Sunday, October 10, 2010

"ချစ်သူ့ကျေးဇူး"

မျက်ဝန်းနက်လေးရယ်
စကားတွေအဝေးဆုံးကယူဆောင်လာခဲ့
နွမ်းယဲ့နေတဲ့နှလုံးသားကိုအသက်သွင်း
မနက်ခင်းလေးတွေကိုရင်ခုန်ခွင့်ရလို့ကျေးဇူးပါ။

နှုတ်ခမ်းပါးလေးရယ်
ခွန်အားတွေကိုအနက်ရှိုင်းဆုံးကတူးဖော်ပေးခဲ့
ပျောက်ဆုံးနေတဲ့ဘ၀ကိုပြန်ရှာတွေ့
မမေ့နိုင်တဲ့အိပ်မက်တွေကိုမွေးဖွားခွင့်ရလို့ကျေးဇူးပါ။

ရှင်းသန့်လွန်းတဲ့မျက်နှာလေးရယ်
အချစ်တွေကိုအမှေးမှိန်ဆုံးကတောက်ပစေခဲ့
သေးငယ်မှုန်ဝါးနေတဲ့ကိုယ့်ရုပ်ကိုပုံဖော်မိလာ
ရှင်သန်ခွင့်တစ်ခါပြန်ရတဲ့အတွက်ကျေးဇူးပါ။

ရိုးသားလွန်းတဲ့နှလုံးသားလေးရယ်
မမြင်ခဲ့ဖူးတဲ့အကြင်နာမေတ္တာတွေကိုပေးလှည့်ပါ
မရခဲ့ဖူးတဲ့စေတနာ, ကရုဏာတွေကိုဖန်ဆင်းလှည့်ပါ
သူငယ်ချင်းတစ်ယောက်, ချစ်သူတစ်ယောက်
နှမတစ်ယောက် , အမေတစ်ယောက် ရဲ့ချစ်ခြင်းမျိုးတွေစီရင်လှည့်ပါ
အခါခါအထပ်ထပ် အချစ်ငတ်မွတ်နေတဲ့နှလုံးသားတစ်ခုကိုပေါင်းစည်းလှည့်ပါ
ဒဏ်ရာတွေနဲ့အိပ်မက်ဆိုးကို ယုယလှည့်ပါ
မျှော်လင့်အနာဂတ်လေးကို တီထွင်ပေးလှည့်ပါ
ဆုံးရှုံးအတိတ်လေးကိုပြုစုပေးလှည့်ပါ
ကြေကွဲပစ္စက္ခလေးကိုဖေးမပေးလှည့်ပါ
ဘ၀ရဲ့အရသာကို
လူထဲမှာရှိနေတုန်းခံစားခွင့်
တစ်ခါလောက်ကျေးဇူးပြုလှည့်ပါကွယ် ။ ။

သားလတ်


( ' သင်းကွဲငှက်တစ်ကောင်ရဲ့ဒိုင်ယာရီ ' ကဗျာစာအုပ်မှ )

0 comments:

Related Posts Plugin for WordPress, Blogger...