ်း မျက်လုံးပြူးသွားသည်။ ကျန်သားသမီးတွေကပါ သားတို့သမီးတို့လည်း အတူတူပဲဟု ၀ိုင်းပြော၏။ သူ အံ့သြသွားသည်။

"နေပါဦး၊ သားတို့သမီးတို့ ဆရာမတွေက အဲဒီငွေတွေရရင် ဘာလုပ်မှာလဲ"

"နှစ်ဆုံးရင် အတန်းထဲမှာ လိုတာဝယ်မယ်၊ ဒါမှမဟုတ် တစ်ခုခု လုပ်မယ်တဲ့"

မခင်ငြိမ်း သက်ပြင်းချလိုက်သည်။ သူ့ကလေးများ ကျသည့် ဘာသာတိုင်းအတွက် ပေးရမည့် စရိတ်က သူတို့ လင်မယား တစ်နေ့ဝင်ငွေလောက် ရှိသည်။ ကလေးများ စာမေးပွဲကျသည်ဟု သိစဉ်က စိတ်မကောင်းသည် ထက် ကလေးတွေကို စာမေးပွဲကျ၍ ပြစ်ဒဏ်ချလိုက်သော ဆရာ၊ ဆရာမများ၏ ပြစ်ဒဏ်ကို ကြားရသော အခါ ဖြစ်ရသော စိတ်မကောင်းခြင်းက ပိုဆိုး၏။ စိတ်ထဲကတော့ ကလေးတွေ မကြားအောင် ပြောနေ မိသည်။

"ကလေးတွေကို စာမေးပွဲကျရင် ဒီအပြစ်ကလွဲလို့ ကြိုက်တဲ့အပြစ် ပေးပါလား ဆရာ၊ ဆရာမတို့ရယ်" ဟု။ ။

သားလတ်

(ထူးခြားဂျာနယ်၊ အတွဲ ၁ - အမှတ် ၁၂၊ ၁၉၉၉ ခုနှစ်၊ ဇွန်လ ၂၄ ရက်)

1 comments:

rose said...

ဝတ္ထုတိုလေး လာဖတ်သွားတယ်ရှင့်။ အင်း... မတတ်နိုင်တဲ့ သူတွေလည်း ကျောင်းမနေရတော့မယ့် ခေတ်ပဲနော်။ တွေးရင် စိတ်ညစ်ပါတယ်။

Related Posts Plugin for WordPress, Blogger...